opozita greke

GREQI-OPOZITA.mpg_snapshot_00.07-1280x665.jpg
ent ela17:13 | 03/10/2018

Opozita greke ka kërkuar që marrëveshja me Maqedoninë për cështjen e emrit, duhet fillimisht ti nënshtrohet një referendumi popullor para se të shkojë në parlament. Lideri i Demokracisë së re Micotakis theksoi se partia e tij nuk do të votojë asnjëherë pro saj.

Lideri i Demokracisë së re në Greqi, Micotakis, deklaroi se partia e tij është kundër marrëveshjes së Prespës pasi në këtë mënyrë i janë bërë shumë lëshime identitetit dhe gjuhës maqedonase. Ai kërkoi zgjedhje të parakohshme në vend si dhe që marrëveshja me Maqedoninë fillimisht t’i nënshtrohet një referendumi popullor para se të shkojë për votim në parlament.

Ai theksoi se pavarësisht se marrëveshja e Prespës është nënshkruar nga qeveria e kryeministrit Tsipras, partia e tij nuk do ta ratifikojë asnjëherë këtë marrëveshje. As tani dhe as nëse e gjen sërish në parlamentin e ri të vendit.

Kryetari i Demokracisë së Re edhe njëherë e akuzoi qeverinë se ka qëndrime të ndryshme Brenda saj. Kjo duke marrë përshembull se shefi i diplomacisë greke, Nikos Kocias, ka një qëndrim tjetër dhe ministri i Mbrojtjes, Panos Kamenos tjetër. Për këtë arsye sipas Micotakis është e domosdoshme që për çështjen me Marrëveshjen e Prespës, të vendosë populli grek, para se të shkojë për ratifikim në parlament

Lideri i demokracisë së re akuzoi qeverinë në pushtet se po shfrytëzon mospajtimet e brenshme për t’i zgjatur jetën ekzekutivit aktual, ndërkohë që po i bën një dëm të madh vendit. Për këtë arsye ai këmbëngul se Greqia duhet të shkojë sa më shpejt në zgjedhje të reja dhe sa më shpejt ndodh aq më mirë është për vendin. /abcnews.al

nd708_115.jpg
ent ela23:44 | 13/07/2018

Partia kryesore opozitare në Greqi, Demokracia e Re, i kërkon sërish qeverisë së Kryeministrit Tsipras që të bëjë publike marrëveshjen që po diskutohet me Shqipërinë.

Në një deklaratë për mediat, “Demokracia e Re” e quan “diplomaci sekrete” atë të Kryeministrit Tsipras dhe të ministrit të Jashtëm Kotzias për bisedimet që po bëhen me Tiranën zyrtare.

Në këtë aspekt, opozita greke ka kërkuar nga qeveria që në Parlament të informojnë për marrëveshjen mes dy vendeve.

“Diplomacia sekrete e Tsipras dhe Kotzias ka rezultuar në dëm kombëtar me marrëveshjen e Shkupit. Tani, njerëzit mësojnë të habitur për një marrëveshje të ngjashme që po diskutohet me Shqipërinë. Ne i kërkojmë Kryeministrit dhe ministrit të Jashtëm të informojnë menjëherë Parlamentin për çfarë negociojnë në fshehtësi me Tiranën”, thuhet në njoftimin e “Demokracisë së Re”.

Gjatë dy ditëve të fundit është ngritur nga mediat greke tymnaja e ndryshimit të kufijve mes dy vendeve për shkak të keqinterpretimit të deklaratës së eurokomisionerit Hahn. /tvklan.al

625_C5D5AB3B-807A-F807-F47E-4F97FF7A2351.jpeg
ent ela10:27 | 05/07/2018

Opozita në Greqi kërkon të dijë më shumë sa i përket ecurisë së negociatave mes Shqipërisë dhe Greqisë. Deputetët e partisë “Demokracia e Re” i kanë dërguar një letër Presidentit të Komitetit të Përhershëm të Mbrojtjes Kombëtare dhe Punëve të Jashtme. Në letrën e tyre, ata kërkojnë një mbledhje me dyer të mbyllura për të diskutuar ecurinë e negociatave, marrëdhëniet shqiptaro-greke, hapësirën detare dhe të drejtat e pakicës kombëtare greke në vendin tonë.

Deputetët e opozitës greke kanë kërkuar edhe më parë në Parlament të informohen për bisedimet mes dy vendeve, por nuk kanë marrë përgjigje. Kjo gjë i ka detyruar ata që të bëjnë kërkesë për një mbledhje me dyer të mbyllura.

Deputetët e “Demokracisë së Re” theksojnë se “opozita është ende në errësirë për një çështje të rëndësisë kombëtare, e cila krijon shqetësim legjitim”.

Sipas tyre, negociatat mes Shqipërisë e Greqisë kanë arritur në një fazë kritike dhe rinegociimi për zonat detare pothuajse ka përfunduar. Në këtë mënyrë, thotë opozita greke, është e domosdoshme që ata të informohen për këtë marrëveshje. /tvklan.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono