panuci

x1080-bkD-1280x647.jpg
ent ela22:58 | 02/03/2019

Fiorin Durmishaj pritet të jetë përforcimi i ri i ekipit përfaqësues për ndeshjen ndaj Turqisë. Trajneri Panuçi e ka ndjekur në Greqi, dhe ëhstë bindur për potencialin e sulmuesit.

Me 99 për qind të mundësive, kombëtarja do ta ketë sulmuesin e momentit. Fiorin Durmishaj pritet të përforcojë ekipin përfaqësues për ndeshjen e Europianit ndaj Turqisë në 22 mars të këtij viti, në “Loro Boriçi” të Shkodrës.

Trajneri Kristian Panuçi e ka ndjekur nga afër së fundmi, në Greqi, dhe është bindur për potencialin e sulmuesit që është i ri, vetëm 22 vjeç.

Me Panioniosin ka shënuar 11 gola në 27 ndeshje këtë edicion, nga të cilët 6 rrjeta për Superligën greke dhe 5 në Kupën e Greqisë.

Njëzetedyvjeçari vlerësohet lart për talentin dhe parametrat e tij fizikë, duke qenë 1.87 metra shtatlartë, tepër i fuqishëm, por edhe shumë i saktë pranë portës.

Falë kontributit të shqiptarit, Panioniosi ndodhet në mesin e tabelës së Superligës, duke qenë lart rrezikut për të rënë nga kategoria.

Për fat të keq, Durmishaj nuk mundi ta ndihmonte ekipin që të kualifikohej për në gjysmëfinalen e Kupës, eleminuar nga PAOK-u I Selanikut.

Ai ka luajtur 8 ndeshje dhe ka shënuar 1 gol për Shqipërinë U21, ndërsa edhe Federata Greke u interesua për të.

Pavarësisht se mban pasaportën greke, Durmishaj ka pranuar të vazhdojë të luajë për Shqipërinë, dhe duket se do të jetë një alternativë shumë e rëndësishme për të ardhmen, aq më tepër duke pasur parasysh moshën e tij tepër të re. /abcnews.al

LOJTARET-SHQIPTARE-NE-EUROPE.mpg_snapshot_00.11-1280x720.jpg
ent ela14:40 | 14/02/2019

Mbrojtësi i ekipit përfaqësues, Ardian Ismajli, u zgjodh në formacionin më të mirë të javës në Ligën e Parë të Kroacisë. Ismajli shënoi gol, ndërsa u ndoq nga trajneri Kristian Panuçi.

Kombëtarja mezi i pret në një formë të tillë. Ardian Ismajli jo vetëm shënoi gol këtë javë në Ligën e Parë të Kroacisë, por edhe shkëlqeu si pak të tjerë.

Mbrojtësi i kombëtares ishte më i miri në fushë në ndeshjen e ekipit të tij, Hajdukut, ndaj Lokomotivës së Zagrebit, luajtur në stadiumin “Poljud” të Splitit.

Ai realizoi golin e parë në fitoren 2-1, sukses i rëndësishëm në një sezon të vështirë për klubin më të vjetër të Kroacisë.

Për paraqitjen e tij, Ismajli u përfshi në formacionin e lojtarëve më të mirë të javës së 20-të të kampionatit.

Media në internet, “24 orë”, informon se mbrojtësi u ndoq në tribunë nga trajneri i Shqipërisë, Panuçi, duke iu përgjigjur pra me një lojë shumë të mirë.

Në të njëjtën ndeshje, golin e gjeti edhe një lojtar që është mësuar të shënojë.

Sulmuesi i kombëtares, Myrto Uzuni, realizoi rrjetën e barazimit të përkohshëm, ndonëse nuk e shpëtoi ekipin nga humbja.

Gjithsesi, falë edhe lojës së Uzunit, Lokomotiva është në vend të katërt në tabelë, me pretendime reale për t’u kualifikuar për në Ligën e Europës.

Gol edhe nga një shqiptar tjetër, dhe pikërisht nga Elis Bakaj.

Sulmuesi realizoi për skuadrën bjelloruse, Shahtjor Soligorsk, në ndeshjen përgatitore ndaj rusëve të Rubinit të Kazanjit.

Bakaj shënoi golin e parë të takimit të zhvilluar në Belek, në zonën e Antalias në Turqi. /abcnews.al

guidara_4.jpg
ent ela16:37 | 13/01/2019

Një futbollist nga Argjentina mund të luajë shpejt për kombëtaren shqiptare. Trajneri Panuçi i dërgon ftesë mbrojtësit me origjinë arbëreshe, Tomas Guidara.

Edhe Shqipëria mund ta bëjë natyralizimin e parë. Kombëtarja është në ndjekje të një lojtari në Argjentinë, të quajtur Tomas Guidara, dhe që luan për Belgranon në elitën e futbollit të atij vendi.

Pozicioni i tij është mbrojtës i djathtë, mosha 22-vjeçare, ndërsa origjina mësohet se është nga arbëreshët e Italisë.

Mediat argjentinase informojnë se Federata Shqiptare e Futbollit i ka dërguar një kërkesë futbollistit, dhe pret një përgjigje.

“Kadena 3”: Kombëtarja e Shqipërisë dëshiron të natyralizojë Tomas Guidarën!

“Mundo.Lavoz”: Bëhet zyrtar, interesi i Shqipërisë për Guidarën!

Fillimisht, lajmi kishte dalë në gazetën “Ole” që në nëntor të vitit të kaluar, por nuk pati vazhdimësi, ndonëse duket se trajneri i kombëtares, Panuçi, e ka ndjekur Guidarën për t’u bindur përfundimisht për të.

Vetë italiani pohon se e ka ndjekur lojtarin, por nuk është se ka folur direkt me të.

Ende nuk dihet se cila do të jetë përgjigja e mbrojtësit të djathtë, por në Federatë shpresojnë që ai të vendosë shpejt, në mënyrë që të jetë gati për eleminatoret e Europianit që fillojnë në muajin mars.

/abcnews.al

FSHF-PERGENJESHTRON-PER-TRAJNERIN.mpg_snapshot_00.59-1280x720.jpg
G. P.18:44 | 28/11/2018

Federata Shqiptare e Futbollit hedh poshtë informacionet se po kërkon një trajner të ri për kombëtaren. Presidenti Duka deklaron se do të vazhdohet me Panuçin në Euro 2020, ndonëse burimet pranë institucionit pohojnë se mund të ketë ndryshime.

Shtrëngimi i duarve nuk do të përfundojë kaq shpejt. Të paktën, kështu deklarohet në Federatën Shqiptare të Futbollit, lidhur me të ardhmen e trajnerit të kombëtares, Kristian Panuçi. Institucioni i presidentit Armand Duka doli me deklaratë zyrtare, në të cilën hidheshin poshtë informacionet se po kërkohet një njeri tjetër për stolin.
Kjo, një ditë pasi ABC News-i njoftoi se Federata synon të gjejë trajner të ri, dhe se pistat kryesore janë në Itali e në Kroaci.

Armand Duka, president i FSHF-së: “Nisur nga disa spekullime dhe lajme që kanë qarkulluar në media së fundmi, Federata dëshiron t’iu informojë se nuk është aspak e vërtetë që jemi në kërkim të një trajneri të ri për kombëtaren”.

Federata po punon dhe bashkëpunon maksimalisht me trajnerin Panuçi për të arritur rezultate sa më të larta kualifikuese për Kampionatin Europian 2020. Një qendrim të tillë Duka e shprehu edhe publikisht pas ndeshjeve ndaj Skocisë dhe Uellsit.

“Kjo nuk do të thotë që ne në këtë kohë duhet të marrim vendime të nxituara Trajneri ka të mirat dhe të këqijat e tij gjatë këtij edicioni. Ne nuk kemi luksin të bëjmë asnjë lloj ndryshimi. Ne do të vazhdojmë ta mbështesim trajnerin dhe stafinpër eleminatoret e europianit.”

Gjithsesi, sipas burimeve, ABC News është informuar se institucioni drejtues i futbollit nuk është plotësisht i bindur me trajnerin aktual, sidomos përsa i përket krijimit të një formacioni stabël, dhe të një filozofie të qartë të lojës./abcnews.al

KONFERENCA-PANUCI-MAVRAJ-1280x720.jpg
ent ela19:53 | 19/11/2018

Kristian Panuçi ka ndërmend të bëjë një ndryshim të madh në miqësoren ndaj Uellsit. Trajneri i kombëtares deklaroi në konferencë për shtyp se idetë e tij të deritanishme kanë dalë të gabuara.

Ndihet ende trajner i Shqipërisë dhe ka një lajm për të dhënë. Kristian Panuçi premton se do të bëjë një kthesë të madhe me ekipin kombëtar, të paktën përsa i përket mënyrës së lojës.

Pas më shumë se një viti eksperimentesh, italiani është dorëzuar, duke treguar sesi pritet të luhet ndaj Uellsit.

Panuçi: “Mos jemi gjë Gjermania, Brazili? Madje, të mos flasim për Gjermaninë sepse doli në vend të fundit. I shkreti Lëv çfarë duhet t’i kenë bërë. Nuk e kam problem të them se duhet të ndryshojmë, të ndryshojmë në mënyrë absolute, sepse nuk kam kohë të punoj me skuadrën për ta ndryshuar. Atëherë, të bëjmë maksimumin e mundshëm, veçse ideja ime për të luajtur futboll ofensiv, ishte e gabuar”.

Panuçi pranon se pozicioni i tij është shumë i dobësuar pas kaq kohësh pa fitore, veçse për dorëheqje nuk mendohet.

Panuçi: “Këtë pyetje duhet t’ia bëni Dukës, jo mua. Unë jam trajneri i kombëtares, derisa të më thonë se nuk jam i tillë. E bëj punën time me shumë seriozitet dhe qetësi, madje duke ruajtur ekuilibrin, sepse këtu ka shumë të vërteta që nuk i intereson kujt që t’i themi. Unë kam kontratë deri në nëntor 2019, nëse shkoj në Europian, vazhdoj, nëse jo, kthehem në shtëpi”.

Mërgim Mavraj nuk do të jetë këtë herë në fushë, por e quajti detyrë të dilte përpara gazetarëve

Mavraj: “Nuk i kreva detyrat e mia si kapiten, si model. I këkrova falje skuadrës, trajnerit, besoj e pranuan cunat po kjo është një gjë që mund të ndodhë këtë e dimë të gjithë”.

Kapiteni pati një vëretje për ata që kanë thënë se cikli I tij është mbyllur.

Mavraj: “Nëse erdhi fundi i ciklit, cfarë do bëjmë  të ndalojmë gjithçka derisa të vijnë lojtarët më të mirë, derisa të formohet vetvetiu një grup i mirë. Puna do vazhdojë është normale që një skaudër si e jona do çik kohë për t’u rinovuar”.

Kombëtares, për ndeshjen ndaj Uellsit, i kthehen nga pezullimi Hysaj e Basha, por ka lajme të këqija me dëmtimet. Për këtë shkak, nga ekipi janë larguar Gjimshiti, Ndoji e Binaku. /abcnews.al

RUDI-VATA-PER-KOMBETAREN.mpg_snapshot_01.05-1280x776.jpg
ent ela18:00 | 18/11/2018

Ish-kapiteni i kombëtares, Rudi Vata, analizon disfatën e thellë në “Loro Boriçi” dhe nuk ngurron të lëshojë kritika të forta për skuadrën kuqezi. Vata flet edhe për të ardhmen e trajnerit Panuçi.

Nëse do të kishte një renditje, kjo do të ishte në vendin e fundit. Sfida e Shqipërisë me Skocinë në “Loro Boriçi” merr një vlerësim maksimalisht të ulët nga një ish-kapiten i kombëtares si Rudi Vata. Ish-mbrojtësi që luajti për Sëlltikun, nuk ka asnjë rezervë kur flet.

Rudi Vata, ish-kapiten i Kombëtares: “Ndeshja ndoshta më e dobët e ekipit kombëtar, të paktën me sa mbaj mend në fushën tonë. Një skuadër që relativisht nuk tregoi asnjë vlerë profesionale. Një skuadër pa dëshirë, pa nerv. Një skuadër që normalisht të jepte përshtypjen se ishte futur në fushë për të qenë skuadër e dytë.”

Problem ekipi apo problem trajneri, si mendon Vata?

“Faji kryesor i selektorit te ekipit kombëtar normalisht ka patur mjaftueshëm kohë në dispozicion për të formuar një skuadër relativisht të fortë, për të përballuar këtë edicion që mendoj se ka qenë një prej edicioneve më të përballueshme kur shikon skuadrat me të cilat kemi qenë në grup.”

Çfarë duhet të ndodhë me Panuçin pas këtij dështimi?

“Trajneri normalisht nuk mendoj se ndihet rehat pas kësaj humbje në shtëpi. Pas këtyre eliminatorëve mendoj që trjaneri me ekipin kombëtar shqiptar ka përfunduar karrierën e tij.”/abcnews.al

LAJMET-NGA-KOMBETARJA-1280x720.jpg
ent ela14:34 | 15/11/2018

Kombëtarja po përgatitet për lojë sulmuese ndaj Skocisë. Trajneri Panuçi ka ende dyshime për formacionin, me kapitenin Mavraj që mund të lihet rezervë, dhe  Grezdën ende me probleme fizike.

Dyshimet mbeten, ndonëse mendimi po qartësohet. Kombëtarja pritet të dalë në fushë me skemë sulmuese në ndeshjen e fundit zyrtare të vitit, atë ndaj Skocisë, ndërsa trajneri Panuçi ka ende lojtarë në pikëpyetje.

Skema e italianit besohet se do të jetë me tre lojtarë në mbrojtje, dhe me pesë në mesfushë, në përpjekje për të bërë presion e për të arritur fitoren.

Mërgim Mavraj, njëri nga kandidatët për kapitenë, pritet të jetë në stol, ndërsa Panuçi ndoshta mendon që Gjimshiti është në formë më të mirë, duke luajtur e duke shënuar në Serinë A.

Në mungesë të Bashës dhe të Ramadanit, në mesfushë mendohet të jenë titullarë Sabien Lilaj dhe Ergys Kaçe. Dyshimi më i madh ka të bëjë me Eros Grezdën, një nga lojtarët më të rëndësishëm për Panuçin, por që sërish nuk është 100 për qind i gatshëm.

Për dy ditë me radhë lojtari i Gllazgou Rejnxhërsit bëri stërvitje individuale, ndonëse ende ka shpresë që të jetë titullar.

Në sulm, besohet se zgjedhje e parë do të jetë Bekim Balaj, kurse pas tij pritet të jetë treshja Uzuni-Memushaj-Grezda.

Gjithsesi, ekziston mundësia që Panuçi të ndryshojë në momentet e fundit përsa i përket skemët dhe lojtarëve, pasi gjatë përgatitjes ai ka bërë prova të shumta.

FLASIN-LOJTARET-E-KOMBETARES-ABC-M1-T2.mpg_snapshot_00.21-1280x720.jpg
ent ela20:46 | 14/11/2018

Futbollistët e kombëtares mendojnë se Shqipëria duhej të kishte renditje më të mirë se ajo që ka aktualisht. Frederik Veseli dhe Myrto Uzuni folën me optimizëm para Skocisë.

Shpresat janë të vogla, por vetëm për Ligën e Kombeve. Futbollistët e kombëtares shqiptare mendojnë se i kanë shanset për të shkuar në Europian, të paktën nëpërmjet eleminatoreve. Këtë e theksoi mbrojtësi Federik Veseli. Ndryshe nga trajneri Panuçi që i quajti memecë, Veseli mendon se lojtarët e kombëtares shkojnë shumë mirë me njëri-tjetrin.

Frederik Veseli, futbollist i Kombëtares: “Ne si skuadër kemi entuzizëm se edhe jashtë sportitjemi shumë shokë të gjithë bashkë. Kur grumbullohemi gëzohemi të gjithë të jemi prap këtu. Ndoshta meritojmë pak më shumë se vendin e tretë në grup. Të provojmë që të marrim maksimumin për të pasur një mundësi më vonë me kualifikime. Jemi të gjithë me shumë dëshirë për të shkuar edhe një herë në Europian.”

Myrto Uzuni cilësohet si një nga shpresat e ekipit për ndeshjen ndaj Skocisë. Këtë mendim e ka vetë Panuçi.

Myrto Uzuni, futbollist i Kombëtares: “Grezda ka shënuar, Kaçi gjithashtu. Besoj se goli do të vijë në qoftë se vazhdojmë me atë ritëm që kemi qenë në Izrael. Ndjehem shumë mirë pasi ne kemi grupin, ne nuk na bën vetëm një lojtar e një individ. Normalisht është një kënaqësi shumë e madhe, pasi të shënosh në një klub ëshë kënaqësi, por të shënosh me Kombëtaren bën krenar të gjithë atdheun e familjën dhe besoj se kjo do të ishtë gjeja më e bukur.”/abcnews.al

ARMAND-DUKA-KOMBETARJA-DHE-STADIUMI.mpg_snapshot_01.59-1280x720.jpg
ent ela18:00 | 14/11/2018

Fati i trajnerit të kombëtares, Kristian Panuçi, varet nga fitorja ndaj Skocisë në Ligën e Kombeve. Presidenti i Federatës, Duka, deklaron se nëse nuk fitohet, atëherë do të flitet pas ndeshjes.

Një rrugë e tri punë. E tillë mund të vlerësohet vizita e presidentit Armand Duka, në kantierin e ndërtimit të selisë së re të Federatës Shqiptare të Futbollit. Edhe pse numri 1 i futbollit ishte në ish-kompleksin Dinamo për të vëzhguar ecurinë e punimeve, sërish pyetja e parë që iu bë nga gazetarët, ishte për kombëtaren dhe trajnerin Kristian Panuçi.

Armand Duka, president i FSHF-së: “Të arrijmë rëzultat pozitiv, të fitojmë ndeshjen dhe nëse në fund të këtij kompeticioni arrijmë me pikë të barabartame dy kundërshtatrët e tjerë dhe të bëhet diferencë tek golat nuk mund ta konsiderojmë një edicion të dështuar. Është e vështirë që të bëj analizën e trajnerit tani, sidomos në prag të një ndeshjeje, përveçse ti jap kurajo dhe mbështetje trajnerit dhe ekipit për të arritur objektivin dhe për të fituar ndeshjen. Nëse kjo nuk arrihet atëhere do të flasim në post-ndeshje.”

Më pas, Duka foli për punimet në selinë e Federatës.

“Një projekt i financuar 100% nga FIFA. Federata Shiptare e futbollit në një farë mënyre ka bërë menaxhimin dhe bashkimin e donatorëve. Është dhuruar terreni nga qeveria shqiptare dhe FIFA ka financuar projektin.”

Federata është ankuar, gjithsesi, këto kohë nga qeveria, se po i nxjerr probleme financiare me stadiumin, por Duka nuk deshi të komentonte.

“Objektivi i stadiumit është që ne në mars të luajmë. Nuk mund të them 100%, por në mund të punojmë me këtë synim që në mars të luajmë. Gjithësesi varet edhe nga shorti i Dublinit me 2 dhjetor nëse Shqipëria do të luajë në shtëpi apo jo. Por gjithësesi brenda 2019-s stadiumi do të inagurohet. Edhe kjo godinë këtu brenda vitit 2019 do të inagurohet.”

Nuk mund të mungonte pyetja për dështimin e ekipeve kombëtare të moshave, në eleminatoret e Europianit, madje me rezultate të thella.

“Kemi filluar një lloj analize. Kemi bërë një seancë të parë të analizës, apo të dytë të këtyre analizave kombëtare do të ketë ndryshim pothuajse të të gjithë stafeve të ekipeve të moshave.”

Duka bëri edhe më shumë sqarime për shtëpinë e re të futbollit, e cila, sipas tij, do të jetë jo vetëm selia e Federatës, por edhe e të gjithë ekipeve kombëtare.
Në kompleks, do të ketë edhe dy ministadiume me kapacitet prej 500 spektatorësh secili, ku mund të luhen ndeshje në nivel kombëtar.
Besohet se në këto fusha, mund të stërviten edhe ekipe të ndryshme, në kohën kur kombëtaret do të jenë pushim./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono