paloka

MOGHERINI-ME-OPOZITEN-1280x720.jpg
ent ela16:58 | 18/04/2018

Në përfundim të konferencës me kryeministrin Edi Rama, shefja e diplomacisë europiane Federica Mogherini, vijoi axhendën e paralajmëruar të takimeve me pritjen e përfaqësuesve të opozitës në zyrat e delegacionit të Bashkimit Europian. Rrugës protestues kuksianë e pritën me disa pankarta në gjuhën angleze. Mesazhi i kujtonte përfaqësueses së lartë të Bashkimit Europian se drejtësia e vonuar është drejtësi e mohuar.

Në mungesë të kryetarit të opozitës Lulzim Basha, ishte zëvendëskryetari i kësaj force politike Edi Paloka i cili në përfundim të takimit zbardhi qëndrimin e opozitës. Më shumë vëzhgim dhe transparencë kërkuan nga Komisioni Europian në të ardhmen ndaj zhvillimeve politike në Shqipëri.

Takimi mes përfaqësueses se lartë të BE-së Mogherini me kryedemokratin Basha, i menduar i pamundur për shkak të angazhimit në shtetin Gjerman të këtij të fundit, u mundësua shkurtimisht në sallën VIP të aeroportit “Nënë Tereza”edhe pas spostimit të orareve në axhendën e përfaqësueses së lartë.

Gjatë takimit që zgjati pak minuta kreu i opozitës shkëmbeu disa mendime dhe opinione me shefen e diplomacisë europiane përpara se t’i drejtohej selisë blu për bashkëbisedimin e lajmëruar me gazetarët. /abcnews.al

paloka-1280x720.jpg
ent ela20:47 | 19/03/2018

Kryetari i Komisionit hetimor për çështjen Tahiri, Edi Paloka, i ftuar në studion e “Mbrëmje në ABC News” me Mirel Milorin, pa dhënë shumë detaje ka folur për startegjinë e opozitës në këtë komision. Sipas tij do të hetohen gjithë ata që kanë penguar vënien para drejtësisë të Sajmir Tahirit, por edhe për kanabizimin, sjelljen e policisë.

“Nuk dua të bej publik planin e hetimit, ju kërkoj ndjesë, por sot nuk do t’u jap një përgjigje për këtë punë, do hetohen të gjithë ata që kanë penguar vënien para drejtësisë jo vetëm të Tahirit, por edhe per kanabizimin, sjelljen e policisë. Kemi një fushë më të gjerë për të hetuar. Ideja jonë është që gjithçka është bërë me një plan të caktuar kanabizimi i vendit i lidhur me strategjinë e zgjedhjeve të fundit. Të gjithë ata që do dalin në proces hetimi si personazhe do të përfshihen në listën e dëshmitarëve”.

Deputeti demokrat ka folur edhe për situatën brenda Partisë Demokratike, zërat kundër, opozitën brenda opozitës, si edhe për autorizimin që Presidenti Meta i dha ministrit Bushati për plotfuqishmërinë në bisedime me Greqinë.

Nisi puna komisionit hetimor për çështjen Tahiri. Pse nisi përplasja?

Paloka: Kërkova bashkëpunimin e mazhorancës që ky komison të rezultojë i suksesshëm,jo si herët e tjera që mazhoranca ka bërë gjithçka për ta penguar. Nuk dua të paragjykoj punimet  e këtij komisioni. Ka shumë elementë që të bëjnë të mendosh që qëllimet e mazhorancës nuk do të jenë të ndryshme. Komisioni është ngritur për pengimin që i ka bërë Rama dhe institucionet e drejtësisë për të arrestuar Sajmir Tahirin për dy fakte: lidhje me bandat kriminale dhe trafik droge. Ky komision është ngritur që të hetojë mënyrën s epse u pengua. Kjo mazhorancë votoi që Tahiri të mos dilte para drejtësisë. Ne kemi synimet dhe objektivat tona për të arritur. Nuk dua të paragjykoj deputetët e mazhorancës deri sa ata të tregojnë se nuk janë pengesë.

A keni një strategji?

Paloka: Që kur kemi kërkuar ngritjen e këtij komsioni ne kemi pasur një qëllim dhe strategjinë tonë. Faktet janë të shumta që na kanë nxitur të ngremë komisionin dhe të hetojmë. Unë si kryetar komisioni do paraqes planin hetimor paraprak pasi të miratohet rregullorja dhe në bazë të të këtij plani do eci, bashkë më mazhorancën. Nuk dua të jap detaje për planin e hetimin, pasi do bëhet hap pas hapi.

Do këmbëngulni që të vijë Rama në komision?

PalokaNuk dua të bej publik planin e hetimit, ju kërkoj ndjesë, por sot nuk do t’u jap një përgjigje për këtë punë, do hetohen të gjithë ata që kanë penguar vënien para drejtësisë jo vetëm të Tahirit, por edhe per kanabizimin, sjelljen e policisë. Kemi një fushë më të gjerë për të hetuar. Ideja jonë është që gjithçka është bërë me një plan të caktuar kanabizimi i vendit i lidhur me strategjinë e zgjedhjeve të fundit. Të gjithë ata që do dalin në proces hetimi si personazhe do të përfshihen në listën e dëshmitarëve.

Basha ka thënë që të hetohen Gjiknuri, Veliaj, Ahmetaj, Dako dhe Sejdini.  Keni të dhëna për këta?

Paloka: Prokuroria disponon prova, fakte, përgjime që i implikojnë në krime më të rënda se thjesht trafik droge. Ne urojmë që drejtësia të jetë e kujdesshme, se përderisa është e kapur nga Rama veprime të tilla do bëjë.

Emrat që përmendi Basha , do dorëzoni të dhënat në Prokurori?

Paloka: Çfarë t’i kërkojmë ne Prokurorisë për Habiljat? Janë të gjitha faktet e ardhura matanë detit që vërtetojnë se Habiljat janë trafikantë të mëdhenj, por kjo se edhe që kanë qenë të lidhur me Sajmir Tahirin.

Prokuroria i kërkoi parlamentit arrestimin e Tahirit dhe nuk u lejua.

Ne i kërkojmë Ramës dhe atyre më tej se Rama se që kjo drejtësi të funksionojë ashtu siç ata janë shprehur se e duan drejtësinë. Rama arriti qëllimine tij, kapi drejtësinë. Rama do ta përdorë drejtësinë kundër opozitës.

E frymëzoni dot qytetarin që të ndjekë në rrugë, shesh e platformën politike?

Paloka: Shqiptarët provojnë përditë mungesën e drejtësisë, por edhe pasojat e qeverisjes më të keqe . Në rastin më të parë që qytetarëve u jepet mundësia të votojnë lirshëm.  Me rrugë demokrtaike këtu nuk ecet më.

I udhëheq dot?

Paloka: Po e treguam me protestën e fundit dhe forma të tjera të gjitha do provohen.

Ka një rezultat konkret?

Paloka: Përditë njerëzit ndërgjegjësohen që e keqja e këtij vendi është Edi Rama dhe kjo qeveri duhet të ikë.

E largoni dot Ramën?

Paloka: Ne do provojmë gjithçka për ta larguar, nuk është në dorën tonë, opozita do drejtojë qytetarët, por ka edhe gjëra që nuk janë në dorën tonë. Kjo është një marrëdhënie komplekse ku edhe ndërkombëtarët kanë rolin e tyre. Ndërkombëtarët po thonë përditë që Shqipëria është bërë Kolumbia e drogës. Kjo nuk është retorikë, por realitet.

Vetë ju si opozitë nuk jeni unikë, PD është e krisur tani?

Paloka:Ajo që është opozitë është opozitë, kush bën opozitën e opozitës nuk është opozitë.

E keni për të larguarit?

Paloka: Jo për ata që bëjnë opozitën e opozitës.

Lexohet një mëri?

Paloka:Ka një krah që zgjat dorën dhe ofron bashkëpunim, krahu tjetër duhet të bisedojë. Në marrëveshje lëshojnë të dyja palët. Nuk dua të hyj në detaje se jemi në një moment që po zhvillohen takime me të gjithë ata që kanë platforma ide, marrëveshja arrihet kur të dyja palët lëshojnë nga pak. Kjo është si puna e këmbanës. Si mund të mendoni që nuk dashkemi njerëz që kanë dhënë për Partinë Demokratike.

Keni vendosur ura komunikimi me këta njerëz?

Paloka: Grupi i punës po zhvillon kontakte e bisedime dhe pastaj do na informojnë për rezultatet.

Kur Basha thotë po ngremë grup pune dhe hajde diskutojmë kush ka ide, që mund të arrijmë në një pikë. Në fund fare është kuvendi që i vendos këto gjëra.

Është një ide për ndryshime statutore, për ristrukturimin e partisë dhe rrugëve që duhen ndjekur edhe për të ardhur në pushtet. Idetë nga njerëzit e thjeshtë janë më brilante se ato që vijnë nga kokat e mëdha.

Nëse shkojmë më dy propozime në Kuvend dhe votohet njëra, nuk e shoh si kulmin e bashkëpunimit.

Partia Demokratike nuk është emra është shumë më tepër se aq, PD ka pasur figura të shquara të nderuara me ose pa poste kanë qëndruar në vite pranë PD, nuk kanë kërkuar kurrë të marrin diçka nga PD dhe janë aty. Nëse ka një emër ai është Sali Berisha, të gjithë të tjerët ne jemi kontribues, përfitues, ne na bashkon PD dhe të gjithë ne edhe forcën e dhe reputacionin na i jep PD, jo ne PD-së. Për fat të keq PD ka provuar që kanë dalë parti të kur emrat kanë qenë edhe më të rëndësishëm dhe në fund janë kthyer në PD.

Janë kthyer te Sali Berisha, se sot është Lulzim Basha

Paloka: Sali Berisha është në PD.

Është disktuar për heqjen e 20 shkurti si datë simbol?

Paloka: Kjo ishte një ngatërresë banale. E gjitha kjo të lë një shije të keqe, kur është për t’i bërë opozitë opozitës nuk dihet nga burojnë gjithë ato energji. Edi Ramës nuk i themi asgjë. Kjo ishte ide e një deputeti të ri i cili kishte bahskëpunuar me shoqatën e të ëprndjekurve dhe donte ta kalonte për aprovim dhe aty ishte kjo ngatërresa teknike që ne firmosëm, ishte një projekt, ishte gabim edhe i joni, se edhe unë firmosa, ishte një banalitet.

Autorizimi që Presidenti Meta i ka dhënë Bushatit për plotfuqshmërinë për bisedime me Greqinë?

Paloka: Besoj se zoti Meta ka marrë informacionin e duhur. U dha një datë që një prill do vijë Tsipras dhe Rama ishte përgatitur të firmoste.

Hapin e Metës si e komentoni?

Paloka: Meta duhet të ketë marrë informcionet që i duheshin. E vetmja pikë që kam rezervë është grupi negociator, është një person që nga të dhënat që kemi e akuzojnë. Ndërkohë që ngrihet kjo akuzë për një nga negociatorët, për të hequr këtë hije dyshimi, ta ndërrojmë këtë njeri, në vend që të ndodhë kjo ndodh e kundërta. Na thuhet që ky ka çertifikatën e NATO-s të firmosur ngta Qazimi. Pse këmbëngulet që ky të rrijë në grupin negociator?

Paloka: Në fund edhe ne do ndërmarrim hapat e procedurat tona.

Do bashkoheni me Metën?

Paloka:Nëse do na duhet të mbrojmë interesat e vendit do jemi bashkë.

/abcnews.al

PALOKA-PER-STATUTIN-E-ANALIZEN-PD-1280x720.jpg
ent ela15:25 | 12/03/2018

Nënkryetari i Partisë Demokratike Edi Paloka tha për ABC News se në këto ditë pune derimëtani të grupit të ngritur për mbledhjen e propozimeve për statutin e partisë demokratike, rol kanë luajtur edhe raportet e analizës së degëve, të cilat mbartin propozime të ndryshme për riorganizimin e partisë.

I ngritur me propozim të kryetarit Lulzim Basha dhe miratim të kryesisë së Partisë Demokratike, grupi i punës i paracaktuar për mbledhjen e propozimeve lidhur me statutin e partisë ka nisur punën.

Pjesë e këtyre propozimeve janë Platforma për ringritjen e PD që mban firmëtarë disa figura të vjetra të partisë si Astrit Patozi dhe Ridvan Bode si dhe projektstatuti që mban firmën e anëtarëve të Këshillit Kombëtar Edith Harxhi dhe Edvin Kulluri prej nëntorit 2017, kur partia demokratike ishte ende në proces analize. Sa i përket kësaj të fundit.

Nënkryetari i Partisë Edi Paloka konfirmon se raportet janë për përdorim të brendshëm të Partisë e cila konkluzionet do i japë për çdo degë.

Grupi i punës pritet të përfundojë mbledhjen e propozimeve Brenda datës 22 mars ku më pas ngarkohet departamenti ligjor për shqyrtimin e tyre. /abcnews.al

20429996_1767833016848010_4435989074806011215_n.jpg
ent ela13:45 | 22/01/2018

Pas interpelancës që kryeministri Edi Rama zhvilloi me naftëtarët e kompanisë ARMO, ka reaguar nënkryetari i Partisë Demokratike Edi Paloka.Nëpërmjet një statusi në rrjetet sociale ai shkruan se ky është një shoë  i rradhës së kreut të qeverisë i cili nuk i dha asnjë zgjidhje naftëtarëve që protestojnë prej javësh.

Pas 5 vitesh ne pushtet prape “Fajin e ka Berisha” ironizon Paloka në Facebook duke iu referuar deklaratave të kryemnistrit Rama në interpelancën me naftëtarët./abcnews.al

vlcsnap-error026-1280x720.jpg
ent ela15:37 | 12/01/2018

Për nënkryetarin demokrat të parlamentit Edi Paloka, marrëdhënia e grupit parlamentar ku bën pjesë me komisionet dhe  seancën plenare të 15 janarit do të jetë e kushtëzuar. Kjo bazuar në interesin e popullit por edhe qëndrimin e kësaj mazhorance e cila, sipas Palokës, ka treguar se di të shkelë kushtetutën duke e zhbërë mundësinë për aksion opozitar në parlament.

 Të investuar në organizimin e protestës së 27 Janarit, grupi parlamentar i Partisë Demokratike jo zyrtarisht ka konfirmuar pjesmarrjen në seancën plenare të 15 janarit edhe pse kjo pjesmarrje vjen me kusht.

 Për nënkryetarin e Kuvendit Edi Paloka, ky ishte edhe thelbi i kërkesës së një dite më parë për dorëheqje të kreut të Kuvendit Gramoz Ruçi, si drejtues i seancës ku, sipas demokratëve, Kushtetuta u shkel në mënyrë flagrante.

 Ky mosbesim i shtuar ndaj mazhorancës në ndjekjen e procedurave dhe hapave kushtetues dhe ligjor është tashmë fakot edhe për vendimmarrjen e grupit parlamentar ku bën pjesë edhe Edi Paloka.

 Për nënkryetarin e kuvendit, momenti është i bashkimit jo partiak, jo vetëm opozitar por mbarë-qytetar, për të siguruar bazën mbi të cilën funksionon shteti dhe lufta politike./abcnews.al

vlcsnap-error714-1-1280x720.jpg
us er14:10 | 21/11/2017

Nënkryetari i Partisë Demokratike Edi Paloka nga foltorja e selisë blu përsëriti akuzën e një dite më parë se Vangjush Dako është i regjistruar në biseda telefonike, ku premton tendera në këmbim të votave. Sipas demokratëve, Edi Rama po e mbron Dakon si Tahirin dhe tani kërkon të marrë edhe institucionin e prokurorisë. Drejtësia për ta vjen vetëm duke ikur Rama, shprehet nenkryetari demokrat./abcnews.al

vlcsnap-error558.jpg
us er15:45 | 03/11/2017

Menjëherë pas prezantimit të raportit të Guardia di Financës, kryetari i opozitës, Lulzim Basha, zhvilloi një takim me ministrin e Brendshëm italian. Mesazhi i tij kryesor, tha Basha, ishte se nuk do të ketë të paprekshëm në këtë betejë kundër krimit. Ndërsa Edi Paloka, tha se deklaratat e Minitit provuan lidhjen e qeverisë me bandat e drogës.

Pas një takimi me ministrin e Brendshëm Italian, Marco Minitin, Lulzim Basha veçoi si mesazhin e tij më të rëndësishëm: ndihmën për goditjen e organizatave të mëdha të trafikut të drogës dhe të të paprekshmëve.
“Mesazh shumë domethënës se Italia ka përkushtim serioz për të ndihmuar Shqipërinë në një moment kyç të rrugëtimit të saj drejt BE-së”.
Kreu demokrat tha se në takim mori vlerësime për rolin e opozitës në luftën kundër krimit të organizuar, duke e siguruar PD se do të vazhdojë betejën.
“…në mënyrë që në Shqipëri të mos ketë organizata të krimit që bëjnë ligjin, që vendosin zgjedhjet; mos të ketë të paprekshëm dhe që drejtësia të veprojë njësoj për gjithë qytetarët, çdo qytetar të jetë i barabartë para ligjit”.
Më herët, nënkryetari Edi Paloka tha se raporti i Gurdia di Finazia konfirmoi çdo akuzë të opozitës. 2017-a sipas tij është prova se kultivimi i drogës në shifra alarmante në 2016-n, ishte me bekim të kryeministrit Rama.
“Sepse nuk ka si të shpjegohet ndryshe se në momentin që Rama deklaroi se nuk do ketë më drogë jemi në këtë situatë”.
Por sipas nënkryetarit democrat, kjo është edhe çështje e ekonomisë së tregut, pasi ka ende tonelata të tëra drogë nga viti i shkuar.
“Nga informacionet që kemi ne, të pakten 100 tonë drogë janë vetëm në Durrës që presin të kalojnë detin. Duket se vazhdojnë të mbajnë ta magazinuar në magazinat e shtetit drogën për të vazhduar më pas në një periudhë tjetër me riprodhimin”.
Në fund të ditës, demokratët lexojnë një fjali në deklaratat e ministrit të Brendshëm italian, se qeveria është e lidhur me krimin.
E ndërsa Basha nuk u ndal të komentojë nëse ka biseduar për çështjen Tahiri në takim, Paloka thotë se ky është vetëm fillimi.
“Kjo histori ka filluar dhe do të ketë vetëm një fund. Fund për Saimir Tahirin, por dhe për Ramën”./abcnews.al

 

 

vlcsnap-error412.jpg
us er13:32 | 03/11/2017

Nënkryetari demokrat Edi Paloka në një prononcim për median menjëherë pas raportit të Gaurdia di Finanzia, deklaroi se u konfirmuan akuzat e opozitës dhe dhe se droga u kultivua me porosi qeveritare. Sipas tij PD ka informacione se vetëm në Durrës ndodhen në pritje për trafik 100 ton drogë.

 

 

3764404.jpg
us er20:49 | 23/09/2017

Në studion e ABC News nënkryetari i PD-së, Edi Paloka tregoi drejtimet e analizës dy mujore në bazë për të mësuar funksinimin e skemës së shit-blerjes së votës dhe shkaqet se pse zgjedhësit nuk dolën për të votuar më 25 qershor.

Paloka deklaroi se PD kur pranoi të hyjë në zgjedhje e dinte që do të ishin të manipuluara. Ai tha se amerikanët nën drejtimin e Hoit brian Yee i kërcënuan, por dhe u garantuan për mbëshetetje nëse firmosnin marrëveshjen.

Tenton të bëjë të dukshem një diferencë mes tij që nuk u rendit në krye të listës dhe të përjashtuarave nga lista e kandidimit

Lidhur me grupin e ri parlamentar Paloka tha se nësë dy vota për rucin ishin të shituara, ato do të zbulohen

Ndërkohë deputetët e rinj sipas tij nuk provohen që në ditën e parë me një fjalim në Parlament

Ai renditi një prej aspekteve pozitive të mbledhjes së kryesisë

Dhe nuk e quajti thelbësor debatin mes Jemin Gjanës dhe Valbona Mezinit.

https://youtu.be/yzIsGRlB1z8


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono