palestinezët

arrestohen-palestinezet.jpg
nev ila17:30 | 07/01/2020

Dy palestinezë, që kishin ardhur si azilante në vendin tonë,  janë ndaluar nga policia në Tiranë, të akuzuar për vjedhje. Nga hetimet rezultoi se këta shtetas janë autorë të 4 vjedhjeve në banesa e lokale, që kanë ndodhur gjatë ditëve të para të janarit.

Në ditët e para të 2020 në drejtorinë e Policisë u raportuan si të vjedhura disa dyqane në qendër të kryeqytetit.

Nga këqyrja e pamjeve filmike rezultuan se autorë ishin tre shtetas me origjinë Palestineze, të cilët qëndrojnë në vendin tonë me statusin e azilkërkuesit.

I pari që ra në pranga ishte Yassine Lëali, 26 vjeç, ndërsa pak orë më pas u kap Osmane Ellabasi 24 vjeç, të dy të lindur në Palestinë e banues në Tiranë. Miku i tyre 18-vjeçar po hetohet në gjendje të lirë nga policia.  

Vetëm ditën e hënë tre personat nën hetim sipas njoftimit të policisë, kanë kryer tre grabitje. Konkretisht në një dyqan, në Rrugën e Durrësit, kanë vjedhur rroba të ndryshme. Në rrugën e Kavajës kanë grabitur një farmaci dhe në zonën e ish-Bllokut kanë vjedhur aparat celular dhe një portofol.

Operacioni për prangosjen e  palestinezëve u krye nga Komisariati nr.3, ndërsa po hetohen edhe persona të tjerë të përfshirë në grabitje të cilat kanë mbetur pa autor./abcnews.al

 

izrael-banesat-1280x585.jpg
ad min21:14 | 22/07/2019

Izraeli ka nisur shembjen e disa banesave palestinezëve në një zonë autonome në Jeruzlaemin lindor me arsyetimin se përbëjnë kërcënim për sigurinë e vendit. Organizata e kombeve të bashkuara kërkoi ndërprerjen e menjëhershme të shembjeve të banesave

Kanë nisur shembjet nga ana e Izraelit të 13 ndërtesave palestinezëve në rajonin e Zur Baher, pranë vijës ndarëse me zonat autonome palestineze, në Jeruzalemin lindor. Autoriteti I lartë palestinez ka kërkuar ndërhyrjen ndërkombëtare pasi bëhet fjalë për zona të cilave iu njihet autonomia kombëtare nga marrëveshja e Oslos. Sipas mediave palestineze, Izraeli po përpiqet të krijojë në atë zonë një korridor neutral mes Jeruzalemit lindor dhe Betlehemit.

Shkatërrimet janë autorizuar nga gjykata e lartë izraelite. Për Izraelin bëhet fjalë për ndërtime të paligjshme që përbëjnë një kërcënim ndaj sigurisë së vendit.

Në një deklaratë të shkurtër për mediat, organizata e kombeve të bashkuara ka kërkuar ndërprerjen e menjëhershme të shembjes së banesave.

AMBASADA-VRASJET-1280x720.jpg
ent ela18:29 | 14/05/2018

Të paktën 43 palestinezë janë vrarë dhe mbi 2.200 të tjerë janë plagosur nga forcat izraelite të sigurisë, në atë që njihet si dita më e zezë e dhunës që prej luftës së vitit 2014 në Gaza. Aktet e dhunës erdhën pasi Shtetet e Bashkuara përuruan ambasadën e tyre në Jeruzalem, një lëvizje që ka acaruar palestinezët.

Ata e shohin këtë akt si mbështetje të pastër që Amerika po i ofron sundimit izraelit në të gjithë qytetin, pjesën lindore të të cilit palestinezët e konsiderojnë të tyren. Por presidenti Donald Trump e përshëndeti ceremoninë e përurimit përmes një video-mesazhi. “Izraeli është një vend sovran që gëzon të drejtën të përcaktojë kryeqytetin e tij, por për shumë vite ne dështuam të tregonim atë që ishte mëse e qartë”, deklaroi Trump.

Shtetet e Bashkuara, vijoi presidenti, mbeten të angazhuara të lehtësojnë procesin e paqes mes palëve. Por në vijën kufitare palestinezët gjuajtën gurë dhe bomba molotov, ndërsa ushtria izraelite përdori snajpera dhe u vuri zjarrin gomave të makinave për të penguar avancimin e tyre.

Ministria e Shëndetësisë, e drejtuar nga lëvizja islamike e Hamasit, ka deklaruar se mes viktimave ka edhe fëmijë.

Nga ana e tij, Izraeli ka deklaruar se protestuesit synonin të kalonin kufirin dhe të sulmonin komunitetin izraelit. Autoritetet e shtetit hebre kanë nënvizuar se rreth 40 mijë palestinezë morën pjesë në protestat e dhunshme, në 13 lokalitete përgjatë kufirit në Rripin e Gazës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono