operacioni

gjykata-e-tiranes-masa-e-sigurise.jpg
nev ila21:25 | 23/02/2020

Gjykata penale e Tiranës la në burg 16 nga 30 të arrestuarit e operacionit “Fati i Lojërave”, të cilët dolën para togave të zeza për caktimin e masës së sigurisë. 5 të arrestuar të tjerë u liruan me masën e sigurisë “arrest në shtëpi”, ndërsa për 9 të tjerë gjyqtari Ardian Kalija vendosi lirimin nga qelia me masën e sigurisë “detyrim paraqitjeje”.

Për 20 nga këta të arrestuar prokurorja Anisa Qilimi, kishte kërkuar masën e sigurisë arrest në burg. Por gjyqtari vendosi të lërë në qeli vetëm 16 prej tyre.

Asnjë  nga të arrestuarit nuk e dëgjoi në sallë vendimin e gjyqtarit. Ata kishin qenë në seancë gjatë shqyrtimit të provave, por për shkak të numrit të madh të të arrestuarve, dhoma prej qelqi ishte bosh teksa gjyqtari Kalija shqiptonte masat e sigurisë.

Të arrestuarit janë përfaqësuar në seancë nga avokatët e tyre, të cilët hodhën poshtë akuzat e prokurores Qilimi.

Të arrestuarit akuzohen për fshehje të të ardhurave, pastrim parash, përshtatje të ambienteve për lojëra fati dhe zhvillim i lojërave të fatit.

Në orët e para të së premtes në Tiranë dhe 7 qytete të tjera të vendit, u ushtruan  kontrolle nëpër lokale ku dyshohej se ushtrohej në mënyrë të kundraligjshme aktiviteti i basteve sportive dhe lojërave të fatit, i mbyllur me ligj që nga 1 janari i vitit të shkuar.

Gjatë operacionit të koduar “Fati i Lojërave” u vunë në pranga 115 persona, mes të cilëve administratorë dhe menaxherë lokalesh. Policia sekuestroi gjithashtu 170 milion lekë, kompjuterë dhe celularë.

Të hënën në orën 9.30 do të dalin para gjykatës pjesa tjetër e 115 të arrestuarve në këtë operacion. Do të jenë pikërisht 84 personat që u ndaluan gjatë operacionit të zhvilluar në Tiranë./abcnews.al

 

gjykata-e-tiranes.jpg
nev ila17:19 | 23/02/2020

Kanë dalë përpara Gjykatës Penale të arrestuarit gjatë operacionit “Fati i lojrave” që është zhvilluar mbrëmjen 20 shkurtit  në disa qytete të vendit, në kuadër të parandalimit në fushën e lojrave të fatit.

Gjykata vendosi si të ligjshëm arrestimin në flagrancë nga policia të 30 prej tyre, dhe vendosi për:

-Erjon Muja arrest në burg

-Axhildo Kashari arrest në burg

-Igli Oboni arrest në burg

-Taulant Preçi arrest në burg

-Erjon Kreka arrest në burg

-Igli Spaholli arrest në burg

-Redinel Hamolli arrest në shtepi

-Endrit Osmanaj arrest në shtepi

-Dritan Dema arrest në burg

-Samuel Buziu arrest në shtepi

-Mario Ylli arrest në burg

-Ilirjan Balla arrest në burg

-Ali Çaushi arrest në burg

-Klajdi Kuqo arrest në burg

-Kostandin Delilaj arrest në burg

-Enes Saliaj arrest në burg

-Elvis Brahimi arrest në burg

-Melazim Hykaj arrest në burg

-Romir Hamitaj arrest në burg

-Klajdi Toska arrest në shtepi

-Andi Gura arrest në shtëpi

Ndërkohë që për disa të tjerë të arrestuar gjatë këtij operacioni, gjykata vendosi:

Isuf Tato detyrim paraqitje

Denis Hysko detyrim paraqitje

Krejstjano Jaiçari detyrim paraqitje

Arjan Tasellari detyrim paraqitje

Drini Gora detyrim paraqitje

Ledion Aliçka detyrim paraqitje

Klevis Dedja detyrim paraqitje

Edrian Myftari detyrim paraqitje

Julian Kasaj detyrim paraqitje

Në total, gjykata ka vendosur masën e sigurisë për 30 persona të arrestuar, ndërkohë që 3 persona të tjerë janë shpallur tashmë në kërkim.

Sakaq, ditën e nesërme, rerth orës 09.00, do të vendosë masën e sigurisë për 84 persona të arrestuar në Tiranë.

Sipas policisë, në total gjatë këtij operacioni në rang vendi janë arrestuar 115 shtetas, janë proceduar në gjendje të lirë 24 dhe 2 janë shpallur në kërkim, si dhe janë sekuestruar në total 172 milion lekë të vjetra, 40 kompjuterë, 60 DVR, 245 aparate celular, një numër i konsiderueshëm televizor plazma, blloqe shënimesh që shërbejnë për vendosjen e basteve, kasa fiskale, një armë zjarri pistoletë.

NJOFTIMI I POLICISE

“Pas një pune hetimore që ka zgjatur 7 muaj, për parandalimin, evidentimin dhe goditjen e veprimtarisë kriminale në fushën e lojërave të fatit, Policia e Shtetit ka finalizuar mbrëmë me sukses të plotë, një operacion masiv në shkallë vendi.

Operacioni policor i koduar “Fati i lojërave”, realizuar nga Departamenti i Policisë Kriminale, në bashkëpunim me Drejtoritë Vendore të Policisë në qarqe dhe FNSH-të Tiranë, Fier e Shkodër, ka sjellë hedhjen e prangave në flagrancë 115 persona, 24 të tjerë janë proceduar në gjendje të lirë dhe 2 janë shpallur në kërkim“./abcnews.al

WhatsApp-Image-2020-02-21-at-12.01.55-1-772x579-1.jpeg
eri Ida11:00 | 23/02/2020

Gjykata e Tiranës këtë të dielë do të japë masën e sigurisë për 33 nga 115 të arrestuarit në kryeqytet gjatë operacionit “Fati i Lojërave”.

Prokuroria e Tiranës ka nisur për 33 të arrestuarit nëpër rrethe ndërkohë që nesër pritet që masa e sigurisë të jepet për të arrestuarit në Tiranë. Të arrestuarit pritet të përballen sot me togat e zeza, hetim pasuror dhe ka ngrirë çdo llogari bankare, karta krediti e debiti të tyre. Kjo masë sekuestro preventive e prokurorisë do të zgjasë deri në përfundim të hetimeve ndaj tyre.

Gjatë operacionit “Fati i Lojërave” i zhvilluar në Tiranë është arrestuar edhe Gramoz Murtaj, njëri nga pronarët e kompanisë së basteve “eço bet” në Shqipëri,  i cili rezulton se është i dënuar në Itali për drogë dhe zotëron tre kompani me licencë në vendin fqinj për lojërat e fatit. Burime nga ABC News mësojnë se masa e sigurisë do të jepet për: Amarildo Kallallari, Erjon Muja, Axhildo Kashari, Igli Oboni, Taulant Preçi, Isuf Tato, Denis Hysko, Krejstjano Jaiçari, Arjan Tasellari, Erjon Kreka, Drini Gora, Igli Spaholli, Redinel Hamolli, Ledion Aliçka, Klevis Dedja, Edrian Myftari , Sokol Myftari, Endrit Osmanaj, Dritan Dema, Gerald Frroku, Samuel Buziu, Mario Ylli, Ilirjan Mustafa, Ali Çaushi, Klajdi Kuqo, Kostandin Delilaj, Enes Saliaj, Julian Kasaj, Elvis Brahimi, Melazim Hykaj, Romir Hamitaj dhe Klajdi Toska.

Gazetarja Glidona Daci raporton për ABC News se pritet që këtë të dielë të merret masa e sigurisë për 33 të arrestuarit ndërsa për 84 të tjerët masa e sigursisë do të merret ditën e hënë. Gjithashtu gazetarja bën me dije se mes të arrestuarve është Elvis Mulaj vëllai i kryetares së Kolegjit të Posaçëm të Apelimit, Natasha Muçaj.

Gjatë operacioni anti-bixhoz, që u shtri në 8 qarqe të vendit u arrestuan 115 persona, u sekuestruan 172 milionë lekë të vjetra, 40 kompjuterë, 60 DVR, 245 aparate celularë, një numër i konsiderueshëm televizorësh plazma, blloqe shënimesh që shërbenin për vendosjen e basteve, kasa fiskale dhe një armë zjarri pistoletë.

Ndër të tjera Gazetarja e ABC News Glidona Daci ka bëre me dije se opeeacioni “Fati i Lojërave” do të vijojë, pasi sipas prokurorisë pritet që të kapen dhe personat e shpallur në kërkim./abcnews.al

tan-hoxha.jpg
ger ta22:07 | 05/02/2020

Gazetari Artan Hoxha i ftuar në “Byro Politike” e ka cilësur si spektakël nismën “Anti-KÇK”. Sipas gazetarit kjo nismë është e tepërt dhe harxhim i madh në kosto, ndonëse në pamje vizuale është e mirë.

Gazetari ka zbardhur edhe aksionin në Shijak për kërkimin e trupit të Jan Prengës, i cili u mor peng dhe më pas ndërroi jetë. Sipas tij RENEA ka kontrolluar edhe vrimën e miut, duke teksuar se në këto kushte është i tepëert operacioni i OFL.

“Në rastin konkret e quaj të panevojshme ti servirësh publikut këtë. Te resorti në Shijak RENEA ka kontrolluar edhe vrimën e  miut, dy veta e bëjnë atë veprim dhe ne shikojmë gjithë ata djem, gjithë ai shpenzim. Madje u fokusuan mediat a janë kamerat gati, vunë syzet dhe lexuan deklaratën. Sot jemi para këtij momenti, qytetari ndodhet para një bombardimi. Shikon një njësi të veshur mirë, në pamje vizive ngel pa mend. Sot është dita e tretë, jam kurioz se si do arrestojnë ata një bos të krimit. Nëse në ditën e parë kjo strukturë do kotrollonte disa banesa ku dyshohej se fshihej Altin Hajri do kishte një justifikim. Por të shkosh, t’i vësh shirtin një godine, nuk e di. Nuk ka nevojë të harxhosh gjithë atë impenjim të bësh rolin e postës.  Ndodhemi përpara këtij fakti që na është nxjerrë gjithë kjo gjë që do bëjë namin. E patë atje në Shkodër, çfarë ndaluan? Jamë bërë skuestro në banesa 1 katëshe, ata akuzohen si pjestarë të familjes Doçi. Njëri nga ata ka ardhur sot nga Vjena dhe është dorëzuar. Ajo që presin qytetarët është tjetër gjë. KÇK nuk fillon nga poshtë, duhet të fillojë nga lart. Kërkove të godasësh prokurorë dhe gjyqtarë, shko dhe godit pronat dhe gjej paratë e tyre. Hidhini një sy listës që është çuar ky formular, Lul Berisha, familja Doçi, Hajri,  dhe këta kushërinjtë Hysenaj. Po ti shikosh pjesa më e madhe e tyre janë vënë në filtër edhe më parë”, u shpreh ai. /abcnews.al

heroina-spanje-1.jpg
nev ila17:45 | 03/02/2020

Autoritetet spanjolle kanë arrestuar 11 persona për trafik të lëndëve narkotike, konkretisht të drogave të forta.

11 personat u arrestuan pas një operacioni të policisë spanjolle dhe një hetimi disa mujor.

Arrestimet u kryen në 2 qytetet spanjolle në Galicia dhe Madrid, ku gjatë operacionit u ushtruan kontrolle të shumta në banesat e të ndaluarve.

Gjatë kontrollit të banesave u sekuestraun 20 kg heroinë, 40.000 euro, 11 automjete luksoze, armë zjarri, makineri për paketimin e drogës, aparate celularë dhe kompjuterë të shumtë raporton abcnews.al.

Ky operacion erdhi pas hetimeve që nisën në janar të 2019 ku raporti policor shënoi rritje të trafikut të drogës. Autoritetet spanjolle nisi menjëherë një plan veprimi dhe kontrolle të shumta ku fillimisht ranë gjurmët e një çifti që ishin të përfshirë edhe më parë në trafikun e drogës.

 

Pas mbajtjes nën kontroll dhe vënies në përgjim të këtij çifti, agjentët spanjollë zbuluan se vizitoheshin në shtëpinë e tyre  së tepërmi  nga një shqiptar.

Pas disa muaj hetimesh autoritetet spanjolle erdhën në përfundimin se kishin të bënin me një organizatë kriminale që kryesohej nga një shqiptar, i cili ishte personi që gjente kontaktet për të blerë drogën gjithashtu kryente edhe negociatat për lëndën narkotike.

Kjo organizatë kriminale kishte arritur të sofistikohej së tepërmi dhe kishte bërë të mundur fshehjen e drogës në vende gati të pamundura për tu zbuluar nga autoritetet. Për shpërndarjen e drogës ata përdornin kryesisht automjete me targa rumune.

Heroina e sekuestruar në këtë operacion vinte nga Hollanda dhe do të shpërndahej kryesisht në Spanjë, kryesisht në Madrid.

Kjo sasi heroine me vlerë tregu kapte shifrën e 600.000 eurove.

Ndërkohë autoritetet spanjolle nuk kanë bërë të ditur asnjë identitet për arrestimin e 11 personave pasi hetimet ende vazhdojnë dhe sipas të dhënave të fundit priten arrestime të tjera në vazhdim.

Ajo që autoritetet kanë theksuar është se kreu i kësaj organizate është një shqiptar për të cilin nuk ka dhënë më tepër detaje./abcnews.al

shqiptaret-spanje.jpg
nev ila16:26 | 03/01/2020

Garda Civile dhe Policia Spanjolle kanë sekuestruar një sasi prej 2,800 bimë të llojit “marijuana”, e cila ishte kultivuar  nga një grup i përbërë nga gjashtë persona, të cilët kishin mbjellë bimën në zona të ndryshme në provincën e Valencias.

Sipas një deklarate të përbashkët të Policisë dhe Gardës Civile, të arrestuarit janë  tre shqiptarë dhe tre gra me origjinë shqiptare dhe kolumbiane, të cilët janë midis moshës 28 dhe 45 vjeç.

Të arrestuarit akuzohen për vepra të ndryshme penale, atë të përfshirjes me krimin e organizuar, për kultivim të lëndëve narkotike, trafik droge, mashtrim dhe falsifikim dokumentash.

Operacioni i koduar “Lavori”  i cili ka patur në mbikqyrje prej 7 muajsh shqiptarët, të cilët e kryenin aktivitetin e tyre në rajonin e Valencias, arriti në përfundimin se ky grup, përbënte një organizatë të mirëfilltë dhe të mirëorganizuar kriminale, në fushën e kultivimit të lëndëve narkotike.

Deri tani në 3 zona në provincën e Valencias, janë sekuestruar  tre plantacione me 361 kilogramë marijuanë, por sasia më e madhe e bimëve të sekuestruara, u kap në një vilë në Chiva, ku agjentët sekuestruan 1.300 bimë kanabis.

Agjentët spanjollë gjithashtu kanë sekuestruar pajisje moderne dhe tepër të sofistikuara, të cilat ndihmonin në rritjen e shpejtë të bimës, të cilat kapin vlerën e 160,000 euro.

Po ashtu u sekuestruan  tre automjete super luksoze, 10 celularë, një makinë për numërimin e parave, 7442 euro cash, dy makina paketimi e një sërë materialesh të tjera, që ndihmonin në kultivimin, deri në nxjerrjen në treg të bimës.

Autoritetet spanjolle njoftuan se materialet e sekuestruara kapnin shifrat e më shumë se 2 milion euro.

Policia spanjolle ka njoftuar se hetimet janë ende në zhvillim e sipër, dhe nuk bëhen me dije detaje të tjera në lidhje me këtë operacion antidroge./abcnews.al

Ribery.jpg
Igli Nikolli14:14 | 14/12/2019

Dëmtimi i pësuar në ndeshjen kundër Lecces ishte më i rëndë sesa mendohej për Frank Ribery. 36-vjeçari i Fiorentinës tentoi disa ditë më parë të rikthehej në stërvitje, por dhimbjet e mëdha në kavilje nuk kishin marrë fund.

Mjekët dhe lojtari vendosën të kryenin një ndërhyrje kirurgjikale për të tentuar shërimin e tij të plotë. Operacioni është kryer në Gjermani dhe ka dalë me sukses. Me anë të një postimi në rrjetet sociale, Fiorentina zbulon edhe kohën e rikuperimit të 36-vjeçarit.

Ribery do të rikthehet në dispozicion të ekipit nga Firence në fundin e muajit shkurt, teksa pritet të qëndrojë 10 javë larg fushave. Dy javë do të qëndrojë pushim absolut dhe më pas kampioni francez do të nisë fazën e rikuperimit. /abcnews.al

arrestimi-romano-2017.jpg
nev ila20:47 | 09/12/2019

Gjatë një operacioni policor në Shijak u arrestuan 3 persona të shpallur në kërkim ndërkombëtar nga drejtësia italiane. Ata do të ekstradohen në vendin fqinj, ku akuzohen për trafik narkotikësh.

Uniformat blu kanë vënë në pranga tre persona në Shijak, ndërsa një tjetër  është shpallur në kërkim ndërkombëtar pasi nuk është gjetur në banesë.

Në kuadër të operacionit “ROMANO 2017″, Policia Kriminale dhe FNSH, në koordinim mes Interpol Tirana dhe Interforcës italiane në Shqipëri, kanë mësyrë në Shijak në orët e para të mëngjesit dhe kanë ndaluar Florenc Mema, Demokrat Çizmja dhe Luan Bodlli.

Këta persona janë arrestuar për qëllim  ekstradimi pasi kërkohen  nga drejtësia italiane, për veprën penale  “Trafikim i lëndëve narkotike”. Gjatë operacionit që është zhvilluar, në të njëjtën kohë në Shqipëri dhe në Itali, janë ekzekutuar 18 masa sigurie.

Në vendin fqinj janë arrestuar 12 shqiptarë, italianë  e marokenë.

Autoritetet italiane kanë vendosur ekzekutimin e masës së sigurisë “Arrest në burg”, dhënë nga Gjykata e Bergamos,  për veprat penale “Trafikim i lëndëve narkotike”, për 16 shqiptarë, italianë dhe marokenë.

Hetimi për këtë grup kriminal ka nisur në vitin 2017, pasi dyshohet se ky grup trafikonte lëndë narkotike nga vende të ndryshme drejt Italisë./abcnews.al

 

arrest.jpg
Autor E12:14 | 07/12/2019

Kanë dalë pamjet e operacionit të policisë së Tiranës gjatë paradites së sotme teksa shpëton nga pengmarrësit 23 vjeçarn nga Maqedonia Davor Velefski.

Ngjarja ndodhi në zonën e Farkës, Farkës mbi godinën e Kryegjyshatës në Tiranë.

Tre persona në bashkëpunim me njëri tjetrin morën peng shtetasin maqedonas Davor Velefski dhe nën kërcënimin e armës i kanë kërkuar një shumë prej 250 000 eurosh.

“Këta tre shtetas në bashkëpunim me njëri-tjetrin i kanë hequr lirinë shtetasit maqedonas D. V., 23 vjeç dhe nën kërcënimin e armës i kanë kërkuar një shumë prej 250 000 eurosh. Dy persona, A. Xh., 41 vjeç, dhe  S. M., 42 vjeç, banues në Tiranë u arrestuan në flagrancë për veprat penale “Heqje e padrejtë e lirisë” dhe “Shtrëngimit me anë të kanosjes ose dhunës për dhënien e pasurisë” Gjithashtu u procedua në gjendje të lirë për veprën penale “Moskallëzim krimi”, shtetasi: S. E., 50 vjeç, lindur dhe banues në Strugë/Maqedoni, beri me dije policia.

Ngjarja

Ngjarja ka ndodhur gjatë ditëve të fundit në lagjen “Ali Demi” pranë Kryegjyshatës Bektashiane ku dy persona, një 41 vjeçar dhe një 42 vjeçar fillimisht futen me forcë në makinë 23 vjeçarin nga Maqedonia Davor Velefski.

Pasi e kanë futur në makinë ata i kanë vendosur pistoletën në kokë duke i kërkuar 250 mijë euro.

Pasi është informuar për ngjarjen, policia është vënë në ndjekje të personave duke i arrestuar. Njëri prej tyre tentoi të largohej në këmbë me vrap, por pas një ndjekjeje të shkurtër efektivët e policisë kanë mundur ta kapin.

Të arrestuarit janë Abert Xhoka dhe Sokol Masha, të cilët tani akuzohen për veprat penale “Heqje e padrejtë e lirisë” dhe “Shtrëngimit me anë të kanosjes ose dhunës për dhënien e pasurisë”.

Atat hodhën poshtë akuzat pasi pretendonin se nuk ishte pengmarrje por se 23 vjeçarit i kishin bërë presion për kthimin e një borxhi.

Nga policia është proceduar dhe shtetasi tjetër maqedonas Subi Ethemi për moskallëzim krimi.

Njoftimi i policisë

Tiranë

Goditet një rast i heqjes së padrejtë të lirisë dhe shtrëngimit me anë të kanosjes ose dhunës për dhënien e pasurisë.

Finalizohet operacioni policor i koduar “Lake”.

Vihen në pranga dy shtetas dhe një tjetër procedohet në gjendje të lirë.

Forca e Posaçme “Shqiponja” në bashkëpunim me Komisariatin e Policisë Nr.1, në sajë të informacioneve të marra në rrugë operative, zhvilluan operacionin policor të koduar “Lake” si rezultat i të cilit u arrestuan në flagrancë për veprat penale “Heqje e padrejtë e lirisë” dhe “Shtrëngimit me anë të kanosjes ose dhunës për dhënien e pasurisë”, shtetasit:

– A. Xh., 41 vjeç, dhe S. M., 42 vjeç, banues në Tiranë.

Gjithashtu u procedua në gjendje të lirë për veprën penale “Moskallëzim krimi”, shtetasi: S. E., 50 vjeç, lindur dhe banues në Strugë/Maqedoni.

Këta tre shtetas në bashkëpunim me njëri-tjetrin i kanë hequr lirinë shtetasit maqedonas D. V., 23 vjeç dhe nën kërcënimin e armës i kanë kërkuar një shumë prej 250 000 eurosh.

Materialet procedurale iu referuan për veprime të mëtejshme Prokurorisë së Rrethit Gjyqësor Tiranë.

arrestime.jpg
nev ila12:41 | 21/11/2019

Policia e Tiranës gjatë një aksioni të koduar “Kombinati”njofton se, ka bërë të mundur arrestimin e dy personave, të cilit shisnin lëndë narkotike, të llojit heroinë, në zonën e Kombinatit dhe Tiranës së Re.

Gjatë këtij operacioni janë arrestuar 2 persona përkatësisht , K. B., 23 vjeç, lindur në Berat dhe  D. Ll., 18 vjeç, lindur në Berat dhe banues me qira në Tiranë.

Në kuadër të këtij operacioni policia njofton se, ka ushtruar kontroll në banesat e personave, ku janë gjetur 3.9 kg lëndë narkotike e dyshuar heroinë, një armë zjarri, shkop gome, doreza metalike elektrike, neutralizues etj.

Arrestimi i tyre u bë i mundur pasi policia kishte marrë informacione të ndryshme se personat shpërndanin lëndë narkotike.

Njoftimi i Policisë:

Finalizohet një tjetër operacion për goditjen e veprimtarisë kriminale në fushën e narkotikëve.

Operacioni policor i koduar “Kombinati”, zhvilluar nga Komisariati i Policisë Nr. 6, në bashkëpunimin me Seksionin për Hetimin e Narkotikëve në DVP Tiranë.

Sekuestrohet 3.9 kg lëndë narkotike e dyshuar heroinë, një armë zjarri, shkop gome, doreza metalike elektrike, neutralizues etj.

Në pranga dy poseduesit, që njëkohësisht edhe shpërndanin lëndën narkotike të sekuestruar gjatë operacionit.

Shërbimet e Komisariatit të Policisë Nr. 6, në bashkëpunim me Seksionin për Hetimin e Narkotikëve në Drejtorinë Vendore të Policisë Tiranë, në bazë të informacioneve të siguruara në rrugë operative nga burime të ndryshme, se dy persona në zonën e Kombinatit dhe Tiranës së Re, po shpërndanin lëndë narkotike heroinë, kanë organizuar dhe finalizuar operacionin policor të koduar “Kombinati”, si rezultat i të cilit u bë kapja dhe arrestimi në flagrancë i shtetasve:

– K. B., 23 vjeç, lindur në Berat dhe banues me qira në Tiranë, i dënuar më parë për prodhim dhe shitje të narkotikëve.

– D. Ll., 18 vjeç, lindur në Berat dhe banues me qira në Tiranë.

Shërbimet e Komisariatit të Policisë Nr. 6, rreth orës 22:00 të mbrëmjes së djeshme, në afërsi të stadiumit Dinamo kanë lokalizuar dhe ndaluar shtetasin K. B. dhe gjatë kontrollit të tij, në një çantë krahu që mbante, në xhepin e brendshëm është gjetur një qese transparente, brenda së cilës kishte lëndë të dyshuar heroinë.

Në bashkëpunim me Seksionin për Hetimin e Narkotikëve të Drejtorisë Vendore të Policisë Tiranë u ushtrua kontroll në banesën e tij me qira në rugën “Gjin Gjergji” dhe nga kontrolli i ushtruar u gjetën dhe u sekuestruan në cilësinë e provës materiale sendet, një armë zjarri pistoletë tip TT me dy krehëra metalik dhe 21 fishekë, një shkop metalik me hapje, si ato të punonjësve të Policisë, një sasi lënde narkotike në formë të ngurtësuar, e dyshuar heroinë.

Operacioni ka vijuar me kapjen e shtetasit D. Ll. dhe gjatë kontrollit të këtij shtetasi, Policia i gjeti dhe sekuestroi në cilësinë e provës materiale një përforcues grushti metalik, një elektrik paralizues, një sasi lënde në formë të ngurtësuar, e dyshuar heroinë.

Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprat penale “Prodhimi dhe shitja e narkotikeve” dhe “Armëmbajtja pa leje”.”/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono