Partizani

sormani-kalari-1280x853.jpg
Vladimir Prenga09:45 | 22/01/2020

Kritikat për Partizanin, pas humbjes me Skënderbeun, kanë qenë të shumta. Tifozët kanë vërshuar në rrjetet sociale dhe kanë lënë komente nga më të ndryshmet. Trajneri dhe lojtarët kanë qenë në shënjestër.

Kjo situatë e shton edhe më shumë presionin në kampin e kuq. Tifozët kërkojnë sërish titullin kampion dhe nuk do të jetë aspak e lehtë, nisur nga luhatjet që Partizani ka treguar në këtë sezon futbollistik.

Ndeshja e radhës është ajo kundër Kukësit dhe në kampin e kuq e kanë detyrim të paktën të mos humbasin. Fitorja në fakt do të ishte autokritika e duhur dhe mundësi e mirë për të mos e lënë skuadrën verilindore të shkëputet.

Nuk do të jetë e lehtë, sidomos kur bën llogaritë dhe mendon se trajneri Sormani nuk do të ketë në dispozicion dy titullarë të mesfushës. Rron Broja u ndëshkua me karton të kuq dhe duhet të shlyejë pezullimin, ndërkohë që edhe Bruno Telushi ka plotësuar numrin e kartonëve të verdhë.

Dy mungesa të rëndësishme në mesfushën e Partizanit, ndërkohë që këtë javë nuk mund të luajnë sërish edhe Deian Boldor e William Cordeiro, të dënuar me pesë ndeshje nga Komisioni i Disiplinës pas përplasjeve që patën me lojtarët e Teutës në muajin dhjetor. Ata kanë shlyer dy prej ndeshjeve dhe ende nuk mund ta shlyejnë me gjobë pezullimin. /abcnews.al

dosti.jpg
Vladimir Prenga20:12 | 21/01/2020

Adolfo Sormani e nisi keq vitin, pasi u mposht në Korçë nga Skënderbeu me rezultatin 3-2. Broja u ndëshkua me karton të kuq në fund të pjesës së parë dhe “demat” luajtën shumicën e kohës me një lojtar më pak.

Humbja nuk është pritur mirë nga tifozët, që nuk i kanë kursyer kritikat në rrjetet sociale. Nuk shpëtojnë dot sulmuesit e Partizanit, të cilët nuk e gjetën dot rrugën e rrjetës. Ish-sulmuesi, Edmond Dosti, kampion dhe golashënues i kampionatit në vitin 1993, kritikon hapur.

“Një Partizan që luajti mirë 30 minuta, por me daljen me të kuqe m’u duk sikur Partizanit ju prishën ekulibrat. Deri këtu “OK”, por a mundet kush të më thotë sa gjuajte bënë në portë sulmuesit tanë që fitojnë jo pak dhe si mundet të fitosh ndeshjet? Jo, jo, kështu jo!”, shkruan Dosti në llogarinë e tij në” Facebook”. /abcnews.al

Sormani-Partizani.jpg
Igli Nikolli19:12 | 21/01/2020

Adolfo Sormani debutoi me humbje në stolin e Partizanit. Trajneri italian analizoi ndeshjen në deklaratën e dhënë për emisionin “Gol pas Goli” në Supersport, aty ku flet për paraqitjen e ekipit, debutimin e Feratit dhe rivalitetin e madh në Superiore.

NDESHJA – “Besoj se luajtëm mirë gjatë gjithë ndeshjes, jo vetëm 40 minuta. Nëse realizonim penalltinë e dytë, mund ta fitonim ndeshjen. Jam i kënaqur me paraqitjen e ekipit, por rezultati nuk e tregon këtë. Skuadra më ka pëlqyer gjithsesi”.

MERKATO – “Mendoj të stërvit lojtarët që janë. Nuk është momenti për merkato, por të flasim për ndeshjen, për zemrën që djemtë vunë në fushë, për rastet që humbëm dhe për atë që mund të bëjmë më mirë”.

ARBITRI – “Nuk flas për arbitrin. Mund të tregoni çdo episod, por nuk do ankohem kurrë për gjykimin”.

LOJTARËT E RINJ – “Komplimente Feratit, bëri një ndeshje të mirë si debutues. U konsumua dhe vendosa të fus Romeron. Në pjesën e parë duhet të kishim mbyllur ndeshjen me rastet që patëm. Duhet të ishim më cinikë dhe më pas duhet të mendonim për ekuilibrin e ekipit”.

SUPERIORJA – “Kampionatin e tregon renditja, është shumë i ekuilibruar. Nuk e meritonim humbjen, luajtëm mirë dhe meritonim më shumë. Ndeshjet janë të gjitha të ekuilibruara, kjo është pjesë e futbollit modern. Duhet të jesh konstant dhe të jesh i përqendruar gjatë gjithë 90 minutave për të fituar”. /acbnews.al

Cinari-Partizani-Skenderbeu.jpg
Veronik Istrefaj19:00 | 21/01/2020

Është mbyllur takimi mes Skënderbeut dhe Partizanit, me “Ujqërit e Dëborës” që kanë fituar me rezultatin 3-2. Të besuarit e Ilir Dajës e panë veten shumë shpejt në disavantazh, pasi Telushi shënoi nga pika e bardhë e penalltisë që në minutën e tetë.

Broja la skuadrën e Partizanit me 10 futbollistë në minutën e 39-të dhe këtu nisi përmbysja e Skënderbeut. Një autogol nga Bitri çoi shifrat në baraspeshë, ndërsa Krasniqi në sekondat e fundit të fraksionit të parë, kaloi Skënderbeun për herë të parë në avantazh.

Në pjesën e dytë, rastet nuk munguan për asnjërën nga skuadrat, por Partizani kishte mundësinë më të mirë për të barazuar. Çinari fiton penallti dhe Telushi niset për të shënuar sërish, por gabon nga pika e bardhë.

Skënderbeu përfitoi në mënyrën më të mirë të mundshme dhe me anë të Bregut, shënoi sërish. Numri 23 i “Ujqërve të Dëborës” shënoi një gol fantastik, ndoshta më i bukuri deri më tani në Superiore. Trashi shkurtoi në 3-2 në sekondat e fundit, por nuk mjaftoi që t’i heqë fitoren Skënderbeut.

Kategoria Superiore, java 18

SKËNDERBEU – PARTIZANI   3-2
Bitri (ag) 43′, Krasniqi 45+1′, Bregu  / Telushi (p) 8′, Trashi 90+2′

Skënderbeu:  Koliçi, Meksi, Dita, Pollozhani, Imami, Taipi, Elezi, Ndecky, Gripshi, Bregu, Krasniqi. Trajner: Ilir Daja.

Partizani: Hoxha, Idrizaj, Bitri, Belica, Trashi, Broja, Telushi, Ferati, Bardhi, Çinari, Solomon. Trajner: Renaldo Kalari

Gjyqtar: Kridens Meta

Kartonë të verdhë: Pollozhani 7′, Imami 67′ / Telushi 12′, Broja 15′ 39′

Karton i kuq: Broja 39′

air-albania-stadium.png
Igli Nikolli18:27 | 21/01/2020

Kukësi e rinis kampionatin nesër kundër Luftëtarit në Gjirokastër, teksa në fundjavë luhet dueli për titull kundër Partizanit. Kjo përballje do të luhet në “Air Albania Stadium” dhe shumë tifozë pritet të jenë të pranishëm në stadiumin kombëtar me datë 26 janar (19:00)

Klubi verilindor ka publikuar çmimet e biletave për duelin kundër kampionëve në fuqi. Biletat do të dalin në shitje ditën e nesërme, teksa çmimet vijojnë nga 500 lekë deri në 3 mijë lekë.

Tre janë pikat ku tifozët e dy ekipeve mund të blejnë biletat: dyqani te stadiumi Selman Stermasi (nga ora 9:00-18:00), dyqani Joma tek ETC (nga ora 9:00-21:00) dhe te godina e ish-fushës së Aviacionit Civil (nga ora 9:00-20:00). /abcnews.al

 

View this post on Instagram

 

Njoftim i klubit! Nga dita e nesërme, do të nisë shitja e biletave për ndeshjen që skuadra jonë luan kundër Partizanit në stadiumin “Air Albania”, në datën 26 janar, ora 19:00. Çmimet e biletave janë këto: W104 – 3000 lekë (përfshirë edhe katering) W101, W102, W103, W105, W106, W107 – 2000 lekë E1, E2, E3 – 1000 lekë N1, N2, N3, S1, S2, V1 – 500 lekë – Tifozeria mike do të akomodohet në tribunat W105, W106, W107 dhe S1, S2, V1 (Tribuna “Vasillaq Zëri”) Biletat mund t’i blini në këto pika: – Dyqani i FSHF, rruga e Elbasanit. 9:00 – 19:00 – Dyqani te stadiumi Selman Stermasi. 9:00 – 18:00 – Dyqani Joma te ETC në katin e dytë! 9:00 – 21:00 – “All In One ltd” Godina 14-15, Ish Fusha e Aviacionit Civil. 9:00 – 20:00

A post shared by F.K. Kukësi (@fkkukesialbania) on

Skenderbeu-Festa-e-golit.jpg
Veronik Istrefaj17:53 | 21/01/2020

Është mbyllur pjesa e parë mes Skënderbeut dhe Partizanit, një pjesë e parë spektakolare. Ishin “Demat e Kuq” ata që kaluan të parët në avantazh me anë të Telushit. Pollozhani prek një top me dorë brenda zonës dhe penallti për Partizanin.

Mesfushori Telushi tregohet i saktë dhe mposht Koliçin nga pika e bardhë. Në dy minutat e fundit të pjesës së parë, Skënderbeu arrin të përmbysë gjithçka. Fillimisht, ishte një autogol nga Bitri në minutën e 43-të, ndërsa Krasniqi shënoi në sekondat e fundit të pjesës së parë, për t’i çuar skuadrat në dhomat e zhveshjes me rezultatin 2-1./abcnews.al

Kategoria Superiore, java 18

SKËNDERBEU – PARTIZANI   2-1
Bitri (ag) 43′, Krasniqi 45+1′ / Telushi (p) 8′

Skënderbeu:  Koliçi, Meksi, Dita, Pollozhani, Imami, Taipi, Elezi, Ndecky, Gripshi, Bregu, Krasniqi. Trajner: Ilir Daja.

Partizani: Hoxha, Idrizaj, Bitri, Belica, Trashi, Broja, Telushi, Ferati, Bardhi, Çinari, Solomon. Trajner: Renaldo Kalari

Gjyqtar: Kridens Meta

Kartonë të verdhë: Pollozhani 7′ / Telushi 12′, Broja 15′ 39′

Karton i kuq: Broja 39′

Festa e “Demave” pas golit të Telushit
daja-mesfushor-1280x854.jpg
Veronik Istrefaj16:28 | 21/01/2020

Asion Daja, mesfushori i Skënderbeut, nuk do të luajë në sfidën e sotme përballë Partizanit, për shkak se është i dënuar me kartonë. Mesfushori foli për Supersport para kësaj sfide, ku tregoi dëshirën e tij për të qenë në fushë dhe i thuri elozhe afrimit në merkato të korçarëve, Eni Imamit.

“Po, këtë ndeshje doja të isha në fushë, të luaja, pasi gjithë këto vite ndeshjet mes Partizani dhe Skënderbeut kanë dhuruar spektakël. Edhe sot besoj se do të jetë një ndeshje shumë e bukur, do të ketë gola dhe shumë cilësi në fushë.

Do të thosha që pavarësisht se faza nuk është zhvendosur jashtë Shqipërisë, kushtet kanë qenë njësoj, pasi në Tropikal i zhvillon stërvitjet edhe kombëtarja. Gjatë gjithë kësaj periudhe, nuk kemi pasur dëmtime për fat të mirë. Edhe ardhja e Imamit, që luan titullar sot, do t’i japë më shumë forcë prapavijës./abcnews.al

Skenderbeu-Laci-1280x720.jpg
Vladimir Prenga16:02 | 21/01/2020

Adolf Sormani e nis me një surprizë në formacion kundër Skënderbeut. Italiani ka zgjedhur në mesfushë Besnik Feratin, të riun që Partizani as e federoi në pjesën e parë të kampionatit. Mesfushori shqiptar nga Maqedonia do të luajë krah Telushit dhe Brojës.

Sa i takon rreshtimit të Skënderbeut, Elezi ka fituar pikë gjatë fazës përgatitore dhe me Taipin do luajë në mesfushë. Në linjën e majtë të mbrojtjes aktivizohet Eni Imami, prurja e vetme e korçarëve në merkaton e janarit.

Formacioni i Skënderbeut: Koliçi, Meksi, Dita, Pollozhani, Imami, Taipi, Elezi, Ndecky, Gripshi, Bregu, Krasniqi. Trajner: Ilir Daja.

Formacioni i Partizanit: Hoxha, Idrizaj, Bitri, Belica, Trashi, Broja, Telushi, Ferati, Bardhi, Çinari, Solomon. Trajner: Renaldo Kalari

boldor.jpg
Vladimir Prenga08:00 | 21/01/2020

Merkato nuk është mbyllur. Klubet e Superiores duan të përforcohen, por në momentet e fundit mund të ketë edhe “firo”. Kjo mund të ndodhë madje në skuadra pretendente për titullin kampion, si Tirana dhe Partizani.

Te “demat e kuq”, pas largimit të sulmuesit Joseph Ekuban një ditë më parë, rrezikon edhe një mbrojtës dhe sipas asaj që shkruan “Panorama Sport” është rumuni Deian Boldor ai i cili mund të bëjë gati valixhet.

Edhe më parë mbrojtësi është vënë në dyshim, por klubi dhe vetë ai hodhën gjithçka poshtë përmes postimeve në rrjetet sociale. Tani zërat e largimit rikthehet sërish dhe mbetet të shihet se çfarë do të ndodhë.

Muçi, gjatë një ndeshjeje me Tiranën

ERNEST MUÇI – Sulmuesi e mbylli kampionatin me dy gola të shënuar kundër Laçit, në transfertë. Muçi është ndjekur shpesh nga menaxherë të ndryshëm, por më së shumti ka luajtur me Shqipërinë U19 dhe jo me Tiranën.

Fiziku e penalizon dhe në këtë aspekt duhet të përmirësohet, sikurse edhe u shpreh trajneri Emanuel Egbo pas ndeshjes në Laç. Pavarësisht mangësive që mund të ketë, për të thuhet se Dinamo Zagreb ka bërë një ofertë të majme.

300 mijë euro ofrohen për Muçin nga gjiganti kroat, ndërkohë që klubi i Tiranës synon të ruajë 20% të vlerës së kartonit. Kjo në mënyrë që të përfitojnë nga një transferim i sulmuesit në të ardhmen. /abcnews.al

sport-presing-3.jpg
Vladimir Prenga23:45 | 20/01/2020

Ledio Pano, ish-mesfushori i Partizanit, pjesë e klubit të kuq, i ftuar në emisionin “Pressing” në ABC News, ka folur për tema të ndryshme. Nuk lihet mënjanë edh Kukësi i drejtuar nga Shpëtim Duro dhe Pano thotë: “Kukësi nuk ishte i ndërlidhur në fillim kështu, si tani. Lojtarët janë njohur dhe janë ndërthurur.

Gavazaj dhe Abazaj me kalimin e ndeshjeve u futën në grupin e lojtarëve të tjerë. Grupi është cilësor, sulmi është shumë i mirë. Ka kapitenin Musolli, nga më të mirët në kampionat. Prapavija lë pak për të dëshiruar. Vendin e parë s’ke ku e shan. Por kur ke një sulm si Kukësi, prapavija do vuajë”. Më tej ai foli për rivalitetin për titull.

“Katër skuadrat kanë presionin më të madh, me Partizanin në krye. Kukësi ka ekipin më të mirë, sa është i pari. Kemi një Bylis në rritje, që askush nuk e mendonte të dytin. Teuta nuk ka presion, s’ka pasur kurrë. Nuk e ka pasur peshën për të luftuar për titullin. Mjaftohej me Europën, edhe pse luftonte deri në fund”, u shpreh Pano.

Ish-mesfushori analizoi më pas Partizani dhe nuk mungojnë kritikat: “Prisja shumë më tepër nga Partizani, duhet të ishte më kompetitiv dhe më i forcuar nga vjet. Nuk më ka lënë shije të mirë Partizani i gjysmës së parë. Gjithsesi, me ndërrimin e trajnerit, pres të ketë një ndryshim nga të gjitha anët.

Logjikisht, lind pyetja pse nuk jam optimist: Sepse Partizani nuk ka treguar rritje në lojën e saj. Prisja shumë më tepër. Me fitimin e titullit besoja se do shkonte çdo gjë për mirë.  Partizani e kishte stafin që solli titullin, jo spekatkolar, por që kishe qejf ta shihje. Prisja të bëheshin ndërhyrjet e duhura me po atë trajner, jo kaq të mëdha, por cilësorë.

E kam te mentaliteti se si një Partizan duhet të ndërtohet. Pa diskutim që kam spekticizëm. Nuk e kam me Sormanin. Kam parë dy miqësore dhe nuk kam mbetur i kënaqur me lojën. Prisja më shumë, prisja ndryshim. Nuk e pashë. Prapë kampionati këtu është tjetër. Nesër është një test që do të tregojë nëse Partizani është i gatshëm të luftojë me rivalët për titullin”.

“Sormanin e kemi parë para dy vitesh. Nuk ka treguar ndonjë nivel të mirë. Iku për mungesë rezultatesh. Ndaj thashë që nuk jam optimist. Bën stërvitje të shkëlqyer, por mendimin tim nuk e lexon mirë ndeshjen. Duhet ta lexojë që të jetë sa më efikas. Është mendimi im ky dhe nuk e ndryshoj dot”, tha Pano. / abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono