parti

kadri-veseli.jpg
G. P.13:30 | 20/08/2019

Partia Demokratike e Kosovës nuk konfirmon nëse është në negociata me ndonjë parti për koalicion parazgjedhor, por as nëse do të garojë tërësisht e vetme. Kreu I kësaj partie Kadri Veseli u shpreh se synon edhe një mandat qeverisës, por kësaj here do të jetë ai në krye të qeverisë.

Kreu i Partisë Demokratike të Kosovës Kadri Veseli është i bindur se partia që ai udhëheq do ti fitojë sërish zgjedhjet. Por për dallim nga herët e kaluara, postin e kryeministrit thotë se do ta mbaj për vete.

Premton rikthimin siç thotë të partneritetit me Shtetet e Bashkuara të Amerikës dhe të Bashkimit Evropian, ndërsa në tryezën e bisedimeve sipas tij nuk do të jetë asnjëherë çështja e shkëmbimit të territoreve.

“Shpejt duhet të shkëputemi nga kjo vetkurthë që jemi futur. Shkojmë me Serbi flasim, kurrë sovraniteti i shtetit të Kosovës nuk ka me u cënu. Mitrovicën nuk guxon askush ta përmend. Nuk duhet të konfrontohemi me askënd”.

Ndonëse parti e cila ka qenë për 12 vjet në pushtet ai thotë se në mandatin e ardhshëm do të luftojë korrupsionin dhe nepotizmin. Ndërsa u shpreh i rezervuar të tregoj për koalicione parazgjedhore, derisa tha se nuk ka vija të kuqe për asnjë parti.

“Jemi duke shkuar rregullt. Duhet të respektojmë vullnetin e qytetarëve për veprimet shumë shpejt e merrni vesh”, tha Veseli.

Më 22 gusht mbahet séance për shpërbrjen e parlamentit të Kosovës pas dorëheqjes së Ramush Haradinajt nga posti i kryeministrit./ABC News Albania 24/7

kqz-3.jpg
G. P.13:04 | 06/07/2019

Komisioni Qendror i Zgjedhjeve i ka lënë 24 orë afat partisë Bindja Demokratike të plotësojë kërkesat për anulimin dhe përsëritjen e zgjedhjeve të 30 Qershorit me arsyetimin se pretendimet e tyre nuk bazohen në fakte. Në mbledhjen e fundit, ky komision ka certifikuar zgjedhjen e kryebashkiakëve socialistë në Korçë dhe Kamzë.

Me këtë vendim, Komisioni Qendror i Zgjedhjeve kthen për plotësim ankimimin e partisë Bindja Demokratike për 41 bashkitë në vend. Sipas arsyetimit të katër anëtarëve të Komisionit Qendror të Zgjedhjeve nuk mund të kërkohet anulimi dhe përsëritja e zgjedhjeve të 30 Qershorit në 41 bashki të vendit me një kërkesë të pa plotësuar dhe të paplotësuar me fakte e indicia që vërtetojnë pretendimin e Bindjes Demokratike se ka pasur shtim fiktiv të numrit të përgjithshëm të votuesve, si dhe ndryshim të votave në tavolinat e numërimit në favor të Partisë Socialiste dhe të aleatëve të saj.

I vetmi që e argumentoi ndryshe është ai që votoi kundër Klement Zguri. Partisë Bindja Demokratike iu la afat 24 orë për të plotësuar kërkesat hapjen e kutive, anulimin dhe përsëritjen e zgjedhjeve në 41 bashki të vendit. Në këtë mbledhje Komisioni Qendror i Zgjedhjeve shpalli Rakip Sulin fitues të Bashkisë Kamëz dhe Sotiraq Filon për Bashkinë Korçë si dhe miratoi rezultatet për zgjedhjet ne këshillat e këtyre dy bashkive./ABC News Albania 24/7

patoziiii.jpg
G. P.19:17 | 23/04/2019

Astrit Patozi është koordinatori i Bindjes Demokratike, partisë më të re në vend. Ai ishte i ftuar në emisionin “Mbrëmje ABC” ku foli rreth partisë. Kur u pyet se çfarë ndjesie ka që tashmë është vendosur si koordinator i saj, Patozi e krahasoi atë me Ronaldon në kohën kur shkoi të Juventus pas një periudhe të gjatë në Madrid.

“Kjo është një gjë që nuk e kisha menduar më parë, por kam përshtypjen se është si ndjesia e Ronaldos kur ka shkuar te Juventus pasi qëndroi te Real Madridi për një kohë të gjatë. Janë gjëra që ndodhin në jetë”, tha Patozi.

Sot u dorëzua dokumentacioni për regjistrim në gjykatë i Bindjes Demokratike, shoqëruar me 4 mijë firma mbështetësish. Gjithashtu partia drejtoi dhe kërkesën në Komisionin Qendror të Zgjedhjeve për t’u bërë pjesë e garës elektorale të 30 Qershorit.

Aktualisht Bindja Demokratike përfaqësohet nga një bord 6 anëtarësh ndërmjet të cilëve Astrit Patozi është përzgjedhur si koordinator./abcnews.al

astrit-patozi-1-1280x703.jpg
Sej rie12:28 | 23/04/2019

Një grup nismëtarësh të partisë “Bindja demokratike” ka depozituar në Gjykatën e Tiranës kërkesën për regjistrimin si subjekt politik. Mësohet se sot janë depozituar në gjykatë 3 mijë firmat e nevojshme sipas ligjit.

Akti erdhi pas mbledhjes mbrëmjen e kaluar të grupit të nismëtarëve në një mjedis privat në kryeqytet. Ishte Astrit Patozi që konfirmoi për mediat lëvizjen për të cilën do komunikonin edhe me publikun.

Mësohet se forca e re politike do drejtohet nga një bord nismëtarësh dhe po përgatitet të marrë pjesë në zgjedhjet vendore të 30 qershorit. Mbetet për t’u parë se si do realizohet ky synim pasi dita e sotme është afati i fundit për regjistrimin e partive politike në KQZ për zgjedhjet vendore.

Nismëtarët e forcës së re politike kanë qenë të rezervuar në komunikimin publik, e nuk dihet nëse ka deputetë që u janë bashkuar, por mësohet se mes nismëtarëve, përveç Astrit Patozit janë edhe emra të tjerë kritikë të PD si këshilltarët bashkiakë të Tiranës Fabian Topollaj e Leonard Olli, si dhe Ardian Kollozi.

Dy vjet më parë, ish nënkryetari i PD Astrit Patozi inicioi Lëvizjen për Ringritjen e Partisë Demokratike, ndërsa krijimi i partisë së re shënon shkëputjen nga PD./abcnews.al

kqz.jpg
Sej rie16:34 | 20/04/2019

23 prilli është afati i fundit për partitë që duan të marrin pjesë në zgjedhjet e 30 qershorit. Deri më tani janë 35 subjekte zgjedhore të regjistruara nga 43 në total.

Nga mazhoranca kanë dorëzuar dokumentacionin e kërkuar nga Komisioni Qendror i Zgjedhjeve Partia Socialiste dhe 18 parti aleate.

Ndërsa nga opozita  janë 5 parti që kanë kërkuar të garojnë në zgjedhjet vendore. Të martën në axhendën e mbledhjes së Komisionit Qendror të zgjedhjeve është parashikuar të regjistrohen edhe 4 parti të tjera opozitare, Fryma e Re Demokratike e Bamir Topit, Zgjidhja e Koço Kokëdhimës, Partia Demokracia Sociale e Paskal Milos dhe Ligj e Drejtësi e Spartak Ngjelës./abcnews.al

basha-live1.jpg
G. P.15:28 | 21/03/2019

Kryetari i Partisë Demokratike përmes një postimi në rrjetet sociale nga Brukseli, shprehet se ka marrë mbështetjen e PPE-së (Partive Popullore Europiane) për aksionin opozitar që po zhvillon në Shqipëri.

Lideri i PD-së,  e cilëson si mbështetje mesazhin e Joseph Daul për demokracinë dhe shtetin ligjor gjatë fjalës së tij.

Presidenti i PPE-së Joseph Daul në emër të të gjithëve deklaroi qartë se “ne nuk mund të bëjmë kompromise me demokracinë, shtetin ligjor dhe lirinë e medias”. PD po lufton për të njëjtat vlera europiane në Shqipëri dhe në këtë betejë kemi mbështetjen e PPE, familjes sonë politike“, shkruan Basha./abcnews.al

kristaq-kume.jpg
G. P.11:37 | 18/02/2019

Juristi Kristaq Kume, ekspert i Kodit Zgjedhor thotë se djegia e mandateve të deputetëve nga një parti e opozitës, nuk e bën jofunksional parlamentin që ende i mbetet një mazhorancë e thjeshtë votash. Por gjithsesi sipas tij, ky parlament nuk do të merrte merrte dot të gjitha vendimet në funskion të mirëqeverisjes.

Nëse këta deputetë të opozitës djegin mandatin e deputetit, karriget e tyre do të rrinë bosh apo zëvendësohen? Kësaj pyetje i jep përgjigje ish-kryetari i Komisionit Qendror të Zgjedhjeve Kristaq Kume.

“Djegia e mandateve është veprim ekuivalent me atë të dorëheqjes nga një mandat i caktuar. Pra, është një veprim që nuk ka asnjë ngërç ligjor para se të realizohet. Në qoftë se realizohet një ngërç i tillë do të thotë që në Kuvendin e Shqipërisë krijohen vakancat dhe për pasojë Kuvendi i Shqipërisë duhet të njoftojë Komisionin Qendror të Zgjedhjeve për të plotësuar vakancat”.

Mënyra se si plotësohen vakancat në këtë rast nuk është e shprehur direkt në kodin zgjedhor thotë Ish kryetari i komisionit qendror të zgjedhjeve por për analogji mund të përdoret rasti kur parashikohet në ligj vakanca e krijuar nga një deputet i zgjedhur si i pavarur.

“Që do të thotë, në qoftë se KQZ do të thërrasë kandidatët e PD-së në listë dhe asnjë prej tyre nuk do të pranojë që të marrë mandatin, ky institucion duhet t’ia ofrojë mandatin pastaj subjektit zgjedhor me herësin më të madh që ka”.

Më shumë e rëndësishme në një situatë të tillë është efekti që shkakton në jetën politike dhe në qeverisjen e vendit boshatisja krahut të opozitës në parlament.

“Ne jemi një shoqëri që kemi pranuar të qeverisemi sipas parimit të përfaqësimit, nëpërmjet zgjedhjes së deputetëve dhe krijimit në këtë mënyrë të maxhorancës dhe opozitës. Duhet të jenë të dyja këto së bashku që të mund të mirë qeverisemi. Në qoftë se opozita largohet do të thotë që mundësitë, kushtet për t’u mirë qeverisur zvogëlohen. Zvogëlohen deri në minimume”.

Sipas Kumes, Kuvendi i Shqipërisë mund të funksionojë me këtë përbërje që ai ka, pasi maxhoranca i ka numrat për të hapur punimet në Kuvend seancën, për të marrë vendime që nuk kërkojnë  shumicë të cilësuar votash. /abcnews.al

 

PD-PER-REAGIMET-PER-DAJTIN-1280x720.jpg
G. P.20:54 | 11/02/2019

Partitë parlamentare të opozitës kanë rënë dakord për një platformë bashkëpunimi, e cila institucionalizon koalicionin opozitar për zgjedhjet e ardhshme. Sipas një njoftimi të zyrës së shtypit të PD-së, platforma është e ngritur në 4 shtylla kryesore.

Përveç krijimit të koalicionit, partitë bien dakord se rruga e vetme për të garantuar zgjedhjet e lira dhe të ndershme është formimi i një qeverie tranzitore, e cila duhet të ketë mandat për 4 çështje kyçe: kthimin e legjitimitetit politik të qeverisjes në vend, nëpërmjet zgjedhjeve të parakohshme parlamentare, kijimin e kushteve të domosdoshme për zgjedhje të lira dhe të ndershme, parlamentare dhe vendore në Shqipëri, krijimin e klimës së besimit për zbatimin e Reformës në Drejtësi, jashtë çdo ndërhyrje politike dhe krijimin e kushteve të nevojshme për të përshpejtuar nisjen e negociatave të Shqipërisë për antarësimin në Bashkimin Europian.

Platforma është nismë e kryetarit të Partisë Demokratike, Lulzim Basha, i cili, pas arritjes së dakordësisë me partitë parlamentare të opozitës do ta zgjerojë koalicionin edhe me parti të tjera jashtë parlamentit./abcnews.al

france.jpg
G. P.16:58 | 29/12/2018

Florian Filipo, ish-zëvendës president i Frontit Kombëtar, do të drejtojë një listë të krijuar edhe nga anëtarë të lëvizjes së Jelekëve të Verdhë. Objektivi i tij më i afërt janë zgjedhjet europiane në Maj të 2019-s.

Nga rrugët dhe sheshet në sallat e Brukselit dhe Strasburgut. Jelekët e Verdhë mund të jenë pjesë e zgjedhjeve të ardhshme europiane që do të mbahen në Maj të 2019-s. Ideja lindi nga një emër i njohur i ekstremit të djathtë francez: Florian Filipo, një bashkëpunëtor i ngushtë i Marine le Pen në Frontin Kombëtar. Sipas lajmit të publikuar nga Politiko.eu, projekti i Filipo është shumë konkret.

Ish-zëvendëspresidenti i partisë sovraniste, të cilën e braktisi pas zgjedhjeve të 2017-s, duke themeluar një lëvizje të re “Patriotët” do të donte një listë të përbërë prej 50 për qind nga militantët e partisë së tij, dhe pjesa tjetër nga përfaqësues të jelekëve të verdhë. Kjo e fundit është një lëvizje aktive muajt e fundit me protesta kundër rritjes së çmimit të karburantit, të cilat aktualisht janë transformuar në protesta kundër presidentit francez Emmanuel Macron dhe gjithë sistemit të pushtetit kombëtar dhe europian.

Edhe sondazhet e mbështesin këtë ide pasi 13 për qind e të intervistuarve shprehen të gatshëm të votojnë një kandidat të Jelekëve të Verdhë. Për të kaluar pragun në zgjedhjet europiane duhet të arrihet 5 për qindëshi në bazë kombëtare. Pra Jelekët e Verdhë pas Parisit mund të pushtojnë Europën./abcnews.al

partite.png
G. P.15:10 | 13/10/2018

“Zgjedhje të lira dhe të barabarta”.

Është kjo kërkesa e partive jo parlamentare, të cilat u bënë bashkë në tryezën e organizuar në Tiranë. Mbi 20 parti, shoqata dhe përfaqësues të shoqërisë civile apeluan sërish ndaj komunitetit ndërkombëtar që reforma zgjedhore të mos jetë farsa e radhës e Partisë Socialiste dhe Partisë Demokratike, por të jetë një reformë reale që do të shërbejë për çlirimin e zgjedhjeve nga dy partitë kryesore në Shqipëri.

Partitë joparlamentare kërkuan ndër të tjera që të jenë të përfshira në procesin e reformimit të zgjedhjeve pasi OSBE/ODIHR-i, por edhe të përfaqësues të tjerë të vendeve partnere të Bashkimit Europian në Shqipërisë kanë rekomanduar në mënyrë të përsëritur që procesi i hartimit të reformës zgjedhore në Shqipëri të jetë gjithëpërfshirës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono