partia demokratike

bardhi-4.jpg
nev ila11:30 | 16/01/2020

Partia Demokratike ka publikuar sot dokumente, sipas të cilave kryebashkiaku i Matit, Agron Malaj nuk mund të vazhdojë detyrën sepse rezulton i dënuar.

Përmes një konference për shtyp, sekretari i Përgjithshëm i PD Gazmend Bardhi tha se Malaj është në kushtet e ndalimit për të ushtruar një funksion publik.

“Ai është i dënuar me vendim të formës së prerë për armëmbajtje pa leje, theksoi Bardhi.

“Sipas ligjit për dekriminalizimit i ndalohet përjetë kandidimi në një funksion publik. Është rasti i pestë që konfirmon se Edi Rama ka ardhur në pushtet falë mbështetjes së krimit.

Partia Demokratike i kërkon Prokurorisë së Përgjithshme dhe më pas KQZ, të veprojë pa asnjë vonesë, me administrimin zyrtar ,të Vendimit të Gjykatës së Matit dhe heqjen e menjëhershme të mandatit për kryetar Bashkie të Matit. Koha që ligji të veprojë dhe Edi Rama të mos veprojë pas kryebashkiakëve të inkriminuar”, vijoi ai.

Gjatë javës së shkuar, PD ka paralajmëruar se do të verifikonte kryebashkiakët e qarkut Dibër duke theksuar se mes tyre kishte të dënuar.

Por më herët KQZ në mbledhjen e datës 15.05.2019 njoftoi se Malaj kishte deklaruar në formularin e tij vendimin e dënimit dhe në bazë të ligjit “Për garantimin e integritetit të personave që zgjidhen, emërohen ose ushtrojnë funksione publike”, si dhe në Vendimin e Kuvendit nr.17/2016  “Për përcaktimin e rregullave të detajuara mbi zbatimin e ndalimeve të parashikuara në ligjin nr.138/2015, “Për garantimin e integritetit të personave që zgjidhen, emërohen ose ushtrojnë funksione publike”, vendosi se dënimi i Malaj, për “armëmbajtje pa leje”, nuk përbën kusht për mos regjistrimin si kandidat.

Duke vendosur kështu KQZ i hapi rrugë kandidimit të Malaj, dhe njoftoi KZAZ nr. 16 në Dibër, për vazhdimin e procedurave dhe regjistrimin e tij.

Njoftimin e KZAZ-së nr. 16 për vazhdimin e procedurave për rregjistrimin e kandidatit për kryetar Bashkia Mat, Qarku Dibër, të propozuar nga Koalicioni “Aleanca për Shqipërinë Europiane” për zgjedhjet për organet e qeverisjes vendore të datës 30 qershor 2019”, thuhet në vendimin e KQZ.

VENDIM-KQZ/abcnews.al

 

bardhi-2.jpg
Autor E16:33 | 11/01/2020

Partia Demokratike njofton se po heton për dekriminalizimin dhe tre kryebashkiakë socialistë të tjerë, një në qarkun Lezhë dhe dy në qarkun Dibër. Gazment Bardhi tha se informacioni do të bëhet publik kur të provohet vërtetësia e dyshimeve.

Pasi dërgoi Valdrin Pjetrin në shtëpi, dhe Agim Kajmakun në arrati, Partia Demokrati njofton se po verifikon për të shkuar kriminale edhe tre kryebashkiakë të tjerë socialistë. Kjo u pohua nga sekretari i përgjithshëm i PD-së, Gazmend Bardhi, gjatë takimit me strukturat e Lezhës.

Është duke u verifikuar një nga kryebashkiakët e qarkut të Lezhës. Ashtu siç kemi vepruar edhe më parë, në momentin që vërtetohet se ka probleme me ligjin e dekriminalizimit atëhere do t’i bëjmë publike“, tha Bardhi.

Nga Dibra, numri dy i demokratëve, tha se lista nuk mbaron me kaq.

Si një prej kushteve të bundestagut gjerman për negociatat, Bardhi kërkoi nga Prokuroria arrestimin e përgjegjësve për dosjen 184.

Deri më tani, në betejën e demokratëve për dekriminalizimin, ka rënë kryebashkiaku i Shkodrës dhe ai i Vorës, ndërsa nën hetim nga Prokuroria, është Mark Babani i Vaut të Dejës. I akuzuari i fundit i demokratëve, është Qeerim Ismailaj i Mallakastrës.

pd-selia.jpg
in a22:20 | 01/01/2020

Partia Demokratrike ka reaguar për deportimin e mësuesit turk nga vendi ynë. Në një reagim në rrjetet sociale, partia më e madhe opozitare, kërkon transparence nga qeveria për mënyren se si është kryer ekstradimi drejt Turqisë i Harun Celik.

Deklarata e plotë e PD:

Ndërsa mediat po raportojne me shqetesim për një ekstradim të një qytetari turk sipas tyre në shkelje të ligjit, nuk ka asnjë sqarim të institucioneve shteterore per kete ngjarje.

Heshtja dhe zgjedhja e datës 1 Janar për këtë veprim, na detyrojne të kërkojme trasparence të menjehershme për çfarë po ndodh, dhe përgjigje nëse veprimet e autoriteteve janë në perputhje me ligjet në fuqi, konventat ndërkombetare dhe të drejtat e njeriut?

Eshtë prioritare për çdo vend demokratik, veçanërisht në procesin e integrimit europian, të respektojë këto parime, të drejta e detyrime. Shkelja e tyre është kthyer në rregull për qeverinë e korruptuar dhe të inkriminuar të Edi Ramës./abcnews.al

Lexo edhe:VIDEO/ I kishte shpëtuar përndjekjes në Turqi, shteti shqiptar dëbon me urgjencë mësuesin gylenist 

 

partia-demokratike.jpg
nev ila18:08 | 27/12/2019

Jetesa e qytetarëve të Tiranës nuk do të përmirësohet vitin që vjen. Partia Demokratike ka akuzuar Bashkinë e Tiranës se taksat e qytetarëve do ti shpenzojë vetëm për luks e për paga. Zëdhënësja e PD-së Ina Zhupa deklaroi se 130 milionë euro të shkojnë  vetëm për rrogat e bashkisë së Tiranës.

Viti i ardhshëm nuk pritet të sjellë më shumë shërbime për qytetarët e Tiranës. Sipas selisë blu, Erion Veliaj do të shpenzojë vetëm për paga dhe luks, pjesën më të madhe të taksave të rritura për banorët e kryeqytetit.

Sipas zëdhënëses së Partisë Demokratike kreu i bashkisë së Tiranës do të mbahet mend vetëm për betonizim  dhe mbështetjen për një grup klientësh të afërt.

Sipas Partisë Demokratike Buxheti 2020 i Bashkisë së Tiranës është në të njëjtën frymë me atë të buxhetit të qeverisë së Edi Ramës dhe nuk ka lidhje me interesat e qytetarëve./abcnews.al

pd-selia.jpg
nev ila15:40 | 16/12/2019

Kërkesa e qeverisë për shtyrjen deri në 31 mars të viti 2020 të gjendjes së jashtëzakonshme ka sjellë reagimin e Partisë Demokratike.

Në një deklaratë për mediat, PD bën me dije se shtyrja e këtij afati është kërkuar pasi qeveria nuk ishte e aftë, që brenda afatit kushtetues 30 ditor, të bënte planin e nevojshëm, për marrjen e masave që përballojnë fatkeqësinë natyrore.

Deklarata e Plotë:

“Me zgjatjen e gjendjes së jashtëzakonshme edhe për 3 muaj të tjerë, qeveria nuk i shërben qytetarëve të prekur nga tërmeti, por axhendës politike të Edi Ramës.

Për një qeveri, e cila nuk ka si prioritet përfitimet politike dhe financiare nga fatkeqësia e mijëra njerëzve, 30 ditë janë të mjaftueshme për t’u rikthyer qytetarëve sigurinë për banesat, për të bërë planin për strehimin e përkohshëm të të gjithë të prekurve dhe planin për rindërtimin e banesave, shkollave dhe sipitaleve të dëmtuar.

Këtë afat Edi Rama e përdori për show dhe jo për ofrimin e zgjidhjeve në dobi të qytetarëve të prekur nga tërmeti. Asnjë plan i prezantuar, asnjë masë konkrete e marrë, vetëm fjalë boshe, identike me fjalët boshe pas tërmetit të Qershorit 2019 në zonën e Korçës dhe tërmetit të 21 Shtatorit.

Fakti që kjo qeveri nuk është e aftë që brenda afatit kushtetues 30 ditor të bëjë planin e nevojshëm për marrjen e masave që përballojnë fatkeqësinë natyrore, është treguesi më i qartë i dështimit dhe paaftësisë së Edi Ramës për t’u shërbyer në kohë qytetarëve.

Propozimi i Edi Ramës që gjendja e fatkeqësisë natyrore të zgjasë deri në Mars 2020 nënkupton që qytetarët do të mbahen peng dhe deri atëherë Qeveria nuk do t’i ofrojë asnjë zgjidhje. Qytetarët e prekur nga tërmeti i 26 Nëntorit 2019, kanë nevojë urgjente për zgjidhje. Për Partinë Demokratike është e rëndësishme që qytetarët të qartësohen sa më parë, që Qeveria të prezantojë menjëherë masat për menjanimin e pasojave të fatkeqësisë natyrore, që Qeveria të mos shtyjë zgjidhjen e situatës, por të planifikojë fondet e mjaftueshme financiare për t’i dhënë zgjidhje qytetarëve. Kjo duhet të bëhet tani, pa asnjë shtyrje, pa asnjë zgjatje.

Zgjatja e fatkeqësisë natyrore nuk është e justifikuar, pasi ajo nuk u shërben qytetarëve. Duke shtyrë me 3 muaj gjendjen e fatkeqësisë natyrore, Edi Rama kërkon të fshehë krizën e rëndë politike në vend, duke keqpërdorur krizën pas tërmetit, të shkaktuar, në një masë të madhe, nga korrupsioni shtetëror dhe paaftësia për të menaxhuar situatën. Duke shtyrë edhe me 3 muaj gjendjen e jashtëzakonshme, Edi Rama synon të pengojë implementimin e Reformës Zgjedhore dhe zgjidhjen e krizës politike, siç Bundestagu kërkon, përmes zgjedhjeve të parakohshme, të përgjithshme dhe vendore, pasi Kushtetuta i ndalon ato, përsa kohë vendi është në një situatë të tillë“./abcnews.al

foto-2.jpg
Autor E09:28 | 12/12/2019

Publikohen disa foto të rralla që i përkasin themeluesve të Partisë Demokratike që shpalli krijimin e saj në mbrëmjen e 12 dhjetorit të vitit 1990 në një miting madhështor në Qytetin Studenti, ku morën pjesë edhe me mijera e mijera qytetarë të Tiranës dhe të tjerë të ardhur nga rrethe të ndryshme të vendit.

Vetëm disa ditë nga shpallja e krijimit të PD-së, në mbrëmjen e 17 dhjetorit 1990, teksa krerët kryesorë të asaj partie ishin mbledhur në një nga sallat e Kinoklubit të Qytetit “Studenti” për të dhënë një konferencë shtypi, ku në emër të Komisionit Nismëtar, Preç Zogaj dhe Genc Pollo, që mbulonin sektorin e shtypit,  do bënin publike dy kërkesat e para të Partisë Demokratike, siç ishte lirimi i të gjithë të burgosurve politikë dhe shtyrjen e datës së zgjedhjeve, erdhi njoftimi që Ministria e Drejtësisë kishte legalizuar Partinë Demokratike dhe të gjithë të pranishmit shpërthyen në brohoritje duke përqafuar njëri tjetrin.

Të gjithë këto foto që Memorie.al po i bën publike për herë të parë, janë fiksuar nga gazetari Nikola Miletic, korrespodent i AFP-së për rajonin e Ballkanit, dhe i përkasin atij momenti historik që shënoi edhe krijimin e partisë së parë opozitare në Shqipëri, pas gati gjysëm shekulli të sundimit komunist. Të gjitha imazhet e rralla të asaj mbrëmje të 17 dhjetorit 1990-të ku shfaqen disa prej themeluesëve të Partisë Demokratike e Komisionit të saj Nismëtar si: Berisha, Meksi, Pashko, Hajdari, Zogaj, Ruli, Pollo dhe Eduard Selami, deri tek disa nga protagonistët kryesorë të atyre ngjarjeve si: Mond Budina, Ben Lika, Zenel Hoxha, Ilir Dizdari, Tefalin Malshyti, Lazër Stani, etj.

Vetëm dy tre ditë nga fillimi i protestave studentore që nisën në Qytetin “Studenti”, fillimisht me kërkesa ekonomike dhe më pas në ato politike kundër regjimit komunist, në 11 dhjetor të vitit 1990, një grup intelektualësh që kishin mbështetur që në fillim kërkesat e atyre studentëve, u mblodhën në shtëpinë e Gramoz Pashko te Rruga e Elbasanit, ku diskutuan dhe debatuan gjatë për themelimin e një partie politike që do ishte në opozitë me Partinë e Punës që kishte udhëhequr e sunduar për gati 45 vjet Shqipërinë. Në këtë grup intelektualësh, përveç të zotit të shtëpisë, (Pashkos), bënin pjesë edhe Sali Berisha. Aleksandër Meksi, Azem Hajdari, Preç Zogaj, Arben Imami, Eduart Selami, Genc Pollo, Genc Ruli, etj., të cilët do të përbënin edhe grupin nismëtar për themelimin e Partisë Demokratike, në orët e vona të asaj mbrëmje, (11 dhjetor), ranë dakort për themelimin e një partie të madhe opozitare, ku programi minimal dhe statuti i saj u përgatitën të nesërmen gjatë ditës po në shtëpinë e Pashkos.

Dhe në mbrëmjen e datës 12 dhjetor, në një miting madhështor në Qytetin “Studenti”, në emër të grupit nismëtar për krijimin e Partisë Demokratike, Arben Imami, shpalli krijimin e saj, gjë e cila u prit me ovacione dhe brohërima të mëdha nga mijra e mijra pjesmarrës të atij mitingu. Gjëra të cilat tashmë janë të njohura prej kohësh edhe nga kronikat televizive të realizuara nga Radio Televizioni Shqiptar nën drejtimin e Virgjil Kules, apo dhe foto të shumta që janë publikuar prej vitesh dhe vazhdojnë të publikohen ende. Të nesërmen, më 13 dhjetor, u krijua Komisioni Nismëtar që ndau dhe detyrat për çdo anëtar, ku si pikë kryesore ishte mbledhja e 400 firmave që do duheshin për t’u paraqitur pranë Ministrisë së Drejtësisë, bashkangjitur kërkesës për njohjen e legalizimin e Partisë Demokratike të Shqipërisë. Gjë e cila duhet thënë se nuk ishte fort e lehtë, pasi pati edhe mjaft hezitime nga shumë intelektualë që iu kërkua firma për atë gjë. Nisur nga ky fakt tashëmë i njohur, një rol të madh për plotësimin e listës së 400 firmave që duheshin, luajti Dashamir Shehi, me anë të njohjeve dhe rrethin e tij shoqëror në Tiranë.

Pak ditë më vonë, në mbrëmjen e 17 dhejtorit 1990, Komisioni Nismëtar, i ndjekur nga një grup i madh mbështetësish e simpatizanëtësh të Partisë Demokratike, si studentë, intelektualë, sindikalistë, etj., u mblodhën në Pallatin e Kulturës të Qytetit “Studenti”, ku do jepej një konferencë shtypi dhe do të shpalleshin dy kërkesat kryesore që ishin dhe të parat që po bëheshin nga ajo forcë politike e sapokrijuar.

Që ishin:

  1. Lirimi i të gjithë të burgosurve politikë të Shqipërisë
  2.  Shtyrja e datës së zgjedhjeve, të cilat ishin njoftuar se do të mbaheshin më 10 shkurt 1991.

Këto dy kërkesa ishin miratuar më parë në një mbledhje të Komisionit Nismëtar dhe për zbardhjen e përpilimin përfundimtar të tyre, u caktuan Preç Zogaj (poet, shkrimtar, gazetar i njohur, redaktor në gazetën “Drita” në Lidhjen e Shkrimtarëve dhe Artistëve të Shqipërisë) i ngarkuar për sektorin e shtypit në Partinë Demokratike dhe Genc Pollo, (historian dhe studjues nga më të njohurit e brezit të ri në Akademinë e Shkencave), gjithashtu i ngarkuar me shtypin, të cilët paraditen e asaj date, shkuan në lokalin e Pallatit të madh të Kulturës në qëndër të Tiranës ku dhe përgatitën tekstin e komunikatës që do lexohej në atë konferencë shtypi.

Në kohën që kishte filluar konferenca e shtypit dhe në podiumin e sallës së mbushur plot, Preç Zogaj dhe Genc Pollo, po lexonin kërkesat e Partisë Demokratike, dikush nga salla iu afrua podiumit të tyre dhe i dha Zogajt një pusullë, duke i thënë me zë të ulët se atë ja kishte dhënë Alfons Gurashi. Ndërsa Zogaj hapi letrën e palosur, ndërpreu menjëherë konferencën e shtypit, (që duhet thënë se ishte dhe e para konferencë në kuptimin modern të fjalës që jepej nga PD-ja), dhe dha sihariqin e madh se ishte legalizuar Partia Demokratike. Ndërkaq, të gjithë të pranishmit shpërthyen në brohoritje, ovacione dhe duke përqafuar njëri tjetrin, ku shumë syresh siç duken dhe në fotot në fjalë, janë të përlotur. Sipas Preç Zogajt, i kontaktuar nga Memorie.al, aq shumë zgjatën ovacionet dhe brohëritjet për lajmin e dhënë se ishte legalizuar Partia Demokratike, saqë ajo u kthye në një festë që eklipsoi edhe dy kërkesat e Komisionit Nismëtar, për të cilat ishin mbledhur të gjithë në atë sallë.

E gjithë kjo skenë tashmë është e njohur pasi ajo është filmuar nga operatori Agim Buxheli, që duhet thënë se është dhe i pari që me aparatin e kameran e tij ka fiksur pothuaj të gjitha mbledhjet, aktivitetet, mitingjet, e gjithë veprimtaritë e tjera të Partisë Demokratike, duke na dhënë imazhe tepër të rralla të evenimenteve kryesore, që nga mbledhja e Komisionit Nismëtar në bodrumin e vilës së Pashkove, dhe më pas në Qytetin Studenti në mbrëmjen e 12 dhjetorit 1990, ku u shpall krijimi i Partisë Demokratike të Shqipërisë.

Përveç imazheve filmike të Buxhelit që u fiksuan nga ajo konferencë shtypi e mbajtur në Pallatin e Kulturës së Qytetit “Studenti” në mbrëmjen e 17 dhjetorit 1990, ku disa sekuenca janë trasmetuar edhe nga emisioni OPINION në Tv Klan etj., ajo çka ndodhi aty është fiksuar edhe në disa foto të bëra nga gazetari Nikola Miletiç, i cili ishte korrespodenti i AFP, për rajonin e Ballkanit, (pak kohë më vonë u emërua drejtor në i AFP-së në Paris), foto të cilat Memorie.al po i bën publike për herë të parë në këtë  12 dhjetor, që ka hyrë tashmë në historinë e Shqipërisë, si dita e themelimit të Partisë Demokratike të Shqipërisë, e cila ishte dhe partia e parë opozitare që nga ardhja e komunistëve në pushtet në nëntorin e  vitit 1944.

Ajo çka ndodhi atë mbrëmje të 17 dhjetorit 1990 në sallën e Pallatit të Kulturës së Qytetit “Studenti”, pra lajmi i legalizmit të partisë më të re opozitare në Shqipëri, që de jure shënonte dhe fundin e sundimit dhe hegjemonisë së PPSH-së, u përhap menjeherë në të gjitha agjensitë kryesore të lajmeve në botë, pasi të pranishëm në atë sallë ishin edhe dy gazetarë të huaj (një francez dhe një gjerman) si dhe dy-tre gazetarë nga Radio-Televizionit i Prishtinës apo gazeta “Rilindja”.

Ndërsa edhe këto gjëra tashmë janë mjaft të njohura nga shkrime të ndryshme, intervista apo libra me kujtime që kanë shkruar disa prej eksponentëve kryesorë të Partisë Demokratike, etj., si: Aleksandër Meksi, Mujë Buçpapaj, Afrim Krasniqi, Shenasi Rama, Bardhyl Ukcama, etj., jo pak interes paraqesin edhe fotot e bëra nga gazetari i AFP-së, Nikola Miletiç, që ka fiksur atë moment historik, ku jepen imazhe të rralla të disa prej themeluesëve të Partisë Demokratike, si: Sali Berisha, Aleksandër Meksi, Azem Hajdari, Gramoz Pashko, Eduard Selami, Preç Zogaj, Genc Pollo, Genc Ruli, etj., që më pas u ngarkuan dhe me funksione drejtuese në PD dhe qeverinë e parë e dalë prej saj pas zgjedhjeve të 22 marsit 1992, e deri tek Arben Lika, Edmond Budina, Zenel Hoxha, Napolon Rroshi, Lazër Stani, Tefalin Malshyti, etj., personazhe me mjaft kontribut në themelimin e asaj force politike dhe më pas në funksione dhe detyra të ndryshme. /Dashnor Kaloçi /Memorie.al/ 

hasimja.jpg
ger ta17:42 | 11/12/2019

Partia Demokratike feston sot 29-vjetorin e themelimit të saj. Për të folur për këtë ishte i ftuar në studion e Abc News me gazetarin Endri Xhafo politologu Ermal Hasimja.

Ndër të tjera Hasimja u shpreh se PD nuk është e gatshme për zgjedhje të parakohshme. Sipas tij pjesa më e madhe e eksponentëve të PD duan një konsolidim të partisë.

“Edhe PD nuk është gati për zgjedhje të parakoshme.Pjesa më e madhe në PD duan konsolidimin e PD. Nuk e dinë se çfarë po ndodh. Janë gjëra që nuk zgjidhen me një mbledhje. Basha nuk ka karizmën e duhur. Kjo është edhe arsyeja që PD nuk është e gatshme për zgjedhje të parakohshme”, u shpreh ai./abcnews.al

 

1523557480_xhaferri1.jpg
nev ila18:00 | 01/12/2019

Pas komandimit të Zhyljen Varfit në krye të Bashkisë së Durrësit, Partia Demokratike, thotë se bashkia tashmë iu rikthye sërish Vangjush Dakos. Dega e PD në Durrës e akuzon Varfin si njeriun e tenderave korruptive qe akoma s’jane mbyllur ne prokurori.

“Sot kemi anarki totale ne administrimin e qytetit se per vite te tera nuk i eshte sherbyer interesave te qytetareve, por vetem te grupeve kriminale. Kjo eshte arsye qe sot askush nuk eshte ne gjendje te sherbeje dhe jemi ne kushtet e ç’organizimit ku kudo qytetaret, ne te gjitha lagjet e qytetit, na thone se askush nuk i ka kontaktuar”, thuhet në reagimin e Ferdinand Xhaferrit, kreut të PD-së në Durrës./abcnews.al

tryeza-per-reformen.jpg
nev ila13:12 | 19/11/2019

OSBE ka mbledhur sot tryezën e dytë për reformën zgjedhore në nivel teknik. PD-ja, ashtu si në 25 shtator ka vendosur të marrë pjesë edhe në këtë tryezë duke u përfaqësuar sërish me Ivi Kason. Takimi po zhvillohet me dyer të mbyllura ndërkohë që është njoftuar se cilat janë pikat që do të përcjellë opozita jashtëparlamentare në këtë tryezë.

ABC News ka zbardhur platformën mbi të cilën opozita e bashkuar do të hartojë amendamentet për reformën zgjedhore dhe çfarë do të diskutohen nga opozita jashtëparlamentare në tryezën e thirrur nga OSBE:

Për këtë qëllim, opozita është e gatshme të ndërmarrë hapat si më poshtë:

“Financimi i partive dhe fushatës dhe ulja e kostove të politikëbërjes

Opozita e bashkuar është e përkushtuar për:

– Integrimin, përmirësimin dhe thjeshtimin e kornizës ligjore për financimin e partive dhe fushatës zgjedhore me qëllim garantimin e financimit të ligjshëm, të mjaftueshëm dhe transparent.

– Rishikimin e kuadrit ligjor ekzistues për të siguruar barazi sipas standarteve ndërkombëtare, mekanizma rigoroz dhe efikasë kontrolli të burimeve të financimit dhe shpenzimeve.

Për këtë qellim jemi të gatshëm të bëjmë:

– Ndërhyrje ligjore që sigurojnë që financimi i partive politike dhe ai për zgjedhjet të jetë 100% nga buxheti i shtetit me qëllim shmangien e financimeve private nga burime të dyshimta. Paralelisht me këtë, propozohet kriminalizimi i financimeve private.

– Reduktim/ integrim të kornizës ligjore aktuale, në një ligj të vetëm, të posaçëm me qëllim sigurimin e uniformitetit të trajtimit në periudhë zgjedhore dhe jozgjedhore , dhe efikasitetit të mbikëqyrjs dhe verifikimit.

– Përcaktimin e rregullave për raportimin e shpenzimeve dhe burimeve të financimit, në fushata zgjedhore, jo vetëm nga partitë politike por edhe nga kandidatët.

– Ashpërsimin e kornizës ligjore që pengon financimin nga subjekte që kanë përfituar nga fonde publike nëpërmjet tenderash dhe koncensionesh si dhe ndalime nga përfitimi i tenderave apo koncensioneve, për një kohë të përcaktuar, nga kompani që kanë financuar partitë politike dhe kandidatët.

– Përcaktimin e rregullave dhe kritereve detyruese për përllogaritjen e vlerës së financimit për njësi (vlerë për një zgjedhës dhe/ose vlerë për mandat dispozicion buxheti i shtetit. Shuma e përllogaritur sipas kritereve duhet të jetë detyruese për tu vënë në dispozicion sipas ligjit për buxhetin e vitit përkatës.

– Rregullimin në mënyrë strikte të mënyrës dhe masës së përfitimit të donacioneve në natyrë dhe shërbime apo favore nga partitë politike, kandidatët apo edhe institucionet shtetërore. Bërja e tyre publike në çdo rast.

– Miratimin e rregullave për hartimin nga KQZ të një liste kostosh reference të detyrueshme, për materiale, infrastrukturë apo aktivitete zgjedhore me qëllim matjen e shpenzimeve. Lista e kostove-tip duhet bërë publike nga KQZ dhe të jetë ë detyrueshme nga ekspetët në verifikimin e shpenzimeve.

– Miratimin e rregullave për të kufizuar në mënyrë të detajuar tipologjitë e aktiviteteve dhe infrastrukturës së përdorur apo mjeteve të propagandës të subjekteve politike. Kjo me qëllim uljen e kostove të fushatave dhe të politikëbërjes e për rrjedhojë uljen e masës së financimit.

– Implementimin e rregullave për vendosjen e kufizime strikte për kohën totale dhe numrin e reklamave zgjedhore për çdo subjekt zgjedhor ( parti ose kandidatë). Marrja e masave që kostoja e kohës televizive dhe e reklamave të jetë ligjërisht e përcaktuar dhe e unifikuar. Njëkohësisht përcakimi I mekanizmave për të garantuar që kostoja e reklamave/ kohës televizive të mos jetë e pagueshme drejtpërdrejtë por të jetë e zbritëshme nga transmetuesit televizivë dhe radiofonikë nga detyrimet që i kanë shtetit.

– Kufizim drastik i numrit të aktiviteteve që transmetohen live apo në çdo formë tjetër dhe që përfshin kosto për transmetim mediatik. Kufizim materialeve televizivë të gatshëm për transmetim të subjekteve politike.

– Rishikim të thellë të afateve dhe procedurave te deklarimit dhe verifikimit të burimeve financiare.

– Përzgjedhja e ekspertëve kontabël duhet të jetë e detyrueshme për ekspertët që përcaktohen për të kryer ekspertimin. Refuzimi për të kryer ekspertimin duhet të përfshijë penalitete të forta.

– Identifikimi dhe miratimi i rregullave për funksionumin e një forumi i cili duhet të trajtojë me seriozitet denoncimet e bëra nga subjektet politike apo OJF, edhe kur ato nuk janë të akredituara si vëshguese, apo denoncimet në media. Duhet ngritur një sistem i pavarur verifikimi i levizjeve financiare të korporatave për një periudhë përpara dhe pas procesit zgjedhor.

– Ashpërsimi i rregullave dhe sanksioneve lidhur me mosdeklarimin dhe/ ose deklarimin e pasaktë, përfshirë sanksione penale dhe mundësia e sanksoneve që përfshijnë ndikim në rezultatin zgjedhor të arritur nga subjektet/ kandidatët. Duhet të sigurohet aplikimi pa ekuivok dhe konsistent i sanksioneve ligjore të përcaktuara, si dhe përgjegjësia individuale edhe penale e funksionarëve partiakë dhe kandidatëve në kuadër të financimit politik dhe deklarimit të burimeve të financimit dhe shpenzimeve.

– Përfshirjen edhe të Fondacioneve Politike, në rregullat e financimit për Partitë Politike/ kandidatët.

– Forcimin e rregullave për ndalimin e plotë të çdo financimi të huaj për subjektet politike/ kandidatët/ fondacionet politike”./abcnews.al

luigi-soreca-ne-pd.jpeg
nev ila12:00 | 19/11/2019

Luigi Soreca ka mbërritur në selinë blu ku do të zhvillojë një takim me kreun e  PD Lulzim Basha.

Në fokus të këtij takimi mësohet se do të jetë reforma zgjedhore. Ky takim zhvillohet edhe ne kohën kur mazhoranca ka thënë se brenda këtij viti do të përmbyllë draftin e saj për reformën zgjedhore e cila duhet të dakordësohet me të gjithë palët.

Po ashtu Soreca dhe Basha pritet të diskutojë edhe për debatin e lindur për mënyrën se si janë zgjedhur dhe si po reformohen institucionet e drejtësisë.

Gjithsesi për reformën në drejtësi edhe kreu i PD Basha, ka theksuar se qëndrime publike ku të anatemohen përfaqësues të istitucioneve në drejtësi nuk do të gjeni, edhe vetë ndërkombëtarët kanë qenë të kujdeshsëm në qëndrimet e tyre publike, ndryshe nga Presidenti Meta, i cili deklaroi se do të bëjë padi penale për kreun e KED Ardian Dvorani./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono