nicolas sarcozy

cuna.jpg
G. P.15:59 | 15/07/2018

Nëse ish-presidenti francez Nicolas Sarkozy do të jetë në tribunë për të ndjekur Francën në finalen e këtij botërori, ish presidenti i UEFA-s Michel Platini ka vendosur ta ndjekë në shtëpinë e tij me familjen.

Ish-presidenti francez, Nicolas Sarkozy, do të jetë i pranishëm në tribunë në stadiumin Luzhniki të Moskës gjatë finales së Botërorit. Sarkozy ka qenë i pranishëm dhe në ndeshjen e hapjes si dhe në përballjen e Francës me Australinë.

Por ish-numri 10 i kombëtares franceze, Michel Platini ka zgjedhur të përjetojë në shtëpinë e tij emocionet e finales së madhe. Në deklaratën për agjencinë e lajmeve AFP, ai u shpreh se do ta ndiqte ndeshjen Francë-Kroaci me familjen e tij në shtëpinë në juglindje të Francës.

Ish-presidenti i UEFA u pezullua nga FIFA deri në Tetor të 2019-s për dhunim të kodit etik pasi kishte marrë 1.8 milionë euro nga ish-presidenti i Federatës Ndërkombëtare, Sep Blater, në shkëmbim të një konsulence. Por mes tyre nuk ishte firmosur asnjë kontratë./abcnews.al

sarcoy-nicolas.jpg
G. P.20:46 | 29/03/2018

Autoritetet franceze kanë formalizuar akuzat ndaj Nicolas Sarkozy dhe së shpejti, ish-Presidenti do të dalë në gjyq për korrupsion dhe ushtrim të influencës politike.

Ish-Presidenti francez, Nicolas Sarkozy, do të përballet me një proces gjyqësor për korrupsion dhe për ndikim politik. Sipas raportimeve të mediave franceze, çështja në ngarkim të Sarkozy bazohet në një bisedë telefonike të përgjuar në vitin 2014, në të cilën ai përpiqet të influencojë gjyqtarët që po ndiqnin dyshimet për financim ilegal të fushatës së tij elektorale.

Gjyqtari Gilbert Azibert dhe avokati i zotit Sarkozy pritet të dalin gjithashtu në gjyq, pavarësisht se kanë mohuar çdo keqpërdorim. Ndërkohë, sa i takon padisë për korrupsion, ish-presidenti akuzohet se ka marrë financime nga lideri i dikurshëm i Libisë, Muamar Gaddafi. Gazeta “Le Monde” dhe agjencia e lajmeve “AFP” citojnë burime gjyqësore që konfirmojnë se Sarkozy do të dalë në gjyq.

Në bisedën telefonike, Sarkozy përdori një identitet të rremë, Paul Bismuth, dhe i ofroi një rol prestigjoz në Monako gjyqtarit Azibert në këmbim të informacioneve mbi çështjen për korrupsion të nisur ndaj tij. Ndërkohë, sa i takon akuzës tjetër për marrje fondesh nga trashëgimtarja e “L’Oreal” Liliane Betencourt me qëllim fitoren në zgjedhjet e vitit 2007, ai u shpall i pafajshëm./abcnews.al

sarcozy1.jpg
G. P.11:14 | 22/03/2018

Ish-presidenti francez, Nikolas Sarkozy, është mbrojtur nga akuzat se ka përfituar financime të paligjshme për fushatën e tij presidenciale. Ai thekson se akuzat për këtë çështje ia kanë bërë jetën ferr.

Ish-presidenti i Francës, Nikolas Sarkozy, thotë se akuzat që rëndojnë ndaj tij për financime të paligjshme të përfituara nga ish-lideri i Libisë, Muammar Gaddafi, po ia bëjnë jetën “ferr”.

“Unë akuzohem pa ndonjë provë fizike”, është shprehur Sarkozy para gjykatësve ndërsa është vendosur në bankën e të pandehurve. Kjo është raportuar nga gazeta “Le Figaro”. Ish-kreu i shtetit po hetohet për përfitime financimesh të paligjshme të fushatës elektorale në 2007-n, keqpërdorim i fondeve publike të Libisë dhe korrupsion pasiv.

Të enjten, Le Figaro publikoi të plotë dëshminë e Sarkozy para hetuesve francezë. Në të, ai thotë se është i vetëdijshëm se akuzat kundër tij janë “serioze”, por ato përbëjnë “shpifje” dhe ia kanë bërë jetën e “ferr” që nga 11 Marsi i 2011-s, kur pretendimet e para u bënë nga Gaddafi.

“Unë kurrë nuk kam kërkuar të shmang detyrimet e mia në marrëdhëniet me miqtë, kolegët dhe të gjithë njerëzit e përmendur në këto procedura”, tha Sarkozi, duke shtuar se “kurrë nuk ka kërkuar të ndikojë në deklaratat apo gjykimet e tyre”.

63-vjeçari Sarkozy mohon të ketë shkelur ligjet. Politikani i qëndrës së djathtë, i cili është lënë i lirë të mërkurën, pasi është marrë në pyetje për dy ditë, thotë se akuzuesit nga Libia po kërkojnë hakmarrje për vendimin e tij për të angazhuar avionë luftarakë të Francës gjatë kryengritjes, ku Gaddafi u rrëzua nga pushteti në 2011-n. Gjithashtu në pyetje është marrë edhe një nga ish-ministrat e Sarkozy dhe aleat i afërt, Brice Hortefeux.

Ndërkohë, në 2013 drejtësia franceze hapi një hetim për akuzat se fushata e Sarkozy ka përfituar miliona euro të paligjshme nga Gaddafi. Ai dështoi në rikthimin në pushtet në 2012, duke humbur ndaj kandidatit socialist, François Hollande. Edhe në 2014-n, Sarkozy ishte ndaluar nga hetuesit për të njëjtën çështje. Kjo është hera e parë që një ish-president përfshihet në këto procedura./abcnews.al

sarcozy-1280x719.jpg
G. P.09:40 | 20/03/2018

Do të mbahet në paraburgim për 48 orë dhe do të merret në pyetje ish-presidenti francez, Nikola Sarkozy. Më pas do të jetë një gjykatës, ai që do të vendosë mbi rolin e tij në akuzat për financime të paligjshme të fushatës elektorale të 2007-s nga ish-diktatori i Libisë Gheddafi.
Ish-presidenti francez, Nikola Sarkozy, ndodhet nga mëngjesi i së martës në gjendje arresti në zyrat antikorrupsion në Nanterë. Ai dyshohet se ka marrë financime të paligjshme nga diktatori i Libisë, Gheddafi, për fushatën elektorale 2007, që i lejoi të fitonte presidencën duke mundur Segolen Ruajal.

Sipas policisë franceze, Sarkozy është në gjendje arresti, pra po mbahet në paraburgim dhe po merret në pyetje deri në 48 orë. Më pasi ai mund të dalë para gjykatësit. Ky i fundit mund ta lërë të lirë, ta shpallë si dëshmitar apo dhe të pandehur. Kjo nuk është hera e parë që ish-presidenti francez përballet me drejtësinë.

Në këtë moment, ai akuzohet për financim të paligjshëm të fushatës elektorale të 2007-s në kuadër të çështjes “Bygmalion” si dhe hetohet për korrupsion, abuzim me pushtetin në çështjen “Paul Bismuth”. Por gjendja e arrestit për financimet e dyshuara të marra nga Gheddafi është rasti më i rëndë nga këndvështrimi politik. Vetë Sarkozy u rreshtua në linjë të parë në 2011-n në ndërhyrjen ushtarake të NATO kundër Gheddafit, i cili u rrëzua nga pushteti dhe më pas u vra.
Në Maj të 2012-s uebsajti “Mediapart” publikoi një dokument nga Libia për financimin e fushatës presidenciale të Nicolas Sarkozy nga ana e Gheddafi, dhe ishte pikërisht, kjo që u bë shkak për nisjen e hetimeve. Në Nëntor të 2016-s, Ziad Takieddine, një biznesmen franko libanez dhe ndërmjetësues në kontratat ndërkombëtare të armëve, deklaroi se kishte çuar në Francë 5 milion euro cash, shumë që vinte nga Tripoli.

Ai tha se në atë kohë ia kishte dorëzuar shumën në fillim të 2007-s, drejtorit të atëhershëm të fushatës së Sarkozy, Claude Guéant, i cili më pas u bë sekretar i Përgjithshëm në Elize. Më pas është dhe vdekja në rrethana misterioze të Choukri Ghanem, ish-ministrit të Naftës në Libi, trupi i të cilit u gjet i pajetë në Daub në 29 Prill të 2012-s, mes raundit të parë dhe të dytë të presidencialeve franceze.

Në një bllok që i përkiste atij u gjetën shënime për miliona euro që Libia i kishte dhënë Sarkozisë në fillim të vitit 2007. E përditshmja franceze Le Monde më pas shkruan se në një bisedë me Bechir Saleh, personi që kujdesej për marrëdhëniet ekonomike mes Libisë dhe Francës, i plagosur së fundmi me pistoletë në Johannesburg, ai deklaroi për gazetën se: “Gheddafi ka thënë se ka financuar Sarkozy. Sarkozy ka thënë se nuk është financuar nga ai. I besoj më shumë Gheddafit se Sarkozy”.
Përvec Sarkozy po meret në pyetje në rolin e dëshmitarit dhe ish-krahu i djathtë i tij, Brice Hortefeux, ish-ministër i Brendshëm./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono