paloka

paloka-1280x688.jpg
ent ela17:00 | 05/07/2019

Për kërcënimin e kryetarit te Komisionit Qendror të Zgjedhjeve Klement Zguri ka reaguar dhe Partia Demokratike. Ish deputeti i selisë blu Edi Paloka tha se kërcënimi i Zgurit erdhi pas kërkesës për hetim të procesit zgjedhor, ndërkohë kërkoi të vihet para drejtësisë autori. Sipas tij  i njëjti person që ka kërcënuar Zgurin ka kërcënuar dhe Profesor Aurel Plasarin.

Deklaratë e Partisë Demokratike, Nënkryetari Edi Paloka

Mediat  në vend kanë raportuara se menjëherë pasi Kryetari i Komisionit Qendror të Zgjedhjeve kërkoi hetim administrativ të manipulimit dhe mbushjes së kutive në votimet moniste dhe antikushtetuese të 30 Qershorit, ai ka marrë kërcënime serioze, për jetën e tij dhe të familjes së tij.

Në Shqipërinë e Edi Ramës ku krimi i organizuar qeverisë bashkë me të, kushdo që guxon të zbatojë ligjin, kërcënohet nga bandat e Edi Ramës.

Bandat prekin zgjedhjet, bandat mbushin kutitë, bandat blejnë vota dhe shantazhojnë votues, sot kanë kaluar çdo limit duke kërcënuar me jetë Kryetarin e Komisionit Qendror të Zgjedhjeve z. Klement Zguri dhe familjen e tij.

Partia Demokratike kërkon menjëherë arrestimin dhe vënien përpara përgjegjësisë të banditit që, për pushtetin e Edi Ramës, kërcënon kreun e KQZ-së, për shkak të kërkesë së tij për të hedhur dritë mbi mbushjen e kutive dhe manipulimin e numrit të votuesve.

Ky është i njëjti bandit që ka kërcënuar edhe profesor Aurel Plasarin, i cili e ka denoncuar faktin pas bërjes publik të kërcënimit të kreut të KQZ, duke vënë në dukje se kjo është fryma me të cilën Rama ka organizuar 30 Qershorin.

Nuk ka bandë që mbulon krimin kushtetues dhe elektoral që ka kryer Edi Rama më 30 Qershor.

Sado të fshihet, sado të përdorë kriminelët e tij në KQZ, sado të përdor bandat, shqiptarët e kanë thënë fjalën e tyre. 85% e qytetarëve refuzojnë Edi Ramën.

Duke e konsideruar Edi Ramën të vetmin përgjegjës për situatën e krijuar në vend ndaj kundërshtarëve politikë, Partia Demokratike paralajmëron kryeministrin gangster të tërheqë banditët që ka lëshuar rrugëve për të kërcënuar këdo që nuk i bindet. Në të kundërt, ai do të mbajë vetë përgjegjësi për gjithçka! /abcnews.al

paloka1.jpg
ent ela09:40 | 30/06/2019

Nënkryetari i Partisë Demokratike Edi Paloka ka denoncuar përmes një videoje blerjen e votës. në video shfaqe një vajzë që voton për ehrë gtëparë dhe komisionari dhe administratori Edmond Hajro. Ai akuzon Kryeministrin Rama se ka vënë në funksion skemën e blerjes së votuese.

“Votimet për partinë si në dikaturë. Një operacion kriminal për blerjen e votuesve. Edi Ramës i duhet të blejë sërish votues, i duhet të vjedhë e manipulojë rezultatin i duhet pjesëmarrja për të fshehur braktisjen e shqiptarëve. Ka vënë në funksion skemën e blerjes së votuese. PD ka marrë mijëra denoncime që zbulojnë këtë skemë.

Në video një skuadër kriminale kryejnë krimin penal të blerjes së votës dhe moral të shpirtit të një vajze të re. Vajza duket se e ka për herë të parë kryerjen e një operacioni të tillë kriminal.

PD ka identifikuar Emdond Hajro, komisoner në kopshtin 9 dhe administrator pallati në një lagje”.

Paloka u bëri thirrje qytetarëve që të bojkotojnë votimet dhe të bashkohen me protestuesit.

“Bojkotoni Ramën, Bashkohuni me protestat”. 

Deklarata e plotë e Palokës

Përtej panoramës që po u kujton sot shqiptarëve votimet për partinë si në kohën e diktaturës, Edi Rama ka kryer një operacion kriminal për blerjen e votuesve.

Edhe kur është i vetëm në votime, edhe kur kontrollon çdo hallkë të zinxhirit që ka lidhje me votën, Edi Ramës sërish i duhet të blejë votues, i duhet të vjedhë, i duhet të manipulojë rezultatin.

Këtë herë Edi Ramës i duhet pjesëmarrja për të fshehur braktisjen masive të shqiptarëve. Për këtë arsye, ai ka vënë sërish në funksionim skemën kriminale të blerjes së votuesve.

Partia Demokratike ka marrë me mijëra denoncime që demaskojnë këtë skemë, por ajo që zbulon më mirë fytyrën e Edi Ramës dhe të Erion Veliajt, është video që do të ndiqni pas pak.

Është një skuadër kriminale, me njerëz të Partisë Socialiste dhe të punësuar të Bashkisë së Tiranës, që kryejnë krimin penal të blerjes së votës dhe krimin moral të korruptimit të shpirtit të një vajze të re. Për fat të keq, vajza duket që e ka për herë të parë një operacion të tillë kriminal.

Video tregon qartë me zë dhe me figurë dhënien e parave për blerjen e votës nga një grup i strukturuar kriminal i Partisë Socialiste dhe i Bashkisë së Tiranës. Partia Demokratike ka mundur të identifikojë deri tani se njëri nga personat I përfshirë në këtë krim zgjedhor është Edmond Hajro, Komisioner I PS tek njësia nr 9 Tiranë, pranë kopshtit numër 3. Ai ëhstë administrator i një pallati, i emëruar nga Bashkia e Tiranës.

Të nderuar qytetarë të Tiranës dhe të Shqipërisë!

Mbajeni mend mirë këtë video! Kjo është fytyra kriminale e Edi Ramës dhe e Erion Veliajt, që blejnë votues për pushtetin e tyre personal me para të krimit, me para të korrupsionit që ua kanë vjedhur ju dhe fëmijëve tuaj!

Prandaj, gjëja më e mirë që mund të bëni sot është ta bojkotoni Edi Ramën! Bëni rezistencë!

Bashkoheni me protestat e qytetarëve të tjerë kundër votimeve kriminale, të paligjshme, kundër blerjes së të rinjve, në vend të shkollimit apo punësimit të tyre dinjtoz! /abcnews.al

 

 

Fundi i bashkëbisedimit
paloka-1-1280x853.jpg
ent ela14:32 | 29/06/2019

Partia Demokratike ka reaguar pas ngjarjeve që kanë ndodhur në KZAZnr 19 në Dibër. Nëpërmjet nënkryetari të kësaj partie, Edi Paloka akuzojnë se është ushtruar dhunë e terror mbi qyetarët nga forca të ushtrisë me maskë.

Deklaratë e Partisë Demokratike, Nënkryetari Edi Paloka

Regjimi në ikje e Edi Ramës e ka kthyer dhunën shtetërore në mjetin kryesor që mishëron procesin kriminal, anti kushtetues dhe antiligjor të 30 Qershorit.

Dibra është prova më e qartë e kësaj dhune shtetërore. Policë, njerëz mer maska dhe uniforma shteti, por pa identifikim, si dhe forca speciale të ushtrisë me uniforma të përziera janë bërë njësh për të dhunuar, për të terrorizuar qytetarët e Dibrës dhe për t’i detyruar ata të dalin në votimet moniste dhe të paligjshme, të organizuara nga Edi Rama.

Mbrëmjen e djeshme nuk ka ndodhur asgjë nga ato që policia politike e Edi Ramës dhe Sandër Lleshajt mashtroi. Ka patur vetëm protestues paqësorë në të drejtën e tyre kushtetuese për të kundërshtuar rikthimin e diktaturës në vend.

E vetmja që ka qenë në paligjshmëri, ishte policia, e cila ka goditur me gaz lotsjellës protestuesit paqësore.

Dëshmia e infermieres kurajoze nga Dibra, rrëzon poshtë propagandën dhe mashtrimet luftënxitëse të Sandër Lleshajt dhe Edi Ramës. Infermierja tha të vërtetën se policët nuk janë lënduar nga protestuesit paqësorë, por nga vetë kolegët e tyre.

Në dhunim të rëndë të ligjit, policia dhe forca të paidentifikueshme, të pajisura me armatim ushtarak dhe jo policor, kanë ndërhyrë si banditë në familjen Kaloshi në Dibër, duke arrestuar dhe dhunuar në orën 03.00 të mengjesit disa anëtarë të kësaj familjeje.

Ata kanë goditur me gaz lotsjellës dhe janë treguar barbarë kundër grave dhe fëmijëve, duke i goditur dhe duke i ndaluar të marrin menjëherë ndihmën e shpejtë.

Arsyeja e vetme e kësaj dhune shtetërore dhe kriminale është se anëtarët e familjes Kaloshi janë kundërshtarë politikë të regjimit të Edi Ramës.

Dhuna shtetërore në Dibër organizohet nga e njëjta bandë shtetëroro-kriminale që ka dalë në përgjimet e BILD-it, duke blerë vota, duke kërcënuar dhe dhunuar qytetarët, duke penguar votën e kundërshtarëve.

Në vend që Imer Lala, Dionis Imeraj, Robert Aga dhe banditë të tjerë të ishin pas hekurave të burgut për shkatërrimin e proecit zgjedhor të Dibrës, ata janë janë të lirë dhe po organizojnë farsën e së dielës dhe dhunën shtetërore për llogari të Edi Ramës.

Imer Lala, Dionis Imeraj, Robert Aga dhe banditët me apo pa uniformë, me apo pa maska janë simbolet e Edi Ramës për 30 Qershorin në Dibër.

Qytetarët nuk pranojnë kurrë dhunën shtetërore të Edi Ramës, që për karrigen e tij, është gati të shkatërrojë gjithçka.

Shqiptarët janë gati të reagojnë si qytetarë europianë kundër instalimit të një diktature të re në Shqipëri.

Edi Rama kërkon viktima ndaj nxit konflikt me dhunën shtetërore dhe banditeske kundër qytetarëve të pafajshëm.

Por ne nuk duhet të lejojmë që asnjë fije floku i asnjë shqiptari të preket për t’i zgjatur jetën këtij regjimi në grahmat e fundit.

Partia Demokratike fton çdo qytetar të mos bjerë pre e provokimeve të Edi Ramës.

Refuzojeni Edi Ramën!

Braktiseni Edi Ramën!

Bojkotojeni Edi Ramën!

Sfidojeni dhe mos ju përkulni presionit të tij për të dalë në votimet farsë!

Filmoni, regjistroni, fotografoni dhe denonconi çdo dhunim, presion, dhunë, falsfikim, mashtrim që regjimi i tij bën.

Të bashkuar ne jemi shumica, ne jemi forca dhe garancia e ndryshimt që po vjen! /abcnews.al

paloka-1280x853.jpg
ent ela16:55 | 19/06/2019

Kryeministri Edi Rama dhe ministri i brendshëm Sandër Lleshaj arrestojnë njerezit duke e përdorur policinë si bandë. Akuzat vijnë nga selia e Partisë Demokratike. Nenkryeatri Edi Paloka deklaron se krim kryejnë të gjithë ata që shkelin Kushtetutën dhe dekretin e Presidentit të Republikës për shfuqizimin e zgjedhjeve të 30 qershorit.

Deklaratë e nënkryetarit të Partisë Demokratike, Edi Paloka

Për pushtetin personal dhe për pasurinë e tij të paligjshme, Edi Rama po tregon se është i gatshëm t’i vërë zjarrin Shqipërisë, të nxisë konfliktin civil dhe vëllavrasjen mes shqiptarëve.

Edi Rama dhe banda e tij, në paligjshmëri të plotë, po arrestojnë qytetarët për arsyen e vetme se ata po zbatojnë ligjin. Ky ligj është botuar në fletoren zyrtare nga vetë qeveria dhe është akti i vetëm në fuqi për zgjedhjet.

Duke përdorur mjetet represive të goditjes së qytetarëve dhe kundërshtarëve politikë, Edi Rama po mbron karrigen e blerë në bashkëpunim me krimin e organizuar dhe bandat në të gjithë Shqipërinë.

Kjo është arsyeja përse Edi Rama dhe Sandër Lleshaj po e përdorin sot policinë si bandë kundër popullit, në shkelje të Kushtetutës, në shkelje të ligjit dhe të dekretit të Presidentit që ka shfuqizuar 30 Qershorin.

Krim, kryen kushdo që refuzon apo ndalon zbatimin e ligjit, në rastin konkret, Edi Rama, Sandër Lleshaj dhe policët që sillen si banditë me uniformë.

Kjo i bën ata zyrtarisht dhe ligjërisht një bandë të armatosur, pa ligj e pa ligjshmëri.

Qytetarët duhet ta dinë se çdo akt dhe thirrje për 30 Qershorin e Edi Ramës dhe i Sandër Lleshaj është antikushtetues dhe i paligjshëm.

Edi Rama është i vetmi i interesuar për dhunë dhe përplasje icivle, sepse tani ai ka dalë zbuluar përpara qyetarëve dhe gjithë botës. Por plani i tij për përplasje dhe  konflikt civil në Shqipëri, do të dështojë.

Dhuna dhe kërcënimët e paligjshme ndaj popullit nuk bëjnë asgjë tjetër veçse japin alarmin e menjëhershëm që çdo qytetar të jetë në këmbë për mbrojtjen e demokracisë, rendit kushtetues, lirive dhe të drejtave të tyre.

Me këtë kushtrim dhe të vendosur për kauzën tonë, ne do të jemi të gjithë bashkë të premten në orën 20.00, në protestën kombëtare dhe qytetare për Shqipërinë si gjithë Europa.

/abcnews.al

EDI-PALOKA-ULSI-MANJA_ABC-M4-T2.mpg_snapshot_02.08-1-1280x720.jpg
ent ela23:08 | 16/05/2019

Vendimi i PD e LSI për të paraqitur kandidatë për KZAZ-të edhe pse nuk janë regjistruar si parti në zgjedhjet e 30 qershorit ka sjellë reagime. Opozita thotë se ka informacione për manipulime të procesit nga mazhoranca e prandaj e ndërmerr ketë akt. Por mazhoranca thotë se procesi zgjedhor në KQZ është mbyllur me regjistrimin e partive e kandidatëve. Kundër këtij vendimi të opozitës është shprehur edhe Astrit Patozi i Bindjes Demokratike.

Nënkryetari i PD Edi Paloka thotë se edhe pse pse opozita nuk është regjistruar në zgjedhje, ajo ka të drejtën ligjore që të ketë anëtarët e saj në KZAZ. Vendimin e mbështet tek pretendimet se opozita ka informacione për manipulim të zgjedhjeve vendore nga mazhoranca.

“E patë si u regjistrua? Edhe kur është vetëm në zgjedhje, arrin deri aty sa tenton ti manipulojë. Po mendojmë të dërgojmë komisionerët tanë në KZAZ se kemi informacione se KZAZ-të e sajuara kanë filluar që tani manipulimet. Është i vetëm, ka të gjithë komisionin dhe prapë kërkon ti manipulojë. Sa i përket partisë që përmendët, e dini kë kandidon në Kukës? Abedin Uruçi, kryetar i PS Kukës që do të garojë përballë kandidatit të PS”, u shpreh Paloka.

Por ndryshe mendon mazhoranca. Po në studion e ABC neës kryetari i komisionit të ligjeve Ulsi Manja, i konsideroi fjalë kafenesh të opozitës në rrugë pretendimet për manipulim të procesit. Juristi Manja thotë se formalisht procesi është i mbyllur në KQZ me regjistrimin e partive dhe kandidatëve që do marrin pjesë në zgjedhje

“Unë nuk dua të hyj në teknikalitete juridike. Procesi në këtë moment është ligjërisht i mbyllur. Kodi Zgjedhor ka afate për regjistrimin e kandidatëve, listave të këshilltarëve respektivë në 61 bashki”.

Kundër këtij vendimi të opozitës është edhe kreu i partisë më të re, Bindja Demokratike Ii cili përmes një statusi thotë se përpjekja për të penguar procesin zgjedhor me komisionerë drejtohet pikë së pari kundër Bindjes Demokratike, e cila duhet të ketë patjetër komisionerët e vet në atë process dhe së dyti, kundër procesit zgjedhor në tërësi. Bindja Demokratike i kërkon KQZ-së që të veprojë shpejt dhe me drejtësi për t’ua lënë zgjedhjet atyre që zgjedhin dhe zgjidhen dhe jo atyre që nuk duan të bëhen zgjedhje fare në Shqipëri.

Po cfarë parashikon Kodi zgjedhor? Për shkak se PD e LSI nuk kanë paraqitur deri tani kandidatët për 90 Komisionet Zonale të Administrimit zgjedhor, KQZ ka kryer zëvendësimin e tyre sipas ligjit. Por Kodi zgjedhor parashikon se partitë parlamentare që kanë të drejtë të paraqesin kandiddatura për KZAZ, mund të bëjnë një veprim të tillë, deri 30 ditë para zgjedhjeve dhe KQZ kryen zëvendësimin e tyre. /ABC news Albania 24/7

paloka-1280x717.jpg
ent ela11:48 | 21/03/2019

Nënkryetari i Partisë Demokratike Edi Paloka i është përgjigjur thirrjeve të policisë, e cila i drejtohet Sekretarit të Përgjithshëm Gazment Bardhi që të largojë nga protesta personat që mbajnë maska. Sipas Palokës ajo që duhet të largohet është policia, pasi sipas tij po mbron Kuvendin e krimit.

Gazetarja: Policia i drejtoi një thirrje sekretarit të përgjithshëm të PD-së zotit Gazment Bardhi për ata persona që mbajnë maska dhe i bën thirrje që t’i largojë nga protesta. E keni një reagim?

Paloka: Reagimi është që të largohet policia dhe të lirojë parlamentin që është për qytetarët. S’ka këtu, një polici që është në mbrojtje të krimit të asaj godine aty që sot brenda ka vetëm krimin dhe kjo nuk mund të jetë më polici e qytetarëve. Për më tepër me një ministër si Lleshaj që helmon qytetarët e tij dhe për më tepër me drejtorët militantë që kanë ven tani ty.

Gazetarja: A do zgjasë protesta po aq sa do zgjasë seanca?

Paloka: Protesta do zgjasë derisa të iki Rama. Nuk ka rëndësi sa do të zgjasë sot, rëndësi ka sa do të zgjasë protesta e qytezave në përgjithësi. Derisa të iki Rama nuk ka asnjë mundësi tjetër. Nuk ka asnjë reagim tjerr nga ne përveçse protestave të vazhdueshme deri në largimin e Ramës./abcnews.al

taulant-balla-1.jpg
ent ela20:44 | 14/02/2019

Spërkatja me bojë ishte e parapërgatitur thotë në studion e abc neës kreu i Grupit Parlamentar të Partisë Socialiste, Taulant Balla i cili paralajmëron se Edi Paloka nuk do të jetë më nënkryetar i Kuvendit. Balla bëri me dije se disa deputetë e deputete të opozitës kishin marrë me vete edhe flakadanë e vezë në seancën e fundit parlamentare.

“Kjo është opozita që ne kemi dhe sado që duam ta ndryshojmë nuk e ndryshojmë dot. Dua të them që akti i turpshëm i Palokës ishte i parapërgatitur. Që do të thotë jo vetëm Paloka por edhe deputetë të tjerë të PD-së, dikush me bojë, dikush me flakadanë duke përfituar nga statusi i veçantë që mbart deputeti. Duhet ta dini se ka pasur edhe vezë nga deputete të caktuara, gra të PD-së. Pra nuk ishte e rastësishme dhe e vërteta është se ishte gjithçka e parapërgatitur.

Janë gjetur dy shiringa dhe do të thotë që këta që marrin përsipër të ndërmarrin këta akte të turpshme nuk mund të jenë më përfaqësues të paktën në nivel të lartë të Parlamentit. Dhe ne kemi deklaruar sot që zotëria me emrin Edi Paloka, nuk mund të jetë më nënkryetar i Kuvendit. Ai pozicion i takon PD dhe le të sjelli kë të dojë, por ai nuk mund të jetë më. Këto pamje bëjnë xhiron e botës. Nuk ua ka borxh Shqipëria këtyre palaçove.

Kjo përpjekje e kësaj opozite është për të dëmtuar Shqipërinë dhe shqiptarinë. Sot ishte një mik i nderuar Telat Xhaferri dhe është rasti unik në botë që ke tre kryetar parlamentesh nga i njëjti komb.

Mesazh që Shqipëria për Maqedoninë ishte një mesazh jo i mirë. Paloka është një përfaqësues i paepur i rrugaçërisë në Parlament. Ky rrugaç nuk mund t’ia hedhë kaq lehtë. Në Kuvendin e Shqipërisë nuk mund të këtë persona që ngrihem dhe bëjnë akte të tilla.

Parlamenti është një sallë debati. Kodi i Etikës rregullon çdo lloj gjuhe që përdoret, pro askush dhe asnjë lloj rrugaçi si Paloka dhe Hasa  nuk duhet të lejohen të godasin.

Ata karrige që ne mbajtë aty nuk janë karriget tona personale. Ky është akt dhune dhe aktet e dhunës dënohen. Ne duhet të jemi shumë të ashpër dhe këta nuk mund të hyjnë më në Kuvend. Ky nuk ishte rast që lindi nga momenti por ishte plan i orkestruar nga Berisha dhe Basha ku donin të hidhni flakadalë, bojë dhe vezë për inspirim për protestën e ditës së shtunë”./abcnews.al

RAMA-SPIROPALI-1280x669.jpg
ent ela15:44 | 14/02/2019

Dy ditë para protestës së 16 Shkurtit, opozita e nisi nga kuvendi aksionin për largimin e Kryeministrit Rama. Edi Paloka i hodhi bojë shkrimi Kryeministrit në Kuvend, si përgjigje për talljet mbi mënyrën e të folurit të knënkryetarit të PD. Paloka u përjashtua për 10 ditë nga kuvendi, ndërsa socialistët do kërkojnë shkarkimin e tij si nënkryetar i Parlamentit.

Parlamentit ditën e enjte i doli boja.  Diksutimet, të regjistruara për projektligjin që ratifikon protokollin e antarësimit të Maqedonisë në NATO, u bënë shkasë e përplasjes.

Ishte ky momenti kur opozita vendosi se kishte duruar boll. Kreu i Kuvendit kërkoi përjashtimin nga sallaa të zëvendësit të tij në opozitë, por ky i fundit refuzoi të largohet deri në përfundim të seancës, ku socialist dhe demokratë bashkuan votat për shtetin fqinj, Maqedoninë.

Komentet për çfarë ndodhi zgjodhën t’i bëjnë jashtë parlamentit. Për një gjë bien dakort, i tillë pritet edhe 16 Shkurti. Por nëse për mazhorancën kjo tregon dhunë. Për opozitën ky është vetëm fillimi.

Byroja e Kuvendit përjashtoi nënkryetarin demokrat Edi Paloka nga punimet e Kuvendit për 10 ditë. Por socialistët kërkojnë më shumë.

Sipas rregullores së kuvendit kërkesa për shkakrimin e antarëve të organeve Kushtetuese, i shkon kreut të kuvendit e motivuar dhe me shkrim nga të paktën 28 deputetë. Më pas është Komisioni i Ligjeve ai që mbi dokumentat shoqëruese të kërkesës i propozon Parlamentit ngritjen e një komisioni hetimor për rastin./abcnews.al

SINKRON-SPIROPALI-BALLA.mpg_snapshot_00.30-1280x720.jpg
ent ela13:00 | 14/02/2019

Pas seancës ka ardhur reagimi i dyfishtë i mazhorancës ndaj gjestit të nënkryetarit të PD. Ministrja për marrëdhëniet me parlamentin Spiropali e konsideroi gjest turpërues për vendin, në prani të kryeparlamentarit maqedonas, ndërsa kreu i grupit parlamentar socialist Taulant Balla, tha se do kërkohet shkarkimi i Edi Palokës si nënkryetar i Kuvendit.

Spiropali: “Fjalimi i kryetarit të opozitës nuk ishte për aderimin e Maqedonisë së Veriut në NATO, por fjalimi i tij ku nuk la gjë pa thënë për shqiptarët, jo për qeverinë. Opozita protestën e të shtunës do ta kthejë atë bojë në zjarr për të djegur Shqipërinë dhe në besojmë që sa herë Shqipëria i ka punët mirë, sa herë rajoni dhe faktori shqiptar forcohet, opozita gjen një mënyrë për të turpëruar Shqipërinë në sytë e botës”.

Balla: “Grupi parlamentar i PS nuk mund të tolerojë më që në pozicion e nënkryetarit të Kuvendit për pozicionin që i takon opozitës të lejojë të vazhdojë të jetë zoti Paloka. Në seancën e ardhshme ne do të depozitojmë kërkesën për shkarkimin e zotit Paloka nga posti i nënkryetarit të Kuvendit.

Nuk i takonte Shqipërisë dhe shqiptarëve ky turp që i shkaktuan imazhit të Shqipërisë po të kemi parasysh rolin shumë të rëndësishëm që ka Shqipëria në rajon dhe marrëdhënien e veçantë me Maqedoninë”. /abcnews.al

PLANE-PARLAME-00001.mpg_snapshot_00.23-1280x720.jpg
ent ela11:50 | 14/02/2019

Garda e Republikës dhe Policia e Shtetit kanë nisur hetimet dhe penal kundër nënkryetarit demokrat  Edi Paloka, pas incidentit të ndodhur në Kuvend, ku ky i fundit i hodhë bojë kryeminsitrit Edi Rama.

Deklarata e Gardës së Republikës dhe Policisë së Shtetit

Sot, në sallën e seancave të Kuvendit të Shqipërisë, deputeti Edi Paloka ka sulmuar me një solucion kimik të parapërgatitur Kryeministrin e Shqipërisë, z. Edi Rama.

Garda e Republikës me mbështetjen e strukturave të specializuara të Policisë së Shtetit ka nisur hetimet e menjëhershme për agresionin e kryer në sytë e të gjithëve dhe gjithashtu procedimin penal kundër shtetasit Edi Paloka. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono