paralajmërimi

nasa-toka-1280x1138.jpg
nev ila11:19 | 16/01/2020

Ekspertët paralajmërojnë se gjatë këtij viti do të ketë ngjarje metereologjike ekstreme për shkak të rritjes graduale të temperaturave në planetin tonë. NASA konfirmoi se në 5 vitet e fundit janë regjistruar temperaturat më të larta që nga 1880.

Sipas të dhënave të NASA dhe administratës kombëtare oqeanike dhe atmosferike, pesë vitet e fundit kanë qenë më të nxehtit që nga 1880, që do të thotë që kur janë regjistruar fillimisht temperaturat në planetin Tokë.

Të dy agjencitë theksojnë se ndër të tjera 2019 ka qenë viti i dytë pas 2016-ës, që mban rekordin e temperaturës tokësore duke konfirmuar në këtë mënyrë trendin e ngrohjes graduale të planetit.

Situata ndër të tjera do të përkeqësohet dhe më shumë. Sipas organizatës metereologjike botërore të Kombeve të Bashkuara, me emetimet aktuale të gazrave serë. do të ketë një rritje temperaturash deri në pesë gradë brenda fundit të këtij shekulli.

Sekretari i Përgjithshëm i Organizatës, Peteri Taals, u shpreh se për fat të keq, priten shumë ngjarje ekstreme metereologjike në vitin 2020 dhe në dekadat e ardhshme.

ilir-meta-presidenca-1280x540.jpg
ger ta20:59 | 28/11/2019

Presidenti Ilir Meta është duke zhvilluar një bashkëbisedmim me gazetarët të Abc News dhe Tv Dukagjini.

Me stë tjerash kreu i shtetit u pyet edhe lidhur me paralajmërimin e tij pak muaj më parë për një tërmet apokaliptik që do godiste vendin, i cili nuk u mor seriozisht.

Lidhur me këtë Meta tha se nuk do të donte të ndalej këtu, ndërsa theksoi se mirë do ishte të ishin marrë masa.

Nuk do të doja sot të ndaleshim këtu se ka ende disa shqiptarë që ndodhen nën rrënoja dhe ka edhe mijëra familje që nuk janë kthyer ne banesat e tyre. Është folur shumë për këtë çështje në të kaluarën, unë thjesht kam bërë detyrën time që më takon, nisur nga paralajmërimi që kanë qenë edhe publike, mirë do ishte të ishin marrë masa por nuk do të harrojmë që u ndeshëm me një tërmet në Korcë që ishte shumë më i lehtë por la disa pasojë. Jemi në një zonë të rrezikuar, Italia, Greqia, Turqia kanë qenë nën kërcënim. Ne nuk është se kemi ndonjë përvojë shumë serioze. Ky është një mekanizëm që duhet të përmirësohet. Ata që kanë parë Durrësin dhe Thumanë, të dhënat janë se edhe disa zona të tjera kanë pësuar shumë dëme. Këto janë pasoja afatgjata dhe do të kërkojnë një organizmim shumë të madh. Është një falenderim shumë i përzemërt për të gjithë popullin dhe institucinet e Kosovës”, tha Meta.

meta-1.jpg
ent ela14:40 | 16/11/2019

Presidenca ka konfirmuar edhe njëherë kallëzimin penal që do të dorëzohet të hënën në Prokurori, për kreun e Këshillit të Emërimeve në Drejtësi, Ardian Dvorani. Zëdhënësi i Presidentit Meta tha do të publikohet edhe një VIDEO përvëluese që implikon kreun e KED-së ndaj  emërimit të Arta Vorpsit në Gjykatën Kushtetuese. Nga ana tjetër, Meta do të thërrasë në takim kryetarët e partive opozitare që braktisën parlamentin.

Të hënën, Presidenca njofton se do të depozitojë kallëzimin ndaj kreun e Këshillit të Emërimeve në Drejtësi, Ardian Dvorani, të cilin e akuzon për shkelje të Kushtetutës lidhur me zgjedhjen e Arta Vorpsit si gjyqtare në Kushtetuese. Zëdhënësi i Presidentit, konfirmon se do të publikohet dhe një video e cila do të provojë përfshirjen në këtë shkelje edhe të zyrtarëve të tjerë.

 “Kjo VIDEO me prova të pakundërshtueshme, do zbulojë fytyrën e vërtetë të një individi të papërgjegjshëm, i cili guxoi në mënyrë të tmerrshme kriminale t’i përvetësojë kompetencat kushtetuese Presidentit të Republikës, që as noterja e nderuar znj.Miranda Xhemalçe nuk pranoi ta bënte, pasi e dinte shumë mirë se betimi me dorën mbi Kushtetutë bëhet vetëm në Institucionin e Presidentit të Republikës dhe askund tjetër”.

Presidenca njofton se kjo video po përgatitet edhe në disa gjuhë të tjera europiane, në mënyrë që të gjithë partnerët ndërkombëtarë, të mos mashtrohen më.

Po ashtu, presidenca ka njoftuar se krahas duelit me KED-në, Meta po punon edhe me opozitën.

Presidenti Meta do të kërkojë takim me të gjithë kryetarët e Partive Parlamentare që braktisën Kuvendin në shkurt 2019, “për të diskutuar lidhur me situatën dramatike ku ndodhet vendi. Padyshim do të ketë edhe të tjera inisiativa, vendime dhe takime shumë të rëndësishme”,-thuhet në njoftim!

irani1-1280x617.jpg
ent ela14:32 | 12/11/2019

Nëse do të duhet, Bashkimi Europian do të vendosë sanksione të reja ndaj Iranit, nëse ky i fundit vijon të shkelë marrëveshjen për programin bërthamor. Brukseli paralajmëron në këtë mënyrë Teheranin duke i bërë apel që të respektojë detyrimet e marra.

Europa është gati për gjithçka, dhe për të vendosur sanksione të reja, nëse Irani do të vijojë të shkelë marrëveshjen për programin bërthamor. Paralajmërimi i ri nga Brukseli vjen pak ditë pas deklaratës së regjimit për rifillimin e procesit të pasurimit të uraniumit në impiantin bërthamor të Fordo, 200 kilometra larg Teheranit.

Me injektimin e gazit të uraniumit në centriguga, ai i Ford është rikthyer në një bazë bërthamore aktive dhe nuk është më një impiant kërkimi i autorizuar në bazë të marrëveshjes së 2015-ës.

Kreu në largim i diplomacisë europiane Federika Mogerini u shpreh se është vënë sërish theksi për impenjimin e Brukselit në respektimin e një marrëveshjeje e cila mbetet thelbësore për sigurinë e të gjithëve. Ajo shtoi se dhe pse duket e vështirë, do të vazhdojë puna deri sa të arrihet një aktivizim i plotë i marrëveshjes.

Ministri i jashtëm Gjerman Heiko Mas u shpreh se BE dëshiron të ndjekë marrëveshjen por Irani duhet të respektojë gjithashtu detyrimet e tij. Në rast të kundërt do të vlerësohen të gjitha mekanizmat e parashikuara nga marrëveshja.

I firmosur në Vjenë në 14 korrik 2015, marrëveshja për programin bërthamor të Teheranit, është në pikëpyetje pas daljes së njëanshme të Shteteve të Bashkuara të Amerikës, dhe sanksioneve të reja ekonomike që u vendosën nga Irani.

Përpjekjet europiane për të shmangur sanksionet amerikane, nuk janë konsideruar të mjaftueshme nga regjimi. /abcnews.al

 

unaza-banoret-1280x720.jpg
ent ela16:10 | 10/11/2019

Më 11 nëntor banorët e unazës së re duhet që të lirojnë banesat e tyre, pasi është afati i fundit sipas IKMT-së. Banorët kanë paralajmërojnë se do të ketë përplasje mes tyre dhe të gjithe atyrë që do të shkojë për të shembur shtëpitë dhe bizneset. Ish-deputeti demokrat Klevis Ballu u shpreh se banorët duan dialog për t’i dhënë zgjidhe çështjes.

Më 11 nëntor banorët e unazës së re janë njoftuar se duhet që të lirojnë banesat e tyre sepse do të nisë shembja. Jashtë kameras banorët pohuan se ata kanë vendosur që të mblidhen që në orën 07:30 të mëngjesit së bashku me fëmijët e tyre në mbrojte të shtëpive. Banorët shprehen se nëse punonjës të IKMT-së ose policia do të shkojë në Unazë për të nisur shembjen e objekteve, ata do të përballen me ata pasi shtëpit e tyre do t’i mbrojnë me çdo kusht. Banorët ishin mblrdhur përpara gjykatës penale të Tiranës pasi u zhbillua seanca për caktimin e masës së sigurisë për Shpëtim Selimin, person i dyshuar se ka dhunuar më datë 7 nëntor një nga punonjësit e IKMT-së.  Gjyqtari Kujtim Vranici vendosi për Selmanin masën arrest në shtëpi.

Në mbrojte të banorëve ishte edhe ish-deputeti demokrat Klevis Balliu i cili deklaroi se, banorët e Unazës së Re kërkojë dialog.

Punonjësit e IKMT-së  kishte mbërritur në Unazës të Rë për të bërë njoftimin e  përfundimit të afatit, për lirimin e banesave. Një grup banorësh , në bashkëpunim me njëri-tjetrin kanë goditur me gurë e sende të forta,punonjësit e IKMT-së, ku për pasojë mbetën të plagosur 4 prej tyre dhe 1 punonjës i Policisë, gjithashtu, u dëmtua edhe një automjet i uniformave blu. /abcnews.al

 

zaev-1.jpg
ent ela12:17 | 29/10/2019

Kryeministri i Maqedonisë së Veriut, Zoran Zaev, paralajmëroi se vendimi për të mos hapur negociatat e anëtarësimit me BE-në, mund ta vërë në rrezik marrëveshjen e Prespës për emrin, arritur midis Zaev dhe ish-kryeministrit grek Cipras ndërkohë që dy proçeset janë të lidhura.

Kryeministri maqedonas Zoran Zaev tha në një intervistë për edicionin grek të Euroneës në Shkup se disa nene thelbësore të marrëveshjes së Prespës, e nënshkruar me Greqinë në vjeshtën e 2018, që zgjidhin kontestin midis dy vendeve që ka zgjatur për dekada, janë të lidhura me përparimin e anëtarësimit të vendit të tij në BE.

“Disa kapituj do të jenë të ngrirë sepse ato nuk mund të zbatohen. Ne do të përpiqemi t’i zbatojmë ato, por të dyja janë të lidhur me njëri-tjetrin”

Zaev tha se kapitujt kontestues kanë të bëjnë kryesisht me përdorimin e brendshëm të emrit të ri të vendit. Kryeministri, i cili e çon vendin në zgjedhje të jashtëzakonshme në prill të vitit të ardhshëm, pas mos-hapjes së negociatave, tha se anëtarësimi në Union është e vetmja rrugë përpara për vendin e tij dhe për vende të tjera të Ballkanit Perëndimor.

“Ne nuk kemi alternativë. Nuk ka oferta të tjera që mund të shërbejnë si alternativë. Ofertat e tjera që mund të jenë nuk na japin demokraci, shtet të së drejtës dhe liri. Nëse drita e yjeve të flamurit të Bashkimit Evropian është shuar, ne do të kemi errësirë këtu. Dhe ne mund të humbasim në këtë errësirë. Nëse radikalizmit dhe ringjalljes së nacionalizmit u jepet tokë pjellore, kjo do të dëmtojë shumë Ballkanin. Dhe kur Ballkani ka një problem, Evropa ka një problem”. /ABC News Albania 24/7

lista-serbe-1280x713.jpg
nev ila10:50 | 09/10/2019

Drejtues të “Listës Serbe” reagojnë pas deklaratës së liderit të “Vetëvendosjes”, Albin Kurti, i cili u shpreh se në qeverinë e tij nuk do të kishte përfaqësues të kësaj force. Nënkryetari i “Listës Serbe” deklaron se asnjë qeveri nuk mund të bëhet pa anëtar të saj.

Nënkryetari i Listës Serbe, Dalibor Jevtic, u shpreh për mediat në Serbi se asnjë qeveri kosovare nuk mund të bëhet pa Listën Serbe.

Krerë të Listës Serbe, e cila ka fituar të 10 mandatet e rezervuara për serbët në Kuvendin e Kosovës, si dhe zyrtarë të lartë të shtetit të Serbisë janë alarmuar nga deklarimet e fituesit të zgjedhjeve të 6 tetorit, Albin Kurti (LVV), i cili ka siguruar se në Qeverinë e tij do të ketë edhe serbë, por asnjë nga Lista Serbe.

Sipas Kurtit, Lista Serbe është faktikisht shteti i Serbisë dhe për këtë arsye edhe nuk mund të jetë në Qeverinë e tij asnjë anëtar i Listës Serbe.

I pari që ka reaguar ashpër është nënkryetari i Listës Serbe, Dalibor Jevtic, i cili u ka thënë medieve serbe se nëse Kurti dëshiron të formojë qeveri legjitime, atëherë duhet të trokasë në derën e Listës Serbe./ABC News Albania 24/7

KRONIKE-BANKA-BOTERORE-PER-RRITJEN-EKONOMIKE.mpg_snapshot_00.31-1280x720.jpg
ent ela14:08 | 08/10/2019

Banka Botërore ndryshon parashikimet për rritjen ekonomike të Shqipërisë për vitin 2019.  Në konferencën ku u paraqit Raportin Ekonomik Rajonal për Ballkanin Perëndimor. Banka Botërore korrigjoi treguesit duke thënë se ekonomia shqiptare do të rritët me 2.9 për qind nga 3.8 për qind që kishin parashikuar në fillim të këtij viti.

Ekonomia shqiptare vijon të mos t’i shpëtojë ndikimeve sezonale. Kjo ka bërë që Banka Botërore të rishikojë parashikimin për rritjen ekonomike të vendit, duke e ulur në 2.9 për qind nga 3.8 për qind për vitin 2019.

Banka nënvizon si faktor të uljes së performancës së ekonomisë thatësirën, e cila solli përgjysmim të prodhimit të energjisë elektrike gjatë verës.

Por thatësira nuk është shkaku i vetëm i situatës së re që është krijuar. Ç’ka Banka vlerëson është ulja e nivelit të papunësisë në vend, në nivel minimal historik sipas saj.

Ekspertët e BB i përsëritën qeverisë që të rrisë performancën në mbledhjen e taksave dhe të ketë një vëmendje të shtuar me projektet e PPP-ve, për të mos thelluar deficitin buxhetor.

Një rënie të paralajmëruar e konsideron ish deputetja e PD Jorida Tabaku këtë parashikim.

Ish nënkryetarja e komisionit të ekonomisë thotë se shkaqet e një rënie të tillë ekonomike të vendit tonë lidhen me drejtimin e gabuar që ekonomia në vend ka marrë.

Një presion i gjithanshëm shtetëror karshi biznesit, taksat e larta që rëndojnë xhepin e qytetarit dhe një klimë armiqësore investimesh. Krahu i punës po bie, biznese po mbyllen ndërsa qeveria vazhdon shpërndarjen e PPP-ve si certifikata të së ardhmes. /ABC News Albania 24/7

MBULIM-TRUMP-DEKLARIMI-ABCM1T1.mpg_snapshot_00.04-1280x720.jpg
nev ila13:08 | 08/10/2019

Me anë të një mesazhi në profilin e tij në Twitter presidenti amerikan Donald Trump deklaroi se nëse me pjekurinë e tij do të konstatonte se Turqia do të tejkalojë kufijtë, atëherë ai do të shkatërrojë ekonominë e vendit.

Madje kreu i Shtëpisë së Bardhë shkruan se e ka bërë dhe më parë një gjë të tillë.

Ai shtoi se së bashku me Europën dhe të tjerët duhet të kontrollohen luftëtarët e ISIS të kapur dhe familjet e tyre.

“Shtetet e bashkuara të amerikës kanë bërë më shumë se kushdo duke shkatërruar 100 për qind kalifatin. Tashmë është koha për të tjerët në rajon, disa prej të cilëve shumë të pasur, që të mbrojnë territorin e tyre shtoi”, përfundon Trump postimin e tij./ABC News Albania 24/7

tumpii.jpg
nev ila16:59 | 07/10/2019

Nëse Shtetet e Bashkuara të Amerikës nuk ndryshojnë qëndrimin e tyre armiqësor, Koreja e Veriut nuk ka ndërmend të vazhdojë negociatat për sa i përket programit bërthamor.

Një ditë pas dështimit të negociatave në Stockholm, Peniani shpjegon se nuk ka asnjë dëshirë për të vazhduar negociata të kota si këto; të paktën deri sa Shtetet e Bashkuara të Amerikës të ndërmarrin masa praktike dhe t’i japin fund politikave të tyre armiqësore.

Sipas një zëdhënësi, fati i dialogut është në duart e Uashingtonit./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono