partitë shqiptare

SHQIPTARET-MAQEDONI.mpg_snapshot_00.02-1280x720.jpg
ent ela21:14 | 11/09/2019

Në reagimin e tyre ndaj dështimit të takimit mes Zoran Zaev dhe Hristjan Mickoski, partia Aleanca Shqiptare dhe lëvizja Besa kanë deklaruar se në krye të Prokurorisë Speciale duhet të vendosen zyrtarë të huaj. Ndërsa për BDI, shanset për një marrëveshje pozitë-opozitë nuk kanë shterruar.

Aleanca për Shqiptarët ka reaguar për shkak se si parti politike nuk ka qenë e ftuar në takimin e liderëve. Sic kanë thënë nga kjo parti, në takime të këtilla duhet të marrin pjesë liderët e katër partive më të mëdha politike në vend. Kreu I kësaj partie Ziadin Sela ka thënë se është e papranueshme sjellja e VMRO-DPMNE-së, LSDM-së dhe BDI-së lidhur me amandamentet për Ligjin e Prokurorisë Publike.

Nga ana tjetër, kreu i Lëvizjes Besa, Bilall Kasami, duke komentuar dështimin e takimit të liderëve, Zaev e Mickoski, thotë se për sistem të pavarur gjyqësor nuk mund të vendosin ata që i ikin drejtësisë.

Por nga BDI thonë se dallimet partiake për Ligjin për Prokurori Publike nuk janë të pakapërcyeshme.

“Momenti është i papërsëritshëm. Liderët politik i dijnë pritjet e qytetarëve dhe do t’u përgjigjen në mënyrë adekuate këtyre pritjeve dhe do t’I tejkalojnë pozicionet fillestare që të arrijnë kompromis ditëve në vijim”.

Dy partitë opozitare shqiptare Aleanca për Shqiptarët dhe Lëvizja Besa angazhohen që me Prokurorinë Speciale të udhëheqë një prokuror I huaj, nga vendet e Bashhkimit Evropian ose nga SHBA-të. /ABC News Albania 24/7

PARTITE-SHQIPTARE-RMV-ABCM5T2.mpg_snapshot_00.05-1280x720.jpg
ent ela18:45 | 10/09/2019

Partitë politike shqiptare kanë reaguar lidhur me takimin mes dy liderëve të partive maqedonase Zaevit dhe Mickoskit. Ata u shprehën kundër përjashtimit të faktorit shqiptar nga ky takim. ASH-ja dhe Lëvizja BESA kërkojnë angazhimin e profesionistëve nga BE-ja ose SHBA-ja për zbardhjen e proceseve hetimore në vend.

Një tryezë e përbashkët e partive politike në një format të gjërë, ku do arrihej një konsenzus politik për një pikë të vetme, edhe atë të sillen ndryshime të kodit zgjedhor dhe të merret një vendim që vendi të shkojë në zgjedhje të parakohshme parlamentare, dhe paralelisht më këtë të caktohet një zyrtarë nga BE-ja apo SHBA-ja, si bartës i reformave në vend. Kjo sipas ASH-së do të ishte zgjidhja e vetme e daljes së vendit nga kriza. Sa i përket takimit të liderëve mes Zaevit dhe Mickovskit, ASH-ja kategorikisht ka kundërshtuar idenë e përjashtimit të faktorit politik shqiptar nga ky takim.

Në BDI thonë se i mbetën parimor funksionimit të shtetit të së drejtës dhe, sa i përket Ligjit të Prokurorisë Publike dhe statusit të PSP-së për këtë dallimet janë kryesisht mes dy partive më të mëdha maqedonase.

Vlerësojmë se Këshilli gjyqësor, Këshilli i prokurorëve bashkë me gjykatës e prokuror si dhe të gjitha institucionet tjera dhe bartësit e funksioneve publike, vendimet e tyre duhet ti marrin vetëm e vetëm në përputhje me ligjin dhe duke u bazuar në fakte. Bashkimi Demokratik për Integrim distancohet nga çdo ndërhyrje politike në vendimet e institucioneve ligjzbatuese dhe konsideron që drejtësia joselektive dhe sundimi i drejtë i ligjit do të sigurohet nëpërmjet të vetingut të mirëfilltë dhe kjo paraqet prioritetin tonë absolut.

“Çfarëdo marrëveshje që do të arrinin Zaev dhe Mickoski për Ligjin për Prokurorinë dhe për ‘Bombat’ e PSP-së, për Lëvizjen BESA do të jetë e papranueshme nëse pjesë e Marrëveshjes nuk do të jetë që proceset hetimore dhe gjyqësore të dala nga ‘Bombat’ e PSP-në nuk shqyrtohen edhe nga profesionistë nga SHBA dhe BE! –Kështu është shprehur në Facebook Kryetari I Lëvizjes Besa Bilall Kasami. Nëse një gjë e këtillë nuk është pjesë e Marrëveshjes, atëherë me automatizëm nënkuptohet se Zaev dhe Mickovski kanë arritur marrëveshje vetëm për të mbrojtur kriminelët e tyre partiakë dhe ata që shkatërruan shtetin vetëm për t`u pasuruar vetë!”-thuhet në postimin e kreut të Lëvizjes Besa. /ABC News Albania 24/7

vlcsnap-error757-1280x720.jpg
ent ela11:52 | 21/02/2018

Partitë shqiptare në Maqedoni janë kundër dy propozimeve të palës greke për emrin e ri të Maqedonisë. Gora Makedonia – maqedonia e sipërme dhe Severna Makedonia – Maqedonia Veriore janë dy variantet që i janë servirur Shkupit.

Sipas mediave maqedonase në  tryezën e bisedimeve për emrin e ri të Maqedonisë tashmë janë dy propozime, dhe njëri prej tyre mund të jetë kompromisi që do arrihet mes Shkupit dhe Athinës. GornaMakedonija – Maqedonia e Sipërme apo SevernaMakedonija – Maqedonis veriore janë propozimet që do duhet të shkruhen në formë origjinale në sllavisht me gërma cirilike pa përkthim. Për këtë kompromis këmbëngul edhe pala greke.

Burime pranë ministrisë së jashtme maqedonase konfirmuan për agjencinë e lajmeve Ina se këto janë dy nga propozimet përfundimtare e njëri prej tyre mund të çojë drejt zgjidhjes.

Mediat greke javët e fundit kanë paralajmëruar se emri GornaMakedonija ngjitur apo i ndarë i shkruar në sllavisht pa përkthim do të jetë propozimi i fundit që do të mbyllë çështjen e emrit mes dy vendeve fqinje.

Megjithatë edhe pse thuhet se marrëveshja mbi emrin konsiderohet e përfunduar sipas dakordësisë për emrin “GornaMakedonija”, partitë shqiptare që mbështesin qeverinë e Zaev janë kundër këtij opsioni.

Kryetari i partisë Aleanca për Shqipërinë, Zijadin Sela u shpreh se emri i propozuar për përdorim në kushte të përkthyeshme nuk është i pranueshëm për shqiptarët. Kjo sepse ka një tendencë për ndikim sllav  në miratimin e këtij emri.

Artan Grubi, përfaqësues i BDI theksoi se emri duhet të pasqyrojë karakterin multietnik të vendit.

Edhe një grup intelektualësh ka dalë me qëndrim të kundërt përmes një memorandumi, duke theksuar se emri i ri i shtetit duhet të pasqyrojë realitetin kulturor, historik dhe shumetnik të Maqedonisë. /abcnews.al

 

vlcsnap-error153-1280x720.jpg
ent ela12:59 | 05/02/2018

Partitë shqiptare kanë arritur të zotërojnë shumicën e votave në zgjedhjet lokale në Ulqin të Malit të Zi. Sipas të dhënave zyrtare, forcat politike që drejtohen nga liderë shqiptarë kanë marrë 19 këshilltarë nga 33 që janë gjithsej. Ndërsa partitë e Malit të Zi kanë arritur të fitojnë terren ndaj rivalëve shqiptarë duke siguruar 14 vende në këshillin komunal të Ulqinit. Pjesëmarrja ishte 62.75%. Pavarësisht se zotërojnë shumicën, shqiptarët janë të përçarë dhe ende nuk dihet se cila forcë politike do të zgjedhë kryetarin e komunës. Në zgjedhjet e të dielës në Ulqin garuan 8 parti dhe 2 koalicione. Forcat politike shqiptare dolën të ndara në 3 lista zgjedhore. Në votime nuk është regjistruar ndonjë incident apo parregullsi./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono