new york times

MEDIA-AMERIKANE-VRASJA-GAZETARIT-1280x691.jpg
G. P.18:15 | 10/10/2018

Media amerikane Neë York Times, duke cituar autoritetet turke, shkruan në një artikull se gazetari Khashoggi është vrarë brenda konsullatës Saudite në Stamboll. Një gjë e tillë mbështetet edhe nga mediat turke, që kanë bërë me dije se 15 agjentë të inteligjencës arabe kanë hyrë në Stamboll ditën e zhdukjes së gazetarit dhe disa orë më pas janë larguar nga vendi.

Gazetari saudit Jamal Khashoggi dyshohet se u vra në konsullatën e vendit të tij në Stamboll “me urdhër të niveleve më të larta të gjykatës mbretërore” të Rijadit.

Kështu shkruan New York Times duke cituar si burim gradat e larta të aparatit të sigurisë së Turqisë, që folën për “një operacion të shpejtë në të cilin Khashoggi u vra brenda dy orëve nga mbërrigtja e tij në konsullatë nga agjentët sauditë, të cilët më pas kanë shpërbërë trupin me një sharrë”.

Sipas një burimi hetimor në Ankara, gazetari është copëtuar si në filmat horror, dhe eshtrat e tij janë nxjerrë dhe fshehur brenda një minifurgoni të zi. Televizioni privat turk, Kanal 24, i afërt me ambientet qeveritare të Ankarasë, ka shfaqur imazhet e fundit të gazetarit saudit ndërsa hynte të martën e kaluar në Konsullatën e Arabisë Saudite në Stamboll dhe ato të një minifurgoni të zi që u largua më pas, duke theksuar se brenda tij gjendej trupi i pajetë i reporterit. Automjeti ka udhëtuar përreth 2 kilometra, duke parkuar më pas në një garazh në rezidencën e Konsullit saudit.

Deri më tani, drejtuesit sauditë, përfshirë princin Mohammed bin Salman, kanë mohuar çdo akuzë, duke këmbëngulur në faktin që Khashoggi është larguar nga konsullata pak pas mbërritjes me 2 Tetor. Nga ana e tij, presidenti turk Rexhpe Tajip Erdogan ka kërkuar prova nga Arabia Saudite që tregojnë këtë version. Këto zhvillime pritet të tensionojnë marrëdhëniet mes Ankarasë dhe Rijadit.

Ndërkohë, mediat turke kanë publikuar një listë me emrat e 15 agjentëve të shërbimeve sekrete saudite që kanë hyrë në Stamboll, të njëjtën ditë me zhdukjen e gazetarit. Këta janë kthyer në Arabi po atë ditë pas disa orëve. Gazeta “Sabah” i përshkruan ata si “ekipi i vdekjes”./abcnews.al

Donald-Trump-e1526640469549.jpg
G. P.23:23 | 03/10/2018

“New York Times” ka hedhur poshtë mitin që rrethon Donald Trump, si një njeri që ka arritur gjithçka me forcat e tij në jetë. Përmes një shkrimi investigativ, gazeta prestigjoze ka bërë të ditur, se para se të niste aktivitetet sipërmarrëse, Trump trashëgoi nga i ati një shumë marramendëse, të cilën ua fshehu institucioneve fiskale.

Presidenti Donald Trump i ka fshehur autoriteteve amerikane një shumë prej 413 milionë dollarë, të trashëguar nga i ati, Fred Trump. Gazeta “New York Times”, që bën të ditur lajmin, ka ekzaminuar dokumentat mbi kalimin e pasurisë nga brezi i parë tek ai i dytë i familjes Trump.

Bëhet fjalë për një dosier që përmban një seri dokumentesh fiskale e që hedh poshtë mitin e Trump si njeriu që arriti gjithçka me forcat e tij. sipas së përditshmes, në vitet ’90 presidenti amerikan mori shumën madhore për të nisur aktivitetin e tij sipërmarrë dhe ua fshehu atë autoriteteve fiskale.

Babai i tij do të transferonte rreth 1 miliard dollarë për tre fëmijët, Marjen, Robert dhe Donald dhe sipas ligjit, kryefamiljari duhej të paguante rreth 550 milionë dollarë në formë taksash. Por nga investigimi i “New York Times” rezulton se familja ka paguar vetëm 52 milionë.

Madje, vijon gazeta, ishte pikërisht Donald Trump ai që krijoi një seri kompanish fantazmë për të fshehur paratë dhe pasurinë. Gjithashtu, presidenti i ardhshëm i Shteteve të Bashkuara zhvlerësoi pasuritë e patundshme të ngritura nga i ati, të cilat shumë shpejt do t’i kalonin atij, për të paguar sa më pak taksa.

Vetë Trump ka reaguar të mërkurën ndaj “New York Times”, duke deklaruar se kjo gazetë e falimentuar ka bërë diçka që nuk është parë e dëgjuar më parë./abcnews.al

MEDIAT-AMERIKANE-KOSOVA-1280x720.jpg
ent ela12:45 | 20/09/2018

“Washington Post” dhe “New York Times”, kanë publikuar opinione dhe analiza lidhur me propozimin për ndryshimin e kufijve mes Kosovës dhe Serbisë. Mediat prestigjoze amerikane theksojnë faktin se kjo është një ide shumë e keqe.

Propozimi për rishikimin e kufijve dhe ndarja e tij në linja etnike mes Kosovës dhe Serbisë, ka ngjallur mjaft interesim tek mediat prestigjoze ndërkombëtare. Pas “Foreign Policy”, edhe “Washington Post” dhe “New York Times” kanë publikuar analizat e tyre lidhur me këtë temë. Shkrimet janë thuajse të përafërta dhe japin një mesazh shumë të fortë dhe të qartë: rishikimi i kufijve është një ide shumë e keqe. “Ajo që Presidenti i Kosovës, Hashim Thaçi i referohet si “Korrigjim kufiri” mund të nxisë nacionalistët në këtë pjesë të Evropës që të kërkojnë ndryshime të ngjashme. Ajo mund të shërbejë si inspirim destruktiv për Kroacinë, Shqipërinë, Bosnjën dhe Maqedoninë, ku lëvizjet nacionaliste dhe disa prej liderëve që dëshirojnë që vendet e tyre të jenë etnikisht homogjene”, shkruan në analizën për “Ëashinton Post” Judy Dempsey.

Medisa prestigjoze amerikane raporton edhe faktin që kancelarja gjermane, Angela Merkel është kundër këtij shkëmbimi territori. Megjithatë nënvizon edhe faktin e çuditshëm që SHBA nuk pajtohet me pikëpamjen e Merkel. Presidenti i Serbisë, Aleksandër Vuçiç ka agjendën e tij pas shkëmbimit territorial. Ai asnjëherë nuk e ka njohur shtetin e pavarur të Kosovës, të cilën e shpalli më 2008.

“Disa vende anëtare të Bashkimit Evropian – veçanërisht Spanja dhe Greqia, që nuk e njohin Kosovën si të pavarur. (Spanja ka frikë implikimet për kërkesat e katalanasve për pavarësi dhe Greqia është përkrahës prej kohësh i Serbisë). Por Vuçiç në anën tjetër synon që vendin e tij ta bëjë pjesë të BE-së. Ai mund ta bëjë këtë vetëm nëse Serbia njeh Kosovën”, thekson “Washington Post”. Dhe prandaj beson se mund ta zbusë situatën me një shkëmbim territorial.

Nga ana tjetër, “New York Times”, shkruan për faktin se propozimi për korrigjimin e kufijve ka ngjallur frikë tek popullsia, si shqiptare ashtu edhe serbe në Kosovë. Prej shumë kohësh analistë të shumtë, por edhe krerë shtetesh kanë paralajmëruar Prishtinën dhe Beogradin se një ndryshim i mundshëm kufijsh do të nxiste rikthimin e luftërave të vjetra në Ballkan. /abcnews.al

NYT-PER-ITALINE-1280x720.jpg
ent ela12:31 | 07/06/2018

Editorialisti i Nju Jork Tajms, Roxher Kohen është treguar shumë i ashpër në shkrimin e tij për qeverinë italiane duke e cilësuar sit ë mjerë dhe të neveritshme. Ai shkon më tej duke krahasuar fitoren e legës dhe Lëvizjes me Pesë Yje, me emërimin si kancelar të Hitlerit në vitin 1933.

Nju jork Tajms nëpërmjet shkrimit të editorialistit Roxher Kohen, është treguar shumë e ashpër ndaj qeverisë së re në Itali të përbërë nga Lega dhe Lëvizja me pesë yje. Një qeveri që është cilësuar e tmerrshme, fanatike dhe e mjerë. Ndër të tjera në shkrim thuhet se partitë që kanë fituar zgjedhjet dhe tashmë janë pjesë e qeverisë – lega ksenofobe dhe lëvizja me pesë yje anti semite – janë fanatike dhe të paafta në një masë shumë të pazakontë. Një grup i mjerë që janë ngritur në valën anti liberale globale. Kohen vijon më tej duke cituar dhe titujt e disa mediave gjermane që mbështesin qëndrimin e tij, dhe pse shton se është dakord me qeveritë që janë serioze në qëllimet e tyre dhe kjo nuk mund të përfshijë premtimet që nuk mbahen dot. Dhe për këtë arsye ai thekson se nuk sheh asgjë nga ajo që propagandohet në internet nga Lega dhe Lëvizja me Pesë Yje që të mos e neverisë.

Problem sipas Kohen është se disa herë demokracitë bëhen lëmsh dhe në fund krijohet një qeveri që nuk i pëlqen askujt. Në fund të editorialit ai bën një krahasim të papranueshëm: E di, Hitler u emërua kancelar në vitin 1933 pas një zgjedhjeje demokratike. Por ky fenomen aktualisht po vë në rrezik të vazhdueshëm drejtësinë dhe median e lirë.  /abcnews.al

 

avokatja-ruse.jpg
G. P.16:34 | 28/04/2018

Në një kohë që kanë përfunduar hetimet përsa i përket çështjes Russiagate, Nju Jork Times konfirmon se avokatja ruse që u takua me djalin e presidentit Trump në Qershor të 2016-s, ka pranuar se është informatore e Prokurorit të Përgjithshëm në Kremlin.

Natalia Veselnitskaia, avokatja ruse, e cila u takua me Donald Trump Junior në kullën Trump në Qershor të 2016-s, me premtimin se kishte material kompromentues kundër Hillary Clinton, është e lidhur me Kremlinin më shumë se sa është përfolur deri tani. Lajmi është publikuar nga prestigjozja Nju Jork Tajms. Ndër të tjera në një intervistë për rrjetin televiziv amerikan NBC, vetë avokatja ruse pranoi se ishte gjithashtu një burim informacioni për një zyrtar të lartë të Kremlinit, prokurorine përgjithshëm: “Jam një avokate dhe një informatore”, u shpreh ajo.

Ndërkohë raporti përfundimtar i Komisioni të Inteligjencës në Dhomën e Deputetëve në Shtetet e Bashkuara të Amerikës, me të cilin përfundon dhe hetimi në Kongresin Amerikan për çështjen Russiagate, pohon se nuk ka asnjë provë që fushata elektorale e Trump është koordinuar në bashkëpunim me qeverinë ruse. Por nga ana tjetër në raport kritikohet shërbimi amerikan i inteligjencës, duke theksuar mangësi domethënëse. Gjithashtu kritikohet dhe fushata elektorale e Klinton dhe Trump ku ka pasur pak aftësi gjykimi dhe veprime të pamatura.

Përfundimet e raportit u bënë objekt kritike dhe nga ana e anëtarëve demokratë të komisionit, të cilët akuzuan republikanët se kanë mbyllur hetimet para kohe duke i drejtuar me objektivin për të mbrojtur presidentin Donald Trump. Raporti është publikuar i plotë në faqen zyrtare të dhomës së deputetëve amerikanë, dhe përfshin gjithashtu rekomandime për përmirësimin e sigurisë informatike dhe mbrojtjen e proceseve elektorale./abcnews.al

17pulitzers-master768.jpg
ent ela23:09 | 16/04/2018

Gazetat që përmes shkrimeve investigative ekspozuan skandalin e regjisorit Harvey Weinstein, por edhe ndërhyrjen ruse në zgjedhjet presidenciale të vitit 2016 janë vlerësuar me çmimin Pulitzer. Kanë qenë “New York Times” dhe “The New Yorker” që kanë marrë çmimin për Shërbimin Publik, për denoncimin e ngacmimeve dhe agresioneve seksuale të manjatit të kinemasë, që zgjasnin prej dekadash.

Gjithashtu, “New York Times”, këtë herë bashkë me “Washington Post” kanë marrë çmimin për Raportimin Kombëtar, për shkrimet mbi ndërhyrjen ruse në procesin elektoral presidencial dhe për lidhjet e hetuesit të posaçëm të “Russiagate”, Robert Mueller me fushatën e presidentit Trump.

Juria ka vlerësuar faktin se dy gazetat kanë publikuar scoop-e për muaj të tërë lidhur me çështjen që ka shoqëruar vitin e parë të presidencës Trump dhe që kanë irrituar tej mase kreun e shtetit.

Ndërkohë, “Washington Post” ka marrë edhe çmimin e Investigimit, për denoncimin e rastit të kandidatit republikan për senator, Roy Moore, që kishte të bënte me ngacmime seksuale në dëm të femrave nën moshën e duhur.

Duke shpallur fituesit, administratorja e eventit Dana Canedy vuri në dukje se historitë e denoncuara tregojnë nevojën për një shtyp të lirë, edhe pse presidenti Trump rregullisht shfryn ndaj pushtetit të katërt me termin e tij të preferuar “fake news”. /abcnews.al

putin-putin.jpg
G. P.15:48 | 19/03/2018

Në një editorial të gjatë të New York Times, Vladimir Putin konsiderohet si një president kriminel, i cili po fiton gjithnjë e më shumë mbështetje dhe terren. Dhe si për ta konfirmuar këtë lideri i Kremlinit deklaron se do të jetë në pushtet deri 100 vjeç.

Vladimir Putin u rizgjodh në një mandat të katërt presidencial në votimin e së dielës në Rusi. Pyetja që lind tashmë është: çfarë zgjedhjesh të tjera mund të fitojë Putin në vitet e ardhshme?

Në një editorial të gjatë të New York Times, dedikuar Putin dhe të ngjashmëve të tij në Europë shkruhet se fituesit e mëdhenj të zgjedhjeve të Italisë këtë muaj, Lega Nord kundër Imigrantëve dhe Lëvizja Popullore Pesë Yjet, janë shumë simpatikë ndaj Putinit.

Kancelari i ri i Austrisë, Sebastian Kurz, qeveris në koalicion me Partinë e Lirisë së ekstremit të djathtë, e cila në vitin 2016 nënshkroi një kontratë me partinë politike, një kukull e Putinit, Rusinë e Bashkuar, për të “shkëmbyer përvojat” dhe “për të dërguar delegacione në vendet përkatëse”.

Në Shtator të një viti më parë në Gjermani, Partia e Majtë të ekstremit të majtë dhe Alternativa e Djathtë rritën elektoratin e tyre, ku sundojnë votuesit pro-Putin.

Por lista është më e gjatë: Alexis Tsipras në Greqi është në pushtet që nga viti 2015. Qeveria e krahut të djathtë të Rusisë, Viktor Orban, në Hungari, është në pushtet që nga viti 2010. Marine Le Pen u rizgjodh lidere e Frontit Kombëtar në Francë. Dhe Donald Trump fitoi zgjedhjet presidenciale amerikane në 2016-n.

Një fitore për Putin mund të konsiderohet dhe Brexit, ose fakti që vetë lideri i Kremlinit falenderoi kryeministren britaike, të cilën e konsideroi një nga arsyet për pjesëmarrjen e madhe në votimin e së dielës. Kjo referuar polemikave për helmimin e ish spiunit rus në Britaninë e Madhe, për të cilin Moska akuzon Londrën.

Euro-Putinizmi, si cilësohet dhe në editorialin e New York Times, lulëzon sepse Putin i kushton vëmendje dobësive brenda BE-së për të trajtuar në mënyrë efektive pasojat.

I krahasuar me liderët europianë të dekadës së fundit si David Cameron, Matteo Renzi, Nicolas Sarkozy, Jean-Claude Juncker, madje dhe Angela Merkel; sa prej tyre do të kujtohen për 20 vitet e ardhshme?

Vladimir Putin është një president kriminel që paraqet një rrezik të qartë dhe të pranishëm për shoqërinë demokratike përfundon editoriali.

Por askush nuk mund ta akuzojë se është i pakujdesshëm ose i paqëndrueshëm, apo i gatshëm për të goditur i pari. Për sa kohë që ai lejohet të hidhet në sulm gjithsesi, ai do të vazhdojë të fitojë admirues të rinj dhe zgjedhje të ardhshme, e jo vetëm të tijën./abcnews.al

vlcsnap-error750-2-1280x720.jpg
ent ela15:23 | 24/02/2018

Gazeta e njohur amerikane New York Times i ka kushtuar një shkrim shkrimtarit Ismail Kadare. Kritikja e letërsisë Cynthia Haven ngre pikëpyetje se pse shkrimtari i njohur shqiptar nuk shpallet fitues i çmimit Nobel për letërsinë.

“Lexuesit e Ismail Kadaresë habiten çdo vit kur komiteti i çmimeve të Nobelit shpallin fituesin. Shkrimtari më i madh shqiptar fitues i çmimit Man Booker International, Çmimit të Jeruzalemit dhe shumë çmimeve e nderimeve të tjera tashmë është 82 vjeç.

Kështu e nis shkrimin e saj në gazetën amerikane Neë York Times kritikja e letërsisë Cynthia Haven. “Vajza në ekzil” dhe “E penguara” janë dy romanët që ajo I ka kushtuar një analizë të detajuar në prestigjozen amerikane. Romani “Vajza në ekzil” botuar në shqip në vitin 2009 mund të rindezë shpresat për një vlerësim tjetër-shkruan autorja.

“E penguara” është një roman ku flitet për nostalgjinë e Tiranës. “Kafe Flora”, kryqëzimet e rrugëve rreth sheshit Skënderbe”, kopshtet e Akademisë, në ish-pallatin mbretëror, gjethet e rëna parkun përballë hotel “Dajtit”. Sipas autores kjo vepër merr përmasa të gjera dramatike në brendinë e vet, si një strukturë që ngrihet mbi vetë zhanrin e dramës artistike dhe mbi vetë dramën reale që zhvillohet para syve të njeriut gjatë regjimit totalitar.

Kritikja Haven vlerëson se gjuha shqipe është bërë ndërkombëtare përmes librave të Kadaresë. /abcnews.al

vlcsnap-error620-1-1280x720.jpg
G. P.20:45 | 23/02/2018

Një ish-këshilltar elektoral i presidentit amerikan ka bërë një lëvizje që mund t’i hapë telashe ish-shefit të tij. Rick Gates ka pranuar në gjykatë se ka gënjyer hetuesit për ndërhyrjen ruse në zgjedhjet presidenciale.

Rick Gates, ish-këshilltar i Donald Trump gjatë fushatës elektorale, është deklaruar fajtor në gjykatë për një sërë akuzash, më e rënda prej të cilave ajo e komplotit në dëm të Shteteve të Bashkuara. Në seancën e mbajtur këtë të premte, Gates ka pranuar edhe se ka gënjyer hetuesit që kanë në dorë çështjen e njohur si “Russiagate”. Gates, ish-numri dy i stafit elektoral të Trump, po hetohet nga zyra e prokurorit të posaçëm Robert Mueller për ndërhyrjen ruse në procesin zgjedhor të vitit 2016.

Ai po përballej me një dënim disa-dhjetëra-vjeçar edhe për një sërë akuzash të tjera të rënda, mes të cilave “mashtrim bankar” dhe “komplot për pastrimin e parave”. Por, duke qenë se u vetëdeklarua fajtor, dënimi i tij reduktohet në rreth 6 vjet burg. Pranimi i fajit nga Gates mund të rrisë presionin ndaj bashkëpunëtorit të dikurshëm të tij, Paul Manafort, menaxher për 5 muaj i fushatës së Trump, që të bëjë një marrëveshje të ngjashme me hetuesit. Sidoqoftë, pas veprimit të Gates në gjykatë, Manafort ka reaguar duke theksuar se i qëndron pafajësisë së tij. /abcnews.al

vlcsnap-error613-1-1280x720.jpg
G. P.18:33 | 13/02/2018

“New York Times” ka kritikuar buxhetin 4.4 trilionë dollarësh të prezantuar një ditë më parë nga presidenti Trump. Sipas gazetës prestigjoze, buxheti në fjalë do të japë ato efekte negative për të cilat republikanët kritikonin presidentin Barak Obama kur ishin në opozitë.

Një vit nga marrja e pushtetit, presidenti amerikan, Donald Trump dhe republikanët në Kongres kanë menaxhuar shpenzimet federale, kanë aprovuar uljen e taksave që rrjedhimisht fryn deficitin dhe kanë shkaktuar një rritje të pasigurisë në ekonomi.

Administrata amerikane ende flet për rëndësinë e disiplinës fiskale, por i duhet ende punë për ta forcuar atë. Në një shkrim analitik, “New York Times” thotë se buxheti prej 4.4 trilionë dollarësh i prezantuar të hënën nga Trump parashikon shpenzime 10 herë më të mëdha se çdo buxhet i ofruar nga parardhësi Barack Obama, të cilin republikanët e fajësuan se po frynte përmasat e financave federale dhe po dëmtonte ekonominë.

Dhe tani, shkruan “NYT”, buxheti i Trump nuk synon të arrijë balancën mes shpenzimeve dhe deficitit, pavarësisht parashikimeve optimiste të Shtëpisë së Bardhë për rritjen ekonomike, që sipas analistëve shkojnë përtej së mundurës. Në vend të kësaj, deficiti do të rritet 7 trilionë në dekadën e ardhshme, pasi Shtetet e Bashkuara do të vazhdojnë të marrin hua shuma të mëdha parash.

Dhe sipas gazetës prestigjoze, bëhet fjalë për një shifër që mund të dyfishohet nëse administrata vazhdon të mbivlerësojë rritjen ekonomike dhe nëse shkurtimet prej 3 trilionë dollarë të shpenzimeve, për të cilat Shtëpia e Bardhë ka rrahur gjoksin, nuk materializohen në Kongres. Dhe në fakt, shkurtimi prej 3 trilionësh duket se nuk është një prioritet për presidentin dhe liderët republikanë, nënvizon “New York Times”. Vërtet që Trump ka folur për të dhe ambiciet e tij për reformën e mirëqënies, por, shton “New York Times”, duket se nuk ka ushtruar mjaftueshëm presion ndaj Kongresit për ta vënë planin e tij në zbatim./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono