oriola pampuri

taulant-balla-1.jpg
ger ta22:46 | 12/11/2019

Kreu i grupit të PS, Taulant Balla ka komentuar deklaratën e sotme të ish-deputetes së PD, Oriola Pampuri.

Kjo e fundit për mikrofonin e Abcnews tha se një protestues ka humbur jetën, ndërkohë që disa orë më vonë kërkoi ndjesë për deklaratën e saj.

Sakaq, Balla në një postim në rrjetet sociale shprehet se Lulzim Basha dhe partia e “fake-news”, siç e quan ai nuk kanë turp edhe kur bëhet fjalë për jetën e një njeriu.

Reagimi i plotë:

Lulezim Basha dhe partia e “fake-neës” që gënjyen banorët e Astirit për muaj me radhë, nuk kanë turp edhe kur bëhet fjalë për jetën e një njeriu.

E vërteta e Astirit është:

Qeveria dhe Ministria e Transporteve mundësuan projektimin dhe financimin e një projekti të ri të Unazës

Qeveria siguroi dëshpërblimet për këdo që i takon me ligj dhe aq sa i përcakton po ligji dhe Inspektoriati i Ndërtimit bëri njoftimet në kohë

Bashkia si njësi vendore përfituese e këtij projekti madhor mundësoi zgjidhje për të gjithë banorët që bashkëpunuan për zhvillimin urban të zonës dhe ka planifikuar ndërtimin e të gjitha rrugëve dytësore

Policia e Shtetit rikonfirmoi sot profesionalizmin në situata kur politika e mbrapshtë frymëzon anti-shtetin./abcnews.al

pampuriiii.jpg
ger ta17:20 | 12/11/2019

“Një banor i unazës ka humbur jetën”, kështu u shpreh Oriola Pampuri mëngjessin e sotëm, ndërsa lajmi rezultoi i pavërtetë dhe u shoqërua me shumë bujë.

Ish-deputetja demokrate ka sqaruar këtë që ndodhi në studion e Abc News me Juli Xhokaxhi. Pampuri e pranon se shkeli etikën me atë që ndodhi, por thotë se u përfshi shumë emocionalisht dhe se kishte marrë shumë telefonata.

Kemi mbajtur një kauzë në këmbë e kryesuar nga Klevis Balliu. Të rrish një ditë me ata banorë të familjarizohesh, bëhesh pjesë e hallit të tyre. Mbrëmë kam komunikuar me ta dhe më thonin sot do vinë, ka kaluar e gjithë nata në ankth. E them me gjithë zemër se në momentin që më është konfimuar se zotëria ishte në spital jashtë rrezikut për jetën jam gëzuar.

Persona të cilët kanë ndenjur, miq të tij, më telefononin herë pas here madje edhe në momentin që kam qenë duke bërë intervistën. Në momentin që banorët më telefonin dhe më thonin se është lajm i konfirmuar u përfshiva dhe u ndjeva keq dhe e tashë. U ndjeva mirë që lajmi nuk ishte i vërtetë. Janë bërë si njerëz të afërt të mi. Më telefonojnë më shkruajnë. Të gjithë ne e dime që të kesh një banesë me të ardhura me mund, të gjitha këto janë para të pastra.

Kjo ishte absolutisht asgjë tjetër. Unë nuk kam preferuar të lexoj, kam parë shumë nga portalet. Banorët ishin të acaruar, dhe fakti që më kërkuan me ngulm ta referoja dhe përfshirja ime emocionale e bëri që unë ta referoja dhe është shkelje e etikës e pranoj”, tha ajo./abcnews.al

oriolaaa-1280x720.jpg
ger ta16:54 | 12/11/2019

Ish-deputetja e Partisë Demokratike Oriola Pampuri ka reaguar pas lajmit që kjo e fundit dha mëngjesin e sotëm në një lidhje direkte për Abc News.

Pampuri u shpreh se një banor i Unazës së Re ka humbur jetën pas përplasjes më policinë, mirëpo ky lajm rezultoi i pavërtetë.

Ndërkohë, ish deputetja e ka sqaruar situatën përmes një postimi në rrjetet sociale,ku mes të tjerash shprehet se për herë të parë është e lumtur që e informuan gabim.

Pampuri po ashtu e pranon se u tregua e pakujdeshme por sipas saj nuk mund të rrinte pa reaguar pas telefonatave të shumta që kishte marrë.

“Për herë të parë jam e lumtur që më informuan gabim. E pranoj që duhet të isha treguar më e kujdesshme, por si nënë, grua dhe një mikesha e banorëve nuk mund të rrija e heshtur pas atyre telefonatave”, shkruan Pampuri mes të tjerash.

Reagimi i plotë: 

Per here te pare jam e lumtur, qe me informuan gabim….

Sot e pame se si mundi, investimi, djersa dhe gjaku i banoreve te Unazes se Re, u hodh poshte, u percmua.

Sot e pame edhe ndjeshmerine e qeverise, edhe per objektet qe ka bere shpronesimet dhe vlerat qesharake, shume larg vlerave te tregut.

Njeriu nuk mund te rrije pa reaguar, madje as pa u perfshire emocionalisht, e sidomos kur ke 1 vit rresht qe qendron me ta, e ne kulmin e perballjes me policine dhe ne nje interviste spontane, e rrethuar nga banore te terrorizuar e dhunuar nga policia. Qan hallet dhe brengat. Sigurisht qe te mbushen syte me lot, kur te marrin ne telefon disa nga banoret dhe te thone qe ka ndodhur gjema, se Mahmuti ka nderruar jete.
Fatmiresisht Mahmut Himallari eshte mire me shendet. Paste jeten e gjate qe tju tregoje nipave, mbesave dhe shqiptareve se njeriu ka force te perballoje gjithcka.
Mahmuti eshte mire, po merr kurimin e duhur!.
Per here te pare jam e lumtur qe me informuan gabim. E pranoj qe duhet te isha treguar me e kujdesshme, por si nene, grua dhe nje mikesha e banoreve nuk mund te rrija e heshtur pas atyre telefonatave.
Nuk po justifikoj gabimin tim, por po ndaj lajmin qe z. Mahmut Himallari eshte mire. I uroj sherim te shpejte dhe durim per te perballuar gjemen, qe tashme eshte e gjithe shqiptareve./abcnews.al

astiri-ne-5.mp4_snapshot_00.05-1280x720.jpg
Autor E09:17 | 12/11/2019

Ish-deputetja demokrate Oriola Pampuri njoftoi live përmes një lidhjeje në Abc News se një person ndërroi jetë pas përplasjes me policinë.
Ndërkohë Spitali i Traumës ka reaguar në lidhje me deklaratën e Pampurit duke theksuar se nuk ka asnjë viktimë.

“Spitali Universitar i Traumës bën me dije se aktualisht po marrin shërbim 12 persona, nga të cilët 5 efektivë policie dhe 7 protestues, të lënduar në zonën e Astirit. Asnjë prej personave të lënduar nuk është në rrezik për jetën. Spitali është në gatishmëri të plotë”, njofton Spitali i Traumës. /abcnews.al

oriola-pampuri-1280x725.jpg
nev ila15:30 | 28/10/2019

Partia Demokratike ka publikuar pamje të dëmtimit të konvikteve te Qyteti Studenti vetëm pak muaj pas rikonstruksionit të këtyre godinave. Nëpërmjet pamjeve filmike, ish-deputetja demokrate, Orjola Pampuri, tregoi rënien e tavanit të konvikteve për shkak të cilësisë së dobët të punimeve edhe pse tenderi për restaurimin e godinave ishte 200 milionë lekë.

/abcnews.al

gjonaj.jpg
ad min15:04 | 26/08/2019

Partia Demokratike ka vijuar denoncimin ndaj Ministres së Drejtësisë Etilda Gjonaj, pas publikimit të faturave financiare të një vizite jashtë vendit. Ish-deputetja Oriola Pampuri tha se ministrja gënjeu në sqarimin e saj publik e në një vend normal, ajo duhej të ishte shkarkuar për shpërdorim të taksave të qytetarëve.

“Ministrja e Drejtësisë, Etilda Gjonaj, duhet të ishte shkarkuar sot. Media zbuloi se ministrja e vendit më të varfër të Europës, ka firmosur fatura hoteli 700 euro nata. Ky është shpërdorim skandaloz i taksave të qytetarëve më të varfër të Euopës për jetën luksoze të Ministres së Edi Ramës në hotele me 5 yje.  Ministrja duhet të ishte shkarkuar sot, edhe sepse ajo gënjeu publikisht, duke deklaruar se faturat e shtrenjta ishin për delegacionin. Faturat që Ministrja ka paguar janë të shkruara e zeza mbi të bardhë. Janë të gjitha për vetëm 1 person, për vetëm 1 dhomë, me emrin e Etilda Gjonajt. Edi Rama hesht, sepse ky abuzim me paratë e shqiptarëve, është standardi i qeverisjes së tij. Ai vetë është grabitësi kryesor i parave dhe pasurive publike, bashkë me ministrat e tij”, tha Pampuri./abcnews.al

 

PAMPURI.jpg
ad min13:34 | 01/08/2019

Partia Demokratike akuzon qeverinë se pas zaptimit të pronave publike ka nisur shtetëzimin e pronave private. Ish-deputetët e PD, Oriola Pampuri dhe Klevis Balliu mbështetën protestën e 4 bizneseve në rrugën e Kavajës, të cilët  pretendojnë se janë larguar me forcë nga pronat e tyre, pavarësisht se janë në vijim të një procesi gjyqësor.

Pronarët u shprehën se kanë marrë shpërblime qesharake nga qeveria, ndërkohë që vlera e tregut për metra katron në zonë shkon deri në 5500 euro, duke hedhur dyshime se mbi pronat e tyre do të ndërtohet një pallat.

Ish-deputetja e PD, Oriola Pampuri deklaroi se pronarët e ligjshëm po dhunohen nga qeveria. Sipas Pampurit, vendimi për të nxjerrë pronarët nga bizneset e tyre pa pasur një vendim gjyqësor të formës së prerë është i paprecedentë dhe i ngjashëm me shtetëzimet  e pronës në regjimet komuniste./ABC News Albania 24/7

byro-politike.jpg
ad min23:16 | 09/01/2019

Rasti i fundit i denoncuar në emisionin “Stop” ku një gjykatës kërkonte para dhe favore seksuale ndaj një nëne që luftonte për kujdestarinë e fëmijës tronditi opinionin publik. Për të diskutuar mbi këtë çështje në emisionin “Byro Politike” nga Juli Xhokaxhi ishin të ftuar Oriola Pampuri, deputete; Stela Dhima, psikologe; Gëzim Tushi, sociolog dhe Armand Bajrami, gazetar.

Për të gjithë të ftuarit rasti i gjyqtarit Roland Hysi dhe i psikologes Elona Meçani që luante rolin e sekseres është i papranueshëm dhe i pafytyrë. Deputjetja e PD-së, por njëkohësisht edhe psikologe, Oriola Pampuri tha se ky është një rast i pacipë për kolegët e saj, njëkohësisht edhe për gjykatësin.

Oriola Pampuri: “Është një rast i pacipë për kolegët tonë. E njëjta gjë vlen edhe për gjykatësin. “Stop” nxorri në pah një problamtikë të tillë që nuk është e vetmja. Këto raste janë ato që na pengojnë të ndërmarrim ato reformat. Gjëja e parë që duhet të bëhet është heqja e licensës dhe bashkë me të hapat që u ndërmorën. Këta meritojnë atë që bëri zonja mbrëmë”.

Nga ana tjetër, sociologu Gëzim Tushi tha se, “Reagimet dhe denoncimet janë shumë pak me të vërtetat që ndodhin dhe në këtë rast kemi të bëjmë me viktima që janë fryt i ngacmimit seksual. E keqja në shoqërinë shqiptare po ndeshet me disa fenomene që janë të reja dhe po agravojnë dhe po tejkalojnë edhe atë kodin mes nderit dhe turpit në vendin tonë dhe kjo është e pafytyrshme. Meshkujt janë përgjithësisht që kërkojnë favore seksuale. Meshkujt shqiptarë, një pjesë e tyre, mesa duket kanë mentalitetin feudal që mendojnë se vartësen e tyre ta konsiderojnë si objekt seksual dhe kjo është e turpshme për një mashkull shqiptar. Po të investigohet akoma më shumë besoj se këtu mund të kenë gisht edhe të tjerë persona”.

Oriola Pampuri:Ajo që më bëri të ndihem mirë ishte mënyra se si zonja iu përgjig. Besoj se zonja të tilla ka plot. Pushteti i këtyre personave në të gjitha hallkat e administratës e bën të fortë kundrejt nevojës që ka përballë. Ka edhe nga ato gra që edhe mund të vetëofrohen, pikërisht edhe ky grup i vogël ndot atë grupin e madh të zonjave me dinjitet”.

Gëzim Tushi:Ka raste kur në mënyrë paradoksale shikon njerëz edhe femra që bëjnë karrierë nëpërmjet këtij mjeti. Është e vërtetë që pjesa më e mahde e femrave janë dinjoitoze, por ka edhe nga ato që trupiune tyre e kthejnë në instrument për të përfituar favore. Neë kemi raste si ky se në se thua jo nuk do vazhdosh edhe punën. Mentalitei i meshkujve shqiptarë është që kolegen, vartëse e tyre e shohin si objekt seksi”.

Stela Dhima:Kur nuk arrin të kënaqesh me ato që ke në jetë, sigurisht do arrish të shfrytëzosh mundësi të tilla”.

Gazetari Armand Bajrami theksoi se procesi i Vettingut i ka futur në presion gjyqtarët. Madje sipas tij një pjesë e tyre e kanë kuptuar që nuk do të kalojnë dhe punojnë si në ditën e fundit, për të përfituar sa më shumë të munden.

Armand Bajrami: “Procesi i Vettingut me gjithë anët pozitive ka sjellë një presion shumë të mëdha në gjyqësor. Shumë gjyqtarë janë të frikësuar, të ndrojtur për situata që mund të ndodhin në skena të përditshme. Disa të tjerë punojnë si për ditën e fundit dhe të vjelin ç’të munden. Unë nuk e di saktësisht momentin kur është bërë videoja, gjithsesi pa u shkëputur nga tema, Stop i ka bërë një nder shumë të madh publikut. Janë edhe tre raste të tjera, ku dy gjyqtarë kanë shkuar në organet e hetimit ndërsa një drejtues i lartë, Shukri Xhelili u shpall i fajshëm për korrupsion nga Gjykata e Shkallës së Parë për Krimet e Rënda, por akuza u ndryshua në shkallët e tjera të drejtësisë. Dënimet nuk kanë qenë të rënda dhe kanë përfituar kanë përfituar shërbim prove e të tjera”.

Në fund, të gjithë të ftuarit treguan edhe një zgjidhje se si mund të ndalohet ky fenomen.

Gëzim Tushi: “Unë mendoj që për zgjidhjen e këtyre problemeve sociale ka dy anë. Një anë është edukimi i njerëzve, forcimi i personalitetit të femrës, emancipimi i femrës, që ta mendojë që është sovrane e trupit. Duhet të edukojmë vajzat në familje, t’i mësojmë në shkollë, shoqëria civile dhe media. E dyta ka të bëjë me ndëshkimin”.

Armand Bajrami:Nuk mund të jap një diagnozë, por inkurajoj vajzat që të denoncojnë rastet kur për një vend pune kërkohen favore të tilla”.

Stela Dhima: “Jam dakord me pjesën e edukimit, është kyç në këtë proces. Ne nga njëra anë edhe e ofrojmë edukimi, që arrin të plotësojë disa hapësira, por është i gjithë morali, shoqëria, i gjithë populli që ka një kulturë ndryshe nga edukimi. Unë shpresoj që të mos ketë aq shumë psikologë të tillë sepse shpresoj që psikologët të kenë parime. Unë shpresoj që të jenë duke bërë punë me etikë, por kur qytetarët ndjejnë se nuk marrin shërbim të drejtohen te Urdhri i Psikologut”.

Oriola Pampuri:Përmirësimi i marrëdhënieve familjare që është venitur kohët e fundit, forcimi i ligjit dhe denoncimi. Të treja janë hallka të rëndësishme që rrisin një shoqëri me dinjitet”./abcnews.al

PAMPURI-1280x720.jpg
ent ela18:11 | 27/09/2018

Deputetja e Partisë Demokratike Orjola Pampuri ka reaguar pas akuzave të koleges socialiste Elisa Spiropali. Sipas saj, arsyeja e vetmje qe deputetet socialiste hedhin akuza në drejtim të demokratëve është mbrojtja e pasurisë së tyre personale, e vënë në mënyra ilegale.

“Deputetja e Partisë Socialiste Elisa Spiropali iu shtua sot listës së shërbëtoreve të oborrit të Edi Ramës për të sulmuar me të pavërteta opozitën, në mënyrë që të mbrojë pasurinë e saj personale.

Është fakt i njohur botërisht se Elisa Spiropali u bë deputete pasi u publikuan të dhëna se e shfrytëzoi postin në dogana për të vënë 5 milion euro pasuri të paligjshme. Elisa Spiropali nuk ka dhënë akoma asnjë shpjegim se më çfarë parash ka blerë një makinë luksoze, që kushton rreth 100 mijë euro. 

Elisa Spiropali nuk ka dhënë akoma shpjegim sesi e ka blerë familja e saj apartamentin lukzos buzë Lungomares në Vlorë. 

Elisa Spiropali bën shërbëtoren e edi ramës për të sulmuar me të pavërteta opozitën, për të mbrojtur pasurinë e saj të paligjshme dhe pozicionin e bashkëshortit të saj si anëtar i bordit të shoqërisë shtetërore “Albgaz”, që menaxhon intresa miliona eurosh në fushën e gazit. 

Me vettingun që propozon Partia Demokratike Elisa Spiropali largohet nga politika.

Por nuk është e vetmja.

Ervin Bushati, një shërbëtor tjetër i oborrit të familjes së Edi Ramës, ka një perandori financiare për të mbrojtur me sulmet e pavërteta kundër opozitës. 

Familja e Ervin Bushatit i ka shitur Linda Ramës, tokën ku Edi Rama ka ndërtuar sarajet luksoze në Surrel. 

Me dy kontrata të veçanta vjehrra e Ervin Bushatit I ka shitur Linda Ramës tokën me çmim qesharak. 

Ervin Bushati sillet si mercenar i Edi Ramës, sepse do të mbrojë pasurinë që I buron nga kompania e tij e ndërtimit dhe nga aksionet në bankën Credins.

Është pasuaria prej miliona eurosh motivi i vetëm pse Edi Rama dhe shërbëtorët e tij milionerë, si Elisa Spiropali, Ervin Bushati dhe Klotilda Bushka  kundërshtojë platformën e opozitës, që do të sekuestrojë pasuritë e politikanëve të korruptuar dhe oligarkëve të lidhur me ta”.

 

KRONIKE-PAMPURI-PER-HOMOFILINE-ABCM5T1.mpg_snapshot_00.28-1280x720.jpg
ad min13:04 | 09/09/2018

Jeta e të sëmurëve me hemofili varet nga faktorët e mpiksjes së gjakut. Por 300 pacientët në Shqipëri nuk mund ta marrin dot sipas deputetes të Partisë Demokratike Oriola Pampuri.

Oriola Pampuri, deputete: “Faktorët për pacientët me hemofili mungon në Qendrën Spitalore Universitare Nënë Tereza, ose vjen në sasi fare të vogël, të cilat nuk arrijnë të përmbushin nevojat e pacientëve, ashtu siç ndodh me herceptinën për pacientët me kancer, e me shumë medikamente të tjera. Në këtë situatë ku luhet me jetën e të paktën 300 të sëmurëve me hemofili, Ministria e Shëndetësisë hesht dhe nuk shpjegon pse QSUT nuk blen faktorë të mjaftueshëm për trajtimin normal të të sëmurëve”.

Sipas deputetes Pampuri pacientët me hemofili nuk mund ta blejnë dot vetë gjithmonë faktorin për jetën e tyre, sepse një i tillë kushton nga 1 milion e 200 mijë lekë në 2 milion lekë të vjetra. Përgjegjës bën edhe qeverinë.

“Vetëm në 8 muaj qeveria e Edi Ramës ka harxhuar mbi 6 milionë euro për të bërë zyrat veta të rehatshme dhe luksoze, ndërsa qindra të sëmurë me hemofili rrezikojnë të invalidizohen nga mungesa e Faktorit. Keto para dhe ato që abuzohen me tendera të tjerë korruptivë nga Ministria e Shëndetësisë, mjaftojnë për të blerë faktorët për pacientët hemofilikë dhe për t’u krijuar atyre kushtet të kurohen në qytetet ku banojnë, pa qenë nevoja të torturohen disa herë në muaj nga ardhja në Tiranë”.

Për Partinë Demokratike është prioritet kryesor anullimi i koncesioneve që paguhen 75 milionë euro çdo vit nga taksat e shqiptarëve dhe përdorimi tyre për shëndetin e qytetarëve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono