opinion

berishaaa-933x445.jpg
ent ela22:19 | 03/05/2018

Dorëheqja e ish-ministrit të Brendshëm Saimir Tahiri ka shkaktuar jo pak reagime dhe kritika në sferën politike. Ndryshe nga mendimi i kreut të qeverisë Edi Rama, i cili tha se dorëheqja e Tahirit është një akt dinjitoz, ish-kryeministri Sali Berisha e cilësoi atë si një marrëveshje mes të dyve dhe si një marrëveshje sipas kockave mafioze.
Në një intervistë për emisionin “Opinion” në Tv Klan dhënë për gazetaren Manjola Bregasi, ish-kreu i qeverisë, tha se fjala e Tahirit ishte plumbi me zarf për Edi Ramën.

Zoti, Berisha, pse Saimir Tahiri e dorëzoi sot mandatin?

Dorëzimi sot i mandatit nga Saimir Tahirit ishte dëshmia më flagrante, para shqiptarëve, Bashkimit Europian, dhe partnerëve tanë kudo në dot, se Edvin Kristaq Rama është kryekumbara i mafies shqiptare, i mafies ballkanike dhe më gjerë. Akti i sotëm i Saimir Tahirit për çdo njeri që ka ndjekur politikën shqiptarë është thjesht një akt për të hedhur hi syve, partnerëve tanë të cilët i treguan Edi Ramës kartonin e kuq. Nuk është absolutisht e vërtetë se ata kërkuan kokën e Saimir Tahirit, sepse ata nuk janë naivë. Ata e dinë se kryekumbari kryesor në Shqipëri është njeriu i cili refuzoi për herë të parë heqjen e imunitetit dhe lejimin e arrestimit të ministrit të brendshëm për akuza shumë të rënda nga antimafja italiane dhe Prokuroria shqiptare. Ata e dinë mirë që është njeriu, i cili i ktheu pasaportën Saimir Tahirit,i cili liroi Soton e kapur me miliona euro dhe burimet thonë, së në makinë me Soton, ka qenë dhe Saimir Tahiri, i cili transportonte paratë e Habilajve dhe pasi i ekstradoi në kundërshtim me ligjin dhe Kushtetutën, dëshmitarin i cili po fillonte të fliste Nazeraj, pasi i bëri të gjitha këto shërbime në një takim që u njoftua nga mediat, gjerësisht në një spital në Tiranë, ku Rama shkoi se gjoja  i dhimbte kërbishtja, ra dakord që Saimir Tahiri për të shpëtuar kokën e Ramës të dorëzohej.

Ju mendoni se kjo heqje e mandatit është në dijeninë e Ramën, ju mendoni se ka një marrëveshje mes tyre?

Absolutisht, një  marrëveshje të plotë, por marrëveshje sipas kockave mafioze. Së pari Edi Rama pas të gjitha atyre masave i tha Mogherinit, u shndërrua në avokatin publik kur nuk ka asnjë të dhënë Prokuroria për Tahirin, arrit në shkallën me ekstreme të mbrojtjes dhe mashtrimit kur deklaroi në Bundestagun gjerman se Saimir Tahiri nuk ka asnjë lloj imunitet, kur ata e dinin shumë mirë se Rama votoi kundër heqjes së imunitet të Saimir Tahirit. Por Rama sulmoi me egërsi prokurorët, të cilët del se ata kanë pasur të drejte në përputhje me ligjin. Kjo dëshmon se ata kanë pasur një ujdi me njëri tjetrin. Kjo është një ujdi mes tyre. Lexo çfarë thotë Saimir Tahiri, ai ka vetëm një kryefjalë. Edi Rama po guxove të flasësh një fjalë kundër në kancelari, apo në parlament, unë do them gjithçka për ty në burg.

Sipas jush a ka ndryshuar diçka mes Ramës dhe Tahirit? Para dy javët, Tahiri ishte gati kërcënues ndaj ish-shefit?

Sot marrëdhëniet e mafiozëve këto janë, beso, por po ma shkele plumbi me zarf. Fjala e Tahirit, ishte plumbi me zarf për Edi Ramën, guxo dhe shkel ato që kemi rënë dakord. Por kjo kuptohet gjithnjë e më shumë jashtë. Ja rreshton të gjitha aty dhe Edi Rama le të guxojë. Sot Europa kërkon kokën e Edi Ramës. Kanë ngelur pa u informuar dhe komentuar në shkallën e duhur një akt që nuk është regjistruar më thonë mua, asnjëherë në historinë e Bundestagut. Bojukoti total i grupit parlamentar politik, më të fuqishëm të Europës CSU-CDU të pritjes së darkës që do shtronte Edi Rama. Unë po ju kujtoj një deklaratë të zëdhënësit të këtij grupi që thotë, “Para se Bashkimi Europian të miratojë hapjen e negociatave për anëtarësimin e Shqipërisë, prodhimi dhe trafiku i drogës në vend duhet të ulet në mënyrë dramatike, Të gjithë e dinë që është dhjetëfishuar trafiku. Gjyqësori duhet të jetë i  pavarur nga ndikimi politik dhe të mos jetë objekt i asnjë kontrolli politik, sot gjyqësori është më i anshëm se kurrë dhe e treta, asnjë mandat deputet apo zyrtari të qeverisë nuk duhet të ekzistojë nëse ndaj ti ka urdhër arresti apo tashmë është dënuar. Kjo deklaratë nuk është e djeshme, por e datës 13.12. 2016 dhe është një ditë, pasi ministrat e jashtëm vendosën hapjen e negociatave.

Ku e bazoni argumentin se Europa, po kërkon kokën e Edi Ramës?

Europa ka të qartë se prapa rrënimit të mosplotësimit të këtyre tre kushteve të mëdha qëndron Edi Rama. Nuk mundet kurrë një ministër të kanabizojë gjithë vendin të fusë gjyqësorin në dorë dhe këtë e ka bërë vetëm ai. Nuk mundet kurrë një që ministër, timin. Kujto të gjithë ministrave që ju kemi hequr imunitetin. Kanë pasur burrërinë dhe kurajën kanë kërkuar vetë heqjen e imuniteteve dhe janë votuar në parlament. Ndërsa Tahiri e dorëzoi imuniteti, për të hedhur si syve. Ky është akt midis dy kockave mafioze.

Ndërkohë që Tahiri, ka hedhur  akuza ndaj opozitës?

Lavdërime nuk mund të kishte ndaj opozitës.

A ka fakte për opozitën?

Asnjë, ai është një bandit, nga dita e parë në pushtet hyri si bandit, por banditi dhe iku si bandit, por natyrisht kryebandit është Edi Rama.

Ju prekët gjyqësorin, me ndryshimet që ndodhën në kupolën që ndodhën a keni besim në trajtimin e “Çështjes Tahiri”?

Edi Rama është kryegjykatës dhe kryeprokuror dhe prandaj ndodhi kjo. Pse nuk ndodhi kur nuk ishte kryeprokuror dhe kryegjykatës? Pse Rama refuzoi dhe votoi kundër heqjes së imunitetit të tij dhe bëri të gjitha veprimet pasi mori në dorë frenat e kryeporkurorisë, kjo është realiteti. Kështu që edhe një herë për Eurpën për parnterët është shumë e qartë e Edi Rama është noriega e Shqipërisë./tvklan.al

ramaaa-933x445.jpg
ent ela21:25 | 03/05/2018

Kryeministri Edi Rama ka vlerësuar dorëzimin e mandatit të deputetit nga Saimir Tahiri, duke e konsideruar akt dinjitoz. Në një intervistë për emisionin “Opinion” në Tv Klan dhënë për gazetaren Manjola Bregasi, Kryeministri Rama ka mohuar që t’i ketë sugjeruar Tahirit të dorëzojë mandatin e deputetit. Ai thotë se nuk ka pasur dijeni paraprakisht për dorëheqjen e Tahirit, duke arsyetuar se prej 6 muaj ish-ministri i Brendshëm nuk është pjesë e grupit parlamentar të PS. Sa i përket akuzave të opozitës se dorëheqja e Saimir Tahirit është kërkuar nga Gjermania, Kryeministri Edi Rama i mohon këto pretendime.

Pyetje: Z.Rama çfarë mendoni ju për dorëheqjen e Tahirit?

Edi Rama: Një akt dinjitoz, në kujtesën time i pari i këtij lloji në historinë e parlamentit shqiptar, i respektueshëm plotësisht. Unë gjykoj asgjë nga ato që thuhen në këtë rast, sepse ky është një rast për të cilin jam shprehur qartë këtu e 6 muaj më parë, se i takon Saimir Tahirit dhe drejtësisë.

Pyetje: A ja keni kërkuar ju dorëheqjen?

Edi Rama: Besoj që është humbje kohe të merremi me llafet e kazanit politik dhe mediatik, pasi ky është një akt që flet vetë dhe është i respektueshëm për atë që është. Unë s’kam pasur asnjë dijeni dhe s’ka asnjë arsye pse unë duhet të kisha dijeni. Saimir Tahiri prej 6 muajsh nuk është pjesëtar i grupit tonë parlament dhe nuk ka asnjë rol në Partinë Socialiste.

Pyetje: Ky vendim i Tahirit, e çliron Parlamentin shqiptar qoftë në sytë e publikut apo qoftë edhe në ato akuzat e inkriminimit që janë bërë?

Edi Rama: Parlamenti shqiptar, fatkeqësisht nuk është një i tërë sot, është i ndarë. Parlamenti shqiptar ka një shumicë, ka dhe një pakicë. Në rast se flasim për shumicën, nuk ka pasur asnjë lloj nevoje të çlirohet nga asgjë. Shumica ka mbajtur qëndrimin e duhur për këtë rast. 100 herë të ktheheshim mbrapsht, 100 herë do kishim mbajtur të njëjtin qëndrim.

Pyetje: Lidhur me deklaratat që Tahiri ka bërë për qëndrimet që ministri i Brendshëm ka mbajtur ndaj policisë dhe krimit, a keni ju një koment?

Edi Rama: Saimir Tahiri ka qenë ministër i Brendshëm pothuajse një mandat të plotë me mua dhe unë nuk i heq asnjë presje të gjithë atyre që kam thënë në kohën kur ai ishte ministër i Brendshëm, sepse kam mbështetur dhe vlerësuar punën e tij. Ashtu sikundër mbështes dhe vlerësoj punën e ministrit aktual të Brendshëm. Janë natyra të ndryshme, janë qasje të ndryshme, janë stile të ndryshme.

Pyetje: Kryetarja e LSI Monika Kryemadhi, njëkohësisht z.Berisha sot kanë artikuluar që në fakt Europa kërkon largimin tuaj, jo largimin e Saimir Tahirit. Si i komentoni ju këto deklarata?

Edi Rama: Përfytyroni se në ç’mjerim do të ishte Europa nëse do të fliste për shqiptarët nëpërmjet Sali Berishës dhe Monika Kryemadhit. Por, ata nuk kanë asnjë lidhje me Europën në kuptimin e zëdhënies në emër të Europës dhe fatkeqësisht janë sot kundërshtarë të vendosur të rrugës sonë për të ecur më shpejt drejt Europës për të çelur negociatat për anëtarësim në Bashkimin Europian, dhe kjo është një fatkeqësi e jona e përbashkët, por në këtë mes Europa s’ka asnjë lidhje. Patjetër ata thonë kaq dhe shumë më tepër se sa kaq dhe ajo që unë mund të them për ato që ata thonë, është Zoti i ndihmoftë ata që i dëgjojnë.

Pyetje: Kreu i demokratëve Lulzim Basha tha se kjo është një lojë që bëhet pas presionit që juve keni patur në Gjermani.

Edi Rama: Unë në Gjermani nuk kam pasur asnjë presion. Në Gjermani në komisionin çështjeve europiane, unë thjesht i jam përgjigjur interesimit të një deputeti për këtë çështje duke dhënë edhe shpjegime bazuar në qëndrimin tonë që është publik këtu. Sa për lojën, lojë është t’i ikësh drejtësisë me raporte mjekësore siç ka bërë Lulzimi.

Pyetje: A është një sinjal për hapjen e negociatave gjesti i Tahirit?

Edi Rama: Hapja e negociatave nuk ka lidhje fare me këtë rast dhe leje më pastaj me këtë gjest. Hapja e negociatave është tani më një çështje politike. /tvklan.al

tahiri-3.jpg
ent ela21:44 | 19/04/2018

Duke iu referuar deklaratave të sotme dhe gjuhës së përdorur sot nga Saimir Tahiri, ish-ministri i Brendshëm shpjegoi në emisionin “Opinion” në Tv Klan se përgjatë 6 muajve mungesë në Parlament, persona të tjerë i kanë bërë gjyqin publik.

Gjatë një lidhje telefonike, ish-ministri i Brendshëm tha se deklaratat e tij ditën e sotme nuk ishin kërcënim për askënd dhe as për Kryeministrin Edi Rama. I pyetur nga gazetari Blendi Fevziu nëse deklarata e tij ishte mesazh i koduar, Tahiri theksoi se prej 6 muajsh i është bërë “gjyqi publik” nga kushdo në Parlament dhe jashtë tij, e tani i intereson të dalë e vërteta.

“S’mund të hidhni fall për arsyen pse kam shkuar unë në Kuvend apo arsyen nëse kam kërcënuar unë Edi Ramën apo këdoqoftë. E para nuk e kam në kulturë të kërcënoj, e dyta nuk e kam në mënyrën time të të bërit të gjërave t’i jap mesazhe njerëzve në çdolloj rruge përveçse të drejtpërdrejtë, e treta kam gjithë të drejtën time të flas në Parlament dhe jashtë për gjithçka kam dëgjuar përgjatë 6 muajve që kam qëndruar në heshtje. Ju kam dëgjuar dhe ju, pafundësisht më keni bërë gjyqin, siç kam dëgjuar edhe në Parlament Saliun, Lulin, kam dëgjuar këdo tjetër që më ka bërë gjyqin moral. Unë këtë nuk e pranoj. Për hir të respektit ndaj sistemit të drejtësisë, meqë unë sot jam në hetim, për hir të parimeve të mia nuk jam marrë kurrë me prokurorë dhe gjyqtarë që nga momenti kur unë jam vënë nën hetim. Por kjo nuk do të thotë që Saliu, Luli e kushdo tjetër të më bëjë gjyqin moral. Këtë unë nuk e pranoj në asnjë rast”.

Sërish ish-ministri i Brendshëm ka përdorur një gjuhë të ashpër, duke iu referuar togfjalëshit të sotëm “bir k**ve”.

“Jam i bindur që sado ta interpretoni ju, këtë që thashë unë sot e thonë njerëzit më shumë. Në qoftëse unë jam një bir nëne që kam 6 muaj duroj lloj-lloj akuzash dhe lloj-lloj shpifjesh në kurrizin tim, unë të garantoj që në popull ka mijëra djem nënash nga qeverisja e 30 viteve të bij ku***sh, vuajnë varfërinë dhe gjithçka tjetër”.

Sa i përket hetimit ndaj tij për përfshirje të dyshuar në trafikun ndërkombëtar të drogës, Saimir Tahiri theksoi se gjatë 4 viteve të punës si ministër i Brendshëm, kultivimi i kanabisit ka qenë më i ulët krahasuar me një vit të Qeverisjes Berisha.

“Në 4 vjet kam bërë maksimumin tim me shpirt, edhe mund të kem gabuar. Mos i jepni rrugë mediokritetit duke dalë atje dhe duke thënë çdo lloj gjëje. Kryeministri dhe ministri i Brendshëm sot mund ta konsiderojnë si të duan. Katër vite kur kam qenë unë në detyrë, kultivimi i hashashit ka qenë më pak se 1 vit i Berishës. Mua nuk më intereson askush dhe asgjë përveç të vërtetës. Shpresoj të vijë dita të mbyllet dhe të dalë e vërteta ime. Unë kam heshtur dhe i kam lënë rrugë drejtësisë”, tha ish-ministri i Brendshëm Saimir Tahiri gjatë një lidhje telefonike në emisionin “Opinion” në Tv Klan. /tvklan.al

opinion-1280x556.jpg
gra moz14:31 | 06/04/2018

Pavarësisht deklaratave të fundit për tarifimin e disa rrugëve të rjera, kryeministri Edi Rama ka sqaruar në emisionin Opinion se nuk e kanë në plan tani për tani. Rruga e vetme që nuk i shmanget pagesës nga përdoruesit është ajo e Kukësit.

Nuk ka heqje të pagesës për Rrugën e Kombit vetëm ndryshim të tarifave që duhet të paguajnë banorët e zonës dhe ata që e përdorin më shpesh.

Çdo interpretim tjetër është keqkuptim sqaroi kryeministri Edi Rama përballë gazetarit Blendi Fevziu në emisionin “Opinion”.

Edi Rama:Shiko, fjala fare nuk ekziston. Se sa do të paguajnë është diçka që do të duhet të dalë nga llogaritë. Nuk del nga dëshira…Dëshira ime është që të mos paguajnë as ata dhe askush tjetër, por kjo nuk ndodh”.

Ndjesa që ka artikuluar ditët e fundit kryeministri Rama duket se nuk justifikohet përballë kërkesave të vazhdueshme për informim që ka marrë prej vitit 2016

Edi Rama: “Fevzi nuk e kemi bërë gabim kontratën për banorët. Kemi pasur një gabim në strategjinë e komunikimit dhe pikë. Asnjë gabim tjetër”.

Pavarësisht asaj që ka ndodhur, duke përfshirë edhe historinë se si u ndërtua shprehet kryeministri Edi Rama, është i vendosur që rruga të ndërtohet.

Edi Rama: “Kjo është një zgjedhje. Do ta shpëtojmë apo s’do ta shpëtojmë. Nuk ka asnjë rrugë tjetër përveçse ne të marrim përsipër që për këtë vend secili të japë kontributin e vet.”/abcnews.al

Rama-933x445.jpg
ent ela22:49 | 05/04/2018

Edhe në studion e Blendi Fevziut, Kryeministri Edi Rama ka pranuar përgjegjësi për pakënaqësinë që ka shkaktuar tek qytetarët e Kukësit tarifa e rrugës së Kombit. Sipas tij ka pasur vetëm një gabim në strategjinë e komunikimit, ndërsa ka patur manipulim të opinionit publik.

Rama pranoi se tarifa prej 5 euro është e lartë për banorët që qarkullojnë shpesh në këtë rrugë e se ajo po rishikohet. Por shefi i qeverisë tha se banorët e zonës që kanë autovetura do e paguajnë tarifë tjetër, ndërsa të varfërit mund të përdorin mjetet e tjera të transportit si autobusët e furgonët që do subvencionohen më fondin e paracaktuar. Kryeministri tha se Rruga e Kombit ka probleme nga rrëshqitjet dhe mirëmbajtja është jetike për të garantuar sigurinë për ata që e përdorin. I pyetur se përse nuk e ka biseduar me palën kosovare vendosjen e tarifës, që prek edhe shqiptarët përtej kufirit, Kryeministri tha se nuk donte ta bënte atë debat.

Rruga e Kombit po bie, është e kërcënuar nga një kërcënim i pakthyeshëm. Ka rrëshqitje dhe u përpi një biznes i tërë, për fat të mirë nuk ka pasur viktima por mund të kishte edhe dhjetëra të vdekur në se do të kishte ndodhur në prani të njerëzve. Rruga e Kombit ka 34 vatra, pika rreziku që në çdo moment mund të ketë rrëshqitje dheu. Rruga e Kombit është bërë pa studim gjeologjik, vetëm dëmin për hapjen e parakohshme e ka pasur 150 milionë euro. Ajo paguhet çdo vit, për borxhet e të shkuarës  paguhen 110 milionë dollarë interesa dhe principate në vit, Rruga e Kombit merr 42 milionë dollarë çdo vit. Pyetja është shumë e thjeshtë, unë jam Kryeministri i vendit, jam njeriu më i painteresuar që të vë taksa, tarifa, dhe detyrime, sepse të gjitha këto sjellin pakënaqësi. Zgjidhja është shumë e thjeshtë, ose unë mbyll sytë dhe nuk i hyj këtij telashi, rri e shikoj rehatin tim në karrige. Nuk hyj në asnjë lloj konflikti  me këta njerëz që kanë absolutisht të drejtën e tyre të ndihen të pakënaqur me këtë masë dhe e lë këtë punë që pas disa vitesh vrafshin veten, siç e lënë ata të tjerët më parapara, ku me vrafshin veten na lanë gropa që jemi përpjekur dhe po përpiqemi t’i mbushim. Duam ne që ta shpëtojmë Rrugën e Kombit, apo tua lëmë faturën po këtyre të mjerëve që 8-10 vjet më vonë do ta paguajnë me fatura shumë më të kripura”, tha Kryeministri Edi Rama në Tv Klan.

Kryeministri Edi Rama ka shpjeguar mbrëmjen e së enjtes në “Opinion” arsyen përse Shqipëria ka naftën me çmimin më të shtrenjtë në rajon.

Më lejoni tani t’ju them diçka për këtë të karburantit, se e dëgjoj edhe e dëgjoj. Kur ne vendosëm taksën e karburantit, ishin në ato momente kur paraardhësi im përsëriste pa pushim, se ju pret fati i Greqisë, sepse ai e dinte çfarë grope kishte lënë. Shqipëria e vitit 2013 rrezikonte të mos jepte rrogat dhe pensionet. Thirrëm FMN dhe u ulëm për të rimarrë në dorë frenat e ekonomisë, çfarë gjykuam? FMN na tha duhet të ulni rrogat dhe pensionet, ne u thamë kjo nuk bëhet. FMN na tha duhet të rrisni taksat, sepse ku do i gjejmë lekët. Duke i parë me kujdes të gjitha ato mundësi që kishim dhe duke përfituar nga fillimi i rënies së çmimit të naftës, ne e pamë më të arsyeshme që të taksojmë ata që duke qenë përdorues makinash dhe ndotës më të mëdhenj, mund të merrnin më shumë barrë”, tha Rama duke shpjeguar se taksa e qarkullimit nuk kishte lidhje direkte dhe vetëm me mirëmbajtjen e rrugëve, por edhe me mbylljen e gropës në buxhet, që sipas tij kishte lënë qeveria e mëparshme.

Jam shumë dakord, sot nafta në Shqipëri ka një çmim që është më i lartë se në vendet e rajonit, ka dy arsye: e para sepse ose do të taksojmë atje, ose diku tjetër. Ne nuk kemi dashur të taksojmë diku tjetër dhe kemi ulur taksat për 97 për qind të shqiptarëve, i kemi ulur taksat dhe nga ana tjetër nafta në fillim të vitit 2013 ka qenë 1920 lekë, sot varion 1700-1750./abcnews.al

 

lu-tahiri-841x445.jpg
ent ela21:44 | 05/04/2018

Ambasadori Donald Lu thotë se hetimet për ish-ministrin e Brendshëm Saimir Tahiri së shpejti mund të konkludojnë me ndjekje penale. Gjatë intervistës në emisionin “Opinion” në Tv Klan, Lu thotë se qeveria amerikane beson se hetimi ndaj Tahirit duhet të bëhet nga një gjykatës me integritet që të vlerësojë me transparencë këto prova.

Blendi Fevziu: Po, ata janë gangsterët, personat e trafiqeve, dhe të tjerët. Unë flas për personat e fuqishëm, me kostume, me kostume shumë të shtrenjta, të cilët qëndrojnë çdo ditë në baret e restorantet e Tiranës dhe nuk ndëshkohen kurrë.

Ambasadori LuVitin e kaluar, nuk kishte hetime, me sa di, kundër këtyre trafikantëve të mëdhenj të drogës apo zyrtarëve të lartë. Çfarë kemi sot? Mendoj se është shumë interesante. Shikoni çështjen kundër Adriatik Llallës. Ka shumë në media tani lidhur me këtë çështje. Po hetohet për korrupsion. Qeveria e SHBA po ndihmon në atë hetim. Shikoni Saimir Tahirin – ish-Ministri i Brendshëm shumë i fuqishëm. Po hetohet dhe besoj se jemi pranë ndjekjes penale në këtë çështje. Fran Frrokaj, Kryebashkiaku i Lezhës…

Blendi Fevziu: Pse mendoni se jemi pranë kësaj …

Ambasadori LuMë lejoni të mbaroj në fillim. Fran Frrokaj, Kryebashkiak i Lezhës, tashmë në arrest shtëpiak për korrupsion; dhe Elvis Roshi, ish-Kryebashkiak i Kavajës, kërkohet për ndjekje penale nga ky prokuror për falsifikim dokumentash dhe se ka gënjyer në formularin e dekriminalizimit për një dënim për përdhunim në grup në Itali. Saimir Tahiri…

Blendi Fevziu: Po, pse thoni se jemi afër përfundimit të çështjes Tahiri?

Ambasadori Lu: Nuk jemi pranë përfundimit të çështjes, por është pozicioni i Qeverisë së SHBA dhe i Ambasadës së SHBA…

Blendi Fevziu: Cili është pozicioni i Qeverisë së SHBA?

Ambasadori Lu: ...se çështja kundër Saimir Tahirit meriton të vendoset nga një gjykatës, jo të vendoset nga politikanët, jo të vendoset nga prokurorët që nuk bëjnë punën, por duhet të vendoset nga një gjykatës që do të shohë me transparencë provat e çështjes. Kemi parë tashmë në media shumë prova…

Blendi Fevziu: A njihni ndonjë gjykatës në këtë vend, Ambasador, në 28 vite, që mund të dënojë një politikan?

Ambasadori Lu: Kemi …

Blendi Fevziu: Më thoni vetëm një …

Ambasadori Lu: Tashmë kemi parë nëpërmjet procesit të vetingut aftësinë për të larguar gjyqtarë nga vetingu. Jam besimplotë se tashmë sistemi juaj i drejtësisë është më i pastër sot se sa ishte tre muaj më parë kur kjo filloi. 

Blendi Fevziu: Por është më pak i pastër se sa mendonim më parë…  

Ambasadori LuNuk jam i sigurt se çfarë mendonit më parë. Patjetër është një sistem gjyqësor me shumë probleme por është në proces pastrami. Më lejoni t’ju jap një shembull tjetër.

Blendi Fevziu: Po flas për vetingun. Personat që mendonin se vetingu do pastrojë pak a shumë të gjithë sistemin, por tani mendojnë se në fund, vetingu do të jetë vetëm për disa dhe jo për një sasi të madhe.

Ambasadori LuReforma në drejtësi është për të gjithë sistemin. Vetingu është për 800 gjyqtarë dhe prokurorë. Për politikanët, për zyrtarët e tjerë, keni Strukturën e Posaçme Anti-Korrupsion – SPAK, dhe Byronë Kombëtare të Hetimit – BKH, të cilat kanë përgjegjësinë të merren me krimin e organizuar si dhe korrupsionin e nivelit të lartë; kështu që personat për të cilët flet, personat me kostum, janë përgjegjësi e SPAK dhe BKH. /tvklan.al

 

IMG_0087-933x445.jpg
ent ela21:28 | 05/04/2018

“Eskobari i Ballkanit” Kelmend Balili pritet të arrestohet ditët në vijim. Ky është paralajmërimi i fortë i ambasadorit amerikan Donald Lu që bëri nga studio e emisionit “Opinion” në Tv Klan.

I pyetur nga gazetari Blendi Fevziu për “peshqit e mëdhenj”, Lu tha se Kelmend Balili është njëri prej këtyre peshqve. Madje ai tashmë është dënuar me burgim të përjetshëm dhe 15 vite burg në Greqi për trafikun ndërkombëtar të drogës. Ai ndodhet në kërkim ndërkombëtar dhe tashmë pritet vetëm arrestimi i tij.

Duke folur për “peshqit e mëdhenj”, ambasadori Donald Lu këtu përmendi edhe Met Kananin që u kap para disa ditësh në Turqi dhe Arbër Çekajn, pronari i kompanisë të cilës iu gjet sasia e 613 kilogramëve kokainë.

Blendi Fevziu: Shpresoj që të jeni shumë i drejtpërdrejtë dhe i hapur në përgjigjet tuaja, por disa muaj më parë, ju mbajtët një fjalim ku flisnit për peshqit e mëdhenj dhe peshqit e vegjël…

Ambasadori Lu: Po, po..

Blendi Fevziu: Në 28 vite, ambasador – dhe unë kam informacion për çdo ditë në këto 28 vite – nuk kemi parë asnjë person të fuqishëm…

Ambasadori LuPo…

Blendi Fevziu: …ndonjë politikan, që të dënohet për problemet që i kanë shkaktuar vendit. Disa u dënuan por më shumë politikisht në vitet ’92 dhe ’93. E kam fjalën për personat që janë akuzuar për korrupsion, për probleme të tjera, për shkelje të ligjeve.

Ambasadori Lu: Po…

Blendi Fevziu: Pyetja ime është e drejtpërdrejtë. Kur do të dënohen këta persona për problemet që kanë shkaktuar?

Ambasadori Lu: Besoj, kam besim se do të ndëshkohen shumë shpejt. Shumica e peshqve të mëdhenj janë në det. Pak janë tashmë në rrjeta, por shoh të dhëna që shumë shpejt do të kemi më shumë rezultate. Më lejoni të jem specifik këtu. Met Kanani – Met Kanani është një trafikant droge i rrezikshëm, trafikant shqiptar, arrestuar në Bodrum, Turqi, dy javë më parë, me ndihmën e qeverisë shqiptare.

Blendi Fevziu: Dhe s’ia kishim dëgjuar emrin më parë …

Ambasadori LuËshtë një person vërtet i rrezikshëm dhe policia juaj, prokurorët tuaj, njerëzit tuaj që punojnë kundër narkotikëve e dinë shumë mirë se kush është. Arbër Çekaj, përgjegjës për trafikimin e 613 kg kokainë…

Blendi Fevziu: Ai u zhduk …

Ambasadori Lu: U zhduk por tani ka një mandat arresti ndërkombëtar për të dhe Shqipëria po e kërkon kudo në Europë dhe ne po ndihmojmë për këtë. Kelmend Balili, po ashtu me mandat arresti ndërkombëtar. Ne, amerikanët, besojmë se është ende në Shqipëri dhe ka mundësi të arrestohet në ditët që vijnë. Po shtyjmë shumë fort për këtë. E dini, Z. Balili është dënuar tashmë në Greqi për trafik droge. …

Blendi Fevziu: Po…

Ambasadori Lu: Burgim të përjetshëm plus 15 vite. Tani duhet vetëm të kapet. Ne po shtyjmë shumë fort, me të gjitha burimet e Qeverisë së SHBA, për t’u siguruar që këta peshq të mëdhenj të shkojnë në burg. Le të flasim pak për politikanët/tvklan.al

rudolph-giuliani-1280x557.jpg
gra moz13:49 | 22/03/2018

Ish-kryebashkiaku i Nju Jorkut, Rudolf Xhuliani ka komentuar ndikimin rus në Europë e vecanërisht në Shqipëri e Kosovë. Në emisionin “Opinion” në televizionin Klan, Xhuliani deklaroi se vendi ynë nuk rrezikohet nga modeli i liderit autoritar siç është Vladimir Putin.

Ish-kryebashkiaku i Nju Jorkut, Rudolph Giuliani, përjashton çdo ndikim rus në Shqipëri.

Rudolph Giuliani: “Mendoj se vendi juaj është në formë të mirë sepse nuk ka ndikim rus këtu.”

Blendi Fevziu: “Vendi ynë nuk ka të bëjë fare me Rusinë”?

Rudolph Giuliani: “Kjo është ajo çka dua të them. Në lidhje me rezistencën ndaj Rusisë”.

Në emisionin “Opinion” të gazetarit Blendi Fevziu në televizionin Klan, ish-kryebashkiaku Giuliani konfirmoi se ndryshe nga Shqipëria, Kosova ka një problem tjetër. Atë të influencës ruse nëpërmjet Serbisë.

Rudolph Giuliani: “Po. Mendoj se ky është problem. Por besoj gjithashtu se rusët po kërkojnë më shumë në veri. Më shumë si në Estoni. Ndoshta jo dhe aq në Letoni, ata janë pak më perëndimorë tani. Estonia ka një popullatë të madhe ruse”.

Atyre që e mbivlerësojnë Rusinë si një vend shumë të fuqishëm, Rudolph Giuliani iu kërkon ta ndryshojnë këtë këndvështrim.

Rudolph Giuliani: “Jo, jo. Rusia është një fuqi po aq false sa ishte gjatë kohës së Bashkimit Sovjetik. Ne i mbivlerësojmë ata. Mendoj se është mirë ta mbivlerësosh armikun. Më mirë sesa ta nënvlerësosh atë. Por ndonjëherë kur e bën këtë mund të bësh ndonjë gabim. Unë mendoj se ata janë një vend i fortë, por nuk janë asgjë në krahasim me Kinën. Kina është një vend i fortë. Një vend më i pasur. Ndërsa ne jemi 2 apo 3 herë më të fuqishëm ekonomikisht se Kina dhe gati 8 herë më të fuqishëm ushtarakisht”.

Për ish-kryebashkiakun e Nju Jorkut, modeli i liderit autoritar që ka krijuar Vladimir Putin nuk përbën rrezik për vendet me demokraci të konsoliduar, duke përfshirë këtu edhe Shqipërinë.

Rudolph Giuliani: “Mendoj se në Shtetet e Bashkuara, Kanada, Evropë, duke përfshirë këtu edhe Evropën Lindore dhe Ballkanin, demokracia është aq fort e rrënjosur sa që diçka e tillë nuk do të ndodhë këtu. Dhe me këtu dua të them edhe në Shqipëri”.

Rudolf Xhuliani këshillon Europën që mos krijojnë ekstreme brenda shteteve, por të bëhen bashkë ndaj një ekstremi të vetëm atij anti-Putin./abcnews.al

basha-2-1280x624.jpg
ent ela12:59 | 09/03/2018

Lulzim Basha mohon çdo lidhje me bisnesmenët ruse, për të cilët revista investigative amerikane “Mother Jones” shkruan se kanë financuar lobimin e PD në SHBA. Basha deklaroi në studion e Blendi Fevziut, se nuk ka paguar asnjë lek për foton me presidentin Trump, ndërsa tha se PD po sheh mundësinë të hedhë në gjyq revistën amerikane, për prishje imazhi.

Një ditë pas deklaratve të kreut demokrat Lulzim Basha në “Opinion”, lidhur me financimin e lobimit të PD, ka reaguar edhe kryeministri Rama.

Përmes dy videove të bëra bashkë të postuara në facebook, kreu i qeverisë deklaron se këto dy prononcime janë krejt kontradiktore.

Sipas tij është një mishmash fund e krye korruptiv xhepash të errët, në shkelje të hapur me pasoja penale të disa ligjeve të vendit, por që kjo histori s’mund të mbyllet pa u zbardhur deri në fund.

Që është një mishmash fundekrye korruptiv xhepash të errët, kjo nuk diskutohet sepse vetë mishmashi provohet edhe nga dy prononcime krejt të kundërta, në harkun e 3 muajve nga i zoti i mishmashit; Që është një mishmash në shkelje të hapur me pasoja penale të disa ligjeve të vendit, as kjo nuk diskutohet dhe për këtë mjafton të dëgjosh qoftë edhe vetëm këto dy prononcime krejt kontradiktore; Që është e habitshme që të gjenden disa rusë bujarë (dhe jo vetëm rusë) që të nxjerrin nga xhepat e tyre gjysëm milionë dollarë për një parti shqiptare, as kjo nuk diskutohet që e bën mishmashin edhe më skandaloz, ligjërisht e politikisht! Por që kjo histori s’mund të mbyllet pa u zbardhur deri në fund, nëse ka apo jo, interferenca malinje forcash të huaja për ta përdorur opozitën shqiptare në funksion të cënimit të imazhit të Shqipërisë (drogëdrogëdrogëkrimkrimkrim), me qëllim pengimin e procesit të integrimit europian dhe destabilizimin e vendit, kjo është absolutisht e padiskutueshme! Shqipëria nuk mund të merret dot peng nga askush dhe shqiptarët pa dallim partie, nuk e meritojnë këtë mishmash papërgjegjshmërie politike, ligjore dhe kombëtare.

Publié par Edi Rama sur vendredi 9 mars 2018

Postimi i Plotë i Ramës në Facebook

Që është një mishmash fundekrye korruptiv xhepash të errët, kjo nuk diskutohet sepse vetë mishmashi provohet edhe nga dy prononcime krejt të kundërta, në harkun e 3 muajve nga i zoti i mishmashit;

Që është një mishmash në shkelje të hapur me pasoja penale të disa ligjeve të vendit, as kjo nuk diskutohet dhe për këtë mjafton të dëgjosh qoftë edhe vetëm këto dy prononcime krejt kontradiktore;

Që është e habitshme që të gjenden disa rusë bujarë (dhe jo vetëm rusë) që të nxjerrin nga xhepat e tyre gjysëm milionë dollarë për një parti shqiptare, as kjo nuk diskutohet që e bën mishmashin edhe më skandaloz, ligjërisht e politikisht!

Por që kjo histori s’mund të mbyllet pa u zbardhur deri në fund, nëse ka apo jo, interferenca malinje forcash të huaja për ta përdorur opozitën shqiptare në funksion të cënimit të imazhit të Shqipërisë (drogëdrogëdrogëkrimkrimkrim), me qëllim pengimin e procesit të integrimit europian dhe destabilizimin e vendit, kjo është absolutisht e padiskutueshme!

Shqipëria nuk mund të merret dot peng nga askush dhe shqiptarët pa dallim partie, nuk e meritojnë këtë mishmash papërgjegjshmërie politike, ligjore dhe kombëtare. /abcnews.al

vlcsnap-error573-1-1280x720.jpg
ent ela16:32 | 13/02/2018

Këshilli i Legjislacionit u mblodh rreth raporteve të ekspertëve të palëve lidhur me nevojën e adresimit të ligjeve të prekura nga vendimet e Gjykatës Kushtetuese. Me propozim të kryetarit të këshillit, Enkelejd Alibej, u vendos që për këtë çështje t’i kërkohet opinion organeve të Vettingut.
Kjo u vendos pas dorëheqjeve nga funksionarë të lartë të drejtësisë, gjë që bazuar në Kushtetutë çon në ndërprerjen e procesit të Vettingut. Do të jetë Komisioni i Pavarur i Kualifikimit që do shprehet nëse ka nevojë që ligjvënësi të harmonizojë Kushtetutën dhe ligjin, të cilat për çështjen e dorëheqjes para mbarimit të procesit të Vettingut, thonë dy gjëra të ndryshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono