pastrim parash

toyota-yaris.jpg
ad min16:01 | 01/10/2019

Gjykata e Krimeve tw Rënda ka shtyrë seancën paraprake për çështjen “Toyota Yaris”, pasi mungonte avokati i dy prej të pandehurve. Në këtë seancë do të vendosej nëse çështja do të kalonte për gjykim, apo do të pushoheshin hetimet.

Në të njëjtën seancë, do shqyrtohej kërkesa e avokatëve për masë më të butë sigurie, për 4 personat nën hetim, që ndodhen në arrest me burg. Të pandehur për 3.4 milionw eurot e sekuestruar në dy makinat “Toyota Yaris” në portin e Durrësit më 24 Qershor të vitit të shkuar janë babë e bir Edi Lika e Klevi Cani, si dhe Alban Mallymeri.

Ata akuzohen për “pastrim parash në kuadër të grupit të strukturuar kriminal”. Ndërsa i katërti, Agim Çeka akuzohet për “armëmbajtje pa leje”. Në kërkim për këtë ccështje janë edhe dy kushërinjtë Alfred dhe Elvis Vladi, të dyshuar si porositësit e parave. Seanca e radhës u la për në datë 8 Tetor ora 10:00./ABC News Albania 24/7

lul-basha.jpg
ent ela12:04 | 01/10/2019

Kreu demokrat Lulzim Basha, u është drejtuar me një letër të gjitha bankave që operojnë në vend dhe Guvernatorit të Bankës se Shqipërisë  për të shprehur shqetësimin e opozitës se shumë aktorë, sipas tij,  pastrojne shuma të mëdha parash nëpërmjet aktiviteteve të licensuara apo të kontrolluara nga sektori publik.

Basha shprehet se sektori bankar është më i ekspozuari përballë subjekteve qe perdoren si mjet për të financuar dhe pastruar paratë e fituara nga aktivitete të paligjshme. Ndër këto kreu i demokrateve veçon kompani ndertimi, madje iu referohet edhe dy kontratave te fundit te Parneritetit Publik Privat për projektet e dy akseve te rendesishme rrugore, Milot-Balldren dhe Orikum – Dukat.

“Të dyja kontratat publike të mësipërme, haptazi, cënojnë interesin publik dhe dëmtojnë në mënyrë të rëndë interesat financiare të shtetit shqiptar, duke u siguruar përfitime të padrejta zyrtarëve të korruptuar dhe kompanive private.

Nga vlerësimi i kapaciteteve financiare dhe teknike të kompanive private të përfshira në këto dy projekte, rezulton se ato nuk kanë mundësi për t’i përfunduar ato me mjetet e tyre dhe,  për pasojë, parashikohet marrja e kredive bankare.”

 Basha madje informon Bankat per rrezikun qe do tu kanoset nga mos kthimi kredise prej ketyre kompanive, kur sic thote kreu demokrat  kontratat e PPV te anulohen nga qeveria e drejtuar prej tij.

“Këto  kompani nuk kanë mundësinë reale për të kthyer kredinë që do të kërkojnë nga ju, pas momentit të anullimit të financimit të paligjshëm shtetëror që kanë përfituar si pasojë e veprimeve korruptive.  

Partia Demokratike e Shqipërisë dhe Opozita e Bashkuar, duke e vlerësuar të një rëndësie madhore për mbrojtjen e interesit publik, stabilitetin e sistemit bankar në vend, vlerësoi të arsyeshme të informojë bankën tuaj mbi fatin e shpejtë që do të kenë këto dy projekte korruptive”.

Kryeopozitari shkon edhe me tej me nje paralajmerim per bankat

“Financimi i të tilla projekteve, të cilat qartësisht kanë si qëllim pastrimin e parave të trafiqeve dhe korrupsionit, jo vetëm që s’duhet të lejohet, por do të përbënte dhe kriminalizimin e atij personi a institucioni që ka bashkëpunuar në këtë drejtim”.

 Sipas Lulzim Bashes, PD ka një projekt të qartë dhe me masa drastike e konkrete për të luftuar këto fenomene dhe për të vënë përpara përgjegjësisë personat e përshirë në to. /abcnews.al

 

 

didier-reynders-1280x711.jpg
nev ila17:15 | 15/09/2019

Njeriu që synon të mbajë postin e komisionerit të ardhshëm europian të Drejtësisë është nën hetim për pastrim parash. Bëhet fjalë për ministrin e Jashtëm belg, Didier Reinders, mbi të cilin prokuroria e Brukselit ka hapur një hetim.

Policia dhe prokuroria belge po hetojnë dyshimet për korrupsion dhe pastrim parash që rëndojnë mbi ministrin e Jashtëm Didier Reinders, që synon të bëhet komisioneri i ardhshëm europian i Drejtësisë.

Reinders i ka mohuar akuzat të cilat, sipas mediave belge, lidhen me ndërtimin e ambasadës belge në Kinshasa të Kongos, me dhënien me qera të zyrave të policisë dhe mënyra të tjera.

Hetimet paraprake u shtohen atyre mbi emërat e tjerë për postet e komisionerëve, të cilët u publikuan më herët gjatë javës nga presidentja e KE-së, Ursula fon der Lejen.

Nga hetimet e kryera rezulton se paratë janë marrë ose pastruar prej tij përmes blerjes së veprave antike dhe pronave të patundshme, si dhe transaksioneve në parajsat fiskale.

Reinders, një frankofon liberal që shërben gjithashtu si zëvendës kryeministër i Belgjikës u tha gazetarëve se nuk ishte në dijeni të hetimit. Ai shtoi se i ka kërkuar avokatit të tij të kontaktojë prokurorët për të mbrojtur të drejtat e tij dhe për të mohuar dyshimet e ngritura në adresë të tij.

Hetimet mbi figurën e zyrtarit të lartë u nxitën nga deklarata e një ish-oficeri të shërbimeve sekrete belge që hetonte krimin ekonomik.

Një zëdhënës i Reinders tha se akuzat janë pjesë e një fushate dashakeqe që synon diskretitimin e figurës së ministrit./ABC News Albania 24/7

MBULIM-SHULLAZI.mpg_snapshot_00.32-1280x720.jpg
ent ela13:06 | 03/09/2019

Pushohen hetimet për pastrim parash për Emiljano Shullazin, vendim është dhënë nga Gjykata Penale e Tiranës me kërkesë të prokurorisë, çështje e cila është hetuar për rreth dy vite nga ky organ hetimit. Gjithashtu hetimet janë pushuar edhe per Ylvi Beqjan i cili mban statusin e bashkëpuntorit të drejtësisë në këtë proces dhe për tre gjyqtarët e Durrësit, ish-kryesekretaren dhe ish-kancelaren, të akuzuar për “shpërdorim detyre”.

Gjykata e Tiranës ka pushuar hetimin për “pastrim parash”, për Emiljano Shullazin, një nga akuzat për të cilën ai u shpall fajtor nga Prokuroia e Krimeve të Rënda, gjatë leximit të pretencës ku listoi edhe  kërcënimin e biznesmenit Ylvi Beqja për çështjen e ish-hotel “Vollgës” në Durrës. Gjithashtu hetimet janë pushuar edhe për Beqjan që mban statusin e bashkëpuntorit të drejtësisë në këtë proces dhe tre gjyqtarët e Durrësit, ish-kryesekretaren dhe ish-kancelaren, të akuzuar për “shpërdorim detyre”.

Prokuroria e Tiranës pas rreth dy vitesh hetime ka hedhur poshtë akuzat ndaj të akuzuarit Emiljano Shullazi për pastrim të produkteve të veprës penale ose veprimtarisë kriminale sepse sipas hetuesve nuk ka pasur elementë kriminalë për këtë vepër penale.

Kërkesa për pushim të hetimeve është bërë nga prokurori Erjon Imeri. Grupi i Emiljano  Shullazit u dënua në total me 55 vite burg nga Gjykata e Shkallës së Parë të Krimeve të Rënda, vendim ky që është apeluar. Shullazi u shpall faktor për gjobëvënien ndaj biznesmenit Ylvi Beqja për cështjen e ish- hotel Vollgës. Sipas hetimeve të prokuroisë Ylvi Beqaj që mbronte interesat e “Saudi Brothers”,  i ka kërkuar ndihmë Emiljano Shullazit për të regjistruar ish-hotel “Vollgën” në Hipotekën e Durrësit, dhe kishin rënë dakort që Emiljano Shullazi do të përfitonte 20 % të kësaj pasurie. Sipas organit të akuzës, Ylvi Beqja kishte disa procese gjyqësore për regjistrimin e ish-hotel “Vollgës”, pasi godina pretendohej edhe nga një palë tjetër, shtetasi Zamir Hasa, e cila e kishte me testament trashëgimnie nga Alie Fortuzi që në vitin 2003.

/ABC news Albania 24/7

para.png
ad min12:49 | 16/08/2019

Specialistët për Hetimin e Krimit ekonomik dhe Financiar në Policinë e Fierit në bashkëpunim me Prokurorinë e Fierit kanë vendosur sekuestro preventive mbi llogarinë bankare të shtetasit T.B. Sipas njoftimit të uniformave blu bëhet fjalë për një llogari bankare e vlerë 1200 mijë Euro.

Autoritetet dyshojnë se këto para janë përfituar nga veprimtari kriminale. Ndërkohë T.B dyshohet se ka kryer veprën penale të pastrimit të parave. Materialet hetimore i kaluan Prokurorisë për veprimet e mëtejshme./abcnews.al

ferdinand-shehu-me-logo.jpg
ad min15:19 | 15/08/2019

Shtyhet në Gjykatën Penale të Tiranës seanca për shqyrtimin e kërkesës së ish-drejtorit të Aluiznit, Ferdinand Shehu, të cilit iu sekuestruan 1.5 milionë euro. Seanca është shtyrë nga mungesa e prokurorit të çështjes për shkak të lejes.

Ish-drejtori i Aluiznit kërkon t’i kthehen paratë e sekuestruara, pasi pretendon se ato nuk janë të paligjshme. Ferdinand Shehu nëpërmjet një banke private, ka tentuar transferimin e 1 milionë eurove jashtë vendit, me justifikimin për investime financiare, ndërkohë 500 mijë euro të tjera i ka vendosur në depozitë me afat.

Shehu akuzohet për “Pastrim të produkteve të veprës penale”, duke kryer disa investime në pasuritë e paluajtshme./ABC News Albania 24/7

MBULIM-ADRIATIK-LLALLA.mpg_snapshot_00.28-1280x720.jpg
ent ela15:25 | 28/06/2019

Ish- kryeprokurori Adriatik Llalla ka refuzuar zgjatjen e afateve të hetimit nga  Prokuroria për Krime të Rënda. Ankimimi i ish-kryeprokurorit është bërë përmes avokatit të tij Sokol Hazizaj, ku i kërkon Gjykatës së Shkallës së Parë për Krime të Rënda  shfuqizimin e vendimit të prokurorit Klodian Braho që ka kërkuar edhe tre muaj të tjerë  kohë për t’i dhënë zgjidhje çështjes.

Hazizaj ka argumentuar, se organi i akuzës ka patur kohën të mjaftueshme në dispozicion për të kryer të gjitha hetimet ndaj ish-kryeprokurorit. Adriatik Llalla akuzohet për pastrim parash, fshehje apo mosdeklarim të pasurive dhe mosdeklarim i të hollave në kufi. Hetimet kanë ecur me ritëm shumë të ngadaltë për shkak të mos mbërritjes së letërporosive nga Gjermania. Organit të Akuzës i kanë mbërritur disa informacione nga autoritete gjermanë, por prokurori i çështjes Klodian Braho ka dërguar edhe një herë letërporosi duke u kërkuar informacione më të detajuara. Kërkesa e ish-kryeprokurorit Adriatik Llalla do të shqyrtohet në 3 Korrik nga Gjykata e Krimeve të Rënda. /ABC News Albania 24/7

IMG_5972-1280x853.jpg
ent ela14:16 | 25/01/2019

Sekretari për çështjet ligjore pranë selisë blu Çlirim Gjata, tregoi dokumenta për të vijuar denoncimin e shkeljeve, sipas tij, në procesin e vettingut ndaj shefes së Prokurorisë së Krimeve të Rënda Donika Prela. Sipas Gjatës, ka dyshime për pastrim parash.

Procesi i rivlerësimit kalimtar për shefen e prokurorisë së Krimeve të rënda Donika Prela, nxorri sërisht në deklaratë sekretarin për çështjet ligjore të Partisë Demokratike Çlirim Gjata, këtë herë me dokumenta të dosjes së Prelës të ndodhur në Komisionin e Pavarur të Kualifikimit. Dosje që për selinë blu, përmban informacione për shkelje ligji, por ngre edhe dyshime të arsyeshme për kryerjen e veprës penale të pastrimit të parave.

“Blerja e apartamentit në Durrës për 1 milionë lek të reja, shitet për 4 milion lek të reja. Apo blerje trojesh, apartamentesh, pronash, më lirë, apo shitje më shtrenjtë, apo shumë më shtrenjtë se ç’është çmimi i tregut.

A hetohet këtu për pastrim parash? Apo për fiktivitet, apo për kontrata fiktive? E ka detyrim organi i vettingut ta bëjë këtë”.

Ka edhe të tjera raste që duhen hetuar me seriozitet në dosjen “Prela” sipas Gjatës. I tillë është edhe rasti i nënvizuar nga vëzhguesi i Operacionit Ndërkombëtar të Monitorimit Theo Jackobs, i pagës “në të zezë” që Vangjel Prela, bashkëhsorti i kryeprokurores së Krimeve të Rënda, ka marrë për punën si inxhinier.

“Megjithëse për vite me rradhë ka përfituar të ardhura dhe s’ka paguar taksa, kujtohet tani, pikërisht, pasi është futur nën proces verifikimi zonja Prela, bashkëshorti i saj ka hapur një proces gjyqësor kundër kompanisë përkatëse, kundër kompanisë “Bruci”, tek e cila ka punuar, deri në mars 2018. Dhe këtë padi e ka hapur pas 7 vitesh”.

Gjata flet për padinë numër 2414 e ngritur në Gjykatën e Tiranës nga Vangjel Prela më 30 gusht të 2018-ës, për mos pagim të sigurimeve shëndetësore dhe shoqërore të paditësit për vitet 2006-2009 si dhe për periudhat 2010 – 2011.

Por:

“Kodi civil nuk ta jep këtë mundësi që të hapësh një padi të tillë për dëshpërblim, për pagesë taksash apo sigurimeve pas 7 viteve, pasi është e parashkruar.

Është neni 115 i Kodit Civil ai që parashikon dy vjet kohë për ngritjen e një padie për pagimin e shpërblimit sipas kontratës së sigurimit dhe risigurimit, si dhe të shumës përkatëse të rrjedhur nga sigurimi i detyrueshëm dhe tre vjet kohë për paditë për shpërblim të dëmit jo kontrator dhe ato për kthimin e përfitimit pasuror pa të drejtë”.

Njëkohësisht Kodi i Punës, afat parashikimi për të drejtat e punëmarrësit kundrejt punëdhënësit dhe anasjelltas, parashikon 3 vjet nga lindja e së drejtës, minimalisht gjashtë vjet më pak se ç’ju desh bashkëshortit të titullares së Prokurorisë së Krimeve të Rënda për të ngritur padinë civile ndaj kompanisë ku ka qënë i punësuar.

“Nuk e ditkërka zonja në fjalë si juriste, që bashkëshorti nuk mund të hapë një padi pas shtatë vitesh? Është bërë fiktive, pra vërtetë s’i kemi paguar, por e ka fajin kompania dhe unë po e padis në gjyq”.

E nuk mbaron me kaq dosja e zonjës Prela për demokratët.

“Prokurorja e Krimeve të Rënda ka marrë një apartament, është në marrëdhënie kontraktore me një kompani, administratori i së cilës është nën hetim nga Prokuroria që ajo drejton. Çmimi është shumë më i lirë se sa i tregut, është nga 300 deri në 500 euro më i lirë se çmimi i tregut për metër katror, dhe kjo del nga vetë thirrjet që kjo Kompani ka bërë për shitjen e apartamenteve të pallatit të ndërtuar nga kjo, ku të gjitha çmimet shkojnë minimumi nga 250 deri në 500 Euro më shtrenjtë për metër katror se ç’e ka blerë apartamentin zonja Prela”.

Ky është preferencim i cili duhet hetuar nga organet e vettingut sipas Gjatës, për të evituar atë që quan standart të dyfishtë që ky organ zbaton në gjykimet e tij.

/abcnews.al

SINKRON-RAMA-KOMITETI-.mpg_snapshot_00.36-1280x720.jpg
ad min14:23 | 17/12/2018

U prezantua nga Këshilli i Europës në Kryeministri Raporti për Shqipërinë për vlerësimin e masave kundër pastrimit të parave dhe financimit të terrorizmit. I pranishëm ishte dhe kryeministri Rama i cili theksoi se vlera e aseteve kriminale të sekuestruara gjatë 5 viteve të fundit ishte më e madhe se ajo e sekuestruar në 10 vite.

Teori dhe teorema konspirative i emërton kryeministri Edi Rama kritikat që dëgjon e lexon mbi pastrimin e parave në Shqipëri.

“Është folur prej shumë kohësh dhe po ashtu është shpifur kaq shumë për luftën e qeverisë ndaj pastrimit të parave, në veçanti për këtë vlerësim, ku janë shitur dhe si zbulime investigative ekskluzive, copëza letrash e dokumentesh të nxjerra nga materiale krejtësisht të rëndomta, pa u kuptuar, ose duke u kuptuar, por duke u shitur për të krijuar keqkuptime”.

Në prezantimin e Raportit për Shqipërinë të vlerësimit të masave kundër pastrimit të parave dhe financimit të terrorizmit, i Këshillit të Europës shefi ekzekutivit sheh me vend të sqarojë rolin e qeverisë.

“Sa që ky raport vjen vërtetë në kohën e duhur si një dokument që vlerëson me objektivitet përputhshmërinë teknike dhe efektivitetin e luftës sonë kundër pastrimit të parave, që duke u krahasuar me vlerësimin e mëparshëm të bërë nga po ky Komitet, por dhe krahasuar me vendet e rajonit apo edhe të BE-së të vlerësuara së fundmi, na vendos në një pozicion mjaftueshmërisht të mirë për të qenë krenarë për punën që kemi bërë”.

Kryeministri Rama tregon se në përfundim të vlerësimit në vitin 2011, Shqipëria përfundoi në të ashtuquajturën “listë gri”, listë problematike, duke u konsideruar si një vend me risk shumë të lartë për pastrim parash dhe financim terrorizmi, nga ku doli në vitin 2015, në sajë të punës që qeverisë që drejton ai vetë.

“Ka shumë të tjera arsye për të parë përmirësimet e bëra, por më lejoni të prek njërën. Vlera e aseteve kriminale të sekuestruara në 5 vitet e fundit është 5 herë më e madhe, sesa vlera e aseteve kriminale të sekuestruar në 10 vjet të marra sëbashku, para 5 viteve të fundit”.

Daniel Thelesklaf, Kryetar i organizmit të Këshillit të Europës kundër pastrimit të parave, MONEYVAL, gjatë prezantimit të raportit u shpreh se, Shqipëria është një prej dy vendeve që kanë marrë vlerësim pozitiv, nga shumë vende në mbarë botën, sa i përket punës që bankat dhe institucionet financiare po kryejnë për të parandaluar luftuar pastrimin e parave dhe financimin terrorist. Të gjitha vendet e tjera të BE-së nuk kanë marrë një vlerësim kaq pozitiv –tha kreu I MONEYVAL duke I kujtuar edhe sfidat që e prisein Shqipërinë.

“Ashtu si në shumë vende të tjera, sfida kryesore për Shqipërinë është që të prodhojë rezultate të prekshme nga ana e agjencive ligjzbatuese. E di që ky është një proces i gjatë, kërkon kohë, por ekziston nevoja që të përshpejtohen hetimet, ndjekjet nga Prokuroria, të cilat janë në përputhje me profilin e riskut të vendit. Pra ne kemi mësuar që ka pasur një vlerësim tërësor të risqeve, por nuk shohim ende rezultate për trajtimin e këtyre risqeve që janë zbuluar”.

Kryetari i Moneyval theksoi se reforma në sistemin e drejtësisë është tejet e rëndësishme në këtë aspekt. Afatet e përcaktuara në standardet ndërkombëtare për zbatimin e masave janë vërtet shumë të rrepta. /abcnews.al

 

KRONIKE-YLV-BEQJA-PROKURORI-TIRANE.mpg_snapshot_00.17-1280x1052.jpg
ad min17:20 | 06/12/2018

Për 40 minuta me radhë, biznesmeni Ylvi Beqja, dëshmitar i mbrojtur i drejtësisë për dosjen “Shullazi” dha shpjegime në Prokurorinë e Tiranës. Ai u pyet për llogari të një hetimi të nisur ndaj Emiliano Shullazit në këtë prokurori për akuzën e “pastrimit të parave”.

Një hetim i nisur për Emiliano Shullazin nga Prokuroria e Tiranës për akuzën e “pastrimit të parave” solli të enjten në këtë godinë biznesmenin Ylvi Beqja.
Ai mbërriti në institucion përmes një automjeti të blinduar të Drejtorisë për Mbrojtjen e Dëshmitarëve. Statusin e dëshmitarit të mbrojtur Beqja e përfitoi për dëshminë e dhënë kundër Shullazit, prova kryesore e prokurorisë në procesin ndaj tij dhe grupit tek Krimet e Rënda.

Këtë herë Beqja dha shpjegime para prokurores Elisabeta Imeraj, në lidhje me dyshimet e ngritura për paligjshmëri të konsumuar gjatë regjistrimit të pronësisë së ish-hotel Vollgës në Durrës, një pjesë e të cilit i është kaluar Emiliano Shullazit apo për transaksione financiare të kryera për këtë qëllim. Aktualisht kjo pronë është nën masën e sekuestros preventive. Por përveç dijenisë për veprimet të Shullazit, dëshmitari i mbrojtur Beqja ka dhënë deklarime edhe si person nën hetim, pasi emri i tij është pjesë e të njëjtit hetim për “pastrim parash” të nisur nga Akuza e kryeqytetit.

Burimet e Prokurorisë u treguan të rezervuara për përmbajen e deklarimeve biznesmenit. Marrja e tij në pyetje zgjati rreth 40 minuta. Për të shmangur përballjen me kamerat, ai zgjodhi të largohej nga një derë e ndryshme nga ajo që u fut në godinë. Biznesmeni Ylvi Beqja është një nga kallëzuesit për “gjobëvënie” të Emiliano Shullazit dhe të bashkëpandehurve të tij dhe dëshmia e tij ishte vendimtare në procesin tek Krimet e Rënda që përfundoi me deklarimin e fajshëm të të pandehure dhe një total prej 55 vitesh burg për ta./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono