partia socialiste

aleatet.jpg
ad min15:24 | 25/10/2019

Në kohën kur mazhoranca dhe opozita janë duke punuar për hartimin e drafteve të tyre për reformën zgjedhore, gjithnjë e më shumë po kërkohet edhe ndryshimi i sistemit zgjedhor. Aleatët e PD, Fatmir Mediu dhe Nard Ndoka flasin për mundësinë e implementimit të sistemit zgjedhor proporcional me lista të hapura. Këtë sistem e mbështet edhe ish-deputeti demokrat Ervin Salianji, i cili shpjegon edhe arsyet përse shumë prej funksionarëve i tremben implementimit të një sistemi të tillë.

Miratimi i Reformës Zgjedhore është kthyer në kryefjalë të debatit politik në Shqipëri, kjo edhe për shkak se Kodi i Ri zgjedhor është edhe një nga kushtet e kërkuara nga Bundestagu gjerman për çeljen e negociatave.

Por në kohën kur mazhoranca duket e vendosur për të miratuar brenda dhjetorit ndryshime të reformës zgjedhore të kërkuara edhe nga OSBE, aktorë të rëndësishëm politik po artikulojnë gjithnjë e më shumë kërkesën për ndryshimin e sistemit zgjedhor, madje duke kërkuar edhe sistemin me lista të hapura.

Por krahas aleatëve të PD, kërkesa për lista të hapura shihet si një zgjidhje edhe brenda vetë radhëve të demokratëve. Ervin Salianji flet për një rezistencë të fortë që po i bëhet ndryshimeve të sistemit zgjedhor dhe përse listat e hapura sjellin frikë tek ata që kanë humbur kontaktet me zgjedhësit.

Por a mund të zbatojë Shqipëria një sistem proporcional me lista të hapura? Ish-kryetari i KQZ, Kristaq Kume shpjegon edhe mënyrën e implementimit të një sistemi  të tillë. Kume e sheh tërësisht të zbatueshëm një sistem proporcional me lista të hapura, duke kujtuar se përmes tij i kthehet vota sovranit.

Funksionarë të lartë të Partisë Socialiste kanë qenë gjithmonë të rezervuar për të folur për ndryshime  të sistemit zgjedhor, pavarësisht se nuk e kanë përjashtuar mundësinë, ndërkohë që demokratët kanë filluar të reflektojnë gjithnjë e më shumë për ndryshimet kushtetuese të 2008 ku u hoq dorë nga sistemi mazhoritar./ABC News Albania

edi-rama-3.jpg
ad min23:10 | 22/10/2019

Ka gjithmonë një mesazh për gratë. Këtë vit ka bërë bilancin e duket se nuk e kanë zhgënjyer kryeministrin Rama.

“PS është partia më e votuar nga gratë dhe vajzat e këtë e tregojnë të gjitha anketimet që ne kemi bërë. Në rast se në Shqipëri do të votonin vetëm gra e vajza, Partia Socialiste do të ishte me 85 deputetë. Po të votonin vetëm burrat, do të ishim rrotë më rrotë ose pak nën rrotë”.

Ka ardhur koha që gratë socialiste të drejtojnë organizatat e partisë  e kjo nuk duhet të mbetet një nismë tha kreu i qeverisë në takimin që zhvilloi me këshilltarët bashkiakë në kuadër të rrjetit “Edhe një” të sekretaritarit të burimeve njerëzore në Partinë Socialiste.

“Të mos lejoni që materializimi i kësaj nisme të jetë fiktiv, të mos lejojmë që gratë dhe vajzat të përdoren si dekor”.

Ndryshe nga zakonisht, mesazhin e ia dedikoi burrave./ABC News Albania 

esiona-konomi-11-1280x607.jpg
nev ila09:24 | 21/10/2019

Ka nisur mbledhja e kryesisë së Partisë Socialiste ku kryeministri Edi Rama ka mbërritur herët paraditen e sotme në selinë qendrore.

Burimet thonë se kjo është një mbledhje organizative, që shqyrton dhe vlerëson procesin zgjedhor në partinë socialiste, i cili është një proces që tashmë ka nisur në gjithë vendin.

Gazetarja Esiona Konomi raporton duke iu referuar burimeve nga PS se në tryezën e mbledhjes së sotme është edhe një kërkesë, e të gjitha anëtareve gra të kryesisë së PS, që prej disa javësh kanë kërkuar që për shkak të kontributit të zonjave  socialiste në politikë dhe në parti, të bëhet e detyrueshme që çdo institucion socialist të bashkë drejtohet nga një burrë dhe një grua. Pra të ketë një barazi gjinore.

Sipas gazetares Esiona Konomi, kjo mbledhje vjen pak ditë pasi Komisioni Evropian vendosë të thotë JO, Shqipërisë dhe Maqedonisë për fillimin e bisedimeve për anëtarësimin në Bashkimin Evropian. Për Maqedoninë ky vendim, reflektoi duke kërkuar zgjedhje të parakohshme atje, ndërsa në Shqipëri mbetet ende për tu parë nëse do të kalojë në heshtje, apo do të ketë reflektime për përgjegjësi politike.

Gjithashtu nga burimet mësohet se pas mbleshjes do të ketë një takim në rreth të ngushtë mes Ramës, kreut të Kuvendit Gramoz Ruçi, kreut të grupit Parlamentar të PS, Taulant Balla dhe Damian Gjiknurit ku tema do të jetë Reforma Zgjedhore.  /abcnews.al

durres.jpg
ad min18:16 | 11/10/2019

Përplasjet brenda kampit socialist në Durrës sollën shkarkimin e sekretarit të Këshillit Bashkiak Armand Tragaj. Shkak për debatet janë bërë disa emërime në bashkinë e qytetit.

Socialistët e Durrësit nuk po gjejnë qetësi. ABC News transmetoi dy ditë më parë për ndarjen e socialistëve në dy kampe kundërshtarë për shkak të disa emërimeve në Bashkinë e Durrësit.

Pas sherrit me Luan Zazën, kryetarin e PS në Durrës, Armand Tragajn sekretarin e këshillit bashkiak e shkarkuan. Vendimi u miratua nga këshilli bashkiak i Durrësit dhe në këtë post u emërua Dorina Milja.

Shkarkimin e priste, por kishte ca porosi për të vetët. Tragaj u tha se luftën politike e kanë brenda kësaj salle dhe herë tjetër të votojnë për interesat e qytetarëve.

Propozimi për shkarkimin e tij u bë ditë më parë, gjë që më herët nxiti reagimin e ashpër të Tragajt, i cili u përfshi në një konflikt fizik me kreun e PS-së Durrës Luan Zaza në një lokal pranë bashkisë së Durrësit.

Juristi u caktua në këtë post në vitin 2016 dhe vinte nga radhët e LSI-së. Por në mbledhjen e këshillit bashkiak pati edhe përplasje të tjera.

Kryetarja e bashkisë Valbona Sako dhe kryetari Këshillit Bashkiak Ani Dyrmishi kanë debatuar mbi një pikë e cila më herët ishte përfshirë në rendin e ditës, por që u hoq me propozim të këshilltarëve socialist, ajo e miratimit të një fondi për rikonstruksionin e bashkisë.

Sako i ka kërkuar Dyrmishit që të flasin të autorizuarit mbi rëndësinë e fondit, por ai nuk ka pranuar që të diskutohet mbi një pikë e cila u përjashtua nga rendi i ditës.

Heqja nga rendi i ditës së fondit për rikonstruksionin e bashkisë u bë me miratimin e këahilltarëve të cilët kërkuan shtyrje të kësaj ndërhyrje për në 2020 dhe se të tilla fonde duhet të shkojnë per familjet në nevojë strehimi./ABC News Albania

damian-gjiknurii.jpg
ad min20:32 | 10/10/2019

Bashkëkryetari i Komisionit të Posaçëm për Reformën Zgjedhore tha këtë të enjte se Partia Socialiste për depolitizim të plotë të zgjedhjeve. Gjatë një interviste në ABC News përballë gazetares Mirela Milori, Gjiknuri deklaroi se ka ardhur momenti që tentohet depolitizomi.

Gjithashtu, selia rozë është e gatshme të rishikojë formulën aktuale të Komisionit Qendror të Zgjedhjeve edhe pse nuk është se ka pasur ndonjë rekomandim specifik për të.

“Ne jemi që të futet për herë të parë në komisionet zgjedhore elementet e depolitizimit. Personalisht mendoj që ka ardhur momenti të kemi depolitizim të plotë të qendrave të votimit dhe të komisionarëve zonale zgjedhore. Ka trupa nëpunësish dhe njerëzish të caktuara që mund të zgjidheshin. Kjo do bënte që procesi të shkonte shumë më mirë seç ka shkuar tashmë. Megjithatë, këtë do tja lëmë debatit të hapur për të dëgjuar dhe anëtarët e tjerë të Komisionit. Mendoj se ka ardhur momenti që ne të tentojmë drejt elementëve të parë të depolitizimit, pse jo depolitizim të plotë. Ne si parti kemi qëndrimin për depolitizim të plotë. Ne jemi të hapur dhe që formula e KQZ të rishikohet dhe duke parë mundësi të tjera si mund të zgjidhen anëtarët e KQZ. Thashë nuk është se ka rekomandim specifik për KQZ-në, megjithatë nisur nga kushtet aktuale, nisur edhe nga një përmirësim që duhet t’i bëjmë proceseve të administrimeve zgjedhore, megjithëse nuk ka çeduar asgjë në KQZ, ne jemi të hapur të rishikojmë dhe formulën aktuale”, tha Gjiknuri.

Partia Socialiste është e gatshme të diskutojë për sistemin zgjedhor që opozita është e gatshme të dërgojë në Komisionin e Posaçëm të Reformës Zgjedhore. Damian Gjiknuri deklaroi në televizionin ABC News se sistemi zgjedhor është i mirë, por e prish vullneti politik.

“Ne jemi të hapur për të diskutuar mbi sistemin zgjedhor, që nëse biem dakord dhe duhet të analizojmë se çfarë problemesh i ka sjellë Shqipërisë ky sistem. Unë nuk dua të prononcohem për çfarë sistemi jemi. Jemi të hapur të shikojmë sistemin që do sjellin duke shikuar dhe anët pozitive që ata që pretendojnë se do sjellë. Nuk është tabu, unë jam personalisht i mendimit që sistemi që kemi është shumë i mirë. Në jetën politike cilësia prishet nga vullneti politik i lidershipeve ose mënyra se si ne bëjmë politikë. Sistemi nxjerr atë që ka masa e përgjithshme. Është absurditet që të mendosh se sistemi bëhet frenim për nxjerrjen e kualiteteve”, tha Gjiknuri përballë gazetares Mirela Milori.

Intervista e plotë: 

/abcnews.al

mediu.jpg
ad min13:27 | 02/08/2019

Apeli i fundit i Ilir Metës për t’u regjistruar në zgjedhje, ka dhënë efektet e para.

Në një takim informal në mbrëmje, Lulzim Basha thirri aleatët për të përcaktuar qëndrimin që do të mbajnë për zgjedhjet e 13 tetorit, për të cilat, edhe pse ka dekret presidencial nuk njihen nga mazhoranca dhe Komisioni Qendror i Zgjedhjeve. I bindur se pas 30 qershorit drejton një forcë politike që me zgjedhje të rregullta do të jetë qeverisëse, Basha kërkon që hapin e radhës në respekt të kushtetutës, ta hedhë Komisioni Qëndror i Zgjedhjeve.

“Shteti dhe partia janë dy gjëra të ndryshme. Ka një ndryshim rrënjësor midis të drejtës kushtetuese dhe të drejtës partiake. I vetmi akt me fuqi kushtetuese në lidhje me zgjedhjet është dekreti i Presidentit për zhvillimin e zgjedhjeve më 13 tetor. Është detyrim i pashmangshëm dhe i padiskutueshëm i KQZ-së dhe institucioneve të tjera shtetërore të përgatisin infrastrukturën për këto zgjedhje. Partitë politike, pastaj, kanë të drejtën e tyre të marrin apo jo pjesë në këto zgjedhje”.

Të bindur se Edi Rama mundet vetëm me zgjedhje, Fatmir Mediu i Partisë, Agron Duka i Partisë Agrare Ambientaliste dhe Endrit Braimllari nga LSI firmosën të parët shkresën për t’i kërkuar Komisionit Qendror të Zgjedhjeve të nisë punën për zgjedhjet e 13 tetorit.

 “KQZ në bazë të Kodit Zgjedhor të Republikës së Shqipërisë dhe veçanërisht neneve 2, 10  dhe 21 e vijues të tij ka detyrimin ligjor që pas dekretimit të datës së zgjedhjeve të fillojë përgatitjet për organizimin dhe mbarëvajtjen e procesit zgjedhor, kërkojmë nga ana juaj marrjen  pa vonesë  të të  gjitha masave përkatëse për të organizuar procesin zgjedhor të datës 13.10.2019, sipas Dekretit të Presidentit në fuqi”.

Përgjigja nuk vonoi. Klement Zguri në cilësinë e kryetarit të KQZ-së thirri një mbledhje paraditen e së shtunës në orën 10:00.  Maxhoranca është kategorike kur bëhet fjalë për zgjedhje të reja vendore në 13 tetor dhe do të mungojë në tryezë ndërkohë që pozicionin e saj për këto zgjedhje e e ka bërë të qartë për ABC NEËS përfaqsuesi i PS, Bledar Skënderi në tryezën e KQZ-së.

Në krye të letrës së aleatëve të PD, mungonte firma e Lulzim Bashës. Në 48 orët e ardhshme deri në fund të skadimit të afatit ligjor për t’u regjisturar në zgjedhje, kryedemokratit do t’i duhet të vendos mes deklaratave për të mos hyrë në zgjedhje me Edi Ramën kryeministër dhe bindjes së aleatëve se Edi Rama largohet nga karrigia e tij vetëm me zgjedhje.

./ABC News Albania 24/7

cuko.jpg
ad min10:29 | 01/08/2019

Gjykata e Krimeve të Rënda, i ka ndryshuar masën e sigurisë ish-drejtorit të burgjeve Arben Çuko, nga “arrest shtëpie” në “detyrim paraqitje”. Më herët togat e zeza e kishin kthyer dosjen e ish-deputetit të Partisë Socialiste për plotësim hetimesh, me argumentin se hetimet e këtyre 10 muajve kishin mangësi provash.

Arben Çuko u arrestua në kuadër të operacionit “VOL-VO4” që u zhvillua më 18 Tetor 2018. Ish-drejtori i Përgjithshëm i Burgjeve, ra në rrjetën e hetimeve të Prokurorisë për Krime të Rënda, pasi doli në përgjimet e dosjes 339, me grupin e “Avdylajve”, të Shijakut.

Në këto përgjime, Çuko u zbulua se merrte ryshfet në këmbim të lëvizjes së një të dënuari nga burgu i Bradasheshit, në burgun e Fierit. Gjithashtu Çuko u akuzua edhe për korrupsion, pasi shoferi i tij dyshohet se kishte marrë një shumë parash për të lehtësuar kushtet e një të dënuari./ABC News Albania 24/7

edi-rama-ne-asamble-1280x726.jpg
nev ila18:09 | 23/07/2019

 

Edi Rama foli përpara Asamblesë së Partisë Socialiste, duke thënë se ishte gati të nënshkruante sërish një marrëveshje me opozitën, po jo për të shpëtuar ndonjë politikan nga burgu. Rama paralajmëroi edhe deputetët e kryebashkiakët e tij, se do të përjashtohen nga partia nëse humbet ritmin.

Anëtarët e Asamblesë së Partisë Socialiste pritën 55 minuta në vapën e korrikut, derisa të mbërrinte kryetari i Partisë.

Kryeministri, bashkë me ndjesën, dha edhe arsyen.

“Nuk është në natyrën time të vonohem, ju kërkoj ndjesë, por kisha një bisedë të gjatë telefonike me presidentin e Francës”.

Përpara se t’i nisë të vetët me pushime, Rama sqaroi marrëdhënien me opozitën.

“Patjetër që ne duam paqe politike, por një paqe që duhet nis me Shqipërinë dhe jo për karriget, kështu që dora ime mbetet e shtrirë gati për të shkruar prapë kur të vijë momenti. Reforma e Drejtësisë mbete një sfide e përbashkët, me opozitën parlamentare dhe jo parlamentare, e cila ka dhe një vend të lirë që e pret në komisionin e reformën, është e mirëpritur, madje ka dhe veto, ky është ndryshimi mes nesh dhe tyre, ata me moltov ne u japim veten që të na vënë veton ne”.

Sugjerimet, i kanë ardhur të ndryshme, edhe nga brenda Partisë. Disa i kërkojnë marrëveshje.

“Unë personalisht e di që ka shkolla të ndryshme mendimi në PS nuk kam disponim minimal për asnjë  marrëveshje politike për të ndenjurat e asnjë politikani, ose që mund të pengojë drejtësinë të merret me këdo subjekt që mund të jetë i drejtësisë, i kujtdo qoftë.”

Megjithëkëtë, dera ngelet e hapur për një nënshkrim të ri.

“Dora ime mbetet e shtrirë gati për të shkruar prapë kur të vijë momenti,  Reforma e Drejtësisë mbete një sfide e përbashkët, me opozitën parlamentare dhe jo parlamentare, e cila ka dhe një vend të lirë që e pret në komisionin e reformën, është e mirëpritur, madje ka dhe veto, ky është ndryshimi mes nesh dhe tyre, ata me moltov ne u japim veten që të na vënë veton ne”.

Teksa opozita po e kryqëzon për mos ndëshkimin e njerëzve të tij të afërt, pjesë e dosjeve 339 apo 184, Rama u distancua prej tyre.

“Kushdo nën këtë çati socialistësh, hesapet me drejtësinë i ka individuale dhe do ti trajtojë individualisht. Partia jonë nuk ka gatishmëri të mbrojë dhe të justifikojë asnjë që mund të ketë hesape me drejtësinë”

Të vetët i paralajmëroi të mos abuzojnë me pushtetin, që tashmë, e kontrollojnë thuajse në çdo nivel.

“Rendimenti ynë në çdo qark nuk mjafton aspak, dhe sidomos niveli i qëndrimit të njerëzve të zakonshëm në këtë shtete, jo nuk mjafton, por nuk na nderon fare, dhe duhet të na shqetësojë të gjithëve, dhe kjo është gjeja që ne duhet ta kuptojmë dhe të jetojmë çdo ditë me të. Nëse nuk e kuptojmë sa më parë, aq më shpejt njerëzit do humbasin durimin me ne, dhe janë më pak të pritur t’i mirëkuptojnë gabimet tona, dhe s’do kenë asnjë gatishmëri për të na falur kusuret që deri në 30 qershor na i kanë falur”

Teksa ju kërkoi të gjithëve të mos humbin ritmin, paralajmërimin e kishte të drejtpërdrejt.

“Nuk mund të ketë anëtarë të asamblesë kombëtare që kujtohen për PS vetëm nga ftesa për  mbledhjen e asamblesë, apo pavarësisht që mund të jenë të rregullt ne mbledhje, nuk shfaqen tek njerëzit. Kush nuk do ti përgjigjet ritmit që kërkon 30 qershori, nuk do jete me ne projektin tone ne 2021. Kush nuk do beje kilometrat e vete qe imponon 30 qershori, do te dale nga projekti”

Kryeministri tha se nuk do të falë askënd që do ta përdorë administratën lokale, në një treg nga klientela e djathte në funksion të së majtës./ABC News Albania 24/7

 

asambleja-ps-1280x684.jpg
nev ila17:54 | 23/07/2019

Partia Socialiste ka mbledhur pasditen e sotme prej orës 16:00 Asamblenë Kombëtare. Në fokus janë zgjedhjet e 30 qershorit, por edhe ato brenda partisë që pritet të zhvillohen. Sipas kryeministrit, Partia Socialiste do të ketë ristrukturim vertikal dhe horizontal në gjithë strukturat e saj.  Gjatë fjalës së mbajtur në këtë asamble, kryeministri Rama bëri me dije dhe propozimet për ndryshimet në krye të partisë socialiste për qarkun Shkodër, Lezhë dhe Tiranë.

Kjo parti duhet ti takojë njerëzve shumë më shumë seç u ka takuar sepse njerëzit i dhanë kësaj partie mundësinë që të shënojë një tjetër moment për të qenë krenar në historinë e saj, 30 qershorin. Secili nga ju ka një detyrë dhe do të vlerësohet nga vetë procesi, dëshiroj që që tani të propozoj disa ndryshime, së pari në udhëheqjen e qarqeve, në qarkun e Shkodrës, qarkun do ta drejtojë kryetari i bashkisë Shkodër, Tiranën ta drejtojë Elisa Spiropali dhe Ervin Bushati. Qarkun e Lezhës ta drejtojë Sandër Lleshi. Ndërsa për Lindita Nikollën kam një tjetër propozim që do e diskutojmë më pas. Për sekretariatin kemi rënë dakord që të bëjmë disa axhustime të nevojshme”, tha Rama.

Deri më tani në krye të drejtimit të qarqeve të Shkodrës, Lezhës dhe Tiranës kanë qenë: Ditmir Bushati për Shkodrën, Blerina Gjylameti për Tiranën dhe për Lezhën, Lindita Nikolla./abcnews.al

edi-rama-asambleja-1280x710.jpg
nev ila17:23 | 23/07/2019

Ka nisur disi me vonesë ditën e sotme mbledhja e Asamblesë së partisë Socialiste. Për këtë fakt kryeministri Edi Rama kërkoi ndjesë për vonesën por kjo kishte ndodhur sepse ai kishte zhvilluar një bisedë të gjatë telefonike me presidentin francez Emanuel Macron.

“Nuk është në natyrën time të vonohem, ju kërkoj ndjesë, por kisha një bisedë të gjatë telefonike me presidentin e Francës”, tha Kkryeministri.

Më tej Rama e nisi fjalën e tij me zhvillimet e zgjedhjeve vendore të 30 qershorit ku sipas kryeministrit zhvillimi i tyre ishte fundi i historikut të përçarjes politike me synimin e marrjes peng të Shqipërisë.

Sot jemi mbledhur për një moment që mbyll vitin politik dhe qe në të njëjtën kohe për ne është i nevojshëm në funksion të vitit të ri politik.
Do ta nis nga 30 qershori, si fundi i një akti të radhës në historinë e politikës së përçarjes, një akti frymëzuar dhe organizuar për të marrë peng Shqipërinë, në kuptimin e plotë të fjalës, duke marrë peng zgjedhjet, dhe përmes tyre reformën ne drejtësi. Prandaj ato zgjedhë u kthyen ne një kulm të një përplasjeje që është shfaqur herë pas here mes anti-shtetit dhe shtetit. Por këtë herë me një dimension më shumë, me dimensionin e përpjekjes për të mbrojtur pandëshkueshmërinë në raport me një Shqipëri të drejtë që ne luftojmë me plot pengesa, gabime, dështime dhe jo vetëm me arritje, dhe ne rrugën drejt te cilës jemi siç i takon PS, ne përputhje me interesin kombëtarë, dhe me miqtë dhe partnerët tanë strategjik”, deklaroi Rama./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono