opozita

edi-palokaaa-1280x716.jpg
G. P.15:55 | 19/03/2019

Në përgjigje të ambasadorit të OSBE, nënkryetari demokrat Edi Paloka tha se PD nuk do të hyjë kurrë në zgjedhje me Ramën kryeministër. Paloka foli edhe për protestën e së enjtes, ndërsa tha se kur të vijë koha, dialogu do të bëhet vetëm me ndërkombëtarët.

Për numrin dy të demokratëve Edi Paloka, asnjë deklaratë, qoftë e ndërkombëtarëve apo misioneve të tyre në Tiranë, nuk zvogëlon legjitimitetin e kauzës së opozitës për mbrojtjen e votës së lirë. Sipas tij, sinjalin më të qartë për atë çka kjo qeveri kërkon të bëj me zgjedhjet e dha vetë kryeministri Edi Rama.

“Ka vënë në krye të strukturës se tij për zgjedhje Damian Gjiknurin. Sinjal më të qartë dhe më të kuptueshëm për ne, për qytetarët, për ndërkombëtarët, për ata që duan të shohin nuk ka. Damian Gjiknuri është koka e dosjes 184. Është njeriu që u ngarkua me zgjedhjet në Dibër dhe është kapur si njeriu me gjithë regjistrimet e Prokurorisë si ministri që është marrë me shit-blerjen e votës”.

Për Palokën pyetjes që këto trupa duhet t’i japin përgjigje është një tjetër.

“Si ka mundësi 20% e votave të blera nuk e ndryshojnë rezultatin sepse i bie në një parlament me 140 deputetë i bie 28 deputetë. Imagjinoni sa janë ata që nuk kanë deklaruar. Por edhe kaq janë boll, për të treguar kush është legjitim dhe kush jo”.

Për këtë arsye, opozita vijon aksionin e saj opozitar në rrugë, si e vetmja mënyrë për të komunikuar me këtë mazhorancë thekson Paloka.

“Do ketë protestë të enjten. Në 9:30 kemi njoftuar protestë dhe do të ketë çdo të enjte. Do të ketë në çdo rast. Jo të gjitha do ia tregojmë Ramës. Do ia bëjmë surprizë ca gjëra, por absolutisht është ajo që kemi thënë, nuk ka më kthim mbrapa dhe përveç protestave nuk ka mënyrë tjetër komunikimi me këtë mazhorancë”.

Sa i përket zgjedhjeve lokale…

“Vendim politik për të hyrë ose jo në zgjedhje nuk ka akoma, por unë po të them tjetrën që me këtë kryeministër që vazhdon me këmbëngulje, me arrogancë t’u tregojë të gjithëve se ka ndërmend prapë të vjedhë, të grabisë votat siç kanë bërë deri më tani nuk ka zgjedhje në Shqipëri”.

Rruga për dialog hapet vetëm përmes largimit të Ramës dhe 2017-ta ishte provë e kësaj, sipas tij.

“Sigurisht do të vijë në një moment të caktuar me negociata, por jo me Edi Ramën. Për ne janë ndërkombëtarët që duhet të ndërhyjnë, në këtë rast deri te qeveria tranzitore dhe më pas gjithë hapat e tjera do garantojnë që qeveria që do vijë të jetë qeveri që përfaqëson shqiptarët, jo qeveri që përfaqëson krimin apo oligarkinë në Shqipëri”./abcnews.al

broshard-1280x704.jpg
ent ela15:09 | 19/03/2019

Kreu i misionit të OSBE-së në Tiranë Bernd Borshardt, është shprehur kundër bojkotit të zgjedhjeve të 30 qershorit, nga disa parti politike. Sa i përket njohjes së zgjedhjeve edhe pa opozitën, Borshardt përgjigjet se gjithçka varet nga mënyra se si ato do të zhvillohen.

Kreu i misionit të OSBE-së në Tiranë Bernd Borchard ka komentuar sërish situatën politike në vend, pas mos dorëzimit të kandidatëve për KZAZ nga Partia demokratike, afati për të cilët skadoi ditën e hënë. Edhe pse opozita nuk ka folur për bojkot të zgjedhjeve, Borchardt njohjen e tyre nuk e lidh domosdoshmërisht me pjesëmarrjen e partive që sot përbëjnë opozitën e bashkuar.

“Nëse njihen apo jo zgjedhjet varet nga mënyra si ato zhvillohen, si dhe nga gjetjet e vëzhguesve tanë, gjëra të cilat nuk mund t’i parashikoj. Përgjithësisht mund të them se dekurajojmë fuqimisht bojkotin elektoral. Shqipëria ka kohë që është shtyllë stabiliteti në rajon ndërsa tani po shohim një aksion parlamentar të paprecedent, që është kritikuar nga i gjithë komuniteti ndërkombëtar”.

Arsye e këtij kundërshtimi për Borchardt është frika e ndezjes së një fitili që i vë flakën demokracisë parlamentare. Për argument ri-solli një të dëgjuar më parë.

“Kur do e kemi atë parlament që ka mandate katër vjeçar dhe e përfundon atë? Këtë herë deputetët i dogjën mandatet e tyre pas dy vitesh. Herën tjetër mund të gjejnë argument për të bërë të njëjtën gjë pas 8 muajsh, 10 muajsh apo një viti. Dhe ky do të ishte një shembull i keq për të gjithë rajonin”.

Janë disa vende, opozita e së cilave kryen bojkot parlamentar dhe një gjë e tillë sipas Borchardt nuk funksionon sepse nuk është në thelb të demokracisë parlamentare./abcnews.al

53827784_2312356715482163_844472114642681856_o-1280x636.jpg
ent ela11:15 | 19/03/2019

Opozita thërret protestën e radhës ditën e enjte në orën 9:30 përpara Parlamentit gjatë kohës kur ky i fundit do të mblidhet në seancë plenare. Pas përcaktimit nga Konferenca e Kryetarëve të Kuvendit që seanca e radhës të zhvillohet ditën e enjte në orën 10:00, opozita ka njoftuar vijimin e aksionit të saj përmes protestave, ku e radhës do të jetë pikërisht më 21 mars përpara godinës së seancave plenare. Kjo do të jetë hera e katërt që mbledhja e deputetëve në seancë parlamentare shoqërohet me protestë të thirrur nga opozita, herë përmes grumbullimit të qytetarëve jashtë ambientit të Parlamentit, apo përmes simbolikave të shpalosura gjatë zhvillimit të seancës parlamentare./abcnews.al

ahmetajq.jpg
G. P.19:58 | 18/03/2019

Partia Socialiste do të mbledhë më 23 Mars Kongresin e saj, por diskutohet se mund të organizohet edhe një anti-miting. Ish-ministri i Financave dhe Ekonomisë, Arben Ahmetaj, tha se Partia Socialiste nuk ka në filozofi të krijojë diçka të tillë, por forca e saj është te përgjegjshmëria.

“Forca e PS-së është te përgjegjshmëria. Fuqinë e numrave ne e kemi qoftë në Kuvend dhe në Parlament. Nuk ka filozofi Partia Socialiste për anti-miting. Unë e kuptoj shumë mirë. Jemi vend i vogël dhe thartohemi në analizë. Ne kemi defektet tona. Ne meritojmë të kritikohemi për disa gjëra, por ama të marrim kreditet tona për përgjegjshmërinë që tregojmë. Numrat nuk janë arrogancë, por për t’u respektuar. Përplasja është vetëm dy, në zgjedhje dhe parlament”, tha Ahmetaj.

Për sa i përket situatës aktuale politike, deputeti i PS-së tha se opozita duhet të distancohet nga dhuna, e cila sipas tij, po bllokon integrimin e vendit në BE-

“Dhuna nuk është një instrument gjithmonë i planifikuar, dhuna është sekuencë e mungesës së përgjegjshmërisë dhe daljes së rregullave. Nesër mund të sjellë nja akt dhe një akt tjetër. Por jemi përpara fakti se opozita është duke bllokuar hapjen e negociatave”, tha ish-ministri.

Ai theksoi se parlamenti po mirëpret deputetët e rinj të opozitës të cilët janë firmosur nga kryetarët e partive përkatëse.

“Parlamenti në procedurë kushtetuese po mirëpret deputetët e rinj të opozitës. Janë lista që janë firmosur nga Lulzim Basha, kryetar i PD-së dhe Petrit Vesili i LSI-së. Nuk i zgjodhëm ne këto emra në listë. Kur flitet për një opozitë u ble s’u ble, kjo është qesharake, janë listat e tyre. Nuk i ka detyruar kush as të zgjedhin këtë listë, as të dalin nga parlamenti”, tha Ahmetaj.

Megjithatë më tej, ish-ministri i Financave tha se “Unë mendoj që lidershipi i opozitës do t’i rikthehet në një moment përgjegjshmërisë dhe do ulet të dialogojë në favor të integrimit. Do ta kuptojë që ajo që bën është kundër integrimit”.

Për sa i përket dialogut, Ahmetaj tha se qeveria është e gatshme që të ulet menjëherë me opozitën, kundër tendencës për të prishur imazhin e vendit dhe të diskutojnë për reformën zgjedhore./abcnews.al

LAJME-21-_-I-FTUAR.mpg_snapshot_09.16-1280x720.jpg
ent ela22:52 | 16/03/2019

Gazetari Erl Murati ka shprehur optimizmin e tij se me afrimin zgjedhjeve të 30 qershorit palët do të ulen në tryezë dhe për këtë thekson ai do të investohet edhe faktori ndërkombëtar, se nuk mund të lejojë zgjedhje vetëm nga njëri krah. Në studion e Mbrëmje në ABC Neës, Murati tha se ky i fundit deri tani nuk ka bërë asnjë përpjekje për dialog.

“Të dy palët janë larg-njëra tjetrës, por me afrimin e 30 qershorit edhe faktori ndërkombëtar do të investohet për të ulur palët se deri tani nuk ka përpjekje për të ulur palët në dialog. Besoj që të dy palët do ulen në tryezë e dinë ata se ç’kërkojnë dhe sa lëshojnë. Besoj që faktori ndërkombëtar do ta ketë të vështirë të lejojë zgjedhje vetëm me një krah”.

Duke komentuar prtestëne  sotme të opozitës, Murati theksoi se faktori kryesor që do të përcaktojë rrjedhën e opozitës është populli.

“Nëse opozita do jetë e aftë ta marrë popullin pas vetes dhe shqiptarët derdhen në rrugë dhe faktori ndërkombëtar nuk mund të rreshtohet me një Kryeministër që nuk e do populli, dhe këtë synon Basha e Kryemadhi që të thonë se ne kemi gjysmën e popullit dhe jo për interesa partiake. Faktori kryesor që do përcaktojë rrjedhën e opozitës është popullt, nëse në muajt në vazhdim do mbeten në shesh vetëm militantët, nëse populli do derdhet në shesh atëherë edhe faktori ndërkombëtar do shohë valorizimin e aksionit të opozitës, por do ulet për të thirrur të dy palët”. /abcnews.al

LAJME-20-_-I-FTUAR-00001.mpg_snapshot_15.01-1280x720.jpg
ent ela21:33 | 16/03/2019

Protesta e pestë e opozitës brenda një muaji kulmoi sot me pjesëmarrjen masive të qytetarëve, ndërsa qytetarët vranë frikën. Këtë deklaroi në studion e Mbrëmje në ABC News demokrati Enkelejd Alibeaj, i cili shtoi se kjo protestë ishte tej pritshmërive të tyre.

“Në krye të një muaji intensiv kulmoi sot me pjesëmarrje masive shumë më tepër pritshmërive tona, tregon jo thjesht një organizimi të mirë të opozitës, por mbi të gjitha evolucionin psikologjik te qytetarët shqiptarë. Te protesta e 16 shkurtit ishte një pikëpyetje a do ta vrisnin frikën? Vetëm 30 ditë pas asaj proteste madhështore në kohë rekord, sot arrijmë në një situatë ku frika është vrarë jo vetëm te ata që besojnë te PD”.

ndërsa e quajti ilegjitim parlamentin aktual, në studion e ABC News Alibeaj përsëriti edhe njëherë arsyet dhe shkaqet që e çuan opozitën të ndërmerrte një akt të tillë, që janë mohimi i së drejtës në parlament, raporti dhe përgjimet për shitblerjen e votës dhe së fundi raporti i DASH për Shqipërinë.

Zgjedhjet e lira dhe të ndershme Aliabeaj i koncepton pa Edi Ramën dhe me dëshirën e popullit, ndërsa zgjidhjen e sheh te krijimi i një sistemi të ri politik dhe zgjedhje të parakohshme.

“Krijimi i një sistemi politik, zgjedhje të parakohshme. Kohën se kur do bëhen zgjedhjet vendore, kohën e përcaktojnë ata qytetarë. A bëhemi gati ne? Po, ne po bëhemi gati si opozitë, ne jemi gati të marim pjesë në zgjedhje me kushtin e vetëm pa Edi Ramën. zgjedhje të lira e të ndershme pa njeriun që i ka perçudnuar ato. Njeriu i cili sot ka mundësi për t’i prishur ato, Edi Rama le të mos jetë aty”. /abcnews.al

LAJME-20-_-I-FTUAR.mpg_snapshot_10.22-1280x720.jpg
ent ela20:55 | 16/03/2019

Protestën e pestë brenda një muaji të opozitës e ka komentuar në studion e Mbrëmje në ABC News edhe gazetari Artan Hoxha. Sipas tij pjesëmarrja ishte mjaftueshme për të dhënë mesazh, por thekson në protestën e 16 shkurtit kishte më shumë mesazhe, kishte më shumë femra, duke e bërë më qytetare.

 “E djathta arrin të bëjë protesta më të mëdha se e majta dhe u punua në një kohë më të gjatë pjesëmarrja e mjaftueshme për të dhënë mesazh. Nga ajo që pashë në terren kam përshtypjen se protesta e 16 shkurtit ishte më e madhe dhe sa herë ka pjesëmamrr femrash, protesta është më qytetare”.

Gazetari Hoxha thekson opozita mbajti diskret skenarin e protestës për të dhënë një mesazh ndryshe nga herët e tjera, ndërsa Policia kishte vendosur që të mos mos përballej fizikisht.

 “Një skenar që synonte të shpërndantë një mesazh ndryshe nga herët e tjera. Opozita mbajti diskret një skenar që synonte të shpërndante një mesazh ndryshe nga herët e tjera. Policia kishte vendosur që të mos mos përballej fizikisht.

Policia u vendos si dekor, ishte në numër më të madh por nuk kishte ndonjë mision, se duket nga pajisjet . Në pjesën e mbrapshtë ishte vetëm një skuadër taktike e RENEA-s, është skuadër neutralizimi nuk kishte forca të FNSH, kishte bllokuar hyrje-daljet e Kryeministrisë hoqën skelat dhe vendosën pllaka metalike dhe duhej sikur godina ishte e blinduar”.

Sipas tij opozita ka arritur disa suksese, po e nxjerr Ramën haptazi në sutë e botës autokrat, po synon t’u tregojë ndërkombëtarëve që vendi ka distabilitet, ndërsa Rama të kundërtën.

“Opozita po përpiqet t’u tregojë ndërkomëbatrëve që vendi nuk ka stabilitet. Ndryshe nga Berisha, Rama nuk sfidon largohet, policia bën të njëjtën gjë.

Opozita ka arritur disa suksese që Ramën e ka nxjerrë haptazi me pamjen e një autokrati. Nëse Tirana del në shesh vetëm atëherë tronditen themelet e pushtetit, qytetarët në masë të bashkohen e të mos kenë më frikë”. /abcnews.al

protestuesit-1280x681.jpg
ent ela18:51 | 16/03/2019

Transferimi i vendit të protestës para Parlamentit e gjeti të papërgatitur Policinë e Shtetit. Për rreth 40 minuta efektivët e Policisë së Shtetit, Gardës dhe Forcave të Ndërhyrjes së Shpejtë u përballën me zemërimin e një grupi protestuesish, të cilët tentuan të mësyjnë drejt kuvendit. Policia përdori gaz lotsjellës dhe ujë për të shpërndarë protestuesit, ndërsa të lënduar pati si nga policia ashtu edhe në radhët e qytetarëve.

Protesta e njoftuar e opozitës e cila u mbajt para Kryeministrisë nisi e qetë.

Me mijëra qytetar iu bashkën thirrjes për manifestim, ku në krye të saj ishte Lulzim Basha si edhe deputetë të tjerë të dorëhequr të opozitës.  Efektivët e policisë ishin përgatitur për më të keqen. Madje për këtë arsye kishin hequr edhe konstruksionin metalike në hyrje të kryeministrisë, në orët e para të mëngjesit të shtunës.

Garda e Republikës, dhe Policia e Shtetit mbikëqyrnin çdo veprim të protestuesve.  Përveç ndonjë kapsolle të hedhur në drejtim të uniformave blu apo shembjes të ndonjë kordoni, prostata ishte paqësore.

Por nuk mund të thuhet e njëjta gjë ku manifestuesit mbërritën të drejtuar nga Basha në drejtim të hyrjes së parlamentit.

Këto protestues po tentonin të hynin brenda territorit Kuvendit nga ana e Pedonales. Të kapur të papërgatitur policia dhe Garda e Republikës përdorën në masë gazit lotsjellës.

Disa persona mbetën të lënduar në radhët e protestuesve, ndërsa 3 efektiv u dërguan për ndihmë mjekësore në spital.Duke parë se situata po përkeqësohej edhe më tej, uniformat blu përdorën edhe uji me presion në drejtim të manifestuesve.

Për më shumë se 40 minuta vijoi një gjendje kaosi, ndërsa uniformat blu kërkonin nëpërmjet qendrës së zërit, Sekretarit të Përgjithshëm të PD Gazment Bardhit, të tërhiqte protestuesit, pasi ishte ky i fundit që kishte marrë leje për zhvillimin e tubimit.

Por Bardhi refuzoi të bënte një veprim të tillë. Traut elektrik në hyrje të parlamentit u këput nga protestuesit, si edhe u hodhën gurë e sende të forta në drejtim të forcave të ndërhyrjes së shpejt. Kjo gjë bërë që forcat e Gardës së Republikës të shtojnë edhe më shumë përdorimin e gazit lotsjellës.

Siç duket edhe në njoftimin e publikuar për mediat, uniformat blu pohuan se nëse protestuesit nuk do të shpërndaheshin për 5 minuta atëherë, ajo dë të përdorte forcën sipas ligjit./abcnews.al

54255324_2226329220737701_6447560129721139200_n.jpg
ent ela16:40 | 16/03/2019

Janë të shumta mediat prestigjioze ndërkombëtare që kanë transmetuar në kohë reale protestës së opozitës në kryeqytetin tonë. Pas Zërit të Amerikës, ka qenë dhe agjencia e lajmeve Reuters që ka transmetuar pamje dhe informacione rreth asaj që po ndodh në Tiranë.

Agjencia e lajmeve Reuters, Zëri Amerikës dhe gjermania ZDF, kanë transmetuar në kohë reale në uebsajtet e tyre pamje nga protesta e opozitës në Tiranë. Ndërkohë që media të tjera prestigjioze i kanë bërë jehonë situatës në kryeqytet, Uashington Post shkruan se mbështetësit e opozitës shqiptare po mbajnë një protestë kundër qeverisë të cilën akuzojnë se është e korruptuar dhe e lidhur me krimin e organizuar.

Ndërkohë një tjetër media raporton se mijëra mbështetës të opozitës së qendrës së djathtë, të udhëhequr nga Partia Demokratike, janë mbledhur para zyrës së kryeministrit socialist Edi Rama për të kërkuar dorëheqjen e tij.

Me tej, Uashington Post shton se opozita, deputetet e së cilës kanë hequr dorë nga vendet e tyre në parlament, refuzojnë të dialogojnë me Ramën, duke kërkuar një qeveri tranzitore për të përgatitur zgjedhje të parakohshme”./abcnews.al

basha-4-1280x739.jpg
G. P.14:56 | 16/03/2019

Në përfundim të protestës së opozitës, kryetari i Partisë Demokratike, Lulzim Basha, mbajti një fjalim në selinë blu. Ai i dërgoi një mesazh, ndërkombëtarëve dhe u bëri thirrje që të mos dëgjojnë më Edi Ramën, por zërin e qytetarëve.

“Dua t’i drejtoj një mesazh të qartë miqve ndërkombëtarë që na kanë mbështetur në 29 vite. No stabilitet without demokraci. (Nuk ka stabilitet, pa demokraci) Dëgjojini më pak autokratët e korruptuar dhe inkriminuar. Ftesa ime është mos e dëgjoni autokratin, mos e dëgjoni njeriun që e zhyti Shqipërinë në drogë, dëgjoni zërin e njerëzve, dëgjoni zëri e qytetarëve”, tha Basha.

Basha tha se protesta e 16 Marsit ka hyrë në histori. Gjithashtu ai i bëri thirrje qytetarëve që të qëndrojnë të bashkuar pasi edhe bota e ka kuptuar fundin e kësaj që ka nisur, se do të fitojë populli dhe Shqipëria si gjithë Europa.

“E sotmja hyri në historinë tonë të paskomunizmit si dita e dytë e zgjimit kombëtar. Si dita e bashkimit me të madh që bulevardi  Dëshmorët e Kombit dhe Tirana ka njohur në historinë e saj dhe që për këtë çdo shqiptar sot dhe çdo brez që vjen ju ka një borxh mirënjohjeje ju misionarët e lirisë.

Sot më në panik se kurrë kufoma politike e Edi Ramës dhe klikës së tij përshkallëzoi dhunën e paprovokuar ndaj protestuesve me të vetmin qëllim për ti shpërndarë për ti trembur, për ti larguar nga rruga e protestës. Por përgjigjen e mori nga populli. Duart e gjata të krimit që për llogari të oligarkëve dhe kriminelëve që dhunojnë qytetarët për të mbrojtur qeverinë kriminale do të japin përgjegjësi, për këtë zotohem para jush.

Le ta bëjmë bashkimin tonë dhe protestën, të përditshme dhe të përnatshme, zjarr t’i digjet toka kriminelëve në këmbë. Ditë për ditë e natë për natë, në aksion qytetar, në protestë, në qëndresë mos e ktheni faqen tjetër ku ju godasin horrat, por goditini mbrapsht. Të qëndrojmë të bashkuar. Bota e di se kjo që ka nisur ka vetëm një fund, fitoren e popullit, fitoren e lirisë, fitoren e gjithë Shqipërisë si gjithë Europa”, tha Basha./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono