OKB

rama-kosova-1280x660.jpg
ent ela19:55 | 27/09/2019

Kryeministri Edi Rama gjatë fjalës së tij në OKB ka lobuar për njohjen e Kosovës nga vendet aënetarë të Asamablesë së Përgjithshme dhe kryesisht nga Serbia.

“Ka ardhur koha që të gjitha vendet e kësaj asambleje dhe së pari miqtë tanë serbë të njohin Kosovën, t’i japin hakun historisë dhe të njohin realitetin si e vetmja mënyrë për të ndërtuar një të ardhme më të mirë.

E dashur Serbi, Kosova është realitet i pakthyeshëm. Është po kështu e rëndësishme që Kosovës t’i jepet mundësia që të bëhet pjesë e organizatave rajonale ku çdo vend sovran ka të drejtë të bëhet pjesë”.

Rama i bëri thirrje Bashkimit Evropian për liberalizmin e vizave me Kosovën.

“Do të doja të theksoja një fakt që është e pajustifikuar që Kosova, vendi me 2 mln banorë mbetet vendi i vetëm ku populli i të cilit është i izoluar nga gjithë rrjeti regjimi i liberalizmit të vizave. Si mundet që BE ende të mbajë peng një vend prej 2 milionë njerëz që kanë luftuar fort për lirinë e tyre dhe mebten të palëkundur ndaj perspektivës në BE. E dashur BE ndaloje këtë gjë të pakuptimtë” .

Ai u shpreh shpresplotë për ndërtimin e një të ardhmeje më të mirë në Ballkanin Perëndimor, duke lënë pas hijet e së shkuarës.

“Është shpresa ime që Ballkani Perëndimor do shkëputet nga e kaluara dhe do ndërtojë ekonomitë e tregjet dhe një të ardhme shumë më të mirë, duke punuar për të ardhmet e femijë pa folur për hijet e së shkuarës”. /abcnews.al

rama-ne-okb-1280x694.jpg
ent ela19:39 | 27/09/2019

Duke folur për globalizmin dhe ndryshimet klimaterike në fjalën e tij në Asamblenë e përgjithshme të OKB-së në Nju Jork, Kryeministri Edi Rama ka përmendur tërmetin më të fundit në Shqipëri dhe tha se shekja ka ëprparuar mjaft por jo të parashikojë tërmetet para rënies së tyre.

“Mekanizmat e sigurisë janë shtuar, emigracioni, ekstremizmi, krimi dhe kontrabandimi i qënieve njerëzore nuk kanë sfiduar thjesht mjedisin e sigurisë, por të ardhmen tonë. Kërkon një ndërveprim shumë herë efikas.

Të premten e shkuar anulova fluturimin nga tërmeti që ra. Vendi ka pasur dëme por nuk ka pasur humbje jete njerëzish dhe pas tërmetit u përshi nga përmbytjet.

Shkenca ka ecur mjaft por jo të jetë në gjendje të parashikojë rënien e tërmeteve”. /abcnews.al

aleksander-vucic-1.jpg
G. P.17:16 | 26/09/2019

Analistët në Serbi janë të mendimit se presidenti Aleksandër Vuçiç ndodhet në asamblenë e përgjithshme në Nju Jork me dy misione të ndryshme që lidhen me Kosovën: dialogu me Prishtinën dhe tërheqja e njohjeve për pavarësinë.

Delegacioni serb në Nju Jork ka shkuar me sa duket me dy misione: vazhdimin e bisedimeve me Kosovën dhe lobimin për tërheqje të njohjeve të Kosovës. Presidenti serb, Aleksandër Vuçiç, është takuar me zyrtarë të ndryshëm botërorë, nga ata që shpreson ti ofrojnë mbështetje për tërheqje e pavarësisë e deri tek takimi me kancelaren gjermane, Angela Merkel, e cila ka kërkuar zgjidhje. Serbia thotë se megjithatë Evropa dhe SHBA insitojnë në një zgjidhje të shpejt.

Dragoljub Petroviç, kryeredaktor i të përditshmes “Danas”, thotë se nuk ka asgjë të re nga Amerika pasi përsëriten dëshirat për zgjidhje dhe kërkesa për heqjen e taksave. Por, Vuçiç dëshiron të tregohet si lider pro evropian dhe ta zgjidhë problemin.

 “Me arritjen në pushtet dhe firmosjen e marrëveshjes së Brukselit, të cilën e ka firmosur Daçiç, Vuçiç i ka treguar botës që ai dëshiron zgjidhje. Por ja, kanë kaluar 7 vjet dhe nuk po e arrin për shkak të situatave të ndryshme. Kosova është e dhimbshme për votuesit serbë dhe Vuçiç kërkon një situatë që të mos e pranojë kurrë që e ka pranuar Kosovën”.

Këtu Vuçiç është takuar me shefin e diplomacisë ruse, Sergej Lavrov. Një nga porositë që presidenti serb ka çuar në Nju Jork, është ajo se Serbia nuk mund të mos fitoj asgjë nga marrëveshja me Kosovën. Serbia disa herë ka porositur se duhet kompromis. Petroviç thotë se ideja ka qenë që të zgjidhet problemi duke sqaruar që nuk është humbje totale në këtë rast. Ideja e përkufizimit ka qenë për ta shitur zgjidhjen si të suksesshme.

“Nuk shoh ide  tjetër që do të kënaqte një pjesë të votuesve në Serbi, që do të sqaronte arsyen pse e zgjidhim problemin. Kjo mund të prezantohej sikur ne kemi fituar diçka edhe pse mund ti humbnim të gjitha, dhe i bie që kemi dhënë ca fshatra që nuk na duhen pasi në to jetojnë shqiptarët”.

Asambleja e përgjithshme e OKB-së kësaj radhe është dukur më e rëndësishme për shkak të pozicionimit para një vazhdimi të mundshëm të bisedimeve./ABC News Albania 24/7

IRANI-SHBA.mpg_snapshot_00.04-1280x720.jpg
ent ela21:24 | 25/09/2019

Presidenti iranian Hasan Ruhani është shprehur i gatshëm për modifikimin e marrëveshjes bërthamore të 2015-s, por ka deklaruar se u takon Shteteve të Bashkuara të bëjnë më shumë në këtë drejtim. Në fjalimin e tij në OKB, Ruhani ka refuzuar çdo dialog me Uashingtonin përsa kohë sanksionet do të jenë në fuqi.

Presidenti iranian Hasan Ruhani deklaroi të mërkurën se Shtetet e Bashkuara “duhet të paguajnë më shumë” për një marrëveshje që të shkojë përtej asaj të vitit 2015, të cilën Amerika e braktisi. Ruhani refuzoi edhe një takim eventual me presidentin Trump, edhe pse të dy ndodhen në selinë e OKB-së në Nju Jork, në kuadër të punimeve të Asamblesë Kombëtare. Në fjalimin e tij, Ruhani paralajmëroi liderët botërorë se rajoni i Gjirit Persik është shumë pranë, sipas tij, të marrit flakë.

“Rajoni është në buzë të greminës. Nga një gabim i vogël mund të bjerë një zjarr i madh”, tha Ruhani, i cili refuzoi edhe ofertën e Uashingtonit për bisedime. “Përgjigjia jonë ndaj ofertës për bisedime nën presion është jo”, theksoi presidenti i Republikës Islamike. Përballja SHBA-Iran është përshkallëzuar që prej vitit të kaluar, kur presidenti Donald Trump u tërhoq nga marrëveshja bërthamore e 4 viteve më parë dhe rivendosi sanksionet që kanë drobitur ekonominë iraniane. Trump kërkon një marrëveshje që shkon përtej asaj të vitit 2015 dhe që frenon më shumë programin bërthamor të Teheranit, kufizon programin e raketave balistike dhe i jep fund mbështetjes për fraksionet rebele në Lindjen e Mesme. “Nëse doni më shumë, nëse kërkoni më shumë, atëherë duhet të jepni dhe të paguani më shumë”, theksoi Ruhani. /ABC news Albania 24/7

hpa-ohe-mhts-thumb-large-thumb-large.jpg
ent ela18:50 | 25/09/2019

Kryeministri grek Qirjakos Micotaqis dhe presidenti i Turqisë, Reçep Taip Erdoan u takuan për herë të parë të mërkurën në kuadër të punimeve të Asamblesë Parlamentare të OKB-së. Sipas mediave greke, takimi u zhvillua në një klimë miqësore dhe përreth një orë dy liderët diskutuan për një sërë çështjesh, që nga marrëdhëniet dypallëshe deri tek ajo për emigrantët. Ata e vunë theksin tek intensifikimi i lidhjeve tregtare dhe ekonomike, si dhe ranë dakord për të proceduar sa më shpejt me riaktivizimin e Këshillit të Lartë greko-turk të Bashkëpunimit. Sa i takon emigracionit, Micotaqis dhe Erdoan ranë dakord që të bëhen përpjekje për ndaljen e fluksit si në brigjet e Turqisë, ashtu edhe në det të hapur. Më tej gjatë takimit, shefi i qeverisë helene ngriti çështjen e rihapjes së shkollës teologjike helene, ndërsa Erdogan kërkoi më shumë kujdes për minoritetin turk në perëndim të rajonit të Trakës. Takimi u mbyll me një marrëveshje që dy qeveritë të bashkëpunojnë ngushtë për të krijuar një klimë më të mirë marrëdhëniesh, në të mirë të të dy popujve. /ABC News Albania 24/7

oqeanet.jpg
G. P.13:47 | 25/09/2019

Sipas raportit më të fundit të Organizatës së Kombeve të Bashkuara, oqeanet janë gjithnjë e më të ngrohtë, gjë që nënkupton dhe rritjen e dëmeve. Mes pasojave të ngrohjes globale janë dhe reshje e ciklone më të shpeshta dhe më shkatërruese.

Për shkak të ngrohjes globale, oqeanet do të jenë objekt i një rritjeje të paprecedentë temperaturash dhe rënies së oksigjenit. Është ky denoncimi që del nga raporti i Komitetit Shkencor për Klimën i OKB-së, dedikuar oqeaneve dhe akullnajave.

Mes pasojave të tjera parashikohen dhe valë të të nxehtit, reshje të dendura dhe ciklone më  të shpeshta dhe shkatërruese si dhe rritje të nivelit të ujit e reduktim të kafshëve të detit.

Në raport shkruhet se humbja në masë globale e akullnajave dhe zhdukja e akujve arktikë që pritet të vazhdojë deri në 2050-ën, për shkak të rritjes së temperaturës në sipërfaqe, do të ketë pasoja të pashmangshme.

Sipas parashikimeve në shekullin e 21-të, oqeanet do të kenë një rritje të pashmangshme të temperaturave e cila do të shoqërohen me shumë pasoja. Këto ndryshime do të ndikojnë dhe në burimet ujore dhe përdorimin e tyre. Parashikohet që dhe zjarret të shtohen në mënyrë domethënëse në pjesën tjetër të shekullit, sidomos në rajonet malore./ABC News Albania 24/7

pakistan.jpg
G. P.11:42 | 25/09/2019

Rritet bilanci i viktimave të tërmetit që goditi verilindjen e Pakistanit: të paktën 32 viktima dhe më shumë se 400 të plagosur sipas të dhënave zyrtare. Tërmeti me epiqendër në Punxhab, në kufi me Kashmirin u ndje në shumë zona të vendit.

Me dhjetëra banesa, dyqane dhe rrugë janë dëmtuar si dhe kullat e linjave telefonike dhe ato të energjisë elektrike. Operacionet e shpëtimit u vështirësuan dhe më shumë par shkak të reshjeve të dendura që përfshinë rajonin.

Kryeministri Imran Khan, i cili ndodhet në Nju Jork për Asamblenë e Përgjithshme të Kombeve të Bashkuara, shprehu dhimbjen për viktimat dhe urdhëroi asistencë të menjëhershme për popullsinë në vështirësi./ABC News Albania 24/7

ROUHANI-MACRON.mpg_snapshot_00.26-1280x718.jpg
G. P.15:07 | 23/09/2019

Në Asamblenë e Përgjithshme të Kombeve të Bashkuara në Nju Jork, javën e ardhshme, Irani do të kërkojë vendosjen e një force sigurie në zonën e Gjirit Persik. Ndërsa Riadi do të kërkojë një reagim të përbashkët global ndaj sulmeve të Iranit.

Një forcë sigurie për zonën e Gjirit në bashkëpunim me vendet e tjera në rajon. Propozimi do të bëhet nga presidenti iranian Hasan Rouhani në Asamblenë e Përgjithshme të Kombeve të Bashkuara, javën e ardhshme.

Kreu i shtetit iranian i përgjigjet në këtë mënyrë akuzave të Arabisë Saudite dhe Shteteve të Bashkuara të Amerikës sipas të cilave ka qenë Teherani që ka sulmuar rafineritë e naftës së kompanisë saudit Aramko, në 14 Shtator.

Sulmi u mor përsipër nga rebelët jemenitë shiitë Huthi, të cilët në luftën civile në Jemen luftojnë kundër koalicionit të drejtuar nga sauditët. Të premten e kaluar në 20 Shtator, presidenti amerikan Donald Trump konfirmoi dërgimin e ushtarëve të tjerë amerikanë në zonë për të mbështetur mbrojtjen saudite.

Sulmet ndaj rafinerive të naftës u konsideruan nga Riad si një përpjekje për të destabilizuar rendin botëror ndaj së cilës duhet një reagim i përbashkët global. Kërkesë që do e paraqesë në Asamblenë e Përgjithshme të Kombeve të Bashkuara./ABC News Albania 24/7

edi-ramaaa.jpg
G. P.13:47 | 23/09/2019

Kryeministri Edi Rama mbërriti sot në Nju Jork, për të marrë pjesë në Asamblenë e 74-t e Kombeve të Bashkuara. Në takimin e përvitshëm, Rama mbërrin me një ditë vonesë, pasi u kthye në mes të rrugës, pas tërmetit që preku vendin.

Megjithëkëtë, kjo nuk ka ndikuar në axhendën e parashikuar të kryeministrit.

Pak përpara vendimit për hapjen e negociatave, Rama do të zhvillojë një takim me homologun grek Mitsotakis, i pari pas krijimit të qeverisë së re në Athinë, e cila ka ngritur pretendime se mosrespektimi i minoritetit grek në jug të Shqipërisë, mund të bëhet arsye për të bllokuar negociatat.

Kryeministri Rama do të ketë një fjalë në takimin e liderëve botërore, ndërsa do të zhvillojë edhe një takim me Presidentin amerikan Donald Trump./ABC News Albania 24/7

5-vitet-me-te-nxehta.jpg
G. P.11:56 | 23/09/2019

Raporti më i fundit i Kombeve të Bashkuara jep alarmin për ndryshimet klimatike duke theksuar se 5 vitet e fundit kanë qenë më të nxehtit që janë rregjistuar ndonjëherë. Ndërkohë, shkencëtarët kërkojnë pesëfishimin e përpjekjeve në betejën për ndryshimet klimatike.

Pesë vitet nga 2014 në 2019-n janë periudha më e nxehtë që është regjistruar ndonjëherë. Lajmi konfirmohet nga një raport i Kombeve të Bashkuara në prag të samitit për klimën në Nju Jork ku do të marrin pjesë 60 liderë të ndryshëm të botës.

Temperatura mesatare është rritur me 1.1 gradë në krahasim me periudhën nga 1850-1900, sipas raportit të publikuar nga organizata meteorologjike botërore që merret me gjendjen e ndryshimit të klimës.

Edhe nëse të gjitha impenjimet e marrëveshjes së Parisit do të ishin mbajtur, planeti tokë do të jetë rreth 3 gradë më i ngrohtë deri në fund të shekullit. Paralajmërimi vjen nga shkencëtarët të cilët kërkojnë një pesëfishim të përpjekjeve në betejën për ndryshimet klimatike./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono