nenstacioni elektrik

nenstacioni-1280x657.jpg
ent ela13:24 | 13/02/2019

Kryeministri Edi Rama, i shoqëruar nga Ministrja e Infrastrukturës dhe Energjisë, Belinda Balluku ishin në Zejmen në Lezhë, ku ka përfunduar investimi në linjën e transmetimit të energjisë për një zonë kritike, ku s’ishte vënë dorë qysh prej vitit 1971.

Mungesa e energjisë elektrike në Lezhë është e zakonshme për banorët e këtij qarku. Shkak është rrjeti tejet i amortizuar. Zgjidhja banorëve të këtij qarku ju ofrohet në prag zgjedhjesh.

Kështu ndodhi në shkurt të vitit 2017 kur qeveria bëri publike investimin prej 1, 9 milionë dollarësh për rikonstruksionin e nënstacionit elektrik. Në pranverën e po atij viti u premtua se do të niste investimi një milion euro për të rritur sigurinë e linjave në Zejmen, ku rrjeti është i amortizuar në masën 70 %.

Në këtë zonë  në shkurtin e dy viteve më pas, afro 4 muaj para zgjedhjeve vendore kryeministri Edi Rama njofton përfundimin e këtij investimi në linjën e transmetimit të energjisë për një zonë kritike, ku s’ishte vënë dorë qysh prej vitit 1971- njofton ai vetë.

Balluku: “Faza e parë e investimit që OSHEE ka ndërmarrë në zonën e Zejmenit ku preken 12 000 banorë në 6 fshatra ka rritur shifrën 85 milionë”.

Rama: “Jo vetëm këtu, por në shumë zona, investimet e fundit janë bërë në fazën e elektrifikimit dhe faktikisht sistemi është sistemi i kohës së elektrifikimit, prandaj edhe një erë të fryjë, borë po e po, këputen linjat dhe duhet filluar nga e para”.

Me përfundimin e fazës së parë pritet të nisë faza e dytë për këtë zonë, e cila parashikohet të ketë një vlerë investimi rreth 60 milionë lekë të reja.

Balluku: “Faza dytë brenda muajit mars, sepse planifikojmë që të gjitha rikonstruksionet të mbarohen para fillimit të sezonit të verës”.

Impakti i këtyre investimeve prek direkt edhe turizmin, duke qenë se plazhet e Shëngjinit dhe të Tales frekuentohen nga pushues vendas e të huaj. /abcnews.al

ZJARR-NE-FIER-1280x720.jpg
ent ela15:10 | 04/10/2018

Një sipërfaqe me shkurre pranë nënstacionit elektrik në fshatin Jagodinë të Fierit, ka marrë flakë paraditen e së enjtes. Nga zjarri që mendohet të jetë ndezur nga banorë të zonës janë djegur kabllot e nënstacionit çka ka çuar në ndërprerjen e energjisë në zonën e Levanit. Zjarrfikëset ndërhynë me shpejtësi duke mos lejuar dëmtimin e mëtejshëm të nënstacionit. Specialistët e OSHEE-së kanë nisur punën për riparimin e dëmeve, ndërsa po punohet për zbardhjen e rrethanave të ngjarjes. /abcnews.al

nenstacioni-elektrik.jpg
G. P.12:43 | 03/06/2018

Minsitri Damian Gjiknuri ishte në bashkinë Himarë, ku ka vëzhguar nga afër përfundimin e investimit, pjesë e bashkëpunimit shqiptaro – gjerman, të kryera nga Operatori i Sistemit të Transmetimit për ndërtimin e nënstacionit të ri elektrik që pritet të jetë edhe garant i një sezoni turistik pa probleme.

Ministri i Energjisë dhe Infrastrukturës, Damian Gjiknuri, ka inspektuar nga afër punimet për ndërtimin e nënstacionit të ri elektrik nga operatori i Sistemit të Transmetimit të cilin e quan një nga investimet më serioze të viteve të fundit, i cili do i prijë zhvillimeve turistike të zonës bregdetare.

Damian Gjiknuri: “Ndryshimi këtu është thelbësor, pasi mjafton që qytetarët të kujtojnë disa vite para, furnizimi me energji në këtë zonë ka qenë problematik. Këto probleme nuk ekzistojnë më, por ne po i paraprijmë zhvillimeve të pritshme turistike për gjithë zonën e bregut”.

Financimi ka nisur me ndërtimin e Unazës së Jugut 110 kv. Faza e fundit ishin dy nënstacionet, ai i Orikumit dhe Himarës me vlerën 6.3 milionë euro, i cili pritet të garantojë furnizimin për të gjithë zonën./abcnews.al

vlcsnap-error170-1280x720.jpg
us er13:09 | 14/01/2018

Ministri i Infrastrukturës dhe Energjisë, Damian Gjiknuri, ishte në nënstacionin elektrik të Lezhës ku u njoh nga afër me investimet e kryera nga Operatori i Shpërndarjes në këtë zonë. Ai garantoi se investimet do të vazhdojnë edhe gjatë këtij viti, me fokus e përparësi zonën turistike.

Operatori i Shpërndarjes së Energjisë Elektrike do ti nënshtrohet risturkturimit.
Ministri i Infrastruktures dhe Energjisë, Damian Gjiknuri, e paralajmëroi nga Lezha ku u njoh me investimet e kryera në nënstacionin elektrik.

“Vetë kompania do ti nënshtrohet një ristrukturimi me ndarje të mëtejshme brenda saj. Kemi një vit ku fillon të japë frytet plani i rimëkëmbjes përfshirë dhe shlyerja e shumë borxheve dhe gropave të vjetra financiare të krijuara në sektor gjatë viteve të krizës. Mjafton fakti që energjia elektrike nuk është më në vëmendje të krizave siç ka qenë deri në vitin 2013. Ky është tregues se çfarë hapash gjigand janë bërë në këtë sektor krahasuar me ku e nisëm dhe atë ku jemi tani. Kuptohet ka ende shumë punë për të bërë. Investimet nuk do të mungojnë por duhet një menaxhim edhe më i mirë nga personeli këtu sidomos për të luftuar ilegalitetin”.

Investimet këtë vit, sipas ministrit Gjiknuri, do të përqëndrohen kryesisht në zonat turistike.

“Testet që kaluam me përmbytjet dhe me reshjet e muajve të fundit, treguan se gjithçka performoi shumë mirë edhe për shkak të investimeve që ne bëmë në hidrovore gjatë vitit 2016”.

Në Bashkinë e Lezhës në rrjetin elektroenergjetik vitin e shkuar u investuan rreth 5 milionë dollar, deklaroi ministri i Energjisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono