partitë

parlamenti-i-kosoves-1280x721.jpg
nev ila15:40 | 14/08/2019

Kur duhet rreth një javë nga seanca që do të shpërndajë parlamentin, partitë politike kosovare duken të prirura të shkojnë në zgjedhje të vetme. Megjithatë, në vartësi të zhvillimeve, ato nuk i përjashtojnë koalicionet zgjedhore.

Tashmë kur kanë mbetur edhe më pak se një javë për tu mbajtur seanca e thirrur për shpërndarjen e parlamentit kanë nisur edhe negociatat si dhe deklaratat e ndryshme për koalicione të mundshme parazgjedhore ndërmjet partive politike.

Partia Demokratike e Kosovës, sipas nënkryetarit të saj Envej Hoxhaj, programin e saj nuk do ta përziej me askënd. Ai thotë se është e pamundur të ketë koalicion parazgjedhor me patitë e mëdha.

“Ne do të shkojmë në zgjedhje të vetëm. Nuk e përjashtojmë mundësinë për koalicion me ndonjë parti të vogël, por jo me ato të mëdha parlamentare”, tha Enver Hoxhaj nënkryetar i PDK-së.

Deputeti nga radhët e LDK-së, Arben Gashi tha se do të ishte mirë që secila parti të garojë e vetme në zgjedhje që të shihet forca politike e secilit subject. Sipas tij, nëse partitë e tjera vendosin të shkojnë në garë me koalicione, atëherë kjo parti nuk përjashton mundësinë e një koalicioni me VV-në.

“Nëse do të kemi koalicione prej partive parlamentare, si AAK-ja, apo PDK-ja që vendosin të bëhen bashkë, normalisht ne kemi mendimin tonë strategjik dhe preferojmë koalicion opozitar”, tha Arben Gashi, LDK.

Derisa AAK-ja nuk ka vija të kuqe për askënd, por më e përafërt është me Nismën Social Demokrate dhe PSD-në.

“Do bashkëpunojmë me ata që janë për shtetin, që bëjnë 100 për qind shtet”, tha Ahmet Isufi, nënkryetar i AAK-së.

Shikuar nga praktika e zgjedhjeve të kaluara partitë e mëdha politike presin gjithmonë momentin e fundit për tu certifikuar në KQZ  si koalicione parazgjedhore apo të garojnë të vetme./ABC News Albania 24/7

kosove-2-1280x707.jpg
Sej rie17:45 | 08/08/2019

Partitë politike në Kosovë vazhdojnë të dorëzojnë firmat e deputetëve të tyre për shkrirjen e parlamentit, me qëllim mbajtjen e zgjedhjeve të parakohshme. Ndërkohë, Komisioni Qendror i Zgjedhjeve ka deklaruar se është gati në çdo moment për zhvillimin e procesit elektoral.

Partitë politike janë duke dorëzuar nënshkrimet për seancën e thirrur për shpërbërjen e parlamentit. Partia Socialdemokrate sot dorëzoi nënshkrimet e 12 deputetëve të saj për seancën e 22 Gushtit.

Shefi i Grupit Parlamentar të PSD-së, Dardan Sejdiu, deklaroi se zgjedhjet janë rruga përpara dhe në zgjedhje zgjidhja që duhet ofruar është programore. Ndërsa para dy ditësh edhe Lëvizja Vetëvendosje ka dorëzuar nënshkrimet e 19 deputetëve të saj.

Ndërsa Këshilli Drejtues i LDK-së ka diskutuar për përgatitjet për zgjedhje të jashtëzakonshme.

Derisa kryetarja e Komisionit Qendror të Zgjedhjeve ka thënë se janë të përgatitur dhe të gatshëm për zgjedhje të jashtëzakonshme kurdo që vendoset të mbahen ato.

Valdete Daka, kryetare e KQZ-së: “Ne jemi të gatshëm që kurdoqoftë ato të shpallen, t’i organizojmë”.

Në mbledhjen e sotme KQZ-ja ka marrë vendim në mbledhjen e radhës që të miratojë kërkesën e tri partive politike për regjistrim./ABC News Albania 24/7

balla-1280x725.jpg
Sej rie16:30 | 05/08/2019

Partia Socialiste injoron kërkesën e opozitës për tu regjistruar në zgjedhjet e 13 Tetorit. Taulant Balla tha se zgjedhjet u kryen në 30 qershor, dhe se PS e mirëpret opozitën në dialog për reformën zgjedhore për të përmirësuar rregullat për zgjedhjet e 2021-it.

Kërkesa e tre partive opozitare për tu regjistruar në zgjedhjet e 13 Tetori ka rënë në vesh të shurdhët jo vetëm në KQZ, por edhe në Partinë Socialiste.

Numri dy i kësaj partie vijon takimet me strukturat dhe injoron kërkesat e opozitës, duke thënë se tashmë të zgjedhurit e 30 qershorit janë në detyrë.

“Të mos ë bëjmë qesharake, zgjedhjet u kryen”.  

Partia Socialiste përjashton çdo mundësi për zgjedhje të parakohshme, duke thënë se dialogu me opozitën mund të bëhet vetëm në funksion të zgjedhjeve parlamentare të 2021-it.

“Dora jonë e shtrirë për reformën zgjedhore. Zgjedhjet në 2021”.  

Kur flet për dialog, Taulant Balla përjashton çdo mundësi të rrudhjes së Reformës në Drejtësi.

 “Asnjë negociatë në disfavor të reformës në drejtësi”.

Këto ditë gushti, e gjejnë Partinë Socialiste në fazë përgatitore për të nisur në shtator zgjedhjet e brendshme të saj, të cilat do të rifreskojnë gjithçka, duke rizgjedhur çdo strukturë, përveç kryetarit./ABC News Albania 24/7

sttler.jpg
nev ila10:45 | 20/06/2019

Nga Shkodra ambasadori austriak në Tiranë ka thënë se situata është nxehur shumë dhe duhet vepruar shpejt. Për Jonas Sattler  diçka duhet të ndodh se Shqipëria është në krizë të madhe.

Çdo herë kur ka zgjedhje në Shqipëri ka kriza, në vendet e tjera zgjedhjet i zgjidhin krizat ndërsa këtu është e kundërta. Kryetarët e partive të ulen sëbashku. Djegia e shkollave është aspak e këndshme. Ata me mendësi demokratike nuk djegin shkolla”.

Sattler flet për zhbllokim të situatës dhe nuk duhet të shkohet deri në fund.

“Sa i përket zgjedhjeve më 30 qershor, situata mund të zhbllokohet por duhet të veprohet menjëherë.  Sepse është nxehur shume situata dhe ka patur incidente sidomos në veri dhe nuk duhet të shkohet kështu deri në fund për të parë se çfarë duhet të ndodh”.

Për përgjimet e publikuar nga BILD,   Jonas Sattler përmendi edhe Austrinë

“Përgjimet mund të jenë të sakta dhe nëse ka përbërje kriminale duhet të konfirmohet. Nuk e di nëse e keni ndjekur në Austri për një video që tronditi Austrinë dhe nëse ka diçka duhet gjykuar nga gjykatat dhe këtu shpresa e madhe është tek drejtesia”.

Referuar jetës prej shumë kohësh në Shqipëri, ka dhe një përshtypje të tijën:

“Keni polarizim në Shqipëri. Edhe pse jetoj prej 30 vitesh këtu nuk e kuptoj atë çfarë ndodh, klanet, përplasjet e tjera edhe pse jepen disa shpjegime për këto që nuk më bindin asnjëherë. Ju duhet t’i kapërceni këto. Për të zgjidhur kriza të mëdha duhet të ketë edhe koalicione të mëdha dhe ju duhet të jeni më të bashkuar për të qenë pjesë e BE”.

Ambasadori Austriak ishte në Shkodër në një takim me të rinjtë kur foli për  situatën në vend. Ai fajësoi edhe shoqërinë, si një shoqëri që rri  në shtëpi, dhe nuk detyron  partitë të jenë të hapura e të mos lejojnë që kryetarët e tyre të jenë diktator./ABC News Albania 24/7

47319588_303.jpg
Sej rie15:10 | 09/06/2019

Gjermania i ka bërë thirrje klasës politike shqiptare që të pranojë vendimin e presidentit Meta për anulimin e datës së zgjedhjeve lokale. Përmes një deklarate, ligjvënësit gjermanë kanë deklaruar se më parë duhet të ndodhë pajtimi ndërpartiak dhe më pas të shkohet në procesin zgjedhor.

Nënkryetari i grupit parlamentar të Unionit Kristiandemokrat dhe Kristiansocialist në Parlamentin gjerman, Johan David Vadephul i ka sugjeruar klasës politike shqiptare që të pranojë vendimin e presidentit për shtyrjen e zgjedhjeve.

Vadephul: “Pas këtij vendimi të presidentit ekziston një situatë e re politike. Të gjitha palët tani duhet të kërkojnë rrugën e pajtimit. Kjo presupozon që të gjithë ta pranojnë vendimin e presidentit dhe pastaj të marrin pjesë në garën politike”.

Sipas Vadephul, çdo lëvizje tjetër do të ishte anti-europiane dhe do të forconte dyshimet mbi procesin e integrimit. Ndërsa me pranimin e vendimit të presidentit krijohet një bazë e re për një bashkjetesë paqësore mes rivalëve politikë.

Vadephul:Në Europë çdo qeveri duhet të pranojë një opozitë kritike dhe çdo opozitë një qeveri efikase. Ky është një aspekt kyç për një shtet të qëndrueshëm dhe demokratik”.

Vadephul ka shtuar se, nëse Shqipëria dëshiron të përshkojë këtë rrugë për të arritur Europën, atëherë Gjermania do ta mbështesë. Vendimi i presidentit Ilir Meta, ditën e shtunë, erdhi pas një vizite në Berlin ku zhvilloi takime me deputetë të shumtë të Bundestagut, mes të cilëve zotin Vadephul. /ABC news Albania 24/7

salvini-1.jpg
Sej rie17:00 | 21/05/2019

Një grup i madh antifashistësh janë përplasur me forcat e rendit në Bolonja, pasi po përpiqeshin  të pengonin tubime elektorale të partive fashiste në vend, në kuadër të zgjedhjeve parlamentare evropiane.

Dhuna dhe tensionet po shoqërojnë fuqizimin e radikalëve të djathtë kundër emigrantëve në Itali, para zgjedhjeve euro-parlamentare. Shembull janë edhe këto përleshje që shpërthyen në Bolonjë.

Protagonistë ishin aktivistët e grupimeve anti-fashiste, të cilët u përpoqën të pengonin një takim elektoral të Forca Nuovës, partisë me profil fashist nacionalist. Policia ndërhyri për të shmangur përplasjet mes dy grupimeve.

Në duar, manifestuesit anti-fashistë mbanin parulla ku shkruhej se fashistëve nuk duhet t’u lejohet të thonë opinionin e tyre.

Duke folur për mediat, kreu i fashistëve të Forca Nuovës Roberto Fiore tha se forca e tij politike po ngre zërin për ato që shqetësojnë qytetarët e thjeshtë. Sipas tij, kreu i Lega Nord Mateo Salvini e ka kuptuar këtë dhe po vepron në bazë të kërkesave të popullit, ndaj dhe po njeh rritje të mbështetjes. Me përleshje të dhunshme u prit edhe vetë Salvini gjatë një takimi elektoral në fundjavë në Firence./ABC News Albania 24/7

dashamir-shehi-1280x757.jpg
Sej rie20:15 | 29/04/2019

U nënshkrua sot platforma për marrëveshje kushtetuese e pesë partive aleate të demokratëve në opozitë. I ftuar në studion e “Mbrëmje Ide”, Dashamir Shehi ka folur për platformën e grupit të qendrës së djathtë dhe 12 pikat që ajo përmban.

Mirela Milori: Çfarë synon në mënyrë të përmbledhur platforma juaj, të ulë palët në tryezën e bisedimeve apo të hapi rrugë të reja për zgjedhjen e ngërçit?

Dashamir Shehi: “Dy gjëra dhe janë dy elementë të rëndësishëm përtej 12 pikave. E para është që të ezaurojë deri në fund gjithë hapësirën e mundshme të negociuehsme në bazë të kushteve që kemi vënë. Për largimin e Ramës që e firmosëm bashkë me PD-në, por t’i ezaurojë dhe mendojnë se ka ende hapësirë për negociata, për Presidenti, për ndërkombëtarët. Kjo është e para, më imediatja dhe më pragmatistja.  

E dyta është që të lëmë një dokumente, një shpresë dhe  një linjë më ndryshe edhe për kohët që vijnë sepse këtu nuk do mbyllet politika. Ne kemi dalë nga Parlamenti ne kemi dalë nga zgjedhjet dhe prepuzohet se nëse nuk gjente një rrugë atëherë opozita do të rifillojë rrugën e vet malorë. Do ta shikojmë se sa do të zgjasin kjo punë një muaj një vit dhe kur mund të bëhen zgjedhjet. Dhe zgjedhjet nuk mund të bëhen nesër ose pasnesër sikundër pretendojnë disa. Zgjedhjet duhen bëra pas 6-7 muajve ose nga fundi i vitit. Nëse ata bëhen në të njëjtin kontekst politik, me të njëjtat personazhe dhe me të njëjtat ligje nuk do të kishin më vlerë. Këto janë dy gjëra që do të thotë të mbarojmë fazën e mundësive të negociueshme për të hapur pastaj fazën e re”.

Mirela Milori: Mendoni se do të pranohen nga të dyja palët këto?

Dashamir Shehi: “Tani ofrojmë një dokument dhe ofrojmë vullnetin tonë. Mendoj se në shumicën e këtyre pikave jemi dakord edhe me PD-në. Po ta shikosh atë që kemi nënshkruan edhe me PD-në nuk ka ndonjë diferencë të madhe. Diferenca është në dy tre pika në të cilat PD ka qenë më sensitive. Siç është ndryshimi i Kodit Zgjedhor. Nuk ka qenë e përqendruan shumë në kufizimin e mandateve PD”./abcnews.al

fatmir-mediu.jpg
Sej rie17:39 | 25/04/2019

Pas zyrtarizmit të koalicionit opozitar të firmosur mes partisë demokratike dhe aleatëve të saj, këta të fundit kanë ndërmarrë një lëvizje organizative përmes krijimit të “Grupimit të Qendrës së Djathtë”, i cili ka për qëllim unifikimin e qëndrimeve të 5 partive të vogla sa i përket kërkesave të tyre për garantimin e zgjedhjeve të lira e të ndershme.

Partitë e vogla opozitare zotohen përmes krijimit të ‘Grupimit të Qendrës së Djathtë’ se unifikojnë qëndrimin e tyre sa i përket kërkesave për garantimin e standardeve demokratike në zgjedhje.

E duket se i pari qëndrim i përbashkët i partive të vogla opozitare është pikërisht një prej kërkesave të hershme të artikuluaka nga krerët e tyre, ndryshimi i sistemit zgjedhor. Propozimi i 5 partive aleatë të Partisë Demokratike është pikërisht modeli me lista të hapura.

Nard Ndoka: “Kemi bashkëpunim ndër vite për kauzën tonë të përbashkët në shumicën e rasteve si ka qenë kodi zgjedhor”.

Republikanët, Ambientalistët, Demokristianët, Lëvizja për Zhvillim Kombëtar dhe Partia për Bashkimi për të Drejtat e Njeriut përmes këtij grupimi kanë vendosur të zhvillojnë veprimtarinë e tyre si një forum i përbashkët, në përputhje me platformën e nënshkruar në formë marrëveshjeje me Partinë Demokratike.

Agron Duka: “Faktori kryesor që sjell hemorragji të vazhdueshme është ekonomia, pasiguria, jeta sociale e kulturore”.

Përmes këtij akti partitë e vogla opozitare zotohen të kenë qëndrime të unifikuara në kërkesat që do të garantojnë zgjedhje të lira e të ndershme.

Fatmir Mediu: “Garantohet që vota e qytetarëve shkon tek kandidatët që ata duan dhe jo tek kandidatët që paracaktojnë liderët e partive politike”.

Takimi i zhvilluar në tiranë, do të përsëritet në çdo qark të vendit, ku bazuar në strategjinë e përbashkët politike do të trajtohen të gjitha temat që janë prioritet i aksionit opozitar./abcnews.al

OK-KRONIKE-AFATI-I-REGJISTRIMIT-KQZ-E-MARTE_ABC-M4-T2.mpg_snapshot_00.03-1280x720.jpg
ent ela21:59 | 21/04/2019

Shkon drejt përfundimit afati për regjistrim të partive politike pranë Komisionit Qendror të Zgjedhjeve për zgjedhjet vendore të qershorit. Ditën e martë KQZ regjistron 9 parti të reja dhe mbyll afatin për dorëzimin e dokumentacionit për t’u regjistruar në zgjedhje.

Komisioni Qendror i Zgjedhjeve ditën e martë do të zhvillojë mbledhjen e rradhës në funksion jo vetëm të plotësimit të vakancave në parlamentin e Shqipërisë, por edhe regjistrimin e partive politike në zgjedhjet e qershorit.

Afati i ksaj të fundit, sipas përcaktimit të nenit 64 të Kodit Zgjedhor, përfundon 70 ditë përpara datës së zgjedhjeve, të dekretuara nga Presidenti për t’u zhvilluar më 30 qershor. Llogaritja kalendarike e këtij afati përkon me mesnatën e 21 Prillit, por aplikimet për regjistrim në zgjedhje do të pranohen deri ditën e martë për shkak të pushimeve zyrtare, duke i krijuar kështu mundësinë më shumë partive të regjistrohen në zgjedhje.

Pas 25 të tillave të regjistruara derimë tani… dhe 9 të tjerave në pritje për t’u shpallur të regjistruara ditën e martë, qëndron edhe dëshira e shprehur publikisht e grupimit më të ri partiak të deputetes Rudina Hajdari nën siglën “Bindja Demokratike”.

Pavarësisht konfuzionit të fillimit, kur deputetja u vetshpall kryetare e grupit të dorëhequr të Partisë Demokratike, duket se Rudina Hajdari, do të regjistrohet në Gjykatë dhe më pas në KQZ nën siglën më të re, të grupimit të djathtë, “Bindja Demokratike”.

Mbetet për t’u parë rruga që kjo e fundit do të ndjekë për të garuar në zgjedhjet e 30 qershorit, me afatin përfundimtar të regjistrimit të partive politike që skandon të martën.

Por Kodi Zgjedhor krijon një hapsirë për kandidatë të pavarur, të porpozuar nga zgjedhësit e zonës, afati për regjistrim it ë cilëve përfundon 50 ditë nga data e zgjedhjeve, ose 13 Maj.

Ndërkohë nga partitë që e marta zyrtarizon në garën e 30 qershorit, bie në sy “Lista e Barabartë” e Ben Blushit, Partia Demokracia Sociale e Paskal Milos, “Zgjidhja” e Koço Kokdhimës, “Partia Ligj dhe Drejtësi” e Spartak Ngjelës, si dhe “Fryma e Re demokratike” e Bamir Topit.

Njëkohësisht nuk ka asnjë shenjë për regjistrim në zgjedhje të partive kryesore të opozitës së bashkuar.

Të martën Komisioni Qendror i Zgjedhjeve do të votojë njëkohësisht edhe dhënien e mandatit të deputetit për tre kandidatë të rradhës të dalë nga lista shumë-emërore e Partisë Demokratike për qarqet Tiranë dhe Shkodër. Erjon Piciri, Nikolin Staka dhe Zef Shtjefni do të votohen në KQZ për marrjen e mandatit, për ta çuar në 105 numrin e deputetëve të parlamentit. /abcnews.al

protesta-ne-serbii.jpg
G. P.17:50 | 14/04/2019

Edhe në Serbi qytetarët kanë protestuar kundër regjimit autoritar të presidentit Aleksandër Vuçiç. Manifestuesit kanë kërkuar respektimin e të drejtave themelore nga shteti dhe pajtim me vendet e tjera të Ballkanit.

Protesta e opozitës në Serbi ka mbledhur qytetarët nga të gjitha qytetet në sheshet kryesore të kryeqytetit. Ata tani kanë thënë se nuk do të ndalojnë pasi kjo mundësi nuk do të kthehet më. E quajtën presidentin serb, Aleksandër Vuçiç si tradhtar dhe uzurpator, ndërsa thanë se i kanë shkruar dorëheqjen, mjafton që ta firmosë.

Çedomir Çupiç, profesor i Shkencave Politike: Duhet ta ndërpresim këtë realitet të hidhur që na e ka shërbyer. Ju përgëzoj për guximin në tërë Serbinë që e keni bërë për të mbrojtur shtetin.

Në protestë ishin edhe liderët e opozitës së bashkuar në Lidhjen për Serbinë. Aty më vonë erdhi edhe ish-presidenti, Boris Tadiç. Mediat thonë se disa dhjetëra mijëra protestues ishin të pranishëm, policia thotë vetëm 7 mijë.

Boshko Obradoviç, i partisë nacionaliste të djathtë, është bërë problem pasi ka qenë pjesa e opozitës e lidhur me incidente. Presidenti Vuçiç e ka pagëzuar si Boshko fashisti.

Boshko Obradoviç, partia “Dveri”: Kjo është një luftë për të drejtat elementare që për 7 vjet në regjimin e Aleksandër Vuçiç janë duke u shkelur, sidomos liria e shtypit dhe e zgjedhjes. Kërkojmë vetëm një dialog normal dhe nuk jemi për dhunë, por duhet të luftojmë deri në fund për këtë.

Ai thotë se përkundër që flasin për Kosovën në këto protesta, me vendet e rajonit duan paqe.

Boshko Obradoviç, partia “Dveri”: E vetmja zgjidhje për rajonin është pajtimi, të tejkalojmë gjërat që na ndajnë në të shkuarën dhe t’i kthehemi gjërave që mund të na afrojnë në të ardhmen. E dimë në çfarë pikash dallojmë, por nuk duhet të merremi me këtë pasi duhet t’i kthehemi së ardhmes.

Më pas protestuesit u nisën drejt qeverisë për të shprehur pakënaqësinë me punën e saj dhe në shëtitje për t’u thyer sërish tek Kuvendi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono