Pashkëve

kapshtice-1280x716.jpg
ad min18:30 | 30/04/2019

Kthimi i emigrantëve në Greqi, pas festes së Pashkëve ortodokse ka sjellë mbingarkesë dhe fluks  mjetesh në pikën doganore të Kapshticës.

Fluksi ka shënuar kulmin pas mesditës, kur në territorin tonë u grumbulluan dhjetëra mjete të vogla dhe autobusë, në pritje për të kryer procedurat doganore. Autoritetet kufitare shqiptare po punojnë me kapacitet maksimal sportelesh, si në hyrje ashtu edhe në dalje, duke shmangur vonesat për përpunimin e dokumentacionit të mjeteve dhe udhëtarëve.

Nga ana tjetër, edhe pala greke po punon me tre sportele në hyrje, çfarë ka sjelle menaxhimin e fluksit në rritje, që në 24 orët e fundit ka kaluar mbi 10 mijë persona që kanë hyrë dhe dalë nga Kapshtica./ABC News Albania 24/7

korce-2-1280x696.jpg
ad min16:45 | 25/04/2019

Në Korçë java e Pashkëve po kremtohet ditë pas ditë. Këtë të enjte me ekspozimin e poçerisë në qendër të qytetit. Kurse të premten do të vazhdojë me procesionin e kryqëzimit të Krishtit për të kulmuar mesnatën e shtunë me meshën e ngjalljes së Krishtit.

Suvenire me motive fetare.  Produkte prej balte dhe qeramike.  E gjitha për ritet dhe traditat e javës së Pashkës në Korçë. Shume tregtarë dhe artizanë  para sheshit të Katedrales.

Në Korçë, Pashka është festa e të gjithëve.  Ndaj edhe qytetarë të besimeve të tjera, njohin dhe ndjekin saktësisht çdo detaj të javës së festës.

Blejnë suvenire prej balte, ngjyrosin vezët deri tek dreka tradicionale me mish qengji.

Të premten do të vijohet me procesionin e kryqëzimit të Krishtit, për të kulmuar mesnatën e së shtunës, me meshën e ngjalljes se Krishtit, në Katedralen e qytetit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono