opozitës

aktoret-1280x705.jpg
Sej rie16:00 | 11/07/2019

Aktorët protagonistë të tragjedisë shekspiriane “Jul Çezari” me bindje thonë se kjo shfaqje në sheshet e teatrit do të ketë efekt më të fortë se 10 protestat e opozitës.

Tragjedia historike “Jul Çezari” edhe pse shkruar nga Shekspiri në 1599, tingëllon aktuale edhe në ditët e sotme. Regjisori Ivica Buljan theksin e fortë politik e ka ndërlidhur edhe me sfondin shqiptar. Shfaqja në qiell të hapur në sheshin e Teatrit për aktorët do të ketë, efekt më të fortë se 10 protesta të opozitës.

Aktorët e “Jul Çezar” bashkëpunimin me regjisorin Ivica  Buljan e cilësojnë eksperiencë të jashtëzakonshme.  Jul Çezari do të frymojë nga loja e Romir Alles, i cili thotë se kjo vepër nuk ka protagonist

Ndërsa Gentian Zenelaj  nënvizon dy vrasje të rëndësishme në këtë triler politik. Një peshë të fortë përveç lojës së aktorit , regjisori i ka dhënë edhe performancës, dhe lëvizjes në katër akte përmes 4 skenave, te pishina, pylli i vogël i oborrit  mes dy teatrove , vrasja para ministrisë së brendshme dhe mbyllja në skenën e protestës së aktorëve.

Kjo premiere mbrëmjen e 13 korrikut shënon një risi jo vetëm për Aktorët , por edhe –për vetë spektatorët që do e shijojnë këtë tragjedi Shekspiriane, ku spektatori do te behet edhe pjese e shfaqjes.  Pas Tiranës shfaqja do të jetë ne Butrint dhe  në site te tjera arkeologjike ne vend./ABC News Albania 24/7

musa-ulqini-1280x715.jpg
Sej rie20:50 | 03/07/2019

Kryebashkiakët demokratë nuk pranojnë të dorëzojnë zyrat, të zgjedhurve të 30 Qershorit. Pas një takimi me kreun e Partisë Demokratike Basha, Xhelal Mziu i Bashkisë së Kamzës dhe Agron Kapllanaj i Bashksië së Mallakastrës, theksojnë se zyrat e tyre do të lirohen pas zgjedhjeve legjitime. Por, i ftuar në “Byro Politike”, deputeti socialit Musa Ulqini u shpreh se me 10 Gusht do të ndodhi saktësisht ajo që ka ndodhur më 30 Qershor.

Juli Xhokaxhi: Zoti Ulqini, ka pasur një vendim ditën e sotme pas takimit që ka pasur zoti Basha me krerët e bashkive të opozitës dhe është marrë vendimi që ata të mos i lëshojnë zyrat. Si do veprohet?

Musa Ulqini: Njëlloj si me datën 30 Qershor. Thanë 6 muaj që nuk do të këtë zgjedhje dhe u bënë zgjedhjet. Me datën 10 Gusht mbaron afati i tyre dhe janë procedura ligjore dhe do ndiqet gjithë rruga ligjore. Do shkojnë në Kolegj, pastaj në gjykatë do mbyllet procedura dhe do të ndodhë saktësisht ajo që ndodhi me datën 30 Qershor, por pa ngjarjen e Shkodrës sepse pati diçka në Shkodër. Me datën 10 Gusht nuk do ketë asnjë ngjarje as në Kamëz dhe asgjëkund./abcnews.al

KIKIAAA-1280x717.jpg
Sej rie20:40 | 03/07/2019

Gazetari Mentor Kikia i ftuar në “Byro Politike” është shprehur se përplasja më 30 Qershor u shmang pasi Uashingtoni i kishte dhënë urdhër opozitës për të hequr dorë nga dhuna. Ai gjithashtu tha se protesta do të ketë, por ata nuk do jenë të dhunshme.

“Për të kundërshtuar pak konstatimin e zotit Ulqini për pjekurinë e shqiptarëve të cilët shmangën dhunën ditën e votimeve doja të theksoja se nuk ishte për meritë të shqiptarëve, por ishte një vendim apo urdhëresë për opozitën e ardhur nga Uashingtoni në të gjithë format. Ishte një vendim ultimativ që zgjedhjet të mbaheshin, që dhuna apo skenari i opozitës për t’i penguar zgjedhjet me dhunë të mos funksiononte. Ajo që duhet parë sot e tutje nuk është se çfarë shkoi mirë apo keq. Për atë që ndodhi në 30 Qershor nuk ka asnjë të fituar. Nuk ka askush moral për të festuar dhe nuk kemi shpëtuar nga kriza. 30 Qershori nuk ishte as fundi i qeverisë dhe as fundi i opozitës. Ishte thjesht një gropë që u kapërcye dhe do të mbete sërish gropë. Ne do vazhdojmë të ecim në rrugë me tallaze dhe ajo që mendoj dhe për këtë jam i sigurt nuk do të ketë më molotov. Ky skenar u përjashtuar përfundimisht, por do të vazhdojë të ketë protesta dhe ne do vazhdojmë të kemi një mur të madh përpara që është muri i krizës”, tha Kikia./abcnews.al

cerrik-1280x716.jpg
Sej rie19:00 | 06/06/2019

PS çeli fushatën elektorale në Cërrik dhe Belsh. Kryeministri Rama tha se zgjedhjet do të mbahen në 30 Qershor, ndërsa opozita, sipas tij nuk e kthen do më prapa Shqipërinë.

Fjalimin para banorëve të Cërrikut Edi Rama e nisi me simboliken e sahatit të qytetit. Kamerave u kërkoi ta fokusojnë për të treguar se ai është jashtë funksionit. Për opozitën tha se nuk ka asnjë shans të kthejë vendin pas dhe i kujtoi se zgjedhjet do mbahen në 30 Qershor.

Rama është i bindur se opozita nuk mund t’i ofrojë vendit asgjë tjetër veç dhunës, shantazhit dhe kërcënimit. Ndaj edhe në Belsh ku kërkoi votat për një mandat të dytë për Arif Tafanin përsëriti se data e zgjedhjeve nuk do të ndryshoje, në respekt të Kushtetutës./ABC News Albania 24/7

ambasada-amerikane-1280x702.jpg
Sej rie14:55 | 31/05/2019

Dy ditë para protestës se lajmëruar nga opozita në Tiranë, ambasada amerikane porosit të gjithë shtetasit e saj në Tiranë që teë jenë të vëmendshëm dhe të kujdesshëm si dhe kufizojnë lëvizjet e tyre gjatë kohës së tubimit.
Përmes një njoftimi në faqen zyrtare të ambasadës në internet njoftohet se një protestë e madhe pritet të zhvillohet pranë Zyrës së Kryeministrit më 2 qershor 2019, duke filluar nga ora 19.00.
“Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë”- vijon njoftimi.
Ambasada e SHBA kujton me tej se protestat e kohëve të fundit kanë pasur edhe dhunë,e po ashtu forcat e sigurisë kanë përdorur ujë dhe gaz lotsjellës për të shpërndarë turmat.
Personeli i Ambasadës së SHBA dhe anëtarët e familjeve te tyre janë porositur të shmangin të gjitha vendet ku zhvillohen protesta si dhe të qëndrojnë të informuar përmes mediave për ecurinë e saj./ABC News Albania 24/7

KRONIKE-PROTESTA-25-MAJ-_ABC-M4-T2.mpg_snapshot_01.06-1280x720.jpg
Sej rie12:50 | 27/05/2019

Protesta e radhës e opozitës do të mbahet më 2 Qershor. Ky është vendimi më i fundit i Partisë Demokratike, e cila ka vendosur të mos e zhvillojë protestën më 31 Maj siç e kishte paralajmëruar, por dy ditë më vonë. Protesta do të zhvillohet para Kryeministrisë, ndërsa sipas burimeve do të ketë edhe një marshim paqësor para Parlamentit, ashtu si edhe në protestën e 25 Majit.

Protesta e paralajmëruar e 31 Majit ka bërë që një ditë më parë Kryeministri Edi Rama të vendoste shtyrjen me 1 ditë të çeljes së fushatës zgjedhore, vendim ky, i marrë nga shtabi elektoral i Partisë Socialiste./ABC News Albania 24/7

dritat-1280x727.jpg
Sej rie21:03 | 25/05/2019

Kreu i PD-së, Lulzim Basha, u kërkoi protestueseve të shkonin nga Kryeministria drejt Kuvendit me drita telefoni të ndezura në duar, duke i quajtur “dritat e shpresës”. Pamja e dhuruar nga kjo simbolikë ishte fantastike për syrin e teleshikuesit, ku Basha u shoqërua nën dritat e ndezura të telefonave nga Kryeministra tek Kuvendi.

Jo vetëm dritat e telefnave, simbolikë e kësaj proteste kanë qenë edhe minibalonat me flakë, por edhe tepsitë ku në to shkruhej “Rama ik!”

Ndërkohë në murin e godinës së Kryeministrisë, janë shfaqur sërish mesazhe të pasqyruar përmes video-projektorit ku është shfaqur simboli i shqiponjës, por edhe akuza të opozitës, e cila e quan atë qeveria e krimit dhe Kryeministria e PPP-ve./abcnews.al

ambasada-amerikane-1280x702.jpg
Sej rie16:15 | 24/05/2019

Një ditë para protestës së opozitës, Ambasada amerikane në Tiranë u është drejtuar me një apel shtetasve të saj që ndodhen në Shqipëri të jenë të kujdesshëm gjatë ditës së shtunë.

Ndër të tjera ambasada thotë: “Një demonstrim i madh pritet të zhvillohet pranë Zyrës së Kryeministrit më 25 maj 2019, duke filluar nga ora 18:00. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës është e panjohur. Demonstrimet e kohëve të fundit kanë përfshirë dhunën. Forcat e sigurisë kanë përdorur ujë dhe gaz lotsjellës për të shpërndarë turmat”.

Nisur nga këto të dhëna, ambasada këshillon të gjithë amerikanët që ndodhen në Shqipëri: Të shmangin grumbullimet e mëdha dhe fushat ku demonstratat janë të pashmangshme ose në vazhdimësi si dhe të monitorojnë mediat për zhvillimet më të fundit”, përfundon deklarata e Ambasadës amerikane./ABC News Albania 24/7

PROTESTA-1280x581.jpg
Sej rie21:52 | 11/05/2019

Ambasada e Amerikane në Tiranë dënon dhunën e pranishme gjatë protestës së sotme. Objektivi i deklaruar i opozitës për ta bërë demokracinë e Shqipërisë më të fortë shkon kundër dhunës që është duke u ushtruar nga protestuesit. Dhuna është thelbësisht jodemokratike dhe duhet të ndalojë. Drejtuesit e protestës kanë përgjegjësinë të nxisin qetësi. Iu bëjmë thirrje të gjitha palëve që të tregojnë vetëpërmbajtje.

“Ambasada e SHBA dënon dhunën e pranishme gjatë protestës së sotme. Objektivi i deklaruar i opozitës për ta bërë demokracinë e Shqipërisë më të fortë shkon kundër dhunës që është duke u ushtruar nga protestuesit. Dhuna është thelbësisht jodemokratike dhe duhet të ndalojë. Drejtuesit e protestës kanë përgjegjësinë të nxisin qetësi. Iu bëjmë thirrje të gjitha palëve që të tregojnë vetëpërmbajtje”, lexohet në deklaratën e Ambasadës Amerikane./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono