padia

kzaz-ne-kavaje.jpg
ent ela16:52 | 19/06/2019

Bashkia e Rrogozhinës ka paditur sot në prokurorinë e rrethit gjyqësor Kavajë, KZAZ-në nr 43 si dhe Komisionin Qendror të Zgjedhjeve.

Shkresa e dërguar në organin e akuzës është firmosur nga kryetari i kësaj bashkie Beqir Nuredini, i cili i përket PDIU-së.

Në dt.15 qershor të këtij viti, kryebashkiaku Nuredini i dërgoi një kërkesë KQZ dhe KZAZ të lirojë ambientet e Pallatit të Kulturës duke u bazuar në dekretin e Presidentit për anulimin e zgjedhjeve të 30 qershorit.

Lirimi i ambienteve nuk është kryer duke detyruar Nuredinin t’i drejtohet organit të Akuzës. /ABC News Albania 24/7

KRONIKE-KOLEGJI-ZGJEDHOR.mpg_snapshot_00.21-1280x720.jpg
ent ela17:00 | 06/06/2019

Kolegji Zgjedhor rrëzoi kërkesën e PD-së dhe LSI-së për të pasur anëtarë në Komisionet Zonale të Administrimit Zgjedhor në zgjedhjet lokale të 30 qershorit. Të njëjtin vendim kishte marrë më hereët edhe Komisioni Qendrori i Zgjedhjeve.

Partia Demokratike dhe Lëvizja Socialiste për Integrim nuk do të kenë komisionere në Komisionet Zonale të Administrimit të Zgjedhjeve, në zgjedhjet e 30 qershorit. Kolegji Zgjedhor rrëzoi padinë e bërë nga dy partitë kryesore të opozitës. Kolegji vendosi që këtë padi ta dokumentonte si një të vetme, veprim i cili u përshëndet nga sekretari i Çështjeve zgjedhore në PD, Ivi Kaso. Pas përfundimit të seancës Kaso u shpreh për mediat se Kolegji nuk kishte asnjë prove për të rrëzuar kërkesën.

PD dhe LSI paraqiten Padi në kolegjin zgjedhor pasi Komisioni Qëndror i Zgjedhjeve rrëzoi kërkesën e tyre për të pasur komisionerë në KZAZ. KQZ e kishte rrëzuar kërkesën me arsyetimin se Partia Demokratike dhe Lëvizja Socialiste për Integrim i nuk jane regjistruar si subjekte pjesëmarrëse në këto zgjedhje. /ABC News Albania 24/7

PROVOKACIJA-30-PRILL-MONOLOGU-AGRON-TUFA-PJESA-1.mpg_snapshot_14.47-1280x720.jpg
ent ela20:58 | 30/04/2019

Drejtori i Institutit të krimeve të Komunizmit Agron Tufa ka sqaruar në studion e Provokacijas se i është drejtuar studios ligjore për të gjitha fyerjet, ofendimet, shpifjet dhe kërcënimet kundrejt grupit të PS dhe Kuvendit të Shqipërisë.

Nano: Polemika, ti ke berë dhe padi?

Tufa: I jam drejtuar studios ligjore për të më përfaqësuar për fyerjet dhe ofendimet, shpifjet, kërcënimet dhe fryma  e linçimit publik.

Nano: Polemika erdhi nga të dy anët.

Tufa: “Historian enverist nuk është fyerje, reagimi im është gjithnjë mbrojtës. Unë nuk kam sulmuar asnjëherë edhe këtë herë u sulmova nga salla e parlamentit dhe 26 herë shpërpjestimi ishte i llahtarshëm dhe mua për t’u dhënë përgjigje atyre mu desh të mos merresha me asgjë dhe t’u jepja përgjigje gjithë asaj trasheje të kuqe, e rubrika me letra të popullit. Unë një kriminel gjakatar i burgjeve të komunizmit dhe i lejon një faqësh, dy dhe lodheshin e fusnin  intermexo Edmond Cajën dhe kjo mu duke e pamerituar se gjithçka ishte gënjeshtër dhe kjo është yshtje popullore. Pra kemi një psikozë masive ndaj një personi, i cili nuk është anatër i asnjë partie, sheh punën e vet me përdisshmëri të ngarkuar. Unë nuk i kam fyer, por kur shoh që sulen me shpifje  shumë të ulëta më nxitin duke i dhënë dokumentin kresë”.

Tufa theksoi se sot është dërguar ankesa te komisionieri i diskriminimit kundrejt grupit të PS dhe Kuvendit të Shqipërisë për mbrojtje dhe respektim standardi.

“Unë tani kam një përfaqësim ligjor jam qetësuar dhe sot sa është dërguar ankesa te komisionieri i diskriminimit kundrejt grupit të PS dhe Kuvendit të Shqipërisë dhe kam kërkuar mbrojtje dhe të zbatohet me përpikmëri standardi meqë po na kërkojnë standardet e duhura për në BE, të na garantojnë një farë standardi. E kërkova dhe nuk ma ofruan. por gjithsesi”.

Sipas tij dy tumoret që ka Shqipëria st janë enveristët dhe ish oficerët e sigurimit të shtetit.

“E kam fjalën për segmentin enverist që s’ka lidhje me socialistët. Unë përdor vetëm termin enverist për ata që janë të pandryshueshëm. Enveristët kërcënojnë demkracinë, bëjnë trysni dhe parlamentit dhe kryeministri po e ha presionin e tyre dhe s’kanë asgjë të përbashkët me anëtarët e partisë. Dy tumoret e shqipërisë sot: enveristët 1 dhe ish-oficerët e siguimit të shtetit të montuar në mënyrë të dendur”. /abcnews.al

 

RAMA-basha-rruga-e-kombit-1280x543.jpg
ent ela14:00 | 10/04/2019

Dhoma Civile e Gjykatës së Tiranës kaloi për gjykim padinë e kryeministrit Edi Rama ndaj Lulzim Bashës. Ky i fundit ka shkruar në Facebook se Rama po mbron kupolën e Policisë së Shtetit, si dhe po fabrikon prova për çështjen “Babale”.

Seanca u zhvillua paraditen e 10 prillit. Rama dhe Basha nuk ishin të pranishëm në sallë, duke u përfaqësuar nga avokatët e tyre.

Mësohet se gjatë seancës, mbrojtja e kryeministrit Rama ka kërkuar dëmshpërblim me vlerën 1 milion lekë të reja. Ndërsa gjyqtari i çështjes, Flamur Kapllani, caktoi një ekspert IT për të parë nëse ekzistojnë linqet e portaleve ku janë postuar deklarimet e Bashës. Këto deklarime janë marrë si provë nga avokatët e Ramës. Seanca e radhës u la më datën 22 maj. /abcnews.al

GJONAJ-SINKRON-ABC-M5T1.mpg_snapshot_00.00-1280x720.jpg
ent ela13:42 | 10/04/2019

Vetëm javën e shkuar Policia e Shtetit ka evidentuar shtatë vepra penale për korrupsion dhe shpërdorim detyre dhe ka dërguar procedim penal 11 persona. Shifrat u bënë publike nga Ministrja e Drejtësisë Etilda Gjonaj e cila bëri të ditur gjithashtu se Shërbimi i Kontrollit të Brendshëm të Burgjeve ka dërguar në Prokurorinë për shpërdorim detyre drejtorin e Institutit të Ekzekutimit të Vendimeve Penale në Vlorë dhe gjashtë punonjës. /abcnews.al

 

Deklarata e plotë:     

Jam këtu përpara jush në këtë raportim të përjavshëm, lidhur me masat dhe rezultatet e punës së strukturave të luftës kundër korrupsionit në administratën publike.

Task Forca Ndërinstitucionale Antikorrupsionka vijuar me inspektime dhe kontrolle në institucione e administratës publike dhe zyrat që ofrojnë shërbime ndaj qytetarëve.

Trupa e inspektorëve të Task Forcës Antikorrupsion ka ushtruar kontroll administrativ dhe ligjor në Qendrën Kombëtare të Cilësisë Sigurisë dhe Akreditimit të Institucioneve Shëndetësore (QKCSAISH), Tiranë, lidhur me respektimin e parashikimeve ligjore në procedurat e akreditimit të institucioneve shëndetësore, si dhe të vlerësimit të standardeve të paracaktuara të cilësisë dhe sigurisë që duhet të sigurohen nga këto institucione.

Nga kontrolli janë evidentuar shkeljet në vijim;

  • Parregullsi dhe mangësi në mbajtjen dhe evidentimin e dokumentacionit ligjor në mospërputhje me respektimin e parashikimeve ligjore në procedurat e akreditimit të institucioneve shëndetësore;
  • Institucioni gjatë kësaj peridhe ka kryer përpjekje minimale për nxitjen dhe ndërgjegjësimin e institucioneve shëndetësore për të filluar dhe finalizuar procedurën ligjore të akreditimit apo arritjen/mbajtjen e standardeve shëndetësore të miratuara nga Ministria e Shëndetësisë të ofrimit të shërbimit shëndetësor për qytetarët;
  • Vizitat e mbikëqyrjes së akreditimit, nuk kryhen rregullisht, periodikisht çdo një vit pas akreditimit, sipas parashikimit ligjor të detyrueshëm, qëllimi i të cilit është vlerësimi i vazhdueshmërisë së plotësimit të standardeve për akreditim, në kundërshtim kështu më legjislacionin në fuqi.

Në përfundim të kontrollit janë rekomanduar 9 masa disiplinore “Vërejtje me paralajmërim për largim nga detyra”

  • për Drejtorin e institucionit,
  • përgjegjësin e sektorit dhe
  • 7 specialistët e Sektorit të Akreditimit dhe Sektorit të Cilësisë, Sigurisë, Menaxhimit të Rreziqeve dhe të Drejtave të Pacientit.

Janë rekomanduar gjithashtu dhemasa administrative për përmirësimin e veprimtarisë të institucionit dhe përmbushjen e detyrimeve ligjore.

Gjithashtu kontrolle periodike vijojnë të ushtrohen edhe nga Shërbimi i Kontrollit të Brendshëm të Burgjeve.

Në këtë javë, janë referuar në Prokurorinë e Rrethit Gjyqësor Vlorë materialet procedurale, në ngarkim të 6punonjësve të IEVP-së Vlorëpër veprën penale të falsifikimit të dokumenteve dhe shpërdorimit të detyrës, përfshirë dhe Drejtorin e këtij institucioni.

Nga strukurat kundër korrupsionit, në Policinë e Shtetit, nga java që lamë pas,janë evidentuar 7vepra penale në fushën e korrupsionit dhe shpërdorimit të detyrës, duke proceduar penalisht 11 autorë.

Për të gjitha rastet e evidentuara, nga strukturat për hetimin e korrupsionit janë kryer veprimet hetimore dhe referuar në Prokurori, për veprat penale “Korrupsioni pasiv i personave që ushtrojnë funksione publike” dhe “Shpërdorimi i detyrës”.

Dua ta mbyll deklaratën e sotme me një falenderim dhe një inkurajim për të gjitha institucionet ligjzbatuese të cilat vijojnë të punojnë duke prodhuar rezultate gjithnjë e më konkrete në sfidën e përbashkët të luftës kundër korrupsionit;si dhe të ftoj qytetarët të vijojnë e të na mbështetin me përfshirjen e tyre dhe denoncimet e rasteve korruptive që hasin në marrëdhëniet e përditshme me institucionet shtetërore.

 

https___cdn.cnn_.com_cnnnext_dam_assets_190226010316-2602-huawei-logo-02.jpg
ent ela12:55 | 07/03/2019

Gjiganti kinez i telekomunikimeve, Huawei, ngriti padi kundër Qeverisë së Shteteve të Bashkuara, për shkak të një ndalese që i kufizon agjencitë federale të përdorin prodhimet e tij.

Huaëei tha se SHBA nuk ka arritur të sjellë prova për të mbështetur ndalesën dhe shtoi se kompania nuk ka lidhje me Qeverinë e Kinës.

“Ndalesa jo vetëm është e paligjshme, por gjithashtu e pengon Huaëein per konkurrencë të ndershme, duke i dëmtuar në fund konsumatorët amerikanë”, tha presidenti i Huaweit, Guo Ping.

Padia u ngrit në një gjykatë federale në Teksas.

SHBA kanë bërë të ditur se kanë kufizuar përdorimin e prodhimeve të Huaëeit për shkak të shqetësimeve për sigurinë kombëtare. Qeveria e Kinës mund ta përdorë teknologjinë  për t’i zgjeruar kapacitetet e spiunimit, edhe pse kompania këmbëngul se nuk ka kontroll qeveritar. /abcnews.al

erjon-veliaj-1.jpg
ent ela13:40 | 27/12/2018

Lulzim Basha dhe Jorida Tabaku janë paditur në gjykatë  nga Erjon Veliaj për shpifje për akuzat e bëra lidhur me devijimin e rrjedhës së Lanës dhe projektit të Unazës së Re. Po ashtu te dy jane paditur edhe per shkelje me lejet e ndërtimit që i kanë dhënë vetes gjatë kohës kur ushtronin funksionin e kryetarit dhe nënkryetares në Bashkinë e Tiranës.

Burime nga Bashkia e Tiranës thanë se Veliaj i cilëson akuzat ndaj tij tërësisht të pavërteta dhe pa asnjë provë. Në bazë të padisë së bërë, kryebashkiaku Veliaj kërkon detyrimin që të paditurit të shpërblejnë dëmin jo pasuror shkaktuar ndaj tij me deklaratat publike të ditëve të fundit, në shumën 100 mijë lekë, si dhe shpenzimet gjyqësore dhe ato avokatore.

Bashkia e Tiranës i ka përgënjeshtruar disa herë deklaratat e bera nga Basha e Tabaku lidhur me projektin në fjalë, duke theksuar se nuk ka miratuar asnjë leje ndërtimi në atë zone per subjektin Edmond Bego. Veliaj thekson se projekti i pretenduar, nuk është pjesë e projektit të unazës së madhe, por pjesë e zgjatimit të lumit të Lanës.

Kryebashkiaku Veliaj ka premtuar se lekët që do të fitojë nga çdo vendim që gjykatat do të japin kundër shpifjeve publike, do të shkojnë direkt në “Fondin e Edukimit”, i krijuar për të mbështetur çerdhet, kopshtet, bibliotekat e shkollave etj. /abcnews.al

padia.jpg
G. P.15:49 | 26/12/2018

Gjykata Administrative shpalli moskompetencë për kërkesë-padinë e bërë nga sindikata e Policisë së Shtetit që kërkonte të njihej e drejta e fituesve të gradës “Komisar” në konkursin e zhvilluar më 7 Nëntor. Ky konkurs u anulua disa ditë më pas me një urdhër të Drejtorit të Përgjithshëm të Policisë së Shtetit.

Gjykata Administrative ka shpallur moskompetencë për kërkesë-padinë e bëra nga sindikata e Policisë së Shtetit që kërkonte të njihej e drejta e fituesve të garës për gradat “Komisar” të mbajtur më 7 Nëntor. Në vendimin e gjykatës, të siguruar nga ABC News,  thuhet se, ky institucion ka vendosur shpalljen e moskompetencës funksionale dhe e dërgon dosjen gjyqësore në Gjykatën Administrative të Apelit.

Kreu i policisë së Shetit, Ardi Veliu kishte udhëruar anulimin e testimit, por nuk kishte dhënë shpjegime për vendimin e tij, duke ngritur dyshime te konkurentët fitues.  Ndërkohë për të njëjtën çështje, u depozituan në Prokurorinë e Tiranës shumë ankesa  nga konkurentët e gradave “Kryekomisar” lidhur me parregullsi ne konkursin e zhvilluar edhe në 12 Nëntor.

Prokuroria  e Tiranës kërkoi shpjegime nga numri një i policisë Veliu, zëvëndsa e tij, Aida Hajnaj si edhe nga kreu i akademisë së Sigurisë Bilbil Mema për mënyrë se si u krye testimi. Sipas pretendimeve të aplikantëve, të cilët kanë bërë kallëzimin në prokurori, ata pohojnë se rregullorja për gradën “Kryekomisar” ndryshoi formatin e testit pak minuta para nisjes së konkursit.

Verifikimi ka nisur në bazë të nenit 248 të Kodit Penal për “shpërdorim detyre”, ku disa nga konkurentët dyshohet se janë favorizuar e disa të tjerë kanë paguar për të fituar në dy konkurset e zhvilluara për gradat “Kryekomisar” dhe “Komisar”, në datat 7 dhe 12 Nëntor./abcnews.al

PADIA-FACEBOOK-1280x651.jpg
ent ela22:29 | 19/12/2018

Fejsbuk duket se nuk do ta kalojë lehtë skandalin e rrjedhjes së të dhënave gjatë fushatës elektorale të vitit 2016 në Shtetet e Bashkuara. Një prokuror në Uashington ka ngritur padi ndaj drejtuesve të rrjetit social për neglizhencë të qëllimshme në ruajtjen e të dhënave personale të përdoruesve.

Kryeprokurori i Uashingtonit ka ngritur padi ndaj Facebook, në atë që mund të konsiderohet si hapi i parë i drejtësisë amerikane për të ndëshkuar rrjetin social për rrjedhjen e të dhënave. Prokurori i përgjithshëm i rajonit të Kolumbias, Karl Rejsin depozitoi padinë ditën e mërkurë, nën akuzën se me vetëdije Facebook kishte lejuar zbulimin e të dhënave personale të dhjetëra milionë përdoruesve. Aksioni ligjor i shtohet një numri të konsiderueshëm hetimesh të tipit rregullator që po zhvillohen ndaj rrjetit social më popullor në botë mbi privatësinë e përdoruesve dhe masat e sigurisë. Një zëdhënës i rrjetit social ka deklaruar për BBC se bordi drejtues është njohur me padinë, po e shqyrton atë dhe është i gatshëm ta diskutojë me prokurorin. Por veç prokurorisë kompanisë së themeluar nga Mark Zukerberg i duhet të përballet edhe me hetimet e Komisionit për Sigurinë dhe Shkëmbimin e të Dhënave, Komisionit Federal të Tregtisë dhe ato të Departamentit e Drejtësisë. Ndërkohë, në Mbretërinë e Bashkuar Facebook është gjobitur me 500 mijë paund për skandalin ku ishte përfshirë edhe kompania “Kembrixh Analitika”. Probleme më të mëdha mund të lindin edhe nga enti irlandez për mbrojtjen e të dhënave, që po analizon defektet e sigurisë së rrjetit, një hetim që mund të konsiderohet si testi i parë madhor i Europës për zbatimin e ligjeve të reja mbi privatësinë. Sipas “Washington Post”, padia e kryeprokurorit të Uashingtonit mund të jetë e hapur për të përfshirë të dhëna të reja që mund të zbulohen në vazhdim. /abcnews.al

IZRAEL-PADIA-1280x720.jpg
ent ela18:38 | 02/12/2018

Policia izraelite ka njoftuar se gjatë hetimit të saj ka gjetur dëshmi të mjaftueshme për të ngritur akuza për ryshfet dhe mashtrim ndaj kryeministrit Benjamin Netanjahu. Akuzat do të ngrihen edhe ndaj gruas së shefit të qeverisë, e cila duket e implikuar në këtë çështje. Ky është rasti i tretë që Netanjahu përfshihet në hetime për korrupsion. Autoritetet pretendojnë se ai garantoi favore rregullatore ndaj “Bezek Telekom Israel”, në këmbim të mbulimit më pozitiv të tij dhe bashkëshortes në një portal lajmesh në pronësi të kompanisë. Netanjahu mohon çdo akuzë për këtë rast. Por tashmë duket se do të përballet me akuzat e policisë së vendit, që pritet të dorëzojë padinë së shpejti në gjykatë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono