opozitës

protesta-4-1280x712.jpg
nev ila12:55 | 16/04/2019

Gjykata ka lënë në burg 3 nga 37 protestuesit e arrestuar për akte të dhunshme dhe kundërshtim të policisë,  gjatë protestës së  opozitës më 13 Prill. Gjyqtarja Armela Hasantari vendosi masën e sigurisë “arrest në burg” për Armando Gjecaj ,Edmond Bushi dhe Dainel Gjata, ndërsa Gëzim Almeta dhe Shemsi Kaloshi caktoi masën e sigurisë “arrest shtëpie”. Sekretari i Përgjithshëm i PD-së, Gazment Bardhi, i quajti arrestimet si politike.

Do të qëndrojnë në qeli vetëm 3 nga 37 protestuesit e arrestuar për aktet e dhunës ndaj policisë dhe pronës publike në protestën e opozitës në 13 Prill. Gjykata e Tiranës e përfaqësuar nga gjyqtarja Armela Hasantari vendosi këtë të martë masën e sigurisë “arrest në burg” për Armando Gjecaj ,Edmond Bushi dhe Dainel Gjata. Për dy protestues të tjerë, Gëzim Almeta dhe Shemsi Kaloshi, gjykata caktoi masën e sigurisë “arrest shtëpie”.

Ndërsa 32 të arrestuar të tjerë u liruan nga qelia me masën e sigurisë “detyrim paraqitjeje”. Pas vendimit të gjykatës e ëma e Edmond Bushit, nga tronditja që i biri mbeti në burg u dërgua në spital me ambulancë.

Para Gjykatës Penale të Tiranës gjatë mbajtjes së seancës kanë qëndruar ish-deputetë e përfaqësues të tjerë të PD-së, në mbështetje të protestuesve të arrestuar. Seanca u zhvillua me dyer të mbyllura. Sekretari i Përgjithshëm i PD-së, Gazment Bardhi, i quajti arrestimet me ndikim politik.

Prokurorët  Etien Kapo dhe Artan Lulo i kishin kërkuar gjykatës caktimin e masës së sigurisë “arrest në burg “ për 16 nga protestuesit e ndaluar, ndërsa për 21 të tjerë kishin kërkuar lirimin e tyre me masën e sigurisë “detyrim paraqitje. Prokuroria  mbështeti akuzat në veprimet proceduriale që janë kryer në bazë të një analize të pamjeve filmike, raporte shërbimeve, si dhe provave të tjera të mbledhura nga grupi hetimor./abcnews.al

protesta-5-1280x698.jpg
Sej rie19:50 | 14/04/2019

Avokati i Popullit  një ditë pas protestës se opozitës raporton përmes ekipeve monitoruese në terren se protesta është zhvilluar përgjithësisht në mënyrë paqësore dhe se episodet e dhunës apo të kundërshtimit të forcave të policisë nga ana e protestuesve kanë qenë në një shkallë të menaxhueshme. Tre grupe të Avokatit të Popullit kanë marrë takime me të gjithë të ndaluarit e ndodhur në ambientet e Drejtorisë së Policisë së Tiranës, si dhe komisariateve Nr.1, Nr.2, Nr.3 dhe Nr.6.

Sipas  grupeve të Avokatit të Popullit në deklarimet e tyre ata pohojnë se kanë qenë pjesëmarrës në një protestë për të drejtat e tyre dhe në mbështetje të subjektit politik që e organizon. Kryesisht të arrestuarit janë në moshë të re, por ka edhe persona të moshuar. Ndërkohë që dy vëllezër të shoqëruar nga Miloti deklarojnë se nuk u është komunikuar arsyeja e shoqërimit. Pas kontaktit të Avokatit të Popullit në Drejtorinë e Policisë së Tiranës ata janë shoqëruar fillimisht në Komisariatin e Policisë Nr.1 dhe më pas janë liruar. Nga ana tjetër Avokati i Popullit shpreh shqetësimin për mos bërjen publike te protokollit për përdorimin e gazit lotsjellës apo përbërësve të tjerë irritues./abcnews.al

gaz-1280x707.jpg
Sej rie21:40 | 13/04/2019
 Turma e protestuesve para Parlamentit, është shpërndarë disa herë radhazi nga policia, e cila ka përdorur gaz lotsjellës. Megjithatë protestuesit vijonin të protestojnë edhe pse vala e madhe e gazit lotsjellës e hedhur ndaj tyre ka bërë që ata të shpërndahen.

Liderët e opozitës, Lulzim Basha, Sali Berisha dhe Monika Kryemadhi, janë aty, bashkë me protestuesit dhe udhëheqin turmën vazhdimisht drejt Parlamentit.

Deri tani raportohet se nga përplasjet polici-protestues, janë plagosur të paktën 5 efektivë, që po vijojnë të marrin ndihmën mjekësore në ambientet spitalore.

Gjithashtu, edhe disa protestues kanë përfunduar në spital, kryesisht për shkak të efektit të gazit lotsjellës.

19: 30 – Zhvendoset protesta tek Kuvendi

Pas fjalës së Bashës dhe tensioneve mes protestuesve dhe policisë, protesta e opozitës së bashkuar është zhvendosur nga Kryeministria tek Parlamenti. Ka qenë ish-deputeti i PD-së Edi Paloka ai i cili u ka bërë thirrje pjesëmarrësve në protestë që të ndjekin kryetarin e Partisë Demokratike për tek kryesia e Kuvendit.

Ende nuk dihet skenari i protestës dhe se sa do të vijojë ajo, pasi opozita nuk ka njoftuar për një afat mbylljeje, ndërsa policia ka kërkuar që gjithçka të marrë fund brenda mesnatës./abcnews.al

protesta-1-1280x716.jpg
Sej rie21:21 | 13/04/2019

Kreu i grupit parlamentar të PS ka reaguar përmes një postimi në twitter me nota ironie dhe akuzash. Ai thekson se një koicidencë e madhe është shënuar sot, pasi kishte protesta opozitare në Shqipëri, Mal të Zi dhe në Serbi. Sipas Ballës, në Shqipëri protestohet kundër reformës në drejtësi dhe hapjes së negociatave të anëtarësimit të Shqipërisë në BE.

Postimi i Ballës: “Çfarë koicidence sot? Në të njëjtën orë, në 18.00 protesta u organizuan në Tiranë, Beograd dhe Mal të Zi (disa qytete). Në Shqipëri janë protesta të qarta të organizuara nga disa politikanë të korruptuar kundër Reformës së Drejtësisë, duke u përpjekur të dëmtojnë hapjen e negociatave të anëtarësimit të Shqipërisë në BE”, shkruan Balla në Twiter”./abcnews.al

deputett-1280x686.jpg
Sej rie10:24 | 11/04/2019

Sot në seancën plenare të Kuvendit janë ulur tre deputetë të rinj të opozitës. Ata vijnë nga listat shumëemërore të Partisë Demokratike. Korba Lita nga qarku Tiranë, Arlind Çaçani nga qarku Korçë dhe Halil Jakimi nga qarku Dibër bënë sot betimin.

Numri i deputetëve në Kuvendin e Shqipërisë arrin në 102, nga të cilët 79 janë nga mazhoranca dhe 23 nga opozita. Një ditë më parë në Komisionin Qendror të Zgjedhjeve dorëzuan formularin e dekriminalizimit edhe dy kandidatë të tjerë. Andi Përmeti nga lista shumëemërore e Partisë Demokratike në qarkun Korçë dhe Eugen Bojaxhiu nga lista e Lëvizjes Socialiste për Integrim në qarkun e Beratit./abcnews.al

brace-1280x750.jpg
ent ela14:19 | 09/04/2019

Nga Shkodra Zëvendëskryeministri Erion Braçe ka përsëritur mesazhin për opozitën se zgjedhjet nuk kontestohen pasi ato janë legjitimuar. Gjatë kontrollit në zyrat e administratës publike në qytetin verior, numri dy i qeverisë solli si shembull Shkodrën, ku sipas tij bashkinë e drejton  Partia Demokratike ndonëse socialistët kanë pasur sinjalizime për blerje të votave.

I shkoi befas administratës së Shkodrës por nuk i zuri në gabim. Përkundrazi doli i kënaqur nga shërbimi publik. Madje edhe kazanët e mbeturinave e kanë surprizuar.

Nga këtu nis kritikat numri dy i qeverisë duke i kërkuar kryebashkiakes së djathtë ti gjejë një strehë qenve. Një temë e përshtatshme për të sjellë në vëmendje zgjedhjet vendore dhe kandidatin që socialistët kanë bërë gati për të vendosur në krye të kësaj bashkie.

E nga një problem lokal zëvendëskryeministri Erion Braçe flet për çështje qendrore, mos kontestimin e zgjedhjeve nga askush pasi ato legjitimohen.

Duke iu rikthyer arsyes pse ndodhet në Shkodër, paralajmëron nëpunësit publikë se kush nuk bën detyrën t’ia lërë vendin më të aftëve./abcnews.al

106296866_3647eda0-df11-49e3-aafd-2d0d2199ec79.jpg
ent ela13:45 | 09/04/2019

Izraeli është në zgjedhje të përgjithshme në një kohë që sondazhet flasin për një diferencë shumë të vogël votash mes kryeministrit në largim Benjamin Netaniau dhe rivalit të tij Beni Gantz.

Izraelitët votojnë në ditën e zgjedhjeve të përgjithshme. Janë 6.3 milion personat, ndër të cilët 16 për qind arabë, të cilët do të ushtrojnë të drejtën e tyre. Sondazhet e fundit flasin për një diferencë shumë  të vogël votash mes kryeministrit dhe liderit të Likud, Benjamin Netaniau dhe rivalit të tij kryesor Beni Gantz të qendrës me partinë “Bardhë e Blu”

Zgjedhjet aktuale përballin dy persona shumë të kualifikuar në fushën e sigurisë, duke vendosur në këtë mënyrë në plan të dytë çështjen e mbrojtjes të shtetit hebre, në krahasim me fushatat elektorale të kaluara. Por gjithsesi tema kryesore mbetet po ajo të paktën nga kryeministri në largim.

Partitë e vogla mund të jenë të rëndësishme në rast se do të jetë e domosdoshme krijimi I aleancave, por më parë duhet të kalojnë pragun e 3.25 për qindëshit. Pjesa më e madhe e sondazheve I jep më shumë vende në parlament liderit të qendrës, gjeneralit Gantz në krahasim me Likud, partisë së djathtë të Beniamin Netaniau. Por rezultatet e partive të tjera që mund të krijojnë aleancë me Likud, tregojnë se Netaniau do të kishte më shumë mundësi për të krijuar një koalicion qeverisës në krahasim me Beni Gantz./abcnews.al

120319_KQZ_19_1.jpg
ent ela12:57 | 09/04/2019

Komisioni Qendror i Zgjedhjeve i ka dhënë mandatin dy deputetëve të Partisë Demokratike Arlind Çaçani në Korçë dhe Halil Jakimi në Dibër. Dy deputetët e rinj pritet të betohen në seancën e radhës plenare. Në total në parlament do të ulen 102 deputetë.

Në mbledhjen e radhës së Komisionit Qendror të Zgjedhjeve u shqyrtuan edhe emrat e aplikanëtëve për sekretarë dhe anëtarë të Komisioneve Zonalë të Administrimit Zgjedhor. Deri më sot janë 324 shtetas që kanë aplikuar./abcnews.al

tereza-mey.jpg
ent ela23:00 | 03/04/2019

Në përpjekje për të zhbllokuar procesin e Breksit, Kryeministrja britanike Theresa Mej ka zhvilluar një takim me kryetarin e opozitës Xheremi Korbin. Të dy liderët e kanë vlerësuar takimin si konstruktiv, por për arritjen e një marrëveshjeje që të votohet në Parlament duhet ende punë.

Kryeministrja britanike Theresa Mej dhe lideri i laburistëve në opozitë Xheremi Korbin kanë zhvilluar të mërkurën një takim kokë më kokë, në përpjekje për të zhbllokuar ngërçin e Breksit. Gjatë takimit, dy liderët ranë dakord për hartimin e një programi pune, në përpjekje për të çuar përpara votimin në Parlament. Sipas BBC, secila palë ka caktuar një ekip negociator, që do të zhvillojë së shpejti bisedime në lidhje me marrëveshjen e daljes nga BE-ja. Duke cituar burime konfidenciale, rrjeti informativ britanik shkruan se të dyja palët kanë shfaqur fleksibilitet dhe gatishmëri për t’u dhënë fund pasigurive që kanë përfshirë procesin e Breksit.

Duke folur në përfundim të takimit, Korbin tha se ndryshimet në pozicionin e Mej nuk ishin ato që priste, por nënvizoi se takimi kishte qenë i dobishëm dhe shtoi se bisedimet do të vazhdojnë. Britania e Madhe ka kohë deri më 12 prill për t’i propozuar një plan Bashkimit Europian, i cili duhet të pranohet nga blloku, në të kundërt mbretëria do të dalë pa një marrëveshje në atë datë. Kryeministrja Mej synon të arrijë me liderin e laburistëve një marrëveshje që të votohet përpara 10 prillit, kur BE do të mbajë një samit të jashtëzakonshëm për Breksit./abcnews.al

gjykata-1-1280x704.jpg
ent ela20:30 | 30/03/2019

Gjykata e Tiranës ka lënë të lirë 7 protestuesit e opozitës që u arrestuan ditën të premten. Prokuroria kërkoi arrest me burg për 5 protestues dhe për dy të tjerë detyrim paraqitjeje, por kërkesa u rrëzua nga gjyqtari Erion Bani.

Gjykata e Tiranës liroi 7 protestuesit e opozitës të arrestuarit të enjten për manifestimin para Parlamentit. Të arrestuarit, u akuzuan vetëm, për kundërshtimin e punonjësit të policisë, ndërsa për dy akuza të tjera, sipas gjykatës, nuk ekziston dyshimi se janë konsumuar, si “pjesëmarrje në tubim të paligjshëm” dhe “prishje e rendit dhe qetësisë publike”.

Ky është vendim i gjyqtarit  Erion Bani, i cili kërkoi lirimin e menjëherë nga qelitë për të 7 ndaluarit. Më herët prokurori, Erjon Shqarri, kërkoi për 5 protestues “Arrest në burg”, dhe dy protestues,  të  cilët janë  student kërkoi “Detyrim paraqitje”.

Për avokatët arrestimi ishte i paligjshëm nga uniformat blu, pasi nuk u provua sipas mbrojtës që ata të kenë dhunuar apo dëmtuar institucionet e rëndësisë së veçantë që përbën vepër penale. Në total u proceduan 28 protestues të cilët do të hetohen në gjendje të lirë, ndërmjet tyre edhe sekretari i Përgjithshëm i Partisë Demokratike, Gazment Bardhi, i cili ishte edhe organizatori i protestës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono