nikolla

lindita-nikolla-parlament.jpg
ent ela19:42 | 20/12/2018

Ministrja e Arsimit Lindita Nikolla gjatë fjalës së saj në Kuvend sulmoi opozitën për sistemin arsimor në kohën e qeverisjes, ndërsa vlerësoi reformat e qeverisë socialiste për arsimin në Shqipëri. Sipas ndryshe nga koha që qeveriste opozita ku shiteshin diploma pa qenë një ditë në shkollë, sot  këta studentë nuk konkurohen nga universitete piramidë.

“Jam këtu për disa të vërteta të thjeshta  që prindërit e tyre dhe shoqëria shqiptare e dinë fare mirë sesi e la kjo arsimin. Çfarë do thoni për filialet në Shqipëri, për kioskat universitet, për mësuesit e përdorur?. Shpifja në gojën tuaj është mënyra më e mirë për të marrë vota nesër, apo se unë do ul kokën për baltën tuaj.

Ndryshe nga ministrat tuaj kemi bërë reformë nga kopshti në universitete. Këta studentë nuk konkurohen nga universitet piramide. E dini fare mirë ju sa i thellë është dallimi mes një sistemi fiktiv dhe një sistemi që duhet të përmirësohet. Më thoni një reformë të sistemit tuaj?.

Çfarë reformuat ju duke çelur fliliale pa pedagogë, sepse për ju universitet ishin vende për të shitur diploma, pa qenë një ditë në shkollë, ju që akuzoini se reforma jonë favorizon privatin. Ne shpenzojmë 46 mijë lekë më shumë se ju, buxheti për arsimin është rritur 42 %”.

Duke e konsideruar të drejtë protestën e studentëve, ministrja Nikolla u shpreh e vendosur që kjo protestë të rrënjosë një kulturë të përgjegjësive të reja.

“Studentët protestojnë me të drejtë, por nuk krahasohen problemet e tyre me ato të 5 viteve. Unë i kam dëgjuar thirrjet e tyre, nuk kam marrë vendime nën presion, por mbi të gjitha jam kujdesur maksimalisht dhe kam bërë gjithçka që gjithë aktorët e sistemit arsimor të bëjnë rolin e tyre sipas përgjegjësive, por koha do të dëftojë edhe për këtë. Mjafton t’ju sjell dështimin spektakolatr për të akredituar universitetin e Tiranës dhe u mor vendimi për mos akdredituar asnjë.

Une nuk i fshihem asnjë përgjegjësie, por jam aq e qartë dhe e vendosur që kjo protestë të kthehet e të rrënjosë kulturën e përgjegjësive të reja për një standard të ri. Dialogu ka filluar. Ai sheh vetëm të vërtetën në sy”. /abcnews.al

sali-berisha-1.jpg
ent ela19:18 | 20/12/2018

E nisi me përshëndetjen për studentët e Vlorës gjatë takimit me Ramën, dhe gjithë qyteteve të Shqipërisë, ish-kryeministri Sali Berisha fjalën e tij në Kuvend, për t’u ndalur te pasuritë e ministres Nikolla dhe kryeministrit Rama, të cilët i cilësoi përgjegjës për dëmet e arsimit shqiptar. Me fakte dhe dokumeta Berisha deklaroi në Kuvend se këta vodhën paratë e buxhetit për vila dhe kolltuqe.

Berisha: “Përballë kësaj pranvere e uragani qëndrojnë ata që janë përgjegjës për dëmet e arsimit shqiptar qëndron ay që vodhi paratë e buxhetit sëbashku me tjetër që i bëtë paratë vila, paratë e taksapaguesve. Pa dilu ministre dhe thuaju si e ndërtove vilën brenda 2 viteve?. Ke shpenzuar 15 milionë euro për rikosntruksionin e godinës, kolltuqe e tualete, thuaju sepse e bllokove për 3 vite masterat dhe i çove në universitet private për t’i ndarë shumat e majme. Thirre Gramoz ta  kem përballë.

Tani përshëndes atë studentitn që e pyeti për sarajet e Surrelit.

Në ILDKP në 20014 nuk ka asnjë konto bankare, asnjë qindarkë kesh, në 2005, nuk ka deklaruar asnjë konto bankare, asnjë qindarkë kesh, nuk ka gjë, as banaesë, Anastas shjegohu pak, janë të ILDK këto s’janë të Saliut. Ky është mashtrues duhet hudh në gjyq për ndjekje penale. Në 2006 nuk deklaron asgjë, në 2007, në 2008 llogari bankare në Credins 40mije 938 lekë, nga çmimet e honoraret euro 2937 euro, ja ku e keni pronarin e Sarajeve të Surrelit, ja ku është. Në 2009 na i ha miu lekët zvogelohen zbresin. Bën cinikun me studentët sepse këtu i ka të gjitha, e di se e pret ajo që meriton,. Se i tha studentit e ka thënë Saliu atë se kam thënë unë.  Ishin këto deklarimet e tij, nga doli vila thuaju pak studentëve të Dibrës me 57 metra të gjata themelet, nga doli. Ervin nuk po them për pallatin pajë të madam Bashës. Asnjë faturë tatimore, bankare. Ky ishte shpjegimi, prandaj studentët nuk ju besojnë i ka ardh fundi gënjeshtrave tuaja”.

Në fjalën e tij në Kuvend, ish-kryeministri Berisha propozoi që të votohet për zero tarifa për universitetet publike, duke sjellë edhe shembullin e Greqisë dhe vendeve të tjera. Dhe sipas tij kjo është plotësisht e mundshme pasi këta studentë do të ndërtojnë Shqipërinë.

“Univeristetet pa tarifa për gjithë studentët, e ka Greqia, Gjermania, e kanë dhjetra vend e pse të mos ua bëjmë ne këtë atyre. S’po luftojnë ata vetëm për ditët e sotme, por po luftojnë të jetojnë në Shqipëri të bëjnë Shqipërinë. Të votojmë universitet publike pa asnjë tarifë, plotësisht e mundshme por s’na lënë hajdutëria”.

Protestën e studentëve, Berisha e konsideroi si uraganin e shpresës dhe të së drejtës.

“Së pari dëshiroj t’ju përshëndes studentët e Vlorës që i dhanë mashtruesit leksionet e së vërtetës i treguan atij se cili është debati dhe thelbi i tij, përshëndes studentët e Elbasanit që i thanë nuk kanë vend për ty e qindra mijëra studentë që janë sot në grevën më të madhe që nga viti ’91, në kohën e grevës së përgjithshme të shqiptarëve. Kanë bojkotuar mësimin, po bien boritë e shpresës, po zgjojnë te shqiptarët më të rëndësishem e njeriut shpresën, flamuri i tyre është flamuri i shpresës, i së drejtës. Mjerë ju ku do shkoni, jeni në fillim, asgjë nuk mund ta ndalë uraganin rinor shqiptar”. /abcnews.al

nikolla-deklarat-e-dyte.jpg
ent ela14:44 | 06/12/2018

Pas mos tërheqjes së studentëve edhe pas plotësimit të heqjes së tarifës për provimet e mbartura, Ministrja e Arsimit Lindita Nikolla  në një dalje të dytë për mediat informoi se do të ngrihet një grup pune me përfaqësuesit e këshillave studentorë për plotësimin e 3 kërkesave të tjera.

“Presim angazhim të studentëve për modernizimin e arsimit të lartë. Kjo protestë tregoi se sa pak informacion kishte te studentët. Më shumë se rëndësia për të shfuqizuar pikën 4 të VKM, kjo protestë ia vlejti për të ngallur refleksion dhe shërbeu si katalizator për debat shterues brenda universitetit. Kam marrë një kërkesë që për kërkesat një, dy e katër të ngrihet një grup pune me përfaqësuesit e këshillave studentorë”. /abcnews.al

LINDITA-NIKOLLA-1280x720.jpg
ent ela13:01 | 06/12/2018

Tërhiqet qeveria pas protestave të studentëve në disa rrethe të vendit. Pak pas mesditës, ministrja e arsimit Lindita Nikolla deklaroi për mediat se neni 4 i VKM së qeverisë që përcaton tarifë për provimet e mbartura do shfuqizohet menjëherë.

Nikolla: “Pas vendimarrjes suaj qeveria do të abrogojë këtë vendim,  pra do hiqet neni 4 dhe nuk do ketë koto shtesë për studentët përsëritës që mbartin provimet nga një vit i mëparshëm.

Kërkesa e dytë e studentëve është me dëshirën që ata kanë për të pasur përfaqësues të tyre në bordet e administrimit. Patjetër ne duhet të bëjmë atë që kemi detyrim, që vendimarrjet e bordeve të adminsitrimit dhe mbledhjet  të jenë të hapura për studentët. Unë jam e hapur që nëse më sillni një vend të BE, apo një vend të zhvilluar demokratik ku në borde administrimi ka përfaqësi studentësh, patjetër jam e hapur të ndryshojmë ligjin dhe ta bëjmë të mundur edhe në Shqipëri.

Kërkesa tjetër ka të bëjë më përsimirëismin e kushteve në konvikte.  Kjo qeveri mundëson 18 milionë euro në Qytetin Studenti ku akomodohen studentët.

Kërkesa tjetër lidhet me përgjysmimin e tarifave të studimit në universitet publike. Qeveria nuk bën as ulje, as ngritje të tarifave të studimit. Janë universitetet ato që përcaktojnë tarifën dhe kuotat e studimit dhe kriteret e pranimit në universitet”./abcnews.al

STUDENTET-PROTESTE-1-1280x720.jpg
ent ela14:11 | 05/12/2018

Studentët e Inxhinierisë së Ndërtimit, të shkencave, Mjekësisë dhe Akademisë së Arteve kanë bojkotuar mësimin dhe protestuan për dy orë paraditen e të mërkurës para Ministrisë së Arsimit. Protesta nisi nga studentët e Inxhinierisë së Ndërtimit, të cilën marshuan nga Fakulteti i tyre drejt Ministrisë, e rrugës iu bashkuan edhe studentë të Universiteteve të tjera publike.Prej dy ditësh ata protestojnë duke kërkuar heqjen e pagesës për kreditet e provimeve të mbartura, si dhe shtyrjen e afatit të pagesës vjetore të shkollës dhe pagesën e saj me këste.

Në formë revolte studentët hodhën drejt godinës së ministrisë stilolapsa, letra dhe vezë.

Ftesës së ministres Nikolla për një takim në ambientet e Ministrisë së Arsimit, studentët iu përgjigjën negativisht duke e ftuar t’i takonte aty ku po protestonin. Në këto kushte ministrja e Arsimit dhe Sportit, Lindita Nikolla iu përgjigj përmes një deklarate për mediat kërkesave të tyre, duke theksuar se vendimi që i shqetëson hyn në fuqi vitin e ardhshëm dhe janë universitetet që vendosin.

Lindita Nikolla, ministre e Arsimit dhe Sportit: “Në vitin 2013 -2017 kemi një rritje tarifash vetëm në 2014. Tarifa minimale ishte 14430 shkoi në 20 mijë ka impaktuar 4500 studentë, pra një rritje prej 5570 lekë. Tarifa mesatare nga 20600 shkoi 21600 dhe tarifa maksimale zero rritje. Pra saç e gjetëm aq është edhe sot. Pra kjo rritje e tarifash nuk ka prekur të gjitha programet e studimit. Ka prekur shkencat e natyrës dhe gjuhët e huaja. Efekti financiar është 75 milionë lekë”.

Por studentët nuk u bindën nga këto deklarata. Ata vijuan protestën edhe për disa minuta të tjera dhe paralajmëruan se do bojkotojnë mësimin edhe të enjten e do të protestojnë sërish para ministrisë. Protesta e studentëve solli bllokimin e lëvizjes në rrugë si për mjetet private ashtu edhe ato të transportit publik, ndërsa policia siguroi mbarëvajtjen e saj. /abcnews.al

 

LAJME-19-_-NIKOLLA-00001.mpg_snapshot_05.02-1280x720.jpg
ent ela19:42 | 11/10/2018

Një arritje për sistemin arsimor shqiptar e ka konsideruar Ministrja e Arsimit Lindita Nikolla, përzgjedhjen e mësuesisë, si të tretën pas ekonomisë dhe shkencave sociale në universitet, ndërsa infermieria e katërta dhe juridiku i pesti.

E ftuar në studion Mbrëmje në ABC News, Ministrja e Arsimit theksoi  se Mësuesia është shpallur prioritet kombëtar, por ajo që duhet të përshëndetet është se, sot të gjitha programet e mësuesisë janë me notë mesatare mbi 7.

“Sot të gjitha programet e mësuesisë janë me notë mesatare 7 nuk ka qenë kurrë kështu në sistemin e arsimit të lartë”– theksoi Nikolla.

Ministrja informoi gjithashtu se 80% e maturantëve kanë aplikuar në universitetet publike dhe 20 % në universitete private.

“Dhe ajo që është për t’u përshëndetur është se kemi 80% të maturanët që kanë aplikuar në universitetet publike dhe 20 % në universitetet private. Por 76 % atyre që janë regjistruar në universitetet publike kanë notë mesatare mbi 7 dhe 30% e tyre mbi 8”.

Sipas saj reforma e ndërmarrë në arsimin e lartë po jep efektet e veta./abcnews.al

HIGJENA-NE-SHKOLLA-MINISTRET-1280x720.jpg
ent ela15:29 | 10/09/2018

Cila është higjiena nëpër shkolla. Kjo po verifikohet përmes një inspektimi kombëtar dhe këtë të hënë dy ministre shkuan në Fier, për të parë nga afër gjendjen në dy shkolla.

Për higjienën në shkolla, në Fier shkuan dy ministre. Ajo e Arsimit Lindita Nikolli dhe ministrja e Shëndetësisë Ogerta Manastirliu. Ky është një aksion i nisur në shkallë kombëtare, por që këtë të hënë u përqendrua në Fier.

U inspektuan të gjitha institucionet arsimore për plotësimin e kushteve higjieno-sanitare në shkollat 9-vjeçare dhe të mesme.  Manastirliu dhe Nikolla shkuan në shkollën 9-vjeçare “Dino Ismaili” në Levan dhe shkollën e mesme “Janaq Kilica” në Fier.

Manastirliu: E gjithë vëmendja jonë është te krijimi i kushteve sa më të mira për fëmijët. Po vlerësojmë të gjitha kushtet higjieno sanitare dhe që të garantojmë këto kushte higjieno-sanitare edhe për stafin, të gjitha librezat, për të siguruar garanci maksimale për fëmijët në këtë sezon.

Nikolla: Kjo javë të jetë javë jo vetëm e realizimit të detyrabve të lëna nga inpektoriati, por të gjithë të jemi në kushtet optimale të zhvillimit të përgjegjësive, assimi, shëndetësia, pushtetit vendor.  

1094 inspektime janë kryer në të gjithë vendin, nga të cilat 119 vetëm në Fier. Aty u përfshinë institucionet arsimore publike dhe jo publike, parashkollore, shkolla 9 vjeçare e të mesme. /abcnews.al

NIKOLLA-BOCI-1280x720.jpg
ent ela17:45 | 13/07/2018

Dëftesat e nxënësve të shkollave përplasën në deklarata kontradiktore mazhorancën me opozitën.

Boçi: “Pranë Partisë Demokratike dhe Komisionit të Edukimit dhe Mediave, kanë ardhur ankesa nga prindër të cilët ngrenë shqetësimin se fëmijët e tyre nuk mund të pajisen dot me dëftesat e arsimit parauniversitar”.

Nikolla: ”Informoj  nxënësit dhe prindërit se pasi përfunduam plotësimin e çertifikatës dhe diplomës për maturantët, po  vijojmë me plotësimin e  dëftesës së lirimit, si dhe të dëftesave  të tjera të arsimit parauniveristar”.

Boçi: “Të vetmet dëftesa që u printuan dhe u shpërndanë ishin ato të klasës së 9-të, por edhe ato rezultuan me gabime, çka e bën dëftesën dokument të pavlefshëm për 35 mijë nxënës”.

Nikolla: “Nuk ka asnjë dëftesë me gabime”.

Boçi: “Një pjesë prej tyre rrezikojnë të mos regjistrohen në shkollë të mesme brenda dhe jashtë vendit”.

Nikolla: “Ashtu sikurse nuk ka asnjë nxënës që pengohet për t’u regjistruar brenda apo jashtë vendit”.

Demokratët akuzojnë se janë 420 mijë nxënës të lënë pa dëftesa shkollore dhe kjo vetëm për shkak të pazareve të prishura të ministres Nikolla për tenderin 70 milion lekësh për dëftesat. Por ministrja e kundërshton akuzën duke sfiduar selinë blu të bëj publike një ankesë të ardhur për vonesë apo mos-marrje diplome. Sfida e dyanëshme, të paktën në retorikë, troket deri në dyert e prokurorisë.

Boçi: “Ministrja Lindita Nikolla duhet të ndërpresë pushimet e fundjavës dhe të zgjidhë menjëherë problemin e qindra mijëra nxënësve, duke mos mbajtur peng të korrupsionit dëftesën e tyre. Kjo është një aferë për të cilën Kontrolli i Lartë i Shtetit dhe prokuroria kanë çfarë të zbulojnë”.

Nikolla: “Jo, jo, unë jam serioze në atë çfarë bëj e them zoti Boçi. Dhe mbaj çdo përgjegjësi, ndaj do t’i drejtohem prokurorisë për shpifje”.

Dëftesat po shpërndahen dhe tenderi është kryer sipas procedurave ligjore, jo nga ministria e arsimit por nga ministria e Brendshme, përfundon ministjra Nikolla. /abcnews.al

 

XHAFAJ-E-NIKOLLA-PER-GJIMNAZET-1280x720.jpg
ent ela16:50 | 01/06/2018

Ministri i Brendshëm Fatmir Xhafaj dhe Ministrja e Arsimit, Sportit dhe Rinisë Lindita Nikolla nënshkruan marrëveshjen për shtrirjen e projektit të Oficerëve të Sigurisë, në të gjitha shkollat e mesme të Shqipërisë që prej shtatorit të 2018. Ky projekt u pilotua fillimisht në 15 shkolla në Tiranë dhe garantoi një mjedis të sigurt për nxënësit. Oficerët e Sigurisë do të shërbejnë për të garantuar më shumë siguri në mjediset shkollave, për parandalimin e konflikteve dhe akteve të dhunshme. Marrëveshja u nënshkrua në gjimnazin ”Petro Nini Luarasi”, një prej shkollave të mesme të Tiranës ku nisi aplikimi i projektit pilot. Oficerët e Sigurisë do të trajnohen në Akademinë e Sigurisë, për një periudhe intensive 1 mujore. /abcnews.al

A.vokshi.jpg
ent ela13:10 | 08/05/2018

Deputetët Albana Vokshi dhe Bardh Spahia kanë depozituar pranë prokurorisë së përgjithshme kallëzim penal për mbledhje dhe përpunim të jashtëligjshëm të të dhënave të qytetarëve, duke denoncuar vetë kryeministrin Rama dhe drejtueset e dy ministrive, atë të Shëndetësisë Ogerta Manastirliu dhe të Arsimit, Lindita Nikolla.

Kallëzim penal në Prokurorinë e Përgjithshme për Kryeministrin Edi Rama dhe dy ministret e kabinetit të tij, atë të shëndetësisë Ogerta Manastirliu dhe Lindita Nikollën nga dikasteri i Arsimit. Padia erdhi nga deputetët Albana Vokshi dhe Bardh Spahia në emër të Partisë Demokratike me akuzën e shpërdorimit të detyrës lidhur me marrjen dhe përpunimin e paligjshëm të të dhënave personale të prindërve dhe pacientëve.

“Informacioni i kërkuar; emër, mbiemër, numri i kartës së identifikimit, adresa e e-mailit, sipas ligjit për mbrojtjen e të dhënave personale, konsiderohen të dhëna të mbrojtura me ligj. Ndaj edhe urdhri i Edi Ramës për të marrë këto të dhëna personale të cilat përbëjnë më shumë se 70% të të gjithë qytetarëve të të gjithë Shqipërisë është një shkelje ligjore. edhe deklaratat e dy ministreve, ministres Nikolla dhe Manastirliu, vërtetojnë qartë paligjshmërinë e aktit të tyre pasi ministrja Nikolla u tërhoq me deklaratën e saj nga numri i kartës së identitetit dhe pavarësisht se Manastirliu nuk u tërhoq në deklaratën publike, por në informacionin tone, dje janë marrë në telefon të gjitha qendrat dhe Drejtoritë Shëndetësore për të ndërprerë numrin e kartës së identitetit. tashmë ekziston regjistri i pacientëve te fondi i Sigurimit të detyrueshëm Shëndetësor, atëhere për çfarë i duhen të dhënat e personelit?! Të gjitha të dhënat, edhe emalet që janë dërguar me urdhër dhe em porosi nga kabineti i kryeministrit, na bëjnë të mendojmë që është ideatori është Edi Rama i gjithë kësaj skeme. Ai po ushtron detyrën e tij si kryeministër duke e shpërdoruar atë për të marrë të dhëna personale për të bërë identifikimin e zgjedhësve për çdo qendër votimi, për ta përdorur për arsye elektorale të Partisë Socialiste në të gjitha zgjedhjet e ardhshme”.

Duart e tyre i shohin të lidhura institucionalisht, nisur nga ku mund të trokasin për të adresuar shqetësimet.

“Duke qenë në kushtet që Gjykata Kushtetuese është jo funksionale, po ashtu edhe Gjykata e Lartë, Prokuroria pavarësisht se është nën ndikimin e Edi Ramës, është institucioni i vetëm të cilit mund t’i drejtohet opozita për të ngritur zërin dhe shqetësimet e qytetarëve shqiptarë”.

Denoncimi, i cili jehon selinë blu prej datës 5 maj, akuzon urdhrin e ministrisë së Arsimit për mbledhjen urgjente të të dhënave të prindërve dhe atë të dikasterit të Shëndetësisë për të dhënat e pacientëve që marrin shërbim në qëndra shëndetësore. Dokumentat e bëra publike nga demorkatët, përpos afatit 1 mujor për sigurimin e ktyre të dhënave, theksonin ngarkimin me përgjegjësi direkte të punonjësve të cilët nuk ndjekin urdhrat e ardhur nga Drejtoria e Burimeve Njerëzore pranë Ministrisë së Shëndetësisë, në kuadër të kërkesës së Kabinetit Kryeministror por edhe atë me burim Drejtoritë Rajonale Arsimore të Qytetit. Ministria përgjegjëse për këto të fundit në një reagim publik të menjëhershëm pas denoncimit edhe pse mohoi pretendimin se të dhënat do të përdoren për qëllime elektorale, deklaroi tërheqjen nga kjo kërkesë. Ndryshe nga e para, Minsitria e Shëndetësisë në reagimin e saj e arsyeton mbledhjen e të dhënave me krijimin e arkivit online të të dhënave të pacientëve të cilët në mungesë të kartës së shëndetit identifikohen përmes numrit të tyre të kartës së identitetit./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono