panama

C_2_articolo_3168850_upiImagepp.jpg
ent ela10:35 | 14/10/2018

Donte  të bënte nja selfie nga ballkoni, duke marrë panoramën e Panamasë, kur humbi ekuilibrin nga era dhe u rrëzua  27 kate më poshtë. Viktima është një vajzë portugeze. Incidenti, i filmuar në një video dhe që ka bërë xhiron e botës në rrjetet  sociale, ndodhi në lagjen rezidenciale të Cangrejo.

Tragjedia u konfirmua nga shërbimet e sigurisë panameze, të cilët në një mesazh në tuiter kanë shkruar: “Mos rrezikoni jetën tuaj për një selfie, është më e rëndësishme të humbni një minutë në jetën tuaj sesa të humbni jetën tuaj në një minutë”.

Një mik portugez i viktimës shkroi: “Kjo grua ishte një mikesha ime, nënë e dy fëmijëve. Ajo quhej Sandra, ajo ishte mësuese dhe ishte në Panama për punë”.

Një studim i kohëve të fundit nga Instituti i Shkencave Mjekësore Indiane në Nju Delhi ka zbuluar se 259 persona kanë humbur jetën në përpjekjen për të bërë një selfie që nga tetori 2011 dhe nëntori 2017.

Rezultatet u botuan në “Journal of Family Medicine dhe Care Primary”. Studimi pohoi se mbi 72% e të vdekjeve ishin burra dhe se mbytja ishte shkaku më i zakonshëm i vdekjes gjatë një përpjekjeje për selfie. /abcnews.al

angliaa.jpg
G. P.16:14 | 24/06/2018

Anglia arrin fitoren më të thellë të Kupës së Botës, duke mundur 6-1 Panamanë. Ky rezultat i dha fund enigmës së kualifikimit për grupin G.

Nuk pritej e vështirë, por jo edhe kaq e lehtë.

Anglia e bëri lojë fëmijësh ndeshjen e dytë në grupin  G, atë ndaj Panamasë, duke siguruar kualifikimin për në turin e dytë në Botëror.

Suksesi ishte me shifrat 6-1, në atë që u duk një garë me Belgjikën për golaverazh më të mirë në prag të duelit direkt që do të sigurojë vendin e parë në grup.

Belgët po ashtu siguruan kualifikimin, duke qenë të dyja skuadrat e para me nga 6 pikë, ndaj 0 pikëve që kanë Tunizia dhe Panamaja.

Formacioni i trajnerit Gareth Southgate hyri në fushën e stadiumit në Nizhni Novgorodit, me mendjen e mbledhur për të zgjidhur gjithçka sa më shpejt.

Ia doli mbanë duke shënuar 5 gola që në 45 minutat e para, ndihmuar edhe nga dy penallti, por gjithsesi me meritë të plotë.

Harry Kane realizoi tri herë duke pasur tani 5 rrjeta, e duke qenë  shënuesi më i mirë i Botërorit.

Kapiteni anglez lë prapa, për momentin, Kristiano Ronaldon e Romelu Lukakun, që kanë nga 4.

Viti 2018 është i mrekullueshëm deri tani për sulmuesin që ka realizuar 6 herë në vetëm 3 takime.

Dy gola për Anglinë i pati edhe mbrojtësi John Stones, ndërsa një sulmuesi Jessy Lingard.

Panamaja thjesht mundi të shënonte një gol nderi, 12 minuta para fundit, me autor Felipe Baloin.

Pavarësisht sukseseve të thella, është vështirë të japësh një vlerësim të saktë për forcën e Anglisë, diçka që do të kuptohet kur të nisë të ndeshet me skuadra të forta./abcnews.al

belgjikaaa.jpg
G. P.19:28 | 18/06/2018

Fitore e thellë e Belgjikës në Grupin G përballë Panamasë. Yjet belgë nuk patën asnjë problem përballë debutuesve të Botërorit.

Jo fiks si Rusia, por aty afër.

Ata që pëlqejnë fitoret e thella pritën shumë, që nga dita e parë e Botërorit deri këtë të hënë për të parë një të tillë.

Belgjika mposhti 3-0 Panamanë, një rezultat që shfaqi qartë diferencën me një ekipi debutues dhe njërës prej skuadrave më të talentuara.

Gjithsesi, pritja nuk përfundoi aq shpejt, pasi panamezët i bllokuan për gati 50 minuta kundërshtarët e tyre shumë më të vlerësuar.

Mbrojtja e tyre dhe portieri dinjitoz Penedo ndaluan përpjekjet e De Bruyne, Mertens-it apo Hazard-it.

Gjithsesi, Mertens nuk mund të refuzohej qind për qind.

Talenti i Napolit realizoi ndoshta golin më të bukur të Botërorit, një rrjetë të realizuar thjeshtë personalisht.

Më pas, Panamaja u detyrua të ndryshonte skemat dhe të sulmonte më shumë, ndërsa belgët hoqën nga vetja trysninë prej favoritësh.

Europianët e thelluan rezultatin, por më herët amerikanoqendrorët patën mundësi të barazonin.

Portieri i Chelsea-t, Curtois, ndaloi në një farë mënyrë Barsenasin.

Më tej, nuk pati më duel dhe Romelu Lukaku shënoi një dygolësh.

Trajneri i Manchester United, Mourinho, duhet të ketë mbetur shumë i kënaqur që sulmuesi i tij kryesor u shfaq në këtë formë.

Belgjika respektoi parashikimet, duke mos gabuar si shumë pretendentë të tjerë, veçse kundërshtari i tyre ishte shumë më i dobët.

Në renditje, formacioni i trajnerit Martinez kryeson me tri pikë në grupin G, ndërsa Panamaja nuk ka asnjë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono