OKB
Sandro Tonali cilësohet si Pirlo i ardhshëm

insta.jpg
in a23:10 | 15/01/2020

 

Drejtoresha e INSTAT pranon se ka rënë numri i popullsisë në vend për shkak të emigracionit dhe uljes së lindshmërisë, por sipas saj vendi nuk rrezikon të mbetet me gjysmë milionë banorë në vitin 2100, siç parashikon OKB-ja.

“Nuk duhet të merret një variant siç ka ndodhur tashmë, që është marrë varianti i ulët dhe interpretohet që popullsia e Shqipërisë në 2100 do të shkojë në 500 mijë banorë. Kjo nuk është e vërtetë. Projeksionet e popullsisë mbartin një pasiguri duke qenë se ndërtohen mbi të shkuarën. Që të kesh një statistikë të mirë projeksionet e popullsisë ndërtohen mbi një periudhe 30 vjeçare”, sqaron Nesturi.

Emigracioni dhe lindshmëria, janë dy faktorët kryesore të uljes së numrit të popullsisë në Shqipëri, sipas INSTAT.

Popullsia shqiptare ka pësuar tkurrje gjatë viteve të fundit .Instituti i Statistikasve e ka pranuar këtë fenomen të cilin e shpjegon me ndikimin që ka dhënë emigracioni dhe rënia e lindshmërisë. Por përtej kësaj sipas drejtores së statistikave projeksionet e OKB janë të shtrira për një periudhë shumë të gjatë kohore. Sipas Majlinda Nesturit parashikimet mund të jenë të sakta për një periudhë 30 vjeçare.

“Nuk duhet të merret një variant siç ka ndodhur tashmë, që është marrë varianti i ulët dhe interpretohet që popullsia e Shqipërisë në 2100 do të shkojë në 500 mijë banorë. Kjo nuk është e vërtetë. Projeksionet e popullsisë mbartin një pasiguri duke qenë se ndërtohen mbi të shkuarën. Që të kesh një statistikë të mirë projeksionet e popullsisë ndërtohen mbi një periudhe 30 vjeçare”, sqaroi Nesturi.

Drejtoresha e statistikave pranë Instat deklaron se rënia e lindshmërisë lidhet me arsimimin dhe emancipimin e gruas .Duke u ndalur tek rënia e lindshmërive INSTAT raporton se në projeksionet  për vitin 2031 janë që popullsia e shqipërisë të shkoj në 2.75 mln banorë nga 2.86 mln banorë që është aktualisht.

“Lindshëmëria vjen në rënie. Sa më shumë te rritet mirëqënia, sa më të arsimuara të jenë femrat, ka ndikim në lindshmëri”, sqaroi Nesturi.

Organizata e kombeve të bashkuara me anë të projeksioneve të publikuara thekson se në vitin 2100 Shqipëria rrezikon të mbetet një vend me vetem 512 mijë banorë./abcnews.al

shqiptaret-emigrojne.jpg
nev ila09:59 | 14/01/2020

Organizata e Kombeve të Bashkuara (OKB), në projeksionet e saj për popullsinë shqiptare ka rishikuar në ulje me 30-40% pritshmëritë se sa persona do të mbeten në një vend deri në vitin 2100.

Zhvlerësimi i ndjeshëm ka ardhur brenda një viti (2019 kundrejt 2018) dhe është nxitur si nga rënia e normës së lindshmërive, ashtu dhe nga trendi i lartë i emigracionit.

Në parashikimet e publikuara në vitin 2018, sipas variantit të lartë të parashikimit (me normë të lartë fertiliteti), popullsia e vendit në vitin 2100 pritej të mbetej në rreth 2.8 milionë persona, në një rënie të lehtë nga niveli aktual prej 2.87 milionë banorësh.

Por, vetëm një vit më pas, në 2019-n, pritshmëria është ulur ndjeshëm edhe për variantin optimist.

Në të gjitha rastet, edhe në variantin optimist, – pra nëse merret një nivel zero emigracioni dhe ecuri normale e normave të fertilitetit-, në vitin 2100, Shqipëria nuk pritet që të ketë me shumë se 1.9 milionë banorë, ose 31% më pak se parashikimi i një viti më parë.

Në variantin e mesëm, Shqipëria nuk pritet të ketë më shumë se 1 milionë banorë, nga 1.6 milionë banorë që ishte parashikimi në vitin 2018 për këtë skenar, me një ulje prej rreth 34%.

Rishikimi më i lartë është bërë për skenarin e ulët (normë të lartë emigracionit dhe fertilitet të ulët), në bazë të së cilin, në Shqipëri në vitin 2100, sipas pritshmërive të departamentit të Divizionit të Popullsisë të OKB-së, në Shqipëri nuk pritet që të mbeten më shumë se 512 mijë banorë. Më parë, pritshmëria ishte për 860 mijë banorë, pra parashikimi është ulur me 40%.

Arsyet

Rënia e lindshmërisë (fertiliteti-norma bruto e lindjeve) dhe rifillimi i ciklit të emigracionit pritet që të tkurrin popullsinë në dekadat në vijim.

Të dhënat e fundit të INSTAT treguan se gratë që jetojnë në Shqipëri vit pas viti po heqin dorë nga mëmësia, duke reduktuar në mënyrë drastike numrin e bebeve të sjella në jetë.

Në vitin 2018 ky fenomen u theksua edhe më shumë kur numri mesatar i fëmijëve të lindur nga një grua shënoi rekord historik. Indeksi i fertilitetit ishte vetëm 1.37 fëmijë për një grua nga 1.48 fëmijë  më 2017 dhe nga 1.73 fëmijë për grua që ishte ky indeks në vitin 2014, sipas të dhënave të INSTAT.

Rënia me shpejtësi e numrit të lindjeve e ka çuar Shqipërinë nën normën e zëvendësimit e cila përllogaritet 2.1 fëmijë për grua.

Gjithashtu Shqipëria e ka normën e lindshmërisë shumë poshtë indeksit global të fertilitetit i cili në vitin 2017 ishte 2.4 fëmijë për grua sipas të dhënave të Bankës Botërore. Gratë shqiptare lindin gati 50 për qind më pak fëmijë se mesatarja globale.

Nga  janari 2014 deri në janar të 2018 popullsia e Shqipërisë është zvogëluar mesatarisht me 0,16 % në vit. Si pasojë e këtyre zhvillimeve raportet e varësisë janë rritur për moshat e vjetra dhe janë ulur për ato të rejat.

Raportet e varësisë llogariten duke krahasuar numrin e personave (të rinjtë 0-14 vjeç dhe/ose të moshuarit 65+ vjeç) me popullsinë në moshë pune.

Ndërsa nga viti 2015, Shqipëria po përjeton një rritje të re të fenomenit të emigracionit.

Vetëm aplikimet për azil, në pesë vitet e fundit kanë arritur në rreth 200 mijë, sipas të dhënave zyrtare nga Eurostat, ndërsa ka dhe shumë të tjerë që ikin me kontrata pune, ose që thjesht largohen e nuk kthehen më.

Largimi i popullsisë po bëhet problem për sipërmarrjet, të cilat ankohen se nuk po gjejnë fuqi punëtore të specializuar.

Në një sondazh të fundit, Instituti Shqiptar i SME-ve “SME Albania” gjeti se rreth 61% e ndërmarrjeve kanë pasur punonjës të larguar për arsye emigracioni gjatë vitit 2019.

Rënia e popullsisë, sidomos largimi i popullsisë në moshë pune pritet të japë efekte të rënda në të ardhmen, si në skemën e pensioneve, me krijimin e një shtrese të brishtë pa kujdesin e duhur, ashtu dhe në rënien e produktivitetit të sipërmarrjeve, me efekt në tendencën e pagave, investimeve të tyre e taksave që paguajnë, me pasoja afatgjata në ngadalësimin e ekonomisë së vendit./monitor

te.jpg
in a07:50 | 10/01/2020

Shtetet e Bashkuara të Amerikës bënë të ditur se janë të gatshme për bisedime serioze me Iranin pas përshkallëzimit të tensioneve mes dy vendeve. Lajmin e ka konfirmuar vetë ambasadori amerikan në OKB, Kelly Craft.

“Jemi të gatshëm të angazhohemi pa parakushte në biseda serioze me Iranin, me qëllim parandalimin e rrezikut të mëtejshëm të paqes dhe sigurisë ndërkombëtare ose përshkallëzimit nga ana e regjimit iranian”, deklaroi ambasadori amerikan në OKB Kelly Craft në një letër drejtuar kreut të OKB-së Antonio Guterres dhe Këshillit të Sigurimit të OKB-së.

“Washingtoni ka ndërmarrë veprime të caktuara në ushtrimin e së drejtës së tij për vetëmbrojtje”, tha më tej Craft për vrasjen e gjeneralit iranian Qassem Soleimani.

afganistan_5547.jpg
in a07:42 | 27/12/2019

Zyrtari i misionit të OKB-së ka bërë të ditur se për shkak të konfliktit afgan kanë humbur jetën më shumë se 100, 000 civilë, në vetëm dhjetë vite.

“Lufta në Afganistan vazhdon të shkaktojë një numër të lartë viktimash”, tha Tadamichi Yamamoto.

“Humbjet civile kanë tejkaluar numrin e 100 000 viktimave vetëm në 10 vitet e fundit”, shtoi shefi i Manuas duke shprehur trishtimin e thellë, raporton  ATSH.

Ndërkohë misioni i OKB-së ende nuk ka dhënë detaje për këtë shifër, por ka bërë një numërim sistematik të viktimave civile që prej vitit 2009. Ai publikon raporte tremujore të detajuara për këtë çështje. Sipas OKB-së është vendosur një rekord në tremujorin e tretë të 2019-tës me 1 174 civilë të vrarë dhe 3 139 të plagosur./abcnews.al

LIBIB.jpg
So Nila14:13 | 24/12/2019

Presidenti turk, Rexhep Tajip Erdogan, nuk tërhiqet ndërkohë që situata në Libi po bëhet gjithnjë edhe më e rrezikshme. Sot në mëngjes një anije tregtare që lundronte me flamurin e Grenadas por me ekuipazh turk u rrëmbye nga trupat e gjeneralit.
Pothuajse në të njëjtën orë, disa site turke raportuan një avion transporti 747 u nis aeroporti Sabiha Gokcen, aeroporti i dytë në Stamboll, me destinacion Tripolin, ndoshta i ngarkuar me armë dhe municion.

Anija luftarake e Forcave Detare të Ushtrisë Libaneze ndaloi anijen në ujërat territoriale Libiane në qytetin lindor të Darna dhe e dërgoi atë në portin Ras El Hilal “për inspektim dhe për të verifikuar ngarkesat e tij”, tha zëdhënësi Ahmed Mismari për Reuters. Ai nuk dha detaje të tjera.

Forcat lindore besnike ndaj komandantit Khalifa Haftar i siguruan Reuters një video që tregon forcat e marinës libaneze që po ndalonin anijen dhe pyetën tre anëtarë të ekuipazhit. Ata gjithashtu publikuan kopjet e pasaportave të tre shtetasve turq.

Nuk ishte e qartë menjëherë se çfarë transportonte anija. Ankaraja ka dërguar furnizime ushtarake në Libi në shkelje të një embargo të armëve të Kombeve të Bashkuara, sipas një raporti nga ekspertë të U.N. nga Reuters muajin e kaluar.

Situata mund të përkeqësohet në orët e ardhshme, kur skadon ultimatumi i Haftarit kundër trupave turke, i cili ka urdhëruar që ato të largohen nga Tripoli dhe Sirte.
Presidenti turk Rexhep Tajip Erdogan, pas marrëveshjes së nënshkruar me kryeministrin e Libisë Fayez al-Sarraj për dërgimin në vend të trupave ushtarake, tani është mbështetësi kryesor i një zgjidhjeje të armatosur për stabilitetin e Libisë, ndërsa të gjitha fuqitë ndërkombëtare, përfshirë Rusinë, preferojnë rrugën diplomatike.
“Ne do të qëndrojmë përkrah vëllezërve tanë në Libi, derisa të sigurohet paqja dhe siguria, siç po bëjmë edhe në Siri – tha Erdogan, i cili shtoi gjithashtu se – Turqia do rrisë mbështetjen e saj ushtarake detare, ajrore dhe tokësore për qeverinë legjitime”.
Dje në Benghazi mbërriti Ministri i Jashtëm Grek, Nikos Dendias, i cili u takua me gjeneralin Haftar teksa Greqia dëboi ambasadorin libian në Athinë pas marrëveshjes së Al-Sarraj me Turqinë.

Turqia ka mbështetur Qeverinë Libiane  Kombëtare të udhëhequr nga Fayez al-Serraj ndërsa po lufton për një mbrojtje nga forcat e Haftarit.

Presidenti turk Tayip Erdogan ka thënë se Turqia mund të vendosë trupa në Libi në mbështetje të GNA, por asnjë kërkesë nuk është bërë deri më tani.

Alarmi i OKB:

Të paktën 284 civilë kanë humbur jetë në Libi në vitin 2019.

Në vitin 2019 të paktën 284 civilë vdiqën në Libi dhe 363 të tjerë u plagosën si rezultat i konfliktit të armatosur

Sipas Komisionerit të Lartë të OKB për të Drejtat e Njeriut, emigrantët dhe refugjatët në Libi vazhdojnë t’i nënshtrohen rregullisht shkeljeve dhe abuzimeve, duke përfshirë vrasje pa gjyq, ndalime arbitrare, zhdukje, tortura, dhunë seksuale dhe me bazë gjinore dhe rrëmbime për shpërblim.

Zyra e OKB thotë se deri më tani ata kanë dokumentuar të paktën 284 viktima mes civilëve dhe 363 të plagosur si rezultat i konfliktit të armatosur në Libi.

OHCHR specifikon se sulmet ajrore ishin shkaku kryesor i viktimave civile, me një numër prej 182 të vdekur dhe 212 të plagosur./abcnews.al

 

sherr.jpg
in a09:34 | 13/12/2019

Programi Ushqimor Botëror paralajmëron se përmbytjet shkatërruese në Sudanin Jugor tashmë pas një periudhe thatësire do të sjellin vuajtjen e urisë. Rreth 5.5 milionë sudano jugor mund të vuajnë nga uria.

“Rreth një milionë persona janë prekur nga efektet e përmbytjeve që kanë prekur qytete të tëra duke rënduar situatën humanitare, tashmë katastrofike pas gjashtë viteve të një lufte civile”, raporton agjencia e OKB-së.

“Rreth 5,5 milionë sudano-jugor mund të vuajnë nga uria në fillim të vitit 2020, një periudhë kur popullsia fillon të përfitojë të korrat e muajve të mëparshëm”, sipas Programit Ushqimor Botëror të Kombeve të Bashkuara./abcnews.al

900-1280x886.jpg
in a11:35 | 25/11/2019

Të dhënat e publikuara në Ditën Ndërkombëtare për Eleminimin e Dhunës ndaj Grave, tregojnë se gjysma e grave të vrara në të gjithë botën, kanë pësuar dhunë nga partnerët ose familja.

Raporti  thekson se është e vështirë të bëhet përcaktimi i saktë i numrit të përdhunimeve.

Ndërkohë Kombet e Bashkuara vlerësojnë se një e treta e të gjitha grave dhe vajzave në botë përjetojnë dhunë fizike ose seksuale gjatë jetës së tyre dhe sulmeve seksuale, por nga ana tjetër vlerëson se rreth 15 milionë vajza adoleshente në të gjithë botën kanë pasur seks të detyruar në një moment të jetës së tyre.

“Dhuna ndaj grave dhe vajzave është ndër shkeljet më të përhapura dhe më shkatërruese të të drejtave të njeriut, por shumë shpesh nuk raportohet për shkak të pandëshkueshmërisë, turpit dhe pabarazisë gjinore”, raportojnë Kombet e Bashkuara./abcnews.al

Capture-4.jpg
in a15:36 | 18/11/2019

Rreth shtatë milionë fëmijë në vit nuk janë të lirë, pasi ata mbahen në burgje, paraburgim, qendra për ndalimin e migracionit, shtëpi për persona me aftësi të kufizuara ose institucione të mirëqenies, thuhet në një studim të Kombeve të Bashkuara për të drejtat e njeriut.
Në këtë studim, ekspertët e të drejtave të njeriut kanë analizuar veçanërisht zonat e konfliktit, si Siria dhe Iraku.

Studimi i Kombeve të Kombeve të Bashkuara për të drejtat e njeriut, ka arritur në përfundimin se rreth shtatë milionë fëmijë në vit janë të privuar nga liria. Fëmijët mbahen në burgje, arrest policor, qendra për ndalimin e migracionit ose institucione të mirëqenies.

Udhëheqësi i këtij studimi, Manfred Noëak shprehet se pavarësisht shifrave dramatike vitet e fundit ka pasur një përparësim për zgjidhjen e problemit.
“Edhe pse është arritur përparim viteve të fundit për zgjidhjen e problemit, duhet të bëhet shumë më tepër për t’i nxjerrë fëmijët nga institucionet “e ndalimit” dhe për t’i dhënë fund ndalimit të migrantëve nën moshë”, tha Manfred Noëak, studiues austriak i të drejtave të njeriut, njëherësh udhëheqës i studimit.

Ekipi i Noëakut zbuloi se së paku 410,000 fëmijë mbahen çdo vit në burgje dhe paraburgim, ndërsa 1 milion mbahen në arrest policor. Për më tepër, 80 vende i kanë të ndaluar 330,000 fëmijë migrantë, thuhet në raport.

“Është përgjegjësi e jona t’ua kthejmë fëmijërinë fëmijëve në paraburgim”, deklaroi ai shkruan Rel. Raporti është një këmbanë alarmi për shkak se thekson se çrregullimet psikiatrike midis fëmijëve mund të dhjetëfishohen. “Rreth 5.4 milionë fëmijë të tjerë jetojnë në institucione të mirëqenies, të cilat për nga natyra e tyre, nuk janë në gjendje të operojnë pa i privuar fëmijët nga liria”, theksohet në raport./abcnews.al

perdorimi-interneti-1280x714.jpg
nev ila13:24 | 07/11/2019

4.1 miliard banorë të planetit Tokë janë aktualisht të lidhur me internetin. Siopas raportit më të fundit të Kombeve të bashkuara, numri më I madh I atyre që janë të lidhur me internetin është regjistruar në Europë.

Sipas raportit të Unionit Ndërkombëtar të telekomunikacionit, agjenci e Kombeve të Bashkuara, 4.1 miliard banorë të planetit janë aktualisht të lidhur me internetin. Në krahasim me një vit më parë numri është rritur me 5.3 për qind.

Nga përdoruesit e internetit 48 për qind janë gra dhe 58% burra. Në 10 vitet e fundit 2009-2019 numri i përdoruesve të internetit është rritur nga 25.8 për qind në 53.6 oër qind.

Përqindja më e lartë e përdoruesve të internetit është në Europë, 82.,5% ndërsa më e ulëta është në Afrikë 28.2%. Jo të lidhur me internetin janë 3.6 miliard persona, pjesa më e madhe e të cilëve jetojnë në vende në zhvillim.

Dallimi më i madh mes grave dhe burrave që përdorin internetin është regjistruar në Afrikë, shtetet arabe dhe në rajonin e Azisë./abcnews.al

OKB-KOSOVA.mpg_snapshot_00.05-1280x720.jpg
ent ela15:19 | 31/10/2019

Sekretari i përgjithshëm i OKB-së, Antonio Guterres komentoi raportin për Kosovën për periudhën 16 maj deri 15 shtator, duke përshëndetur përpjekjet që synojnë të sigurojnë përfshirje më të madhe të segmenteve më të gjera të shoqërisë në proceset politike në Kosovë. Ai inkurajoi veçanërisht gratë dhe të rinjtë që të përfshihen dhe të udhëheqin qeverisjen demokratike të Kosovës.

Sekretari i përgjithshëm i OKB-së, Antonio Guterres, duke komentuar raportin për Kosovën për periudhën 16 maj deri 15 shtator, tha se ndërtimi i besimit në Kosovë kërkon forcimin e sundimit të ligjit dhe një gjyqësor të besueshëm, të pavarur dhe të paanshëm.

Guterres mirëpriti përpjekjet për të siguruar që viktimat e dhunës seksuale gjatë luftës në Kosovë të kenë të drejtën e kompensimit, por tha se procesi i kompensimit për viktimat nuk ishte plotësisht përfshirës.

Ai gjithashtu u bëri thirrje institucioneve të Kosovës dhe aktorëve ndërkombëtarë që të vazhdojnë mbështetjen dhe bashkëpunimin e tyre të plotë në përpjekjet për të hetuar krimet e kryera gjatë luftës në Kosovë, të cilat ai i konsideroi thelbësore për të ardhmen paqësore të Kosovës.

Në raport, Guterres përshëndeti përpjekjet e vazhdueshme të Grupit të Punës për Personat e Zhdukur si dhe ndryshimin e planifikuar në Ligjin për Personat e Zhdukur, duke thënë se sqarimi i fatit të të zhdukurve në Kosovë është thelbësor për arritjen e besimit afatgjatë.

Duke përshëndetur përpjekjet që synojnë të sigurojnë përfshirje më të madhe të segmenteve më të gjera të shoqërisë në proceset politike në Kosovë, ai inkurajoi veçanërisht gratë dhe të rinjtë që të përfshihen dhe të udhëheqin qeverisjen demokratike të Kosovës.

Guterres u bëri thirrje të gjithë aktorëve përkatës që të mbrojnë trashëgiminë fetare të Kosovës dhe të sigurojnë që vendet e adhurimit të jenë të sigurta, në mënyrë që të gjitha komunitetet të praktikojnë besimin e tyre në paqe.

Guterres tha se ishte i zhgënjyer nga kontributet e vogla në Fondin e KB për të mbështetur komunitetet ashkali, egjiptian dhe romë të prekur nga helmimi nga plumbi në Kosovë, dhe u bëri thirrje vendeve anëtare, aktorëve dhe organizatave të tjera që të kontribuojnë në këtë fond.

Sekretari i Përgjithshëm i OKB-së shprehu shqetësim serioz për ndalimin e anëtarëve të UNMIK-ut më 28 maj dhe vazhdimin e procedurave gjyqësore kundër tyre nga autoritetet e Kosovës, nga të cilat ai kërkoi të sigurojnë respektimin e privilegjeve dhe imunitetit të anëtarëve të OKB-së. /ABC News Albania 24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono