nikolla

NIKOLLA-NE-FIER-PER-MESUESINE-1280x720.jpg
ent ela15:18 | 22/04/2018

Një ditë pas shpalljes së vendimit të këshillit të ministrave që përcaktoi notën mesatare 7 si dysheme për degët e mësuesisë, ministrja Nikolla zhvilloi një takim informues me maturantët e Fierit ku shpjegoi disa pika të kësaj strategjie të re.

Ministrja e Arsimit Lindita Nikolla takimin e parë informues lidhur me vendosjen e mesatares 7 për degët e mësuesisë nga kabineti qeveritar, e nisi me maturatët e Fierit.

“ Nuk mund të rrinim symbyllur, dhe të shikonim se gjithmonë dhe më shumë maturantët më të dobët zgjidhnin profilet e mësuesisë, e më pas atje në universitete problematikat e veta e për të injektuar pastaj në sistem mësues të dobët që mezi merrnin provimet e shtetit, e me radhë. Jemi duke adresuar, kemi bërë një plan të detajuar, kemi bërë prognozat e para se sa do të jetë masa e ndikimit për shkak të futjes së notës mesatare 7, në mënyrë që të mos cënojmë as maturantët por as universitetet me një notë 7 e cila do të ulte në mënyrë drastike numrin e tyre”.

Ministrja njoftoi ekzistencën e bursave që do të ofrojë dikasteri i saj për maturantët me notë mesatare mbi 9 që zgjedhin një nga degët e mësuesisë.

“Por ne do të bëjmë edhe diçka tjetër, që lidhet me bërjen e profesionit të mësuesit, profesion të kërkuar. Duke mundësuar në fakultetet e edukimit një histori të re të formimit të tyre. Duke bërë një proces rekrutimi të bazuar vetëm mbi meritë dhe proces transparent dhe sigurisht një proces kualifikimi kah nevojave të çdo mësuesi me standardet më të mira që bota ka. Kjo është njëra anë, ana tjetër patjetër që është paga. Ky mandat në arsim ka emrin e mësuesit, për ta rritur deri në 40%  deri në fund të mandatit pagën e mësuesit.”

Gjatë këtij takimi maturantët diskutuan me ministren Nikolla edhe për maturën shtetërore dhe kriteret e pranimeve të cilat sipas saj janë konsoliduar dhe bazohet në meritë. /abcnews.al

 

URIMET-E-POLITIKANEVE-PER-PASHKE-1280x720.jpg
ent ela15:48 | 08/04/2018

Presidenti i Republikës Ilir Meta, kryetari i opozitës Lulëzim Basha  dhe kryebashkiaku Erjon Veliaj kryen vizita në Kishen Ortodokse për festën e Pashkës.  Veliaj  i dha lajmin e mirë kryepeshkopit për fillimin e rindërtimit të kishës së  Shën Përkopit.

Politikanët kanë kryer vizitat për festën e Pashkës në Kishën Ortodokse “Ngjallja e Krishtit”. Presidenti i Republikës Ilir Meta uroi që kjo festë duhet të shërbejë si shënjë dashurie për jetën dhe njëri-tjetrin.

“Në këtë ditë mjaft të rëndësishme të këtij mesazhi të jashtëzakonshëm në emër të dashurisë për jetën, për njerëzit, të ngjalljes së Krishtit, të besimit se e mira gjithmonë do të triumfojë, u uroj të gjithëve mbarësi, u uroj të gjithë mirësi, u uroj më shumë dashuri midis shqiptarëve dhe jam besimplotë se duke e shpërndarë këtë mesazh, se nuk ka gjë më të rëndësishme në botë se sa dashuria, sa dashuria për jetën, sa dashuria për njerëzit, jam i sigurt se të gjithë do të marrim forcën e duhur për të përballuar sfidat dhe vështirësitë në një mënyrë edhe më optimiste, edhe më të bashkuar”, – u shpreh Presidenti Meta.

Ndërkohë që kryetari i opozites Lulzim Basha tha se ringjallja e Krishtit le të jetë një shembull për një të ardhme më të mirë, ku të triumfojë e mira mbi të keqen.

“E ardhmja lind përmes sakrificës, e mira vjen përmes dhimbjes ndaj ju uroj të gjithë shqiptarëve dhe besimtarëve të Zotit që kjo ditë të shënojë ringritjen drejt të mirës, bashkimin për fitoren, e së drejtës mbi të keqen, e dritës mbi errësirën. Për shumë vjet gëzuar”.

Kryebashkiaku Erjon Veliaj  ka zgjedhur ditën e Pashkës për të dhënë lajmin e mirë për fillinmin e rindërtimit të kishës së Shën Pwrkopit tek kodrat e Liqenit.

“Kisha që u prish gjatë kohës së komunizmit dhe u kthye në restorant, u rikthye në kishë po ende duket si një restorant i stilit sovjetik. Kështu që më në fund arkitektët e bashkisë dhe të kishës ortodokse kanë rigjetur të saktë të gjithë dizenjot dhe të gjithë planin e kishës së vjetër të Shën Prokopit dhe besoj në një kontekst fantastik si liqeni që është transformuar, rikthimi i kishës në vendin ku ka qenë, siç ka qenë është një qershi mbi tortë”, u shpreh kryetari i Bashkisë së Tiranës, Erion Veliaj.

Edhe Ministrja e Arsimit Lindita Nikolla uroi kryepeshkopin Janullatus për festën e Pashkës. /abcnews.al

thumbnail_40628423792_687bc19f6a_k-1280x853.jpg
ent ela13:07 | 07/03/2018

Ndryshe nga vitet e kaluara, këtë 7 Mars qindra nxënës të shkollave të kryeqytetit zgjodhën që t’u shprehin mirënjohjen mësuesve të tyre duke mbjellë pemë. Sot mori formë “Shtegu i dijes”, një hapësirë me pemë kushtuar mësuesve të Tiranës në Parkun e Liqenit.

Kryebashkiaku i Tiranës, Erion Veliaj dhe ministrja e Arsimit dhe Sportit, Lindita Nikolla, së bashku me mësues të dalë në pension dhe nxënës të shkollave të kryeqytetit, i uruan “Gëzuar 7 Marsin” të gjithë mësuesve. “Jam shumë i lumtur që sot u urojmë të gjithë mësuesve të Shqipërisë, por sidomos atyre të Tiranës, Gëzuar Festën e 7 Marsit! Më vjen mirë që shumë shkolla të Tiranës na u bashkuan, jo vetëm në oborret e tyre, por edhe këtu në Parkun e Liqenit, ku shumë nxënës po i kushtojnë një pemë mësuesve të tyre; një pemë, e cila do të jetë këtu me dhjetra vite, si një dhuratë afatgjatë dhe shenjë emancipimi e shoqërisë sonë”, u shpreh Veliaj.

Ministria e Arsimit dhe Sportit, Lindita Nikolla falenderoi kryebashkiakun për modelin e suksesit që ka dhënë në krye të punëve të qytetit dhe për ndërtimin e shkollave të reja. “Jam shumë krenare që kam mundësinë të jem sot në krahë të këtyre mësuesve të talentuar dhe t’u uroj të gjithëve ‘Gëzuar 7 Marsin’. Faleminderit Erion dhe lejomë që në emër të të gjithë skuadrës së arsimit të Tiranës dhe gjithë Shqipërisë, të të falenderojmë nga zemra për modelin e suksesit në krye të punëve të qytetit, për sa shumë ke bërë për shkollën, mësuesit, nxënësit, për të ardhmen”, tha ministrja Nikolla.

Ndërkaq, nesër është Festa e 8 Marsit dhe Bashkia e Tiranës ka një dhuratë për të gjitha gratë dhe vajzat e qytetit: transporti publik do të jetë falas për to. “Nesër zonjat dhe zonjushat e kryeqytetit do ta kenë biletën falas nëse përdorin transportin publik. E di që kemi ende shumë rrugë për të bërë me transportin publik, por kjo është një mënyrë për të kujtuar të gjitha zonjat dhe zonjushat që vetëm e zbukurojnë këtë qytet dhe mbajnë familjet tona në këmbë”, u shpreh Veliaj.

Kreu i Bashkisë së Tiranës shtoi se shkollat e reja që do të ndërtohen do të ofrojnë kushte komode për nxënësit. “Këtë vit do të shtojmë shkollat e reja në Tiranë. Shkolla “Kosova” hapet në shtator, me kapacitet të trefishuar, si shkollë model e qytetit tonë.  Shkolla e muzikës “Servete Maçi”, do të hapet gjithashtu këtë vit. Ndërkohë, sa kemi mbyllur garën e parë për shkollat e reja. Janë shkolla model, do të jenë të hapura 24 orë, si shkolla komunitare. Pesë të parat do t’i fillojmë në pranverë, pesë të tjera në verë dhe pesë në vjeshtë, për ta mbyllur njëherë e mirë çështjen e mësimit me dy turne në Tiranë”, deklaroi Veliaj.

Ai vlerësoi faktin që shumë shkolla të Tiranës iu bashkuan nismës së bashkisë për shtimin e sipërfaqeve të gjelbra në qytet, duke krijuar një mjedis të shëndetshëm për fëmijët. “Sot edhe unë mbolla një pemë për ish-mësuesen time, Polikseni Ndrenikën. Ajo fatkeqësisht nuk jeton më, por ia kushtoj asaj durimin dhe fokusin te puna dhe jo te zhurma. Porosia e zysh Polit ka qenë gjithnjë: fokusohu të mbarosh detyrat. Besoj se porosia e saj është shumë e rëndësishme edhe sot: të fokusohemi tek gjërat e rëndësishme, të kryejmë detyrat tona, sepse zhurmën dhe gjërat që na bëhen pengesë i sqaron koha”, u shpreh Veliaj.

Me rastin e Festës së 7 Marsit, kompania “Prodata” ka dhuruar pemë mimozash në 11 shkolla të 11 Njësive Administrative të Tiranës, të cilat u mbollën nga nxënësit. /abcnews.al

nikolla-mehemtaj-1280x720.jpg
ent ela10:25 | 22/02/2018

Kuvendi e ka nisur seancën e sotme me interpelancën me Ministren e Arsimit, Sportit dhe Rinisë, znj. Lindita Nikolla, kërkuar nga një grup prej 7 deputetësh të Grupit Parlamentar të Partisë Lëvizja Socialiste për Integrim në lidhje me reformën për arsimin e lartë.

Ministrja e Arsimit Lindita Nikolla iu përgjigj kërkesës së deputetëve të LSI për interpelancë për ligjin e arsimit të lartë. Ajo tha se universiteti publik nuk është në kaos për shkak të këtij ligji, por për probleme të brendshme, të cilat do të zgjidhen.

Mehmetaj: Ministrja siç bëri në seancë dëgjimore ashtu bëri dhe sot foli për ato që do të thotë dhe jo për problemet që ngrejmë. qeveria ka harruar premtimet dhe ka rritur vetëm tarifat për universitetet dhe ministria është përgjegjëse. Si për të për mos mjaftuar këto, qeveria ka vendosur të heqë bursat për studentët. Aktet nënligjore për zbatimin e ligjit nuk janë hartuar dhe po ashtu, as institutcionet që duhet të merren me zbatimin e ligjit.

Ministria është përgjegjëse e drejtpërdrejtë që shumë studentë nuk ndoqën ëndrrën dhe meritën e tyre për arsimin e lartë.

Nikolla: Kam qenë prezente në 4 seanca dëgjimorë pothuajse 20 orë,  për shkak të keq drejtimit të komisionit, e paprecedentë. Deklaroj se në MASH është zhvilluar një proces gjithpërfshirës për aktet nënligjore. Ju them me bindje se asnjë universitet publik sot nuk është në kaos, prej ligjit të ri të arsimit të lartë. Dëshira për t’i veshur sistemit disa problematika të universitetit të Tiranës është krejt e pavend. Problemet që has sot janë të brendshme që do të zgjidhen shumë shpejt me përfshirjen e të gjithë aktorëve në jetën e atij universitet dhe marrjen e vendimeve të duhura në kohën e duhur.

 

Seanca nisi me betimin e deputetit të ri Astrit Veliaj, i cili mori mandatin e lënë nga Eduart Halimi.

/abcnews.al

vlcsnap-error907-1280x720.jpg
ent ela13:03 | 14/02/2018

Ministrat e Arsimit dhe Diasporës nga Kosova dhe Shqipëria zhvilluan një takim pune për arsimin shqip në Diasporë. Ata deklaruan se kanë institucionalizuar këshillin e përbashkët për menaxhimin e politikave të dy vendeve.

Nikolla takim pune me homologun kosovar për Arsimin e Diasporën.

Ministrja e Arsimit ishte thirrur në një seancë dëgjimore për arsimin e lartë dhe kërkimin shkencor në komisionin parlametar për edukimin, por Lindita Nikolla nuk shkoi.  Duhet të priste miqtë nga Kosova.

Me homologun për Arsimin dhe kolegët për Diasporën u mblodhën në një takim pune me fokus arsimin shqip.

Rezultatet e arritura katër ministrat ia shpjeguan publikut në katër minuta.

“Lajm i mirë kemi instucionalizuar këshillin e përbashkët për të menaxhuar arsimin në Diasporë.  S’do ketë më punë veç Shqipëria e veç Kosova”

Miqtë u mjaftuan me falenderimet.

Ndërsa për ministrin shqiptar të Diasporës çdo koment tjetër ishte i tepërt./abcnews.al

vlcsnap-error631-1280x720.jpg
ent ela16:23 | 10/02/2018

Pagat e pedagogëve kanë përplasur në distancë kryetaren e komisionit parlamentar të Arsimit Albana Vokshi me ministren e Arsimit Lindita Nikolla. Vokshi e akuzoi ministren për shpërdorim detyre, ndërsa Nikolla tha se shkak për vonesën e krijuar është ligji për arsimin e lartë. 

 

Nuk kanë marrë pagat, por ndjesë publike nga ministrja e Arsimit Lindita Nikolla. Pagesat e pedagogëve dhe stafit të universiteteve sipas ministres janë vonuar për shkak të ligjit të arsimit të lartë dhe autonomies financiare të universiteteve.

 

“Unë do të përfitoj nga rasti të kërkoj një ndjesë të madhe publike të gjithë pedagogëve dhe pedagogeve, por dhe administratës së universiteteve publike për vonesën e pagës së tyre, për t’iu thënë që nuk është as më shumë e as më pak, por pikërisht edhe nevoja që qeveria dhe institucionet qeverisëse të bëjnë maksimalisht detyrat e tyre të shtëpisë, sepse është një axhustim i nevojshëm që vjen përmes ligjit të ri të arsimit të lartë që ofron më shumë autonomi financiare për universitetet duke vendosur që çdo buxhet që mbetet në fund të vitit të trashëgohet në vitin pasardhës buxhetor. E ndërkohë ishte dhe një ushtrim, pa larguar asnjë lloj përgjegjësie nga vetja, edhe një ushtrim në vëmendje të administratorëve që besoj që nuk ishin në lartësinë e detyrës në mënyrë që t’i përgjigjeshin me zhdërvjelltësi këtij momenti të rëndësishëm që lidhet me gjithë administrimin e financave dhe gjithë linjës administrative në institucionet tona të arsimit të lartë”,

Kryetarja e komisionit parlamentar të Arsimit Abana Vokshi e quajti hipokrite ndjesën me ministres së Arsimit, ndërsa tha se ajo ka shpërdoruar detyrën.

 

“Ajo lau duart si Ponc Pilati dhe nuk pranoi se ajo është përgjegjësja dhe shkaktarja kryesore e kësaj situate që fakton se ligji i arsimit të lartë ka dështuar.

 

I gjithë sistemi i arsimit të lartë publik është paralizuar prej mungesës së akteve nënligjore, të cilat duhet të ishin miratuar që në prill të 2016. Ky është shpërdorim i qartë i detyrës nga Ministrja e Arsimit, e cila me mosveprimin e saj është subjekt i nenit 248 të Kodit penal për shpërdorim detyre, sepse në mospërmbushje të rregullt të detyrës, ka dëmtuar interesat e ligjshme të 15 mijë shtetasve.

 

Por nuk është vetëm kaq. Synimi është për të nënshtruar këdo që mund të cënojë pushtetin e tij. Edi Rama po shkatërron të gjithë sistemin arsimor, po përpiqet të vërë nën kontroll artistët, të pengojë të rinjtë të arsimohen, të shkatërrojë trashëgiminë kulturore. Pra të mbajë të nënshtruar elitën dhe rininë.”

 

 

Kryetarja e komisionit parlamentar të Arsimit deklaroi se në seancë paralamentare të së enjtes i ka kërkuar ministres Nikolla raportim urgjent për këtë problem, por ministja e Arsimit nuk u paraqit në seancë.

vlcsnap-error224-1280x720.jpg
ent ela13:16 | 05/02/2018

Datat 23 dhe 24 shkurt të çdo viti, shpallen Ditët Kombëtare të Pemëve. Të  gjitha shkollat dhe universitetet në vend do të bëhen pjesë e këtyre ditëve kushtuar gjelbërimit dhe pyllëzimit. Për realizimin e kësaj fushate të përvitshme dhe mbi baza vullnetare, ministrant Blendi Klosi dhe Lindita Nikolla nënshkruan një memorandum mirëkuptimi në prani të nxënësve të gjimnazit “Partizani” në Tiranë.

Ministri Klosi kërkoi mbështetjen e çdo nxënësi, mësuesi dhe prindi që të mbjellin pemë për të rigjeneruar mjedisin dhe jetën në vendin tonë.

Edhe ministrja Nikolla siguroi mbështetjen e plotë të ministrisë së Arsimit për mbarëvajtjen e aksionit të mbjelljes së pemëve duke përsëritur apelin për përfshirjen vullnetare të të gjithë nxënësve dhe stafit pedagjogjik.

Në fund të takimit ministrat e Mjedisit dhe Arsimit, së bashku me mësues e nxënës, mbollën fidanët për kurorën e gjelbërt të shkollës “Partizani”./abcnews.al

vlcsnap-error919-1280x720.jpg
ent ela14:57 | 11/01/2018

Ministrja e Arsimit, takoi studentët që janë pjesë e Programit Kombëtar të Praktikave të Punës. Nikolla theksoi se ata kanë të gjithë vëmendjen e Qeverisë, sidomos përsa i përket modernizimit të kurrikulave, për t’i përshtatur ato me nevojat e tregut të punës.

Lindita Nikolla përshëndeti rreth 600 studentë që pas diplomimit në ciklin e parë të studimeve “bachelor”do të bëhen pjesë e programit kombëtar të praktikave të punës. Ministrja e Arsimit u rikujtoi edhe njëherë vlerën që diplomës që tashmë mbajnë në duar.

Përmes programit Kombëtar të Praktikave të Punës, Qeveria synin të ndihmojë studentët në tranzicionin nga universiteti në tregun e punës. Në institucionet e administratës qendrore janë përzgjedhur rreth 420 praktikantë fitues, njësitë e pushtetit vendor kanë përzgjedhur 100 aplikantë, ndërsa shoqëritë tregtare 65.

Ministrja tregoi se pak ditë më parë është përmbyllur edhe implementimi I sipërmarrjes në të gjithë ciklin parauniversitar./abcnews.al

vlcsnap-error019-1280x720.jpg
us er13:25 | 30/12/2017

Ministrja e Arsimit, Sportit dhe Rinisë, Lindita Nikolla, përmes një video-mesazhi uron Vitin e Ri 2018 për të gjithë kontribuuesit për reformimin e arsimit shqiptar.

2018-a do të jetë viti i reformave të mësuesisë. Premtimin ministrja e arsimit sportit dhe rinisë e bëri bashkëngjitur me urimin e saj për festën e ndrrimit të viteve.

“Të dashur mësues, viti 2018 do të jetë viti i reformave të mësuesisë. Së bashku me fakultetet e edukimit, ne do të startojmë një nismë të re që mundëson mësues cilësorë për arsimin që duam. Do të ketë më shumë mbështetje për kualifikim cilësor për ju, do të dyfishojmë mësuesin ndihmës që asiston çdo fëmijë me aftësi ndryshe, e padyshim do të vijojmë përmbushjen e detyrimit tonë për rritjen e pagave tuaja”.

Ministrja Nikolla premtoi edhe modernizimin e   kurrikulave në fakultete dhe përshtatjen me tregun e punës.

Të dashur pedagogë, ky është një vit që ju do të punoni edhe më me përkushtim për të përmbushur çdo rekomandim që la akreditimi institucional i bërë ndërkombëtarisht, e sigurisht më shumë punë e forcë për të modernizuar kurrikulat, për t’i përshtatur ato me tregun e punës dhe për t’ua bërë më të suksesshëm punësimin çdo të riu e të reje, që del nga bankat dhe auditorët e universiteteve tona.

Krenaria për sportistët që sollën në Shqipëri medalje e thyen rekorde, do të përkthehet gjatë këtij viti të ri edhe me më shumë mbështetje dhe mundësi për të rinjtë shqiptarë u shpreh ministrja e arsimit. Urimi I saj I fundit shkon për të gjithë mësuesit e pedagogët.

“Krenare për të gjithë ju, të dashur kolegë mësues, të nderuar e të dashur pedagog, keni qenë mbështetja ime më e madhe, me këshillat e vyera por edhe me kritikat racionale.

Faleminderit!

Dollia ime e parë shkon për ju. Gëzuar një vit të mbarë e plot suksese!”./abcnews.al

 

lindita-nikolla-1-933x445.jpg
us er13:25 | 03/12/2017

27 shkolla do të qëndrojnë akoma të mbyllura pasi po vijon puna për ti kthyer në kushtet e duhura.
Ato janë: 2 shkolla në fshat Grykë, Caje dhe Domaj, Kolesjan, Bicaj në Kukës.
Dy shkolla në Iballë, Bashkia Fushë Arrëz, 3 shkolla në Luzni, Muhurr Radomirë në Dibër.
Një shkollë në Nikës, Bashkia Krujë.
Një shkollë dhe një kopësht në Pezë dhe Ndroq, në Bashkinë Tiranë, Një shkollë në Golem, Kavajë, 9 shkolla në fshatra të dëmtuara të Fierit dhe 5 shkolla në qarkun Vlorë, kryesisht në Novoselë dhe Bashkia Selenicë.
Kjo nuk do të thotë që stafet e këtyre shkollave e kanë pushim njofton ministrja Nikolla./abcnews.al

 

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono