parlamenti europian

HOXHA-KLAN-DEBAT-ABC-M2-T1.mpg_snapshot_02.25-1280x712.jpg
G. P.22:30 | 06/12/2018

Në Klan Debat të Klan Maqedonisë, në intervistë ekskluzive nga Prishtina, kolegu Seladin Xhezairi bisedoi me Zëvendëskryeministrin Enver Hoxhaj për zhvillimet e fundit politike në rajon. Zyrtari i qeverisë së Prishtinës tha se Europa e shpërfill Kosovën.

Zv Kryeministri i Kosovës Enver Hoxhaj, thotë se taksat e larta të vendosura për produktet serbe janë bërë me qëllim politik, dhe e përshkruan këtë vendim jo si një betejë boksi, pra jo agresiv, por si një lëvizje strategjike e cila do të tregojë se Kosova është shtet sovran dhe vendos vetë për politikën e saj.

Enver Hoxhaj Zv. Kryeministër i Kosovës: “Taksa 100% është më shumë e motivuar në arsye dhe në rrethanatë politikës së jashtme se sa në arsye dhe në rrethana ekonomike . interpoli, beteja për tërheqje të njohjeve, sjellja e Serbisë destruktive në dialog. Serbia dëshiron që të ketë raport normal me ne veçpër çështje të tregtisë.”

Sa i përket liberalizimit të vizave, Hoxhaj thotë se Kosova ka përkrahjen e 20 deputetëve të Parlamentit Europian dhe i ka përmbushur të gjitha kriteret, dhe ngecjen e Kosovës e përshkruan si “shpërfillje” nga ana e BE-së, e njëjta u dëshmua edhe me dështimin për tu kyçyr në Interpol.

“Qëndrimi jonë për FSK-në është që ky është një proces i pandalshëm, do të thotë se ne as nuk e pyesim Sërbinë e as Serbia nuk ka se çfarë thotë në raport me marrjen e vendimeve tona të cilat janë vendime sovrane.”

Shëndrimi i FSK-së në ushtri ngjalli reagime të ashpra, por Hoxhaj thotë se ky është një proces i pandalshëm dhe se për këtë vendim, Kosova ka përkrahje ndërkombëtare.

“Mos e lejo veten që të bëhesh instrument i Beogradit. Bëhu platformë e serbëve që jetojnë në Kosovës dhe përfaqëso interesat e tyre. Prej asaj kohe do të thotë se kemi një tërheqje të Listës Serbe nga koalicioni.”

Lista serbe dhe dorëheqjet, janë bërë pas masave që janë marrë për tu pavarësuar, për mos shëndrimin e Kosovës në instrument të Beogradit, ne duam ti përfaqësojmë serbët e Kosovës e jo të jemi të mvarur nga ata, thekson Hoxhaj.

“Nëse 20 deputetë të Parlamentit Europian thonë se Kosova i ka plotësuar të gjitha kriteret dhe ne i kemi plotësuar të gjitha kriteret, nga kriteri i parë deri tek kriteri i 95-ë. Kësaj fjale mund t’ja vemë emrin vetëm shpërfillje.”

Lajmi i fundit i cili ka bërë bujë në rajon i dhënë nga Zv. Kryeministri është “pakti” që ai e ka përmendur në një medie serbe, pra me politikën e Beogradit, gjë të cilën ai e kundërshton duke thënë se, baraspesha në Ballkan është qëllimi i vetëm që e ka pasur edhe si ministër i Jashtëm.

“Nuk kam përmendur asnjëherë fjalën pakt dhe nuk jam një njeri që mendon klishe historike. Unë jam për një bashkëpunim rajonal, me qëllim që të ruhen balancat rajonale dhe të pengohet një qasje e Serbisë që Serbia kurdo që dëshiron neve ndaras na godet dhe të interferon në temat tona të brendshme.”

Në Klan Debat, Hoxhaj foli edhe për zhvillimet e fundit në Maqedoni si dhe për marrëdhëniet që Kosova i ka me Shqipërinë./abcnews.al

pe-2.jpg
G. P.15:00 | 29/11/2018

Parlamenti Europian ka dhënë mbështetjen për çeljen e negociatave me Shqipërinë. Në raportin që mori votat e 459 eurodeputetëve, vendi ynë inkurajohet të finalizojë ngritjen e institucioneve të sistemit të drejtësisë dhe të vijojë luftën kundër korrupsionit dhe krimit të organizuar.

Parlamenti Europian ka votuar në seancë plenare rezolutën për Shqipërinë të raportuesit Knut Fleckenstein mbi progresin e vendit në integrimin europian për vitin 2018. Për rezolutën Fleckenstein është arritur një mbështetje me shumicë të gjerë:  459 vota pro, 112 kundër dhe 62 abstenime.Kjo rezolutë përshëndet progresin që është bërë nga Shqipëria në kuadër të 5 prioriteteve kyçe të përcaktuar nga Komisioni Eurooian për hapjen e negociatave të anëtarësimit të vendit. Rezoluta nënvizon veçanërisht fillimin e procesit të vlerësimit të gjyqtarëve dhe prokurorëve, Vetting, duke e konsideruar si fryt të parë të domosdoshëm të zbatimit të reformës në drejtësi. Raporti kërkon ngritjen e institucioneve të reja të pavarura në arkitekturën e re të drejtësisë, si edhe rezultate të mëtejshme në luftën kundër krimit të organizuar dhe korrupsionit para hapjes së negociatave të qershor të 2019. Reportuesi Fleckenstein ka përfshirë gjithashtu edhe nevojën për kryerjen e reformës zgjedhore para zgjedhjeve lokale të 2019.

Knut Fleckenstein: “Shpresojmë që Këshilli i Ministrave do t’i mbahet fjalës së tij për hapjen e negociatave verën e ardhshme. Çdo gjë tjetër do të ishte kundraproduktive dhe do të ishte e pakuptimtë, pasi do të cënonte stabilitetin e gjithë rajonit. Refoma e drejtësisë ka filluar të japë rezultatet e para, por kërkohet vijimi i saj si edhe rezultate të mëtejshme në luftën kundër krimit dhe korrupsionit. Ndër çështjet urgjente do të radhisja realizimin e reformës zgjedhore sipas rekomandimeve të OSBE/ODHIR që duhet të përfundojë para zgjedhjeve lokale të 2019”.

Karoline Edtstadler: “Shqipëria ka bërë hapa përpara për përmbushjen e 5 prioriteteve. Këto janë sinjale pozitive, që tregojnë se vendi është në rrugën e duhur dhe ne e inkurajojmë që të vazhdojë përpjekjet. Strukturat e pavarura të sistemit të drejtësisë të parashikuara nga reforma kushtetuese duhet të finalizohen”.

Parlamenti Europian, Këshilli i Ministrave dhe Komisioni Europian i kërkojnë liderëve politikë në Shqipëri që të kapërcejnë mosmarrëveshjet e brendshme dhe të bashkojnë forcat për integrimin europian./abcnews.al

PARLAMENTI-EUROPIAN-MBULM.mpg_snapshot_00.01-1280x720.jpg
G. P.10:25 | 29/11/2018

Parlamenti Europian pritet të diskutojë sot rezolutat mbi vendet e Ballkanit Perëndimor të hartuara nga Komiteti i Punëve të Jashtme. Gjatë ditës së sotme deputetët europianë do të vlerësojnë progresin e bërë nga Kosova, Shqipëria, Maqedonia dhe Mali i Zi në rrugën e tyre drejt pranimit të mundshëm në BE. Sa i përket Serbisë, Parlamenti Europian do të miratojë një rezolutë parlamentare, fokusi i së cilës do të jetë një dokument që përfshin 5 fusha të ndryshme, duke përfshirë edhe dialogun me Kosovën. Parlamenti do të votojë gjithashtu për azhornimin e kushteve për t’i rifutur përkohësisht kontrollet e brendshme kufitare në zonën Shengen./abcnews.al

eleni.png
G. P.21:29 | 10/11/2018

Eurodeputetja Eleni Theoharus ka reaguar pas shpalljes person “non grata” në Shqipëri, duke e quajtur këtë një titull nderi. Ajo ka shtuar se do të vijojë që të mbështesë atë që ajo e quan “Vorio-Epir”.

Ata nuk mund të zbehin rezistencën time, apo pasionin tim për të drejtat e njeriut dhe ruajtjen e Vorio Epirit”, tha eurodeputetja qipriote.

Gjithashtu Theoharus bën të ditur se do të flasë për vrasjen e Kaçifas në Parlamentin Europian ditën e hënë./abcnews.al

PARLAMENTI-EUROPIAN-MIRATON-RTAPORTIN-FLENKENSHTAIN.mpg_snapshot_00.55-1280x720.jpg
G. P.18:08 | 09/10/2018

Raporti i eurodeputetit Knut Fleckenstein mbi progresin e Shqiperisë në rrugën e integrimit europian për vitin 2018 është mbështetur gjerësisht nga komisioni i punëve të jashtme të Parlamentit Europian. Ky raporti është votuar me 44 vota pro, 5 kundër dhe 5 abstenim. Raporti Fleckenstein mbështet hapjen e negociatave të anëtarësimit të Shqipërisë në BE në qershor të 2019, me kusht që vendi të përmbushë të gjitha kriteret e nevojshme. Raporti Fleckenstein njeh progresin e bërë me filimin e zbatimitt të reformës se drejtësisë dhe procesit të Vettingu për të rritur pavarësinë dhe profesionalizmin e gjyqësorit.

Por dobësia kryesore e vendit për eurodeputetët mbetet zbatimi i pesë prioritetet kyçe për hapjen e negociatave të anëtarësimit. Në kompromiset dhe amendamentet e votuara nga eurodeputetët shprehet shqetësimi për nivelin e lartë të korrupsionit, ritmin e ngadaltë dhe joefikasitetin e sistemit të drejtësisë, si dhe faktit që mangësitë e sundimit të ligjit dhe procedurat e vështira rregullatore vazhdojnë të pengojnë investimet në vend. Eurodepuetët kërkojnë në mënyrë këmbëngulëse rezultate konkrete në luftën kundër krimit të organizuar, korrupsionit, trafikut të narkotikeve, pastrimit të parave, zgjidhjen e çështjes së pronave dhe respektimin e standarteve europiane për ndërtimin e hidrocentralit mbi lumin Vjosa dhe hidrocentaleve të tjera. Raporti për Shqipërinë pritet të votohet në seancë plenare të Parlamentit Europian në fillimit të nëntorit./abcnews.al

mogherii.png
G. P.12:45 | 09/10/2018

Mediat serbe raportojnë se parlamenti europian do të nisë hartimin e një teksti, sipas raportit për Serbinë, të përgatitur nga raportuesi Dejvid Mekalister. E në këtë raport përfshihet edhe ideja për korrigjimin e kufijve me Kosovën.

Janë 239 amendamente që përfshihen në raportin e këtij viti rreth Serbisë. Raport i përgatitur nga raportuesi për Serbinë në Parlamentin Europian, Dejvid Mekallister. Në raportin e Parlamentit Evropian për Serbinë përfshihet edhe korrigjimi i kufijve.

Sipas mediave serbe, Parlamenti Evropian pritet të fillojë hartimin e një teksti të raportit për Serbinë, që pritet të përfshijë edhe një amendament për kompromisi në lidhje me korrigjimin e kufijve mes Serbisë dhe Kosovës.

Rëndësi të veçantë ka amendamenti i kompromisit me numrin rendor 25, që ka të bëjë me debatin rreth korrigjimit të mundshëm të kufijve mes Serbisë dhe Kosovës, duke përfshirë edhe temën e shkëmbimit të territoreve.

Në fillim të tekstit i cili mund të jetë dhe version përfundimtar i raportimit të Parlamentit Evropian për Serbinë, por edhe për Kosovën, përmendet “e kaluara multietnike e Kosovës dhe Serbisë”.

Po ashtu, përfaqësuesit evropianë nëpërmjet tekstit të raportimit rreth Serbisë përmendin shembujt e të gjitha marrëveshjeve të arritura deri më tani mes Beogradit dhe Prishtinës ku në veçanti këmbëngulet në krijimin e bashkësive të komunave me shumicë serbe në veri të Kosovës./abcnews.al

European_Parliament_Strasbourg_CREDITEuropean-Parliament.jpg
G. P.12:38 | 13/09/2018

Parlamenti Europian ka votuar pro liberalizimit të vizave për Kosovën. Pak para votimit raportuesja e Parlamentit Europian për Kosovën Tanja Fajon, deklaroi se vendi i kishte përmbushur të gjitha kushtet.

Pro liberalizimit të vizave për Kosovën. Parlamenti Europian ka votuar pro pas apelit të raportueses për Kosovën në Parlamentin Europian, Tanja Fajon, e cila u shpreh se vendi i kishte përmbushur të gjitha kushtet. Ajo kërkoi votën e të gjithë eurodeputetëve të Parlamentit duke thënë se ky nuk është një vendim përfundimtar, megjithatë vendimi i këtij parlamenti është jashtëzakonisht i rëndësishëm për procesin.

Fajon në këtë mënyrë është mandatuar për të nisur negociatat me Këshillin Europian që do të pasohen me miratimin e pozicionit negociues nga ana e Këshillit. Një hap tjetër është marrëveshja mes të Këshillit dhe Parlamentit Evropian për një tekst të pranueshëm për palët, Këshillin dhe Parlamentin.

Pas gjithë këtyre hapave kalohet në seancë plenare të Parlamentit Evropian. Hapi i pestë është miratimi nga ambasadorët dhe më pas duhet të bëhet miratimi nga Këshilli i Ministrave me shumicë të kualifikuar ose ajo që quhet shumicë e dyfishtë 55% e vendeve anëtare (16 vende), që përfaqësojnë të paktën 65% të popullsisë se BE-së (328 milionë nga 505).

Më pas mbesin vetëm hapat formalë: ceremonia e nënshkrimit, publikimi në Gazetën Zyrtare dhe hyrja në fuqi e vendimit. E gjithë kjo procedurë mund të zgjasë gjashtë deri në nëntë muaj./abcnews.al

OK-BE-NDESHKIMI.mpg_snapshot_00.03-1280x695.jpg
G. P.22:55 | 12/09/2018

Parlamenti Europian ka votuar në masë pro ndëshkimit të Hungarisë për shkelje të vlerave themelore. Për momentin masat janë në nivel disiplinor, por nëse qeveria e Viktor Orban do të vijojë linjën e saj ato do të kthehen në penalizuese.

Parlamenti Europian ka votuar të mërkurën pro masave disiplinore ndaj Hungarisë, një lëvizje kjo e paprecedentë për shkak se vendi ka shkelur vlerat themelore të BE-së. Më shumë se dy të tretat e euro-parlamentarëve kanë votuar pro masave, që vendosen për herë të parë ndaj një vendi anëtar të Unionit. Qeveria hungareze e drejtuar nga Viktor Orban akuzohet për sulme ndaj medias, minoriteteve dhe shkelje të ligjit, akuza të cilat kryeministri vazhdimisht i ka mohuar. Nëse ato aprovohen edhe nga liderët e vendeve anëtare, atëherë masat disiplinore mund të kthehen në masa ndëshkuese për Hungarinë.

Mes tyre përfshihet edhe heqja e së drejtës që vendi aktualisht gëzon për të votuar në nivlin e Bashkimit Europian. Që nga ardhja në pushtet, qeveria e zotit Orban ka ndjekur një linjë të ashpër ndaj emigracionit, duke miratuar një ligj që dënon çdo avokat apo aktivist që ndihmon azilkërkuesit. Por veç kësaj Budapesti zyrtar akuzohet edhe për presion ndaj gjykatave dhe organeve elektorale, pa anashkaluar korrupsionin e përhapur. Pas mbajtjes së votimit, Parlamenti Europian ka deklaruar se ka gjithashtu shqetësime edhe për sistemin kushtetues të Hungarisë, mbrojtjen e të dhënave personale, lirinë e shprehjes, atë fetare dhe lirinë akademike. Pa harruar këtu mungesën e të drejtave të barabarta sidomos në dëm të refugjatëve dhe minoriteteve, si romët dhe hebrenjtë.

Seanca plenare e së mërkurës u hap me një fjalim të presidentit të KE-së, Zhan Klod Junker, i cili bëri thirrje për respektimin e BE-së, mbrojtjen e imazhit europian dhe për t’i thënë jo nacionalizmit ekspansiv që urren të tjerët dhe kërkon t’i shtypë. “Sa herë që Europa flet me një zë të vetëm ajo arrin t’u imponohet të tjerëve. Ndaj ajo duhet të veprojë si një front i bashkuar”, deklaroi Juncker./abcnews.al

parlamenti-europian.jpg
G. P.20:55 | 05/07/2018

Parlamenti Europian miratoi një plan që synon të bëjë më të sigurtë kufijtë e zonës Shengen. Qytetarëve nga 60 vende jo anëtare të BE-së do t’i nënshtrohen një procesi verifikimi për të dhënat personale para udhëtimit për në zonën Shengen.

Vendet anëtare të BE-së kanë votuar të enjten ngritjen e sistemit të parandalimit, që do t’u ndalojë personave të dyshuar për krim të organizuar apo terrorizëm të udhëtojnë në kontinentin e vjetër. Sistemi Europian i Informimit dhe Autorizimit pritet të aplikohet ndaj qytetarëve të vendeve që nuk bëjnë pjesë në zonën Schengen, por që gëzojnë të drejtën e lëvizjes pa viza.

Konkretisht, përpara ndërmarrjes së udhëtimit personi i interesuar duhet të aplikojë në sistem për autorizim. Sistemi do të skanojë të dhënat personale të aplikantit, duke nisur nga pasaporta, shteti europian ku do të qëndrojë, rekordet penale, praninë eventuale në zonat e luftës, si dhe do të bëjë krahasimin e gjurmëve të gishtave.

Në rast se personi i interesuar përmbush kriteret atij do t’i jepet autorizimi, ndërsa në rast të kundërt motivi i refuzimit të lejes për të udhëtuar. Për Brukselin, sistemi ETIAS do të sjellë një menaxhim dhe kontroll më të mirë të kufijve dhe emigracionit. Gjithashtu, ai do të kthehet në një vegël kyçe në luftën kundër krimit të organizuar dhe terrorizmit.

Agjencia policore EUROPOL do të kujdeset për mirëmbajtjen dhe përditësimin e tij, bashkë me agjencitë e tjera europiane për funksionimin e sistemeve elektronike. Mes të tjerash, thotë Brukseli, ky sistem do t’u kursejë kohë udhëtarëve dhe do të shmangë vonesat./abcnews.al

marck-zuckerberg.jpg
G. P.22:42 | 22/05/2018

Mark Zuckerberg ka dëshmuar të martën në Parlamentin Europian në lidhje me rrjedhjen e të dhënave të përdoruesve të Facebook. Ndonëse ka pranuar se ka gabuar dhe ka kërkuar ndjesë, Zuckerberg nuk ka dhënë shumë detaje mbi skandalin që përfshiu kompaninë e lobimit “Cambridge Analytica”.

Shefi ekzekutiv i Facebook, Mark Zuckerberg u ka kërkuar të falur ligjvënësve të Parlamentit Europian për rrjedhjen masive të të dhënave të përdoruesve të rrjetit social. Zuckerberg kishte rënë dakord për t’u takuar me liderët e PE-së, për t’iu përgjigjur pyetjeve mbi skandalin që preku 87 milionë përdorues, 2.7 milionë prej të cilëve nga vendet e BE-së. Në fjalimin e tij, Zuckerberg tha se tashmë e ka të qartë se në vitet e fundit ai dhe stafi i tij nuk kanë bërë sa duhet për të parandaluar abuzimin me të dhënat.

“E kemi kuptuar se nuk kishim këndvështrimin e duhur për rëndësinë e përgjegjësive tona. Ishte një gabim dhe kërkojmë falje”, deklaroi Zuckerberg.

Sidoqoftë mbetet ende e paqartë se si Facebook lejoi kalimin e të dhënave tek kompania e lobimit “Cambridge Analytica” dhe nëse aktualisht po bën sa duhet për të parandaluar një përsëritje. Shfaqja e Zuckerberg në Bruksel vjen tre ditë përpara se rregullat e reja të BE-së për mbrojtjen e të dhënave të hyjnë në fuqi.

Rregullat në fjalë parashikojnë gjobitjen e kompanive me 4 për qind të të ardhurave vjetore nëse verifikohet një incident si ai i Facebook. Nga ana e tij, shefi ekzekutiv premtoi se rrjeti social do të punojë në përputhje me rregullat e Europës, ku brenda vitit do të punësojë 10 mijë persona./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono