pasaportat

Karta-ID-768x512.jpg
nev ila09:24 | 27/09/2019

Zv.ministrja e Brendshme Rovena Voda theksoi se për t’u ardhur në ndihmë qytetarëve që u skadojnë dokumentet brenda këtij viti është përcaktuar një radhë për aplikimet.

Nisur nga fluksi i lartë i aplikimeve për karta idenditeti, zv.Ministrja e Brendshme Rovena Voda ka përcaktuar një radhë aplikimesh për qytetarët në 3 muajt e ardhshëm, sipas afatit të vlefshmërisë së dokumentit.

“Kemi menduar, në mënyrë që të rregullojmë fluksin, – i cili patjetër në muajin dhjetor do të jetë i lartë, pasi kemi përveç kartave të identitetit edhe pasaportat biometrike, – të bëjmë një ndarje në fasha të qytetarëve për aplikim. Do të thotë u bëj thirrje qytetarëve, të cilëve u skadon karta në periudhën janar-prill, të vijnë të aplikojnë brenda muajit tetor. Qytetarët nga maji deri në gusht duhet të aplikojnë në muajin nëntor dhe, nga shtatori deri në dhjetor, do të aplikojnë në muajin dhjetor”

Gjatë një inspektimi në zyrat e ADISA-s në Tiranë, Voda, tha se qytetarët që kapërcejnë afatet, do të mund të aplikojnë vetëm në janar të vitit të ardhshëm.

“Këtë ndarje në fasha ne e kemi bërë që të shmangim fluksin, që qytetarët të marrin shërbimin në kohë. Por më lejoni të them, ju lutem zbatojeni këtë rregull që ne kemi vënë për të pasur ju një shërbim më të mirë, por edhe të mos penalizoheni se më pas do të duhet të prisni muajin janar për të aplikuar për të marrë dokumentin e identifikimit”.

Kohët e fund shumë emigrantë si edhe qytetarë janë përballur me radhë të gjata, pasi duhet të rinovojnë kartat e identitetit si edhe pasportat biometrike që kanë filluar të përdoren për herë të parë në Shqipëri në vitin 2009. /abcnews.al

 

pasaporta-1280x816.jpg
ad min19:30 | 17/07/2019

Ministri i Brendshëm, Sandër Lleshaj shkruan se shumë karta identiteti dhe pasaporta biometrike janë në prag të skadimit dhe nga muaji Tetor, ato nuk do të jenë më të vlefshme.

Në një postim në Twitter, Lleshaj thotë se qytetarët duhet të shkojnë në qendrat përkatëse për të aplikuar për dokumentet e rinj të identitetit.

“Kartat e identitetit dhe pasaportat janë në prag të skadimit për shumë qytetarë. Nga fillimi i tetorit ato që skadojnë këtë vit nuk do të mund të përdoren më, nëse nuk shoqërohen me dokumentin e aplikimit. Të gjithë duhet të NXITOJNË sot, që të mos BEFASOHEN nesër, kur të ndalohen për të udhëtuar jashtë vendit apo kur të mos mund të marrin një shërbim tjetër brenda tij”, shkruan Lleshaj.

gjyqtaret-shqiptare-1280x716.jpg
nev ila18:12 | 11/07/2019

Shoqata Kombëtare e Gjyqtarëve të Shqipërisë ka paditur qeverinë, pasi kjo e fundit më 12 qershor u hoqi të drejtën për t’u pajisur me pasaporta shërbimi. Padia është dorëzuar në gjykatën Administrative, ndërsa pritet që me short të përzgjidhet trupa gjykuese dhe të publikohet data e seancës.

Në padinë e bërë shoqata e gjyqtarëve të Shqipërisë rendit argumentat, kundër Vendimit të Këshillit të Ministrave.

 

Sipas gjyqtarëve, kjo e drejtë atyre u lind nga neni 138 i Kushtetutës, i cili shpjegon statusin e tyre, duke garantuar përfitimet dhe të drejtat që u rrjedhin nga ky status. Një tjetër argument i gjyqtarëve lidhet me rritjen e kostos së marrjes së vizave, tek vendet të cilat kërkojnë vizë.

Këtë të drejtë gjyqtarët e të gjitha shkallëve të gjyqësorit e gëzonin prej 2 shtatorit 1997./ABC News Albania 24/7

pasaporta-britanike-1280x715.jpg
ent ela13:04 | 06/04/2019

Publikimi i pasaportave të reja Britanike pas daljes nga Bashkimi Evropian ka shkaktuar jo pak polemika. Në rrjetet sociale janë të shumtë ata që të zemëruar shkruajnë se vendi ende nuk ka dalë nga BE. Pasaportat e reja do të jenë në ngjyrë blu dhe nuk do të kenë më diciturën e Bashkimit Evropian

Pothuajse tre vjet nga referendumi për Brexit, Mbretëria e Bashkuar nuk arrin ende të përfundojë planin e saj për daljen nga Bashkimi Evropian. Por pasaportat e reja të vëna në qarkullim ditët e fundit për qytetarët britanikë, janë pa diciturën e “Bashkimit Evropian”, në faqen e parë dhe në brendësi.

Një vendim që ka shkaktuar polemika të shumta në rrjetet sociale, sidomos të britanikëve pro evropianë të cilët janë shprehur të zhgënjyer ndaj autoriteteve. Shumë prej tyre kujtojnë ndër të tjera se vendi ende nuk ka dalë, nuk dihet se kur do të ndodhë, dhe qeveria ka hequr që tani siglën e Bashkimit Evropian.

Nga ana e qeverisë britanike nuk ka pasur asnjë reagim. Në të vërtetë çdo gjë ishte e parashikuar, vetëm se ndoshta duhej të ishte pritur pak më shumë meqenëse Londra, të paktën deri në 12 prill është ende një vend evropian. E ndoshta do të jetë dhe për shumë kohë duke pasur parasysh situatën aktuale politike në vend e cila është e bllokuar.

Pasaportat e reja pa të shkruarën “Bashkimi Evropian” janë përgatitur për 29 marsin e kaluar, dita e parashikuar e daljes së Londrës nga Bashkimi Evropian por që më pas u shty me kërkesë të Mbretërisë së Bashkuar. Kjo për shkak se ende nuk është arritur një marrëveshje për Brexit.

Sipas planeve të qeverisë, në fund të vitit 2020 do të rikthehet dhe ngjyra e vjetër e pasaportave, ajo blu, në vend të ngjyrës së kuqe që ka aktualisht. Një ngjyrë karakteristike e Bashkimit Evropian. Por e vetmja gjë e sigurtë aktualisht është se nuk dihet se çfarë do të ndodhë deri në ditën e Brexit dhe pas saj./abcnews.al

pasaporta-1280x816.jpg
ent ela11:00 | 20/03/2019

Lirohet nga detyra Konsulli i Përgjithshëm i Shqipërisë në Janinë, Pervin Gjikuria, ndërsa është vendosur masë disiplinore ndaj ambasadores Ardiana Hobdari. Lajmi është konfirmuar për Abc News nga burime zyrtare pranë Ministrisë së Evropës dhe Punëve të Jashtme. Ky vendim është marrë pasi Komisioni hetimor i ngritur nga Ministria e Jashtme ka konstatuar se konsulli shqiptar ne Janinë ka shkelur ligjin dhe ka abuzuar me detyrën. Bëhet fjalë për skandalin e zhdukjes së 100 pasaportave të shtetasve shqiptarë, që po dërgoheshin nga Ministria jonë e Jashtme, në Athinë. Ambasadorja shqiptare në Athinë Ardiana Hobdari është pezulluar përkohësisht. Vendimi për të, të do të merret pas disa ditësh, kur Komisioni hetimor të ketë përfunduar të gjitha verifikimet e nevojshme./abcnews.al

PERGJIMI-I-POLICIT-TE-VIZAVE-1280x720.jpg
ent ela17:10 | 16/05/2018

Zbardhen përgjimet e dy efektivëve të prangosur në kryeqytet të martën, lidhur me falsifikimin me pasaporta dhe viza false. Grupi hetimor ka administruar disa mesazhe të dy punonjësve të policies, të cilët komunikojnë dhe takohen për të dorëzuar paratë e dyshuara, se vinin nga trafiku i qenieve njerëzore.

Pas arrestimit  të 17 personave në Shqipëri, të cilët akuzohen për falsifikim të pasaportave dhe vizave drejt vendeve të SHBA, Kanada dhe Mbretërisë së Bashkuar, ABC News zbardh një pjesë të përgjimeve, ku të përfshirë janë edhe dy efektivë policie.

Nga grupi hetimor ka rezultuar se, kuminikimi ndërmjet dy punonjësve të policisë ishte intensiv, duke kryer edhe porositë e marra nga klientët e tyre. Arjan Uku ishte në përgjim prej muajit janar, i cili flet me mesazhe me bashkëjetuesin e Entela Çala gjithashtu punonjëse policie e prangosur gjatë operacionit “272”. Ka dyshime se pavarësisht se numri telefonik ishte regjistruar në emër të bashkëjetuesit të punonjëses së policisë, nga përgjimet rezulton se ai përdorej nga Entela Çala.

Bashkëjetuesi i Entela Çela: A mi bëre ato?

Arjan Uku: Të kam bërë dy porosi.

Në një përgjim tjetër i kryer po në muajin janar 2018, bashkëjetuesi i Entela Çalës, i kërkon llogari punonjësit të policisë se përse po vonohen porositë që ai kishte bërë.

Bashkëjetuesi i Entela Çala: Pse u vonuhan kaq shumë këtë herë?

Arjan Uku: Ka pasur fluks këtë kohë vlla.

Bashkëjetuesi i Entela Çalës: Kur të mundesh kalo nga unë për të folur edhe për gjera të tjera, ose më prit te lokali pas një ore.

Arjan Uku: Ok, ok! Vetëm mos harro “ato” se duhet t’ia dërgoj atyre të tjerëve.

Grupi i strukturuar kriminal përbëhej në total nga 41 anëtarë, 24 prej të cilëve të prangosur në dhjetor në Greqi.

Katër bazat laboratorike që klononin pasaporta dhe visa të Bashkimit Europian, ndodheshin tek “Kodra e Diellit”në Tiranë.

Po kështu, edhe 7 laboratorë u zbuluan nga policia Greke në shtetin fqinj. Nga hetimet rezultoi se dy krerët e grupit të strukturuar kriminal, Gentjan Stojku dhe Ilir Myrtaj përfitonin nga persona të interesuar afërsisht 20 mijë euro për t’i pajisur me pasaparota të falsifikuara. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono