Ogerta Manastirliu

manastirliuuu.jpg
ger ta16:31 | 16/01/2020

Gjatë kontrollit shëndetësor pa pagesë në qendrën  numër 1 në Tiranë rreth katër vite më parë kjo zonjë na tregon së zbuloi që vuante nga anemia. Tashmë chek up-in shprehet se e ka kthyer në rutinë.

“Kam katër vjet që e bëj chek up-in. Kam dalë pak me anemi, edhe në laboratorët e tjerë më ka dallo njëlloj”, shprehet ajo.

Mjekët tregojnë se nga viti ne vit numri i qytetarëve që kërkojnë të kryejnë chek- up-in sipas mjekëve po rritet dhe shumë probleme shëndetësore po dalin në pah.

Përgjatë 2019 rreth 480 mijë qytetarë nga 35 deri në 70 vjeç sipas ministres së Shëndetësisë dhe Mbrojtjes Sociale Ogerta Manastirliu, kanë kryer kontrollin shëndetesorë pa pagesë.

“Për herë të parë është arritur dhe tejkaluar targeti i përcaktuar i kontrollit bazë mjekësor bazë. Janë 482 mijë qytetarët që kanë kryer kontrollin mjekësor bazë për vitin 2019”, shprehet Manastirliu.

Në këto kushte a do t’i paguaj buxheti i shtetit më shumë para kompanisë private?

“Kontrata e partneritetit publik privat parashikon që në rastet kur rritet numri i kontrolleve dhe këto kontrolle janë parapaguar në vitet e mëparshme  atëherë kjo kosto është zero për shtetin pasi është e parapaguar, që do të thotë”, deklaron ministrja.

Rezultatet që ka prodhuar kontrolli mjekësor bazë minsitrja e shendetesise thote se kane ndikuar ne uljen e vdekshmerise, invaliditeteti por dhe kostot e trajtimit.

Organizata Boterore e Shendetesise tregon ministrja Manastriliu e ka konsideruar kete program shendetesore kosto –efektiv  per Shqiperine pasi ka nxjerre ne hap rritjen e semundjeve kronike ne nje kohe qe qytetaret kane ende culture te ulet shendetesore./abcnews.al

Screenshot-2020-01-15-at-00.33.08.png
ad min00:35 | 15/01/2020

Ministrja e Shëndetësisë, Ogerta Manastirliu, e ftuar në “Mbrëmje në Abc” me Mirela Milorin, ka folur në lidhje me rikthimin e opozitës jashtëparlamentare në bisedimet për reformën zgjedhore.

Ajo është shprehur se vendimi i opozitës për pjesëmarrje, edhe pse i vonuar, është i mirëpritur duke thënë se opozita këtë ftesë e ka pas mbi tavoline edhe më parë.

“Eshtë një hap pozitiv krijimi i Këshillit politik me prezencën e opozitës jashtëparlamentare që vendosi të behet pjesë, edhe pse kushtet ishin edhe më parë. Në prill ka patur një vendim të Kuvendit për përfshirjen ne dialog të opozitës dhe ne si PS kemi shtrirë dorën për dialog sa i përket reformës zgjedhore. Ishte një vendim i vonuar por i mirëpritur për t’u bërë pjesë në reformën zgjedhore”, është shprehur ministrja e Shëndetësisë, Ogerta Manastirliu.

E pyetur për deklaratën e Petrit Vasilit, i cili deklaroi në studion e Abc News se opozita nuk heq dorë nga kërkesa për rrëzimin e kryeministrit dhe të qeverisë, ministrja Manastriliu ishte prerë teksa tha se “qeverinë nuk e rrëzon dot z. Vasili, por qeveria mandatohet me votë”, duke hedhur poshtë kërkesën e opozitës. /abcnews.al/

ferati.jpg
in a17:33 | 17/12/2019

29 pacientë kanë kryer transplantin e veshkave financuar 100% nga shteti këtë vit. Ministrja e Shëndetësisë dhe Mbrojtjes Sociale Ogerta Manastirliu vizitoi pacientin më të vogël, një 9-vjeçar nga Tirana, nga shtëpia e të cilit premtoi se për kryerjen e transplanteve nuk do të ketë lista pritje. Orvatjet nga një spital në tjetrin kanë marrë fund për këtë nëntë vjeçar.

Manuel Ferati nga periferia e kryeqytetit në muajin tetor kreu transplantin e veshkës në Spitalin Amerikan në Tiranë. Dhures ishte i ati, ndërsa financimi u mbulua nga shteti.

Një muaj e gjysmë më pas vogëlushi i është kthyer jetës normale. Ndërsa babai është në gjendje të mirë shendetësore.

Ministrja e Shëndetësisë dhe Mbrojtjes Sociale Ogerta Manastirliu shkoi për ta vizituar.

“Kjo është një zgjidhje definitive, jam informuar që Manueli ka kaluar vështirësi, është pacienti më i vogël që ka kryer transplantin dhe tani është shumë mirë. Janë kryer 29 transplante dhe po vjen në rritje numri i transplanteve”, tha Manastirliu.

Transplanti i veshkave është pjesë e paketave shëndetësore falas, të cilat financohen nga shteti në spitalet publike dhe jopublike. Që prej fillimit të kryerjes së transplantit falas 4 vite më parë, 90 pacientë kanë përfituar ndërhyrjen pa pagesë në sistemin jopublik./abcnews.al

termeti-ilir-lala-1280x853.jpg
nev ila17:57 | 10/12/2019

Ministrja e Shëndetësisë Ogerta Manastirliu ka informuar për gjendjen shëndetësore në të cilën ndodhen të dëmtuarit nga tërmeti. Manastirliu njoftoi se gjendja e Albert Carës, Marlin Shkodrës dhe Ram Lalës është e stabilizuar deri tani.

“Gjendja e tre të lënduarve nga tërmeti që po marrin trajtim të specializuar në Itali, deri tani, paraqitet e stabilizuar, po ashtu edhe gjendja e 18 të lënduarve që po marrin trajtim në spitalin e Traumës dhe Durrësit”. Janë më shumë se 500 mjekë në terren, jo vetëm të qarqeve të prekura por edhe mjekë që kanë ardhur vullnetarisht, që po japin shërbim 24/7 në ambientet ku janë sistemuar banorët. Janë kryer më shumë se 5500 vizita, ndërsa vijojmë me programin e vaksinimit, ku deri tani janë kryer më shumë se 1500 vaksina në pikat ku janë sistemuar banorët”, tha Manastirliu.

E pyetur në lidhje me dëmet e shkaktuara nga tërmeti në godinën 6 katëshe në QSUT, Manastirliu tha se godina nuk ka dëme strukturore dhe janë marrë masat në zbatim të akt konstatimit të ekspertëve, për të nisur menjëherë puna për riparimin e dëmeve.

Manastirliu theksoi se po rehabilitohen dëmet në godinat shëndetësore të dëmtuara, ndërsa do të përfshihen në planin e rindërtimit godinat me dëmtime më të rënda./abcnews.al

manastirliu.jpg
in a18:49 | 03/12/2019

Ministrja e Shëndetësisë dhe Mbrojtjes Sociale, Ogerta Manastirliu ka vizituar binjakët e ardhur në jetë pak minuta pas tërmetit të datës 26 Nëntor në maternitetin “Koço Gliozheni” në Tiranë. “Bekimi dhe Armandi erdhën vërtet si bekim pak pas tërmetit që goditi vendin tonë”, shkruan Manastirliu.

Binjakët Bekim dhe Armand Metushi janë pritur nga doktoreshë Anika Dokle dhe stafi i maternitetit “Koço Gliozheni”. Aktualisht të dy bebet gëzojnë shëndet të plotë dhe ndodhen nën kujdesin e mjekëve.

Ministrja Manastirliu falenderoi ekipin shëndetësore të maternitetit për punën dhe sakrificën e bërë për nënat dhe të porsalindurit, teksa vendi lekundej nga tërmetet./abcnews.al

mana-1280x578.jpg
in a10:29 | 26/11/2019

Ministrja e Shëndetësisë, Ogerta Manastirliu në një lidhje për “ABC News” u shpreh deri më tani janë realizuar 190 misione të kryera në territor për ti ardhur në ndihmë të plagosurve.

“Ekipet mjekësore në gatishmëri, po trajtohen 600 të lënduar ne spitale Ministrja e Shëndetësisë dhe Mbrojtjes Sociale Ogerta Manastirliu nga spitali rajonal i Durrësit tha se po marrin shërbim nga 176 qytetarë në këtë spital, asnjë prej tyre nuk është në gjendje të rëndë. “Kemi përforcuar ekipet e urgjencës, këtu në Durrës sapo kanë mbërritur ekipet e urgjencës nga Shkodra për të ndihmuar për përballimin e situatës. Në spitalet e Tirabës, Durrësit, Krujës, Kurbinit dhe Lezhës kanë marrë shërbim mbi 600 të lënduar si pasojë e tërmetit”, tha Manastirliu. Janë marrë masa për furnizimin me medikamente dhe materiale mjekësore dhe ekipi i urgjencës po organizon shërbimin në territor. Janë mbi 500 thirrje të përballuara nga Urgjenca Kombëtare, e cila ka kryer 120 misione me autoambulancë. Ekipet mjekësore aktualisht është në gjendje gatishmërie të plotë në spitale”, tha Manastirliu.

Ajo u shpreh se Qeveria në bashkëpunim me policinë e shtetit po punojnë për të mbajtur situatën në kontroll.

“Puna është në terren për të identifikuar rastet e personave që ende janë në kërkim nga strukturat shtetërore, janë hapur rrugët akset janë të llira nuk kemi raportime të vonesave sa i përket marrjes së ndihmës”, deklaroi Manastirliu./abcnews.al

ogerta-manastirliu.jpeg
nev ila15:33 | 18/11/2019

Rreth 77 miliardë e 735 milionë  nga buxheti i shtetit do të shkojnë për Shëndetësinë dhe Mbrojtjen Sociale vitin që vjen.

Ministrja Ogerta Manastirliu tregoi para deputetëve të komisionit Parlamentar për Punën, Çështjet Sociale dhe Shëndetësinë ndryshimin me buxhetin e vitit 2019.

“Buxheti për sektorët e shëndetësisë dhe mbrojtjes sociale për vitin 2020 ka një rritje me 4% krahasuar me 2019. Vetëm për sektorin e shëndetësisë rritja e buxhetit krahasuar me buxhetin e vitit 2013 është 48% më shumë. Gjatë vitit 2020 financojmë 26 milion dollarë vetëm për investimet në shëndetësi”

Ky buxhet do të ketë në fokus.

“Për herë të parë financojmë me buxhetin e ri transplantin e palcës ë kockës, hapim shërbimin e ri të kardiokirurgjisë në Spitalin Universitar “Shefqet Ndroqi” dhe nisim për herë të parë programin kombëtar të kancerit të gjirit me vendosjen e mamografisë së deryrueshme”

Ndërkohë parashikohet rehabilitimi i 120 qendra shëndetësore. Zgjerimi i maternitetit “Mbretëresha Geraldinë”,  ndërtimi i spitalit të sëmundjeve të brendshme dhe pediatrisë së re brenda Qendrës Spitalore “Nënë Tereza” në Tiranë.

Rreth 2 miliardë lekë do të lëvrohen  për bonusin e bebes, në fokus do të jetë dhe financimi i pagesave për aftësinë e kufizuar bazuar në reformën e ndërmarrë së fundi. /abcnews.al

 

 

mjeke.jpg
ad min14:59 | 25/10/2019

Opozita akuzon Ministrinë e Shëndetësisë se po redukton numri e planifikuar të ndërhyrjeve kirurgjikale, pasi do të mbrojë koncesionin korruptiv të sterilizimit të instrumenteve mjekësore. Ministrja Manastirliu në një reagim për mediat I cilëson akuzat e pavërteta dhe shprehetr se ka racionalizim të ndërhyrjeve dhe jo reduktim.

“Vetëm 90 persona në muaj kanë të drejtë të kenë ndërhyrje kirurgjikale, ndërsa vetëm 65 të tjerë mund të planifikohen”, është ky denoncimi që ka bërë PD nëpërmjet ish-deputetit, Bardh Spahia.

Spahia nëpërmjet një postimi në Facebook akuzon Ministrinë e Shëndetësisë për  koncesionin e sterilizimit të instrumenteve mjekësore duke e cilësuar si korruptiv.

Sipas Spahisë edhe për ndërhyrjet më të vogla që kërkojnë 2-3 instrumente, koncesionari i sterilizimit ofron vetëm setin me 10 fishin e instrumenteve që nevojiten, duke rritur koston shumëfish.

Akuza për këtë çështje, u artikuluan edhe nga nënkryetari i Lëvizjes Socialiste për Integrim Petrit Vasili.

Për akuzën e PD-së reagoi edhe ministrja e Shëndetësisë, Ogerta Manastirliu duke thënë se nuk ka urdhër për reduktim operacionesh.

Sipas Ministrisë së Shëndetësisë vetëm në 9 muajt e parë të 2019 janë kryer më shumë se 47 mijë ndërhyrje kirurgjikale me instrumentet e rinj dhe sterilizimin me standardet më të larta./ABC News Albania

vodaaa.png
nev ila09:41 | 23/10/2019

Ministrja e Shëndetësisë Ogerta Manastirliu ka shkarkuar nga detyra burrin e zv/ministres së brendshme Rovena Voda, Aurel Voda.

Aurel Voda është  drejtor në Fondin e Detyrueshëm të Sigurimit Shëndetësor.

“I patolerueshëm reagimi i dr.Aurel Vodës në profilin e tij në Facebook ndaj disa sulmeve mediatike. Cilatdo qofshin arsyet që e kanë motivuar atë reagim, ai e ka humbur të drejtën të paguhet me taksat e qytetarëve si drejtues në strukturat e sistemit të Ministrisë së Shëndetësisë. Largimi i tij është një mesazh i qartë për të gjithë. Kush s’i duron dot me qytetari sulmet e çfarëdo lloji, nuk mund të jetë pjesë e sistemit tonë“, shkruan ministrja në një status në rrjetet sociale.

Bashkëshorti i zv/ministres Rovena Voda, Aureli u shpreh me një fjalor fyes në rrjetet sociale duke atakuar median.

Më parë ai ishte bërë i “famshëm”, nga dhe ku nisi gjithçka, duke thënë se “nuk i plaste fare k*ri për negociatat”.

 

Ndërsa më pas avancoi duke marrë mbarë të “gjithë ata që ia kanë prishur gjakun këto ditë”.

Ka katër ditë, që qelbanikër të ndryshëm më kanë prishur gjakun. Në 1991 një grup shokësh, në varrezat e vjetra katolike të Shkodrës vendosëm te pagëzoheshim katolikë. Te Dom Zefi, një nga njerëzit më të leçitur të qytetit. Atëherë nuk e besoja se qelbanikër nga të gjitha katakombet mendonin se ishin gazetare. Po iu them se iu shker*ej tanë ropt e shpisë pik. alëve, pik comëve dhe pikë si ta duan. Ato gratë dhe motrat ku ti keni” – shkruajti Voda në statusin e tij në formë reagimi ndaj lajmeve për komentin e tij të bujshëm për negociatat.

Pas gjithë këtij skandali që shkaktoi drejtori Voda, Manastirliu ka vendosur shkarkimin e tij.

 

 

/abcnews.al

 

 

 

e92e0055-0152-47e9-99e6-94a6d0aca68b-1280x853.jpg
ad min20:19 | 15/10/2019

Interesimi i grave për të kryer kontrollin e kancerit të gjirit ka sjellë rritje të numrit të mamografive. Poliklinika Qendrore në Tiranë eshtë një nga pikat më të frekuentuara, ku vetëm gjatë 3 ditëve të fundit janë kryer 32 mamografi.

Në të gjithë vendin, që në javën e parë të Tetorit janë kryer 1200 mamografi, aq sa është mesatrja mujore gjatë vitit.

Në kuadër të muajit të ndërgjegjësimit të luftës kundër kancerit të gjirit, Ministria e Shëndetësisë dhe Mbrojtjes Sociale për gjatë muajit Tetor ka vendosur turne pasdite dhe në fundjave, duke i dhënë mundësinë më shumë grave të kryejnë kontrollin falas për kancerin e gjirit.

Në të gjithë njësitë ku ofrohet shërbimi i mamografisë gratë mund ta kryejnë mamografinë edhe në oraret e pasdites, deri në orën 18:00, dhe të shtunën deri në orën 14:00.

Përveç 12 mamografëve në spitale, shërbimi ofrohet falas përmes mamografëve të lëvizshëm edhe në zonat e thella./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono