PD

642dda3c-5cde-4d5b-9942-b499f7ebb7bb.jpg
R D16:41 | 25/01/2020

Sekretari i Përgjithshëm i PD, Gazment Bardhi gjatë një takimi me strukturat partiake të qarkut të Tiranës, kërkoi përsëritjen e zgjedhjeve lokale. Ai tha se ” pushteti vendor duhet t’u kthehet qytetarëve, që me votë të lirë të zgjedhin kryebashkiakun që punon për interesin e tyre dhe jo të qeverisen nga shërbëtori i radhës”.

Sipas tij, banorët e Kamzës, Paskuqanit, Vorës dhe Rrogozhinës janë më të diskriminuarit dhe më të papërfaqësuarit. “Ata drejtohen nga kryebashkiakë ilegjitimë, të votuar nga vetëm 6 përqind e elektoratit, si në rastin e Kamzës”, theksoi Bardhi.

“Megjithë presionin, kërcënimet dhe padrejtësitë, demokratët në Kamëz, Paskuqan, Vorë dhe Rrogozhinë janë në kontakt të vazhdueshëm me qytetarët, të gatshëm t’i japin Partisë Demokratike dhe opozitës energjinë e fitores.

Sëbashku po punojmë që t’u kthejmë qytetarëve të drejtën për të zgjedhur, të drejtën për të kërkuar llogari, të drejtën për të shkarkuar kryeministrin dhe kryebashkiakun që nuk mban premtimet. Pushteti vendor duhet t’u kthehet qytetarëve, që me votë të lirë të zgjedhin kryebashkiakun që punon për interesin e tyre dhe jo të qeverisen nga shërbëtori i rradhës i pushtetit të kriminalizuar të Edi Ramës”, tha më tej Gazment Bardhi. /abcnews.al

salianji-1-1280x723.jpg
in a12:50 | 24/01/2020

I ftuar në studion e “ABC News”, me Juli Xhokaxhi, ish-deputeti i Partisë Demokratike, Ervin Salianji ka folur për videon e kryebashkaikut të Bulqizës, Lefter Alla që u filmua duke marrë lëndë narkotike. Salianji u shpreh se një kryetar bashkie duke thithur drogë është sot thelbi i diskutimit, ndërsa theksoi se kjo nuk është ndonjë gjë e re për të dhe se nuk ka ndonjë lajm në këtë histori.

“Institucionet duhet të ishin mankthi i banditëve dhe kriminelëve, ndërkohë që ata vazhdojnë të qëndrojnë në institucione publike. Nuk ka lidhje PD, nuk kam pasur dijeni deri ditën që video është shfaqur, dhe padiskutim reagimi jonë ishte i menjëhershëm. Edhe reagimi i qeverisë duhet të jetë i menjëhershëm për ta shkarkuar. Nuk është ky rasti i parë. Këta vazhdojnë të qëndrojnë në detyrë pavarësisht se janë kapur me “presh në duar” si shkelës”, tha Salianji.

Gjithashtu ai u shpreh se ka shumë denoncime në çdo zonë për kryetarët e bashkisë.

“Kemi deputetë me precedent të rëndë penal, ky njeri sot ndan me krimin pushtetin. Kryetarja e bashkisë së Durrësit iku për shkak se ia dorëzoi sërish krimit Bashkinë. Çfarë ka pasur të dënuar nga koha e PD po dalin tani. Ka kaq shumë denoncime në çdo zonë për kryetarët e bashkisë. Janë plotësisht mjaftueshëm për të tronditur opinioni publik. Nuk ka rëndësi të madhe se kush janë emrat e tjerë. Kanë zaptuar zyrat e bashkive për shkak të përfshirjes së Ramës drejtpërdrejt me krimin”, tha më tej Salianji.

Pyetje: Uleni në tryezë me njerëz që i keni konsideruar se duhet të jenë pas hekura.

Salianji: Nuk mund ta zgjedhim dot drejtpërdrejtë kundërshtarin politik, i vetmi kusht i Bundestagut ku ne mund të japim kontribut është reforma zgjedhore. Nuk ka asnjë diskutim që nesër atë qeverisje do ta çojmë para drejtësisë penale, më konkretisht , Damian Gjiknurin.

Pyetje: Pse tani zgjodhët të uleni me kundërshatarin ndërkohë që Rama ka bërë thirrje edhe më parë për të diskutuar.

Salianji: Gjithçka ka të bëjë më kohën, nuk kishte të njëjtën vëmendje ndërkombëtare ndaj Shqipërisë, Rama e kërkonte uljen në tryezë për propagandë. Për shkak të aksionit tonë politik 6 mujor u kthye vëmendja e ndërkombëtare duke vendosur edhe kushtet e Bundestagut.

Zgjedhje të parakohshme pas miratimit të reformës zgjedhore?

Salianji: Nuk mund ti themi jo ndryshimit politik. Ka një trysni ndërkombëtare ndaj Ramës për të bërë ndryshim. Po kërkojmë që të garantojmë kushtet për zgjedhjet e lira dhe të ndershme. Kërkojmë largimin e Ramës.

Më tej ai tha se një njeri që përfshin bandit në vendimmarrje do të rezistojë, por ne do ta çmontojmë. “Ndëshkimi i personave që janë kapur me shit-blerjen e votës”, tha Salianji.

Sa i përket skandaleve të qeverisjes Rama, a është paaftësi e opozitës për të rrëzuar këtë qeveri?

Kanë qenë insistimet tona për të zbuluar skandalet me denoncime. Ka shumë njerëz që mendojnë s kjo punë zgjidhet me armë. Por ne kemi bërë denoncimet , kemi paraqitur opsionet tona për çdo skandal të qeverisjes. Po përdorim të gjitha mekanizmat që ne ta shkurtojmë jetën e qeverisë për shkak se Shqipëria po shkon keq e më keq.

Ne rast se nuk do të kemi zgjedhje të parakohshme, cili do të jetë reagimi i opozitës?

Salianji: Kemi një çmontim të qeverisjes në sytë e publikut dhe një rritje të PD. Kemi ndjekur një strategji që të çojmë rrëzimin e Ramës për sa më pak kosto për shqiptarët. Presioni të çon në largim, por dikush që thith tasim me kokainë nuk largohet nga presioni politik. Besoj se do të ketë zgjedhje të parakohshme”, u shpreh më tej Salianji.

Pyetje: Në rast se zgjedhjet e parakohshme realizohen dhe Edi Rama fiton?

Salianji: Në çfarëdo lloj zgjedhjesh të kemi PD dhe opozita është qeverisja e nesërme.

/abcnews.al

basha-4.jpg
in a12:17 | 23/01/2020

Lideri i Partisë Demokratike, Lulzim Basha në rrejtin social “Facebook” ka raeguar me kritika të ashpra ndaj qeverisjes Rama.

Sipas tij kjo qeveri po shkatërron ekonominë e vendit. Bazuar te raportimet e fundit nga “Transparency International” Basha thotë se qeverisë Rama i duhet paketa ligjore “Anti-Fjalës së Lirë”, për të penguar daljen në shesh të korrupsionit masiv qeveritar që po përmbyt Shqipërinë.

Statusi:

“Degradimi i skajshëm dhe kriminalizimi kapilar i qeverisjes Rama, është një realitet i hidhur që provohet qartë nga raportet më të besueshme profesionale të organizatave prestigjioze ndërkombëtare sikurse është Transparency International. Korrupsioni i kësaj qeverie po shkatërron ekonominë dhe po na kalb atdheun.
Sipas Indeksit të Perceptimit të Korrupsionit të realizuar nga kjo organizatë, për shkak të qeverisjes aktuale, Shqipëria po pëson një përkeqësim dramatik të gjendjes së korrupionit duke zbritur edhe 7 vende të tjera vetëm gjatë vitit të fundit.
Në mesin e 180 shteteve të marra në shqyrtim për nivelin e integritetit, Shqipëria renditet në vendin e 106-të, në të njëjtin nivel me vende si Bregu i Fildishtë apo Mongolia.
Ja pse i duhet qeverisë Rama paketa ligjore “Anti-Fjalës së Lirë”, për të penguar daljen në shesh të korrupsionit masiv qeveritar që po përmbyt Shqipërinë”, shkruan Basha./abcnews.al

81316f2c-063e-4b5d-a508-477df99140ac.jpg
R D11:03 | 22/01/2020

Banorët e Povelçës në Fier protestuan sot kundër abuzimit të OSHEE- së me faturat e energjisë pas ndërrimit të matësve të energjisë. Kryetari i degës së PD së Fierit Luan Baçi ishte në mbështetje të protestës së banorëve, duke denoncuar vjedhjen nga kompania e shpërndarjes së energjisë.

“Është një abuzim shumë i rëndë me matësit e energjisë elektrike. Matësit janë hequr nga OSHEE pa paralajmërim, janë montuar sahate të rinj dhe u kanë faturuar afrofe energji elektrike në shuma të konsiderueshme lekësh. Kjo është një vjedhje e hapur. Bëhet për të mbuluar deficitet e tyre”, – u shpreh kreu i degës së PD Fier, Luan Baçi, i cili tha se revoltë për vjedhjet dhe padrejtësitë e shtetit kanë edhe banorët e Hoxharës dhe Darzesës.

“Në Darzezë ka një bojkot nga nxënësit, pasi qeveria u prishi shkollën në mënyrë abuzive, pa dhënë prova se u dëmtua nga tërmeti. Transporti për nxënësit është i pasiguruar”- tha ai.

Ish deputeti Luan Baçi denoncoi si selektiv dhe të padrejtë aksionet e tatimorëve 3 ditët e fundit në Fier.
“Janë lëshuar mbi bizneset e qytetit si hordhi, duke i gjobitur në mënyrë selektive, duke i ndarë qytetarët sipas bindjeve partiake apo pjesëmarrjes në protesta, kanë vënë gjoba marramendëse kundër bizneseve që nuk janë në shkelje të ligjit”- u shpreh Baçi. Ai garantoi banorët për mbështetjen e panderprerë të PD për çdo protestë që godet padrejtësinë, arrogancën dhe vjedhjen që u bëhet nga qeveria dhe bashkia. /abcnews.al

enkelejd-alibeaj.jpg
R D17:23 | 18/01/2020

Ka dhënë dorëheqjen sot shefi i Policisë së Qarkullimit të Dibrës, Robert Aga. Aga është i njohur pasi ka dalë në përgjimet e dosjes “184” për shit-blerjen e votave. Por dorëheqja erdhi pasi vëllai i tij, Pajtim Aga u arrestua për trafik droge. Për këtë ka reaguar Partia Demokratike, duke deklaruar se vëllezërit Aga e mbushën Dibrën me drogë, me garancinë e Kryeministrit Rama. Sipas Enkelejd Alibeajt me lekët e drogës janë blerë zgjedhjet në Dibër. Ai i kërkoi SPAK-ut të nisë hetimet menjëhere për të vënë para drejtësisë ata që vodhën zgjedhjet.

“Mjafton që SPAK- u të ketë vullnet për të çuar para drejtësisë që nga trafikantët e rëndomtë të drogës që kanë vjedhur zgjedhjet, si Robert dhe Pajtim Aga, deri tek porositësit e masakrës së zgjedhjeve në Dibër Edi Rama, Damian Gjiknuri dhe Saimir Tahiri”, u shpreh ai.

Deklaratë e Enkelejd Alibeaj nga selia e PD-së:

Arrestimi i përsëritur për trafik droge i Pajtim Agës së dosjes 184, përveçse dëshmon përshkallëzimin e fenomenit kriminal, konfirmon se krimi, trafiku i drogës dhe liria për të vepruar e kontingjentit kriminal ka mbështetjen e shtetit, të qeverisë dhe policisë.

Kur krimi lidhet me zgjedhjet, ai ka mbështetjen direkte të Edi Ramës.

Pajtim Aga, i arrestuari për trafik droge është vëllai i Robert Agës, drejtorit famëkeq të policisë së Dibrës në vitin 2016, i cili del në përgjimet e publikuara nga BILD si “ushtari i bindur” i Ministrit të Brendshëm Saimir Tahiri.

Ky është shefi i policisë që garantoi mbjelljen e Dibrës me hashash prej të vëllait, tani të arrestuar, i njëjti shef policie që terrorizoi qytetarët e Dibrës për të vjedhur votat e tyre, bashkë me Bablokun e krimit Edi Rama, Damian Gjiknuri, Sajmir Tahiri, Xhemal Qefalia, Ulsi Manja, Pjerin Ndreu e të tjerë.

E gjithë kjo bandë vjedhësish votash, arriti që nën përdorimin e parasë, terrorit policor dhe administratës, të vidhnin votat e dibranëve. I madh e i vogël brenda e jashtë Shqipërisë janë njohur me bëmat e kësaj bande qeveritare, nga Zëri i Amerikës, nga Bild-i gjerman e media të tjera botërore.

I arrestuari recitivist për trafik droge dhe vëllai i tij shef policie në Dibër janë ekzekutues të realizimit të planit për vjedhjen e zgjedhjeve, për të cilin interesohej vetë Babloku Edi Rama.

Robert Aga ishte ai që merrte garanci nga kryeministri dhe ministri i brendshëm, që “të mos e çante kokën” për asgjë, mjaftonte që gostia e bandës qeveritare, me votat e vjedhura, të shantazhuara, të terrorizuara, të blera me paratë e drogës e kanabisit, të kënaqte babëzinë për pushtet dhe para të bandës qeveritare me në krye Bablokun.

Nuk ka provë më të qarte, e më të freskët se kjo ngjarje për t’i kujtuar kujtdo brenda vendit e deri në Bruksel, Berlin e Paris, se plani i vetëm i Edi Ramës për zgjedhjet në Shqipëri është bashkëpunimi gjithnjë e më i fortë, gjithnjë e më i qëndrueshëm, me bandat e krimit dhe bosët e trafikut.

Kjo është një provë e freskët për Prokurorinë, veçanërisht për SPAK-un, se çështjet e korrupsionit të lidhura me krimin elektoral të blerjes së votave i ka përpara syve.

Mjafton që SPAK- u të ketë vullnet për të çuar para drejtësisë që nga trafikantët e rëndomtë të drogës që kanë vjedhur zgjedhjet, si Robert dhe Pajtim Aga, deri tek porositësit e masakrës së zgjedhjeve në Dibër Edi Rama, Damian Gjiknuri dhe Saimir Tahiri. /abcnews.al/

“Jam ushtari yt”, shkarkohet nga detyra kreu i Policisë Rrugore Dibër

0acf7331-84b2-4b30-a1b5-e33c71b08e9b.jpg
So Nila11:54 | 18/01/2020

Anëtari i kryesisë së Partisë Demokratike Eno Bozdo në një deklaratë për mediat është shprehur se propaganda e Edi Ramës po shkatërron sistemin e energjisë.

Bozdo ka theksuar se ndërprerjet e shpeshta të energjisë elektrike në të gjithë Shqipërinë dhe furnizimet me tension të ulët jashtë parametrave teknik, tregojnë kolapsin dhe gjendjen në të cilën ndodhet sektori energjitik.

“Kjo periudhe thatësire po ju fakton shqiptarëve se kjo reformë e sukseshme në sektorin e energjisë elektrike nuk është veçse një mashtrim dhe propagandë e Edi Ramës. Ndërprejet e shpeshta të energjisë elektrike në të gjithë Shqipërinë dhe furnizimet me tension të ulët jashtë parametrave teknik numrit të lartë të defekteve në rrjet si pasojë e mungesës së investimeve ju shtohet edhe një fakt tjetër i pohuar nga OSHEE humbja financiare e kompanisë është 64 milionë euro. Të dhënat tregojnë jo vetëm që nuk ka pasur fitime, por sektori energjitik është në kolaps për shkak të përfitimeve të shfrenuara partiake”, tha Bozdo.

Ndër të tjera anëtari i PD-së në një deklaratë për mediat deklaroi se për shkak të korrupsionit partiak në sektorin e energjisë , janë rritur pasojat në fitimin e bizneseve shqiptare.

“Kompanitë shqiptare humbasin 2 % të produktit të tyre si pasojë e ndërprerjes së energjisë. shifrat tregojnë se jo vetëm klima e të bërit biznes ëeshtë përkeqësuar por sistemet ndodhen në kolaps.Reforma në energjinë elektrike është jetike. Asnjë shqiptar i pamundur nuk do të burgoset më për energjinë, asnjë fëmijë nuk do të mbetet jetim pasi prindi nuk ka më me çfarë të paguajë energjinë. Ata që kanë abuzuar dhe vjedhur paratë do të mbajnë të gjithë përgjegjësitë para ligjit” është shprehur anëtari i kryesisë së PD-së./abcnews.al

foto-tematike-2v1-e1463562392557.jpg
in a19:52 | 17/01/2020

Operatori i Shpërndarjes së Energjisë Elektrike ka mbyllur vitin 2019 me një humbje. Kjo situatë ka ardhur pavarësisht çmimit të energjisë i cili rezulton më i larti në rajon apo masave penalizuese ndaj qytetarëve që nuk paguajnë faturat e energjisë.

Sekretari i Burimeve Njerëzore në PD, Ervin Minarolli në deklaratë për mediat u shpreh se kjo gropë është krijuar nga blerja e energjisë me çmime më të larta se tregu apo edhe për favorizim të klientëve pranë qeverisë.

OSHEE pas kësaj deklarate ka ardhur me një reagim duke pranuar se viti 2019 ishte një vit i vështirë dhe tregon arsyet përse doli me humbje.

OSHEE bën të ditur se ka përmbyllur të dhënat e treguesve kryesore ekonomiko/financiar për vitin 2019, i cili konsiderohet si më i vështiri, për shkak të thatësirës së tejzgjatur që çoi në mungesën e prodhimit nga HEC-et e Kaskadës së Drinit dhe ato private.

Sipas OSHEE se gjatë 2019, shpenzimet për blerje energjie rezultuan 8.9 miliard lekë më shumë se 2018.

Ndryshimi i kontratës së KESH me OSHEE gjatë vitit 2019 e rëndoi edhe më shumë pozitën financiare të kompanisë.

Dy elemente të tjerë, që nuk kanë lidhje me aktivitetin ekonomik të vitit 2019, sipas OSHEE shkaktuan rritje të zërit të shpenzimeve operative dhe rrjedhimisht dhe përkeqësimin e rezultatit financiar vjetor.

Megjithatë OSHEE thekson se në zbatim të planit për menaxhimin e situatës së thatësirës së tejzgjatur, ka mbajtur nën kontroll rigoroz të gjitha llojet e shpenzimeve të tjera operative./abcnews.al

PD: OSHEE 64 MLN EURO HUMBJE

sherefi.jpg
in a19:05 | 17/01/2020

Në 11 shtator të 2016 e gjithë PD-ja ishte në Dibër për të nxjerrë fitues kandidatin e saj, Sherefedin Shehu të zgjedhjeve të pjesshme për kryebashkiak. Shehu humbi përball kandidatit të PS dhe Parti Demokratike shënjestroi Damian Gjiknurin, që drejtoi PS në ato zgjedhje. Emri i Gjiknurit  më pas doli edhe në përgjimet e “Bild” për ato zgjedhje.

Por kjo nuk e pengoi Partinë Demokratike të ulej në tryezë sërish me Damian Gjiknurin për të reformuar Kodin Zgjedhor për të eleminuar shit-blerjen e votës.

Por çfarë mendon, Sherefedin Shehu lidhur më këtë?

“Duhet të ishte kategorikisht siç ishte deklaruar më parë që PD nuk ulet me Damian Gjiknurin. Kemi një person i cili është i provuar si manipulator, vjedhës, natyrisht edhe si servil politik sepse ka qenë dora e Ramës, nuk mund të thuash që ishte autor i masakrës së Dibrës”, u shpreh Shehu.

Damin Gjiknuri nuk është i vetmi problem që sheh Shehu tek tryeza për marrëveshjen mes mazhorancës dhe opozitës. Propozimet e tanishme të PD për kodin ai i quan të zakonshme.

“Ulja ishte e papritur, e papërgatitur, nuk ka një platformë të qartë që të garantojë votën e qytetarëve”, theksoi ai.

As shit-blerja e votës, që qëndron në thelb të marrëveshjes, nuk realizohet, sipas ish-deputetit demokrat Sherefedin Shehut.

“ Shit-blerja e votës nuk mund të ndalohet me ligj, por vetëm me vullnet”, u shpreh ai.

Në diskutimet aktuale zgjedhjet e parakohshme nuk përmenden por Shehu mendon që kjo është ajo që ka ulur PD në tryezë me PS, pas një aksioni jo të zakontë opozitar.

“Publikisht nuk është thënë asgjë, por mund të jetë njëfarë joshjeje që i është bërë PD për ta ulur në tavolinë”, u shpreh Shehu.

Partia Demokratike ka paraqitur në tryezën e bisedimeve për reformën zgjedhore një dokument me 7 pika që kanë të bëjnë me shit-blerjen e votës, ndarjen e politikës nga krimi dhe përfshirjen e strukturave shtetërore në zgjedhje./abcnews.al

osmani-1.jpg
in a15:24 | 17/01/2020

PS dhe PD nuk e kanë ndryshimin e sistemit zgjedhor prioritet i kompromisit të fundit politik, ndërsa opozita ngul këmbë për ndryshime ligjore që do të mbajnë përfundimisht larg krimin nga politika.

Për ish anëtarin e KQZ_së, Hysen Osmani, pak mund të bëjë ligji në këtë drejtim, dhe ajo që i pret krahët krimit mund të jetë vetëm vullneti politik.

“Është vullneti politik i qeverisë dhe vullneti politik i forcave konkurruese. Këto dyja janë faktorët kryesorë për minimizimin e korrupsionit dhe krimit zgjedhor”, tha Hysen Osmani.

Osmani thotë se, që Shqipëria të organizojë zgjedhje të lira e të pranueshme, duhen ndërhyrje në Kushtetutë.

“Duhet të ndryshohet Kushtetuta, marrim shembull nga Maqedonia e cila e ka në Kushtetutë që pesë muaj para datës së zgjedhjeve qeveria jep dorëheqjen dhe krijohet një qeveri teknike për të krijuar procesin zgjedhor”, u shpreh ai.

Kjo edhe në kushtet kur klima e acaruar politike në vend nuk e lehtëson situatën.

“Në këto momente ku jemi para një krize të gjithanshme, qoftë politike ekonomike apo shoqërore, mendoj që ne duhet të krijojmë një qeveri teknike për ta kaluar vendin në zgjedhje”, tha më tej Osmani.

Por cilat janë format e shfaqjes së krimit në zgjedhje.

“Krimi zgjedhor shfaqet në disa forma gjatë procesit zgjedhor, siç  është shitblerja e votës, jo vetëm ai që  blen por edhe ai që e shet. Intimidimi i zgjedhësve nga të fortit ose bota e krimit dhe financimi i forcave politike nga bota e krimit”, u shpreh Osmani.

Një krizë politike u mbyll në vitin 2015, kur PS e PD miratuan ligjin për dekriminalizimin. Ndërsa një përpjekje më e thellë e Partisë Demokratike, ajo e Vettingut në politikë, u rrëzua nga mazhoranca me përkrahjen e Komisionit të Venecias./abcnews.al

ervin-minarolli.jpeg
nev ila11:45 | 17/01/2020

Në një deklaratë për shtyp sekretari i sekretari i burimeve njerëzore, Ervin Minarolli tha se OSHE ka humbur 64 milionë euro vitin që kaloi.

Sipas Minarollit,  humbja është dramatike dhe e ka zhytur këtë institucion në gropë të madhe abuzimesh dhe korrupsioni.

Po ashtu në deklaratën e saj PD tha se, shqiptarët paguajnë faturat më të shtrenjta, ndërsa nga gropa e korrupsionit, kanë përftuar miqtë dhe klientët e kryeministrit.

Deklarata e plotë:

“Operatori i Shpërndarjes së Energjisë Elektrike ka humbur 64 milionë euro vitin që shkoi, duke e zhytur kompaninë publike në një gropë të madhe abuzimesh dhe korrupsioni. Humbja dramatike e kaq shumë parave ndodh, kur shqiptarët paguajnë çmimin më të lartë të energjisë në rajon.

64 milionë eurot që i mungojnë arkës së Operatorit të Energjisë Elektrike janë para të futura në xhepat e Edi Ramës dhe njerëzve të tij, duke blerë energji me çmim më të lartë se tregu, apo duke përdorur paratë poblike për të mbushur xhepat e klientëve të vet, në dëm të financave të kompanisë.

Vitin e kaluar, kompania që përdoret si bankomat nga Edi Rama dhe Vangjush Dako, ka tenderuar rreth 75 milionë euro. Shumica e tyre dërrmuese janë pa garë, më 1 kompani kliente të qeverisë së Edi Ramës, që zhvasin vazhdimisht paratë e shqiptarëve, duke fituar me ofertën më të lartë.

Nuk ka oligark, klient apo shërbëtor politik të Ramës që nuk ka zhvatur para nga tenderat e fryrë të OSHEE-së. Në vitin e gropës së madhe financiare kompania, që mbahet nga faturat e shtrenjta të energjisë dhe paratë e shqiptarëve, ka bërë edhe më të pasur kryebashkiakët ilegjitimë Safet Gjicin e Kukësit, Pjerin Ndreun e Lezhës, Agim Kajmakun e Vorës, Ilir Beqjen e kudogjendur.

Përfitues të miliona eurove në mënyrë të përsëritur nga partia e babëzisë janë miqtë dhe klientët e Edi Ramës, Papuli, Kastrati, Fusha, Gentian Sula i koncesionit të pompave të naftës, Anri Sala i ekspozitave të Edi Ramës apo   kompania që merret me imazhin propagandistik të Ramës dhe Veliajt, DixhiPrint Al.

Nga gropa e korrupsionit të OSHEE-së ka përfituar edhe vëllai i trafikantit ndërkombëtar të drogës Klement Balili. Në vend që të hetohej sipas ligjit antimafia për pasuritë e tij, Bashkim Balili merr tendera nga qeveria e Edi Ramës.

Vetëm në një vit, klientët e kryeministrit të partisë së babëzisë kanë zhvatur nga kompania që ka dalë me humbje, rreth 11.4 milionë euro duke dhënë makina me qera, duke shitur lule, karburant, policë privatë dhe propagandë.

Kjo faturë duhet mbajtur mend mirë, kur secili prej jush, të dashur qytetarë, të shohë faturën e shtrenjtë të energjisë dhe të kujtohet se paratë tuaja po i grabisin një grusht njerëzish, që mbajnë pushtetin me vota të vjedhura dhe të blera nga gropa e zezë e korrupsionit dhe e krimit”./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono