Papa Françesku

papa-2.jpg
ad min22:30 | 20/09/2019

“Vendosja e marrëdhënieve diplomatike në Shtatorin e vitit 1991, vizita historike e Papa Françeskut 5 vjet më parë, e cila vinte 21 vite pas asaj të Papa Gjon Palit të II si dhe 3-vjetori i Shenjtërimit të Nënë Terezës”.

Këto ishin motivet që shtynë ministrin e Jashtëm Gent Cakaj të shoqëruar nga delegacioni shqiptar dhe kreu i Misionit Majlinda Dodaj për t’u takuar me Papa Françeskun, si pjesë aktiviteteve të organizuara nga ambasada në Vatikan./ABC News Albania 24/7

aleksander-vucic-papa.jpg
ad min16:22 | 14/09/2019

Serbia është e lumtur për faktin që Vatikani nuk e njeh pavarësinë e Kosovës. Por analistët serbë shprehen se qëndrimet kanë ndryshuar vitet e fundit. Ekspertët thonë se ndikimi i Papës për Serbinë mund të shtrihet në dy fusha: Kosovë dhe marrëdhëniet me Kroacinë.

Selia e Shenjtë. Ky solemnitet është organizuar për të pritur presidentin serb, Aleksandër Vuçiç, në një takim me Papën. Kur është nisur ka thënë se do ta lusë të mos njohë pavarësinë e Kosovës.

Këtë premtim edhe e ka marrë në takim me krerët e kishës. Mos njohja e Kosovës nga Vatikani është një gjë reputacioni. Por, për presidentin Vuçiç do të ishte shumë e rëndësishme që Papa Françesku ta vizitojë Serbinë.

Stefan Surliç, ligjërues në shkenca politike, thotë se Vatikani nuk e njeh Kosovën, por qëndrimet kanë ndryshuar.

“Vatikani ka ndryshuar politikën ndaj Kosovës bazuar në njerëzit që emëron dhe ata që janë përgjegjës për Kosovën. Por, porositë e Papës kanë qenë për paqe ndërsa njohja nuk ndodh, pasi Vatikani nuk dëshiron të përfshihet pa një marrëveshje mes të Kosovës dhe Serbisë”, tha ai.

Një vizitë është përmendur ndër vite për Papën në Serbi. Por, kisha ortodokse nuk ka qenë shumë e hapur për një gjë të tillë pavarësisht përshëndetjeve që Vuçiç i transmetoi nga patriarku serb Irinej.

Surliç, thotë se ndikimi i Vatikanit është i madh dhe shumë çështje me fqinjët mund të zgjidheshin nëse një dialog do të ndodhte.

“Papa mund të ndihmojë me Kosovën dhe marrëdhëniet me Kroacinë. Por, është edhe një moment politik pasi vizitat e tilla ndiqen nga i gjithë globi dhe kjo është e rëndësishme për Serbinë”, tha ai.

Presidenti Vuçiç ka qenë falënderues për pritjen në selinë e shenjtë, por ka thënë se Vatikani kërkon bisedime mes shqiptarëve dhe serbëve./ABC News Albania 24/7

 

Vucic-serv.jpg
ad min12:03 | 12/09/2019

Presidenti i Serbisë Aleksandër Vuçiç ka bërë të qartë se në takimin e të shtunës me Papa Françeskun në Vatikan do i kërkojë atij që të mos e njohë pavarësinë e Kosovës.

Aleksandër Vuçiç, kreu i shtetit serb, ndodhet në Romë ku të shtunën do të nisë një vizitë zyrtare në Selinë e Shenjtë, e do të takohet me Papa Françeskun dhe Kardinalin Pietro Parolino. Pak para nisjes duke iu drejtuar gazetarëve ai u shpreh se do i lutej Papa Françeskut që të mos e njohë pavarësinë e Kosovës.

Kohët e fundit Beogradi është kritikuar për fushatën që po ndjek për tërheqjen e njohjeve që i janë bërë shtetit të Kosovës, si dhe presioneve që të mos ketë njohje të tjera. Këto përpjekje nuk kanë ndalur, por madje është bërë dhe kërkesë e vazhdueshme që Kosova të mos pranohet në Interpol./ABC News Albania 24/7

papa.jpg
ad min16:37 | 01/09/2019

Papa Françesku u ka kërkuar falje këtë të dielë besimtarëve të mbledhur në sheshin e Shën Pjetrit, për paraqitjen e tij me vonesë për meshën e përjavshme. Ati i shenjtë, 82 vjeç, deklaroi se kishte mbetur i bllokuar në ashensor për 25 minuta për shkak të një defekti elektrik, derisa u shpëtua nga zjarrfikësit.

“Më duhet t’ju kërkoj falje që erdha vonë”, deklaroi duke buzëqeshur Papa, teksa bëhej gati të lexonte Ungjillin.

Më pas ai u kërkoi të pranishëmve një raund duartrokitjesh për zjarrfikësit që i erdhën në ndihmë. Gjatë fjalës së tij përpara turmës, Papa tha se një rënie e voltazhit kishte shkaktuar ndalimin e ashensorit.

“Falë Zotit erdhën zjarrfikësit dhe pas 25 minutash përpjekje arritën ta vinin sërish në punë”, sqaroi Papa, i cili i falenderoi përzemërsisht shpëtimtarët e tij.

Rrjetet televizive italiane që transmetojnë direkt lutjen e së dielës kishin shprehur shqetësimin se mos vonesa e paprecedentë kishte ndodhur si pasojë e problemeve shëndetësore të Atit të Shenjtë./ABC News Albania 24/7

Pope_Francis_at_the_general_audience_in_St_Peters_Square_on_March_14_2018_Credit_Daniel_Ibanez_1_CNA.jpeg
ent ela13:10 | 08/07/2019

Gjatë lutjes së tij në Lampeduzë, Papa Francesku e ka përqëndruar vëmendjen e tij tek emigrantët. Ai i cilësoi ata si qënjie njerëzore që janë lënë mënjanë nga shoqëria e globalizuar.

“Lutem për emigrantët, për të fundit që i kërkojnë ndihmë Zotit për t’u çliruar nga të këqijat. Janë të mashtruarit e fundit dhe të braktisurit që vdesin në shkretëtirë.” Kështu u shpreh ndër të tjera Papa Francesku, gjatë vizitës së tij në Lampeduzë, duke shtuar se ata torturohen dhe abuzohen në qendrat për emigrantë.

Gajtë ceremonisë së lutjes për gjashtë vjetorin e Lampeduzës, Papa Francesku përqendroi vëmendjen e tij tek emigrnatët për të cilët Jezusi kërkon përkujdesje dhe dashuri. Më tej ai shtoi se periferitë e qyteteve janë të populluara nga njerëz që diskriminohen, abuzohen dhe shfrytëzohen. Por Papa Francesku theksoi se nuk bëhet fjalë vetëm për emigrantët por kryesisht për qëniet njerëzore që lihen mënjanë nga shoqëria e globalizuar. /ABC News Albania 24/7

papa-380x233.jpg
ad min18:38 | 09/05/2019

Papa Françesku e ka bërë të detyrueshme për klerikët raportimin e abuzimeve seksuale. Bëhet fjalë për një lëvizje të pritur prej kohësh, nga ati i shenjtë për t’i dhënë zgjidhje një prej problemeve më akute me të cilat përballet sot Kisha Katolike.

Papa Françesku e ka bërë të detyrueshme për klerin katolik të Romës të raportojë abuzimet seksuale dhe madje rastet kur akte të tilla janë mbuluar. Në një letër apostolike, që pritet të kthehet në ligj për kishën, Ati i Shenjtë e bën të qartë se çdo mbulim ose favorizim i akteve seksuale do të konsiderohet abuzim.

Lëvizja e Papa Françeskut shihet si një mesazh dërguar hierarkive të kishës, se askush nuk do të tolerohet. Ajo vjen pak kohë pasi në shkurt, Papa premtoi marrjen e masave konkrete për të frenuar abuzimin.

Letra apostolike ua bën të qartë klerikëve se duhet të ndjekin ligjet e shtetit dhe të përmbushin detyrimet e tyre për të raportuar çdo abuzim tek autoritetet përkatëse civile. Udhëzimi i ri është mirëpritur nga disa përfaqësues të Vatikanit, që kanë deklaruar se në këtë mënyrë gjejnë terren për t’i dhënë fund abuzimeve seksuale të kishës.

Papa Françesku ndodhet nën një presion të fortë për të treguar lidership dhe për t’i dhënë zgjidhje një prej problemeve më akute me të cilat përballet sot kisha moderne, e cila akuzohet se ka humbur moralin e saj.

Kur u zgjodh në vitin 2013 ai bëri thirrje për aksion ndaj abuzimeve, por kritikët thonë se nuk ka bërë sa duhet për të mbajtur përgjegjës peshkopët që kanë mbuluar rastet në fjalë./ABC News Albania 24/7

maqedonia-papa.jpg
ad min22:18 | 07/05/2019

Gjatë vizitës në Maqedoninë e Veriut, Papa Françesku ka nderuar figurën e shenjtores shqiptare Nënë Tereza dhe veprimtarinë e saj në dobi të të varfërve dhe Zotit. Ndërsa në meshën e mbajtur në qendër të Shkupit, ati i shenjë ka përcjell një mesazh kundër urisë për pushtet.

Maqedonia e Veriut me nderime të larta ka pritur Papa Françeskun në vilën Presidenciale në Vodno, ku në fjalimin e tij Ati i Shenjtë e quajti vendin si shembull për bashkëjetesë dhe urë mes lindjes e perëndimit. Duke vizituar shtëpinë përkujtimore, Ati i Shenjtë disa herë ka përmendur veprën e shenjtores Nënë Terezës, duke thënë se dashuria ndaj të afërmve dhe Zotit janë të njëjtë.

“Uri për uri, uri për vëllazëri, uri për Zotin. Sa bukur këtë e dinte Nënë Tereza që deshi ta ndërtojë jetën e saj në dy shtylla. Krishtin e pranishëm tek falënderimet ndaj Zotit dhe Krishtin e pranishëm tek të varfrit”, tha Papa.

Sheshi i Shkupit ishte mbushur që në orët e para të mëngjesit me besimtarë vendas dhe të huaj. Përveç flamujve të Maqedonisë dhe atij të Vatikanit, valëviteshin edhe flamujt e Kroacisë, Sllovenisë dhe Shqipërisë. Në lutjen që e udhëhoqi, kreu i Kishës katolike deklaroi se ata që kanë besim në Zot kurrë nuk do të jenë as të uritur as të etur.

“U ushqyem me ëndrra të bukura dhe të mëdha dhe përfunduam me ngrënie të neverisë, mbylljes dhe vetmisë… si të burgosur të virtualitetit, e humbëm shijen dhe aromën e realitetit”, tha ai.

Vizita e parë historike e një Pape në Maqedoni, është mirënjohje e madhe për vendin që mori Republika e Maqedonisë së Veriut në unionin global të vendeve progresive ka thënë mes tjerash Kryeministri Zaev, kurse presidenti në largim i vendit Gjorge Ivanov duke u shprehur rreth situatës aktuale politike ka theksuar se Papa vjen në kohën kur shoqëria në Maqedoni është thellë e ndarë, kurse shteti i plagosur rëndë, për shkak të, siç tha, shkeljeve të premtimeve dhe pritjeve por edhe të besimit të luhatur në bashkësinë ndërkombëtare./ABC News Albania 24/7

MBULIM-PAPA-NE-SHKUP.mpg_snapshot_00.28-1280x720.jpg
ent ela10:41 | 07/05/2019

Kreu i Kishës Katolike të Romës, Papa Françesku ka mbërritur në orën 8 të mëngjesit në Shkup. Ati I Shenjtë u prit në Shkup nga presidenti Gjeorge Ivanov dhe kryeministri Zoran Zaev si dhe zyrtarë të tjerë të lartë shtetërorë.

Më pas Papa Francesku ka mbërritur në Vilën Vodno, për t’iu adresuar autoriteteve shtetërore, trupit diplomatik dhe përfaqësuesve të shoqërisë civile.

Më pas Ati i Shenjtë pati një takim edhe me liderët fetare në Shtëpinë përkujtimore të Nënë Terezës. Në sheshin “Maqedonia” kreu i Kishës Katolike të Romës po mban një Liturgji të Shenjtë, ku janë rreth 15 mijë pjesëmarrës vendas e të huaj.

Qëndrimi I Papës në Shkup vijon me një takim me të rinj dhe priftërinj e familjet e tyre. Për shkak të vizitës së Papës në Shkup, masat e sigurisë janë tejet të larta në qytetin e Shkupit, përfshi edhe komunikimin. /ABC News Albania 24/7

papa.jpg
ad min13:30 | 27/04/2019

500 mijë dollarë është shuma që Papa Francesku i ka dhuruar Meksikës për të ndihmuar emigrantët e bllokuar në kufi me Shtetet e Bashkuara të Amerikës. Numri i tyre aktualisht ka arritur në 75 mijë.

Papa Francesku ka dhuruar 500 mijë dollar për të ndihmuar emigrantët në Meksikë. Shuma do të mbështesë 27 projekte në 16 dioqeza dhe kongregacione fetare në vendin që përballet me emigrantët që vijnë nga Amerika qendrore, për të shkuar më pas në Shtete e Bashkuara të Amerikës. Objektivi është strehimi, ushqimi dhe të mirat material thelbësore për njerëzit që mbahen në kufi me Shtetet e Bashkuara të Amerikës

Nga kjo ndihmë do të përfitojnë 13 projekte që janë miratuar tashmë. Ndërsa 14 projekte të tjera janë ende në fazë vlerësimi.

Në vitin 2018 kanë hyrë në Meksikë, pasi kanë udhëtuar për më shumë se 4 mijë kilometra në këmbë dhe me mjete të rastit, gjashtë karvanë me emigrantë për një total prej 75 mijë personash nga Honduras, El Salvador e Guatemala./abcnews.al

papa-1280x667.jpg
ent ela16:00 | 25/04/2019

Në 7 maj Papa Francesku viziton Maqedoninë e Veriut. Në Shkup kanë nisur përgatitjet për vizitën e atiti të shenjtë, e cila konsiderohet si një mbështetje për vendin, nga një prej liderëve fetarë më me ndikim në bot. Papa Francesku do të qëndrojë në Shkup 10 orë.

Vizita e Papa Françeskut në Maqedoni më 7 maj vlerësohet si mbështetje për vendin në drejtim të zhvillimit të saj në plan kombëtar dhe ndërkombëtar, nga një prej liderëve fetarë më me ndikim në botë. Kjo lidhet me marrëdhëniet e afërta që Vatikani ka tradicionalisht me Maqedoninë, në çastin kur shënohen 25 vite nga vendosja e marrëdhënieve diplomatike bilaterale, vlerësojnë përfaqësuesit e shtetit. Ati i Shenjtë në Shkup do të mbajë meshë në sheshin e qytetit ku pritet të marrin pjesë mijëra besimtarë, do të takohet me kreun e shtetit por edhe me udhëheqësit e bashkësive fetare në vend.

Gjatë qëndrimit dhjetëorësh në Shkup, Papa Françesku, do të ketë takime me krerët më të lartë shtetëror, me udhëheqësit e bashkësive fetare, dhe do t’u drejtohet qytetarëve në sheshin e Shkupit. Vendimin për ta vizituar Maqedoninë Kryeministri  Zaev e vlerëson si afirmim për vendin.

Zoran Zaev, Kryeministër: “Vjen në moment shumë të rëndësishëm për vendin tonë, kur vendi ynë është vërtetë mik me të gjithë, kur demonstruam hapa të guximshëm. Në një mënyrë prek edhe porositë fetare të cilat edhe Ati i Shenjtë i promovon në botë”.

Ipeshkvi i Kishës Katolike në Maqedoni, Kiro Stojanov, theksoi se vizita e Papës lidhet me marrëdheniet e mira dypalëshe  me Vatikanin, por edhe respektin për vendlindjen e Nënë Terezës.

 Kiro Stojanov, Ipeshkvi i Kishës Katolike: “Për këtë arsye ju bëj thirrje, lutem për ju, që kjo vizitë apostujsh të jetë dhuratë e dashurisë, ngjarje historike, dhe jo vetëm sensacion ose manifestim”.

Vizita e Papa Françeskut në Maqedoni, për komunitetin katolik, por edhe për tërë vendin është e rëndësisë historike, deklaroi Anton Sereçi, zëvendës kryetar i Komisionit për Marrëdhenie me bashkësitë fetare.

Anton Sereçi, Komisioni Për Marrëdhënie Fetare: “A është historike, është më shumë se historike, për herë të parë Ati i Shenjtë Papa vjen në një  vend biblik, në Maqedoni, për të cilën e dimë se përmendet disa herë edhe në Bibël, por edhe për ngritjen e moralit dhe besimit të njerëzve në marrëdhëniet e mira fqinjësore, për paqen dhe për bashkëjetesën”.

Interesi për vizitën e Papës është i madh edhe tek mediat. Për këtë ngjarje deri më tani janë akredituar rreth 400 gazetarë, 200 prej të cilëve nga vendi. Për shkak të pranisë së Papës, niveli i sigurisë në Shkup do të jetë në nivelin më të lartë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono