paulo fonseca

fonseca-1280x720.jpg
G. P.23:30 | 08/07/2019

Trajneri i skuadrës së Romës, Paulo Fonseca premton se do të ndërtojë një skuadër të madhe. Kreu i pankinës së verdhekuqëve beson se skuadra do të kualifikohet në Champions League sezonin e ardhshëm.

Trajneri i ri i Romës Paulo Fonseca është shfaqur entuziast dhe i motivuar në ditën e tij të parë të punës. Tekniku synon të ndërtojë një skuadër të madhe dhe ta rikthejë sërish në Champions League.

“Jam shumë i lumtur që jam këtu. Jam maksimalisht i motivuar të punoj me këtë skuadër dhe në këtë qytet. Nuk do të jetë Roma ime, por Roma e të gjithëve. Duam të ndërtojmë një skuadër që të bëjë krenarë tifozët verdhekuq. Kam qenë këtu vetëm si kundërshtar dhe do të bëj maksimumin për të rikthyer atë entuziazëm që karakterizon tifozërinë e Romës. Presidenti Pallota nuk më ka vënë ndonjë objektiv konkret, por unë dua që të rikthehemi në Champions menjëherë pas këtij sezoni dhe në fund të kontratës, të kem fituar diçka me Romën”, tha ai.

Tekniku i verdhekuqve  thekson se ndihet aspak i shqetësuar nëse do të largoheshin futbollistët që nuk janë të motivuar për të dhënë më të mirën e tyre në sezonin e ardhshme për fanellën verdhekuqe.

“Kam folur me drejtorin sportiv dhe duam të sjellim në skuadër emra të motivuar, që janë gati të lënë mënjanë interesat personale dhe të sakrifikohen për të ndërtuar diçka të mirë. Motivimin duhet ta kenë edhe lojtarët që janë aktualisht pjesë e skuadrës, si kusht vendimtar për vazhdimësinë e tyre me fanellën verdhekuqe. Sa i përket Higuain, do të kemi kohë të flasim, nëse do të vijë te Roma, pasi për momentin është i Juves”, thekson trajneri i Romes Paulo Fonseca.

Roma nuk do të luajë sezonin e ardhshëm në Champions League për herë të parë pas rreth një dekade./ABC News Albania 24/7

fons.jpg
G. P.23:45 | 25/06/2019

Skuadra e Romës ka prezantuar trajnerin portugez Paulo Fonseca. Ish tekniku i Shakhtar është entuziast dhe premton sukses me skuadrën italiane.

Roma është gati të nisë një kapitull të ri nën drejtimin e trajnerit Paulo Fonseca. Ish tekniku i Shakhtarit u shfaq tepër entuziast për aventurën e re në kryeqytetin italian.

Situata që aktualisht ndodhet klubi nuk është aspak pozitive pas dy largimeve të Tottit dhe De Rosit apo dështimi për të marrë pjesë në Ligën e Kampioneve. Gjithsesi trajneri portugez beson se klubi do të arrije majat nën drejtimin e tij.

“Është një sfidë e madhe dhe mendoj se do të arrijmë diçka të jashtëzakonshme së bashku. Në momentin që drejtuesit e Romës me telefonuan nuk u mendova dy herë, por pranova ofertën. Kam besimin e plotë të presidentit të Romës dhe shikoj shumë pozitivitet në skuadër. Jam optimist për vështirësitë që na presin, por besoj se do të marrim atë që duam. Skuadra që unë kërkoj është të ketë kurajo dhe të luajë e barabartë me cilin do ekip që ka përballë. Dua që futbollistët t’i kuptojnq idetë e mia dhe t’i bëjmë krenar tifozët”, tha trajneri i ri i Romës Paulo Fonseca gjatë prezantimit.

Verdhekuqtë zhvilluan sezonin më të dobët të dekadës së fundit duke mos siguruar kualifikimin në Ligën e Kampioneve. Kjo solli përplasje mes veteranëve të klubit dhe kupolës drejtuese./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono