opinion

2f6a23ea-6ac5-4942-93a2-b1b324adb1d9.jpg
R D12:13 | 11/12/2019

I bashkon misioni, fushatat e bamirësisë, por duket se Arber Hajdari dhe Elvis Naçi kanë edhe difergjenca mes tyre. Teksa diskutonin për idenë e shtëpive ekologjike, mbrëmjen e djeshme në “Opinion”, Hajdari dhe Naçi shfaqën qendrime krejt të ndryshme. Por, ajo që e nervozoi më shumë Arbër Hajdarin ishte fakti se iu ndërpre fjala gjatë emisionit në mënyrë të përsëritur. “O Hoxhë më ler të flas, më ke ndërprerë 27 herë”, iu drejtuar Hajdari, Elvis Naçit dhe shtoi “Edhe pse jam më i riu, kam volumin më të madh të punës… sa keni bërë të gjithë ju bashkë”.

Arbër Hajdari: Së pari që kemi ardhur tek ide, kemi vrarë mendjen shumë dhe i gjithë ky panel këtu duhet të respektojë, sepse jam më i vogli në këtë panel dhe më jepet fjala më pak nga të gjithë. Edhe pse kam volumin më të madh të punës ca keni bërë të gjithë ju këtu bashkë, punë konkrete jo llafe.

Blendi Fevziu: Këtu fjala merret Arbër…

Arbër Hajdari: Tani, së dyti ne nuk kemi propozuar një zgjidhje afatshkurtër, ne kemi propozuar një zgjedhje afatgjatë, kjo është një zgjidhje që njerëzit kështu po jetojnë sot në të gjithë botën e zhvilluar. Nuk është një zgjidhje për shembull siç është emergjent rasti i kontenierit, që mund ta përdorësh provizorisht. Ti i ke parë vetë në pjesën më të madhe të perëndimit, banesat janë të ndërtuara në këtë formë. Pra nuk është vetëm çështje lekësh, është edhe çështje cilësie që unë i kam parë nga afër këto.

Blendi Fevziu: Po të bëj prap pyetjen cinike të qytetarit, që po pse është kaq e lirë shtëpia? Sepse qytetarët mendojnë se shtëpia shkon paralel me cilësinë.

Arbër Hajdari: Shtëpia është me e lirë për shkak se prodhohet nga roboti, e prodhon fabrika në robot, nuk është tullë, llaç, veje mbi njëra-tjetrën që rrit kostot. Janë makineri të cilat e prodhojnë pjesë-pjesë, është gjithçka kompjuterike dhe kjo ul koston.

Blendi Fevziu: Dhe jeton afatgjatë?

Arbër Hajdari: Po 45 vjet ta jep fabrika me garanci.

Elvis Naçi: Blendi…

Elvis Naçi-Arbër Hajdarit: Thashë se mbarove…

Arbër Hajdari: Është hera e 27 që më ndërpret, më lër ta mbaroj.

Arbër Hajdari: Po si tani kur flet hoxha ne e kemi që nuk flasim ne të tjerët.

artan-hoxha-1-1280x747.jpg
ent ela09:03 | 22/11/2019
Gjatë emisionit “Opinion” këtë të enjte analisti Lorenc Vangjeli, në debat e sipër deklaroi se 5 kryetarë bashkie të dalë nga votimet e 30 qershorit do të rrëzohen, pasi kapen nga ligji i dekriminalizimit.

Por gazetari Artan Hoxha tha se një nga këta kryetarë bashkie do të “digjet” shumë shpejt.

Drejtuesi i emisionit lexoi një mesazh, ku flitej për një video që disponon gazetari Artan Hoxha, ku përfshihet kryetari i Bashkisë.

Blendi Fevziu: Një sms tjetër më thotë që Hoxha ka një video shumë interesante të një kryetari Bashkie, i thoni ta shfaqë.

Artan Hoxha: Po e verifikojmë, javës tjetër, mendova se këtë javë do të dilte video përvëluese, po nuk doli ajo kështu që javës tjetër.

Blendi Fevziu: E ke vërtetë videon?

Artan Hoxha: Është lajm që po e verifikojmë edhe do dali

Blendi Fevziu: Përvëluese është edhe kjo?

Artan Hoxha: Unë nuk them që është përvëluese, por diskredituese më tepër

Blendi Fevziu: Bashki e madhe?

Artan Hoxha: Boll që është kryetar Bashkie, ç’rëndësi ka sa e madhe është bashkia, për mua problem është që s’duhet lejuar që në pozicione të tilla, njerëz që kanë besimin e qytetarëve të kenë të drejtë të marrin vendime për jetën e qytetarëve të këtij vendi./ Opinion.al

artan-hoxha-compressor.png
ent ela23:07 | 18/11/2019

Situata politike është tensionuar këto ditë, sa i përket Gjykatës Kushtetuese, në përplasjen mes Presidentit, Qeverisë dhe KED-së.

Të shtunën zëdhënësi i Presidentit njoftoi se do të publikohej dhe një video, me fakte të pakundërshtueshme për opinionin vendas dhe botëror, që sipas tij është një bandë që ka tentuar t’i bëjë Kushtetutës dhe Gjykatës Kushtetuese të Republikës së Shqipërisë.

Por çfarë ka në këtë video? Gazetari Artan Hoxha tha në emisionin Opinion, se: “Zëdhënësi i Presidenti, flet dhe në emër të Presidentit. Nuk flet si gazetar aty, Tedi Blushi. Ai duhet të thirret urgjentisht, aq më tepër që është shantazhuar Gjykata Kushtetuese e Shqipërisë. Ata thonë qartësisht se ka prova. Ato janë prova, urgjentisht prokuroria duhet të fillojë urgjentisht hetimin, janë kërcënuar institucionet më të rëndësishme të vendit. Problemi është në këtë rast, baba Takut mund t’i ketë humbur çanta ose t’i ketë humbur ndonjë kasetë. Nëse është kërcënuar vërtetë Gjykata Kushtetuese dhe pas kësaj fshihet kryeministri dhe qeveria e vendit aq më tepër kur e ka një institucion kaq të rëndësishëm sa është Presidenca”.

Do kesh video plot këto ditë, nga ato me shantazhe”, theksoi më tej gazetari.

Ndërkohë gazetarja Klodiana Lala tha: Nuk bëhet fjalë për një video të vetme. Janë disa video që janë duke u përpunuar. Janë zëra zyrtarë nga Presidenca që na i kanë thënë. Nuk ka të bëjë më mbledhjet e KED, unë mendoj se shkon edhe përtej kësaj./ Opinion.al

edi-rama-4.jpg
ad min22:05 | 24/10/2019

Kryeministri Edi Rama ka deklaruar këtë të enjte se Bashkimi Evropian nuk i ka qëndruar angazhimeve të veta dy herë.

Gjatë emisionit “Opinion” në televizionin Klan, ai tha së herën e parë bëhet fjalë për vitin 2018 dhe të dytën në Qershor të këtij viti.

“Tani unë nuk kam ardhur këtu dhe nuk i kërkojmë asnjë llogari Macronit, askujt. Faktikisht, BE nuk i ka qëndruar angazhimeve të veta dy herë. Një herë në 2018-n dhe njëherë në Qershor. Merreni lexojeni çfarë kanë thënë në Qershor. Kanë thënë për këtë çështje do të vendoset për në Tetor. Ajo e kushteve nuk është një arsye për të akuzuar Shqipërinë, ajo është një arsye për të kuptuar se procesi i integrimit dhe procesi i të gjitha vendeve që duan të futen në BE, është bërë gjithnjë e më i paparashikueshëm dhe gjithmonë e më i lidhur nga nevojat e brendshme të atyre nxjerrin bishta”, tha Rama.

Gjithashtu, Kryeministri Edi Rama pranoi se ka rritje të numrit të azilkërkuesve në Francë, duke shpjeguar edhe arsyet e këtij fenomeni.

“Patjetër, ka një arsye. Dhe arsyeja lidhet me faktin që fluksi i azilkërkuesve, që nuk janë politikë fare, janë qytetarë të Europës që njësoj si gjithë qytetarët e tjerë të Europës lëvizin për punë, por ndryshe nga qytetarët e BE nuk janë njerëz të lirë brenda tregut të punës, nuk mund të shkojnë të regjistrohen në punë, dhe shkojnë bëjnë kërkesë për azil për të fituar kohë. Deri në momentin kur Gjermania ishte një destinacion që ofronte një paketë bujare për ata që vinin për të bërë azilkërkimin, pra para, muaj të tërë për shqyrtim, nuk shkonte njeri në Francë. Kthesa filloi kur me Gjermaninë ne arritëm që të krijojmë atë që duhet, bazën e origjinës së sigurtë. Pra, Shqipëria është një vend origjine i sigurtë, nuk është në luftë”, tha kreu i qeverisë./abcnews.al

kurti-1-1280x598.jpg
ad min23:45 | 09/10/2019

Kreu i Lëvizjes Vetëvendosje, Albin Kurti thotë se nuk do të jetë një kryeministër arrogant me opozitën dhe se bashkë me këtë të fundit do të krijojë një ekip negociator për dialogun me Serbinë. Këtë dialog thotë se do ta drejtojë vetë ai, ndërsa drejtimin e këtij dialogu nga Presidenti i Republikës e cilëson të gabuar.

Blendi Fevziu: Nëse do të shkoni në dialog me Serbinë, duket që SHBA e kanë marrë shumë seriozisht këtë dialog, përderisa Presidenti Trump ka caktuar një të dërguar special përtej atij për Ballkanin, një të ngarkuar direkt të tijin për dialogun Kosovë-Serbi. Sa të përfshira do të jenë SHBA-të në këtë dialog?

Albin Kurti: Do të jenë shumë të përfshira, ne kemi edhe letrën e Presidentit Trump nga Dhjetori i vitit të kaluar. Mirëpo Presidenti Trump aty thotë se ne duhet të flasim me një zë unik në Kosovë, gjë që nuk ka qenë rasti në dy vitet e fundit.

Blendi Fevziu: Dhe ju mendoni se do ta keni zërin unik si Kryeministër?

Albin Kurti: Unë si Kryeministër i ri i Republikës së Kosovës nuk do të jem arrogant ndaj opozitës, do të krijoj një ekip negociator bashkë me opozitën dhe nuk do të lejoj që Serbia të futet si pykë në skenën politike kosovare, të në ndajë e të na përçajë.

Blendi Fevziu: Kush do ta drejtojë dialogun me Serbinë?

Albin Kurti: Unë.

Blendi Fevziu: Kush ju mandaton për këtë?

Albin Kurti: Si Kryeministër i Republikës së Kosovës, në një shtet të pavarur që është republikë parlamentare dhe demokratike, kjo më takon.

Blendi Fevziu: Deri tani është marrë Presidenti i Republikës me këtë çështje.

Albin Kurti: Gabimisht pra, prandaj edhe dështoi.

Blendi Fevziu: Do të përjashtohet krejtësisht apo do të përfshihet edhe Presidenti në dialog.

Albin Kurti: Jo këtë do ta udhëheq unë. Presidenti i Republikës së Kosovës do të jetë president, por ai është përfaqësuesi i politikës së jashtme, jo krijuesi i politikës së jashtme. Ai është sjellë si krijues i politikës së jashtme, ai nuk mund të jetë më krijuesi i politikës së jashtme./tvklan.al

SINKRON-BERISHA-NE-OPINION.mpg_snapshot_00.01-1280x720.jpg
ent ela22:35 | 12/09/2019

Ish-kryeministri Sali Berisha ka komentuar situatën politike në emisionin “Opinion” në Tv Klan. Duke komentuar zërat për një koalicion të mundshëm mes kryeministrit dhe kreut të opozitës, Berisha tha se kjo do të sillte goditjen e fundit për demokracinë. Sipas ish – kryeministrit, rruga e vetme është largimi i qeverisë “Rama” me vullnetin e shqiptarëve.

Në të gjithë vlerësimin tim, një koalicion i tillë do të ishte asgjë tjetër veçse goditja e mëshirës për sistemin shqiptar, se s’mund ta quajmë demokratik, por goditje e mëshirës për ta varrosur përfundimisht atë që deri dje quhej demokraci por që sot është narkoshtet dhe një koalicion i tillë do të shuante çdo shpresë tek shqiptarët për të rimarrë rrugën e ligjit. Standardet këtu kanë marrë fund. Problemi është këtu, ka dhe më keq. Se nëse do bëhej një koalicion, ateherë do të përjetohej çelnikosja e këtij narkoshteti, e kësaj kakistokracie. Opozita nuk mund të bëjë asnjë hap të vetëm, duke patur PS, partinë e cila krijoi këtë situatë dhe në mënyrë të paimagjinueshme dhe ajo ka vetëm një rrugë, largimin e saj me vullnetin politik të shqiptarëve”. /ABC News Albania 24/7

nano-1-933x445.jpg
ent ela23:00 | 04/07/2019

Analisti Mustafa Nano deklaroi nga studio e emisionit “Opinion” në Tv Klan se nëse bëhet oferta e zgjedhjeve të parakohshme është një mundësi shumë e mirë për opozitën. “Unë mendoj se po u bë oferta e zgjedhjeve të parakohshme, kjo është alamet byreku, si ofertë për tu pranuar dhe besoj se do bien dakord”.

Mustafa Nano: Data 30 Qershor nuk është shumë ligjore por unë nuk di një datë tjetër, të jetë më ligjore se ajo.

Blendi Fevziu: Ajo është me e ligjshmja e datave që qarkullojnë?

Mustafa Nano: Ajo është më pak e paligjshme. Ishte dekreti i parë që caktoi datën e zgjedhjeve. Jam dakord që anulimi i dekretit të dytë është një gjë e diskutueshme sepse është dekret Presidencial nuk mund ta anulojë Kolegji Zgjedhor, por këtu nuk po ndalem se nuk jam shumë ekspert për këtë punë.

Blendi Fevziu: PD ka vendosur ti “mbrojë” bashkitë, të rezistojë, të mos bëjë rokadën e pushtetit në ato bashki që ka në mënyrë normale…

Mustafa Nano: Ky është një zotim si ai 30 Qershorit…

Blendi Fevziu: Nuk ke besim?

Mustafa Nano: Në fund do bëjë një telefonatë Matthew Palmer ose do thotë një gjë tek Zëri i Amerikës dhe më pas do ulen, Lulzim Basha bashkë me Berishën dhe Metën. Nuk është ky problemi…

Blendi Fevziu: Tek ne i zgjidh Palmeri, po thua ti?

Mustafa Nano:  Këtu është “Palmerokraci” për fajin tonë dhe jo për invadencën e Palmerit.

Blendi Fevziu: Por, çfarë do bëhet nesër?

Mustafa Nano: Duhet të ndalemi të gjithë këtu…Nuk mund të vazhdohet kështu. Për mua duhet të bëhen zgjedhje të parakohshme parlamentare.

Blendi Fevziu: Opozita nuk hyn në zgjedhje të parakohshme. Ka thënë që me Ramën nuk hyn në zgjedhje…

Mustafa Nano:  Opozita është pakicë dhe nuk mund të diktojë në këto terma, gjithë fatin e vendit, në rrethana që i jepet dhe zgjedhja e parakohshme nuk mund të thotë nuk futem në zgjedhje sepse dua kokën e Edi Ramës, se kjo është një marrëzi e madhe. Ata kanë të drejtë të kritikojnë Edi Ramën për të gjitha gjërat, kritika është legjitime, madje me tone të forta dhe më protesta, por nuk mund të kërkojë kokën e Ramës. Supozojmë se është dhe kokë e një diktatori, nuk ka si Rama, është Kim Yong Un dhe Edi Rama, këta të dy janë. Këtu ekziston opsioni i zgjedhjeve dhe në momentin që ofrohet opsioni i zgjedhjeve të parakohshme në këto rrethana, do hymë në zgjedhje.

Blendi Fevziu: Nuk ka zgjedhje me Edi Ramën ka thënë opozita…ta ktheje dhe këtë mbrapsht? Tha s’ka zgjedhje në 30 Qershor dhe i la…bashkitë thua do i lerë se del Palmeri. Të lerë dhe këtë çfarë do bëjë opozita?

Mustafa Nano:  Nëse këmbëngulja shkon deri në këto nivele unë shikoj fundin e opozitës  dhe jo të Ramës.

Blendi Fevziu:  Nuk shikon fundin e Ramës? Shikon fundin e opozitës?

Mustafa Nano:  Nuk mund të iki se thua ti, të rrijë Sali Berisha dhe të ikë Edi Rama…kjo është logjika që bëjnë…

Blendi Fevziu:  Nga kryeministër thonë, jo nga politika…

Mustafa Nano:  Po jo mo këta duhet të qërohen të gjithë….po iku ai duhet si kryeministër, do rrijë më në krye të PS? Ky është muhabet tjetër, duhet të çohen socialistët të thonë Rama, ik. Demokratët nuk po çohen të thonë Berisha ik. Unë mendoj se po u bë oferta e zgjedhjeve të parakohshme, kjo është alamet byreku, si ofertë për tu pranuar dhe besoj se do bien dakord…./tvklan.al

sali-berisha.jpg
nev ila23:37 | 23/05/2019

Në një lexim për deklaratën e deputetëve gjermane, ish kryeministri Berisha e interpreton atë si ftesë për dialog ku mund të negociohet gjithçka. Në emisionin Opinion në TV Klan, Berisha tha mbrëmë se nuk beson që Basha do të ulet në një tryezë dialogu me Ramën.

“Opozita e do marrëveshjen dhe nuk e ka këtë luftë për pushtet”.-deklaroi Berisha.

Por, sipas  tij, marrëveshje mund të ketë vetëm  me Ramën si kryetar të PS, jo si kryeministër.

Ish-kryeministri Berisha theksoi sërish se nëse nuk arrihet një marrëveshje, në 30 qershor mund të ketë përplasje.

Berisha tha se opozita do përmbushë misionin e saj me të gjitha mjetet e mosbindjes civile në një betejë për jetë a vdekje.

Sali Berisha ka komentuar fyerjet me shkrime në mur në hyrjen e pallatit të ambasadorit të OSBE-së, Bernd Borchardt. Ai tha se ambasadori ka qenë i njëanshëm, por sipas tij, protesta nuk duhej të ishte bërë tek shtëpia e ambasadorit./ABC News Albania 24/7

Sali-berisha-ne-opinion-1280x638.jpg
nev ila22:20 | 23/05/2019

Ish-kryeministri Sali Berisha i ftuar mbrëmjen e sotme në “Opinion”, ka folur për krizën politike në vend. Deklarata të forta ka lëshuar ish kryeministri i vendit për situatën aktuale. Berisha u pyet së nëse do të ndodhej në të njëjtën situatë si Edi Rama si do të vepronte?

Berisha u përgjigj se edhe në kohën kur ka qenë ai kryeministër ka patur protesta por se nuk është hedhur gaz lotsjellës kundër qytetarëve dhe fëmijëve. Gazetarët e kanë pyetur konkretisht Berishën, për protestën e 21 Janarit ku mbetën viktima 4 qytetarë, duke i thënë se ai ka reaguar me plumba kundër protestuesve të 21 Janarit. Berisha u përgjigj se, në atë kohë ishte organizuar grusht shteti, se Rama donte të merrte pushtetin. Garda, tha ai, përdoret në gjithë botën. Berisha gjithashtu tha se ligjin se si duhet të funksionojë garda e ka bërë Partia Socialiste dhe se atij i takonte vetëm ta zbatonte.

Garda përdoret në gjithë botën, garda ka një ligj. Atë ligj gardës, ja ka bërë Partia Socialiste. Garda nuk funksionon më urdhër, ka ligj. Ai mori një paralajmërim. Ai donte të vinte të merrte pushtetin, ishte organizuar grusht shteti. Lexoni pak deklaratën e OSBE se si thotë për këtë, 21 janari ishte grusht shteti”, tha ai.

Më tej gazetarët e kanë pyetur ish-kryeministrin se sipas një burimi po diskutohet se protesta e radhës e opozitës, në vend të 1500 policëve do të ketë vetëm 4 apo 5 policë e nëse do ti dilnin për zot vullnetit të protestuesve, Berisha tha:

Demonstruesit armiqësinë e kanë me Edi Ramën, jo me policinë. Midis atyre demonstruese janë edhe ata prindër që fëmijët e tyre u mbytën me gaz lotsjellës. Ai prind është gati të japë jetën e tij për të shqyer Edi Ramën”.

I pyetur nga gazetarja Mirela Milori se nëse, me gjithë këtë presion ndërkombëtaresh, Lulzim Basha të vinte dhe të thoshte se edhe mund të negociojmë me Edi Ramën si do e këshillonte, Berisha tha:

Unë një princip e kam zgjedhje me Edi Ramin nuk mund të bëhen.  Se çdo të bëj Basha nuk e di”.

Ish kryeministri Sali Berisha tha në bisedën e tij se nuk ka asnjë mundësi për dialog me Edi Ramën këtë moment. Berisha deklaroi se Shqipëria rrezikon të bjerë në greminë në datën 30 qershor ku pritet të mbahen zgjedhjet lokale në vend./abcnews.al

RAMA-NE-OPINION-1280x720.jpg
ent ela23:47 | 16/05/2019

Kryeministri Rama thotë se nuk do ketë shtyrje të zgjedhjeve të 30 qershorit, pasi nuk  ka asnjë mundësi kushtetuese për ta bërë një gjë të tillë. Në studion e “Opinion”, Rama tha se nuk do lejojë që të krijohet precedenti i legjitimimit të djegies së mandateve, pasi arsyet e kauzës së opozitës lidhen me frikën e saj nga humbja e zgjedhjeve e reforma në drejtësi.

“30 qershori është data e zgjedhjeve vendore, por nëse ne hyjmë në këtë marrëzi që a duhet që në një sistem demokratik që po ndërtojmë, të krijojmë një traditë që s’ka lidhje fare me demokracinë për të marrë peng nga opozita e pakicës që s’fiton dot zgjedhjet. Këtu është çështja që këtu nuk ka mundësi që të bëhen kushedi për sa vite zgjedhje normale. Nëse legjitimohet djegia e mandateve, nëse do vijë partia tjetër dhe do djegë mandatet dhe do fillojë loja nga e para. Janë pakicë pa asnjë mundësi për të fituar, nuk fitojnë dot janë të tmerruar nga reforma në drejtësi dhe SPAK dhe duan të krijojnë një situatë ku ose tëmarrin pushtet në tavolinë dhe të djegin çdo gjë përpara, ose të bëjnë Pazar. Nëse për një sekondë të vetme unë po mendoja të iki unë dhe këtu do normalizohet gjithçka nuk do isha këtu sot, do kisha ikur. Nëse do mendoja që të nesërmen e ikjes sime, Saliu të bëhet njeri është çështje e një sistemi që ne duhet ta ndërtojmë për fëmijët tanë. Kemi një kornizë dhe brenda kësaj kornize flasim ça të ketë. Aq sa të fiket emisioni “Opinion njëherë e përgjithmonë, Zot na ruaj, aq mund të të lëvizë data e zgjedhjeve”.

/ABC news Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono