neritan ceka

ceka.jpg
nev ila18:04 | 15/11/2019

Specialistët e cilësojnë planin e menaxhimit të Butrintit pa risi të mëdha nga plani i 20 viteve më parë, si dhe të pa zbatueshëm bë  terren. Arkeologu  Neritan  Ceka thotë se ka edhe gabime shkencore, pasi janë përjashtuar të gjithë arkeologët shqiptar.

Seanca e parë e diskutimit me specialistët e planit të menaxhimit të Butrintit u shoqërua me debate të forta. Ajo u zhvillua pa pranin e kamerave.  Arkeologu Neritan Ceka  nënvizon faktin se konceptimi i Butrintit si qytet grek dhe romak është gabim shkencorë i cili ka ardhur për shkak të politikës përjashtuese të specialistëve vendas sipas Cekës.

Ish -drejtori i parkut kombëtar tw Butrintit, Auron Tare i cili është pro planeve menaxhuese, për çdo sit arkeologjik   ky plan, sipas tij nuk përben risi krahasuar me atë të  krijuar prej tij 20 viteve më parë.

Ndërsa Ceka e cilëson të pazbatueshëm.

Menaxhimi i Butrintit nga fondacionet për Auron Taren është mënyra e duhur, por jo i mbikëqyr apo i drejtuar nga Ministria e Kulturës si në këtë rast , gjë që ky koncept  thekson Tare është kundërshtuar edhe nga ICOMOS.

Pas kësaj tryeze pritet që të zhvillohen edhe takime të tjera me grupet e interesit,  më pas plani i menaxhimit  do të kalojë në Kuvend për të marrë ose jo miratimin./abcnews.al

ceka-1280x716.jpg
ad min20:30 | 18/06/2019

Politikani Neritan Ceka i ftuar në “Provokacija” ka komentuar përgjimet e fundit të publikuara nga “Bild” ku në njërin prej tyre del edhe Kryeministri Rama duke folur në telefon me Arben Keshin, teksa e pyet për rezultate zgjedhoret të vitit 2017.

Ceka tha se Rama shkoi në Peshkopi me një bandë për të fituar zgjedhjet. Sipas tij ai nuk kishte pse ta bënte këtë sepse nuk ishte në opozitë. Më tej duke folur për raportet e tij me Kryeministrin, Ceka tregon se si i ka shpëtuar 230 mln lekë, ku sipas tij do ia rrëmbente një ministre, të cilën Rama e ka shkarkuar nga detyra.

“A është e barabartë pas 30 viteve Shqipëria me Evropën? Mund ta themi që është një vend evropian? Po me këtë Shqipëri do ti hapim negociata? Kur ministri i Kryeministrit shkon në Peshkopi një bandë. Mirë po ti je në pushtët, do ta kuptoja po të ishe në opozitë nga e keqja, megjithëse nuk pranohet. E mira është që të mos mbledhin rrugaçë, por ata që janë gati të vdesin për liri, jo për para. Ai shkon me një bandë. Po ky e bëri shtetin? A tha që do të bëjmë shtet? A tha që do vijmë të bëjmë shtet kur erdhi në pushtet? A ja dhënë votat? Unë nuk i kam dhënë votë këtij sepse e njoh se kush është. E kam njohur shumë kohë më parë. Nuk ka rëndësi që t’i bëj biografinë dhe kam disa raporte mirë- keq. E kam ndihmuar para ca kohësh. Kam raporte shkrij-ngrij, e mban mënd atë lojën. Nuk ka qenë gjithmonë ky që është sot, por edhe tani nuk është gjithmonë i njëjti. Unë kam pasur një raport ngrij-shkrij dhe tani jam ngrij sepse kam dalë nga filxhani i nxehtë i Monikës, më ka ngrirë. Por para ca kohë i kam shpëtuar 230 mijë dollarë, 230 mln lekë, që donte t’ia rrëmbente njëra nga ato biondet ministre që ky e hoqi pastaj. Ia shpëtova sepse kishte për t’ia përlarë. Si shpërblim më dërgoi një shishe me verë. Nuk e kam më dhe as shishen nuk e ruajta si kujtim. Por ishte verë e mirë për të thënë të vërtetën në atë kohë ishin në periudhën e “shkrirjes” dhe i kam dhënë edhe disa këshilla. Edhe në këtë rast këshilla ime është që nëse do të bësh shtet dhe ke shansin e fundit që ta ka dhënë Presidenti që ti e konsideron armik dhe në këtë rast është miku jot dhe të thotë ulu dhe bëj projektin e  një shteti të mirëfilltë, ku votat nuk do t’i numërojmë më anëtarët e partive ku duhet t’i numëroj qytetarët. Kjo është një nga arsyet e degjenerim dhe fushatat elektorale nuk do të transmetohen më në televizion, por vetëm debatet si në të gjitha vendet e qytetëruara”./abcnews.al

neritan-ceka.jpg
ad min17:00 | 24/02/2019

Arkeologu i njohur Neritan Ceka shpreh shqetësimin se Shqipëria nuk i jep rëndësinë e duhur arkeologjisë nënujore. Ai thotë se projekti për muzeun arkeologjik nënujor në Porto Palermo është hartuar prej 10 vitesh, por ende nuk ka asnjë përgjigje nga Instituti i Monumenteve të Kulturës.

Arkeologu dhe studiuesi i njohur Neritan Ceka thotë se Shqipëria është një nga vendet e fundit në Mesdhe, që nuk i jep rëndësinë e duhur pasurive të mëdha nënujore që posedon. Prej afro një dekade zhvillohen dy ekspedita nënujore.

“Një që është përnjohëse dhe që zhvillohet në Kepin e Rodonit dhe në liqenin e Ohrit duke identifikuar qendra arkeologjike nënujore dhe relikte, anije të mbytura. Dhe një ekspeditë shumë e njohur që kalon 10-vjeçarin dhe ka filluar identifikimin e relikteve nënujore që nga kufiri me Greqinë dhe ka ardhur deri në ishullin e Sazanit. Janë zbuluar mbi 20 anije antike me pasuri arkeologjike, kryesisht amfora që tregojnë për lëvizjen e transportit, të cilat jemi detyruar t’i lemë nën ujë dhe së dyti mos t’i publikojmë sepse rrezikohen nga banditizmi, nga pirateria, e cila vazhdon dhe ushtrohet”, tha Ceka.

Projekti për muzeun arkeologjik është gati dhe është dorëzuar në Institutin e Monumenteve Kulturore, por prej disa vitesh nuk ka asnjë pëgjigje. Ai fle në sirtaret e këtij institucioni sipas Cekës.

“Ka një indiferencë të plotë të qeverive, qoftë atyre që kanë ikur, qoftë atyre që janë dhe kam frikë dhe atyre që do vijnë. Është bërë një propozim për krijimin e një Muzeu të Arkeologjisë Nënujore në Porto Palermo, një kështjellë, e cila mund të kthehet në një muze që të tërheqë mijëra turistë, por edhe ku mund të instalojmë një laborator për përpunimin e materialit arkeologjik sepse projekti është gati. Është dorëzuar në Institutin e Monumenteve nga arkitektët e rinj të asaj kohe. Shpresoj mos ta kenë zhdukur si projekt në Institutin e Monumenteve. I është paraqitur qeverisë që ishte më përpara. Në parim u miratua. Kryeministri Berisha në atë kohë dha një miratim sepse ishte puna kujt do i jepej kështjella. Të jeni të sigurt se për atë kështjellë ka 200 kërkesa për ta bërë bar, restorant, për ta bërë hotel, por besoj që atë kohë pati një bonsense për ta dhënë për arkeologjinë. Kronologjia e qeverive është shumë më e shkurtër se jeta e njerëzve edhe mbeti në pritje dhe ka vite që ia kam propozuar direkt kryeministrit Rama dhe natyrisht përgjigja nuk ka ardhur”, tha arkeologu.

Shqetësim kryesor mbetet edhe laboratori i specializuar për konservimin e objekteve.

“Kemi një minilaborator të tillë sepse kërkon një përpunim me ujë disa muaj në mënyrë që eleminohet kripa që rrezikon shpërthimin e qeramikës në këtë rast apo për metalet, është në Durrës ku kemi edhe specialistin përkatës. Por një laborator na është propozuar që mund ta vendosim në Porto Palermo tek ato instalimet që janë afër kështjellës dhe nuk ka asnjë përgjigje”, tha ai.

Potenciali arkeologjik i përket periudhës antike dhe mesjetare.

“Kemi një nga potencialet më të rëndësishme të Adriatikut. Nëse duam të bëjmë një Muze të Aerkeologjisë Nënujore nuk është se do kufizohemi vetëm tek amforat dhe materialet antike, por do ta çojmë edhe më përpara për të dhënë një pamje të zhvillimit të lundrimit në brigjet tona në mënyrë retrospektive”, tha Ceka.

Sipas specialistit të arkeologjisë, Shqipëria ka potencialet më të rëndësishme të Adriatikut. Bregu jonë ka qenë bregu i lëvizjeve në kohën antike. Një pjesë e mirë e anijeve kalonin nga Greqia, vinin deri në Otranto edhe pastaj kalonin. Prandaj në këtë internerar kemi një numër pafund anijesh, që vijnë deri në Luftën e Parë Botërore./abcnews.al

NERITAN-CEKA-PJESA-1280x720.jpg
ent ela20:27 | 22/02/2019

“Mallkim dhe iu thaftë dora atij që shet dhe blen votën”. Kështu është shprehur në studion e Provokacijas Neritan Ceka, i cili shton se çdo popull ka qeverinë që meriton.

“Çdo popull ka qeverinë që meriton. Ne kemi qenë bashkë në lëvizjen e dhjetorit ku vumë në rrezik jetën, familjen, karrierën dhe jetuam për një popull që shet votën, por mallkim dhe iu thaftë dora atij që shet dhe blen votën, janë pjesë e një populli që nuk meriton demokraci. O është mallkim nga Zoti o nuk na i ka fajin njeri. Të huajt e shohin këtë si një mëkat gjenetik të shqiptarëve”. /abcnews.al

neritan-ceka.jpg
ad min22:16 | 28/12/2018

Pedagogu i njohur, Neritan Ceka, ishte i ftuar në “Provokacija” ku bëri një paralele mes lëvizjes së Dhjetorit të vitit ’90 dhe asaj të këtij viti. Sipas tij, ngjajnë me njëra tjetrën, por kanë një diferencë të rëndësishme.

“Edhe lëvizja e tanishme i ngjan asaj të Dhjetorit, pikërisht sespe ka një background dhe ka një subkoshiencë të thellë politike. Ka një diferencë të madhe për mua sepse e para ishte kundër sistemit, e dyta është kundër establishmentit. Kjo është një diferencë që nuk duket në pamjen e parë, por është shumë e rëndësishme”.

Sipas Cekës, studentët kanë në subkoshiencë rrëzimin e establishmentit, por kjo kërkon krijimin e një partie politike.

“Absolutisht që e kanë, në subkoshiencë. Nuk e formulojnë si pikë sepse do ishte shumë e vështirë sepse kjo do ishte e një partie politike, kërkon struktura, kërkon program, kërkon miratime dhe të gjitha me radhë. Besoj që është një lëvizje civilizuese. Një lëvizje e bijve kundër etërve. Shkëndija që shkëputet nga vatra ku nuk ndodh asgjë, atje ku tunden flamujt e një melankolie siç thotë Migjeni, të trishtuar ku nuk ndodh asgjë sepse është vetëm ai plaku që rri në atë krye të vatrës dhe jep urdhrat”.

Megjithatë kjo lëvizje e ka bërë Shqipërinë një komb.

“Nuk është aq kollaj të krijosh një shtet, por ne me këtë lëvizje unë mendoj se jemi bërë një komb. Nuk ishim komb. Një komb është ai komb është zviceriani që e nxjerr atë shigjetën, por mban edhe shigjetë rezervë”./abcnews.al

PROVOKACIJA-12.06.2018.mpg_snapshot_00.01.30-1280x720.jpg
ent ela08:50 | 13/06/2018

Në episodin e radhës të emisionit “Provokacija” nga Mustafa Nano në ABC News kanë qenë të ftuar:

1.Fatmir Mediu, politikan, i cili komentoi lajmin për një qendër rehabilitimi për ushtarët e ISIS, si edhe për lajmin ndërtimit të një kampi refugjatësh në Shqipëri. Sipas ish-ministrit të Mbrojtjes duhet të ketë më shumë transparencë kur bëhet fjalë për lajmë të tilla.

2.Neritan Ceka, arkeolog,  foli për problemet arkeologjike dhe kërkimet shkencore në Shqipëri. Ai e quajti të paprecedentë dhënien e Butrintit, që është pasuri e UNESCO-s një kompanie që nuk dihet se çfarë është. Sipas tij kjo është një qeveri klienteliste.

3.Primo Shllaku, studiues, përkthyes, shkrimtar. Ai ka folur për origjinën ilire shqiptare dhe kryqëzimin e rracave.

4.Gjergj Leka, kantautor. Foli për shpërthimin e genit shqiptar në fushën e muzikës si Rita Ora, Dua Lipa, Era Istrefi dhe Ermal Meta që janë afirmuar ndërkombëtarisht. /abcnews.al

vlcsnap-error095-1-1280x720.jpg
ad min12:11 | 28/02/2018

Të ftuar në episodin e tretë të “Provokacija” ishin:

1. Neritan Ceka. Ai foli rreth lëvizjes së studentëve në Shqipëri, sipas të cilit ishte një nga gjërat më të çuditshme që ka ndodhur. Nëse do të ishte opër intelektualët, situata nuk do të ndryshonte është shprehur ish-anëtari i kryesisë së PD.
2. Gjergj Bojxhiu, i cili foli rreth deklaratave të Erion Veliajt në emisionin “Opinion”. Sipas Bojaxhiut, Veliaj nuk përballet dot me faktin se çfarë i ka bërë Tiranës.
3. Kristaq Gerveni që foli për disa nga pikat kryesore që janë diskutuar për marrëveshjen e 2009-s.
4. Elvin Luku, i cili ishte në “Provokacija” për të folur rreth një shkrimi që kishte bërë kundër Edi Ramës gjatë prezencës së tij në emisionin e Mustafa Nanos./abcnews.al

vlcsnap-error310-3-1280x720.jpg
ad min20:32 | 27/02/2018

I pyetur rreth largimit nga Shqipëria që po bëjnë shqiptarët vitet e fundit, Neritan Ceka, nga emisioni “Provokacija” është shprehur se nuk është hera e parë që ndodh.
Sipas tij, Shqipëria nuk është vendi ku lulëzojnë shqiptarët.

“Nuk është hera e parë dhe Shqipëri nuk është vendi ku lulëzojnë shqiptarët ç’është e vërteta. Gjithë Shqiptarët e mëdhenj janë bërë jashtë Shqipërisë. Konica për shembull. Po të kishte mbetur në Shqipëri do kishte mbetur ndonjë mësues katundi”, u shpreh Ceka./abcnews.al

vlcsnap-error808-1280x720.jpg
ad min20:23 | 27/02/2018

I ftuar në “Provokacija” në ABC News, Neritan Ceka, ish-anëtar i kryesisë së Partisë Demokratike, ka folur rreth lëvizjes së studentëve që çoi dhe në rrëzimin e sistemit socialist.

Sipas Cekës, ngritja e Studentëve ka qëenë një nga cuditë e kohës dhe nëse do të ishte në dorën e intelektualëve, ajo nuk kishte për të ndodhur kurrë.

Neritan Ceka: “Ngritja e studentëve ka qenë një nga çuditë që ka ndodhur. Unë kurrë nuk e kam besuar. Të ishte për ne intelektualët s’kishte për të ndodhur kurrë”.

Mustafa Nano: “Ka pasur më shumë fibër intelektualësh atë kohë apo sot”?

Neritan Ceka: “Ka pasur shumë më tepër fibër intelektuale në atë kohë, por ka pasur ca intelektualë që nuk komunikonin me njëri-tjetrin, ose komunikonin në shtresa shumë të holla”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono