OKB
Formacionet e ndeshjes

900-1280x886.jpg
in a11:35 | 25/11/2019

Të dhënat e publikuara në Ditën Ndërkombëtare për Eleminimin e Dhunës ndaj Grave, tregojnë se gjysma e grave të vrara në të gjithë botën, kanë pësuar dhunë nga partnerët ose familja.

Raporti  thekson se është e vështirë të bëhet përcaktimi i saktë i numrit të përdhunimeve.

Ndërkohë Kombet e Bashkuara vlerësojnë se një e treta e të gjitha grave dhe vajzave në botë përjetojnë dhunë fizike ose seksuale gjatë jetës së tyre dhe sulmeve seksuale, por nga ana tjetër vlerëson se rreth 15 milionë vajza adoleshente në të gjithë botën kanë pasur seks të detyruar në një moment të jetës së tyre.

“Dhuna ndaj grave dhe vajzave është ndër shkeljet më të përhapura dhe më shkatërruese të të drejtave të njeriut, por shumë shpesh nuk raportohet për shkak të pandëshkueshmërisë, turpit dhe pabarazisë gjinore”, raportojnë Kombet e Bashkuara./abcnews.al

Capture-4.jpg
in a15:36 | 18/11/2019

Rreth shtatë milionë fëmijë në vit nuk janë të lirë, pasi ata mbahen në burgje, paraburgim, qendra për ndalimin e migracionit, shtëpi për persona me aftësi të kufizuara ose institucione të mirëqenies, thuhet në një studim të Kombeve të Bashkuara për të drejtat e njeriut.
Në këtë studim, ekspertët e të drejtave të njeriut kanë analizuar veçanërisht zonat e konfliktit, si Siria dhe Iraku.

Studimi i Kombeve të Kombeve të Bashkuara për të drejtat e njeriut, ka arritur në përfundimin se rreth shtatë milionë fëmijë në vit janë të privuar nga liria. Fëmijët mbahen në burgje, arrest policor, qendra për ndalimin e migracionit ose institucione të mirëqenies.

Udhëheqësi i këtij studimi, Manfred Noëak shprehet se pavarësisht shifrave dramatike vitet e fundit ka pasur një përparësim për zgjidhjen e problemit.
“Edhe pse është arritur përparim viteve të fundit për zgjidhjen e problemit, duhet të bëhet shumë më tepër për t’i nxjerrë fëmijët nga institucionet “e ndalimit” dhe për t’i dhënë fund ndalimit të migrantëve nën moshë”, tha Manfred Noëak, studiues austriak i të drejtave të njeriut, njëherësh udhëheqës i studimit.

Ekipi i Noëakut zbuloi se së paku 410,000 fëmijë mbahen çdo vit në burgje dhe paraburgim, ndërsa 1 milion mbahen në arrest policor. Për më tepër, 80 vende i kanë të ndaluar 330,000 fëmijë migrantë, thuhet në raport.

“Është përgjegjësi e jona t’ua kthejmë fëmijërinë fëmijëve në paraburgim”, deklaroi ai shkruan Rel. Raporti është një këmbanë alarmi për shkak se thekson se çrregullimet psikiatrike midis fëmijëve mund të dhjetëfishohen. “Rreth 5.4 milionë fëmijë të tjerë jetojnë në institucione të mirëqenies, të cilat për nga natyra e tyre, nuk janë në gjendje të operojnë pa i privuar fëmijët nga liria”, theksohet në raport./abcnews.al

perdorimi-interneti-1280x714.jpg
nev ila13:24 | 07/11/2019

4.1 miliard banorë të planetit Tokë janë aktualisht të lidhur me internetin. Siopas raportit më të fundit të Kombeve të bashkuara, numri më I madh I atyre që janë të lidhur me internetin është regjistruar në Europë.

Sipas raportit të Unionit Ndërkombëtar të telekomunikacionit, agjenci e Kombeve të Bashkuara, 4.1 miliard banorë të planetit janë aktualisht të lidhur me internetin. Në krahasim me një vit më parë numri është rritur me 5.3 për qind.

Nga përdoruesit e internetit 48 për qind janë gra dhe 58% burra. Në 10 vitet e fundit 2009-2019 numri i përdoruesve të internetit është rritur nga 25.8 për qind në 53.6 oër qind.

Përqindja më e lartë e përdoruesve të internetit është në Europë, 82.,5% ndërsa më e ulëta është në Afrikë 28.2%. Jo të lidhur me internetin janë 3.6 miliard persona, pjesa më e madhe e të cilëve jetojnë në vende në zhvillim.

Dallimi më i madh mes grave dhe burrave që përdorin internetin është regjistruar në Afrikë, shtetet arabe dhe në rajonin e Azisë./abcnews.al

OKB-KOSOVA.mpg_snapshot_00.05-1280x720.jpg
ent ela15:19 | 31/10/2019

Sekretari i përgjithshëm i OKB-së, Antonio Guterres komentoi raportin për Kosovën për periudhën 16 maj deri 15 shtator, duke përshëndetur përpjekjet që synojnë të sigurojnë përfshirje më të madhe të segmenteve më të gjera të shoqërisë në proceset politike në Kosovë. Ai inkurajoi veçanërisht gratë dhe të rinjtë që të përfshihen dhe të udhëheqin qeverisjen demokratike të Kosovës.

Sekretari i përgjithshëm i OKB-së, Antonio Guterres, duke komentuar raportin për Kosovën për periudhën 16 maj deri 15 shtator, tha se ndërtimi i besimit në Kosovë kërkon forcimin e sundimit të ligjit dhe një gjyqësor të besueshëm, të pavarur dhe të paanshëm.

Guterres mirëpriti përpjekjet për të siguruar që viktimat e dhunës seksuale gjatë luftës në Kosovë të kenë të drejtën e kompensimit, por tha se procesi i kompensimit për viktimat nuk ishte plotësisht përfshirës.

Ai gjithashtu u bëri thirrje institucioneve të Kosovës dhe aktorëve ndërkombëtarë që të vazhdojnë mbështetjen dhe bashkëpunimin e tyre të plotë në përpjekjet për të hetuar krimet e kryera gjatë luftës në Kosovë, të cilat ai i konsideroi thelbësore për të ardhmen paqësore të Kosovës.

Në raport, Guterres përshëndeti përpjekjet e vazhdueshme të Grupit të Punës për Personat e Zhdukur si dhe ndryshimin e planifikuar në Ligjin për Personat e Zhdukur, duke thënë se sqarimi i fatit të të zhdukurve në Kosovë është thelbësor për arritjen e besimit afatgjatë.

Duke përshëndetur përpjekjet që synojnë të sigurojnë përfshirje më të madhe të segmenteve më të gjera të shoqërisë në proceset politike në Kosovë, ai inkurajoi veçanërisht gratë dhe të rinjtë që të përfshihen dhe të udhëheqin qeverisjen demokratike të Kosovës.

Guterres u bëri thirrje të gjithë aktorëve përkatës që të mbrojnë trashëgiminë fetare të Kosovës dhe të sigurojnë që vendet e adhurimit të jenë të sigurta, në mënyrë që të gjitha komunitetet të praktikojnë besimin e tyre në paqe.

Guterres tha se ishte i zhgënjyer nga kontributet e vogla në Fondin e KB për të mbështetur komunitetet ashkali, egjiptian dhe romë të prekur nga helmimi nga plumbi në Kosovë, dhe u bëri thirrje vendeve anëtare, aktorëve dhe organizatave të tjera që të kontribuojnë në këtë fond.

Sekretari i Përgjithshëm i OKB-së shprehu shqetësim serioz për ndalimin e anëtarëve të UNMIK-ut më 28 maj dhe vazhdimin e procedurave gjyqësore kundër tyre nga autoritetet e Kosovës, nga të cilat ai kërkoi të sigurojnë respektimin e privilegjeve dhe imunitetit të anëtarëve të OKB-së. /ABC News Albania 24/7

 

brajan-me-kelin-1280x721.jpg
ent ela09:12 | 30/10/2019

Çështja e ndryshimeve klimaterike është një çështje globale, por në  5-10 vitet e fundit Shqipëria është bërë më e nxehtë, çka e tregon edhe grafiku i hartës globale. I ftuar në studion ABC –ja e mëngjesit koordinatori i ndryshimeve klimaterike në OKB Brian J. Williams tha se e ardhmja do jetë më e nxehtë dhe me reshje të pakta, që mund të shkaktohen përmbytje.

 “Klima ka ndryshuar, përbën një nga çështjet më të rëndësishme dhe ju e  dini se Shqipëria ka vuajtur nag e njëta gjë. Ai grafik tregon se në 5 -10 vitet e fundit e kuqja është bërë më e fortë.

Qeveria ka marrë pjesë në konventën e Parisit për ndryshimet klimatike. Qeveria ka thënë se ardhmja do jetë më e nxehtë 4-5 herë më nxehtë dhe mendoni si do jetë?  Reshjet do jenë më të pakta, do të ketë shumë rrezik për përmbytje, probleme me digat. Ndryshimet klimaterike janë çështje globale”.

Në këtë situatë Williams sugjeron mbjelljen e pemëve dhe energji alternative nga dielli dhe era.

“Qeveria miratoi një moratorium për prerjen e pemëve, shpyllëzimi ka ndodhur dhe më parë por e rëndësishme është që ne ta ndalojmë këtë gjë dhe mbjella e pemëve është gjëja më e mirë.

Bashkitë kanë probleme ka probleme dhe disa burime duhet ti kalojnë atyre.

Nuk kemi të bëjmë me çështjen e betonit por me planifikimin urban të sigurohemi që ka hapësira të gjelbërta për qytetarët. Qytetet janë për qytetarët dhe duhen ndërtuar për qytetarët jo për automjetet.

Është e vërtetë që e gjithë energjia elektrike përdoret pa dioksid karboni dhe shumica vjen nga ujërat, kur ka më pak reshje Shqipërisë i duhet të importjë  energji që ndoshta vjen nga qymyri. Por kemi edhe  ditë me diell dhe është potencial i madh përdorimi i energjisë diellore. Edhe pse për momentin nuk ka shkarkime e emetime e dimë që Shqipëria ka nevojë për energji. E mira do jetë që Shqipëria të krijojë energji elektrike pa karbon. Nëse do ketë ndonjë projekt të ri vlerësimet në mjedis të jenë që të ketë konsultime dhe të flasin më zë të lartë për këto”.

Për koordinatorin e OKB hapja e negociatave me Shqipërinë përmirëson kapacitet institucionale në funksion të ndryshimeve klimaterike.

“Ne si organizatë e OBK nuk merremi me çështjet politike të këtij objektivi madhor për në BE. Shqiqpria ka rënë dakort që të përmbushë axhendën e viti 2030 për zhvillim të qëndrueshëm dhe unë besoj se sa më shpejt të çelen negociata me BE, aq më shumë do ketë lidhje institucionale nëpërmejt institucioneve të BE dhe Shqipërisë të cilat do e ndihmojnë Shqipërinë të përmirësojë kapacitetet funksionale. E rëndësishme është që Shqipëria të investojë në objektivat e zhvillimit të qëndrueshëm dhe e rëndësishme është që shqiptarët të punojnë sëbashku”.

I pyetur nëse shqiptarët e mbrojnë klimën Williams përgjigjet s kjo ëhstë një çështje globale, por ka rritje të ndërgjegjësimit individual.

“Kjo është çështje globale kudo në botë është e vështirë që një individ ta lidhë sjelljen e vet me një gjë të tillë me një stuhi a zjarre në pyje. Ne shohim zjarre. Ka rritje të ndërgjegjësimit që ato gjëra që bëjmë ne ndryshojnë planetin. Ndotja  e ajrit në gjithë botën janë bërë sondazhe që ka humbje jete nga ndotja  ajrit. Ka gjëra që bëjnë individët dhe ka gjëra që bëjnë qeveritë. Njerëzit thonë që këto janë hapat që duhet të ndërmarrin qeveritë tona për të mbrojtur mjedisin”. /abcnews.al

0012e262-1600-1280x722.jpg
ad min12:29 | 25/10/2019

Një delegacion i agjencisë së Kombeve të Bashkuara për të drejtat e njeriut, do të qëndrojë në Kili për të hetuar rreth dhunës së ushtruar ndaj protestuesve nga forcat e rendit. Presidenti i vendit Pinera u shpreh se e kishte kërkuar vetë një gjë të tillë, për të qenë sa më transparent. Gjatë protestave disa ditore mbetën të vrarë 18 persona.

Agjencia e kombeve të bashkuara për të drejtat e njeriut do të dërgojë një mision në Kili për të hetuar autoritetet në vend, për 18 viktimat mes protestuesve gjatë një jave manifestimesh dhe përplasjesh me policinë. Autoriteti i lartë humanitar drejtohet pikërisht nga ish presidentja e Kilit, socialistja Mishel Bakelet.

Presidenti konservator Sebastian Pinera u shpreh se situata e rendit publik është në përmirësim e sipër. Ai shtoi se ka përmirësim dhe në kushtet e jetesës në qytete. Përplasjet e dhunshme vijuan edhe të enjten por me më pak intensitet, në fakt gjendja e jashtëzakonshme është pezulluar përkohësisht në disa zona. Por ky duket më shumë si një sinjal që i dërgohet komunitetit ndërkombëtar në prag të mbërritjes së inspektorëve të dërguar nga Bakelet.

Prania e delegacionit të komisariatit të lartë për të drejtat e njeriut e Kombeve të Bashkuara, sipas ministrisë së jashtme të Kilit është kërkuar nga Santiago. Pra nuk është një iniciativë e Bakeley. Duke marrë në konsideratë të kaluarën autoritare të vendit; dhe sidomos identifikimin e konservatorizmit kilen, aktualisht në qeveri, me substancën politike dhe mbi të gjitha ekonomike – sociale të Pinoçet, të bërë nga disa sektorë të së majtës, presidenti Pinera do të marrë masat duke u treguar transparent për sa i përket sjelljes së forcave të rendit.

Gjenerali Augusto Pinoçet mori pushtetin me anë të një grushti shteti në vitin 1973, dhe vendosi një diktaturë e cila zgjati deri në vitin 1988. Puçi shkaktoi një gjakderdhje e cila zgjati disa vjet me shtypje të dhunshme dhe shumë të zhdukur. Një nga viktimat më të njohura ishte Salvator Alende, në atë kohë president socialist vendit amerikano – jugor./ABC News Albania

rama-kosova-1280x660.jpg
ent ela19:55 | 27/09/2019

Kryeministri Edi Rama gjatë fjalës së tij në OKB ka lobuar për njohjen e Kosovës nga vendet aënetarë të Asamablesë së Përgjithshme dhe kryesisht nga Serbia.

“Ka ardhur koha që të gjitha vendet e kësaj asambleje dhe së pari miqtë tanë serbë të njohin Kosovën, t’i japin hakun historisë dhe të njohin realitetin si e vetmja mënyrë për të ndërtuar një të ardhme më të mirë.

E dashur Serbi, Kosova është realitet i pakthyeshëm. Është po kështu e rëndësishme që Kosovës t’i jepet mundësia që të bëhet pjesë e organizatave rajonale ku çdo vend sovran ka të drejtë të bëhet pjesë”.

Rama i bëri thirrje Bashkimit Evropian për liberalizmin e vizave me Kosovën.

“Do të doja të theksoja një fakt që është e pajustifikuar që Kosova, vendi me 2 mln banorë mbetet vendi i vetëm ku populli i të cilit është i izoluar nga gjithë rrjeti regjimi i liberalizmit të vizave. Si mundet që BE ende të mbajë peng një vend prej 2 milionë njerëz që kanë luftuar fort për lirinë e tyre dhe mebten të palëkundur ndaj perspektivës në BE. E dashur BE ndaloje këtë gjë të pakuptimtë” .

Ai u shpreh shpresplotë për ndërtimin e një të ardhmeje më të mirë në Ballkanin Perëndimor, duke lënë pas hijet e së shkuarës.

“Është shpresa ime që Ballkani Perëndimor do shkëputet nga e kaluara dhe do ndërtojë ekonomitë e tregjet dhe një të ardhme shumë më të mirë, duke punuar për të ardhmet e femijë pa folur për hijet e së shkuarës”. /abcnews.al

rama-ne-okb-1280x694.jpg
ent ela19:39 | 27/09/2019

Duke folur për globalizmin dhe ndryshimet klimaterike në fjalën e tij në Asamblenë e përgjithshme të OKB-së në Nju Jork, Kryeministri Edi Rama ka përmendur tërmetin më të fundit në Shqipëri dhe tha se shekja ka ëprparuar mjaft por jo të parashikojë tërmetet para rënies së tyre.

“Mekanizmat e sigurisë janë shtuar, emigracioni, ekstremizmi, krimi dhe kontrabandimi i qënieve njerëzore nuk kanë sfiduar thjesht mjedisin e sigurisë, por të ardhmen tonë. Kërkon një ndërveprim shumë herë efikas.

Të premten e shkuar anulova fluturimin nga tërmeti që ra. Vendi ka pasur dëme por nuk ka pasur humbje jete njerëzish dhe pas tërmetit u përshi nga përmbytjet.

Shkenca ka ecur mjaft por jo të jetë në gjendje të parashikojë rënien e tërmeteve”. /abcnews.al

aleksander-vucic-1.jpg
ad min17:16 | 26/09/2019

Analistët në Serbi janë të mendimit se presidenti Aleksandër Vuçiç ndodhet në asamblenë e përgjithshme në Nju Jork me dy misione të ndryshme që lidhen me Kosovën: dialogu me Prishtinën dhe tërheqja e njohjeve për pavarësinë.

Delegacioni serb në Nju Jork ka shkuar me sa duket me dy misione: vazhdimin e bisedimeve me Kosovën dhe lobimin për tërheqje të njohjeve të Kosovës. Presidenti serb, Aleksandër Vuçiç, është takuar me zyrtarë të ndryshëm botërorë, nga ata që shpreson ti ofrojnë mbështetje për tërheqje e pavarësisë e deri tek takimi me kancelaren gjermane, Angela Merkel, e cila ka kërkuar zgjidhje. Serbia thotë se megjithatë Evropa dhe SHBA insitojnë në një zgjidhje të shpejt.

Dragoljub Petroviç, kryeredaktor i të përditshmes “Danas”, thotë se nuk ka asgjë të re nga Amerika pasi përsëriten dëshirat për zgjidhje dhe kërkesa për heqjen e taksave. Por, Vuçiç dëshiron të tregohet si lider pro evropian dhe ta zgjidhë problemin.

 “Me arritjen në pushtet dhe firmosjen e marrëveshjes së Brukselit, të cilën e ka firmosur Daçiç, Vuçiç i ka treguar botës që ai dëshiron zgjidhje. Por ja, kanë kaluar 7 vjet dhe nuk po e arrin për shkak të situatave të ndryshme. Kosova është e dhimbshme për votuesit serbë dhe Vuçiç kërkon një situatë që të mos e pranojë kurrë që e ka pranuar Kosovën”.

Këtu Vuçiç është takuar me shefin e diplomacisë ruse, Sergej Lavrov. Një nga porositë që presidenti serb ka çuar në Nju Jork, është ajo se Serbia nuk mund të mos fitoj asgjë nga marrëveshja me Kosovën. Serbia disa herë ka porositur se duhet kompromis. Petroviç thotë se ideja ka qenë që të zgjidhet problemi duke sqaruar që nuk është humbje totale në këtë rast. Ideja e përkufizimit ka qenë për ta shitur zgjidhjen si të suksesshme.

“Nuk shoh ide  tjetër që do të kënaqte një pjesë të votuesve në Serbi, që do të sqaronte arsyen pse e zgjidhim problemin. Kjo mund të prezantohej sikur ne kemi fituar diçka edhe pse mund ti humbnim të gjitha, dhe i bie që kemi dhënë ca fshatra që nuk na duhen pasi në to jetojnë shqiptarët”.

Asambleja e përgjithshme e OKB-së kësaj radhe është dukur më e rëndësishme për shkak të pozicionimit para një vazhdimi të mundshëm të bisedimeve./ABC News Albania 24/7

IRANI-SHBA.mpg_snapshot_00.04-1280x720.jpg
ent ela21:24 | 25/09/2019

Presidenti iranian Hasan Ruhani është shprehur i gatshëm për modifikimin e marrëveshjes bërthamore të 2015-s, por ka deklaruar se u takon Shteteve të Bashkuara të bëjnë më shumë në këtë drejtim. Në fjalimin e tij në OKB, Ruhani ka refuzuar çdo dialog me Uashingtonin përsa kohë sanksionet do të jenë në fuqi.

Presidenti iranian Hasan Ruhani deklaroi të mërkurën se Shtetet e Bashkuara “duhet të paguajnë më shumë” për një marrëveshje që të shkojë përtej asaj të vitit 2015, të cilën Amerika e braktisi. Ruhani refuzoi edhe një takim eventual me presidentin Trump, edhe pse të dy ndodhen në selinë e OKB-së në Nju Jork, në kuadër të punimeve të Asamblesë Kombëtare. Në fjalimin e tij, Ruhani paralajmëroi liderët botërorë se rajoni i Gjirit Persik është shumë pranë, sipas tij, të marrit flakë.

“Rajoni është në buzë të greminës. Nga një gabim i vogël mund të bjerë një zjarr i madh”, tha Ruhani, i cili refuzoi edhe ofertën e Uashingtonit për bisedime. “Përgjigjia jonë ndaj ofertës për bisedime nën presion është jo”, theksoi presidenti i Republikës Islamike. Përballja SHBA-Iran është përshkallëzuar që prej vitit të kaluar, kur presidenti Donald Trump u tërhoq nga marrëveshja bërthamore e 4 viteve më parë dhe rivendosi sanksionet që kanë drobitur ekonominë iraniane. Trump kërkon një marrëveshje që shkon përtej asaj të vitit 2015 dhe që frenon më shumë programin bërthamor të Teheranit, kufizon programin e raketave balistike dhe i jep fund mbështetjes për fraksionet rebele në Lindjen e Mesme. “Nëse doni më shumë, nëse kërkoni më shumë, atëherë duhet të jepni dhe të paguani më shumë”, theksoi Ruhani. /ABC news Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono