OSHEE

revlta.jpg
in a14:05 | 22/01/2020

Banorëve të fshatit Hoxharë të Fierit ju janë hequr matësat e energjisë elektrike dhe nuk janë instaluar të rinj. Për më shumë se një muaj ata nuk kanë sahatë dhe ju është thënë nga zyrat e operatorit të shpërndarjes së energjisë elektrike se do të paguajnë afrofe.

Për këtë arsye ata janë ngritur në protestë, pasi pretendojnë se nuk shpenzojnë energji aq sa shuma që vendoset afrofe.

 “Nuk harxhojnë aq para sa vendoset në afrofe. Nuk na lajmëruan për heqjen e sahatëve na thanë se do na venë të rinj dhe nuk i kanë vënë. Duhet ti heqin në prezenën tonë”, shprehen banorët.

Në mbështetje të banorëve ka dalë dhe deputeti i opozitës jashtë paralamentit, Luan Baçi.

Kjo është një vjedhje e hapur për të mbuluar defiçitet. Ka patur një sjellje arrogante dhe kanë frike të shprehen sepse ju ndërpresim ndihmën ekonomike apo i rrezikohet vendi i punës”, tha Baçi.

Ndërkohë lidhur me këtë protestë ka reaguar drejtoria rajonale e OSHEE e cila bën të ditur se në disa qarqe të vendit po instalohen matësit e rinj elektronikë.

“Në bazë të projektit të BB në qarkun e Fierit sikurse dhe në disa qarqe të vendit po instalohen matësit e rinj elektronikë. Në Fier janë përllogaritur 6 mijë matësa, ndërsa në Povelcë rreth 100. Aktualisht janë vendosur rreth 4 mijë matësa në këtë qark. Banorëve u është thënë se nuk do të ketë më matësa induktivë ndaj faturimi për periudhën e vendosjes së matësit do të jetë faturë referuese, e cila në muajt në vazhdim do të sistemohet nëse u është vendosur më shumë sesa kanë konsumuar realisht. Zyrtarisht në drejtorinë rajonale të OSHEE Fier nuk ka asnjë ankesë për mbifaturim”, shkruhet në njoftim. /abcnews.al

0acf7331-84b2-4b30-a1b5-e33c71b08e9b.jpg
So Nila11:54 | 18/01/2020

Anëtari i kryesisë së Partisë Demokratike Eno Bozdo në një deklaratë për mediat është shprehur se propaganda e Edi Ramës po shkatërron sistemin e energjisë.

Bozdo ka theksuar se ndërprerjet e shpeshta të energjisë elektrike në të gjithë Shqipërinë dhe furnizimet me tension të ulët jashtë parametrave teknik, tregojnë kolapsin dhe gjendjen në të cilën ndodhet sektori energjitik.

“Kjo periudhe thatësire po ju fakton shqiptarëve se kjo reformë e sukseshme në sektorin e energjisë elektrike nuk është veçse një mashtrim dhe propagandë e Edi Ramës. Ndërprejet e shpeshta të energjisë elektrike në të gjithë Shqipërinë dhe furnizimet me tension të ulët jashtë parametrave teknik numrit të lartë të defekteve në rrjet si pasojë e mungesës së investimeve ju shtohet edhe një fakt tjetër i pohuar nga OSHEE humbja financiare e kompanisë është 64 milionë euro. Të dhënat tregojnë jo vetëm që nuk ka pasur fitime, por sektori energjitik është në kolaps për shkak të përfitimeve të shfrenuara partiake”, tha Bozdo.

Ndër të tjera anëtari i PD-së në një deklaratë për mediat deklaroi se për shkak të korrupsionit partiak në sektorin e energjisë , janë rritur pasojat në fitimin e bizneseve shqiptare.

“Kompanitë shqiptare humbasin 2 % të produktit të tyre si pasojë e ndërprerjes së energjisë. shifrat tregojnë se jo vetëm klima e të bërit biznes ëeshtë përkeqësuar por sistemet ndodhen në kolaps.Reforma në energjinë elektrike është jetike. Asnjë shqiptar i pamundur nuk do të burgoset më për energjinë, asnjë fëmijë nuk do të mbetet jetim pasi prindi nuk ka më me çfarë të paguajë energjinë. Ata që kanë abuzuar dhe vjedhur paratë do të mbajnë të gjithë përgjegjësitë para ligjit” është shprehur anëtari i kryesisë së PD-së./abcnews.al

foto-tematike-2v1-e1463562392557.jpg
in a19:52 | 17/01/2020

Operatori i Shpërndarjes së Energjisë Elektrike ka mbyllur vitin 2019 me një humbje. Kjo situatë ka ardhur pavarësisht çmimit të energjisë i cili rezulton më i larti në rajon apo masave penalizuese ndaj qytetarëve që nuk paguajnë faturat e energjisë.

Sekretari i Burimeve Njerëzore në PD, Ervin Minarolli në deklaratë për mediat u shpreh se kjo gropë është krijuar nga blerja e energjisë me çmime më të larta se tregu apo edhe për favorizim të klientëve pranë qeverisë.

OSHEE pas kësaj deklarate ka ardhur me një reagim duke pranuar se viti 2019 ishte një vit i vështirë dhe tregon arsyet përse doli me humbje.

OSHEE bën të ditur se ka përmbyllur të dhënat e treguesve kryesore ekonomiko/financiar për vitin 2019, i cili konsiderohet si më i vështiri, për shkak të thatësirës së tejzgjatur që çoi në mungesën e prodhimit nga HEC-et e Kaskadës së Drinit dhe ato private.

Sipas OSHEE se gjatë 2019, shpenzimet për blerje energjie rezultuan 8.9 miliard lekë më shumë se 2018.

Ndryshimi i kontratës së KESH me OSHEE gjatë vitit 2019 e rëndoi edhe më shumë pozitën financiare të kompanisë.

Dy elemente të tjerë, që nuk kanë lidhje me aktivitetin ekonomik të vitit 2019, sipas OSHEE shkaktuan rritje të zërit të shpenzimeve operative dhe rrjedhimisht dhe përkeqësimin e rezultatit financiar vjetor.

Megjithatë OSHEE thekson se në zbatim të planit për menaxhimin e situatës së thatësirës së tejzgjatur, ka mbajtur nën kontroll rigoroz të gjitha llojet e shpenzimeve të tjera operative./abcnews.al

PD: OSHEE 64 MLN EURO HUMBJE

kk-1.jpg
in a15:52 | 17/01/2020

Operatori i Shpërndarjes së Energjisë Elektrike ka mbyllur vitin 2019 me një humbje që rezulton të jetë 64 mln euro. Kjo situatë ka ardhur pavarësisht çmimit të energjisë i cili rezulton më i larti në rajon apo masave penalizuese ndaj qytetarëve që nuk paguajnë faturat e energjisë. Sipas Ervin Minarollit kjo gropë është krijuar nga blerja e energjisë me çmime më të larta se tregu apo edhe për favorizim të klientëve pranë qeverisë.

“Operatori i Shpërndarjes së Energjisë Elektrike ka humbur 64 mln euro vitin që shkoi duke zhytur kompaninë publike në një gropë të madhe abuzimesh dhe korrupsioni. Humbja dramatike e kaq shumë parave ndodh kur shqiptarët pagujnë çmimin më të lartë në rajon. 64 mln euro që i mungojnë arkës së operatorit të energjisë elektike janë para të futura në xhepat e Edi Ramës dhe  njerëzve të tij”, u shpreh Miranolli.

Përfitues nga këto tendera rezultojnë të jenë kryebashkiakë të majtë si Safet Gjici apo Pjerin Ndreu Ndreu por edhe biznesmenë si Kastrati, Fusha  dhe Papuli. Nga tabela e publikuar vërehet se kontrata janë nënshkruar pothuajse me të njëjtën vlerë që është vendosur fondi limit ndërsa kontratat me vlera më të mëdha janë firmosur me Fushën  dhe Kastrati përkatësisht me vlerë 109.8 mln dhe 197.6 mln lekë.

“Safet Gjicin e Kukësit, Pjerin Ndreun e Lezhës, Agim Kajamkun e Vorës, Ilir Beqjan e kudogjendur. Përfitues të miliona eurove në mënyrë të përsëritur nga partia e babëzisë janë miqtë dhe klientë të Edi Ramës.  Babuli, Kastrati, Fusha, Gentian Sula i koncensinit të pompave të naftës etj…” tha më tej ai.

Sipas sekretarit të Burimeve Njerëzore në PD, vetëm në një vit, miqtë e kryeministrit kanë zhvatur nga kompania që ka dalë me humbje, rreth 11.4 milionë euro.

“Vetëm në një vit klientë e partisë së babëzisë kanë zhvatur nga kompania që ka dalë më humbje rreth 11.4 milionë euro”, tha ndër të tjera Ervin Minarolli.

Vetëm pak ditë më parë kompania OSHEE hapi një tender me vlerë prej 479 mln eurosh për marrjen me qira të 155 makinave të cilat do të përdoren për 3 vite dhe më pas do ti dorëzohen kompanisë koncesionare./abcnews.al

osheeardiancela-1280x720.jpg
Autor E17:12 | 15/01/2020

Dhjetra të burgosur për vjedhje të energjisë elektrike, mijëra kontrolle për shkëputjen e lidhjeve të paligjshme, qindra milion euro investime dhe dhjetra paralajmërime publike për dënime të ashpra ndaj abuzuesve, nuk kanë mjaftuar për të rritur të ardhurat e Operatorit të Shpërndarjes së Energjisë Elektrike.

Kompania e mbylli vitin 2019 me reth 64 milion euro humbje dhe me një rritje të ardhurash të papërfillshme me vetëm 2 për qind.

Pavarësisht këtyre treguesve negativë, kompania duket se e mban dorën sa i përket shpenzimeve.

OSHEE ka hapur procedurat e një tenderi me shumë kolosale për të marrë makina me qira për tre vitet e ardhshme duke parashikuar të harxhojë thasë me para për fuoristrada luksoze.

Lloji i makinave qe kerkon OSHEE: 140 cope fuoristrade pick-up dhe 15 fuoristrada klasike

Siç konfirmohet edhe nga dokumentet e dorëzuara në Agjencinë e Prokurimeve Publike, OSHEE parashikon të shpenzojë 479 milion lekë për të marrë me qira 155 makina të tipit fuoristradë.

140 nga këto makina, OSHEE kërkon të jenë fuoristrada me rimorkoi nga pas, kurse 15 të tjerë do të jenë fuoristrada klasike.

Kontrata me kompaninë fituese do të zgjasë 3 vite dhe përgjatë kësaj periudhe, OSHEE konfirmon se mund të paguajë deri në 479 milion lekë pa TVSH.

Nga një përllogaritje e thjesht, del se për një makinë OSHEE është e gatshme të paguajë mesatarisht 3.1 milion lekë për çdo makinë për tre vjet.

Në fund të afatit të marrëveshjes, OSHEE ia kthen makinat kompanisë koncensionare.

Njoftimi i kontrates

Një makinë tip fuoristradë e markave cilësore vlen mesatarisht 2.5-3 milion lekë, megjithatë OSHEE e ka parë të arsyeshme që të paguajë koncensionarin për tre vjet dhe jo t’i blejë, t’i ketë asete dhe t’i përdorë për më shumë se 3 vite duke kursyer qindra milion lekë të taksapaguesve shqiptar.

Lexo edhe: Gjobvënie dhe punësim në OSHEE e spitale, ABC News zbardh dosjen e grupit “Bajri”

OSHEE ka rritur nga tenderi në tender shpenzimet për makina me qira, të cilat janë fituar me 90-95% të fondit limit, një shifër mjaft e dyshimtë kjo sa i përket procedurave të prokurimit publik. /abcnews.al

lika-1280x791.jpg
in a14:55 | 08/01/2020

Moti i ftohtë me temperatura nën zero ka rritur ndjeshëm konsumin e energjisë elektrike  në vend. Operatori i Shpërndarjes së Energjisë elektrike bën me dije se dy ditët e fundit  energjia e hedhur në rrjet ka arritur  pikun. Për të plotësuar nevojat OSHEE ka vijuar importin e energjisë dhe vetëm, për 9 ditët e para të janarit ka blerë mbi 5 mln euro. Ndërkohë në Fierzë niveli i ujit mbetet në kuota të ulta per shkak te mungeses se  reshjeve.

Qytetarët shqiptarë kanë shpenzuar më shumë energji elektrike gjatë ditëve të para të muajit janar. Temperaturat nën 0 duket se kanë detyruar shumë konsumatorë që të përdorin për ngrohje energjinë elektrike.

Drejtuesi i Operatorit të Sistemit të Shpërndarjes Petraq Lika deklaron se energjia e konsumuar ka tejkaluar edhe sasisë e shpenzuar gjatë darkës së ndërrrimit të viteve. Gjatë dy ditëve të fundit rezulton se është shpenzuar rreth 10 % më shumë energji.

“Kemi pasur një rritje rreth 10 % të ngarkesës. Ndryshimet e temperaturave shoqërohen edhe me rritjen e kërkesës,” u shpreh Lika.

Moti i keq me erë të fuqishme gjatë datës 5 janar shkaktoi dëme në rrjet duke shkakatuar nderprerje te energjise per mbi 60 mijë abonentë por tashmë situata është stabilizuar.

“Data 5 u regjistrua me një stuhi të madhe”, theksoi Lika.

Operatori i Shpërndarjes së energjisë elektrike ka vijuar importin e energjisë për të plotësuar nevojat e furnizimit me energji në vend.Vetëm për periudhën 1 deri në 9 janar janë shpenzuar mbi 5 mln euro për blerjen e enrgjisë. Mungesa e reshjeve gjatë muajit të fundit ka ndikuar edhe në uljen e ndjeshme të nivelit të prurjeve në liqenin e Fierzës. Sipas të dhënave rezulton se niveli në Fierzë është rreth 275  m nga 296  që është maksimali ndërsa prurjet janë vetëm 120 m/3 në sekond./abcnews.al

21779c3e-a655-4470-a80e-780bd20454ab.jpg
R D10:55 | 07/01/2020

Në disa lagje të Tiranës janë pa energji elektrike për shkak të avarisë në rrjet. Operatori i Shpërndarjes së Energjisë Elektrike informon se zona e “Vasil Shantos” në drejtim të Selitës është pa energji prej më shumë se 1 ore. Sipas OSHEE, janë stakuar 4 kabina për shkak të një defekti në një pallat, i cili është ndërtuar mbi kabujt elektrikë prapa ‘Vasil Shantos’.

Po kështu, bëhet me dije se në të gjithë Tiranën ka stakime të energjisë elektrike me intervale kohore për shkak të ngarkesës që kanë transformatorët në NST Qendër, Kashar dhe Selitë

Njoftimi i OSHEE

Prej një ore pa energji zona e “Vasil Shanto” në drejtim të Selitës.

4 kabina të stakuara, defekti në një pallat, i cili është ndërtuar mbi kabujt elektrikë, prapa Vasil Shantos, pranë KESH.

Sikurse shihet ne foto, punonjesit e OSHEE jane duke punuar prane objektit ku kalon fiderit 327 i Nst Selite.

Po ashtu, në të gjithë Tiranën ka stakime nga 10-15 minuta për shkak të ngarkesës që kanë transformatorët në NST Qendër, Kashar dhe Selitë. /abcnews.al

fd2803a8-18f8-47c7-8a94-a8869360fa43-1280x720.jpg
R D21:30 | 05/01/2020

Stuhia e erës që përfshiu vendin këtë të diel ka rrëzuar pemët edhe në Kopshtin Botanik të Tiranës. Për pasojë, pemët kanë rënë mbi linjën e tensionit të mesëm, pjesë e fiderit 25 të nënstacionit të Selitës.

Operatori i Shpërndarjes së Energjisë Elektrike njofton se nga dëmtimi i kësaj linje të tensionit të mesëm, dy kabina janë pa energji elektrike.

Era e fortë ka shkaktuar dëme edhe në zona të tjera të kryeqytetit, ku janë rrëzuar pemë dhe ka mungesë të energjisë. Po kështu, edhe Fushë-Kruja, Kruja etj, kanë raportuar mungesë energjie.

Grupet e OSHEE ndodhen në terren duke punuar për riparimin e defekteve të shkaktuara nga stuhia e erës. /abcnews.al

elektricisti.jpg
Autor E12:00 | 31/10/2019

Një 40 vjeçar ka humbur jetën pasi është rrëzuar nga një kabinë elektrike në qytetin e Pogradecit.

Dyshohet se shtetasi me iniciale P.M, banues në Tiranë, është rrëzuar aksidentalisht nga kabina.

Mësohet se viktima ka ndërruar jetë menjëherë, ndërsa burime bëjnë me dije se në momentin e rrëzimit 40 vjeçari ka qënë duke punuar.

Ndërkohë policia po punon për zbardhjen e shkaqeve të vdekjes së 40 vjeçarit.

Njoftimi zyrtar

Më datë 31.10.2019, në lagjen nr.5, Pogradec, shtetasi P.M, rreth 40 vjeç, banues në Tiranë, dyshohet se aksidentalisht është rrëzuar nga një kabinë elekrike, ku ka qenë duke punuar dhe për pasojë ka gjetur vdekjen.

Grupi hetimor po punon për zbardhjen e rrethanave të ngjarjes.

belinda-ballukuuu.jpg
ad min15:55 | 22/09/2019

Ministrja e Infrastrukturës ka kërkuar gjatë mbledhjes së Shtabit të Emergjencave në Vorë që të verifikohen të gjitha dëmet e shkaktuara në rreth 120 banesa. Balluku urdhëroi OSHE-në që të bëjë të mundur furnizimin 24 orë me energji elektrike.

Ministrja e Infrastrukturës dhe Energjitikës Belinda Balluku mori pjesë në mbledhjen e shtabit të emergjencave civile në Vorë, ku kërkoi që brenda 48 orësh të bëhet bilanci i dëmeve që kanë shkaktuar tërmetet. Balluku u kërkoi të pranishmëve që të nisin  menjëherë punën për rikuperimin e banesave të dëmtuara.

“Ne kemi 12 banesa deri në 14 dhe kemi pasur edhe një shtesë të fundit 15 që konsiderohen të pabanueshme. Ndërkohë që kemi 100 banesa të tjera me dëmtime. Vora është zona më e goditur se flasim për 120 shtëpi të dëmtuara. Nesër në darkë do ishte mirë që çdo akt konstatim të ishte në tryezën tonë për të vazhduar më pas se si do rikuperojmë më pas të gjitha dëmet”, tha Balluku.

Balluku kërkoi nga Operatori i Shpërndarjes së Energjisë që të rikuperohen të gjitha dëmet dhe të sigurohet energji pa ndërprerje për të gjithë qytetaret.

“Synimi kryesor është që të ofrojmë ujë dhe energji, t’i garantojmë në mënyrë të pandërprerë për të gjithë banorët”, tha Balluku.

Në fund të mbledhjes, ministrja kërkoi që të punohet me intensitet dhe të mbahen nën vëzhgim edhe 3 urat kryesore në Vorë për të shmangur çdo lloj rreziku./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono