Olta Xhaçka

nato-xhacka.jpg
nev ila09:47 | 14/02/2020

NATO i beson Shqipërisë organizimin e Ministerialit të Mbrojtjes. Kjo është hera e parë që një ministerial i mbrojtjes organizohet në Ballkanin Perëndimor, pasi prej më shumë se 10 vjetësh takimet janë zhvilluar vetëm në Belgjikë.

NATO “zbarkon” në Tiranë në 17 dhe 18 Qershor.

Propozimi për të mbajtur ministrelin e Mbrojtjes në Shqipëri është dhënë nga ministrja Xhaçka ndërsa u miratua nga Ministrat e Mbrojtjes të vendeve anëtare të NATO-s në mbledhjen e Këshillit të Atlantikut në Bruksel.

“Vendimi i Aleancës për tu takuar në Shqipëri është jo vetëm vlerësim maksimal për sigurinë që vendi ynë përcjell si një aleat i denjë, por edhe një mesazh i fortë i NATO për vëmendjen e saj ndaj Ballkanit Perëndimor e rolit të fortë që Shqipëria luan si faktor stabiliteti në rajon”, tha ministrja në përfundim të Ministerialit të Mbrojtjes, mbajtur në Bruksel në 12 dhe 13 Shkurt.

Por, sipas ministres Xhaçka, “takimi i rëndësishëm që pritet të mbahet në Qershor është njëherësh edhe përgjegjësi për tu përfaqësuar siç duhet në eventin më të madh që pas anëtarësimit tonë në NATO, 11 vjet më parë.

Është një sipërmarrje që krahas koordinimit mes të gjitha institucioneve do të tregojë edhe seriozitetin tonë për të qenë për 48 orë kryeqendra e mbrojtjes dhe sigurisë në botë”.

Gjatë Ministerialit në Bruksel, ministrja e Mbrojtjes u takua me Sekretarin amerikan të Mbrojtjes, Mark Esper.

Për Shtetet e Bashkuara të Amerikës mbrojtja është prioriteti numër një, ndërkohë që qeveria dhe taksapaguesit amerikanë janë mbështetësit kryesorë të Forcave të Armatosura shqiptare.

Në mbledhjen e Këshillit të Atlantikut, Ministrja Xhaçka falënderoi vendet aleate që u gjendën pranë popullit shqiptar që në orët e para të 26 Nëntorit e të gjithë ata që po vazhdojnë të na asistojnë në fazën më të rëndësishme, atë të rindërtimit./abcnews.al

lidhje.jpg
in a09:43 | 11/12/2019

Mbahet sot në Tiranë Ministeriali i Mbrojtjes së vendeve të A5 “Karta e Adriatikut.”

Ministja e Mbrojtjes Olta Xhaçka në Çeljen e Ministerialit të Mbrojtjes të nismës së SHBA – Karta e Adriatikut u shpreh se roli i saj kryesor është te fuqizimi i marrënidhënieve mes vendeve.

“Kjo nismë lidhet me angazhimin në një mision të përbashkët në Irak në kuadër të NATO-s ku Shqipëria do të luajë një rol drejtues. Roli i A5-sës ka qënë gjithmonë i lidhur ngushtë me promovimin e rëformave në fushën e sigurisë dhe të mbrojtjes si një mënyrë për të çuar përpara procesin e anëtarësimit të disa prej vendeve anëtare në NATO. Rolin e saj kryesor e shoh të fuqizimi i marrënidneve mes nesh”, tha Xhaçka.

Ndërkohë  Zëvendës Asistentja e Sekretarit të Mbrojtjes së SHBA–së, Znj. Laura Cooper, në nisje të fjalimit të saj, në konferencën “Karta e  Adriatikut (A5)”, ku Shqipëria kishte kryesimin gjatë vitit 2019 tha se shqiptarët dhe amerikanët kanë qenë gjithmonë bashkë në kohë të vështira.

Ajo vlerësoi kontributin pa kushte të të gjitha vendeve, të cilat reaguan menjëherë pas kësaj ngjarje.

Do të doja të fillojë me ngushëllime për familjet që vuajtën si pasojë e këtij tërmeti. SHBA janë miq të Shqipërisë si gjithë amerikanët dhe shqiptarët që kanë qenë bashkë në kohë të vështira. Këto popuj kanë qenë gjithmonë bashkë. Të gjitha vendet që janë sot këtu, që reaguan pa asnjë kusht dhe kanë dhënë mbështetjen e nevojshme për të ndihmuar Shqipërinë në këtë periudhë të vështirë. SHBA qëndrojnë  afër Shqipërisë, partneritet me të gjitha vendet e rajonit. Kjo na sjell në këtë seancë të A5. Pavarësisht nga ky tërmet që ndodhi në patëm mundësi të takohemi dhe shoh që kemi shumë miq në këtë tryezë”, tha Cooper.

/abcnews.al

xhacka.jpg
ger ta11:05 | 01/12/2019

Pas  përfundimit të kërkim-shpëtimit Ministrja e mbrojtjes Olta Xhaçka takon ushtarakët e angazhuar për përballimin e pasojave të tërmetit.

Xhacka falenderoi te gjithe ata qe moren pjese ne keto operacione,  me apo pa uniformë. Ministrja tha se sprova si kjo që kemi kaluar janë edhe mësime të nxjerra.

Sipas saj do të përmirësohen edhe strukturat e dedikuara për emergjencat civile, si dhe do te kete ekipe të specializuara, të mirëtrajnuara dhe me mjetet e duhura.

Me përfundimin e operacioneve të kërkim – shpëtimit, Forcat e armatosura  janë përqendruar në mbështetjen logjistike. Ato vijojnë kujdesin në kampet me çadra të ngritura prej tyre në Laç dhe fshatin Bubq./abcnews.al

xhacka-1280x606.jpg
in a10:36 | 29/11/2019

Në një dalje për mediat, Ministrja e Mbrojtjes, Olta Xhaçka i bëri thirrje të gjitha banorëve që i kanë banesat e dëmtuara të mos qëndrojnë deri në momentin që do të bëhet vlerësimi.

Ajo tha se vlerësimet po bëhen nga ekspertë shqiptarë dhe të huaj. Ajo garantoi se askush nuk do të mbetet pa shtëpi.

Xhaçka tha se është ngritur kuzhina fushore në Thumanë dhe po montohet një tjetër në Bubq për përgatitjen e 10 mijë racioneve gjatë 7 ditëve.

“Sot kur operacioni i kërkim shpëtimit po i vjen fundi kujdesi ynë është të garantojmë strehimin e të gjithë atyre që kanë mbetur pa strehë. Përsëris nëse shtëpia juaj është e dëmtuar ju lutem mos e bëni ekspertin vetë, mos rrezikoni vetën dhe familjen, drejtojuni në strukturat akomoduese, janë me qindra hotelet në dispozicionin tuaj, nëse doni të shkoni tek të afërmit tuaj, por ju lutem mos qëndroni nëse banesat tuaja nëse janë të dëmtuara. Largohuni për në hotelet më të mira në Durrës, Tiranë, Lezhë, Shëngjin, Berat. Situata në banesat me strukturë të dëmtuar është po aq e rrezikshme sa ditën e parë. Ka nisur vlerësimi i rrezikshmërisë së banesave nga ekspertë shqiptarë e të huaj”, tha Xhaçka.

/abcnews.al

oltra-xhacka-deklarate.jpg
nev ila18:03 | 27/11/2019

Ministrja e Mbrojtjes Olta Xhaçka, gjatë një komunikimi me median, pasditen e sotme, deklaroi se rreziku nuk ka kaluar ende, dhe se qytetarët, nuk duhet të kthehen në banesat e dëmtuara.

“Qytetarët të mos kthehen në banesat e dëmtuara, rreziku nuk ka kaluar ende. Frikë dhe ankth për lëkundjet e tërmetit. Janë momente tepër të vështira për të gjithë, sidomos për familjarët e atyre, që nuk i mbijetuan dot tërmetit. Fryma e solidaritetit, jashtë dhe brenda vendit, ka qenë e jashtëzakonshme dhe mbresëlënëse. Krenare dhe e prekur, nga skenat e qytetarëve, që mundohen të ndihmojnë sadopak familjet e prekura”, tha Xhaçka.

Më tej Xhaçka bëri publike edhe identitetin e viktimave që shkaktoi tërmeti deri tani.

Deklarata e plotë e Ministres së Mbrojtjes Xhaçka:

“Të dashur qytetarë,

Ky është komunikimi më i vështirë që mund t’i takojë një zyrtari të shtetit shqiptar, e që do doja mos të ndodhte kurrë. Tërmeti i datës 26 ishte vërtet një ngjarje e rëndë. Ka shkaktuar frikë dhe ankth, ndjesi të cilat përsëriten sa herë toka lëkundet, ashtu sic ndodhi disa minuta me parë, ka shkaktuar dëme masive që do të duhet kohë për t’i rekuperuar. 

Por do t’i rekuperojmë. Shtëpitë do të rindërtohen, bizneset do të ringrihen, jeta do të rifillojë për të gjithë qytetarët dhe do të keni të gjithë mbështetjen tonë, gjithë mbështetjen e shtetit shqiptar, partnereve nderkombetare, qytetareve shqiptare, për të kaluar këtë situatë të vështirë e për të rifilluar nga e para. Por ka diçka që nuk mund ta kthejmë më mbrapsht. Askush nga ne nuk mundet. Janë 28 jetë të humbura, qe lene pas një boshllëk që askush nuk e mbush dot.

E di që fjalët janë të tepërta e asgjë s’mund t’i ngushëllojë familjet e tyre për humbjen. Por në një shenjë respekti per jetët e humbura, dua të ndaj sot me të gjithë qytetarët emrat e të 28 fëmijëve, vajzave, djemve burrave e grave që nuk arritën ti mbijetonin kësaj tragjedie, për t’i kujtuar së bashku në këto orë dhimbjeje e ngushëllimi për të gjithë.

Në Durrës kahë humbur jetën:

1- Amelia Lala, 8 vjeç
2- Esiela Karanxha, 8 vjeç
3- Bajram Hajdarmataj, 54 vjeç
4- Sadik Qato, 85 vjeç
5- Isah Abazi, 29 vjeç
6- Flatar Zenelaj, 64 vjeç
7- Eviola Broshka, 28 vjeç
8- Kristi Reçi, 24 vjeç
9- Sehadete Lala, 79 vjeç
10- Djena Karanxha
11- Eduart Reçi
12- Shemsedin Abazi

Në Krujë:

1. Ariela Lala 4 vjeç
2. Bukurije Leka
3. Erisa Cara
4. Fatmira Cuka 44 vjeç
5. Selvie Lala 77 vjeç
6. Saimir Greku
7. Kristjan Preçi 26 vjeç
8. Sardi Cuka 18 vjeç
9. Hajrie Vata 65 vjeç
10. Klevis Çupi (Aliu) 34 vjeç
11. Drita Cakoni 58 Vjeç
12. Pëllumb Greku 57 Vjeç
13. Çelike Grupieku 57 Vjeç
14. Hajredin Çupi, 66 Vjeç
15. Kastriot Cakoni

Ndërsa në Lezhë:

Marjan Preçi 25 vjec – u dëmtua nga tërmeti dhe automjeti që po e dërgonte në spital ka dalë nga rruga. Për pasojë Marjan Preci ka humbur jetën.

Janë momente shumë të vështira për të gjithë ne. Me shumë ankth. Me shumë dhimbje për jetët e humbura por dhe shumë shpresë për të lënduarit.
Kjo ka qenë një ngjarje vërtet e rëndë. Por nëse ka në këtë situatë një fenomen mbresëlënës, eshte pa dyshim fryma e jashtëzakonshme e solidaritetit që kemi parë brenda dhe jashtë vendit.

Jam ndjerë vërtet edhe e prekur, por edhe shumë krenare, sic jam e bindur edhe te gjithë ju, kur kam parë skenat e qytetarëve që përpiqeshin e përpiqen te ndihmojnë brenda dhe përtej mundësive te tyre.

Dhe jam vërtet mirënjohëse dhe pa fjalë në fakt, nga ata qindra e mijëra shqiptarë të thjeshtë, që kanë vërshuar të ndihmojnë, duke asistuar në operacionet e kërkim shpëtimit, duke dhuruar ushqime e veshmbathje, duke hapur dyert e shtëpive apo hoteleve për të strehuar ata që janë prekur nga kjo tragjedi.

Dua t’i falenderoj edhe njëherë të gjithë qytetarët që ende sot po vazhdojnë të punojnë vullnetarisht, të palodhur e shpesh duke rrezikuar shumë. Ashtu siç dua të falenderoj edhe të gjithë miqtë e partnerët e Shqipërisë, e mbi të gjitha vëllezërit e motrat tona kosovare që na janë gjendur ashtu siç dinë shqiptarët t’i gjenden njëri tjetrit në orët e tyre të vështira. Jam pa fjalë. Faleminderit nga zemra.

Por dua ta shfrytëzoj këtë rast per te përsëritur te njëjtin mesazh. Ende nuk ka kaluar faza e rrezikut. Ky rrezik sot vjen mbi të gjitha nga godinat e dëmtuara, që mund të jenë në rrezik shembje, që mund të kenë pësuar dëme strukturore.

Prandaj dua te përsëris thirrjen per qytetaret; Ju lutem mos u riktheni në shtëpitë tuaja nëqoftëse ato kanë dëmtime të tilla. Edhe nëse nuk jeni të sigurtë, është më mirë për ju, për familjet tuaja që të prisni derisa të bëhen verifikimet nga ekipet e ekspertëve te cilat jane organizuar tanimë dhe do te jene ne terren 24 ore ne ditet ne vijim.

Po ashtu dua tu bej thirrje të gjithë autoriteteve vendore që ta përshpejtojnë sa më shumë këtë proces sepse ky nuk është thjesht një proces inventarizimi i dëmeve e vlerësimesh, por një proces që shpëton jetë njerëzish.

Është një përgjegjësi shumë e madhe të cilës i duhet shkuar deri në fund me përgjegjësinë e rigorozitetin më të madh. Duke marrë seriozisht e inspektuar çdo raportim e denoncim e duke mos e çuar situatën në një pikë ku njerëzit humbasin durimin, lodhen duke pritur dhe marrin parasysh rrezikun e rikthimit në banesat e dëmtuara.

E di që ky proces ka nisur vetëm sot. Prandaj kjo e imja nuk është një kritikë, por një paralajmërim që të investohen tek ky proces me gjithë seriozitetin që meriton kjo situatë dhe meritojnë qytetarët shqiptarë.

Sigurisht per te gjitha ato mungesa ne kapacitete profesionale qe bashkitë mund te kenë, do te asistohen nga profesioniste te institutit te ndërtimit apo shoqatës se ndërtuesve per ta kryer procesin e verifikimit ne kohe sa me te shpejte.

Do te jemi ne kontakt ne orët ne vijim per me shume informacion”, tha Xhaçka./abcnews.al

Olta-Xhacka-zjarret.jpg
ger ta20:02 | 26/11/2019

Ministrja e Mbrojtjes Olta Xhaçka dha detaje nga tërmeti i rëndë që goditi vendin orët e para të mëngjesit të sotëm, duke shkaktuar viktima.

Xhaçka tha se tërmeti 6.4 i shkallës Rihter është më i forti që pas atij të vitit 1979, ndërsa theksoi se janë regjistruar 250 pas goditje, të cilat pritet të vijojnë.

Ministrja theksoi së dëmet janë shumë të mëdha, por në këto momente vëmendja është tek shpëtimi i jetëve.

Dua të përsëris edhe një herë apelin, për çdo qytetar, banesa e të cilit është dëmtuar: bëni kujdes e mos hyni në banesa, pa u bërë më parë inspektimi nga njesite e specializuara”, tha ministrja.

Deklarata e plotë:

Nata që kaloi ka qenë e vështirë dhe e di që sot, shumë qytetarë presin me shqetësim e frikë çdo të sjellë nata e sotme. Lutem per sa me shume gjakftohtësi te jete e mundur per te evituar cdo lëndim qe nuk vjen nga tërmeti por nga paniku.

Ne po bëjmë gjithçka mundemi, po bejme detyrën tone si qeveri per te adresuar situatën e renduar ne zonat te prekura nga tërmeti. I gjithë shteti është në këmbë duke nisur nga ekipet e kërkim shpëtimit, efektivë e ushtrisë e policisë, mjekët, prefektët, kryebashkiakët, deputetët, i gjithe kabineti qeveritar, dhe qindra e qindra qytetare qe jane solidarizuar duke dhene ndihmën e tyre te palodhur e mbështetjen e pakursyer.

Ka patur shumë pyetje sot, sidomos mbi përmasat e dëmeve. Kerkoj mirëkuptimin tuaj, prioriteti ynë, edhe në momentin që po flasim është shpëtimi i çdo jete që mund të shpëtohet.

Është e pamundu ne kete moment, kur të gjitha energjitë janë përqëndruar në operacionet e kërkim – shpëtimit, që të kemi një panoramë të detajuar të dëmeve.

Dëmet janë të mëdha, këtë e dimë. Ky ishte tërmeti më i forte që ka përjetuar vendi ynë që prej vitit 1979 dhe goditja e mëngjesit të sotëm  është shoqëruar nga 250 pasgoditje, të cilat sipas ekspertëve sizmiologë pritet të vijojnë, shpresojmë me intensitet me te ulet sic eshte trendi, deri ne stabilizimin e pllakave tektonike.

Dua të përsëris edhe një herë apelin, për çdo qytetar, banesa e të cilit është dëmtuar: bëni kujdes e mos hyni në banesa, pa u bërë më parë inspektimi nga njesite e specializuara.

Në respekt të qytetarëve dua të bëj një pasqyrë të situatës së deritanishme por theksoj edhe një herë se, informacioni përditësohet çdo minutë e shifrat mund të ndryshojnë.

Deri në orën 18.30 minuta raportohet se 21 persona kanë humbur jetën në prefekturën Durrës, saktësisht në Durrës dhe Thumanë si pasojë e shembjes së godinave. E theksoj se ky bilanc tragjik mbetet ende per tu konfirmuar zyrtarisht nga strukturat përkatëse te shëndetësisë dhe rendit sipas protokollove te ekspertizës perfundimtare.

Në godinat e shembura vazhdon puna e kërkim shpëtimit, pasi një numër qytetarësh rezulton të jenë ende të bllokuar nderkohe qe për disa të tjerë nuk ka raportime nëse janë ndodhur apo jo në banesa, në momentin e lëkundjeve të tokës.

Falë ndërhyrjeve të ekipeve të specializuara, 45 persona kanë mundur të shpëtohen duke u nxjerrë nga rrënojat e duke u dërguar për ndihmë mjekësore. Rreth 600 banorë janë lenduar dhe kanë marrë ndihmën pranë spitaleve apo qendrave shëndetësore.

Mësimi sot në të gjitha shkollat, universitetet, kopshtet e çerdhet është pezulluar dhe do të vazhdojë i pezulluar edhe nesër nderkohe qe qeveria pak minuta me pare e shpalli 27 nentorin dite zie kombetare ne respekt te jetëve te humbura.

2 mijë efektivë të Forcave të Armatosura (efektivë xhenio, forcat speciale e ato komando), 1 900 efektivë të Policisë së Shtetit jane ne terren dhe gatishmëri te plote, bashke me ekipet e zjarrfikësve të bashkive, dhjetra ekipeve mjekësore dhe qindra qytetarë te cilët janë angazhuar në terren dhe janë në gatishmëri të plotë, për të bërë të mundur nxjerrjen dhe shpëtimin e personave të bllokuar në rrënoja apo ngritjen e çadrave dhe strehimin e familjeve, banesat e të cilave janë dëmtuar.

Prej disa orësh, ekipeve tona të kërkim shpëtimit, të cilat po punojnë pa ndërprerje në Durrës e Thumanë,  i janë bashkuar mbi 200 efektivë, ekspertët më të mirë të emergjencave civile të ardhur nga Italia, Greqia, Franca, Turqia, Kroacia, Kosova, Mali i Zi dhe Rumania. Shtetet e Bashkuara të Amerikës përmes Zyrës Rajonale të Asistencës për Fatkeqësitë Natyrore do të asistojnë nevojat në terren. Faleminderit partnereve për solidaritetin!

Paralel me operacionet e kërkim shpëtimit që do të vazhdojnë edhe gjatë natës, që prej prej mesditës së sotme, pranë stadiumit në Durrës dhe fushës së sportit në Thumanë nisi ngritja e 300 çadrave për strehimin e afro 1 mijë banorëve.

Gjithashtu Shtëpia e Pushimit të Ushtrisë në Durrës me kapacitet 200 persona është në dispozicion të banorëve në vështirësi.

Janë 90  palestra në Tiranë, Durrës, Krujë e Lezhë te cilat po pershtaten per te akomoduar familjet e pastreha ne rast nevoje.

Krahas kapaciteteve akodomuese të siguruara nga pushteti vendor dhe ai qendror, jane shume hotele në Vlorë, Durres e Tiranë te cilat, ne shenje solidariteti, kanë ofruar strehim e trajtim për çdo bashkëqytetar në vështirësi.

Orët në vijim do jenë të vështira por solidariteti mes njëri – tjetrit dhe përkushtimi i cdo punonjësi në strukturat e specializuara do ta bëjë më të lehtë përballimin e një situate, që askush nga ne nuk do të donte ta përjetonte. Lutjet tona sot janë për çdo familje shqiptare, dhe ne veçanti per familjet qe kane humbur te dashurit e tyre dhe te gjithë atyre qe i mbijetuan kësaj tragjedie te paparashikuar. Kurajo dhe Zoti qofte me cdo familje shqiptare./abcnews.al

4-7.jpg
in a09:50 | 26/11/2019

Ministrja e Mbrojtjes, Olta Xhaçka në një deklaratë për mediat i bën thirrje qytetarëve të kufizojnë lëvizjet. Ajo konfirmoi se forcat zjarrëfikëse në të gjithë qarqet janë nisur drejt Durrësit dhe janë mbi 1000 efektivë në gatishmëri dhe qindra personel mjekësor

Xhaçka ka shprehur gatishmërinë e plotë të forcave të armatosura për ti ardhur në ndihmë qytetarëve të lënduar.

“I gjithë shteti në këmbë, i  bëj thirrjë qytetarëve të ruajnë qetësinë, sot ka pasur shumë dëmtime është një situatë ku ka nëvojë për solidaritet. Është një moment i tmerrshëm, por dua tju them  të gjithë shqiptarëve që nuk është moment për të vajtuar por për tu solidarizuar për të kaluar një situatë tragjike dhe të vështirë. Mbi 100 goditje sekondare dhe sipas ekspertëve nuk përjashtohen pasgoditje të tjera. Durrësi dhe Thuma më të goditurit. Në të gjitha godinat e shembura vijon puna e kërkim shpëtimit, por janë operacione të vështira pasi ekziston rreziku që godinat të pësojnë shembje të tjera duke rrezikuar jo vetëm banorët që kanë mbetur nën rrënoja, por edhe grupet e shpëtimit. Deri tani janë 135 të lënduar dhe 12 shtrime ne spitalin e Durrësit 60 të shtruar në QSUT tiranë, por edhe këtu rastet janë duke u shtuar kryesisht nga paniku. janë konfiomruar 7 jetë të humbura”, tha Xhaçka./abcnews.al

ushtari-afganistani-1280x624.jpg
nev ila10:41 | 05/11/2019

Ministrja e Mbrojtjes, Olta Xhaçka, ka postuar në rrjetet sociale, momente prekëse të një nëne që ribashkohet me djalin e saj pasi ai kthehet nga misioni me Forcat e Armatosura.

Ushtari Shkëlqim Hoxha, me shërbim në Afganistan u kthye në atdhe por nuk lajmëroi askënd. Ai mendoi që kthimi i tij të ishte një surprizë e bukur për nënën, e cila priste në ankth rikthimin e të birit nga lufta.

Direkt sapo preku tokën shqiptare, nga aeroporti, Hoxha vrapoi për tek puna e nënës së tij. Kur pa të birin me rroba ushtarake, e ëma shpërtheu në lot dhe e përqafoi me sa kishte fuqi.

Lajmin e ka bërë të ditur, ministrja e Mbrojtjes, Olta Xhaçka përmes një postimi në rrjete sociale.

E keni parasysh mallin dhe merakun e nënës për birin e saj? Imagjinojeni kur ai është ushtarak dhe ka shkuar të shërbejë në Afganistan. Ushtari i III Shkëlqim Hoxha nga batalioni i II i këmbësorisë, i cili është kthyer nga misioni në Herat i ka bërë këtë surprizë nënës së tij ditën e kthimit nga misioni”, shkruan Xhaçka./abcnews.al

Kthimi i ushtarit nga Afganistani

E keni parasysh mallin dhe merakun e nënës për birin e saj?Imagjinojeni kur ai është ushtarak dhe ka shkuar të shërbejë në Afganistan.Ushtari i III Shkëlqim Hoxha nga batalioni i II i këmbësorisë, i cili është kthyer nga misioni në Herat i ka bërë këtë surprizë nënës së tij ditën e kthimit nga misioni.#KrenariPërFA??

Publiée par Olta Xhacka sur Mardi 5 novembre 2019

xhackakkk.jpg
Autor E09:56 | 12/10/2019

Ministrja e Mbrojtjes Olta Xhaçka është bërë nënë për të dytën herë.

Pas vajzës së saj Hanës e cila është katër vjec, ajo bashkë me bashkëshortin ish-deputetin Artan Gaci janë gëzuar sërish.

Ministrja ka sjellë në jetë pak orë më parë vajzën e saj të dytë dhe të dyja gëzojnë shëndet të plotë.

Pavarësisht shtatzënisë, ministrja Xhaçka nuk është shkëputur nga detyra.

gramoz-ruci-1-1280x698.jpg
nev ila19:28 | 30/09/2019

Kryetari i parlamentit Gramoz Ruçi gjatë seancës së sotme i ka ndërprerë fjalën ministres së Mbrojtjes Olta Xhaçka.

Fjalimi i saj shkoi përtej minutave që kishte në dispozicion dhe Ruçi nuk ka hezituar ti mbyllë mikrofonin Xhaçkës në gjysmën e fjalimit.

Por menjëherë kreu i grupit parlamentar, Taulant Balla, i dhuroi 5 minuta nga koha e tij ministres Xhaçka.

….ekipet e përforcuara të mjekëve kanë qenë në gatishmëri që në momentet e para të të lënduarve. jemi dëshmitarë se si cdo person i lënduar është asistuar dhe mjekuar brenda pak orëve, për të mos thënë që në orën e parë trë goditjes kryesorë sizmike….. prioritet i atyre ditëve ishte një mobilizim masiv, më mirë një mobilizim masiv se sa një mobilizim modest si pasojë e të cilit….(Ruçi ndërpret fjalën)”,

Xhaçka: A mund të vazhdoj edhe 2 fjali?

Ruçi: Koha këtu është e përcaktuar… mbaroi koha juaj!

Ruçi: Po, zoti Balla?

Balla: 5  minuta nga koha ime…

Ruçi: Atëherë edhe 5 minutat e zotit Balla./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono