parlamenti

dpeutet-1280x840.jpg
ad min23:07 | 08/10/2019

Parlamenti në Itali ka miratuar shkurtimin e numrit të deputeteve dhe senatorëve. Ligji është miratuar me shumicë dërrmuese votash dhe është përshëndetur nga kryeministri Giuseppe Conte, që e ka cilësuar një ligj historik.

Dhoma e ulët e Parlamentit italian ka miratuar përfundimisht pasditen e së martës ligjin që parashikon shkurtimin e numrit të ligjvënësve. Drafti kushtetuese është aprovuar me 553 vota pro, 14 kundër dhe 2 abstenime.

Ai shkurton numrin e deputetëve nga 630 që janë aktualisht më 400 dhe atë të senatorëve nga 315 në 200. Duke qenë se bëhej fjalë për një ligj kushtetues ishte e nevojshme shumica e anëtarëve të Asamblesë, ose 316 vota.

Miratimi është pritur me duartrokitje nga salla, kryesisht nga deputetët e Lëvizjes 5 Yjet, e cila kishte promovuar ligjin. I pranishëm në sallë ka qenë edhe kryeministri Giuseppe Conte, i cili megjithatë ka zgjedhur rrjetin social Tëitter për të reaguar.

“Bëhet fjalë për një reformë që ul shpenzimet e politikës dhe bën më funksionale dhomat e Parlamentit. Ky është një hap konkret për të reformuar institucionet tona dhe një ditë historike për Italinë”, ka shkruar Konte në profilin e tij. Në të njëjtat linja është shprehur edhe ministri i Jashtëm Luixhi di Maio, i cili ia ka dedikuar fitoren qytetarëve italianë.

“Kjo është një fitore historike. Është fitorja juaj”, ka thënë ai.

Shkurtimi i numrit të ligjvënësve në të dyja dhomat e parlamentit italian pritet të sjellë në arkën e shtetit një kursim prej 100 milionë eurosh në vit, ndërkohë që deri më sot kostoja ka qenë deri në 500 milionë euro për legjislaturë./ABC News Albania 24/7

debati.jpg
ad min21:50 | 07/10/2019

Franca sheh me shqetësim flukset e larta të emigrantëve në këtë vend, sidomos kur vijnë nga vende origjine të sigurta. Gjatë një debati në parlamentin vendas, kryeministri francez përmendi edhe Shqipërinë.

Parlamenti i Francës ka diskutuar pasditen e së hënës një nga çështjet më të ndjeshme, atë të emigracionit, ku është përmendur edhe Shqipëria. Gjatë fjalimit të tij, kryeministri Eduard Philippe deklaroi se vendi ynë ishtë i treti për numrin e azilkërkuesve në Francë gjatë vitit të shkuar pas Afganistanit dhe Gjeorgjisë.

Duke denoncuar numrin e lartë te kërkesave për azil në Francë, Philippe theksoi problematik faktin se shume prej tyre vijnë nga vende origjine të cilësuara te sigurta, ndër të cilat përmendi edhe Shqipërinë, njëkohësisht aspirante për në BE.

“Mes vendeve nga të cilat vijnë kërkesat për azil ne France janë edhe Gjeorgjia dhe Shqipëria, që janë njëkohësisht vende kandidate për te aderuar në Bashkimin Europian. Ne jemi duke bashkëpunuar edhe me autoritetet në këto vende që t’iu shpjegojnë qytetarëve të tyre të mos kërkojnë azil në Francë, pasi nuk do ta fitojnë një mundësi të tillë”.

Në vijim të debatit, kreu i qeverisë franceze ka deklaruar se, ekzekutivi nuk i trembet idesë së kuotave të emigrantëve, sidomos për atë kategori që ka aftësi profesionale.

Sa i takon emigracionit profesional, u shpreh për një qasje pragmatike ndaj nevojës së Francës për krah pune. Por pavarësisht debatit të gjatë rreth 5 orë në Asamblenë Kombëtare të Francës, deputetët nuk ranë dakord për një strategji kombëtare për politikat e emigracionit.

Ideja e kryeministrit Philippe për kuota për emigrantët është kundërshtuar nga populistët e Frontit Kombëtar të Marine le Pen, që kanë propozuar vendosjen e një moratoriumi për emigracionin./abcnews.al

konfindustria-parlamenti-1280x712.jpg
nev ila18:51 | 06/10/2019

Pasoja negative në ekonominë e vendit parashikon Konfindustria për shkak të ligjeve të miratuara së fundmi në Kuvend.

Mungesa e gati 1/7 së deputeteve në Parlament dhe një oponencë pa cilësi, sipas Gjergj Buxhukut, po prodhojnë ligje korruptive.

Konfederata e Industrive të Shqipërisë vë në pikëpyetje cilësinë e ligjeve me ndikim afatgjatë në ekonominë e vendit miratuar së fundmi në Parlament ndër to dhe kontratat koncesionare.

Administratori i Përgjithshëm Gjergj Buxhuku arsyet i jep përmes një njoftimi për shtyp.

“Në Kuvendin e Shqipërisë mungon pothuaj 1/7 e numrit të përgjithshëm të deputetëve dhe cilësia e oponencës ndaj akteve ligjore të sjella nga qeveria ka qenë e ulët në komisione parlamentare dhe në seanca plenare. Rëndësia dhe koha e kushtuar akteve ligjore me ndikim ekonomik dhe financiar ka qenë e ulët dhe është shmangur pothuaj krejtësisht pjesëmarrja e grupeve të interesit dhe informimi publikut”, tha Buxhuku.

Në kushtet kur Kuvendi i Shqipërisë sipas Buxhukut nuk funksionon normalisht si nga numri dhe nga profesionalizmi, por dhe përqendrimi tek kriza politike dhe integrimi në Bashkimin Evropian këto ligje rrezikojnë zhvillimin ekonomik të vendit.

“Në rast të kundërt aktet ligjore të miratuara rrezikojnë seriozisht të jenë të paarsyetuara profesionalisht, subjektive dhe deri të tipit korrupsionit “state capture/kapje e shtetit” me pasoja të rënda në afatgjatë për zhvillimin ekonomik të vendit”, tha ai.

Për situatën e krijuar Konfindustria ngarkon me përgjegjësi shumicën politike, por jo vetëm.

“Përgjegjësi të drejtpërdrejtë në gjendjen e mësipërme ka edhe pakica politike me largimin e saj nga vendimmarrja ligjore. Në Kuvendin e Shqipërisë, në legjislaturën në vazhdim brenda muajit shtator 2019 janë miratuar kontrata koncesionare të tipit PPP me vlerë 330 milionë euro, që përbëjnë mbi 3% të PBB.”

Ndër projektligjet e dërguara në Kuvend së fundmi Konfindustria përmend dhe fiskalizimin elektronik dhe krijimin e Koorporatës Shqiptare të Investimeve./ABC News Albania 24/7

gramoz-ruci-1-1280x698.jpg
nev ila19:28 | 30/09/2019

Kryetari i parlamentit Gramoz Ruçi gjatë seancës së sotme i ka ndërprerë fjalën ministres së Mbrojtjes Olta Xhaçka.

Fjalimi i saj shkoi përtej minutave që kishte në dispozicion dhe Ruçi nuk ka hezituar ti mbyllë mikrofonin Xhaçkës në gjysmën e fjalimit.

Por menjëherë kreu i grupit parlamentar, Taulant Balla, i dhuroi 5 minuta nga koha e tij ministres Xhaçka.

….ekipet e përforcuara të mjekëve kanë qenë në gatishmëri që në momentet e para të të lënduarve. jemi dëshmitarë se si cdo person i lënduar është asistuar dhe mjekuar brenda pak orëve, për të mos thënë që në orën e parë trë goditjes kryesorë sizmike….. prioritet i atyre ditëve ishte një mobilizim masiv, më mirë një mobilizim masiv se sa një mobilizim modest si pasojë e të cilit….(Ruçi ndërpret fjalën)”,

Xhaçka: A mund të vazhdoj edhe 2 fjali?

Ruçi: Koha këtu është e përcaktuar… mbaroi koha juaj!

Ruçi: Po, zoti Balla?

Balla: 5  minuta nga koha ime…

Ruçi: Atëherë edhe 5 minutat e zotit Balla./abcnews.al

BRITANI-PARLAMENTI.mpg_snapshot_00.00-1280x720.jpg
ent ela20:32 | 25/09/2019

Parlamenti britanik është rimbledhur të mërkurën pas vendimit të Gjykatës së Lartë që e cilësonte të paligjshëm pezullimin e tij. Megjithatë, mes debateve të ashpra, përfaqësuesi ligjor i qeverisë konservatore ka deklaruar se Dhoma e Përfaqësuesve është një institucion i vdekur.

Ligjvënësit britanikë janë përplasur ashpër në lidhje me vendimin tashmë të paligjshëm të qeverisë për të pezulluar Parlamentin. Ata u mblodhën në seancë pasditen e së mërkurës pas vendimit historik të Gjykatës së Lartë të Mbretërisë së Bashkuar. I pranishëm, prokurori i përgjithshëm Xhefri Koks, njëkohësisht përfaqësues ligjor i qeverisë, deklaroi se respekton vendimin por sulmoi ligjvënësit duke i cilësuar ata si “frikacakë” për të mbajtur një palë zgjedhje.

“Ky Parlament ka vdekur”, theksoi Koks. Nga ana tjetër, ai u etiketua si një “turp” për Parlamentin nga një prej deputetëve të pranishëm, ndërsa një tjetër u shpreh “i tmerruar” nga fjalori i tij. Joana Çerri, nga Partia Kombëtare Skoceze, i kërkoi zotit Koks që të publikojë këshillën ligjore që i dha qeverisë përpara pezullimit të Parlamentit.

Ajo tha se Koks po paraqitet si një element i sakrifikueshëm për planet e qeverisë. Nga ana e tij, kryeprokurori u përgjigj duke thënë se qeveria besonte se qasja e saj kishte qenë e ligjshme dhe kushtetuese dhe se ajo kishte vepruar në mirëbesim kur kishte pezulluar Dhomën e Përfaqësuesve. Ai shtoi se do ta shqyrtojë në ditët në vazhdim nëse për hir të interesit publik do ta publikojë ose jo këshillën që i dha ekzekutivit. Ndërkohë, kryeministri Boris Xhonson, që është kthyer në Londër nga samiti i OKB-së në Nju Jork, ka deklaruar se nuk bie dakord me vendimin e Gjykatës së Lartë, por ka shtuar se do ta respektojë atë. /abcnews.al

 

 

johnson-1.jpg
ad min11:45 | 25/09/2019

Pas vendimit të Gjykatës së Lartë britanike që shpalli të paligjshëm pezullimin e Parlamentit, tashmë priten përplasje të reja mes Kryeministrit konservator Boris Johnson dhe Dhomës së Deputetëve.

Parlamenti britanik është kthyer pas në kohë pas vendimit të gjykatës së  lartë. Punimet do të rifillojnë aty ku mbetën në 9 Shtator kur çdo gjë ndaloi. Në seancat e ardhshme parlamentare, deri në 31 Tetor, datë në të cilën Mbretëria e Bashkuar do të dalë automatikisht nga Bashkimi Europian, me apo pa marrëveshje, parlamenti do të përpiqet të ushtrojë ndikim në atë që do të ndodhë duke vijuar përplasjen me kryeministrin Boris Johnson.

Opozita kërkon dorëheqjen e tij të menjëhershme pas humbjes politike të radhës.Lideri i laburistëve Jeremy Corbin u shpreh se Boris Johnson nuk është i përshtatshëm për rolin e kryeministrit, pasi është djali i elitës britanike më të privilegjuar e cila nënvlerëson demokracinë dhe që ka mbyllur parlamentin pa asnjë arsye.

Nga ana e tij, Johnson, ashtu si dhe ritheksoi nga pallati i qelqtë në Nju Jork, ku gjendej së bashku me liderët e tjerë botërorë për samitin e klimës së Kombeve të Bashkuara, u shpreh se do të vazhdonte me procedurën për Brexit në 31 Tetor, duke respektuar vendimin e Gjykatës së Lartë. Kjo e fundit shpalli të paligjshëm vendimin e tij për pezullimin e punimeve të parlamentit.

Në të vërtetë Johnson mund të vazhdojë të këmbëngulë në parlament duke kërkuar një pezullim të ri, pasi dhe gjykata nuk përcaktoi se nuk mund ta bëjë një gjë të tillë. Mes Trump dhe Johnson takimi në Asamblenë e Përgjithshme të OKB-së më shumë se për klimën, shërbeu për të folur për Iranin dhe rëndësinë e eliminimit të tensioneve.

Të dy ranë dakord se nuk do të lejonin që Irani të kishte një armë bërthamore. Sipas Doëning Street dy liderët ranë dakord për arritjen e një marrëveshjeje për tregtinë e lirë pasi Mbretëria e Bashkuar të ketë dalë nga Bashkimi Europian në 31 Tetor./ABC News Albania 24/7

britain-1280x827.jpg
ad min12:45 | 24/09/2019

Me një vendim historik, Gjykata e Lartë në Mbretërinë e Bashkuar shpalli të paligjshëm vendimin e kryeministrit britanik Boris Johnson për pezullimin e punimeve në parlamentin e vendit.

Gjykata e lartë britanike shpalli jo të ligjshëm, të pavlefshëm dhe pa asnjë fuqi pezullimin e parlamentit nga ana e kryeministrit Boris Johnson deri në 14 Tetor. Vendimi u mor në mënyrë unanime nga kolegji prej 11 gjykatësish.

Pezullimi u kërkua nga kryeministri, në momentin e krizës për Brexit, duke pranuar arsyetimet dhe apelet e opozitës në vend dhe aktivistëve pro qëndrimit të vendit në Bashkimin Europian.

Gjykata vendosi se ishte njësoj sikur parlamenti të mos ishte pezulluar asnjëherë, duke lënë në dorën e kryetarëve të Dhomës së Përbashkët dhe atë të Lordëve që të thërrasin seancën sa më parë.

Gjithashtu gjykata vendosi që prezantimi i këtij vendimi para Mbretëreshës ishte i paarsyetuar dhe i papranueshëm pasi në këtë mënyrë u kufizua sovraniteti dhe pushteti i parlamentit./ABC News Albania 24/7

BRITANI-VENDIMI-MBULIM.mpg_snapshot_00.00-1280x720.jpg
ent ela19:56 | 23/09/2019

Verdikti mbi ligjshmërinë e vendimit të kryeministrit Boris Xhonson për të pezulluar Parlamentin do të jepet nesër nga Gjykata Supreme e Mbretërisë së Bashkuar. Ministrat insistojnë se pezullimi i Parlamentit nuk është çështje që i takon gjykatës, por kritikët e konsiderojne si një manovër për të shmangur kontrollin e Parlamentit ndaj planit të kryeministrit për Breksit. Dhoma e Përfaqësuesve pritet të rimblidhet më 14 tetor, pak më shumë se dy javë nga data për konkretizimin e Breksit, më 31 tetor. Ministri i Punëve të Jashtme, Dominik Reb deklaroi se qeveria do t’i bindet vendimit të gjykatës cilido qoftë. Megjithatë, ai nuk e përjashtoi mundësinë që Parlamenti të pezullohet sërish nëse qeveria del e humbur në procesin gjyqësor./ABC News Albania 24/7

PARLAMENTI-BRITANI.mpg_snapshot_00.08-1280x720.jpg
ent ela19:45 | 11/09/2019

Një gjykatë në Britaninë e Madhe e ka shpallur të paligjshëm shpërndarjen e Parlamentit të vendosur nga kryeministri Boris Xhonson. Në vendim, gjykata shprehet se kreu i qeverisë nuk mund t’i mohojë Parlamentit të drejtën t’i kërkojë llogari ekzekutivit.

Pezullimi që kryeministri Boris Xhonson i bëri Parlamentit britanik është i paligjshëm. Kështu ka vendosur gjykata më e lartë civile e Skocisë, e cila ka mbështetur një grup politikanësh që kishin sfiduar lëvizjen e kryeministrit. Gjyqtarët deklaruan se kryeministri po përpiqej t’i ndalonte Parlamentit t’i kërkonte llogari qeverisë në prag të Breksit. Një apelim nga ekzekutivi ndaj vendimit pritet të bëhet javën e ardhshme në Gjykatën Supreme të Londrës. Vendimi i së mërkurës hedh poshtë një vendim të mëhershëm gjykate, që thoshte se zoti Xhonson nuk e kishte shkelur ligjin me zgjedhjen e tij për të pezulluar Parlamentin. Faktikisht, pezullimi prej 5 javësh i institucionit nisi në orët e para të së martës. Ligjvënësit nuk pritet të kthehen në Parlament deri më 14 tetor, kur do të ketë një fjalim të mbretëreshës për të parashtruar planet legjislative të kryeministrit. Mbretëria e Bashkuar pritet të largohet nga Bashkimi Europian më 31 tetor. Partitë e opozitës i kanë bërë thirrje Parlamentit që të rimblidhet menjëherë pas vendimit të gjykatës, por Dauning Strit ka deklaruar se një gjë e tillë nuk mund të ndodhë pa u shqyrtuar apeli në Gjykatën Supreme të Londrës. Qeveria britanike u distancua gjithashtu nga zërat se gjyqtarët skocezë ishin politikisht të njëanshëm, duke theksuar se kryeministri respekton pavarësinë e gjyqësorit. /ABC News Albania 24/7

630.jpg
ent ela12:06 | 05/09/2019

Kryeministri britanik Boris Xhonson ka marrë goditjen e rradhës pasi parlamenti rrëzoi propozimin e tij për mbajtjen e zgjedhjeve të reja në 15 tetor të këtij viti. Opozita miratoi për herë të tretë ligjin që ndalon një Brexit pa një marrëveshje me Bashkimin Europian.

Nuk është miratuar nga parlamenti britanik mocioni i prezantuar nga Boris Xhonson për mbajtjen e zgjedhjeve të reja në mbretërinë e bashkuar Brenda datës 15 tetor. Opozita nuk ka pranuar porpozimin e kryeministrit duke kërkuar garanci për hyrjen në fuqi të ligjit që nuk lejon daljen e vendit nga Bashkimi Europian pa një marrëveshje.

Pas votimit i cili u karakterizua nga një numër i madh abstenimesh, Boris Xhonson foli sërish duke akuzuar liderin e opozitës laburiste se do t’i ndalojë popullit britanik që të votojë. Ai u shpreh se kjo ishte hera e parë në historinë e vendit që një lider i opozitës refuzon ofertën për të votuar.

Për të votuar në 15 tetor ishte e domosdoshme që propozimi të merrte 2/3 e votave. Kreu i qeverisë kërkoi këtë mundësi pasi deputetët për herë të tretë miratuan ligjin që bllokonte një Brexit pa marrëveshje nëse kryeministri nuk do të arrinte një marrëveshje të re me Bashkimin Europian brenda datës 31 tetor.

Këto rezultate konfirmojnë dhe më shumë përçarjen e mazhorancës qeverisëse, por kryeministri konservator nuk ka ndërmend të dorëzohet.

Ndërkohë qeveria britanike bëri të ditur se qytetarët europianë mund të kërkojnë të qëndrojnë në Mbretërinë e Bashkuar për tre vjet nëse do të ndodhë një Brexit pa marrëveshje. Ata që vijnë në vend brenda këtij viti mund të kërkojnë leje qëndrimi sipas rregullave të reja sipas asaj që raporton BBC. Në këtë mënyrë qytetarët europianë që shkojnë në Britaninë e Madhe para vitit 2020 do të mund të qëndrojnë deri në vitin 2023. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono