palmer

PALMER-VUCIC-TELEFONATA-ABC-M4-T2.mpg_snapshot_00.14-1280x720.jpg
ent ela15:40 | 17/09/2019

Një bisedë serioze që i hap rrugë një takimi brenda një kohe të shkurtër. Në këtë mënyrë presidenti i Serbisë Aleksandër Vuçiç komentoi bisedën telefonik me të dërguarin special Metju Palmer.

Presidenti serb, Aleksandër Vuçiç, ka thënë se biseda e tij me të dërguarin për Ballkanit të SHBA, Mathew Palmer,  ka qenë serioze dhe beson tek takimet me të. Vucic, pas një bisede telefonike më të emëruarin e Uashingtonit, do të takohet në dhjetë ditët e ardhshme. Nuk ka thënë se nëse ka folur për vazhdimin e bisedimeve, por beson se do të ketë shumë gjëra për të folur.

Presidenti serb ka komentuar bisedën gjatë një vizite tek familjet e viktimave serbë të luftës së Kosovës.

“Ka qenë një bisedë shumë serioze dhe e mirë. Mbetet të shihet nëse do të takohemi në Nju Jork ose këtu, por gjithsesi do të takohemi kudo që të jetë e mundur. Kemi shumë për të diskutuar dhe jo vetëm për Kosovën, por për tërë rajonin”.

Ka thënë se megjithatë do të luftoj për interesat e serbëve, por zgjidhja nuk është afër dhe nuk mund të jetë ashtu siç besojnë serbët.

“Jemi larg nga zgjidhja, puna jonë është që të luftojmë për realizimin e interesave tona, por duhet të kuptojmë që nuk do të jetë ashtu si duam ne. Në marrëdhëniet ndërkombëtare nuk ka shatërvan dëshirash dhe nuk mund të pretemndosh që gjërat të shkojnë vetëm si duam ne”.

Mathew Palmer dhe Vuçiç pritet të takohen për të diskutuar mundësinë për rifillimin e bisedimeve me Kosovën. Diplomati amerikan nuk ka qenë për vizitë që prej se është emëruar si i dërguar për Ballkanin. /ABC News Albania 24/7

 

palmer-vucic.jpg
ent ela10:08 | 17/09/2019

Mediat serbe raportojnë se presidenti serb, Aleksandar Vuçic, ka zhvilluar një bisedë telefonike me të dërguarin special të SHBA-së për Ballkanin Perëndimor, Metju Palmer. Kreu I shtetit serb theksoi se vendi I tij do të angazhohet për një kompromis të vërtetë dhe të qëndrueshëm në raport me Kosovën.

Ai shtoi se ky kompromis do të ruajë interesat kombëtare të serbëve dhe Serbisë.

Gjatë bisedës u ra dakord se paqja dhe stabiliteti në Ballkanin Perëndimor janë thelbësore për përparimin politik e ekonomik të të gjithë rajonit. /ABC News Albania 24/7

palmerbled1-830x553.jpg
ent ela12:40 | 04/09/2019

Ministri i jashtëm i Serbisë Ivica Daçiç duke iu drejtuar Metju Palmer gjatë samtiti në Slloveni, i tha ndër të tjera se ai ishte nga vendi i cili ishte dhe bashkëshortja e tij, pra nga Serbia.

Ministri i Jashtëm i Serbisë, Ivica Daçiç bën batutën e radhës, këtë herë në një takim me përfaqësuesin special amerikan për Ballkanin, Metju Palmer dhe me kryediplomatin kosovar, Behgjet Pacolli, në Bled të Sllovenisë.

Daçiç foli për bashkëshorten e Palmerit, e cila është serbe. “Kur bëhet fjalë për Metju, ne e njohim njëri-tjetrin për shumë vite dhe nuk pres asgjë nga ai, por shumë nga gruaja e tij, e cila ka prejardhje nga ky rajon”, deklaroi Daçiç, teksa ky deklarim i tij shkaktoi të qeshura te të pranishmit në sallë.

“Një fjalë e urtë e jona thotë se ‘nga vjen gruaja juaj, andej vini edhe ju’”, u shpreh Daçiç, si të thuash shprehjen shqiptare shumë të njohur ‘nga fshati i gruas’. /ABC News Albania 24/7

IDRO-DIALOGU-ABC-M5-T2.mpg_snapshot_00.24-1280x720.jpg
ent ela10:24 | 04/09/2019

Serbia i ka kthyer sytë nga Shtetet e Bashkuara të Amerikes për dialogun me Kosovën. Beogradi zyrtar ka mirëpritur emërimin e Methju Palmer si të dërguar të Uashingtonit për Ballkanin dhe gjithashtu deklaratat e këtij të fundit për njohje të ndërsjellë dhe kthimin e palëve në tryezën e bisedimeve.

Serbia i bazon shpresat e saj tek Amerika. Emërimi për të dërguar për Ballkanin i Mathew Palmer, i tregon Beogradit se cështja e Kosovës nuk është mbyllur. Përvec këtij vendimi, Beogradin dhe Prishtinën pritet ta vizitojnë dy kongresmenë amerikan gjatë javës. Deklarimet e Palmer për marrëveshje dhe njohje të ndërsjellë nuk kanë krijuar tension, por shihen si mundësi për kthim në tavolinën e bisedimeve. Në kryeqytetin serb besohet se është duke u përgatitur një format i ri bisedimesh. Analisti Marko Savkovic, thotë se është pritur një presion më i madh për zgjidhje në vjeshtë, por afatet kohorë që kanë qenë për zgjidhje deri në fund të vitit duket se janë shtyrë.

Marko Savkoviç: “Shenja e parë që jemi duke ecur drejt marrëveshjes do të ishte kërkesa e shteteve te Kuintit që Serbia dhe Kosova të ndërpresin bllokadën e tyre. Kjo është edhe kërkesë e Amerikës dhe kjo do ta bënte të qartë se gjërat kanë lëvizur”.

Dushan Janjic, drejtues i forumit për marrëdhëniet ndëretnike, thotë se kjo nënkupton një formë të re të dialogut. Por, për këtë vit është e vështirë se do të ketë ndonjë progres.

Dushan Janjiç, Forumi për Marrëdhënie Ndëretnike: “Nuk e kemi të qartë se kush do të jenë negociatorët. Palmer e shoh pjesë të një formati të ri nga përfaqësuesit e Kosovës dhe Serbisë, por edhe të BE-së dhe përfaqësues në nivel politik në dialog, pasi më dialog teknik nuk ka”.

Serbinë e ka pritur mirë deklaratën e përfaqësuesit amerikan për kthim në tavolinën e bisedimeve, por kusht e ka heqjen e taksës nga Kosova. /ABC News Albania 24/7

PALMER-NE-FORUMIN-E-BLED.mpg_snapshot_00.09-1280x720.jpg
ent ela08:55 | 04/09/2019

Shtetet e Bashkuara të Amerikës mbështesin çeljen e negociatave në Tetor për Shqipërinë dhe Maqedoninë e Veriut në Bashkimin Europian. Qëndrimi vjen nga i dërguari i posaçëm i Departamentit të Shtetit për Ballkanin Perëndimor Methju Palmer, gjatë fjalës së tij në Forumin Strategjik të Bledit, në Slloveni.

“Kjo është detyra ime, të jem i pranishëm, të udhëtoj përqark Europës e të bashkëpunoj me aleatët tanë, për të arritur qëllimin parësor, që është integrimi i Ballkanit në Bashkimin Europian. Kjo është thelbësore për SHBA-të, për angazhimin amerikan në rajon. Disa nga objektivat më të mëdhenj janë, të ndihmojmë Maqedoninë e Veriut dhe Shqipërinë të sigurojnë çeljen e negociatave me BE në Tetor.”

Zv/ndihmës Sekretari Amerikan i Shtetit foli edhe per dialogun mes Kosovës dhe Serbisë, duke u bërë thirrje të dyja palëve të bëjnë një hap pas nga kushtet e tyre dhe te vazhdojne ne tryezen e negociatave.

Për  Prishtinën zyrtari amerikan perseriti thirrjen per pezullimin e taksës 100% ndaj importeve serbe. Po ashtu Methju Palmer i kërkoi Beogradit të ndalojë fushatën ndërkombëtare për tërheqjen e njohjeve ndaj Kosovës. /abcnews.al

6ADCDE3F-E92F-4789-A5F7-A06A834E053B_w1023_r1_s.png
Sej rie22:30 | 01/08/2019

Në një intervistë për Zërin e Amerikës, Matthew Palmer, Zëvendësndihmës Sekretar i Shtetit për Çështjet e Evropës dhe Euroazisë, tha se nëse zgjedhjet duhet të përsëriten ose jo, ky është një vendim që i takon gjykatës ta marrë dhe jo Shteteve të Bashkuara. Zoti Palmer foli me korrespondenten e shërbimit në gjuhën serbe, Jovana Djurovic, edhe për çështje të tjera të Ballkanit, si bisedimet Kosovë-Serbi.

Zëri i Amerikës: Departamenti i Shtetit sapo ka identifikuar Vangjush Dakon, kryetarin e bashkisë së Durrësit, për korrupsion të konsiderueshëm dhe i ndalon atij dhe familjes hyrjen në SHBA. Nga ana tjetër, Kryeministri Rama vazhdimisht e ka mbrojtur atë, të paktën deri para një muaji. Çfarë ju thotë kjo për qeverisjen e Kryeministrit Rama?

Matthew Palmer: Mendoj se çështja këtu për Shtetet e Bashkuara është se kemi pasur dëshmi të forta në lidhje me aktivitetet e korrupsionit nga ana e zotit Dako. Dhe ne kemi autoritetet që janë të nevojshme për të ndërmarrë veprime në përgjigje të kësaj. Do të shpresoja që ky veprim të demonstronte angazhimin e Shteteve të Bashkuara për të luftuar kundër korrupsionit dhe për të ndërmarrë veprime atje ku ka prova të forta dhe bindëse të praktikës korruptive. Ky është një autoritet që ne e kemi. Është një autoritet që ne me siguri nuk kemi frikë ta përdorim. Dhe është një autoritet që ne besojmë se mund të kontribuojë në procesin e luftimit të korrupsionit publik në Shqipëri dhe gjetkë.

Zëri i Amerikës: Ç’farë ju tregon kjo për qeverisjen e Kryeministrit Rama?

Matthew Palmer: Nuk mendoj se e shohim këtë si çështje të qeverisjes së Kryeministrit. Ne e shohim këtë si një çështje se si Shtetet e Bashkuara reagojnë ndaj sfidës së praktikës korruptive nga ana e atyre që janë në pozitën e besimit publik.

Zëri i Amerikës: Në Shqipëri, Partia Socialiste ka kontrollin e Parlamentit, të degës ekzekutive dhe tani, pas zgjedhjeve të qershorit, edhe bashkitë. Pra, në mungesë të gjykatave më të larta në vend, nuk ka asnjë institucion që mund të kontrollojë Kryeministrin Rama në ushtrimin e pushtetit të tij. A jeni i shqetësuar se qeveria e zotit Rama po kthehet në autokrate?

Matthew Palmer: Ajo që na shqetëson është se nuk ka Gjykatë të Lartë. Ne do të dëshironim që gjykata të konstituohej. Mendojmë se është shumë e rëndësishme që çdo sistem të ketë kontrollet dhe ekuilibrat e duhur, në mënyrë të ketë përgjegjshmëri, transparencë dhe respek për sundimin e ligjit. Ne ia kemi shtruar këto çështje Kryeministrit Rama, siç kemi bërë me paraardhësin e tij dhe si ç’do të bëjmë edhe me pasardhësin e tij. Kjo është shumë e rëndësishme për Shtetet e Bashkuara, është e rëndësishme për Shqipërinë dhe për popullin shqiptar. Është gjithashtu e rëndësishme për rajonin.

Zëri i Amerikës: Ju përmendët Gjykatën e Lartë. SHBA ka investuar në reformën në drejtësi në Shqipëri dhe tani, pas tre vjetësh, vendi nuk ka Gjykatë Kushtetuese apo të Lartë. Opozita është jashtë institucioneve dhe shumë thonë se SHBA kanë zgjedhur stabilitetin mbi demokracinë duke mbështetur kryeministrin Rama. Si u përgjigjeni atyre kritikëve?

Matthew Palmer: Ne nuk po mbështesim kryeministrin Rama. Shtetet e Bashkuara nuk po mbajnë anë në mosmarrëveshjet politike të Shqipërisë. Ajo që ne po mbështesim është sundimi i ligjit, mbështesim institucionet shqiptare. Dhe ne do të dëshironim që mosmarrëveshjet politike në Shqipëri të zgjidheshin përmes këtyre institucioneve e jo përmes ndërhyrjeve nga jashtë.

Zëri i Amerikës: OSBE-ja e di se zgjedhjet e 30 qershorit u mbajtën pa marrë parasysh interesin e elektoratit. Opozita vendosi të mos marrë pjesë, por zgjedhjet u mbajtën gjithsesi. Votuesit mund të mos kenë patur një zgjedhje domethënëse midis opsioneve politike. Pra, a duhen përsëritur zgjedhjet lokale?

Matthew Palmer: Kjo varet në të vërtetë nga institucionet shqiptare. Apo jo? Dhe pikërisht për këtë arsye ne do të donim që Gjykata e Lartë të ngrihej, e përbërë nga gjyqtarë që kanë kaluar procesin e duhur të verifikimit. Ajo gjykatë do të ishte pikërisht në gjendje t’i përgjigjej asaj pyetjes. Nuk u takon Shteteve të Bashkuara që ta gjykojnë atë çështje. I takon Gjykatës së Lartë të Shqipërisë ta marrë atë vendim.

Zëri i Amerikës: Po, por edhe SHBA kishin vëzhguesit e tyre në zgjedhje. Pra, bazuar në këtë fakt, mendoni se zgjedhjet duhet të përsëriten?

Matthew Palmer: Unë mund t’ju them se vëzhguesit tanë panë dhe ndoqën nga shumë afër atë që dëgjuam nga Misioni Monitorues i OSBE-ODIHR-it, pra që zgjedhjet dhe procesi aktual i votimit u zhvilluan kryesisht në mënyrë të përgjegjshme dhe transparente, por procesi i përgjithshëm i mohoi popullit të Shqipërisë një alternativë kuptimplote. Pra, ekzistojnë shqetësime dhe rezerva reale në lidhje me vetë zgjedhjet, siç artikulohen nga OSBE-ja. Përsa i përket se cilat janë përgjigjet e duhura ndaj kësaj, ne do dëshironim ta shihnim këtë të dilte nga institucionet shqiptare.

palmer-1.jpg
ent ela12:40 | 12/06/2019

Zëvendës-ndihmës sekretari i Shtetit të Amerikës, Matthiew Palmer, ka thënë se NATO ka intervenuar 20 vjet më parë ushtarakisht pas shterimit të përpjekjeve diplomatike.

“Si intervenim ka qenë mundësia e fundit për ta gjunjëzuar regjimin e Millosheviqit për të ndalë shkatërrimet në këtë vend. Qëllimi ka qenë i qartë. Në këtë përvjetor solemn kujtojmë shumë ushtarë. Qytetarët e Kosovës kanë dëshmuar se mund të jenë partner i komunitetit ndërkombëtar”, ka thënë Palmer nga ceremonia e shënimit të 20 vjetorit të çlirimit të Kosovës.

Por nga fjalimi tij ai ka folur për marrëveshjen e mundshme me Serbinë.

“Tash nuk jemi të kthehet pas ora sa i përket pavarësisë së Kosovës. Kosova është e pjekur mjaftueshëm tani për të shërbyer në demokraci. Në 20 vjetorin e fundit të luftës, tani ju sfidojë sot që të parashihni një të ardhme më të ndritur. SHBA-të do të jenë në anën tuaj, por ditët sot kanë kaluar kur SHBA dhe BE do të futen nën krahun tuaj dhe të marrin vendime dhe mos tua lënë këtë gjë qytetarëve dhe liderëve të Kosovës”.

“Liderët duhet të synojnë të kenë në cak sfidat për të krijuar stabilitet energjetik dhe ku ndërmarrësit e rinj mund të veprojnë. Prishtina dhe Beogradi duhet të punojnë bashkë në emër të të gjitha viktimave dhe të gjejnë të zhdukurit. Nga ata duhet të përjashtohen retorikat nacionaliste”.

“SHBA qëndron pranë Kosovës për të inkurajuar përparimin, por Kosova duhet të intensifikojë përpjekjet e saj për një marrëveshje me Serbinë me njohje të dyanshme dhe kjo do të ndalonte të gjitha kontestimet ku do të largoheshin të gjitha barrierat”.

Zëvendës-ndihmës sekretari i Shtetit të SHBA-së, Matthew Palmer, në fjalimin e tij në 20 vjetorin e çlirimit të Kosovës, ka thënë se është koha që Kosova dhe Serbia të arrijnë pajtimin.

“Kosova dhe Serbia gjithnjë do të jenë fqinjë dhe shumë të ngushtë dhe të dy vendet duhet ta zhbllokojnë të ardhmen evropiane. Nuk ka kohë më të përshtatshme se tash për ta bërë këtë”, ka thënë Palmer, njofton Klan Kosova.

“Maqedonia dhe Greqia arritën pajtimin dhe harruan konfliktet e së kaluarës. Duhet të kërkohet qëndrueshmëri dhe të përsëritet dhe të zhduken pengesat”.

“Gjithkush do të humbë nga bllokimi. Shfrytëzoni mundësinë e një të ardhme më të mirë”.

klankosova

PALMER-PER-MEDIAT-SERBE-1280x720.jpg
ent ela11:20 | 11/06/2019

Në një deklaratë për mediat serbe menjëherë pas përfundimit të vizitës së tij në Beograd, zv.ndihmësi Sekretar Amerikan i shtetit Metju Palmer u shpreh se Prishtina është autonome në marrjen e vendimeve.

Zëvendësndihmës-sekretari amerikan i Shtetit, Matheë Palmer,  ka deklaruar në Beograd  se Shtetet e Bashkuara mbështesin dialogun për normalizimin e marrëdhënieve ndërmjet Beogradit e Prishtinës, të drejtuar nga Bashkimi Evropian. Sikurse transmeton Tv Klan Macedonia, pas bisedimeve me presidentin serb Alekandar Vuçiç, Palmer në një prononcim për median serbe ka lënë të kuptohet se administrate amerikane është e interesuar për heqjen e tarifave për mallrat serbe të vendosura nga Qeveria e Kosovës, por se Uashingtoni nuk mund ta detyrojë Prishtinën që ta bëjë këtë.

“Mendoj se ideja që  shumëkush e ka në Beograd se Shtetet e Bashkuara të Amerikës thjesht mund ta detyrojnë Prishtinën që të marrë ndonjë vendim është e pavërtetë dhe e pandershme për Kosovën. Ajo ka politikën e vet dhe merr vendimet e veta në mënyrë autonome. Shtetet e Bashkuara kanë njëfarë ndikimi  të cilin po mundohemi ta shfrytëzojmë me konstruktivitet, mirëpo Beogradi për rrugën e përparimit duhet të bisedojë me Prishtinën e jo me Uashingtonin”- ka deklaruar Palmer për agjencinë serbe të lajmeve FoNet. Me këtë rast ai ka shpjeguar se për administratën amerikane nuk është me rëndësi se ku do të mund të firmosej një marrëveshje gjithpërfshirëse mes Beogradit dhe Prishtinës – në Bruksel, Uashington ose ‘në anën e errët të Hënës” – është shprehur Zëvendësndihmës-sekretari amerikan i Shtetit duke bërë të ditur se përveç Beogradit dhe Prishtinës do të vizitojë edhe Sarajevën. /ABC News Albania 24/7

palmer-n1.jpg
ent ela12:50 | 10/06/2019

Zëvendës-ndihmës Sekretari Amerikan i Shtetit, Metju Palmer, në përfundim të takimit me Presidentin serb Vuçiç në Beograd u shpreh se Kosova duhet të heqë taksën e vënë ndaj produkteve serbe. Sipas tij ajo është pengesë për dialogun Prishtinë – Beograd, në rrugën e tyre drejt BE-së.

Sipas mediave serbe, Palmer ka theksuar se Uashingtoni kërkon heqjen e kësaj tarife. Zyrtari amerikan shtoi se Samiti i Pairisit i cili është caktuar të mbahet me 1 korrik do të jetë konstruktiv dhe do t’i çojë “Prishtinën dhe Beogradin drejt marrëveshjes së normalizimit të marrëdhënieve”.

Presidenti i Serbisë, Aleksandar Vuçiç nga ana e tij u shpreh se me Palmer bisedoi për dialogun e bllokuar me Kosovën. Vucic theksoi se qëndrimet mbeten të ndryshme pasi SHBA mbështet pavarësinë e Kosovës, kurse Serbia e konsideron si pjesë të saj.

Ai po ashtu është ankuar për taksën ndaj mallrave serbe.

“E kam njoftuar se nuk është e vërtetë se Serbia ka shfrytëzuar taksën për të bllokuar dialogun me Kosovën. Nëse nuk jeni në gjendje të transportoni një biskotë te një shtet tjetër, ku është kuptimi të bisedoni me ta”, shtoi ai.

“I jam mirënjohës SHBA-së për mbështetjen e ofruar për rrugëtimin evropian të Serbisë. Më tepër kemi biseduar për Kosovën, por raportet tona janë të mira dhe mund të përmirësohen edhe më shumë”, theksoi ndër të tjera Vuçiç. /ABC news Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono