pas

parlamenti-shqiptar.jpg
nev ila12:30 | 27/09/2019

Pas vendimit të Bundestagut për Shqipërinë, presidenti Ilir Meta e quan urgjente zgjidhjen e krizës së thellë politike. Kryeopozitari, Lulzim Basha është gati të ulet në tryezen e bisedimeve me Ramën por me kusht.

Votimi i deputetëve në Bundestag-un gjerman, në mbrëmjen e të enjtes ( 26.09.2019) në favor të Shqipërisë për hapje me BE të bisedimeve të pranimit, me 395 vota pro ndër 599 deputetët e pranishëm, është përshëndetur nga Johannes Hahn. Në një postim në median sociale, menjëherë pas votimit, Hahn e cilëson votimin „shumë të mirëpritur, rezultat të njohjes së progresit konkret, nxitje për reforma në Ballkanin Perëndimor dhe besueshmërinë e BE”, shkruajti mbrëmë në twitter Johannes Hahn, bën me dije Delegacioni i BE në Tiranë.

Meta – Politika të reflektojë, të zgjidhë krizën

Presidenti Ilir Meta i bëri thirrje në mbrëmjen e të enjtes forcave politike që të fillojnë “urgjentisht  punën për zgjidhjen e shpejtë të krizës së rëndë politike dhe plotësimin e 9 kritereve të qarta. Reflektim serioz për t’i dhënë Shqipërisë një mundësi reale, jo imagjinare”, reagoi Meta mbrëmë në median sociale lidhur me vendimin e Bundestag-ut pro hapjes së negociatave.

Meta solli në vëmendje përpjekjet e deputetëve gjermanë në 4 muajt e protestave antiqeveritare të opozitës jashtëparlamentare pranverën e këtij viti dhe pas zgjedhjeve Lokale 2019, për të ulur në tryezën e bisedimeve qeverinë dhe opozitën jashtëparlamentare, të drejtuar nga PD, për të zgjidhur krizën e thellë politike dhe institucionale. „Po të kishin dëgjuar këshillat e tyre me kohë, sot do të kishim marrë një vendim pa kushte, njëlloj si Maqedonia e Veriut” thekson Presidenti Meta në postimin e tij.

Basha: Gati për dialog me Ramën

Kryetari i Partisë Demokratike (PD) dhe i opozitës jashtë parlamentare, Lulzim Basha, pas vendimit të mbrëmshëm të Bundestag-ut është shprehur i gatshëm të ulet në tryezën e bisedimeve me Ramën. Për rreth 8 muaj Basha e ka kushtëzuar dialogun me largimin e Ramës nga posti i kryeministrit tani vendos një tjetër kusht: dialog me praninë e ndërkombëtarëve. “Unë dhe PD jemi dakort për një proces politik të propozuar nga faktori ndërkombëtar që të japim kontributin tonë për daljen nga kriza. Pak rëndësi ka ulja në një tryezë me apo pa Edi Ramën” deklaroi të enjten në mbrëmje Basha në një kanal televiziv të Tiranës. Kushtëzimi i dialogut me praninë e faktorit ndërkombëtar tregon vijimin e mosbesimit mes palëve politike në Shqipëri, pavarësisht thirrjeve të BE për të ndryshuar dhe shndërruar në kulturë politike kompromisin dhe dialogun.

Basha pranon dialogun me praninë e ndërkombëtarëve

Partia tjetër opozitare, Lëvizja Socialiste për Integrim, (LSI), aleate me PD, është për një dialog pa kushte me qeverinë për të përmbushur të “gjitha kushtet dhe detyrimet dhe hapur rrugën integrimit europian të Shqipërisë.”

Por të dyja partitë, PD dhe LSI, me peshë më të madhe në opozitën jashtë parlamentare, kanë të njëjtin qëndrim kur konsiderojnë “PO”në e kushtëzuar të Bundestag-ut pasojë të “dështimit të qeverisë dhe hapave prapa që ka bërë Shqipëria që nga 2018” .

Një qëndrim i tillë përforcohet ngaqë Maqedonia e Veriut, ndryshe nga Shqipëria, mori mbrëmë me më shumë vota një “PO” të pakushtëzuar nga partitë politike parlamentare të Gjermanisë. Kjo e bën pa pengesa rrugën e saj drejt një vendimi pozitiv të Këshillit Europian në takimin e tij në Bruksel, muajin e ardhshëm më 18 tetor, nëse kjo datë mbetet e pandryshuar.

Por gjasat janë që kjo datë edhe mund të shtyhet. Konferenca Ndërqeveritare shënon fillimin zyrtar të procesit të hapjes së negociatave të pranimit. Plotësimi i kushteve të grupi të parë, të vëna Shqipërisë nga Gjermania, para kësaj konference Ndërqeveritare kërkon kohë. Por ajo duhet të zhvillohet atëherë kur Qeveria Gjermane të shohë funksionimin e Gjykatës Kushtetuese, të Gjykatës së Lartë dhe marrjen e vendimit për kryerjen e Reformës Zgjedhore në Shqipëri.

Në mënyrë të qartë dhe pa ekuivoke deputetët gjermanë kërkojnë që kjo reformë të bëhet “në përputhje të plotë me rekomandimet e OSBE/ ODIHR-it, të sigurojë një financim transparent të partive dhe fushatave elektorale në Shqipëri, në bazë të rezultateve të Komisionit ad hoc për reformëm zgjedhore”. Shtyrja e takimit të Këshillit Europian të 18 tetorit, mund t’i japë kohë Gjermanisë dhe vendeve të tjera anëtare të BE, pro hapjes së negociatave të pranimit për Shqipërinë, të bindin Francën dhe Hollandën për të ndryshuar skepticizimin e tyre e t’i bashkohen shumicës për një vendim  pozitiv./DW

taulan-balla-1280x724.jpg
nev ila15:45 | 13/08/2019

 

Pas akuzave të Partisë Demokratike se kryebashkiaku i Shkodrës është subjekt i Ligjit për Dekriminalizimin ka reaguar kryetari i Grupit parlamentar të Partisë Socialiste Taulant Balla.

Ai ka nënvizuar se Partia Socialiste ka përcaktuar qartë një vijë të kuqe, për të gjithë anëtarët e saj. Kjo vijë e kuqe nuk përjashton askënd, që nga Kryetari i Partisë deri tek anëtari i thjeshtë.

Konkretisht, akuza e ngritur ndaj Valdrin Pjetrit, me një pretendim të bazuar në dokumenta joligjore nga ana e Partisë Demokratike, nuk mjafton as për t’u pranuar a priori, as për t’u rrëzuar a priori.- shkruan Taulant Balla në reagimin e tij në rrjetet sociale.

Megjithatë përtej dëshirës së mazhorancës që e drejta të jetë në anën e tij, Partia Socialiste garanton opinionin publik dhe komunitetin e Bashkisë së Shkodrës, se përtej çdo interesi partiak, politik apo individual, do të qëndrojë edhe në këtë rast në anën e ligjit dhe të interesit publik”, shkruan Balla./ABC News Albania 27/7

kamza-1280x694.jpg
ad min18:45 | 07/08/2019

Socialistët hynë sot pas 12 vjetësh në Bashkinë e Kamzës, teksa Rakip Suli u fut në zyrën e tij pas shpërthimit me forcë të derës kryesore që ishte kyçur nga administrata e Xhelal Mziut. Demokratët thanë se zgjedhjet ishin të paligjshme dhe do ta denonconin uzurpimin e zyrës.

Rakip Suli u betua përpara Këshillit të ri të Bashkisë Kamëz, si kryebashkiaku i ri i të gjithëve.

Kryebashkiaku i ri u betua në Shkollën Ibrahim Rrugova dhe u nis për të hyrë në bashki si i pari socialist pas 12 viteve të epokës blu të Xhelal Mziut.

Por rruga për në bashki, edhe pse vetëm 1 km larg vendit të betimit nuk ishte e lehtë.

Suli u kthye në mes të rrugës, kur mësoi se disa mbështetës të Mziut kishin bllokuar hyrjen kryesore të bashkisë.

Në orën 4, mbështetësit e Xhelal Mziut kishin ikur. Zyra ishte zbrazur dhe dera ishte kyçur. Përpara se të vinte kryebashkiaku i ri, policia shoqëroi disa persona të cilat e shpërthyen derën me forcë. Efekte

Mes entuziamit, Rakip Suli hyri në kështjellën demokrate. Ai nuk pranoi të ulej në të njëjtën karrige të paraardhësit të tij.

Zyra e Mziut ishte zbrazur. E vetmja që kishte ngelur ishte një foto e Ilir Metës, të cilën stafi i  kryebashkiakut të ri, e kishte përmbysur. /ABC News Albania 24/7

voltana-ademi-1280x711.jpg
ad min15:00 | 07/08/2019

Kryetarja e Bashkisë së Shkodrës,Voltana Ademi pak ditë përpara konstituimit të Këshillit të ri Bashkiak ka deklaruar se shkodranët nuk do të bëjnë asnjë hap pas. Deklarata e kryebashkiakes në largim të Shkodrës vjen 24 orë pas takimit që zhvilloi në zyrën e saj me ambasadorin e OSBE në Tiranë, Bernd Borchardt.

“Asnjë hap pas! Shkodranët janë të vendosur të mbrojnë vlerat për të cilat t’iu vunë përballë për 45 vite diktaturës. Shkodranët janë të bindur në rrugën e tyre për rikthimin e vendit në shinat e demokracisë”, ka deklaruar Ademi, duke theksuar se 30 qershori ishte referendumi popullor që i tregoi klikës në pushtetin e uzurpuar se është pakicë, që i tregoi edhe mbarë botës se shumica e shqiptarëve refuzojnë partinë – shtet, monizmin pas 30 viteve pluralizëm.

Ademi i ka kujtuar socialistëve se nuk do ta kenë të lehtë rrugën për të marrë Bashkinë e Shkodrës. Sipas saj, kryeqendra e veriut nuk mund të lejojë të qeveriset nga banda e inkriminuar uzurpatore duke theksuar se  6 përqindëshat nuk do të mund marrin peng Shkodrën./ABC News Albania 24/7

skysports-gareth-bale-real-madrid_4726592-1280x720.jpg
nev ila22:26 | 24/07/2019

Skuadra e Real Madrid ka fituar ndaj Arsenal fale ruletës se 11 metërshave. Koha e rregullt përfundoi në barazim 2-2

Real Madrid fiton falë ruletës së 11 metërshave ndaj Arsenal në takimin e vlefshëm për International Champions Cup. Koha e rregullt përfundoi në barazim 2-2 ndërkohë që fituesi u vendos nga penalltitë.

Sfida nisi në mënyrën më të mirë për Arsenal të cilët shënuan dy gola në pjesën e parë. Lakazete hapi serinë e golave në minutën e 9-të të takimit duke u treguar i saktë nga pika e bardhë e 11 metërshit.

Nuk vonoi edhe goli i dytë me autor Aubameyag. Ish sulmuesi i Dortmund mposhti lehtësisht portierin Navas duke e dërguar sfidën në rezultatin 2-0.

Pjesa e parë foli në favor të Arsenalit ndërkohë që në fraksionin e dytë trajneri Zidane bëri ndryshimet e duhura të cilat dhanë një efekt të menjëhershëm.

Gareth Bale ngushtoi shifrat në minutën e 55 duke përfituar nga një devijim. Vetëm tre minuta më pas, Asensio vendos baraspeshën pasi merr një pasim të saktë nga Marcelo.

Koha e rregullt u mbyll në barazim 2-2 ndërkohë që sfida iu drejtua goditjes së penalltive ku spanjollët u treguan më të saktë se anglezët. Reali tregoi një paraqitje pozitive përballë Arsenal ndërkohë që ndeshjen e radhës do ta luajë përballë rivalëve të Atletiko Madrid./ABC News Albania 24/7

 

 

edi-rama-dhe-tahiri.jpg
nev ila13:17 | 17/07/2019

Aplikacioni i bërë viral ne rrjetet sociale ka joshur aktorë të politikës dhe artit shqiptar.

Ish-ministri i brendshem Saimir Tahiri ka ironizuar më këtë aplikacion në profilin e tij, shtyrjen e seancës gjyqësore ditën e sotme, duke thene se:

Duke pritur gjyqin….😜😜😜😜
Nje gjyq qe duhet te ishte shembull korrektese e profesionalizmi, u shty edhe sot. Hera 1re u shty se posta padashje kishte grisur letrat. Hera e 2te se polici nuk kishte bere njoftimet. Hera e 3te (sot) se Prokuroria kishte humbur ca letra e nuk i gjente dot. Letrat me te cilat kerkoi arrestimin tim ne parlament, sot i kishin humbur. 
QESHARAAAAAKE!!!!!
Shty e shty e shty…por dita ime nuk largohet dot 💪💪💪.”, shkruan Tahiri.

Ndërsa kantautori i njohur Alban Skënderaj ka dilemën nëse fansat do ta duan po  njëlloj pas shumë vitesh, ja cfarë shkruan ai për fansat:

“A do me doni njesoj edhe kur te jem 75? 😅❤️”, shkruan kantautori.

Aktoret Julian Deda dhe Ermal Mamqi do të duken tepër interesant.

Aktori simpatik i humorit Bes Kallaku thotë se:

“Se me ke ngjaj kur te shkoj ne kte moshe??? 😉. Si George Clooney thot Ija. 😂”

Aplikacioni nuk ka kursyer edhe Kryeministrin Rama, pamja e të cilit do të jetë kjo:

Aplikacioni është shpërndarë me shpejtësi duke kuriozuar të gjithë VIP-at shqiptar./abcnews.al

 

 

alba-hoxha-933x445.jpg
ad min20:15 | 05/07/2019

Pasi deklaroi hapur divorcin me Klaudia Pepën në vitin 2017, koreografi Albi Nako u pa pranë balerinës Alba Hoxha. Një koment i Nakos te fotoja e Albës në Instagram, bëri që të shtoheshin zërat për një lidhje të mundshme mes tyre.

Ndërkohë, gjatë periudhës që shtypi e bëri fakt të kryer lidhjen e balerinëve, Alba u bë balerinë e parë e trupës së “Klan” dhe njëkohësisht krahu i djathtë i Nakos, por vetë ata nuk kanë pranuar asnjëherë të flasin për marrëdhënien mes tyre. Ndërkohë, pak ditë më parë, Albi ishte në Zyrih, në “Alba Fest”, ku u vu re mungesa Albës, e cila ka qenë shpesh pjesë e klipeve të këngëtares Elvana Gjata.

Kjo gjë shtoi dyshimet dhe në rrjetet sociale u bë viral lajmi se janë ndarë. Por sot, i ftuar në emisionin “Rudina” në Tv Klan, koreografi Albi Nako tha se mes tyre ka pasur gjithnjë një raport korrekt profesional dhe miqësor, ndërkohë që mohoi lajmin se prindërit e tij mund t’i kenë ndërhyrë në jetën private. Ai shtoi se kanë zgjedhur të dy bashkë të heqin njëri-tjetrin nga Instagrami për të mos i marrë fansat njëri-tjetrit.

“Mes nesh ka pasur gjithmonë një raport korrekt profesional, miqësor dhe ajo çfarë vura re tek portalet ishte një çështje e mos ndjekjes në rrjetin social Instagram. Megjithatë ishte një pakt që e bëmë me Albën bashkë që të mos e ndiqnim më njëri-tjetrin sepse po i merrnim fansat njëri-tjetrit. Por më pas ndodhi një lumë lajmesh deri në mosaprovim nga ana e prindërve, gjë që m’u duk qesharake sepse nuk diskutohet që për jetën time nuk mund të vendosin prindërit. Në këtë moshë unë padyshim duhej të isha prind vetë, jam i rritur. Di të them që jemi miq të mirë, bashkëpunëtorë të mirë dhe marrëdhënia vazhdon njëlloj. Nuk dua që në këtë takim të sotëm për hir të Akademisë të marrë vëmendjen pjesa me Albën. Alba do të angazhohet edhe në Akademi”, tha Nako./tvklan.al 

emmiii-1280x711.jpg
ad min17:15 | 29/06/2019

Një kapo bande në filmi shqiptaro-kinez, modelja dhe aktorja Emi Canaj e ftuar në “Thumb” flet për rolin e saj pas premierës së “Balkan Blood”.

“Balkan Blood” është një film fantastik që ua sugjeroj të gjithëve që ta shikoni. Ka qenë një sfidë brenda vetës sepse ka qenë fili i parë i zhanrit aksion. Unë jam në një rol dhe nuk jam gocë e mirë , jam në një rol të vështirë që për pjesën e Shqipërisë nuk është parë asnjëherë një femër e cila të jetë një kapo bande e fuqishme dhe një super-mafioze. Do ua sugjeroja ta shihni për vetë faktin se është hera e parë dhe është një bashkëpunim shqiptaro-kinez. Filmi është me tritra shqip dhe ne flasim aty gjuhën kineze. Është një super produksion që ka bërë edhe dublime. Ai xhirim është xhiruar në shqip dhe ne ishim disa aktorë që flisnim shqip. Kinezët me njeri – tjetrin flisnin gjuhën kineze. Gjuha e përbashkët që na lidhte ishte anglishtja”./abcnews.al

thaci-1280x715.jpg
ent ela22:30 | 30/04/2019

Një ditë pas samitit të Berlinit, presidenti Hashim Thaçi ka deklaruar se Kosova në këtë takim doli me qëndrimin e qartë se nuk pranon kushte nga Serbia për të vijuar dialogun dhe për të siguruar njohjen prej saj. Ndryshe nga më parë, Thaçi ka mbrojtur vendosjen e taksës për produktet serbe, ndërsa ka paralajmëruar se në Kosovë nuk do të ketë kurrë një sovranitet të dyfishtë.

I sapokthyer nga Gjermania, presidenti Hashim Thaçi ka deklaruar se Kosova në samitin e Berlinit ka dalë me një qëndrim të qartë sa i takon dialogut me Serbinë, i cili sipas tij duhet të vijojë pa kushte. Ndryshe nga më parë, Thaçi ka mbështetur vendimin për taksën ndaj produkteve serbe dhe ka paralajmëruar Beogradin me masa të tjera nëse vijon me fushatën e tij kundër njohjeve të Kosovës. “

Hashim Thaçi, president i Kosovës: “Sa i takon pjesës së dialogut, pozicioni i Kosovës ka qenë i qartë, ai mund të vazhdojë vetëm i pakushtëzuar. Taksa ka qenë vendim i drejtë dhe duhet të mbetet në fuqi. Dhe nëse Serbia tregohet agresive duhet të shkojmë edhe më tej”.

Thaçi ka theksuar se, edhe njohja e Kosovës nga Serbia duhet të vijë pa kushte dhe për këtë ka kërkuar një angazhim më të fortë jo vetëm nga BE, por edhe Shtetet e Bashkuara. Gjithashtu, Thaçi është shfaqur disi i tërhequr nga ideja e mëparshme e tij për korrigjimin e kufijve, kur ka thënë se Serbia dhe Kosova duhet të ruajnë karakterin multietnik.

Hashim Thaçi, president i Kosovës: “Do vazhdojmë punën për një marrëveshje gjithëpërfshirëse, që ruan karakterin multietnik të Kosovës e Serbisë, që ka të ardhme të sigurtë europiane dhe që të mbyllë të gjitha çështjet e hapura mes dy vendeve”.

Thaçi ka theksuar se nuk do të lejojë asnjë sovranitet të dyfishtë në territorin e Kosovës dhe se nuk do të ketë asnjë kompromis për një asociacion me pushtet ekzekutiv. Kompromisi do të jetë zero.

Hashim Thaçi, president i Kosovës:  “Nuk do të lejojmë as ide për një ndarje të Kosovës, apo për krijimin e një modeli të Republikës Serbe”.

Më tej presidenti i Kosovës ka shprehur shpresën se, samiti i ardhshëm që do të realizohet në Paris do të ofrojë një dinamikë të re në dialogun dypalësh, që në asnjë rrethanë, ka përsëritur ai, nuk duhet kushtëzuar. /abcnews.al

Thaci-dhe-Mogherini-1280x714.jpg
ad min17:30 | 29/04/2019

Edhe Presidenti i Kosovës Hashim Thaçi ka pasur një takim me përfaqësuesen e lartë të Bashkimit Evropian Mogherini. Një takim ku kryeministri i Kosovës Haradinaj ka vendosur të mos marrë pjesë. Thaçi u shpreh se kishte kërkuar liberalizimin e vizave, si dhe shtimin e presionit ndaj Vuçiç për njohjen e Kosovës si shtet i pavarur.

Liberalizimin e vizave, njohjen e pavarësisë së Kosovës nga Serbia dhe bashkimit me vendin të Luginës së Preshevës. Janë këto tre pretendimet kryesore të Hashim Thaçit në samitin e Berlinit.

Presidenti i Kosovës Thaçi është takuar me përfaqësuesen e lartë të Bashkimit Evropian, në Berlin. Kryeministri I Kosovës Haradinaj nuk ishte I pranishëm. Thaçi u shpreh se takimi kishte qenë pozitiv, dhe se kishte kërkuar liberalizimin e vizave në një moment që Kosova kishte përmbushur çdo detyrim.

Ai theksoi se shpresonte që Merkel dhe Makron do të jenë të qartë për sa i përket kësaj çështjeje, e nëse kjo nuk ndodhë do të ishte një zhgënjim i thellë për këtë samit. Sa për vendosjen e taksës Thaçi tha se ajo është e drejtë e ligjshme,  dhe nëse Serbia vazhdon me veprime agresive, Prishtina do t’i shtojmë masat duke shkuar në nivel reciprociteti

“Ne do të presim nga takimi që të lëvizim përpara, që t’i jepet mbështetje liberalizimit, vazhdimit të dialogut të pakushtëzuar por edhe që të bindet Vuçiç që të njohë shtetin e Kosovës. Kosova është një vend i lirë, sovran dhe duam shumë që Lugina e Preshevës të jetë pjesë e Kosovës”, përfundoi Thaçi./ABC News


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono