para

policia-3-1-640x374-1.jpg
in a11:51 | 19/01/2020

Policia e Korçës ka proceduar penalisht pronarin e një lokali dhe katër persona të tjerë për ushtrim të paligjshëm të aktivitetit të lojërave të fatit, gjatë një kontrolli në fshatin Trestenik.

Specialistët për Hetimin e Krimeve në Komisariatin e Policisë Devoll filluan procedimin penal në gjendje të lirë. Ndërkohë materialet i kaluan Prokurorisë pranë Gjykatës së Shkallës së Parë Korçë për veprat penale “Vënia në dispozicion e lokaleve për lojëra të palejuara”, “Fshehja e të ardhurave” dhe “Organizimi i lotarive të palejuara”.

Devoll

Vijojnë kontrollet për evidentimin dhe ndëshkimin  e personave që vijojnë ende të ushtrojnë aktivitetin e kundraligjshëm të lojërave të fatit.

Procedohen penalisht 5 shtetas, midis tyre pronari i një lokali.

Specialistët për Hetimin e Krimeve në Komisariatin e Policisë Devoll, filluan procedimin penal në gjendje të lirë ndaj shtetasve:

  • A. M., 65 vjeç,
  • B. M., 45 vjeç,
  • E. B., 35 vjeç,
  • O. B., 36 vjeç,
  • Xh. M., 22 vjeç, banues në fshatin Trestenik, Devoll.

Procedimi ndaj tyre filloi pasi, gjatë kontrollit që shërbimet e Policisë kanë ushtruar në fshatin Trestenik, në lokalin e shtetasit A. M., i cili ushtronte aktivitetin pa lejen e organeve përkatëse, shtetasit e mësipërm u kapën duke luajtur lojra fati të palejuara. Në cilësinë e provës materiale u sekuestruan letra bixhozi, sasi në lek dhe euro.

Materialet i kaluan Prokurorisë pranë Gjykatës së Shkallës së Parë Korçë për veprat penale “Vënia në dispozicion e lokaleve për lojëra të palejuara”, “Fshehja e të ardhurave” dhe “Organizimi i lotarive të palejuara”./abcnews.al

parate.jpg
ger ta14:24 | 03/01/2020

Shqipëria është një ndër vendet me nivelin më të ulët të përdorimit të parave nëpërmjet bankave. Banka e Shqipërisë ka publikuar një raport ku theksohet se vendi ynë renditet i fundit në rajon përsa i përket përdorimit bankar.

Në Shqipëri rezulton se vetëm 40% e popullsisë mbi 15 vjeç kanë një llogari bankare duke u renditur në këtë mënyrë pas Kosovës por edhe nën nivelin botëror. Ndërkohë që përdorimi i parasë CASH jashtë bankave mbetet në nivele shumë të larta. Bizneset rezultojnë se e pëdorin ndjeshëm paranë jashtë sistemit bankar pasi 66% e pagasevae realizohen me para Cash.Shqetësuee paraqitet situata sidomos për bizneset e vogla familjare të cilat realizojnë 93% të vëllimit vjetor të pagesaveme para në dorë.

Eksperëtt e shohin me shqetësim këtë situatë pasi qarkullimi i parave jashtë sistemit bankar ndikon direkt në rritjen e informalitetit në ekonomi. Po ashtu edher pagesat e konsumatorëve ku përfshihen blerjet e ushqimeve apo pagesat e faturave realizohen me para në dorë. Sipas Bankës së Shipërisë vlerësohet se 96% e pagesave të konsumatorëve janë në cash.

Në 6 mujorin e parë të 2019 spas statistikave rezulton se në vend kanë qarkulluar 288.3 mld lekë jashtë sistemit bankar duke rezultuar niveli më i lartë i 10 viteve të fundit. Për të shmangur përdorimin e parave jashtë sistemit bankar Ministria e Financave do të nisë në shtator të këtij vitit fiskalizimin ose faturimin online./abcnews.al

PROBLEMET-ME-PENSIONIN-E-INVALIDITETIT-ABCM2T1.mpg_snapshot_00.04-1280x720.jpg
R D22:22 | 30/12/2019

Jemi vetëm një natë përpara ndërrimit të viteve dhe invalidët nuk e kanë marrë pensionin e invaliditetit për muajin dhjetor. Sot, ata kanë mbajtur radhë të gjata në pikat e postës shqiptare por mundi u ka shkuar dëm pasi paratë nuk janë levruar nga thesari i shtetit.

Avokati Sinan Tafaj, i cili është dhe vetë pjesë e PAK thotë se përpos vonesës për pagesen e dhjetorit personat me aftësi të kufizuara janë përjashtuar edhe nga shpërblimi i fundvitit.

Qeveria vijon të heshtë përballë këtij shqetësimi madhor për personat me aftësi të kufizuara që nuk do kenë mundësi, jo vetëm të festojnë, por as të blejnë ilaçet.

Një prind ka shprehur gjithë indinjatën e tij, duke mallkuar zyrtarët shtetërore.

Lexoni mesazhin që ai ka dërguar në facebook-un e abcnews.al.

“Jam prind i një fëmije me aftësi të kufizuara në Bashkinë Kolonjë dhe akoma s’po japin pagesën e invaliditetit…i uroj me gjithë shpirt mos i gjetë viti i ri qe na len pa ilaçe”.

 

 

 

8-4.jpg
So Nila14:17 | 27/12/2019

Një burrë nga Aurich i Gjermanisë bleu një orë muri në treg, por kur e solli në shtëpi ai u çudit nga ajo çfarë gjeti brenda saj.
Ai nuk mund t’iu besonte syve kur gjeti 50,000 marka gjermane brenda orës.
Gjermani anonim e bleu orën në pranverë dhe paratë i dërgoi në zyrën për gjëra të humbura, sipas Fenix Magazine.
Në rast të paraqitjes së pronarit të parave, burri do të kishte të drejtën për tre për qind të fitimeve (rreth 770 euro), por askush nuk u përgjigj dhe pas afatit ligjor prej gjashtë muajve, ai i mori paratë.
Ai mund të shkëmbejë kartëmonedha të vjetra në euro në degën e bankës gjermane./abcnews.al

Euro-933x445-1.jpg
Autor E10:25 | 16/12/2019

Kompanitë e huaja, që veprojnë në Shqipëri kanë transferuar një nivel rekord fitimesh për 9 muajt e këtij viti. Sipas të dhënave të raportuara nga Banka e Shqipërisë, në Bilancin e Pagesave, zëri i investimeve dalëse, që kryesisht është transferim i fitimeve, arriti në 380 milionë euro, me një rritje prej 30% në krahasim me të njëjtën periudhë të një viti më parë.

Sipas të dhënave historike, ky është niveli më i lartë i fitimeve të transferuara, duke ia kaluar dhe periudhën 2008-2010, kur ky tregues ishte shumë i lartë për shkak të fitimeve të mëdha të kompanive të telefonisë celulare, që kishin norma kthimi që i kalonin 50%.

Banka e Shqipërisë thotë se në tremujorin e tretë, fluksi dalës prezantohet në formën e pagesave të dividendëve dhe fitimit të riinvestuar (115 milionë euro), pasojë e zgjerimit të fitimit të kompanive me kapital të huaj që operojnë në vend. Në të njëjtën kohë, pagesat e interesave shënuan nivelin 25 milionë euro.

Por, krahas rritjes së fitimeve nga kompanitë e huaja, që tjetër arsye që ka nxitur transferimin e tyre, lidhet me një lehtësi fiskale të ndërmarrë nga qeveria, sipas së cilës, bizneset do të tatoheshin me 8% për fitimet e pashpërndara të realizuara në vitet 2018 e më parë (nga 15% që ishte më parë), përfshirë rezervat dhe fitimet e kapitalizuara, me kushtin që: tatimi që u përket fitimeve të pashpërndara të viteve 2017 e më parë, të paguhet brenda datës 30 shtator 2019.

Kjo nxiti një valë shpërndarjes së fitimeve të mbartuara nga kompanitë e huaja.

Sipas të dhënave zyrtare nga Tatimet, të ardhurat nga dividendi në janar-shtator të këtij viti ishin rreth 11 miliardë lekë (90 milionë euro), me trefishim në raport me vitin e mëparshëm. Kësaj shume i korrespondon një fitim i shpërndarë prej 137 miliardë lekësh (rreth 1.1 miliardë euro), bazuar në një nivel dividendi prej 8%.

Kompania që bëri shpërndarjen më të madhe të dividend ishte Telekom Albania. Në prill të këtij viti, Telekom Albania, operatori i dytë i telefonisë celulare në vend, ka vendosur që të shpërndajë 50 miliardë lekë (400 milionë euro) si dividend për aksionerët e Cosmote Mobile Telecommunication. Shoqëria ka një fitim të grumbulluar të pashpërndarë në formën e rezervave, nga vitet 2001 deri në vitin 2010 dhe që tani do të shpërndahen në formën e dividendit për aksionerët. Operatori i telefonisë celulare ka derdhur 2 miliardë lekë pagesë në shtet si tatim mbi dividend.

Përfituesi i dytë më i madh ishte Banka Kombëtare Tregtare, që ka derdhur 193 milionë lekë pagesë për dividend, i ndjekur nga Tirana International Airport, me 158 milionë lekë, Raiffeisen, 67 milionë lekë, sipas tatimeve. Këto katër kompani janë me kapital të huaj dhe kishin më shumë se 500 milionë euro fitime të pashpërndara. /monitor/

termetiokej-1280x720.jpg
Autor E16:00 | 29/11/2019

Tërmeti i fuqishëm që shkaktoi të paktën 49 viktima dhe më shumë se 700 të lënduar deri më tani, përveç dëmeve materiale kolosale, na përballi me një valë të madhe solidariteti në brenda dhe jashtë vendit.

Që prej orëve të para, dhjetra kamionë me ndihma u nisën nga Kosova drejt Shqipërisë përveç ekipeve të shpëtimit.

Por, ky fluks i madh ndihmash u përball me problemin e mos koordinimit, ku mjaft kamionë nuk dinin ku të shkarkoheshin për të mos folur për abuzimet me to.

Kjo sa i përket ndihmave në ushqime, batanije, veshje etj., ndërsa orët e fundit ka nisur një situatë tjetër sa i përket ndihmave financiare.

Shkatërrimet janë të mëdha, për rekuperimin e të cilave nevojiten shuma të mëdha parash, të cilat duket se nuk po mungojnë…të paktën në letër, deri më tani.

Vetë shteti shqiptar nxorri një numër të posaçëm llogarie ku të derdheshin ndihmat financiare vetëm 24 orë pas tërmetit, ç’a konfirmon edhe një mungesë koordinimi të paktën gjatë ditës së parë pas tërmetit.

Sëfundmi, biznesmenë të mëdhenj në vend kanë deklaruar se kanë ofruar apo do të ofrojnë shuma të konsiderueshme parash në formë donacioni për të përballuar shkatërrimet e shkaktuara nga tërmeti.

Nga një përllogaritje paraprake vlerësohet se shuma totale e premtuar se do të jepet deri më tani nga një numër jo i vogël biznesmenësh është rreth 6-6.5 milion euro.

Premtimet janë bërë publike të shoqëruara me një publicitet të madh në kushtet e një fatkeqësie ku edhe vëmendja publike është e lartë.

Këtu janë përllogaritur vetëm shumat e premtuara publikisht, përmes botimeve në media në emër të këtyre biznesmenëve dhe jo ato të mbledhura nga qeveria apo nga organizata të tjera.

Po mbledhim edhe ato, shuma e dhuruar duket të jetë e konsiderueshme dhe mund të përballojë më së miri nevojat e banorëve nëse mblidhen ashtu siç është premtuar dhe dërgohen në destinacion.

Edhe pse kemi premtime për shuma të mëdha që janë dhuruar, deri më tani nuk ka asnjë informacion nga institucionet publike se si do të menaxhohen këto para.

Nuk kemi asnjë të dhënë që të shpjegojë se si janë mbledhur apo do të mblidhen prej atyre që kanë premtuar, ku do të depozitohen dhe si do të përdoren më pas.

Gjithashtu, edhe pse në dhurim nuk ka detyrim, nuk ka ende asnjë të dhënë se si do të mundësohet praktikisht mbledhja e shumave të premtuara në mënyrë që pas disa ditësh apo javësh, të mos mbetet vetëm publiciteti.

Transparenca është parësore në situata të tilla ku shumë janë të prirur të ndihmojnë në mënyrë që deklaratat për të ndihmuar të mos mbeten vetëm në kuadrin e fjalëve dhe për më tepër, paratë të shkojnë pikërisht tek personat e dëmtuar.

Në kushtet kur ka deklarata të bujshme për dhënien e shumave të mëdha, institucionet publike duhet të japin të dhëna në lidhje me:

-Cili është institucioni që do të mbledhë këto para?
-Sa është shuma e mbledhur deri më tani?
-Ku do të përdoren milionat e premtuara nga biznesmenët më të mëdhenj të vendit?

Deri në kthimin e përgjigjeve për këto pyetje, gjithçka mbetet vetëm në kuadrin e fjalëve dhe premtimeve dhe mungesës së plotë të transparencës për menaxhimin e këtyre parave. /abcnews.al

fshat.jpg
in a09:16 | 22/11/2019

Një histori misteri dhe ndershmërie.  E tillë është ajo që ka si protagonist fshatin e Blackhall Colliery në Angli ,ku tufa parash gjenden në rrugë që prej vitit 2014.

Pako prej 2 mijë paundsh ,shumë prej të cilave në prerje njëzetëshe janë vendosur në zona të ndryshme të fshatit  përgjatë viteve dhe qytetarët i kanë dorëzuar në rajonin e policisë.

Pakoja e fundit u gjet të henën siç raportojnë mediat locale.

“ Ende e mendoj se si ky fshat prej 5 mijë banorësh ka kaq shumë njërëz të ndershëm.

Instikti i tyre  i parë është që të shkojnë drejt e tek rajoni i policisë dhe qe paratë tu kthehen njërëzve që mund ti kenë humbur” , thotë policia.

Një hëtim për të zbuluar burimin e parave  zhvillohet prej vitesh por deri më tani pa asnjë rezultat.

Banorëve u pëlqen te besojnë se paratë janë një dhuratë ng Robin Hood modern  , i cili dëshiron të ndihmojë komunitetin .

grabitja.jpg
ger ta09:26 | 19/11/2019

Gjenden dy shuma të tjera parash të grabitura më 9 prill në Rinas.

Gazetarja Glidona Daci bën të ditur pë Abcnews.al se shuma prej 5 mije eurosh i është gjetur Elton Piklit, i cili është një prej të arrestuarve, si autor i dyshuar.

Ndërkohë një shumë tjetër i është gjetur babait të Renaldo Sulës, edhe ky i arrestuar për grabitjen. Paratë e gjetura kanë rezultuar se i përkasin një prej bankave të nivelit të dytë.

Sakaq, gjykata ka pranuar kërkesën e prokurorisë për marrjen e kampionit për të bërë analizën e ADN-së për Elton Piklin dhe Oltian Veseli. Ndërsa Veseli ka refuzuar të japë kampion për ADN.

Kujtojmë se super-grabitja në Rinas ndodhi më 9 prill të këtij viti brenda aeroportit, ku po ngarkoheshin paratë në avion. Autorët morën thasët me 6 milionë euro, ndërsa në largim u përplasën me armë me policinë. Sakaq gjatë shkëmbimit të zjarrit me policinë mbeti i vrarë Admir Murataj, i cili pretendohej se ishte koka e bandës.

Të arrestuar për kë ngjarje janë: Oltion Veseli, Alkond Bengasi, Renaldo Sula, Elton Pikli, Saimir Cela dhe shtetasi nga Kosova, Ragip Hajdini.

Nga ana tjetë Alkond Bengasi ka pranuar të bashkëpunjë me drejtësinë dhe ka dhënë dëshmi që kanë shërbyer për zbardhjen e ngjarjes./abcnews.al

 

vjedhja1.jpg
ent ela10:10 | 02/11/2019

Dy persona kanë rënë në prangat e Policisë, pasi voshën një shumë parash nën kërcënënimin e armës në një banesë në fshatin Shumbat, ndërsa shpallen në kërkim dy të tjerë.

Policia e Dibrës pas marrjes së informacionit se disa persona, nën kërcënimin e armës ishin futur në një banesë  në fshatin Grykë Nokë  dhe nën kërcënimin e armës kishin marrë një shumë parash, menjëherë ka shkuar në vendngjarje dhe është vënë në ndjekje të autorëve.

Në momentin që kanë konstatuar se po ndiqeshin nga  policia, autorët kanë braktisur mjetin e tyre duke u fshehur në malin e fshatit Shumbat.

Shërbimet e Komisariatit  të Policisë Dibër në bashkëpunim dhe me agjentët e Hetimit të Krimit në DVP,kanë rrethuar autorët në një perimetër të gjerë dhe kanë vijur ndjekjen dhe krehjen e zonës  për të bërë të mundur kapjen e tyre.

 

Pas disa orë ndjekje dhe mbajtje nën  rrethim  është bërë e mundur kapja dhe arrestimi i shtetasve  :

M.M, 26 vjeç dhe D.M, 26 vjeç, banues në Kukës.

Ndërsa shtetasi M.K, 25 vjeç, banues në Dibër, dhe F.H, 20 vjeç, banues në Kukës,  kanë mundur të largohen duke marrë  me vete edhe shumën e parave të vjedhura, të cilët janë shpallur në kërkim  dhe vijon puna për kapjen  e tyre.

Këta shtetas në bashkëpunim me njëri-tjetrin në fshatin Grykë Nokë, Dibër, dyshohet se nën kërcënimin e një arme, kanë vjedhur në banesën e shtetasit I.H,  shumën prej 300.000 lekë, dhe më pas janë larguar me një automjet tip ‘Opel’.

Vijon krehja e zonës për kapjen e dy personave  të shpallur në kërkim dhe  të gjetjes së armës  që dyshohet se autorët e kanë hedhur  porsa kanë parë që ndiqeshin nga policia.

Në cilësinë e provës materiale është sekuestruar mjeti i përdorur nga autorët.

Materialet hetimore do ti referohen Prokurorisë Dibër për veprën penale “Vjedhje me armë”, e kryer në bashkëpunim. /abcnews.al

policia-compressor-1-1.jpg
ad min10:39 | 31/10/2019

Dy gra kanë përfunduar në pranga nga Policia e Shkodrës për shkak se akuzohen për gjobëvenie. Sipas policisë Ersada Fregjaj 28 vjeçe dhe Merita Bregu 46 vjeçe të dyja nga Velipoja, kanë kanosur dhe i kanë kërkuar 500 mijë lekë një gruaje tjetër. Policia sapo mori denoncimin organizoi operacionin për arrestimin e grave. Sipas policisë midis të arrestuarave dhe denoncueses ka patur një konflikt për motive të dobëta.

Njoftimi i policisë Shkodër:

Finalizohet operacioni policor i koduar “Truma”

Arrestohen në flagrancë 2 shtetase për veprën penale “Shtrëngimi me anë të kanosjes ose dhunës për dhënien e pasurisë”.

Nga strukturat e Drejtorisë Vendore të Policisë Shkodër, në bashkëpunim me Prokurorinë e Gjykatës së Shkallës së Parë për Krimet e Rënda Tiranë, pas një pune të mirëorganizuar, u bë finalizimi i operacionit policor të koduar “TRUMA”, si rezultat i të cilit është bërë arrestimi në flagrancë i shtetaseve:

E. F. 28 vjeçe, banuese në Velipojë, Shkodër dhe M. B. 46 vjeçe, banuese në Shkodër.

Kapja dhe arrestimi i tyre u bë pasi në lagjen “Vasil Shanto”, në vendin e quajtur “Truma”, në bashkëpunim me njëra-tjetrën, nëpërmjet kanosjes, i kanë marrë shumën 50 000 lekë një shtetaseje.

Në cilësinë e provës materiale u sekuestrua shuma 50 000 lekë dhe dy aparate celulare.

Materialet iu referuan Prokurorisë pranë Gjykatës së Shkallës së Parë për Krimet e Rënda Tiranë, për veprën penale “Shtrëngimi me anë të kanosjes ose dhunës për dhënien e pasurisë” e kryer në bashkëpunim./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono