Neymar

Mbappe-Di-Maria-Neymar.png
Vladimir Prenga09:56 | 15/01/2020

France Football ka përzgjedhur formacionin më të mirë të dekadës te PSG dhe bie në sy mungesa e lojtarit të transferuar për shumën rekord të 223 milion eurove. Neymar nuk është mes yjeve dhe kjo për shkak të shifrave të regjistruara me fanellën e kampionëve të Francës.

Edinson Cavani është bërë shënuesi më i mirë në historinë e PSG, me 198 rrjeta të tundura dhe normalisht nuk mund të lihej jashtë formacionit më të mirë të dekadës së fundit.  Zlatan Ibrahimovic është ylli i parë që PSG afroi dhe është shënuesi i dytë më i mirë në historinë e klubit francez.

Mbappe gjithashtu ka shkëlqyer dhe ka realizuar  79 gola, po aq sa Di Maria me të cilin ndan vendin e katërt. Para tyre renditet Pauleta, me 109 gola të realizuar në periudhën 2003-2008. Neymar, i lënë jashtë formacionit më të mirë të PSG në dekadën e fundit, renditet i shtati me 63 gola.

France Fotball ka zgjedhur formacionin e dekadës për PSG-në

POZICIONET E TJERA – Salavatore Sirigu është zgjedhur për portën dhe prej faktit që ka luajtur më shumë kohë me PSG, nga viti 2011 në vitin 2016. Portieri aktual, Keylor Navas, vlerësohet si më cilësor, por ka shumë pak kohë te francezët që të përfshihet në formacionin e dekadës.

Mbrojtja me tre është e gjitha braziliane. Maxwell, pjesë e PSG në periudhën 2012-2017, Thiago Silva pjesë e parisienëve prej vitit 2012 dhe Marquinhos që u afrua në ekip një sezon më vonë. Një tjetër brazilian, por para mbrojtjes dhe që ka luajtur me Italinë.

Thiago Motta ishte ai që bënte punët e pista, ndërkohë që mes yjeve të dekadës është zgjedhur edhe Marco Verrati, pjesë e ekipit akoma. Blaise Matuidi Angel Di Maria si trekuartist plotësojnë formacionin e përzgjedhur nga France Football. /abcnews.al

Neymar-4.jpg
Veronik Istrefaj16:48 | 13/01/2020

Ylli i PSG-së, Neymar Jr, shënoi dy gola dhe asistoi të tretin në takimin kundër Monacos, që u mbyll me rezultatin 3-3. Trajneri Tomas Tuchel aktivizoi katër sulmues, Di Marian, Neymar, Mbappe dhe Icardin.

Në sulm, PSG nuk kishte asnjë problem, por në fazën e tranzicionit, mesfusha ishte e zbuluar dhe jo më kot pësuan tre gola. Megjithatë, Neymar mendon se të katër sulmuesit funksionojnë mirë së bashku dhe kur u pyet nga një gazetar për të kundërtën, shpërtheu:

“Mendoj se funksionojmë mirë së bashku. Merremi vesh shumë mirë dhe jemi lojtarë me cilësi fantastike. Shënuam tre gola dhe ajo që thoni ju që nuk funksionojmë, është e gabuar. Prandaj kjo është përgjigja që po të jap, kështu që…”, tha ylli brazilian teksa largohej./abcnews.al

Neymar-3.jpg
Veronik Istrefaj23:05 | 12/01/2020

Është mbyllur takimi i Ligue 1 mes PSG-së dhe Monacos, që ishte dhe kryendeshja e javës së 20-të në kampionatin francez. Dhe, nuk zhgënjeu: Ndeshja u mbyll me rezultatin 3-3 dhe asnjë nga skuadrat nuk meritonte të humbiste.

Neymar zhbllokoi takimin që në minutën e tretë, por brenda 10 minutash, Monaco përmbysi gjithçka në 1-2. Një autogol i Toure çoi shifrat në 2-2, para se Neymar të shënonte sërish me penallti në fundin e pjesës së parë, për t’i çuar skuadrat në dhomat e zhveshjes me rezultatin 3-2.

Në pjesën e dytë, Monaco nuk u pajtua aspak me disavantazhin dhe shtyu përpara në kërkim të golit të barazimit, që erdhi në minutën e 70-të me anë të sulmuesit Islam Slimani. Në përfundim, dy skuadrat ndanë nga një pikë pas barazimit 3-3./abcnews.al

Neymar-2.jpg
Veronik Istrefaj21:18 | 12/01/2020

Takimi kryesor i kësaj jave në Ligue 1, është padiskutim ai mes PSG-së dhe Monacos, dy rivalë të vjetër të futbollit francez. Kampionët në fuqi shënuan të parët, që në minutën e tretë të takimit, me anë të yllit brazilian, Neymar Jr.

Pasi merr një pasim të përkryer nga Verrati, Neymar tregohet i saktë para porte, duke shënuar me të majtën në shtyllën e parë. Por goli i brazilianit nuk do të ishte i vlefshëm për shumë kohë, pasi Monaco barazoi në minutën e tetë të sfidës, me anë të Gelson Martins. Në minutën e 13-të, Monaco përmbysi gjithçka, me golin e Ben Yedder./abcnews.al

Ligue 1, java 20

PSG – Monaco  1-2
Neymar 3′ / Martins 8′, Ben Yedder 13′

Neymar-Mbappe-PSG.jpg
Veronik Istrefaj23:12 | 08/01/2020

Është mbyllur takimi çerekfinal mes PSG-së dhe St. Etienne, me kampionët e Francës që kanë fituar pa shumë probleme 6-1. Mauro Icardi shënoi që në minutën e dytë të sfidës, duke hapur serinë e golave.

Neymar shënoi në minutën e 39-të për të dyfishuar, ndërsa autogoli i Moulin vendosi rezultatin e pjesës së parë në 3-0. Icardi shënoi edhe dy gola të shpejtë në minutat 49′ dhe 57′.

Mbappe nuk mund të mungonte në listën e golashënuesve në minutën e 67-të. Golin e vetëm për St. Etienne e shënoi mesfushori Yohann Cabaye./abcnews.al

Coupe de la Ligue, çerekfinale

PSG – St. Etienne  6-1
Icardi 2′ 49′ 57′, Neymar 39′, Moulin (ag) 44′, Mbappe 67′ / Cabaye 71′

Neymar feston golin e tij
Neymar-1.jpg
Veronik Istrefaj18:57 | 08/01/2020

Neymar është optimist sa i takon një triumfi të mundshëm të PSG-së në UEFA Champions League. Ylli brazilian u transferua te PSG në verën e vitit 2017 për plot 222 milionë euro dhe është ende lojtari më i shtrenjtë në histori të futbollit.

Në një intervistë për Globo Esporte, Neymar pranoi se kampionët e Francës, kanë shanse ideale për t’i shkuar deri në fund kompeticionit më elitar për klube.

“Champions League? Po, besoj se mund ta fitojmë këtë sezon. Sa i përket skuadrës dhe grupit të lojtarëve që kemi, jemi më të fortë se vitet e shkuara. Sipas mendimit tim, mendoj se jemi shumë më të përgatitur këtë sezon. Kështu që, mendoj se kemi shanse reale për ta fituar këtë trofe”, përfundoi Neymar./abcnews.al

Neymar-PSG.jpg
Igli Nikolli13:42 | 03/01/2020

Tani nuk është më sekret fakti që Neymar nuk ndihet mirë te PSG dhe shpreson të rikthehet te Barcelona. Braziliani s’e ka fshehur kurrë admirimin për ish-klubin dhe vazhdon të ruajë lidhjet me miqësinë me shumë prej ish-shokëve të skuadrës, sidomos me ato të repartit: Leo Messin dhe Luis Suarez.

PSG synon të marrë maksimumin financiar nga largimi i tij, edhe pse po reziston fort. L’Equipe ka treguar një detaj në lidhje me fiksimin e sulmuesit për t’u larguar. Ishte 6 marsi i këtij viti dhe kampionët e Francës ishin një hap larg kualifikimit në çerekfinale.

Ekipi i Tuchel kishte fituar 0-2 në “Old Trafford” kundër Manchester United, por ekipi i Solskjaer i befasoi të gjithë, triumfoi 1-3 në Paris dhe siguroi një kualifikim të pabesueshëm. Ky dështim e trishtoi shumë Neymar, i cili në ato momente të tmerrshme mori vendimin për t’u kthyer përsëri në Katalunjë, dëshirë në të cilën vazhdon të insistojë akoma. /abcnews.al

Neymar-Messi-Suarez.jpg
Igli Nikolli13:59 | 29/12/2019

Neymar ishte i ftuari special i dhjetë vjetorit të martesës së Luis Suarez. Sulmuesi i Barcelonës organizoi një festë në Uruguai dhe ftoi Leo Messin, Jordi Albën, Sergio Busquets dhe Neymar.

Braziliani ka mbetur i lidhur me disa prej ish-shokëve të tij, sidomos me Messin dhe Suarez me të cilët formonte një treshe fantastike në sulm. Mediat spanjolle konfirmojnë faktin që sulmuesi i PSG-së dëshiron ende rikthimin në Katalunjë.

Publikimi i fotos me Messin dhe Suarez në rrjetet sociale, e ka tërbuar presidentin e PSG-së, Nasser Al Khelaifi. Sulmuesi i famshëm nuk po heq dorë nga dëshira për t’u larguar nga kampionët e Francës dhe për të ndodhur diçka e tillë duhen paguar 180 milionë euro. /abcnews.al

Mbappe.jpg
Veronik Istrefaj22:43 | 21/12/2019

PSG ka arritur të fitojë pa asnjë problem sfidën kundër Amiens, me rezultatin 4-1. Mbappe shënoi dy gola, gjithashtu Neymar dhe Icardi arritën të gjenin rrjetën.

Gjithçka shkoi shumë mirë për kampionët e Francës, që shënuan që në minutën e 10-të me anë të talentit Mbappe. 21-vjeçari po bën një sezon të shkëlqyer deri më tani. Pak minuta më vonë, Verratti u dëmtua, u vetmi lajm negativ për Tuchel në këtë sfidë.

Neymar në fillimin e pjesës së dytë dyfishoi për kampionët, ndërsa në të 65-ën, Mbappe do të shënonte sërish. Miqtë shkurtuan me anë të Mendoza në minutën e 70-të, ndërsa Icardi vendosi rezultatin final të sfidës 4-1 në minutën e 84-ët./abcnews.al

Ligue 1

PSG – Amiens  4-1
Mbappe 10′ 65′, Neymar 46′, Icardi 84′

Neymar-3.jpg
Igli Nikolli18:34 | 16/12/2019

Verën e kaluar u përfol shumë për një largim të Neymar nga PSG, por në fund nuk ndodhi asgjë dhe sulmuesi vijon të jetë pjesë e kampionëve të Francës. Braziliani ka dhënë një rrëfim interesant për France Football, aty ku flet edhe për Leo Messin dhe objektivin e madh të karrierës së tij.

SITUATA – “Sot ndihem parisien dhe do të jap 100% për të ndihmuar PSG në fitimin e trofeve. Mendoj se nuk i kam lënduar njeri me atë që ndodhi verën e kaluar, por mendoj se nëse një person nuk është i lumtur në një vend të veçantë, është më mirë që të largohet”.

MESSI – “Lojtar fantastik, më i miri që kam parë duke luajtur futboll. Nuk është çudi që ka fituar 6 herë ‘Topin e Artë’, ka qenë në krye të futbollit për shumë vite. Nevojitet një ‘Top i Artë’ vetëm për të”.

OBJEKTIVAT – “Shpresoj të fitoj Kupën e Botës me Brazilin, kjo është dëshira më e madhe që kam. Do të më pëlqente të fitoja edhe ‘Topin e Artë’, por nuk e kam aspak fiksim, nuk do të ishte problem nëse nuk ndodh”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono