paris

773x435_french-farmers-damage-more-offices-of-macron-mps-over-trade-deals.jpg
G. P.23:59 | 16/09/2019

Presidenti francez Emmanuel Macron e ka filluar me “dhimbje koke” gjysmën e dytë të mandatit të tij. Shkak është bërë beteja për Bashkinë e Parisit, për të cilën nga partia e tij kanë dalë dy kandidatë. Për analistët, është koha që Macron të përballet për herë të parë me përçarjet dhe diversitetin politik.

Pas një sezoni veror të cilin e kaloi duke ekspozuar muskujt diplomatikë, fillimi i gjysmës së dytë të mandatit për presidentin Emmanuel Macron nuk ishte aspak pozitiv.

Me një akt sfide, deputeti më i spikatur i partisë La Republique On Marche, Sedrik Vilani’ shpalli kandidaturën e tij për bashkinë e Parisit, duke bërë edhe më të thella plagët e përçarjes në partinë qeverisëse të Macron dhe njëkohësisht duke rrezikuar seriozisht shanset e saj për të fituar zgjedhjet vendore.

Një sondazh i publikuar ditët e fundit tregon se dy kandidatët e LREM janë kokë më kokë prapa Anne Hidalgo, kryebashkiake në ikje e Partisë Socialiste. Më 10 korrik partia e Macron miratoi emrin e Benjamin Griveaux, një ish-zëdhënës i qeverisë dhe anëtar i këshillit bashkiak të Parisit, për zgjedhjet lokale të vitit 2020.

Por procesi i përzgjedhjes u cilësua me defekt nga Vilani’, një ligjvënës i LREM dhe matematicien i njohur. Griveaux i propozoi Vilani’ që t’i bashkohej fushatës së tij, por kolegu zgjodhi ta kalonte sezonin veror në qetësi dhe të shpallte kandidaturën e tij më 4 shtator.

Partia e Macron mori formë 3 vjet më parë në përpjekje për të sfiduar estabilishmentin politik dhe u tregua e aftë të tërhiqte tek vetja të djathtët dhe të majtët e moderuar me premtimin për një reformë dhe axhendë pro-europiane. Por tani në këtë subjekt po shihen përçarje dhe krijime fraksionesh, ndërkohë që më parë anëtarësia dukej shumë e qetë dhe e bashkuar.

“LREM është shumë e unifikuar në mbështetje të Macron për çështje si Europa dhe reformat që duhen bërë, por tani po zbulohet se si çdo parti politike tjetër duhet të përballet me diversitetin dhe pluralizmin e opinioneve”, deklaron Bruno Kutres, analist i çështjeve politike.

Për të konfirmuar përçarjen, mjafton të kujtohet se si në Mars, 50 deputetë të partisë në pushtet abstenuan në votimin për një projektligj kundër huliganëve, duke e cilësuar atë shumë të ashpër dhe madje duke mbajtur protesta./ABC News Albania 24/7

parisprotests0105a.jpg
ent ela17:50 | 13/09/2019

Kryeqyteti i Francës është përfshirë ditën e premte nga një paralizë e transportit publik. Punonjësit e metrove kanë bojkotuar punën në shenjë proteste ndaj reformës së pensioneve. Nismës së tyre pritet t’u bashkohen në ditët në vazhdim edhe punonjës të sektorëve të tjerë.

Kryeqyteti i Francës ka përjetuar të premten një paralizë për shkak të grevës së punëtorëve të transporteve, në shenjë proteste ndaj reformës së pensioneve. Të paktën 10 nga 16 linjat e metrosë së Parisit qëndruan të mbyllura, ndërsa në të tjerat shërbimi ka qenë me ndërprerje. Shumë punonjës të sektorëve të ndryshëm kanë shkuar në punë me biçikletë, në këmbë, ose kanë qëndruar në shtëpitë e tyre. Ndërsa të tjerë, sipas mediave franceze, kanë përdorur biçikletat elektronike të ofruara nga kompania Uber dhe motorë të vegjël. Greva, më e madhja që prej vitit 2007, është e para që kur presidenti Emanuel Makron prezantoi reformën e pensioneve. Ajo do të zëvendësojë skema të ndryshme pensioni për profesione të ndryshme. Punonjës të fushave të tjera si avokatët, ata të linjave ajrore dhe mjekësisë kanë bërë thirrje për më shumë greva duke filluar nga e hëna e ardhshme. Të premten, vetëm në rajonin e Parisit u krijuan radhë të gjata automjetesh, që në tërësi arrinin deri në 235 kilometra, më shumë se dyfishi i nivelit normal. Mediat lokale publikuan gjithashtu foto të platformave të metrove që punonin të mbushura me njerëz në pritje. Punonjësit e metrove deklarojnë se reforma e re e pensioneve do t’i detyrojë ata të punojnë më gjatë, duke u hequr mundësinë për të dalë në pension më herët, një e drejtë kjo e negociuar dekada më parë për të kompensuar orët e gjata të kaluara nën tokë. /ABC News Albania 24/7

 

shumi.jpg
G. P.16:30 | 11/09/2019

Mediat franceze shkruajnë se ish piloti i Formula 1, Michael Schumacher tashmë është i vetëdijshëm. Lajmi është konfirmuar nga një anëtar i stafit të spitalit, ku ish-kampioni i është nënshtruar terapisë së qelizave staminale.

Shtrimi i Michael Schumacher në spitalin “George Pompidou” në Paris për një terapi të bazuar tek qelizat staminale, ka rikthyer dhe njëherë vëmendjen mbi kushtet shëndetësore të ish pilotit gjerman të Formula 1.

Ai gjatë gjithë kohës mbrohet nga privatësia e familjes së tij që nga koha e aksidentit në pistën e skiimit në Dhjetor të 2013-s. Francezja Le Parisien shkruan se tashmë ka shpresa të reja për rimëkëmbjen e tij. Një anëtar i stafit të personelit u shpreh se e kishte parë dhe ai ishte i vetëdijshëm.

Dëshmitari, i cituar nga e përditshmja franceze, punon në njësinë e kardiologjisë ku është shtruar ish-piloti. Terapia qelizore e Filip Menaske, kirurg kardiak i famshëm, duhet të përfundojë sot, dhe Schumacher, i transferuar në Paris nën masa të rrepta sigurie dhe nën emër të rremë, mund të rikthehet në shtëpi./ABC News Albania 24/7

mac.jpg
G. P.09:59 | 26/08/2019

Presidenti francez Emmanuel Macron, është zotuar të vazhdojë bisedimet me Teheranin në javet e ardhshme, për të ulur tensionet në lidhje me programin bërthamor të Iranit.

Macron i bëri këto komente më 25 gusht në diskutimet gjatë Samitit të liderëve botëror në Francë, dy ditë pas takimit me ministrin e Jashtëm Iranian, Mohammad Javad Zarif në Paris.

Liderët e G7-ës “kanë pasur një diskutim dje me Iranin që ka mundësuar të arrihet një mes: asnjë anëtar i grupit nuk dëshiron që Irani të ketë bombë nukleare dhe të gjithë anëtarët janë njëzëri të interesuar për stabilitet dhe paqe në rajon”, tha ai.

Tensionet në mes të Iranit dhe Shteteve të Bashkuara janë tensionuar që nga tërheqja e SHBA-së nga marrëveshja bërthamore e vitit 2015. Uashingtoni ka rivendosur sanksionet ndaj Teheranit dhe ky i fundit është tërhequr nga disa obligime që dalin nga marrëveshja.

Disa incidente në Gjirin Persil kanë rritur tensioned edhe më shumë. Uashingtoni ka shtyrë aleatët të bëjnë presion maksimal ndaj Iranit për të negociuar programin bërthamor./REL

johnson-macron-1280x720.jpg
nev ila17:55 | 22/08/2019

Nuk ka shkuar sipas pritshmërive vizita e kryeministrit britanik Boris Xhonson në Paris. Në takimin me presidentin Emanuel Makron, ky i fundit ka mbështetur pa asnjë lëkundje çështjen e kufirit irlandez dhe ka deklaruar se çdo marrëveshje e re që mund të arrihet mes palëve nuk do të ndryshojë shumë nga ajo ekzistuese.

Vizita e kryeministrit britanik Boris Johnson në Paris, ku u takua me presidentin Emanuel Macron për të diskutuar mbi Brexit, nuk shkoi sipas pritshmërive.

Sipas mediave britanike, gjatë takimit kreu i shtetit francez deklaroi se vullneti i qytetarëve të Mbretërisë së Bashkuar për të dalë nga BE duhet respektuar.

Por ai shtoi se pika kufitare mes Irlandës dhe Irlandës së Veriut është e “domosdoshme” për të ruajtur stabilitetin politik dhe tregun e përbashkët europian.

Pika kufitare e propozuar nga BE dhe e kundërshtuar nga zoti Johnson synon të parandalojë krijimin e një kufiri fizik në ishullin e Irlandës pas Brexit. Nga ana e tij, Johnson tha se me energji dhe kreativitet, palët mund të gjejnë një zgjidhje për këtë çështje.

Sipas BBC, shtrëngimi i duarve mes kryeministrit dhe presidentit ishte i gjatë dhe i ngrohtë, por në fund ishin fjalët ato që patën rëndësi.

Macron sqaroi se, ndërsa është përshkruar si “djaloshi agresiv” i Bashkimit Europian, ai thjesht po tregohet i qartë për qëndrimin e tij. Ai e cilësoi pikën kufitare si një “garanci të domosdoshme për stabilitetin në Irlandë” dhe një mjet për të mbrojtur integritetin e tregut unik europian.

Gjatë bisedimeve, shefi i pallatit Elize nuk e materializoi qëndrimin e tij se marrëveshja e Brexit është e panegociueshme, por nënvizoi se çdo akord që dy palët mund të arrijnë në muajit e ardhshëm nuk do të jetë shumë ndryshe nga ai ekzistues.

Ai kërkoi më shumë qartësi nga pala britanike për propozimet alternative që ajo do të bëjë në këtë drejtim.

Nga ana e tij, zoti Johnson e vuri theksin tek dëshira e tij për arritjen e një marrëveshjeje me BE-në, por shtoi se është jetike që Mbretëria e Bashkuar të dalë nga Unioni më 31 tetor. Ai tha gjithashtu se në asnjë rrethanë Londra do të vendosë kontrolle në kufirin Irlandë-Britani.

Dy liderët konsumuan një drekë së bashku, pinë kafe dhe shëtitën në lulishtet e pallatit Elize, derisa Johnson i hipi avionit për t’u kthyer në shtëpi./ABC News Albania 24/7

paris-flaka.jpg
nev ila13:10 | 22/06/2019

Tre persona kanë humbur jetën si pasojë e një zjarri të shpërthyer në një pallat në Paris.

Lajmi është konfirmuar nga e përditshmja Le Parisien. 27 persona mbetën të plagosur, mes të cilëve një në gjendje të rëndë.

Rreth 200 zjarrfikës u imepnjuan për fikjen e zjarrit ndërsa ende nuk dihen shkaqet. Sipas të dhënave të para zjarri është shpërndarë mes kateve nëpërmjet ashensorit. Nga tre viktimat një person humbi jetën pasi u hodh nga dritarja në përpjekje për ti shpëtuar zjarrit, ndërsa dy të tjerët u dogjën.

Përvec apartamenteve në pallat ndodhet dhe një restorant dhe një hamam./ABC News Albania 24/7

Capture-3.jpg
nev ila14:31 | 16/06/2019

 

Priftërinjtë parizienë kanë vendosur kasketa mbrojtëse në meshën e parë të mbajtur në katedralen Notrë Damë, që nga rënia e zjarrit në muajin prill. Autoritetet kanë paralajmëruar se ka ende pjesë të godinës që rrezikojnë të shemben.

Katedralja Notrë Damë në Paris mbajti të dielën meshën e parë që nga rënia e zjarrit që shkaktoi dëme të konsiderueshme në çatinë dhe shkatërroi majën e strukturës. Godina gotike rrezikoi shkatërrimin më 15 prill kur u përfshi nga flakët, edhe pse kullat binjake të këmbanave dhe pjesë të tjera të saj, përfshirë thesaret artistike me vlerë, shpëtuan.

Të veshur me kasketa mbrojtëse, priftërinjtë të udhëhequr nga arqipeshkvi i Parisit mbajtën meshën e parë për një audiencë të kufizuar njerëzish, e përbërë nga 30 persona. Ekspertë të ndërtimit lejuan që shërbesa të mbahej vetëm në një pjesë të godinës, mbrapa vendit ku qëndron kori, që mban dhe Kurorën e Gjembave, për shkak të shqetësimeve për sigurinë.

Presidenti francez Emanuel Makron deklaroi se shpreson që qytetarët e vendit të mblidhen së bashku për të rindërtuar kryeveprën shekullore, një simbol i Francës që ndodhet në zemër të Parisit. Ndërsa ministri francez i Kulturës, Frenk Rister deklaroi se godina mbetet në një gjendje të brishtë dhe paralajmëroi se tavani i saj rrezikon ende të shembet.

Audienca që ndoqi meshën përbëhej kryesisht nga anëtarë të klerit dhe punonjës të kishës, si dhe nga disa punëtorë që po punojnë për rindërtimin e saj./ABC News Albania 24/7

tenis-1280x715.jpg
Sej rie17:40 | 05/06/2019

Një duel klasik do të luhet në Grand Slemin e tenisit në Paris. Në gjysmëfinale, do të jenë përballë legjendat Rafael Nadal e Rozher Federer.

Kishte 14 vjet që nuk ndodhte, por nuk thonë kot.

Njerëzit takohen një ditë me njëri-tjetrin, jo malet, dhe ja ku ngjau që legjendat më të mëdha në historinë e tenisit, Rozher Federer e Rafael Nadal, do të ndeshen në gjysmëfinale të Grand Slemit të “Rolan Garosit”.

Dy kampionët e mëdhenj u kualifikuan në mënyrë të ndryshme për në katërshe, dhe Federeri pati një duel tepër të fortë me patriotin e tij zviceran, Sten Vavrinka.

Veterani 37-vjeçar ia doli 3-1 me sete, por rezultatet ishin të ngushta, 7-6, 4-6, 7-6 dhe 6-4.

Federer është rekordmen i fitoreve në Grand Slem, me 20 tituj ndaj 17 të Nadalit, por bilanci mes tyre është në favor të spanjollit, sidomos në dhé të ngjeshur, ku Rafa kryeson 13-2, madje është absolut në Paris, me bilancin 5-0.

“Nëse nuk do të kisha dashur të ndeshesha me Nadalin, atëherë nuk do të kisha luajtur në një fushë me dhé të ngjeshur, – tha zvicerani në formë sfiduese, – natyrisht, do të jetë shumë e vështirë sepse Rafa është i jashtëzakonshëm në këtë sipërfaqe. Mendoj se jam në formë shumë të mirë dhe mund t’ia dal”.

Nadal, ndërkaq, duket në nivele qiellore, siç u duk në fitoren e thellë ndaj Kei Nishikorit në çerekfinale.

Shifrat ishin 3-0, dhe japonezi mori vetëm 5 lojra, në një ndeshje që zgjati fare pak.

Tridhjetedyvjeçari ka 11 tituj në “Rolan Garos”, një rekord botëror, me shumë diferencë nga ndjekësi më i afërt Bjorn Borg që ka 6, madje edhe se kampioni I fillimit të shekullit të 20-të, Maks Dekyzhiz, që fitoi 8 tituj në epokën e vjetër.

“Jam shumë I lumtur, – tha Nadal, pas kualifikimit, – është e pabesueshme që jam sërish në gjysmëfinalen e Parisit. Ky turne është shumë I rëndësishëm për mua, është e mrekullueshme që jam sërish këtu. Ndaj Federerit nuk do të jetë aspak e lehtë, pasi ai është një rival i madh, me shumë përvojë, dhe që nuk dorëzohet kurrë”.

Një duel Nadal-Federer është gjithnjë kryelajm për gazetat sportive.

“L’Ekip” e Parisit vendos foton e madhe të dy legjendave dhe titullon: Të premten, shenjtorët!

“AS” e Madridit po ashtu vendos fotot e kampionëve pranë e pranë, dhe shkruan: Do të ketë Klasike, Federer dhe Nadal do të ndeshen në “Rolan Garos” pas 14 vjetësh!

Ja edhe një gazetë e Zvicrës, “Tribunë dë Zhenevë”: Federeri është gati që të mundë Nadalin!

Nadali jepet favorit për kualifikimin në finale, duke pasur edhe bilancin e përgjithshëm pozitiv ndaj Federerit, por kampioni zviceran ka fituar 5 ndeshjet e fundit mes tyre./ABC News Albania 24/7

download-6.jpg
Sej rie19:00 | 20/05/2019

Kulla Eifel në Paris është mbyllur pasditen e së hënës pasi një person është parë teksa ngjitej në pjesën e jashtme të saj. Kompania që kontrollon strukturën ikonë të kryeqytetit francez konfirmoi ngjitjen e personit dhe më pas evakuimin e të pranishëmve. Në vendin e ngjarjes mbërritën menjëherë patrullat e policisë dhe efektivë të repartit të zjarrfikësve. Sheshi përreth kullës u boshatis, ndërsa turistëve iu kërkua që të shtynin vizitën e tyre. Edhe rrugët që rrethojnë zonën e bllokuan gjithashtu nga policia, duke ndaluar qarkullimin. Mediat franceze raportojnë se policia vendosi një linjë kontakti me ngjitësin e paidentifikuar, i cili nisi të negociojë me një zjarrfikës lidhur me veprimin e tij, motivet e të cilit janë ende të paqarta./ABC News Albania 24/7

notre-dame-10-1280x853.jpg
ent ela23:10 | 16/04/2019

Kanë kaluar kuotën e 600 milionë eurove donacionet për restaurimin e katedrales së Notrë Damë të Parisit, e dëmtuar nga zjarri i ditës së hënë. Mes donatorëve të fundit renditet familja Betenkurt-Mejers, ndër më të pasurat e Francës dhe trashëgimtare e kolosit “L’Oreal”, që ka dhuruar 200 milionë euro. Më herët, e njëjta shifër u dhurua nga familja Arno’, që zotëron grupin e famshëm të produkteve “Luis Vuiton-Met Henesi”. Duke u shprehur e shkatërruar nga zjarri që përfshiu katedralen, familja e njohur franceze u shpreh e gatshme të kontribuojë për rindërtimin e simbolit të Francës. Familja tjetër Pino’, gjithashtu ndër më të pasurat në Francë njoftoi ndërkohë dhurimin e 100 milionë eurove për restaurimin e katedrales së famshme. Ndërsa kryetarja e Bashkisë së Parisit, An Hidalgo njoftoi për një kontribut prej 50 milionë eurosh nga komuna për rindërtimin e objektit. Hidalgo foli edhe për mbajtjen e një konference ndërkombëtare donatorësh për të mundësuar restaurimin, që sipas autoriteteve do të jetë një proces i gjatë që mund të arrijë deri në 15 vjet. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono