partia

aleksander-vucic-partia-1280x637.jpg
nev ila14:12 | 30/12/2019

Presidenti serb Aleksandër Vucic deklaron se do të heqë dorë nga drejtimi i partisë së tij vitin e ardhshëm, për ta lënë atë në dorën e të rinjve. Zyrtarët e partisë thonë se është shumë i vështirë të ndryshohet vendimi i Vucic, i cili dëshiron të propozojë edhe pasardhësin e tij në krye të parties progresiste serbe.

Presidenti serb Aleksandar Vucic ka konfirmuar se nuk do të drejtojë më Partinë Progresiste Serbe (SNS) që nga 2020-ta. Vucic tha se njeriu duhet ta dijë kur është koha të largohet. Vuçiç konfirmoi se se nuk ka dyshim se ai nuk do të kandidtojë për kryetar partie në 2020 dhe se ky nuk është më sekret.

Ndërkohë, zyrtarja e Partisë Progresiste Serbe (SNS), Kryetarja e Parlamentit serb, Maja Gojkovic, tha të hënën se do të ishte shumë e vështirë të ndryshohej vendimi i kryetarit të partisë dhe të shtetit, Aleksandar Vucic, për të mos kandiduar për kryetar partie në qershor.

“Lutja ime dhe shumica e anëtarëve të SNS ishte që ai të kandidojë për kryetar të partisë në qershor. Unë mendoj se do të jetë shumë e vështirë për ne të ndryshojmë vendimin e tij,” tha Gojkovic për TV Happy.

Gojkovic tha se Vuçiç, në një seancë të Bordit Kryesor të SNS (SHP), deklaroi se ai dëshironte që kryetar partie të ishte dikush i ri, të cilin ai personalisht do ta propozonte.

Vuçiç tha se kushdo që dëshiron mund të kandidojë brenda dhe jashtë propozimit të tij,” tha Gojkovic, duke shtuar se Vuçiç personalisht do të propozojë njerëz të rinj për poste udhëheqëse./abcnews.al

ramush-haradinaj-partia.jpg
nev ila16:40 | 17/12/2019

Dy partitë fituese të zgjedhjeve në Kosovë, Vetëvendosje dhe LDK, nuk takohen as sot për të përmbyllur marrëveshjen për koalicionin e ri qeveritar.

Ndërkohë, Aleanca për Ardhmërinë e Kosovës, e kryeministrit në detyrë Ramush Haradinaj, përjashtoi mundësinë e një bashkëqeverisjeje me partinë e Kurtit.

Lidhja Demokratike e Kosovës është duke vazhduar konsultat brenda partisë lidhur me bisedimet që ka zhvilluar deri më tash me Lëvizjen Vetëvendosje për një koalicon të mundshëm qeverisës ndërmjet këtyre dy partive.

Pas infomimit të kryetarëve të degëve të partisë, Isa Mustafa ka ftuar për nesër Këshillin Drejtues.

Nënkryetari i LDK-së Abdullah Hoti ka  shfaqur shpresën për arritjen sa më të shpejtë të një marrëveshje me LVV-në.

Më 26 dhjetor presidenti ka thirrut mbledhjen konstituive e legjislaturës së shtatë të Kuvendit të Kosovës.

Kreu i AAK-së njëherit kryeministër në detyrë Ramush Haradinaj sërish ka përsëritur qëndrimin se partia e tij do të shkoj në opozitë.

Zgjedhjet e jashtëzakonshme janë mbajtur më 6 tetor të këtij viti, pas dorëheqjes së Ramush  Haradinajt nga posti i kryeministrit./abcnews.al

PD-PER-REAGIMET-PER-DAJTIN-1280x720.jpg
ad min19:39 | 28/09/2019

PD po përgatit strukturat për zgjedhje të parakohshme, ndërsa protestat nuk duken opsion i momentit, të paktën deri në vendimin e Këshillit Europian për negociatat. Këto porosi u ka dhënë kreu i selisë blu Lulzim Basha kryetarëve të degëve në rrethe në mbledhjen e zhvilluar sot pasdite.

Mbledhja e kryetarit të PD-së Basha me drejtuesit e degëve të PD-së në rrethe, ndryshe nga rastet e mëparshme, nuk prodhoi një datë për mbajtjen e një proteste kombëtare, por me një paralajmërim të kryedemokratit se vendi shumë shpejt do të ketë zgjedhje të parakohshme. Për këtë arsye pranë Partisë Demokratike do të ngrihet shtabi qendror elektoral dhe politik, ndërkohë që shtabe të tilla do të shtrihen në mënyrë piramidale në të gjithë vendin. Basha u ka dhënë drejtuesve të degës orientimet për vazhdimësinë e aksionit politik opozitar.

“Vendi është në një krizë të thellë shumëplanëshe dhe detyra e PD-së dhe opozitës është të angazhohet seriozisht për të qenë pranë njerëzve dhe për t’i hapur rrugë prespektivës europiane të Shqipërisë. Opozita ka dhënë propozimet e veta për zgjidhjen e krizës në vend, që kalon përmes zgjedhjeve të njëkohshme parlamentare dhe lokale të parakohshme, me qeveri tranzitore që garanton standardet për zgjedhjet e lira dhe të ndershme”.

Mësohet se në mbledhjen me dyer të mbyllura Lulzim Basha ka kërkuar nga drejtuesit e degëve të punojnë për bashkimin e faktorëve dhe aktorëve me potencial njerëzor dhe elektoral pranë PD-së si dhe për hapjen e partisë për njerëz me integritet profesional e moral.

Të dielën në mesdite kreu i Partisë Demokratike do zhvillojë një takim me ish-deputetët e grupit parlamentar dhe kryesinë e PD-së./ABC News Albania 24/7

SINKRON-TAHIRI.mpg_snapshot_00.16-1280x720.jpg
ent ela12:07 | 21/09/2019

I pyetur nga gazetarët për të ardhmen në politkë dhe në PS, Tahiri u shpreh se ajo që vlen më shumë për të është drejtësia sesa partia. Ai tha se do i shkojë drejtësisë deri në fund i vetëm përballë të gjithëve.

“Më vlen më shumë drejtësia, sesa partia. Kurban nuk do të thotë të mos jesh në burg por të jesh i lirë, ka njërëz që nuk janë në burg, po janë kurbanë se nuk kanë qenë të lirë. Kam njohur burra që kanë qenë të lirë edhe kur kanë qenë në burg para dhe pas burgut. Ka të burgosur pafund që nuk  janë në burg dhe qeverisin”

Më intereson vetëm drejtësia dhe po e përballoj i vetëm përballë të gjithëve

Ai tha se nuk e ka në dorë partia se se çdo bëhet me të, por ai vetë dhe vetmja gjë e rëndësishme është drejtësia.

“Nuk do të thotë të kesh një karrige që të kesh kontribut të caktuar në publik . Nuk e kam menduar këtë çështje tani. Jam duke i shkuar rrugës sime deri në fund dhe çdo bëj me veten time nuk e ka në dorë as partia, as ndonjë individ, e kam në dorë vetëm unë. Shumë e rëndësishme për mua është për të bërë drejtësi, dhe nuk e ka askush në dorë veç meje”./abcnews.al

putin-904x445.jpg
ad min13:38 | 09/09/2019

Partia e presidentit Putin ka shënuar një rënie të konsiderueshme në zgjedhjet vendore të së dielës në Moskë, duke humbur një të tretat e vendeve në parlamentin e kryeqytetit. Lideri i opozitës Navalni e konsideroi këtë fakt si një sinjal të mirë për të ardhmen e vendit.

“Rusia e bashkuar”, partia kryesore mbështetëse e presidentit Vladimir Putin në parlament, ka humbur rreth një të tretat e vendeve në kuadër të zgjedhjeve vendore të së dielës në Moskë. Një votë që dhe pse vendore, u transformua nga opozita e Navalnit dhe aleatët e tij një rast për të qenë më të sigurtë në zgjedhjet e përgjithshme të vitit 2021.

Rënia e dukshme e mbështetjes gjithsesi nuk e pengon Rusinë e Bashkuar që të ruajë mazhorancën në parlamentin e qytetit. Pjesëmarrja në votime ka qenë shumë e ulët si dhe ka pasur polemika pasi nuk ka pasur exit poll.

Sipas të dhënave zyrtare, partia e Vladimir Putin ka marrë 25 vende nga 45, ndërsa më parë kishte 40. Opozita tashmë ka 20 vende. Zgjedhjet shkuan shumë mirë për Partinë Komuniste e cila pa të fitonte 13 kandidatët e saj.

Ky proces zgjedhor ku u përfshinë rreth 15 rajone ruse u karakterizua që nga muaji Qershor, nga shumë protesta kundër qeverisë. Autoritetet në fakt përjashtuan nga listat kandidatët e opozitës me arsyetimin se listat me pesë mijë firma që kishin dorëzuar nuk ishin të sakta.

Lideri i opozitës Navalni e ka cilësuar si një votë inteligjente atë të së dielës duke thënë se ky ishte një sinjal i mirë për të ardhmen e vendit./ABC News Albania 24/7

pqqqduhsrugirc6igqr6.jpg
ad min11:10 | 22/07/2019

Fitorja e radhës ajo e së dielës për presidentin e Ukrainës Volodymyr Zelensky. Partia e këtij të fundit fitoi me një rezultat historik në zgjedhjet e përgjithshme në vend. Por pavarësisht kësaj, Zelenski ka nevojë për një aleat pasi nuk ka mazhorancën e plotë në parlament.

Ukrainasit i kanë dhënë Presidentit të tyre filo – perëndimor, Zelensky, një mandat për të rinisur politikën e vendit. Sipas rezultateve ish aktori komik ka marrë 43.9 për qind të votave. Partia “Shërbëtor i Popullit”, regjistron në këtë mënyrë një rezultat rekord në zgjedhjet parlamentare të së dielës, që nga moment kur Ukraina ka marrë pavarësinë pas shpërbërjes së Bashkimit Sovjetik.

Me 11.5 për qind të votave ka ndaluar partia e manjatit Viktor Medvedchuk, i konsideruar një njeri shumë i afërt me presidentin rus Putin dhe mbështetës i autonomisë për zonat e kontrolluara nga rebelët filo rusë në Ukrainën lindore. Për Zelensky kjo është një fitore e dytë pas asaj të muajit prill kur mundi presidentin e atëhershëm Petro Poroshenko. Partia e këtij të fundit, Solidariteti Evropian, nuk mori as 10 për qind të votave.

Në reagimin e tij të parë pas publikimit të rezultateve, presidenti ukrainas Zelensky u shpreh se ky ishte një rezultat që tregonte besimin e madh që populli ukrainas kishte në partinë e tij. Më pas ai shtoi se ndër prioritetet e tij renditeshin ndalimi i luftës, lirimi i të burgosurve dhe lufta ndaj korrupsionit.

Por dhe pse një rezultat i jashtëzakonshëm ky mund të mos mjaftojë për një mazhorancë të fortë, duke detyruar Zelensky që të zgjedhë një aleat. Nga 424 vende në parlament, 225 do të zgjidhen në mënyrë proporcionale me pragun e 5%, pra duke u mbështetur në rezultatet e çdo partie./ABC News Albania 24/7

ps123.jpg
ad min23:03 | 12/06/2019

Socialistët kanë festuar ditëlindjen e 28-të. Në ceremoni mungonte kryeministri dhe kryetari i PS, por figurat e tjera nënvizuan rrugëtimin e partisë më të madhe të majtë dhe modelin e suksesit që i ofrojnë vendit, kryebashkiakun e Tiranës Erion Veliaj.

U mblodhën për të festuar 28 vjetorin e Partisë Socialiste. Në eventin e organizuar tek amfiteatri I liqenit, një nga investimet e fundit të Bashkisë Tiranë, u kujtua historia e 28 viteve dhe rrugëtimi i nisur me Fatos Nanon e emra të tjerë të njohur një pjesë e të cilëve politikanë aktivë e shumë të rinj. Në këtë 28 vjetor bilancin e bën Taulant Balla, sekretari i përgjithshëm, duke evidentuar se socialistët ia kanë dalë të vetëm të bëhen forca udhëheqëse në vend.

“Sa herë që Partia Socialiste e Shqipërisë ka marrë detyrën për të qeverisur vendin e ka nisur nga një pikë tejet e vështirë. E ka marrë Shqipërinë e lënë në humnerë gjithmonë nga Saliu dhe e ka ngritur atë. Sot jemi në një prej momenteve më të rëndësishme! Brenda 5 vite e gjysmë të qeverisjes sonë jo vetëm që morëm statusin e vendit kandidat, por Partia Socialiste sot teksa qeveris e vetme është në momentin e fillimit të bisedimeve për anëtarësim në Bashkimin Europian”, tha ai.

Nuk mungoi një socialist i orëve të para. Pandeli Majko kujtoi sfidën e kalimit nga partia komuniste në atë socialiste, si dhe tiparin e pakënaqësisë mes socialistëve për të arritur më të mirën. Por këtë 28 vjetor, simboli është kryebashkiaku i Tiranës Erion Veliaj.

“Sot jemi mbledhur jo vetëm për të kthyer kokën mbrapa dhe për të parë punën e jashtëzakonshme të atij eksperimenti të pabesueshëm që ktheu partinë më konservatore të lindjes komuniste në partinë më liberale të lindjes evropiane. Duhet me se s’bën të vazhdojmë atë histori të vjetër të socialistëve, të qënit të pakënaqur. Gjithmonë të qenit të pakënaqur me veten, të qenit të pakënaqur me atë që kemi arritur, të etur për më shumë sepse historia na kërkon më shumë, ne socialistëve sidomos. Jam i bindur se ditë më të mira do të vijnë, pa diskutim. Edhe unë jam fans i Erion Velisë. Po jam fans edhe i Taulantit jo i Taulantit nga Librazhdit, por i Taulantit nga Laçi. Është ky këtu. E kërkove tani. Mbaje”, tha Majko.

Edi Rama nuk ishte i pranishëm në këtë 28 vjetor, por rolin e tij e kujton Erion Veliaj, që kërkon një mandat të dytë në krye të bashkisë së kryeqytetit

“Dua të përshëndes të gjithë skuadrën tonë, gjithë qeverinë qendrore, ministrat tonë, ata që drejtojnë me Edi Ramën qeverinë tonë, qeverinë më progresiste që ka parë ndonjëherë Shqipëria. Bashkë me Edi ramin ata janë çdo ditë duke u përpjekur që vizioni ynë, ambicia jonë, për këtë qytet të bëhet realitet dhe mund ta bëjë vetëm një forcë Partia Socialiste e Shqipërisë”, tha Veliaj.

Flamujt kuqezi kishin zëvendësuar ata partiakë edhe në këtë ditëlindje, imazhi simbolik që shoqëron socialistët në këtë fushatë zgjedhjesh vendore./ABC News Albania 24/7

peza-dhe-bejtja.jpg
ad min21:16 | 12/06/2019

A do shkarkohet Meta? Kjo ishte tema e debatit këtë të mërkurë në emisionin “Byro Politike” të Juli Xhokaxhi. Por gjatë diskutimeve mes të ftuarve pati një debat mes gazetarit Andi Bejtja dhe analistit Alfred Peza.

Pasi Peza akuzoi Arjon Sulon dhe Andi Bejten se po mbronin veprime anti-demokratike, ky i fundit u kundërpëgjigj duke iu drejtuar moderatores së emisionit dhe duke i kërkuar që të mos e ftojë më me eksponentë partie përballë gazetarëve.

Alfred Peza: Si ka mundësi që ju duartrokisni anti-sistemin, anti-ligjin, anti-kushtetutën dhe veprimet anti-sistem politik dhe demokratik.

Andi Bejtja: Fredi ç’domethënë kjo. I ke fut kasetën.

Alfred Peza: Ju po i thurni himne ndërkohë që gjithë bota demokratike, Uashingtoni, Brukseli, Berlini gjithë njerëzit e përgjegjshëm nuk e pranojnë. Ju thoni rroftë paligjshmëria. Bravo ju qoftë.

Andi Bjetja: Po ta them ty si vërejtje, ja kam thënë dhe Fevziut. Mos na ftoni me eksponentë të çfarëdo partie qoftë përballë dy gazetarë. Atij i matet koha, mua s’ma mat njeri. Ai ka futur kasetën.

Alfred Peza: Bejte fare, unë s’ju ndërpreva fare.

Andi Bejtja: Nuk është e drejtë fare. Ti ke synim politik, unë s’kam.

Alfred Peza: Unë kam synim të qartësoj pozicionin.

Andi Bejtja: Ti s’le, ti krahason Trump-in me këtë situatë tani.

Alfred Peza: Me çfarë të krahasoj? Me Ilir Metën që firmos gjëra anti-kushtetuese. Me kë ta krahasoj? Ma jep ti shembullin analog?

Andi Bejtja: Mos bëj krahasime naive tani, mos u bëj qesharak.

Juli Xhokaxhi: A mund t’i bëjë Rama zgjedhjet me një dekret të çdekretuar të Presidentit dhe a ka kuptim që Meta të caktojë datë zgjedhjesh pa pasur një marrëveshje?

Alfred Peza: S’bëhen gjërat me dëshirë.

Andi Bejta: Nuk kishte si t’u shikonte kështu kjo e Presidentit. Kemi një kohë politike. Nuk jemi në Amerikë që zgjedhjet janë javën e parë të Nëntorit. Mund të bëjmë një datë tjetër që është prapë brenda rregullit. Unë nuk e di, nuk jam jurist. Mund të shpallim datën tjetër, mund të shpallë javën e parë të Korrikut.

Alfred Peza: Jo pra jo.

Andi Bejtja: Duro ta mbaroj, nuk jemi koha politike çdo katër vjet nuk është eksploruar. Nuk jam jurist. Nëse situata shkon si po shkon fjalët kanë mbaruar, fjalë nuk ka më.

Juli Xhokaxhi: Por çfarë ka?

Andi Bejta: Do kemi një lloj përplasje civile mos e diskuto. Duket fjalë e rëndë, më vjen zor ta them, po mendohem 100 herë ta them, por tek kjo jemi dhe fjalët nuk kanë më efekt. Për këtë ditë u mundua Presidenti dhe dy njerëz që kanë dy pare në kokë që të mos vinte kjo ditë./abcnews.al

may.jpg
ad min08:59 | 07/06/2019

Theresa May largohet si kryetare e partisë. Trashëgimia e saj e vetme politike është një vend i ndarë.

Atë që duket se e nënvlerësoi plotësisht May ishte fuqia shkatërruese e Brexit-it. Për të ruajtur bazën e pushtetit në partinë e saj, kryeministrja u përkul që herët përballë kërkesave të mbështetësve të linjave të ashpra antievropiane. Në janar të vitit 2017, ende pa filluar negociatat me BE-në, Theresa May përcaktoi vija të kuqe, me të cilat ajo krijoi si problemin e kufirit irlandez, ashtu edhe e bëri të pamundur një ndarje më konsensuale, më të favorshme nga Evropa. Një numër ministrash për Brexitin, jo diplomatikë dhe / ose pa haber pastaj i kthyen negociatat pothuajse dyvjeçare një provë nervash.

May, megjithatë, e gërmoi vrimën edhe më thellë, duke u lidhur politikisht me përcaktimin e saj të hershëm për një “Brexit” të pastër, për një ndarje të ashpër nga BE. Ajo këmbënguli në mënyrë të ngurtë për vijat e saj të kuqe, të cilat reflektonin në radhë të parë mendimet e mbështetësve të linjës së ngurtë të Brexitit në partinë e saj. Sa më të vështira bëheshin bisedimet me Brukselin, aq më shumë i forconte barrikadat May në pozicionin e saj të pakthyeshëm.

Në këtë kuadër kryeministrja duket se harronte se ato përfaqësonin vetëm mendimin e një pakice në vend dhe në Parlament. Për gati dy vjet, May nuk arriti të lidhë kompromis me opozitën laburiste ose me SNP skoceze. Përpjekjen për këtw ajo e nisi këtë pranvërë, kur ishte tepër vonë.

Fundi i keq është i njohur: Midis janarit dhe fundit të marsit, Dhoma e Poshtme e Parlamentit Britanik e hodhi poshtë tri herë marrëveshjen e daljes nga BE. Brexitasit konservatorë të vijës së ngurtë thanë jo për shkak të kompromisit me kufirin irlandez, opozita tha jo për shkak se ata nuk donin të mbështesin një “Brexit të keq të Tory”. Asnjë kryeministër para Theresa May-t të nuk kishte përjetuar ndonjëherë humbje të tilla. Megjithatë, May mendoi ta paraqesë madje për herë të katërt Marrëveshjen në Parlament. Por ajo qe e detyruar të pranonte se situata e saj ishte e pashpresë – asaj i mbeti vetëm dorëheqja.

Tri vjet ndenjie në vend

Theresa May jo vetëm dështoi të “ofronte” një Brexit ashtu siç e kishte premtuar shumë herë. Përqëndrimi në këtë objektiv politik solli njëkohësisht një paralizë të plotë të pjesës tjetër të politikës. Që nga rritja e vrasjeve nga sulmet me thikë deri në falimentimet e mëdha të sipërmarrjeve – për asnjë prej krizave të shumta Theresa May nuk gjeti një përgjigje politike apo legjislative. Mungesa dramatike në fushën e strehimit, një reformë e dështuar e mirëqenies ose rritja e numrit të vetëvrasjeve tek të rinjtë tërhoqën vëmendjen dhe mbetën politikisht pa pasoja.

Si kandidati më me shanse për pasardhës aktualisht konsiderohet Boris Johnson, pavarësisht nga dështimet, tersi dhe defektet që shoqëruan mandatin e tij si ish-Ministër i Jashtëm. Shumë shokë të partisë, megjithatë, kanë besim në aftësinë e tij për retorikë popullore, si për ta realizuar Brexitin, ashtu dhe për t’i shitur pasojat e tij. Përveç kësaj, Johnsoni konsiderohet i vetmi, që mund të mundë në votime liderin e opozitës laburiste Jeremy Corbyn, ashtu edhe populistin Nigel Farage. Kandidati e ka përcaktuar 31 tetorin si datë të daljes nga BE, me ose pa marrëveshje./DW

SPOTI-ASTRIT-PATOZI.mpg_snapshot_00.29-1280x720.jpg
ent ela14:07 | 23/04/2019

Astrit Patozi krijon partinë. Cili do të jetë pozicioni i partisë “Bindja Demokratike” përballë Ramës e Bashës? Pjesëmarrja në zgjedhjet e 30 qershorit dhe çfarë pritet të sjellë forca e re opozitare në vend. Përgjigjet e të gjitha pyetjeve i jep sot në orën 19:00 Astrit Patozi në ABC News përballë Mirela Milorit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono