para

grabitjaaa.jpg
G. P.10:37 | 25/09/2018

Policia e Vlorës vazhdon të kërkojnë personin e tretë të grabitjes mëngjesin e sotëm. Dy nga autorët që sulmuan furgonin që zbriti nga trageti u vendosën në pranga. Shuma e marrë, e cila është dërgesë e emigrantëve për familjet e tyre në Vlorë besohet se është më shumë se 10 mijë euro.

Forca të tëra policie janë në ndjekje të grabitësit të tretë. Dyshohet që ai është fshehur në këto zona të Panajasë.

Kurse këto janë makinat që tre grabitësit përdoren kur sulmuan furgonin që zbriti nga trageti i linjës Vlorë-Brindizi.

Një “Benz” dhe një “Audi”. Brenda tyre policia gjeti dy armë kallashnikov. Dy nga autorët u vendosën në pranga.

Momentin kur grabitën pranë stadiumit, ishin me maska, të veshur me tuta sporti dhe secili me kallashnikov.

Ngjarja ndodhi mëngjesin e kësaj të marte sapo furgoni që drejtohej nga Dëfrim Balili. Ai shpesh bënte rrugën nga Vlora deri në Firence dhe kur kthehej sillte dërgesat në para për familjarët e emigrantëve.

Autorët që kanë patur informacion të saktë e sulmuan dhe morën një çantë ku ndodheshin zarfet me para.

Një qytetari që sapo e kishte marrë porosinë e grabitën menjëherë.

Pas kësaj ata u larguan me shpejtësi me dy makinat. Policia e cila shkoi shpejt në vendin e ngjarjes dhe u vu menjëherë në ndjekje. Në ndihmë të saj edhe Forcat e Ndërhyrjes së Shpejtë. Dy nga grabitësit u vunë në pranga dy orë pas krimit.

Kurse i treti mundi të humbasë gjurmë. Besohet se shuma e grabitur është më shumë se 10 mijë euro./abcnews.al

vlcsnap-2018-09-19-16h23m05s479-1280x720.png
G. P.15:40 | 19/09/2018

Prokuroria pranë Gjykatës së Shkallës së Parë Tiranë, ka vendosur sekuestro mbi shumën 1,2 milionë euro. Paratë ishin të depozituara në një bankë të nivelit të dytë për llogarinë e shtetasit me iniciale A.H. Nga aktet paraprake, transaksionet bankare në lidhje me këtë shumë, janë justifikuar me anë të kontratave të dyshimta.

Ato nuk përputhen me të dhënat e shoqërisë, aksionet e të cilës janë shitur në shumën 1.2 milionë euro. Deri në këtë fazë të hetimeve ka dyshime të arsyeshme se shuma e sekuestruar do të përdorej në aktivitet kriminal të personave të dyshuar dhe personave të tretë./abcnews.al

heroina-shqiptari.jpg
G. P.15:10 | 18/09/2018

Një shqiptar është vënë në pranga nga autoritetet italiane. Ai akuzohet për shpërndarje të lëndëve narkotike.

Shqiptari, 35 vjeç, u arrestua të hënën në periferi të Milanos. Mediat nuk e kanë bërë publik identitetin e tij.

Në momentin e ndalimit, ai kishte një kilogram heroinë në një mikser, ku do të përziente lëndën narkotike.

Më pas, gjatë një kontrolli në banesën e tij u zbuluan 2.5 kilogramë heroinë në total, 6 kilogramë përzierës si dhe 8 mijë euro.

Ai ishte vetëm në momentin e arrestimit. Gjithashtu mediat kanë bërë të ditur se ishte nën vëzhgim që nga Korriku, kur policia intensifikoi kontrollet në zonë.

Atëherë ai nuk u ndalua, për shkak se policia nuk i gjeti drogë me vete./abcnews.al

Tights2_4.jpg
G. P.17:29 | 07/09/2018

Një 57-vjeçare shqiptare dhe djali i saj 24 vjeç janë dënuar nga gjykata në Britani për kontrabandë parash.

Suzana Sokolli dhe Xhino Mata u munduan të nxirrnin nga Britania e Madhe mbi 40 mijë paund. Ata u ndaluan më 5 Prill të këtij viti në makinën e tyre “Volkswagen Golf” në Portin e Doverit.

Xhino Mata dhe Suzana Sokolli

Me të arritur në port, ata u pyetën nga oficerët nëse kishin para me vete. Mata tha se kishte 7  mijë paund dhe kaq mjatoi për autoritetet të nisnin një kontroll në makinën e tij.

Ata gjetën në çantën e tij të dorës tufa parash të futura në geta. Ndërsa e ëma e tij kishte lidhur në bel një sasi të tjera parash.

Suzana pretendoi se paratë ishin kursimet e saj të jetës dhe se shpresonte që me to të niste një jetë të re dhe të hapte një biznes. Sipas saj, ajo i kishte marrë me vete paratë sepse ishte vjedhur me parë dhe mendonte se në këtë mënyrë do të ishin më të sigurta.

Pas përfundimit të numërimit rezultoi se bëhej fjalë për mbi 40 mijë paund që ishin përfituar nga aktivitete të paligjshme.

Nënë e bir u dënuan më 5 Shtator pasi u shpallën fajtor për tentativë largimi nga vendi me shuma të mëdha parash. Suzana Sokolli do të vuajë tre vjet burg, ndërsa Xhino Mata 3 vjet e 6 muaj./abcnews.al

LUSHNJE-AKSIDENT-MBULIM.mpg_snapshot_00.02-1280x720.jpg
G. P.16:02 | 03/09/2018

Një furgon me targa gjermane është përplasur me një mjet të transportit të vlerave monetare në vendin e quajtur ‘Rrethrrotullimi i Plugut’. Sipas të dhënave të para, nga aksidenti raportohen vetëm dëme materiale.

Dyshohet se aksidenti ka ndodhur si pasojë e shpejtësisë së lartë të automjetit të shoqërisë së vlerave monetare. Grupi hetimor ndodhet në vendngjarje, po punohet për zbulimin e plotë të ngjarjes./abcnews.al

karta.jpg
G. P.22:45 | 02/09/2018

Bizneset amerikane ka kohë që po përgatiten për një ekonomi pa para, pasi përdorimi i kartave të kreditit dhe debitit, është bërë më i përhapur sesa përdorimi i kartmonedhave. Por, lëvizja drejt një ekonomie pa para në dorë, mund të hasë një pengesë në kryeqytetin e vendit. Disa anëtarë të këshillit të Uashingtonit thonë se prirja e shmangies së përdorimit të kartmonedhave, ka shkuar tepër larg. Dhe nëse projektligj i ri, i paraqitur nga anëtari i këshillit të qytetit, David Grosso, miratohet – disa biznese që operojnë vetëm përmes kartave të kreditit mund të përfundojnë të paguajnë gjoba të mëdha. Korrespondentja e Zërit të Amerikës Mariia Prus na ka dërguar këtë kronikë.

Nga lëngjet e shtrydhura të frutave e deri tek sorbetë – Jrink shërben ushqime të shpejta dhe të shëndetshme për njerëzit që nxitojnë në Uashington. Nuk ka nevojë të kërkosh për të holla në xhepa për të paguar … Jrink nuk pranon para në dorë.

Përdorim këtë aplikacion të thjeshtë që ka gjithë produktet tona të rradhitura sipas alfabetit, dhe që lidhet me këtë lexues të kartave të kreditit. Pra thjesht klikon aplikacionin, firmos faturën elektronike dhe ke mbaruar punë“, shpjegon Kate Murphy, menaxhere e kompanisë Jrink.

Pagesat pa para në dorë, janë të volitshme edhe për menaxherët. Nuk ka nevojë të llogaritësh në mënyrë manuale transaksionet e ditës dhe ka më pak shqetësim se biznesi mund të grabitet.

Kur fillova punë në këtë kompani, u habita që funksiononin pa para, gjë që e bën shumë të lehtë punën për mua si arkëtare. Dhe më pëlqen kjo ide“, thotë Jennifer Garcia.

Megjithë lehtësirat, biznese të tilla mund ta gjejnë veten në shkelje të ligjeve të qytetit. Anëtari i këshillit të bashkiak, David Grosso beson se kjo praktikë diskriminon segmente të mëdha të popullsisë së qytetit që veprojnë vetëm me para në dorë. Ai thotë se bizneset që nuk lejojnë njerëzit të paguajnë me para në dorë duhet të gjobiten.

Pothuajse 30% e banorëve të qytetit nuk kanë llogari bankare, apo karta krediti dhe i bëjnë të gjitha transaksionet me para në dorë. Ata nuk kanë qasje ndaj shumë gjërave në shoqëri, sepse nuk kanë shumë para. Prandaj kur pakësoni mundësitë e tyre ndaj ushqimit duke thënë se duhet të keni një kartë krediti, mendoj se është e padrejtë dhe se duhet ta ndalojmë këtë praktikë“, thotë zoti Grosso.

Zoti Grosso këshillon bizneset të mbajnë kasaforta për të ruajtur paratë e tyre. Ai thotë se ata që refuzojnë pagesat me para në dorë duhet të detyrohen të paguajnë gjobë. Zoti Grosso thotë se 8,000 dollarë do të ishin një gjobë e drejtë. Dhe ai ka mbështetës.

Për shkak se udhëtoj për biznes në të gjithë vendin, kartat e kreditit janë më të mirat, por e kuptoj se restorantet lokale dhe disa njerëz preferojnë të paguajnë me para, prandaj mendoj se kartat e kreditit dhe paratë duhet të jenë një opsion që të gjitha restorantet duhet ta kenë“, thotë Bill Hild, biznesmen.

Preferoj të përdor para në dorë, veçanërisht kur jam në qytetin tim. Kështu e kam më të lehtë të mbaj llogaritë e mia”, thotë Chris Curry, biznesmen.

Sipas sistemit TSYS, që kryen shërbimin e pagesave të kartave tëkreditit, vetëm rreth 12% e amerikanëve preferojnë paratë në dorë në vend të kartave. Por, Shoqata Ndërkombëtare e Monedhave mendon ndryshe. Të dhënat e tyre tregojnë se përdorimi i parave është rritur që nga viti 2012 paralel me shtimin e popullaritetit të transaksioneve elektronike.

Çfarë ndodh nëse sistemet prishen? Kompania ‘Visa’ kohët e fundit pati një problem në Evropë dhe njerëzit nuk ishin në gjendje të bënin pagesa për disa orë. E njëjta gjë ndodhi kohët e fundit edhe me kompaninë ‘MasterCard’”, thotë Cuillaume Lepecq, me Shoqatën Ndërkombëtare të Monedhave.

Sot vetëm bizneset në shtetin e Masaçusetsit janë ligjërisht të detyruara të pranojnë pagesa me para në dorë. Uashingtoni mund të bëhet tjetri. Por përkrahësit e një shoqërie pa para në dorë thonë se ky është një hap prapa dhe mund të nënkuptojë humbje financiare për bizneset që specializohen vetëm në transaksione elektronike./Zëri i Amerikës

eurooo.jpg
G. P.17:15 | 22/08/2018

Policia e Shtetit ka sekuestruar rreth 1 milionë euro, të dyshuara si të përfituara nga trafikimi i narkotikëve në Greqi. Në njoftimin zyrtar jepen vetëm inicialet e personit, ndaj të cilit është regjistruar procedimi pasuror në prokurori.

Sipas të njëjtit burim, kanë qenë agjencitë ligjzbatuese, ato që kanë informuar policinë, për veprimtarinë e kundraligjshme të shtetasit R.SH. Sekuestroja preventive është vendosur për llogaritë e tij bankare dhe të katër familjarëve të tij, në dy banka të nivelit të dytë.

Burime bëjnë të ditur se bëhet fjalë për shtetasin Roland Shëmbitrasi, i ekzekutuar në 8 Tetor të 2017, në orën 04:40 të mëngjesit, në lagjen Glifadha në Athinë, për cështje të trafikut të drogës. 39-vjeçari me origjinë nga Korca, ishte bashkëpronar i lokalit të natës “Roy Bar” ku u ekzekutua, në lagjen Glifadha, por edhe i tre të tjerëve po në Athinë.

Shtypi grek shkruante se ai njohej me nofkën “tenxherja”, për shkak se njihej për përpunimin që i bënte kokainës. Në vitin 2012, ishte arrestuar nga policia, pasi kishte punësuar një ekip prej 10 personash që shpërndanin kokainë me motorë tek klientët VIP të 39-vjeçarit./abcnews.al

bariiii.jpg
G. P.09:38 | 03/08/2018

Autoritetet italiane në Bari kanë bllokuar 156.151 euro të padeklaruara një pjesë e të cilave kishte destinacion Shqipërinë.

Bëhet fjalë për disa tentativa për të transportuar para me anë të dy qytetarëve kosovarë, një serbi, një gjermani dhe një shqiptari. Të pesë këta persona ishin nisur drejt Shqipërisë.

Përveç tyre, Agjencia e Doganave në Bari dhe Guardia di Finanza thonë se kanë zbuluar edhe një italian dhe algjerian që kanë pasur para të padeklaruar, por drejtimi i tyre nuk ishte për në Shqipëri.

Në disa tentativa të tjera janë kapur edhe qytetarë të kombësive të ndryshme si kineze, ukrainase dhe nga Katari që kanë pasur para të pajustifikuara dhe që synonin t’i nxirrnin nga Italia.

Në fund të Qershorit të këtij vitit në portin e Durrësit u bllokuan rreth 3,5 milionë euro të padeklaruara. Paratë ishin fshehur në dy makina tip “Toyota Yaris” dhe sipas hetimeve kishin mbërritur nga Ankona./abcnews.al

durres.jpg
G. P.11:52 | 22/07/2018

Vijojnë të sekuestrohen para të padeklaruara në portin e Durrësit. Policia e shtetit bëri të ditur se në 20 Korrik, në portin e Durrësit, sektori kundër krimit ekonomik e financiar, ka kapur një sasi valute, paund britanik. Nuk bëhet e ditur shifra e saktë, por ato iu gjetën shtetasve B.M., 32 vjeçe dhe F.GJ., 42 vjeç.

Po në 20 korrik, në pikën e kalimit kufitar të portit të Durrësit, u bllokua një sasi valute paund e padeklaruar. Paratë u zbuluan nga drejtoria për kufirin dhe migracionin gjatë kontrollit që iu bë një mjeti tip Audi që drejtohej nga N.M. 38 vjeçe, në çantën e së cilës u gjet valuta, shuma e të cilës nuk bëhet e ditur.

Të dy rastet janë referuar si vepra penale, në prokurorinë pranë Gjykatës së Shkallës së Parë Durrës.

Katër javë më parë në portin e Durrësit u sekuestruan 3.4 milionë euro në dy makina tip “Toyota”, çështje ende nën hetim./abcnews.al

sekuestro.jpg
G. P.13:17 | 04/07/2018

Sekuestrohen 1.5 milionë euro nga një shoqëri që operonte në vendin tonë në fushen e tregtise nderkombetare. Paratë u gjendën në disa llogari bankare me të gjitha me vlerë 150 mijë euro, ndërsa u prangos edhe italiani Stefano Lorenzi.

Policia e Tiranës sekuestroi 1.5 milionë euro nga disa llogari bankare, të cilat dyshohen se kanë origjinën nga aktivitete kriminale. Në pranga të uniformave blu ra shtetasi Italin, Stefano Lorenzi. Ky i fundit kishte regjistruar një shoqërie në vendin tonë me aktivitet ndërkombëtar në fushën e tregtisë, ndërsa transfertat bankare kryheshin online.

Sipas prokurorisë, Lorenzi kishte përfituar për një periudhë të shkurtër kohore sasi të konsiderueshme në valutë euro, duke i trasferuar nga Hong Kong dhe Itali.

Nga hetimet e deri tanishme, Stefano Lorenzi operonte në fushën e ndërtimit dhe akzua kryesore është ajo e pastrimit të parave. Nuk është ende e përcaktuar sa kohë kishte kompanie e Lorenzit që kryente aktivitet në vendin tonë, pasi nuk figuron i regjistruar as në Qendën Kombëtare të Biznesit.

Prokuroria pohoi se hetimet ishin regjistruar në Shkurt të këtij viti, pasi një bankë e nivelit të dytë kishte krijuar dyshime për disa llogari bankare të gjitha me vlerën 150 mijë euro, të cilat ishin regjistruar në emër të shtetasit italian.

Më pas u vërtetua se, Stefano Lorenzi, i dënuar më herët në itali për të njëjtën vepër penale, kishte ngritur në vendin tonë një aktivitet për pastrimin e parave dhe aseteve kriminle. Ndërkohë Gjykata e Tiranës ka vendosur sekuestrimin e 1.5 milionë eurove deri në përfundim të hetimit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono