organizata

auto_9B50F06B-4A95-4EE6-97C8-82097A3CB1C6_cx0_cy13_cw0_w1023_r1_s1561300459.png
Sej rie18:45 | 23/06/2019

Për krizën politike dhe institucionale në Shqipëri ka reaguar edhe Organizata shqiptaro-amerikane VATRA, e cila u bëri thirrje palëve që të ulen në bisedime dhe t’i ofrojnë popullit një zgjidhje afatgjatë. Me anë të një deklarate, Federata Panshqiptare e Amerikës shpreh shqetësimin për situatën në Shqipëri të cilën e cilëson si të paprecedentë dhe thotë se është thellësisht e dhimbshme, që edhe pas afro tre dekadash pluralizëm, evidentohen probleme të thella lidhur me proceset zgjedhore, ndërhyrja në të cilët është tërësisht e dënueshme.
“Konflikti civil, i cili po hedh shtat dita-ditës nuk duhet lejuar dhe qeveria ka përgjegjësinë kryesore të gjejë rrugët për shuarjen e tij. Ashpërsimi i mosmarrëveshjeve politike shoqërohet fatkeqësisht me ndasi të mëdha shoqërore, gjë e cila dëmton objektivat evropiane të vendit”, thuhet në deklaratë.
VATRA nxit palët të ulen në tryezën e bisedimeve, duke shpresuar që platforma e bisedimeve do të jetë serioze dhe jo thjesht kalimtare dhe njëkohësisht shpreh keqardhjen për humbjen e kohës, nga e cila sipas saj, humbet Shqipëria dhe populli./ABC News Albania 24/7

maqedoni.jpg
G. P.20:22 | 04/05/2019

Në mesnatën e së premtes në Maqedoninë e Veriut, përfundoi fushata zgjedhore për raundin e dytë të Zgjedhjeve presidenciale dhe për zgjedhjet e jashtëzakonshme lokale në Komunat Ohër dhe Novoselë. Të shtunën të drejtën e votës e kanë patur 1640 persona në shtëpitë përmirësuese-ndëshkuese dhe persona që janë në paraburgim, si dhe 4540 persona të sëmurë.

Procesi i votimit fillon në ora 07:00 dhe do të përfundojë në orën 19:00. Zgjedhjet Presidenciale do të zbatohen në 3480 vendvotime në 80 Komuna dhe Qytetin e Shkupit si dhe në 32 vendvotime jashtë vendit. Të drejtën e votës e kanë 1.808.131 qytetarë.

Zgjedhjet do t’i ndjekin 3381 vëzhgues të vendit dhe 520 të huaj, si dhe 289 përkthyes dhe 60 gazetarë të huaj të akredituar në Komisionin Shtetëror të Zgjedhjeve.

Numër më të madh të monitoruesve të vendit kanë organizatat “MOST”dhe “CIVIL”, Shoqata për Afirmimin e Vlerave Humane dhe Integrimit Rinor MAK-SONCE, Shoqata e Qytetarëve për Zhvillim dhe Promovim të Turizmit dhe të Drejtave të Njerit AKSIOS e të tjerë.

Prej monitoruesve të jashtëm, numër më të madh do të jenë ata të OSBE/ODIHR-it me 195 prej tyre, Kongresi Botëror Maqedonas, Ambasada e SHBA-së, Delegacioni I BE-së, Delegacioni i Asamblesë Parlamentare të Këshillit të Evropës e të tjerë.

Monitorues kanë akredituar edhe më shumë ambasada të vendeve të huaja, si Ambasadat e Federatës Ruse, Francës, Britanisë së Madhe, Suedisë, Hungarisë, Italisë, Shqipërisë e të tjerë./ABC News Albania 24/7

femij.png
G. P.23:37 | 15/10/2018

Çdo minutë pesë fëmijë në botë, nën moshën 5 vjeçare, humbasin jetën si pasojë e kequshqyerjes. Alarmi është dhënë nga organizata jo qeveritare “Save the Children”.

Çdo ditë, në botë, 7 mijë fëmijë nën moshën pesë vjeç humbasin jetën për shkak të keq ushqyerjes, pra pesë fëmijë në pesë minuta. Të dhënat alarmuese janë pjesë një raporti të “Save the Children”, që ka nisur dhe një fushatë globale me titullin: deri në fëmijën e fudit. Objektivi është mbrojtja e minorenëve që në vendet e prekura nga varfëria dhe thatësira, apo dhe nga konfliktet, vuajnë nga uria, kequshqyerja dhe mungesa e ujit të pijshëm. Por dhe nga pamundësia për tu mjekuar.

Fushata synon që të mbrojë nga vdekja fëmijët të cilët ndërrojnë jetë dhe për sëmundje që mund të kurohen apo parandalohen shumë lehtë. Aktualisht në botë, sipas këtij raporti, më shumë se 50 milionë fëmijë nën moshën pesë vjeç vuajnë nga uria dhe pasojat e kequshqyerjes. Ndërsa një minoren në katër, që do të thotë 151 milionë fëmijë është i kequshqyer kronik dhe rrezikon sëmundje të ndryshme të rënda.

Por numri i personave që vuajnë nga kequshqyerja është rritur në botë duke kaluar nga 804 milionë në 2016-n, në 821 milionë në 2017-n, 1 person në 9 në botë. Konfliktet, tragjeditë natyrore si pasojë e ndryshimeve klimaterike dhe varfëria, janë tre arsyet kryesore për kequshqyerjen tek minorenët. Në zonat e konfliktit si në Jemen, Siri dhe republika demokratike e Kongos,më shumë se 500 mijë fëmijë nën moshën 5 vjeç, mund të humbasin jetën si pasojë e kequshqyerjes./abcnews.al

ERDOGAN-OKB-1280x720.jpg
ent ela23:36 | 25/09/2018

Në fjalimin e tij në Asamblenë e Përgjithshme, presidenti turk Erdogan ka akuzuar OKB-në se ka dështuar në zgjidhjen e konflikteve botërore. Duke fajësuar 5 vendet anëtare të Këshillit të Sigurimit, Erdogan ka shtuar më tej se, edhe vendosja arbitrare e sanksioneve ekonomike është e papranueshme.

Presidenti turk Recep Taip Erdogan ka deklaruar të martën në selinë e Kombeve të Bashkuara se organizata ka dështuar në zgjidhjen e konflikteve botërore, që kanë marrë mijëra jetë. Sipas Erdogan, veprimi me standarde të dyfishta ka çuar në krijimin e mosbesimit, në humbjen e sensit të drejtësisë dhe në dëshpërimin e mijëra personave. “Indiferenca ndaj vrasjes së fëmijëve i shërbeu terrorizmit në mbarë botën”, ka thënë Erdogan. Sipas tij, mungesa e veprimit në kohën e duhur ka bërë që zgjidhja e problemeve ndërkombëtare të bëhet më e vështirë. Erdogan i është referuar në veçanti çështjes së Palestinës, zgjidhja e të cilës me opsionin e dy shteteve është shumë larg. “Bota është më e madhe se vetëm 5 vende”, ka thënë Erdogan, duke iu referuar Këshillit të Sigurimit, një organ sipas tij jofunksional pasi vetëm një vend, përmes së drejtës së vetos mund të bllokojë gjithçka. Sa i takon Turqisë, presidenti ka nënvizuar se vendi i tij nuk mund të heshtë përballë përdorimit të sanksioneve të njëanshme si armë ekonomike, duke iu referuar masave të Uashingtonit ndaj Ankarasë. Ai ka theksuar se Shtetet e Bashkuara duhet të respektojnë procesin e drejtësisë turke në lidhje me rastin e pastorit amerikan, Endriju Branson dhe të drejtën e vendit të tij për të blerë armatime nga Rusia. “Ne jemi në favor të zgjidhjes së kontesteve përmes dialogut në kushte të barabarta”, ka vijuar Erdogan. Kreu i shtetit turk u ka kujtuar të pranishëmve se sesioni i sivjetshëm i Asamblesë së Përgjithshme të OKB-së përkon me 100-vjetorin e Luftës së Parë Botërore, efektet e të cilës sipas tij ndihen edhe sot, kur ka kaluar një shekull. /abcnews.al

spanja.jpg
G. P.17:31 | 26/03/2018

Policia spanjolle ka arrestuar kreun e një grupi kriminal kibernetik, përgjegjës për vjedhjen e rreth 1 miliard eurove. Europol, FBI dhe agjenci policore nga Europa në Azi bashkëpunuan për të rrënuar organizatën.

Një person i konsideruar si truri i një organizate kriminale kibernetike, i dyshuar për vjedhjen e rreth 1 miliard eurove, është arrestuar në Spanjë. Personi konsiderohet kreu i grupit kriminal që menaxhonte fushatat virale Karbanak dhe Kobalt, që vinin në shënjestër bankat. Europol ka deklaruar se grupi ka qenë aktiv që prej vitit 2013 dhe asokohe ishte infiltruar në mbi 100 banka.

Paratë lëvizeshin përmes transfertave, ose shpërndaheshin në mënyrë automatike përmes bankomateve. Anëtarët e grupit kriminal futeshin në sistemet bankare duke dërguar email-e të infektuara me viruse të brezave të ndryshëm, njëri më i sofistikuar se tjetri. Sapo sistemet kompromentoheshin, banda përdorte aksesin në distancë për të vjedhur paratë në mënyra të ndryshme.

Më pas shumat e mëdha pastroheshin përmes valutave kibernetike dhe kartave të kreditit dhe përdoreshin për të blerë produkte luksi, përfshirë makina dhe vila. Europol, FBI, kompani të mbrojtjes kibernetike dhe policitë e Spanjës, Rumanisë, Biellorusisë dhe Taivanit bashkëpunuan për të gjurmuar dhe rrënuar organizatën./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono