opinion

KRONIKE-OPINION-SHERRI-FEVZIU-NOKA-ABC-M1-T3.mpg_snapshot_00.54-1280x720.jpg
G. P.15:09 | 07/11/2018

Debati në emisionin Opinion ka degraduar në ngritje të tonit të zërit dhe akuza personale. Moderatori i emisionit Blendi Fevziu është përplasur me demokratin Flamur Noka, pasi ky i fundit e akuzoi se po i mbyllte gojën opozitës, kur nuk ka guxuar të bëj të njëjtën gjë teksa është poshtëruar nga mazhoranca në pushtet.

Debati në emisionin televiziv Opinion, mbi përplasjen Rama – Meta lidhur me propozimin e kryeministrit për ministrin e ri të Brendshëm, solli përplasje përtej atyre të opinioneve politike. Debati mes drejtuesit të emisionit Blendi Fevziu dhe demokrtit Flamur Noka nisi pasi i pari i fiku mikrofonin të dytit gjatë emisionit.

Blendi Fevziu: “Ulja içik mikorofnin. Nuk dëgjohesh se je pa mikrofon. Stop stop, ti nuk mund të mbash fjalim si në parlament ktu”.

Lëvizje të cilën deputeti demokrat e përmendi në fund të emisionit.

Flamur Noka: “Të lutem herë tjetër mos i bëj fresk Rilindjes, se ke bërë kurrë ti fikësh mikrofonin opozitës”.

Kjo mënyrë të shprehuri ktheu debatin në personal.

Fevziu: “Nuk ja fika opozitës por Flamur Nokës, nëse nuk e bën dot diferencën është faji yt”.

Noka: “Ktu zotëri ty të ka poshtëruar Saimir Tahiri dhe nuk ja ke fikur mikrofonin, unë thjesht po bëja debat”.

Sulmit iu përgjigj me sulm.

Fevziu: “Mua nuk ma mbmyll gojën asnjeri në botë, kam 22 vjet që e bëj, fjalën fresk mos më thuaj që mos flasim për mesazhet që i çoni lart e posht qeverisë se është turp. Turp që i çoni mesazhe ju qeverisë, xhafes si të hoqi etj. Bën opozitarin në kamera jo mbrapa, ti nuk guxon të më thuash fjalën fresk”.

Në fund një shpjegim procedure.

Fveziu: “Ktu nuk bëni ju ça të doni, nuk ke të drejtë të flasesh kaq.”/abcnews.al

sander-llesh-1280x556.png
G. P.10:11 | 30/10/2018

Ministri i Brendshëm i emëruar nga kryeministri Rama dhe ende i padekretuar nga presidenti Meta, Sandër Lleshi tha mbrëmë në studion e emisionit “Opinion” në TV Klan se e ka pranuar këtë detyrë, pikërisht për faktin se ia kishte kërkuar Edi Rama. Gjenerali, që punon prej 5 vjetësh si këshilltar i kryeministrit Rama për çështjet e sigurisë, deklaroi se me Ramën është komode të punosh pasi ai e do debatin intelektual.

Si një njeri me formim dhe karrierë ushtarake, gjenerali që është propozuar të drejtojë Ministrinë e Brendshme, sqaroi se ai nuk ka lidhje me asnjë parti politike, ndërsa parti të vetme ka atdheun e tij. Sa i takon drejtimit te Ministrisë së Brendshme, Sander Lleshi tha se si ushtarak ai është i specializuar në fushën e sigurisë kombëtare. Gjenerali bëri të qartë edhe dallimin mes ministrit të Brendshëm dhe kryepolicit.

I pyetur për dy paraardhësit e tij në krye të Ministrisë së Brendshme, Tahiri dhe Xhafaj, u shpreh se ka mendim pozitiv për të dy dhe se njeh të gjitha arritjet e deritanishme të punës së policisë për rendin dhe sigurinë./abcnews.al

0808e9e2-f738-4aed-a292-781014160c0b-933x445.jpg
ent ela22:46 | 25/10/2018

Vangjush Dako pranon të ketë komunikuar me Altin Avdylin, siç është kapur në përgjimet telefonike të prokurorisë, por nuk i ka favorizuar dhe nuk ka lidhje me aktivitetin e tyre, pasi i konsideron thjesht votues. Në kulmin e akuzave politike nga opozita ndaj tij, kryetari i Bashkisë së Durrësit ishte i ftuar në “Opinion” në TV Klan ku dha shpjegime para një paneli të ftuarish.

Vangjush Dako nuk e mohon të ketë komunikuar në telefon me personat ( tashme të arrestuar) me të cilët është kapur në përgjimet e prokurorisë. Por ai thotë se ata i konsideron si të gjithë votuesit e tjerë në Durrës. Dako shton se si kryetar bashkie dhe sekretar politik i PS në qarkun e Durrësit komunikon me të gjithë bashkëqytetarët.

Pyetje: Keni lidhje me këta persona te akuzuar?

Vangjush Dako: “Jam kryetar i bashkisë komunikoj me çdo qytetar të Durresit u kërkoj votën dhe nuk shof as diplomën as dëshminë e penalitetit. Jam përgjegjës politik për zgjedhjet në qarkun e Durrësit”.

Një përgjigje e ka edhe për Lulzim Bashën e opozitën që e akuzojnë si politikan të lidhur me elemente kriminale.

“Basha më thotë që ka fletë arresti, nervozohem se jam me ndjenja dhe nuk kam prek drogë, armë lekë të pista”.

Dako thotë se mandatet e tij në krye të Bashkisë së Durrësit janë të merituara e falë votës së lirë dhe kurrë të blera me lekë.

“Nuk i fitojmë zgjedhjet ne me lekë dhe nuk më kanë lëvizuar sondazhet”.

I pyetur nga paneli në studion e Opinion, për herë të parë, kryetari i Bashkisë së Durresit Vangjush Dako, tregon edhe të vërtetën sipas tij, për refuzimin e vizës nga Ambasada Amerikane në Tiranë.

“Është e vërtetë që më është refuzuar viza, kam shkuar. Kam qenë diku vitin e kaluar, në Shtator-Tetor. Bëmë të gjithë procedurat, shkuam për intervistë dhe më bënë disa pyetje. Ajo përtej sportelit atje pasi mori shenjat e gishtave me tha, sa shtëpi dhe sa makina ke? Dy shtëpi dhe tre makina, i thashë. Ktheu mbrapsht tha dhe do të merrni përgjigje.

Brenda 24 orëve me erdhi me DHL një shkresë, ku ishte refuzimi, shikoni nenin 233 G, ku shkruhej se ishte refuzimi i pjesshëm dhe mund aplikoni pas 6 muajsh, pa pagesë për arsyetimin se nuk keni qenë korrekt me dokumentet. Nuk shkova se thashë do fillojnë përsëri këta, o nuk mori vizë, o nuk mori vizë. Dhe nuk shkova më”./abcnews.al

697ee3fa-7d1d-43ae-b4ac-69be9d99be55-1-933x445.jpg
ent ela22:35 | 25/10/2018

Kryetari i Bashkisë së Durrësit është shfaqur i revoltuar në emisionin “Opinion” në Tv Klan në lidhje me përgjimet e prokurorisë. Ai thotë se është person me reputacion dhe nuk mund të përflitet nga kryetari i opozitës se pritet që të arrestohet.

Në emisionin “Opinion”, kryebashkiaku Dako u shpreh se në fushatë takon shumë persona, madje e ka cilësuar veten si “superman”.

“Kam familje. Tani të dalë kryetari i opozitës, ish-presidenti, ish-kryeministri të thotë sot i është prerë fletë-arresti, do vijë ta kapi RENEA, do dënohet dhe unë tani të rri i pashqetësuar? Mos të filloj të ulëras e të bërtas unë? Më vjen shumë keq, se unë jam njeri me ndjenja e me shpirt. Jam njeri që kam reputacion, jo vetëm në Durrës, po në gjithë Shqipërinë. Mua më njohin njerëzit. Jam akulllore, i shikon këto duar, janë akullore këto, s’kam prekur as pistoletë, as drogë, as lekë të pista. Lul Basha i ka me gjak dhe të zeza se i ka duke numëruar të zezat. Me mua krahasohen këta? Por unë nuk pranoj të krahasohen me mua këta! Unë në fushatë jam superman, bëj takime me 20 vetë, me 50 vetë”, tha Dako. /tvklan.al

malokuu.jpg
G. P.23:01 | 01/10/2018

Para gazetarit Blendi Fevziu, Xhisiela Maloku tha se e gjithë historia e dhunës dhe kërcënimeve është zmadhuar dhe ekzagjeruar në mënyrë ekstreme. Ajo tha se nuk është kërcënuar kurrë dhe se denoncimin për Rexhep Rrajan e ka bërë nga xhelozia.

Në një intervistë për “Opinion”, vajza e cila përgjatë gjithë këtyre ditëve ka qenë në qendër të vëmendjes, për dhunë nga djali i deputetit Rrahman Rraja, mohon që dëshmia e publikuar në media të jetë e saja dhe thotë se ajo është sajuar nga ish-oficeri Emiljano Nuhu.

“Unë kam shoqëri prej më shumë se 10 vitesh dhe jemi edhe fqinj. Askush nuk më ka kërcënuar, siç është thënë në deklarata të rreme. Askush nuk më ka kërcënuar siç është thënë në deklarata pa firma”.

Maloku insistoi se deklarata e publikuar këtë të hënë në media, ku shprehimisht thuhej se Rexhep Rraja e kishte kërcënuar me fjalët “Nuk do të të vras, do të të plagos…dua të vuash e jo të vdesësh direkt”, nuk është e saja.

“Absolutisht, jo, ajo nuk është dëshmi e imja, atë ta marrë ta gjejë Emiljano se e kujt është. Në asnjë moment unë nuk kam thënë që ata janë fis kriminelësh. Ato që thuhen aty i ka thënë Emijano”.

E pyetur nga gazetari Fevziu se përse e tërhoqi denoncimin e bërë në polici, 25-vjeçarja tha se e bëri ngaqë arriti të rregullonte marrëdhëniet me ish-të dashurin për të cilin ishte xheloze.

Pra i bie që jeni tallur me policinë? e pyeti Fevziu. “Po”, u përgjigj Xhisiela, duke shtuar se nuk ka qenë kurrë e kërcënuar e madje se Rexhepi i kishte ofruar mbështetje.

Maloku insistoi në mënyrë të përsëritur që nuk është kërcënuar asnjëherë asnjeri dhe mohoi kategorikisht që e ka kërcënuar ndonjë person kohët e fundit.

Edhe kërcënimin gjatë përballjes në prokurori me Rexhep Rrajan, 25-vjeçarja tha se nuk është e vërtetë, se ai nuk e ka kërcënuar. “Nuk më ka kërcënuar, në asnjë moment. As nga ai as të afërmit e tij”

Ju po e tërhiqni prap dëshminë e dhënë?, e pyeti Fevziu.

“Patjetër”, tha Maloku./abcnews.al

o-WASHINGTON-POST-facebook-1280x640.jpg
G. P.22:40 | 23/09/2018

Uashington Times ka publikuar një artikull për muxhahedinët që jetojnë në Shqipëri. Sipas autorit të shkrimit, ata shpresojnë në rrëzimin e pushtetit në Iran dhe vendosjen e demokracisë.

Media e njohur amerikane Uashington Times i ka kushtuar një opinion muxhahedinëve që jetojnë në Shqipëri. Autori, Tod Wood ka vizituar kampin e tyre në vendin tonë. Ai thotë se nuk ia kishte idenë se çfarë e priste në ndërtesën ku strehohen 3200 pjetarë të lëvizjes së rezistencës iraniane, të cilët u detyruan të largoheshin me dhunë nga Iraku.

“Me administratën Trump që u tërhoq nga marrëveshja bërthamore me Iranin, Muxhahedinëve u është dhënë një shpresë e re në shtytjen e tyre për ndryshimin e regjimit në Republikën Islamike të Iranit. Me sanksionet e reja, në kombinim me pasojat e menaxhimit jokompetent të regjimit të korruptuar, trazirat civile janë të shfrenuara në të gjithë vendin. Muxhahedinët shikojnë një shans të vërtetë për të detyruar ndryshimin e regjimit nga brenda Iranit, pa patur nevojë për përdorimin e forcës ushtarake amerikane të shtrenjtë dhe tashmë tepër të shtrirë”, shkruan Uashington Times. Ndërkohë, më tej nënvizon se me rënien e regjimit të vjetër, muxhahedinët dëshirojnë që të instalojnë demokracinë në vend./abcnews.al

IMG_1383-933x445.jpg
ent ela22:13 | 20/09/2018

Kryeministri Edi Rama është shprehur i vendosur mbrëmjen e së enjtes në emisionin “Opinion”, në Tv Klan, për të shembur Teatrin Kombëtar dhe për të ndërtuar një të ri në vend të tij.

Sipas tij, godina e Teatrit Kombëtar është “një godinë që ka marrë fund dhe s’ka asgjë për të ruajtur, zero” dhe si pasojë “do të shembet”.

Deklarata e Ramës vjen pak orë pasi Parlamenti pranoi dekretin e Presidentit që kthente për rishqyrtim ligjin për Teatrin e ri dhe amendoi ligjin në fjalë duke rihapur garën për ndërtimin e godinës së re të këtij institucioni, në përputhje me kërkesën e institucioneve europiane.

Opozita e cilësoi antikushtetuese këtë hap dhe përmes një letre, kërkoi që mos të amendohej ligji sa kohë që pranimi i dekretit e bënte nul atë.

Skena e këtij teatri është 8 metra e gjerë. 8 metra e gjerë është skenë për vatër kulture, jo për godinë teatri bashkiak në një vend normal dhe lërë më për skenë të një Teatri Kombëtar. 24 metra e gjerë është skena e Turbinës. E para kjo… E dyta, ka funksionuar nën logon e Teatrit Kombëtar, por ka qenë jashtë të gjitha standardeve të imagjinueshme për një teatër normal. Është një godinë ku t’i nuk fton dot një trupë të huaj, sepse nuk të ngjitet një trupë e huaj në atë skenë. Është një godinë ku të gjithë ata që kanë dhënë jetën atje kanë sakrifikuar në mënyrë të jashtëzakonshme dhe është një godinë të cilës i ka ardhur fundi.

Sipas kreut të qeverisë, godina e Teatrit Kombëtar “nuk ka asnjë lloj vlere nga pikëpamja e një trashëgimie kulturore, e cila të mund të justifikojë qëndrimin e saj atje si një varr i hapur. Ajo s’mund të jetë teatër, ajo s’mund të jetë muze, ajo s’mund të jetë destinacion, s’mund të jetë asgjë./tvklan.al

ramush-haradinaj.jpg
G. P.12:11 | 20/09/2018

Gjatë intervistës së tij në emisionin “Opinion” në televizionin Klan, kryeministri i Kosovës, Ramush Haradinaj, theksoi dhe njëherë se nuk do të ketë asnjë marrëveshje me Serbinë për ndryshim kufijsh.

Kryeministri i Kosovës, Ramush Haradinaj, në intervistën e tij në emisionin “Opinion” të gazetarit Blendi Fevziu, deklaroi se nuk do pranohet një marrëveshje me Serbinë për korrigjim të kufijve.

Haradinaj tha se nuk e konsideron një projekt serioz.

Ramush Haradinaj: “Të gjitha këto që kanë ndodhur nuk më lejojnë të mendoj se presidenti Thaçi e ka menduar si një projekt serioz. Unë mendoj se është një taktikë politike e tij, por nuk e konsideroj si një projekt serioz”.

Haradinaj përsëriti se është dhe do të jetë kundër një marrëveshjeje të tillë me Beogradin

Blendi Fevziu: “Vuçiç në fjalimin e tij në Mitrovicë, më krijoi idenë sikur paralajmëron një marrëveshje me Kosovën”.

Ramush Haradinaj: “Ne i respektojmë vlerat e serbëve të Kosovës, gjuhën , besimin, pra të gjitha të drejtat. Përkundër të kaluarës tonë tragjike. Edhe një zgjidhje me Serbinë është e mirëpritur nga ana jonë, por ne nuk do shkojmë tek zgjidhja deri tek korrigjimet në territor. Ne nuk e hapim të kaluarën tonë. Nuk ka kthim pas edhe vendet që nuk na njohin, vitin që vjen, këto vende do të na njohin. Ne do të luftojmë për t’u bërë anëtare e NATO-s. Kufiri nuk do ndryshojë. Ne nuk do të lejojmë të preken kufijtë tanë”.

Kohët e fundit kreu i ekzekutivit kosovar ka kundërshtuar shpesh herë publikisht idenë e presidenti Thaçi për korrigjim kufijsh, madje duke paralajmëruar dhe një luftë të mundshme nëse kjo ide bëhet realitet./abcnews.al

berisha-ne-opinion-1280x566.jpg
ent ela21:12 | 13/09/2018

Ish-Kryeministri Sali Berisha shprehet pro një marrëveshje mes Kosovës dhe Serbisë, por jo shkëmbimit të territorit.

I ftuar në emisionin “Opinion” të Blendi Fevziut në Tv Klan, Berisha tha se rajoni i Ballkanit ka shumë minoritete, megjithatë këto nuk janë problem.

Sipas Berishës, problemi i vërtetë janë mazhorancat në këtë rajon, dhe jo minoritetet.

Sali Berisha: Nuk jam kundër një marrëveshje. Kam mbështetur, mbështes dhe do mbështes një marrëveshje. E konsideroj shumë të rëndësishme për paqen dhe stabilitetin në rajon. Marrëveshja në konceptin tim duhet të jetë një marrëveshje mes dy vendeve sovrane që respektojnë sovranitetin dhe integritetin territorial mes dy vendeve.

Blendi Fevziu: Nëse dy vendet vendosin të shkëmbejnë territore, ku qëndron e keqja?

Sali Berisha: Është jashtë çdo lloj koncepti europian. Ballkani është më i pasur se çdo rajon tjetër me minoritete. Problemet nuk janë minoritetet, por janë mazhoranca. Pse e ka Serbia dhe Rusia këtë përqëndrim kaq të madh në Mitrovicë? I kujt ishte projekti i shkëmbimit? Projekti është i Beogradit. /tvklan.al

 

ali-ahmeti.jpg
G. P.12:54 | 12/09/2018

Gjatë intervistës së tij në emisionin Opinion të gazetarit Blendi Fevziu, kryetari i BDI-së në Maqedoni Ali Ahmeti u shpreh se shqiptarët do të votojnë “pro”, në referendumin për emrin në 30 shtator.

Mbrëmjen e së martës në emisionin “Opinion” ishte i ftuar kreu i BDI-së në Maqedoni, Ali Ahmeti. Ky i fundit ndër të tjera u shpreh se shqiptarët votojnë për të ardhmen e tyre në Maqedoni. Që Maqedonia të integrohet në BE dhe NATO. Ai tha se është koha që në 30 Shtator të vendoset me votë në referendum e ardhmja e këtij shteti.

Blendi Fevziu: “Shqiptarët votojnë për emrin e Maqedonisë, apo për t’i hapur rrugë integrimit të Maqedonisë”?

Ali Ahmeti: “Shqiptarët votojnë për ardhmërinë në Republikën e vet të Maqedonisë. Shqiptarët votojnë që Maqedonia të integrohet në Nato, të anëtarësohet në BE. Shqiptarët votojnë që të jetojnë në paqe dhe stabilitet dhe pikërisht me 30 Shtator është komenti, koha që ne t’i arrijmë këto synime”.

Blendi Fevziu: “Pse duhet të ekzistojë Maqedonia, kur duket që bashkëjetesa ose krijimi i një unioni midis shqiptarëve dhe maqedonasve nuk po funksionon. Duket sikur shteti nuk funksionon dhe palët nuk do pajtohen kurrë”.

Ali Ahmeti: “Kjo nuk qëndron. Në Maqedoni funksionon shteti, funksionojnë marrëdhëniet e mira”.

Blendi  Fevziu: “A ka unitet”?

Ali Ahmeti: “Mund të flasim për politikanë që janë akoma të papërgjegjëshëm. Qytetarët e kanë kuptuar realitetin objektiv më shumë sesa politikanët”.

Prej ditësh me iniciativë të kryetarit të parlamentit të Maqedonisë Xhaferri, partitë shqiptare kanë nisur fushatën pro referendumit për të nxitur sa më shumë maqedonas që të votojnë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono