PD

selia-PD-1280x713.jpg
G. P.17:29 | 21/10/2019

Aleatët opozitarë po zhvillojnë një mbledhje këtë të hënë. Takimi po mbahet në selinë e Partisë Demokratike. Prezentë në mbledhje janë Basha, kryetarja e LSI-së, Monika Kryemadhi, kreu i PR-së, Fatmir Mediu, ai i PAA-së, Agron duka, kreu i LZHK-së, Dashamir Shehi dhe kreu i PDK-së, Nard Ndoka.

Mësohet se do të jenë të paktën dy teza që do të diskutojnë krerët e partive opozitare. Fillimisht bëhet fjalë për strategjinë që do të ndjekë opozita pas vendimit që mori Brukseli kundër çeljes së negociatave.

Së dyti, pritet të diskutohet për një dokument që po harton PD-për reformën zgjedhore. Edhe pse nuk merr pjesë në Komisionin e Posaçëm të Reformës Zgjedhore, ekspertë të PD-së po punojnë për një dokument, i cili do të diskutohet me aleatët.

Lulzim Basha sot më herët, ka dhënë edhe një konferencë për shtyp, ku ka kërkuar dorëheqjen e kryeministrit Rama, pas dështimit me hapjen e negociatave për anëtarësim në BE, të Shqipërisë dhe Maqedonisë më 18 tetor./abcnews.al

IMG_0969-1280x853.jpg
G. P.15:07 | 19/10/2019

Sekretari i PD-së për marrëdhëniet ndërkombëtare, Arben Kashahu, gjatë një konference për mediat deklaroi se fajin për mos hapjen e negociatave e ka kryeministri Edi Rama dhe jo Europa.

Sipas tij, janë disa faktorë që e pengojnë integrimin e vendit, duke përfshirë korrupsionin, manipulimin i zgjedhjeve dhe sundimi i dështuar i kryeministrit Rama.

Sipas PD-së, Edi Rama duhet të japë dorëheqjen dhe të çlirojë vendin nga keqqeverisja. Ndër të tjera në deklaratën e Kashahut thuhet se vetëm duke siguruar zgjedhje të lira e të ndershme dhe barazi para ligjit, Europa do të na pranojë në familjen e saj.

DEKLARATA E PARTISË DEMOKRATIKE

Edi Rama vuri sërish interesin e pasurisë dhe pushtetit të tij personal përpara interesit të shqiptarëve dhe fatit europian të Shqipërisë. Ai ka vënë në levizje mekanizimin e propagandës për të fajësuar Bashkimin Europian, duke mos i njohur vetes asnjë përgjegjësi pse Shqipërisë nuk iu hapën sërish negociatat.

Faji nuk është i Europës! Pengesa kryesore për moshapjen e negociatave është Edi Rama. Ai ka 6 vjet që, me keqqeverisjen e tij, po bllokon ëndrrën e shqiptarëve për t’u bërë pjesë e familjes europiane. Ndaj, duhet të jetë e qartë për të gjithë, nëse Shqipëria do që të bashkohet me Bashkimin Europian, kjo do të ndodhë pa Edi Ramën.

Për të mirën e vendit, Edi Rama duhet të japë dorëheqjen. Nëse ai do të vendoste ineteresat e shqiptarëve para interesave të tij, Rama do të ikte, do të na çlironte nga qeverisja e tij e dështuar dhe do të na linte të ecnim drejt Bashkimit Europian.

Ndaj të mos ketë asnjë dyshim se ky vendim është një dështim personal për Edi Ramën. Nuk ka të bëjë me Shqipërinë, por ka të bëjë me Edi Ramën.

Nuk janë problemet e brendshme të Europës ato që pengojnë vendet europiane të hapin negociatat me Shqipërinë. Është korrupsioni, manipulimi i zgjedhjeve dhe sundimi i dështuar i Edi Ramës që nuk bind Bashkimin Europian.

Janë mijëra shqiptarë që kërkojnë azil në Francë, nën qeverinë e Edi Ramës, Shqipëria nuk është më i tyrja, po i një grushti oligarkësh dhe kriminelësh. Në raport me popullsinë, numri i azilkërkuesve shqiptarë gjatë qeverisë së Edi Ramës është më i larti në botë.

Krimi shqiptar është dhjetëfishuar në Hollandë, por trafikantët e drogës në Shqipëri shndërrohen në biznesmenë të fuqishëm, që pasrojnë para dhe blejnë gjithçka, drejtësinë, qeverinë, parlamentin. Për të gjitha këto nuk e ka fajin Europa.

Ky është dështimi personal i Edi Ramës. Është ajo çfarë ka mbjellë 6 vjet në drejtimin e vendit, duke shkelur pa mëshirë interesat e shqiptarëve, duke i zbuar ata nga vendi dhe duke e bërë Shqipërinë parajsën e krimit të organizuar dhe të disa klientëve të tij, me të cilët grabit pasuritë e shqiptarëve dhe i varfëron ata.

Shumica dërrmuese e shqiptarëve e kanë kuptuar se përsa kohë Shqipëria do të drejtohet nga Edi Rama, vendi ka për të bërë vetëm hapa prapa. Edi Rama nuk ka ndërmend të përmbushë as 9 kushtet e Bundestagut gjerman, që për opozitën janë udhërrëfyesi për nxjerrjen e vendit nga kriza.

Vetëm duke siguruar zgjedhje të lira e të ndershme, vetëm duke zbatuar standardet më elementarë për barazinë para ligjit, Shqipëria do të bëhet si Europa dhe Europa do të na pranojë në familjen e saj.  /abcnews.al

IMG_0792-1280x853.jpg
G. P.15:23 | 18/10/2019

Partia Demokratike akuzon kryeministrin Rama se me vendimin për të emëruar me forcë në krye të Akademisë së Shkencave, Skënder Gjinushin uzurpoi edhe institucionin kryesor të shkencës në Shqipëri. Ish-deputeti Luçiano Boçi e cilësoi regres shkencor, moral dhe politik rikthimin e Gjinushit në Akademi.

Deklarata e plotë:

Edi Rama vazhdon të uzurpojë e të pushtojë institucionet e pavarura kushtetuese me kamikazët e tij politikë, duke ricikluar figura si Skënder Gjoinushi, që i shërbyen regjimin komunist edhe gjatë rënies së tij.

Pasi i imponoi Akademisë së Shkencave një ligj krejtësisht sovjetik dhe antikushtetues, ai sot vuri në krye Akademisë ministrin e fundit të diktaturës komuniste, duke shkelur plotësisht Kushtetutën dhe Ligjin për Akademinë e Shkencave.

Emërimi me dhunë i Skënder Gjinushit është realizuar sot nën presion politik. Ai është një regres shkencor, moral dhe politik, një uzurpim në grup i një posti publik.

Skënder Gjinushi është rrëzuar me dekret nga Presidenti i Republikës, por Edi Rama, në vend që të ikë bashkë me të, për dështimin e tij personal me negociatat, kthen Akademinë e Shkencave në një organizatë tjetër politike.

Në krye të Akademisë së Shkencave nuk mund të emërohet një person me angazhim të qartë politik, një person pa asnjë kontribut shkencor, një person i cili, përveç mendësisë komuniste, nënshtrimit ndaj Edi Ramës dhe Tom Doshit, nuk nuk mund prodhojë  asgjë shkencore e bashkëkohore.

Kryesia e Akademisë ka bashkëpunuar dhe pranuar të përdoret për të kryer këtë emërim tërësisht antiligjor, duke marrë mbi vete të gjitha përgjegjësite ligjore dhe morale përpara opinionit shoqëror dhe kombit.

Për të zbatuar porosinë politike të Edi Ramës, kryesia emëroi Gjinushin duke i dhënë fuqi prapavepruese ligjit të ri të Akademisë së Shkencave për një proces të përfunduar me ligjin e vjetër.

Emërimi i paligjshëm i Skënder Gjinushit në krye të Akademisë së Shkencave shkallmon shtetin ligjor pikërisht atje ku duhej të ishte shtëpia e së drejtës, shtëpia e dijes dhe e elitës së kombit.

Partia Demokratike kundërshton me forcë këtë uzurpim të Akademisë së Shkencave nga Edi Rama dhe Skënder Gjinushi, si dhe dënojmë çdo ndërhyrje politike në Akademi.

Emërimin e turpshëm dhe të paligjshëm të ushtarit të Edi Ramës dhe Tom Doshit në Akademinë e Shkencave, ne do ta ankimojmë në Gjykatën Kushtetuese, sapo kjo gjykatë të jetë funksionale. /abcnews.al

IMG_0683-1280x853.jpg
G. P.11:14 | 18/10/2019

Sipas Partisë Demokratike, qeveria do të miratojë së shpejti në parlament aktin normativ që vulos dështimin e Edi Ramës me ekonominë edhe këtë vit. Sipas drejtorit të kabinetit, Dorian Teliti Rama do miratojë akti normativ që fsheh të vërtetën mbi dështimin e mbledhjes së të ardhurave, heq shpërblimet për pensionistët dhe ul ndjeshëm investimet.

Sipas tij, qeveria dështon në mbledhjen e të ardhurave, ku nga tatimet e doganat do të jenë 90 – 100 milionë dollarë më pak të ardhura.

DEKLARATË E PARTISË DEMOKRATIKE, DREJTORI I KABINETIT DORIAN TELITI

Qeveria do të miratojë së shpejti në parlament aktin normativ që vulos dështimin e Edi Ramës me ekonominë edhe këtë vit. Me gjithë përpjekjet tinëzare për të fshehur dështimin, të gjithë treguesit flasin për përkeqësimin e mëtejshëm të ekonomisë së vendit, për më pak punë, për më pak para në xhepat e shqiptarëve.

Akti normativ qeveritar:

  1. Fsheh të vërtetën mbi dështimin e mbledhjes së të ardhurave.
  2. Nuk parashikon shpërblime për pensionistët dhe të pamundurit.
  3. Ul ndjeshëm investimet në projekte zhvillimore dhe infrastrukturë.
  4. Braktis qëllimisht ish të përndjekurit.

Ecuria negative e mbledhjes së të ardhurave, ku vetëm nga tatimet dhe doganat në 8 muajt e parë, mungonin mbi 60 milion dollarë, do të vazhdojë të thellohet akoma edhe më shumë gjatë muajve të fundit të vitit. Edi Rama ka në tryezën e tij të punës një dokument konfidencial, ku parashikohet që, me ritmet aktuale, të ardhurat nga tatimet e doganat do të jenë 90 – 100 milionë dollarë më pak.

Akti normativ i qeverisë i ndan shqiptarët në qytetarë të dorës së parë dhe qytetarë të dorës së dytë.

Qeveria e Edi Ramës paguan me miliona oligarkët dhe klientët e vet, por nuk parashikon asnjë qindarkë për shpërblimin e fund vitit të pensionistëve dhe të familjeve  në nevojë.

Kjo qeveri që erdhi në pushtet me mashtrimin e dëmshpërblimit të plotë të ish të përndjekurve politikë, i ka braktisur ata. Me vetëm 12 milionë dollarë për dëmshpërblimin financiar, kjo qeveri e ka zgjatur mbi dy dekada afatin për të shlyer plotësisht faturën financiare.

Qeveria e Edi Ramës paguan qindra milionë për PPP, por shkurton investimet publike që gjenerojnë mirëqenie. Me këtë akt normativ, Qeveria ka vendosur të shkurtojë nga buxheti me 30 milionë dollarë nga shpenzimet për investime publike, duke ulur ndër të tjera, investimet në sigurinë ushqimore, zhvillimin rural, ujësjellës kanalizime, arsim profesional dhe universitar, duke shkelur për të disatën herë premtimet ndaj studenteve.

Me moton të vjelim sa më shumë nga djersa e shqiptarëve e t’i bëjmë paratë e tyre  “rrush e kumbulla” për t’u pasuruar me një grusht oligarkësh, kjo qeveri dëshmon çdo ditë kapitullimin e saj në politikat ekonomike dhe vulos rrënimin e shqiptarëve.

Partia Demokratike është e vetmja alternativë e besueshme qeverisëse! Me programin tonë që ka në bazë vullnetin e çeliktë për të siguruar konkurrencë të ndershme në treg dhe për të luftuar korrupsionin, ne do ta nxjerrim vendin nga kriza e besimit dhe e shpresës, do të rimëkëmbim ekonominë dhe do të punojmë për mirëqenien e çdo familjeje shqiptare./abcnews.al

pd.jpg
G. P.12:22 | 16/10/2019

Kreu i PD-së së Durrësit, Ferdinand Xhaferri, denoncon sot një përplasje me armë të ndodhur në lagjen nr 4, të qytetit. Sipas, nga përplasja me armë e bandave të rilindjes është goditur me armë Drejtori i Përgjithshëm i Hekurudhave dhe Kryetari i Këshillit Bashkiak Ani Dyrmishi.

Në një deklarate për mediat, Xhaferri, ka thënë se “Drejtori i policisë i qarkut Durrës, rilindasi Lorenc Shehu, i ardhur jo për të vendosur rendin në qytet, por për të negociuar sherret e bandave të PS, e ka fshehur ngjarjen”.

Sipas tij, tre ditë më parë, qytetarët e Durrësit panë mbledhjen e Këshillit Bashkiak. Një këshill që politikisht është një ngjyrësh, por që është ndarë keqas midis klaneve të rilindjes, në luftën per abuzime dhe gllabërime.

Deklarata e plotë

Te nderuar gazetare, diten e Hene duke u gdhire e Marte, ne qender te Durresit ne lagjen nr 4, si pasoje e perplasjes te bandave te rilindjes goditet me arme Drejtori i Pergjithshem i Hekurudhave dhe Kryetari i Keshillit Bashkiak Ani Dyrmishi.

Drejtori i policiese i qarkut Durres, rilindasi Lorenc Shehu, i ardhur jo per te vendosur rendin ne qytet, por per te negociuar sherret e bandave te PS, e ka fshehur ngjarjen.
Tre dite me pare, qytetaret e Durresit pane mbledhjen e Keshillit Bashkiak. Nje keshill qe politikisht eshte nje ngjyresh, por qe eshte ndare keqash midis klaneve te rilindjes, ne luften per abuzime dhe gllaberime.

Qytetaret prisnin te degjonin planin e masave per tejkalimin e demeve te termetit, por zonja Sako, pa bere preventive, kerkon 500 milion leke per riparimin e dyerve dhe te dritareve te bashkise. Eshte per te ardhur keq dhe turp per nivelin ku ka arritur institucioni i bashkise, kur kryetarja e bashkise, ne 2019, ne mbledhje te Keshillit Bashkiak kerkon informacion per kontributet qe ka ne PS, sekretarja e sapo emeruar e Keshillit Bashkiak.

Durresi sot nen drejtimin e rilindjes, eshte nje qytet i vjedhur, nje qytet i neperkembur, nje qytet i braktisur. Nuk ka si shpjegohet ndryshe, kur si asnjehere me pare, te gjithe drejtuesit institucioneve kryesore vijne nga Tirana.
Ketu fillojme me:
1 Nen kryetaren e bashkise Etleva Kondi ngaTirana
2 Drejtori i autoritetit portual Agron Tare nga Tirana
3 Drejtori i Drejtorise detare Paulin Ndreu nga Tirana
4 Drejtoria Arsimore ne nivel Qarku, Valentina Leka nga Elbasani
5 Drejtoresha e Drejtorise Arsimore per qytetin Erjeta Alhysa nga Tirana
6 Drejtor i Agjensise Kombetare te Ushqimit Ardit Tabaku nga Tirana
7 Drejtori i Agjensise shteterore te Kadastres ne Durres, Arian Cengu nga Tirana
8 Drejtori i Doganes ne Durres, Rubin Shehu i ardhur nga Tirana
9 Tek inspektoriati i Mjedisit Besart Meta nga Tirana

Te gjitha sa thame me larte, qartazi deshmojne se me 30 qershor kishim votime, por jo zgjidhje. Partia Demokratike si ne nivel politikash dhe ne nivel burimesh njerezore po pergatitet per te adresuar me cilesine e duhur problemet qe kane qytetaret./albeu.com

LAJME-ORA-19-00002.mpg_snapshot_13.32-1280x720.jpg
ent ela21:06 | 14/10/2019

“PD duhet t’i qaset shqiptarëve se me ata do e fitojë këtë betejë, të frymëzojë njerëzit dhe të kuptojë për çfarë do e bëjmë këtë betejë”. Kështu u shpreh në studion e Mbrëmje në ABC News të Mirela Milorit, ish deputetja demokrate Grida Duma, teksa u pyet nëse PD ka vullnet për të gjetur një mënyrë që të hyjë në institucione.

“Duhet të tregojmë që nuk jemi më pak të këqinj, por shumë më të mirë. Pjesa tjetër është të themi që ne jemi zgjidhja, të diskutojmë reformën zgjedhore, ndryshimet në kod elektoral i leverdisin Ramës. Partia duhet të punojë drejt atyre që e besojnë dhe kjo e bën njëshin të sigurt. Për mua sistemi i Kosovës është shumë i mirë”.

Ajo vlerëson Bundestagun gjerman i cili bëri të mundur që opozita jashtë parlamentare të ketë veton për reformën zgjedhore.

“Unë vlerësoj që Bundestagu bëri të mundur një gjë, që reforma zgjedhore të kalojë në ekstraparlamentare, që do të thotë se do ketë veton sikur të jetë në parlament, sikur të ishte në sistem”.

E pyetur për zgjedhjet e parakohshme, Duma sqaron qëndrimin e saj, kur thotë se logjika drejt asaj të çon. Sipas Dumës nëse në 18 tetor nuk hapen negociatat, duhet të ketë radikalitet me çdo mjet.

Zgjedhjet e parakohshme?

“Duhet të ketë dhe logjika aty e çon. Unë e kam qëndrimin tim, një herë e draftuar reforma zgjedhore dhe pasi kemi dalë me platformën tonë vendosen piketat që kërkohet dhe garanci e ndërkombëtarëve, që ne duhet t’i kemi aleatë se çfarë kërkojmë ne dhe se ajo që kërkojmë është e bëshme dhe jo e dhuruar. Dhe pas kësaj pas 18 tetorit, protesta nëse nuk hapen negociatat. Duhet të kemi radikalitet me mjetet nga më të ndryshmet më pas”. /abcnews.al

 

radovani.jpg
nev ila12:58 | 14/10/2019

Nga denoncues në të akuzuar. Si ndryshoi fati i ish-prefektit të Shkodrës Paulin Radovani dhe dy djemve të tij, Elton dhe Berti Radovani. Një prej tyre, pikërisht Eltoni u arrestua në Paraguaj në fillim të muajit Tetor, pasi për të ishte lëshuar një urdhër arresti ndërkombëtar, për llogari të shtetit Shqiptar.

Elton Radovani u arrestua në Paraguaj, pasi gjykata e Shkodrës e kishte lënë në burg me akuzën se ishte i përfshirë në një skenë mashtrimi financiar. Në grupin e fajdexhinjve rezultuan se ishin të përfshirë noterë, avokatë dhe 1 polic.

Në mëngjesin e 14 marsit forcat speciale zbarkuan në Shkodër duke organizuar një operacion që e kishin quajtur “Maranaj”. Në këtë blitz, specialët vunë në pranga 12 persona por nuk kishin arritur të arrestonin vëllezërit Radovani, pasi ata kishin mundur të largoheshin më parë jashtë vendit. Të arrestuarit u akuzuan se ushtronin veprimtari të paligjshme të dhënies së parave hua me një përqindje që varionte nga 3-20% dhe nëse nuk kthehej shuma e huasë, personat e përfshirë në këtë skemë, sekuestronin makinat dhe pronat e personave që kishin marrë huan. Nga ky operacion atë kohë u sekuestruan, toka, dyqane, mijëra euro dhe gjithashtu mori përgëzime edhe nga vetë kryeministri Rama.

Përshëndetje dhe përgëzime të gjithë forcave policore që u angazhuan në superoperacionin e Shkodrës, duke çmontuar dhe çuar prapa hekurave një grup kriminal keqbërësish. Sot Shkodra është më e qetë e më e sigurtë se asnjëherë dhe Policia e Shtetit çdo ditë më efikase”, përshëndeti në atë kohë forcat kryeministri.

Në fakt denoncimin e parë e kishte bërë babai i Elton Radovanit.

Paulin Radovani ishte për shumë vite me radhë edhe një biznesmen i njohur në Shkodër, sipërmarrës në fushën e fasonerisë. Në gjithë këto vite erdhi duke përforcuar biznesin e tij derisa prej 2-3 vitesh nisi një histori e paparashikuar. Dy djemtë e tij, si shkak i bixhozit dhe varësisë ndaj kazinove, nisën duke marrë hua, shuma të mëdha parash tek persona të ndryshëm në Shkodër.

Këto fajde bënë që ish-prefekti të nisë dhe të shesë disa prej pronave të tij. Disa i shiti brenda një kohe të shpejtë, ndërsa disa prona të tjera ia morën fajdexhinjtë duke qenë se nuk kishte shlyer tek ata borxhet që kishte. Disa të tjerëve nuk arriti që t’ia shlyente fajdet dhe kështu nisën që edhe t’i bënin presione.

I ndodhur mes këtyre problemeve në një moment Paulin Radovani ka vendosur që të shkojë në prokurori dhe të denoncojë disa prej emrave të cilëve ai vetë apo dy djemtë e tij i kishin marrë para hua.

Pas denoncimit të tij, prokuroria dhe policia nisën hetimet ndërsa shumë prej bisedave u regjistruan nga vetë ish-prefekti Radovani, i cili ka patur një përgjues që ia kanë dhënë prokurorët kur ka diskutuar këto çështje me fajdexhinjtë. Pas rreth dy muajsh erdhën edhe arrestimet në kuadër të operacionit “Maranaj” duke vënë në pranga shtetasit: Byrhan Alija, 61 vjeç, Edi Memçaj 33 vjeç, Adri Bala 22 vjeç, Artan Dragani ish kancelar ne gjykatën e Shkodrës 39 vjeç, Marjan Bregu 31 vjeç, Vinko Nikprelaj 37 vjeç, Eduart Fusha 38 vjeç, Elidon Qerimaj 41 vjeç, Pashko Vuksanelaj 54 vjeç, Lul Sylja 48 vjeç, Naim Ahmetaj 52 vjeç dhe Ilir Sokoli 38 vjeç, ish drejtor i patentave në Shkodër, 3 të tjerë u shpallën në kërkim  ndërsa u pezulluan nga detyra Valbona Hajdari notere në Shkodër dhe Ergys Lohja, efektiv policie.

Por Elton Radovani ishte i përfshirë edhe në politikë më parë, ku ishte pjesë e Këshillit Bashkiak të Shkodrës nga partia LSI, porse në Mars të 2018 katër këshilltar bashkiakë, mes tyre edhe Radovani, ikën nga LSI dhe iu bashkuan PS, me arsyetimin se koalicioni PD-LSI, ishte kthyer në një koalicion anti-shqiptar që kishte vënë në jetë një skenar të bekuar nga qarqet pro-ruse.

Largimin katër anëtarët e LSI e dhanë me anë të deklarate për shtyp.

Elton Radovani tashmë i arrestuar në Paraguaj, në vijim pritet të ekstradohet në Shqipëri./abcnews.al

gazmend-bardhi.jpg
G. P.20:20 | 13/10/2019

Sekretari i Përgjithshëm i Partisë Demokratike, Gazment Bardhi, ka reaguar në lidhje me deklaratën e Ministrit të Brendshëm, Sandër Lleshaj, pas përfundimit të protestës.

“Sander Lleshaj nuk mund ta kuptojë qendresën e burrave, grave dhe fëmijëve në mbrojtje të shtëpive të tyre nga fadroma e korrupsionit të shefit të tij Edi Rama, sepse Sandër Lleshaj nuk ka derdhur ndonjëherë djersë për shtëpinë e tij”, shkruan Badhi.

Sipas sekretarit të PD-së, Lleshaj jeton në dy shtëpi të padeklaruara.

“Për njërën ka marrë kredi të butë nga qeveria që në 2009 dhe, në mënyrë të paligjshme, nuk e ka përdorur deri në vitin 2018, sa janë të dhënat zyrtare.

Shtëpia tjetër ku Sandër Lleshaj jeton është në Lalz, por ajo nuk figuron askund. Të gjithë e dinë që ministri katil, që nxjerr policinë kundër grave dhe fëmijëve, por nuk lufton krimin, jeton sa pranë qendrës së Tiranës, aq në Gjirin e Lalzit, në shtëpi të padeklaruara”, shkruan Bardhi në Facebook./abcnews.al

ngjarja-ne-unaze.jpg
G. P.16:32 | 13/10/2019

Banorët e Unazës së Re pritet që të zhvillojnë një protestë tjetër pasditen e së dielës. Gazetari i Abc News, Andi Qosja, raportoi se situata është akoma e qetë atje. Njerëzit nuk kanë filluar të mblidhen, megjithatë një orë përpara protestës është parashikuar një mbledhje për të organizuar protestën.

Një nga organizatorët e tubimit, Lutfi Kastrati tha për Abc News se banorët janë të zhgënjyer për shkak të vendimit politik që u dha nga gjykata ditën e sotme për tre të arrestuarit e Unazës së Re. Ai tha se në protestën e orës 18:30 pret pjesëmarrje jo vetëm nga banorët e zonës, por edhe qytetarë të Tiranës.

“Ne në radhë të parë jemi shumë të zhgënjyer me vendimin politik të dhënë sot nga gjykata për banorët e Unazës së Re. Ne prinim ta vlerësonin të paligjshëm ndalimin, ndërkohë me urdhër politik u lanë në burg pa afat. Do të merret një vendim, nuk mund t’ju jap detaje sepse nuk është diskutuar akoma.  Ne e dinim që do mbaheshin në burg sepse edhe gjyqtar i kësaj çështje ishte babai i një kryetari të FRESSH-it të PS, do të thotë një njeri tërësisht politik. Lirohet Saimir Tahiri, nuk ka bërë asnjë ditë burg, ndërsa mbahen në burg banorët. Duhet të mbahet e gjithë unaza. Të njëjtën vepër penale ka kryer e gjithë unaza. Prandaj është dënim politik.  Presim pjesëmarrje të banorëve, jo vetëm të Unazës, qytetarëve të Tiranës, por edhe më gjerë. Fatmirësisht do jetë edhe kreu i PD. Ka qenë një mbështetje e rëndësishme për kauzën tonë që po kthehet në kauzë kombëtare. U bëjmë thirrje qytetarëve të Tiranës ta mbështesin protestën”, tha Kastrati.

Gjashtë persona janë arrestuar pas protestave të organizuar nga banorët e Unazës së Re. Për tre prej tyre, është dhënë masa e sigurisë arrest me burg, ndërsa tre të tjerë pritet të dalin të hënën para gjykatës.

Partia Demokratike e ka konsideruar këtë vendim si politik, dhe ka paralajmëruar se do të marrë pjesë në tubimin që do të zhvillohet sot në orën 18:30. Prezent në protestë do të jetë edhe kreu i selisë blu, Lulzim Basha. Mësohet se në mbështetje të banorëve do të jenë edhe sekretari i Përgjithshëm Gazment Bardhi, kryesia e PD dhe ish-deputetë.

Për të pasur pjesëmarrje masive në protestën e pasdites së sotme, çdo kryetari grupseksioni i është kërkuar të marrë masat për të qenë prezent, si dhe të lajmërojë strukturën për pjesëmarrje në mbështetje të protestuesve të Unazës së Re.

Gjithashtu, të gjithë drejtuesit e departamenteve, si dhe anëtarët e Këshillit Kombëtar janë njoftuar të marrin pjesë në protestë./abcnews.al

edmond-spahoo.jpg
nev ila15:19 | 11/10/2019

Opozita do të refuzojë të marrë pjesë në tryezat e organizuara nga Kuvendi për Reformën Zgjedhore, nëse më herët maxhoranca nuk do të shprehet për draftin me 5 pika të propozuar prej tyre. Në një intervistë për ABC NEËS, nënkryetari i PD, Edmond Spaho kërkon largimin e menjëhershëm të Damian Gjiknurit nga drejtimi i komisionit.

Partia Demokratike refuzon të ulet në tryezën e reformës zgjedhore me maxhorancën pa marrë më parë një përgjigje për platformën me 5 pika që paraqiti në takimin e zhvilluar me OSBE-në pak ditë më parë. Në një intervistë për ABC News, nënkryetari i PD, Edmond Spaho thekson se drafti i opozitës i jep zgjidhje jo vetëm çështjeve thelbësore të reformës por edhe krizës politike.

Bashkëkryetari i Komisionit të Reformës Zgjedhore, Damian Gjiknuri deklaroi një ditë më parë se miratimi i reformës mund të bëhet në dy faza.

Por për Spahon në vend të propozimeve Gjiknuri në pozitat e personit të kapur në përgjime në shit-blerje votash aktin e parë që duhet të bëj është të jap dorëheqjen.

Partia Demokratike refuzoi të marrë pjesë në mbledhjen e zhvilluar në Kuvend për Reformën Zgjedhore. Ndërkohë që maxhoranca ka premtuar se propozimet e demokratëve do të mund të diskutohen në një tjetër tryezë që do të organizohet me përfaqsues ndërkombëtarë dhe anëtarë të shoqërisë civile./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono