para

keedwell.jpg
G. P.15:59 | 11/09/2019

Një inxhinier britanik 71-vjeçar, shpenzoi 30 mijë stërlina për të kundërshtuar një gjobë prej vetëm 100 stërlinash. Në përfundim të gjyqit, i cili nuk i dha të drejtë ai u shpreh i zhgënjyer nga sistemi.

Një gjobë për shkak  të shpejtësisë prej 56 kilometrash në orë në një rrugë ku lejohej vetëm deri në 50 kilometra në orë. Një gjobë prej 100 stërlinash në vitin 2016, i ka kushtuar Richard Keedwell, një inxhinier britanik, shumën e 30 mijë stërlinash.

Pasi kundërshtoi fillimisht gjobën, ai shpenzoi një shumë të madhe parash për shpenzimet ligjore dhe gjyqin, e gjithsesi nuk fitoi. Në fund të kësaj ngjarjeje ai u shpreh i lodhur dhe i zhgënjyer nga sistemi që sipas tij po shtyp njerëzit: Ndihem në  faj për paratë e shpenzuara, theksoi ai.

Në një intervistë për BBC ai shpjegoi se kishte shpenzuar 21 mijë stërlina për të paguar avokatët dhe 7 mijë të tjera për të shkuar në gjykatë.

Keedwell shpjegoi se ishte i sigurtë që nuk e kishte tejkaluar kufirin e shpejtësisë në atë rrugë. Në fund ai tha se një pjesë e parave ishin trashëgimi që kishte planifikuar t’ia linte djalit të tij./ABC News Albania 24/7

para.png
G. P.12:49 | 16/08/2019

Specialistët për Hetimin e Krimit ekonomik dhe Financiar në Policinë e Fierit në bashkëpunim me Prokurorinë e Fierit kanë vendosur sekuestro preventive mbi llogarinë bankare të shtetasit T.B. Sipas njoftimit të uniformave blu bëhet fjalë për një llogari bankare e vlerë 1200 mijë Euro.

Autoritetet dyshojnë se këto para janë përfituar nga veprimtari kriminale. Ndërkohë T.B dyshohet se ka kryer veprën penale të pastrimit të parave. Materialet hetimore i kaluan Prokurorisë për veprimet e mëtejshme./abcnews.al

meqedoni-1280x709.jpg
Sej rie17:30 | 07/08/2019

Teksa vendi po bëhet gati për valën e të nxehtit afrikan, autoritetet në Maqedoninë e Veriut u kanë bërë thirrje qytetarëve të bëjnë kujdes nëse vendosin të lëvizin, pas temperaturat do të arrijnë dhe kalojnë 40 gradë Celsius.

Konform paralajmërimeve të meteorologëve, Drejtoria për Mbrojtje dhe Shpëtim në Shkup ka njoftuar qytetarët se ditëve në vijim pritet të mbajë mot ekstrem I nxehtë. Prej nesër e deri në mesin e javës së ardhshme, siç njoftohet, do të aktivizohet faza e verdhë për temperatura të larta, kurse në disa rajone edhe ajo e portokalltë. Pritet që temperaturat e ajrit të arrijnë mbi 40 gradë Celsius.

 Kompetentët janë vënë në gjendje gatishmërie. Janë dhënë rekomandime edhe nga Qeveria e Maqedonisë së Veriut por edhe nga institucionet shëndetësore. Zjarrfikësit bëjnë thirrje për vigjilencë.

 Rritja e temperaturave ka mbushur ambulancat. Mjekët apelojnë që gjatë ditëve në vijim të shmanget ekspozimi në ambiente të hapura dhe kujdes maksimal gjatë konsumimit të ushqimit.

 Valët e këtilla të nxehtit tropikal nuk janë të pazakonshme për Maqedoninë e Veriut, por do të jenë më të shpeshta, kurse do të godasin rajone që viteve të kaluara kanë qenë të rralla – parashikojnë prognozat afatgjate meteorologjike. Sipas një numri të madh të hulumtimeve, kjo për shkak të pasojave nga ndryshimet klimatike dhe ngrohjes globale./ABC News Albania 24/7

Policia-e-Tiranes-1280x662.jpg
G. P.10:45 | 01/08/2019

Policia e Tiranës ka finalizuar një operacion të koduar “Investimi”, ku ka sekuestruar 1.500.000 euro llogari bankare. Paratë i përkasin një ish-punonjësi të administratës shtetërore, identiteti i të cilit është Ferdinand Shehu. Sipas policisë në vitet 2006-2011, ai ka mbajtur funksione zyrtare në Agjencinë e Legalizimit, Urbanizmit dhe Integrimit të Zonave Urbane.

“Ky shtetas dyshohet se ka konsumuar veprën penale “Pastrimi i produkteve të veprës penale”, parashikuar nga neni 287 i Kodit Penal, duke kryer disa investime në pasuritë e paluajtshme”, thuhet në njoftimin e uniformave blu.

Kohët e fundit, nëpërmjet një banke private, ish-punonjësi i administratës ka tentuar transferimin e 1 milionë eurove jashtë vendit, me justifikimin për investime financiare, ndërkohë 500 000 Euro të tjera i ka vendosur në depozitë me afat. Policia nuk jep detaje të tjera me arsyetimin se hetimet janë në vijim.

Ai reagoi për ABC News, ku u shpreh se ndodhet në Itali me pushime bashkë me familjen. Ndërkohë thekson më tej se do të ngrejë padi ndaj prokurorisë dhe policisë sepse nuk është thirrur asnjëherë në lidhje me këtë hetim.

“Jam në Itali bashkë me familjen, më kanë bllokuar çdo cent në llogarinë bankare. Kam 8 vite në Shqipëri, pse nuk është bërë asnjë hetim ndaj meje? Çdo lëvizje e kam bërë nëpërmjet bankës. Shteti kishte plot kohë për të më hetuar, por gjeti momentin kur ika në Itali me pushime. Do bëj padi ndaj prokurorisë dhe policisë, pasi nuk më kanë thirrur asnjëherë për këtë hetim”, është shprehur Shehu./abcnews.al

2f62fa54-545a-4978-98a9-e2c036adc796-1280x622.jpg
Sej rie18:00 | 24/07/2019

Mëngjesin e së mërkurës Teatri Kombëtar u rrethua nga forca të shumta policie. Artistë dhe qytetarë të  Aleancës për teatrin  u vendosën në hyrjen kryesore të godinës duke kundërshtuar,  zhvendosjen  e orendive  dhe rekuizitës historike  nga punonjësit e teatrit kombëtar për tek arturbuina.

Në këtë çast nisi përplasja verbale dhe fizike mes uniformave blu dhe artistëve.

Në mbështetje të artistëve erdhën edhe kryetari i Partisë Demokratike Lulzim Basha, ish deputetë demokratë dhe qytetarë të Tiranës.

Më pas nga jashtë protesta u zhvendos brenda godinës. I pari që shkeli në teatër ishte Lulzim Basha.

Një pjesë e artistëve hynë nga dritaret anësore tek pjesa e pishinës.

Një qytetare humbi ekuilibrin dhe menjëherë i erdhi në ndihmë ambulanca për t’i dhënë ndihmën e shpejtë.

Artistët pas një viti u ngjitën në skenë, duke   recituar pjesë të ndryshme.

Mallin për magjinë e kësaj skene është refreni i tyre.

Kryetari i partisë demokratike qëndroj së bashku me artistët një orë dhe ai shprehu mbështetjen e tyre,  Basha është shprehur se projekti për ndërtimin e një teatri të ri ka për qëllim grabitjen e tokës.

Më pas brenda teatrit u ndërpre energjia elektrike, por artistët janë të vendosur ta vazhdojnë protestën  në sallë.

Ndërkohë që edhe në holl nuk kanë munguar përplasjet verbale mes protestuesve me policinë. Aleanca kërkon që policia të rreshtohet me to në mbrojtje të teatrit.

Ditën e enjte pritet që të zbardhet edhe marrëveshja e bërë mes opozitës dhe aleancës për mbrojtjen e teatrit./ABC News Albania 24/7

thumbs_b_c_e81de4139b5ce95ac2dc8be9031b8001.jpg
Sej rie22:00 | 13/07/2019

Është zhdukur ishulli Zalzala Koh, i cili u shfaq në vitin 2013 pas një tërmeti shkatërrues në zonën e qytetit pakistanez Guadara, raporton Anadolu Agency (AA).

Në pamjet satelitore më nuk shihet ishulli që u shfaq pas tërmetit me fuqi prej 7.7 ballë, i cili goditi Balochistan dhe Sindh, në jug të vendit.

Ishulli ishte me gjatësi prej 40 metrave, gjerësi 90 dhe lartësi 20 metra. Banorët e quajtën ishullin “Zalzala Koh”, që do të thotë Mali nga tërmeti.

Megjithatë, tani nga Instituti pakistanez për hulumtim të oqeanit (NIO) dhe NASA njoftuan se ishulli është zhdukur.

Asif Inam, ish-drejtor i NIO-s, deklaroi se nuk kanë pritur se ky lloj ishulli do të mbijetojë gjashtë vite.

Ai rikujtoi se pas tërmetit të vitit 1945 u shfaqën katër tërmete të tilla. Inam tha se në periudhën 1999-2013 u paraqitën edhe tre ishuj.

Ai konsideron se arsyeja për shfaqjen e këtyre ishujve në brigjet e Detit Arabik të Pakistanit është metani nën shtratin e detit./AA

ILIR-1280x718.jpg
Sej rie14:40 | 11/07/2019

Gjyqtari i Gjykatës së Tiranës, Ilir Mustafaj, i cili është njëri nga kandidatët për Gjykatën Kushtetuese, doli sot për herë të dytë para trupës gjykuese të Komisionit të Pavarur të Kualifikimit.

Në seancën dëgjimore të zhvilluar në datën 14 Qershor Mustafaj kishte kërkuar ndryshimin e trupës gjykuese, më konkretisht të gjyqtares Xhensila Pine. Por kërkesa e subjektit te rivlerësimit është rrëzuar.

Gjatë seancës së parë, ai ka shfaqur rezerva për punën e KPK-së. Seanca e kësaj të enjteje ka zgjatur mbi 3 orë, për shkak të debateve midis drejtuesit të seancës dhe gjyqtarit Ilir Mustafaj.

Ky i fundit ka kërkuar shpjegime në lidhje me vendimin për mospërjashtim e Pines dhe moszbardhjen e transkriptit të bisedës së vendimmarrjes së trupës së KPK dhe gjyqtares Xhensila Pine.

Sipas KPK, hetimi për Mustafajn është bërë vetëm për pasurinë. ILDKPI ka dorëzuar raport pozitiv përsa i përket pasurisë se tij. Ndërsa KPK vlerëson se ka mospërputhje në deklarim nga ana e gjyqtarit,për një apartament në vitin 2007./ABC News Albania 24/7

policia-e-shtetit.jpg
G. P.14:50 | 10/07/2019

Dy persona janë arrestuar nga policia e Tiranës, të cilët akuzohen se kanë mashtruar me kontrata fiktive. Të prangosurit, u ndaluan në kuadër të operacionit “Përsëritësi”, pasi kanë përfituar një pronë, objekt shtypshkronjë në Tiranës, biznes i cili ka një xhiro mujore rreth 100 milionë lekë.

Myslim Jella ka fshehur të ardhurat, duke iu shmangur një detyrimi tatimor me vlerë më të lartë se 8 milionë lekë. Në bashkëpunim me njëri-tjetrin kanë përvetësuar në mënyrë të kundërligjshme dy automjete, pronë e një banke të nivelit të dytë.

Nga hetimet e Prokurorisë së Tiranës rezultoi se Jella dhe miku i tij nëpërmjet mashtrimit dhe kërcënimit përvetësuan xhiron mujore të një biznesi në pronësi të shtetases vlerën e rreth 550 milionë lekë të vjetra./ABC News Albania 24/7

shqiuptaret.jpg
Sej rie16:00 | 08/07/2019

Në një artikull të zgjeruar, e përditshmja britanike “The Sun” shkruan se shqiptarët janë bosët kryesore të trafikut të kokainës dhe prostitucionit. Në artikull përshkruhet me detaje mënyra se si realizohet trafiku nga Europa drejt Mbretërisë së Bashkuar.

Historia e brendshme se si bandat brutale shqiptarë u ngritën nga trafikantët kryesorë të seksit në Mbretërinë e Bashkuar, në bosët kryesore të tregtisë se kokainës. Kështu e nis artikullin e saj e përditshmja britanike “The Sun”.

Bandat shqiptare që kontrabandojnë dërgesa të mëdha të kokainës direkt nga Evropa kanë ndryshuar tregun e drogës në Mbretërinë e Bashkuar.

“The Sun” shkruan se droga është më e lirë dhe më e pastër që nga vitet 1990, pasi bandat shqiptare përdornin ligjet e shitjes me pakicë, për të tërhequr një marrje gati totale, të industrisë së Britanisë, 5 miliardë euro kokainë.

Mijëra shqiptarë arritën në Britaninë e Madhe në fund të viteve 1990 dhe në fillim të viteve 2000 gjatë një krize refugjatësh, ku midis tyre ishin shumë shqiptarë që pretendonin të ishin kosovarë, duke u përshkruar si “rasti më i madh i kalimit të kombësisë” në historinë e kohëve të fundit të emigracionit në Mbretërinë e Bashkuar.

Britanikja “The Sun” thekson në artikull se shqiptarët shumë shpejt hynë në tregun e drogës dhe prostitucionit, në Londër, duke u bërë dhe padronë të këtij tregu.

Vetë aftësia e shqiptarëve për të përdorur dhunë brutale, veçanërisht kundër grave që trafikonin, tronditi tregtinë e prostitucionit në Britaninë e Madhe.

Paul Holmes, një ish-inspektor i policisë dhe kreu i njësisë së trafikimit seksual në “Scotland Yard”, përshkroi se si brutaliteti i shqiptarëve tronditi ekipin e tij të oficerëve.

Sipas tij një nga detajet më tronditëse ishte fakti se shqiptarët tregonin dhunë ndaj femrave që shfrytëzonin, pavarësisht se nuk ishte e nevojshme, as si mjet ndëshkimi. Holms tha se kishte parë histori të ndryshme të dhunës ndaj femrave, një dhunë brutale që vetëm të çmendurit mund ta ushtrojnë./ABC News Albania 24/7

para-droga.jpg
G. P.14:52 | 06/07/2019

Një i ri u prangos nga policia e Tiranës, i akuzuar për shpërndarje të drogave të forta, kryesisht të kokainës. Dyshohet se aktiviteti kriminal kryhej në zonën e ish-Bllokut në Tiranë.

Gjatë kontrollit të ushtruar në automjetin e 22-vjeçarit, efektivët e Komisariatit nr.2, gjetën 43 doza kokainë, te  fshehura në pjesën e brendshme të kasetofonit të automjetit.

Policia bëri të ditur se ka sekuestruar si provë materiale edhe 6 telefona celularë që përdorte i prangosuri. Të riut iu sekuestrua edhe një shumë parash, kryesisht në valutë të huaj, 25 mijë 500 franga zviceriane, 600 euro, 49 mije 500 lekë dhe 100 dollarë.

Këto para u gjetën në kroskotin e makinës. Sipas policisë, ka nisur procedim në gjendje të lirë edhe për 32 vjeçarë, për veprën penale “moskallëzim krimi”./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono