nena

mother-38-children-1280x853.jpg
nev ila18:10 | 30/04/2019

Është 39 vjeç dhe ka 38 fëmijë. Nëna nga Uganda për shkak të disa veçantive në organizmin e saj, çdo herë ka lindur më shumë se një fëmijë.

Gruaja me më shumë fëmijë në botë, jeton në Ugandë. Mariam Nabatanzi është 39 vjeç dhe ka 38 fëmijë. Gruaja ka sjellë në jetë fëmijën e saj të parë në moshën 13 vjeçare.

Për shkak të disa veçantive në organizmin e saj, ajo ka lindur çdo herë më shumë se një fëmijë: 5 herë ka lindur dy binjakë, 4 herë trinjakë, dhe 5 herë katërnjakë.

Tre vjet më barë bashkëshorti i saj e braktisi, dhe ajo tashmë kujdeset e vetme për të gjithë fëmijët e saj. Për tu ushqyer ajo bën disa punë: parukieren; distilon alkool dhe shet bimë mjekësore./ABC News Albania 24/7

SHKOLLA-1280x719.jpg
Sej rie17:20 | 30/04/2019

Një mësuese e klasave parashkollore në shkollën fillore “7 Marsi” në Prishtinë është goditur me thikë nga nëna e një nxënësi. Gjendja e saj është e qëndrueshme, por ngjarja ka ngjallur pasiguri të nxënësit dhe prindërit e fëmijëve të kësaj shkolle.

Një nënë 38 vjeçare dyshohet se e ka goditur me thikë një mësuese në shkollën fillore “7 Marsi”  në Prishtinë.

E dyshuara menjëherë është arrestuar nga policia, ndërsa mësuesja është dërguar për trajtim në Qendrën Klinike Universitare të Kosovës.

Megjithatë ngjarja ka shqetësuar nxënësit e kësaj shkolle.

Të shqetësuar  janë edhe prindërit, ndërsa kanë vetëm fjalë të mira për mësuesen e plagosur.

Për këtë rast ka reaguar edhe kryetari i komunës së Prishtinës, Shpend Ahmeti, i cili i uroi shërim mësueses që me dekada punon në Komunën e Prishtinës./ ABC News Albania 24/7

refugiee_floutee-4157704.jpg
ent ela18:21 | 28/03/2019

Shqiptarja Kamela Imeri ka iku nga Shqipëria në Francë në Qershor të vitit 2017 bashkë me burrin e saj. Ajo ishte larguar nga Shqipëria ku, sipas saj, ka një klimë homofobike, pasi ajo ishte anëtarësuar në lëvizjen LGBTI. Kamela Imeri pretendon të ketë qenë viktimë e diskriminimit, ngacmimeve dhe madje kërcënimeve me vdekje.

Në vitin 2016, ajo ishte vetëm 18-vjeçe kur filloi studimet në Universitetin Bujqësor të Tiranës. Çdo gjë dukej se po shkonte mirë deri ditën kur ajo takoi shtetasen Xh.K. Të dy vajzat u bëjnë mikesha dhe Kamela e ftoi shtetasen me inicialet XH.K që të rrinin në të njëjtën shtëpi. Shtetësja Xh.K, ish-shoqja e dhomës së saj, është një figurë emblematike shqiptare e lëvizjes LGBT. Ajo i kishte treguar asaj për jetën e vështirë të homoseksualëve në Shqipëri.

E prekur nga rrëfimi i saj, Kamela Imeri u bashkua me Shoqatën Shqiptare LGBT për të ndihmuar dhe mbështetur çështjen e homoseksualëve në Shqipëri. Ajo merrte pjesë rregullisht në ngjarje dhe shpërndante broshura, raporton media franxeze france3-regions.francetvinfo.fr. 

“Njerëzit janë pak të mbyllur, ata nuk e kuptojnë se çfarë do të thotë homoseksual dhe lezbike. Ata vetëm thonë jo, ata nuk e pranojnë ndryshimin”, tha Kamela Imeri.

Pastaj, në universitet, në rrugë, mes miqve të saj, ajo kurrë nuk ishte mirëkuptuar. “Njerëzit mendonin se isha lezbike dhe më bënin të ndihesha”, tha ajo. 

Kamela është ngacmuar dhe diskriminuar, madje edhe nga disa mësues. Por kohë më vonë ajo ishte takuar me Kreshnikun, bashkëshortin e saj të ardhshëm. Ai vjen nga një fshat ku traditat kanë mbetur shumë të forta.

“Atje, fjala e nënës është më e fortë se çdo gjë, më e fortë se ligji”, tha më tej Kamela. Babai i Kreshnikut nuk pranon marrëdhënien e djalit të tij me Kamelën.

“Ka një traditë në Shqipëri që nëse doni të bëni diçka që babai nuk dëshiron, ju nuk mund ta bëni këtë”, tha Kamela Imeri.

Dhe babai i bashkëshorti të saj kishte kërkuar që marrëdhënia mes tyre të mos vijonte pasi po çnderohej nderi i familjes.

Kur, më vonë, në vitin 2017, Kamela mbeti shtatzënë, ai i kishte kërcënuar djalin e tij: “Duhet ta heqësh atë fëmijën. Nëse dëshiron të mbetesh biri im, duhet të bësh atë që them unë”. Por Kreshnik kishte duke vazhduar të mbështesë gruan e tij. Por sipas Kamelës prindërit e kishin kërcënuar Kreshnikun deri në vdekje.

Në Qershor të vitit 2017, çifti lë Shqipërinë dhe përpiqet  të gjejnë një jetë normale diku tjetër në një vend evropian. Për rastësi ata ishin vendosur në Mulhouse, Francë, ku një kosovar një kosovar u kishte liruar një apartament me qira për 200 euro. Në Nëntor 2017, pak pas lindjes së vajzës së tyre, çifti kishte kërkuar azil. Kërkesa e tyre u ishte refuzuar më 21 Dhjetor 2018. Më pas ata ishin detyruar të largohen nga apartamenti i vënë në dispozicion nga Cada (Qendra e Pritjes për Azilkërkuesit).

Kamela, në Mulhouse  gjeti mbështetje në shoqatën që ndihmon homoseksualët dhe njerëzit trans. Por, në një situatë që është më e pasigurt, çifti mund të përfundojë në rrugë nëse askush nuk vjen në ndihmë të tyre. Ndërkohë, Kamela nuk e humb shpresën dhe ka paraqitur një dosje të dytë në qendrën e azilit./abcnews.al

PRINDERIT-1280x710.jpg
ent ela11:43 | 19/03/2019

Gjykata e Tiranës shtyu për në 26 Mars dhënien e vendimit për autorët e dyshuar të vrasjes së 22-vjeçarit Marvi Mihalit 2 vjet më parë në kryeqytet. Prokuroria gjatë paraqitjes së pretencës së saj, në seancë e 4 Marsit, kishte kërkuar  25 vite burg për Kridens Allën, 24 vite burg për Dejvi Bitrajn, 20 vite për Marsel Allën dhe 18 vite burg për Eugen Bitrajn. Dhënia e vendimit u shty pasi në sallë pati tension mes prindërve të viktimës dhe atyre të të pandehurve gjatë paraqitjes së konkluzioneve të mbrojtjes nga avokatët e të akuzuarve. Prindërit e te riut Marvi Mihali që humbi jetën gjatë sulmit me thikë nga disa bashkëmoshatarë, paralajmëruan vetëgjyqësi nëse nuk funksionon drejtësia.

“Në mënyrën më absolute ne nuk kemi kërkuar asnjëlloj dëmshpërblimi. Nuk mundet kurrë ta laj gjakun e djalit tim me lekë. Këto janë shpifjet e asaj familje kriminale. Familje që ka pjellë kriminelë. Dënoj gjestin e tij dhe hedh me neveri të gjitha deklaratat që ka thënë ky njeri. Sepse bashkëshortja ime duke u përgjigjur në sallën e gjyqit për problematikat që kishte ai çohet dhe e ndalon duke shkelur etikën e një gjyqi që zhvillohet normalisht.

Katër kriminelë ma vranë, e deri të avokatët e deri te Prokurori Artan Lulaj. Ky degracion duhet të marrë fund njëherë e përgjithmonë. Në qoftë se nuk bëhet drejtësi do të funksionojë ligji i Kuranit dhe Kanunit”, tha i ati i të ndjerit.

“Që javës tjetër që u dha pretenca, dhe që kur ndodhi ngjarja ai e ka quajtur gjest kalamajsh. Vrasja ishte me paramendim në bashkëpunim. Ata jo vetëm që e vranë dhe nuk e pranuan krimin. Ata kanë luajtur ping-pong. Njëherë e vrau njëri njëherë tjetri. Drejtësinë do e vendosim vetë. Ata vinin në gjyq duke na pështyrë te këmbët. Ata bëjnë pushime nëpër ishujt e Greqisë ndërsa djali im u fut në dhe. E provofshin dhimbjen e madhe që po provoj unë çdo ditë. Nuk pranojmë gjyq dëmshpërblimi”, u shpreh nëna e Marvi Mihalit në një deklaratë për mediat./abcnews.al

gripi-1280x635.jpg
ent ela10:35 | 28/02/2019

Rëndohet bilanci i viktimave nga gripi AH1N1 në Shqipëri. Në Tiranë një nënë e re ka humbur jetën pas lindjes.  Shkak është bërë  virusi i gripit. Ndërkohë që në maternitet ka ndërruar jetë foshnja e porsalindur.

Një 36-vjeçare me banim në Levan të Fierit ka ndërruar jetë në spitalin “Shefqet Ndroqi” në Tiranë duke u bërë kështu viktima e pestë nga gripi AH1N1.  Mjeket tregojnë se gruaja ishte 31- javëshe shtatzëne me fertilizim artificial dhe po trajtohej me hormonoterapi.  36 vjeçarja ka kërkuar ndihmën e mjekëve të Sanatoriumit me nënte Shkurt për shkak te komplikacioneve te gripit.  Për shkak të gjendjes së vështirë shëndetësore shefja e reanimacionit Alma Cani tregon se mjeket u detyruan te kryejnë lindje të parakohshme. Gruaja arriti të sjellë në jetë dy binjakët, por fatkeqësisht njëri prej tyre ndërroi jetë pak ditë më pas në maternitetin “Koco Gliozheni” ku dhe po trajtohej. Ndërkohe nëna e re nuk arriti t’i mbijetonte virusit të gripit dhe me 25 Shkurt ndërroi jetë.

Ne spitalin “Shefqet Ndroqi” në Tiranë për shkak te komplikacioneve nga virusi i gripit AH1N1 më herët kanë ndërruar jetë dhe katër paciente të tjerë. Sipas Institutit te Shëndetit Publik gripi paraqitet me aktivitet mesatar ndërkohe që në qarkullim është virusi i tipit A me nentip A/H1 dhe A/H3./abcnews.al

luljeta-kora.jpg
G. P.22:07 | 10/01/2019

Gruaja nga fshati Labinot Katund i Elbasanit që lindi në shtëpi aktualisht ndodhet në maternitetin e qytetit bashkë me foshnjen. Rruga që lidh fshatin me Elbasanin ishte bllokuar një ditë më parë për shkak të reshjeve të dëborës. Disa vite më parë, Luljeta Kora ka lindur në kushte të tilla dy binjakë, njëri prej të cilëve nuk mundi të mbijetojë.

Nëna që lindi në shtëpi për shkak se ishte bllokuar nga dëbora rruga e fshatit Labinot Katund ndodhet në maternitetin e Elbasanit. Këtu po merr ndihmën e specializuar. Luljeta Kora tregon se kur e kapën dhimbjet dhe mori vesh që rruga që të çonte në qytet nuk kalohej nga bora. Në kushte të tilla, famijarët njoftuan infermierët e fshatit që ta ndihmonin për të lindur në shtëpi.

“Në mëngjes më morën dhimbjet mua. Deshëm të marrim makinë ata nuk erdhën se ishte bllokuar rruga se kishte rënë shumë dëborë”, tha Luljeta Kora

Stafi mjekësor shprehet se fëmija dhe nëna gëzojnë shëndet të mirë.

Erdhi pacientja, ishte në gjendje të mirë. Fëmija ishte mashkull me peshë 3 kile, u vizitua nga mjeku. I bëmë vaksinën. Edhe gruaja ishte në gjendje të mirë”, u shpreh mjekja.

Nuk është hera e parë që Luljeta lind në shtëpi. Disa vite më parë ajo solli në jetë dy binjakë, por fatkeqësisht njëri prej tyre nuk mundi të mbijetojë./abcnews.al

thema.jpg
G. P.10:40 | 29/10/2018

Mamaja e Kostandinos Kaçifa, i cili u vra mesditën e së dielës në Bularat të Gjirokastrës nga forcat RENEA ka folur për mediat greke. Mes lotëve ajo shprehet se djali i saj ka qenë i pafajshëm dhe se shqiptarët nuk i duan minoritetin.

“Pse duhet të vrisnin fëmijën tim? Ai ishte i gëzuar sepse do zbukuronte shkollën më 28 Tetor për të nderuar heronjtë. Shqiptarët nuk e duan minoritetin”, thotë nëna e Kaçifas.

“Nuk e dua më jetën, pa fëmijën tim, pa shpirtin tim”, thotë ajo, ndërsa më pas ndërpritet linja.

Dy motrat e Kostandinos Kaçifa, të cilat jetojnë në Athinë kanë shkuar në Bularat gjatë natës për të mbështetur nënën e tyre.

Të dielën, Kostandinos Kaçifa qëlloi me armë në drejtim të forcave të policisë. Pasi këta të fundit i bënë thirrje për të ndaluar, ai nuk u dorëzua dhe sipas Policisë së Shtetit u neutralizua më pas nga forcat RENEA./abcnews.al

 

ALBUMI-I-ERMIR-GREZDES.mpg_snapshot_00.56-1280x720.jpg
G. P.17:24 | 08/10/2018

Pas 50 vitesh pune intensive në skulpturë, Ermir Grezda e ka përmbledhur në një album. Punët më përfaqësuese nudo, portrete dhe kompozime vijnë si dëshmi e punës së tij për brezat. Në një intervistë për ABC News ai thotë se poetizmi i figurës femërore më shpëtoi nga socio-realizmi.

Të bësh bilancin e 50 viteve krijimtari nuk është lehtë, por gjëja më e rëndësishme është që të jesh në paqe me veten dhe Ermir Grezda edhe pse nuk preferon të analizojnë shumë punët, për një gjë është i vetëdijshëm se ia ka dalë.

Eremir Grezda, skulptor: “Interesi edhe i këtyre kolkesionistëve është më shumë drejt pikturës dhe skulptura ende është e mbyllur dhe e ngujura në studiot e secilit artist. E ndjej veten të arrirë dhe atë mision që i kisha vënë vetes e kam plotësuar: niveli i konsiderueshëm i skulpturës sime.”

Në çdo skulptur ai inspirimin e ka marrë nga natyra. Femra e ka joshur në çdo kohë të cilën e ka pasqyruar në dy tematikat.

“Dy pjesët më kryesorë janë, tema kushtuar nënës dhe nudot. Tipologjinë e femrës shqiptare që është shumë elegante dhe kjo vjen edhe për shkak të traditës ilire të antikitetit tonë. Sidomos në këto 15 vitet e fundit bukuria shqiptare është shpalosur në formë dhe elegancë.”

Ermir Grezda thotë se poetizmi i figures femërore në skulpturë e shpëtoi nga realizmi socialist.

“Në fillim të krijimtarisë fillova me temën “nëna dhe fëmija” ne variante të ndryshme dhe përzgjodha atë që mu duk më in teresante nga ana kompozicionale. Në mënyrë të pavetedijshme hyra në poezinë e skulpturës, hyra në jetën e marrëdhënies njerëzore, asaj poezisë që ka njeriu, bukurinë, elegancën. Të gjitha ato që janë pjesë e parqeve kudo në botë. Shpresoj që “Nëna dhe Fëmija” të vendoset në një shesh. Madje edhe “Vallja e Shpatave”, është pjesë e Galerisë Kombëtarë dhe është publikuar në revista ndërkombëtare dhe është një nga veprat që përfaqëson traditën. Është pjesë e stilistikës së valles popullore shqiptare.”

Tashmë punët me përfaqësuese i ka përmbledhur në një album, si dëshmi për breza. Krijmtaria në skulpturën e Ermir Grezdës bën pjesë në brezin e artistëve të pas viteve ’70. Harmonia plastike, silueti elegant, natyraliteti në të cilat është hedhur në skulpturë vepra e tij, shprehin shumë ndjenjë duke u bërë pjesë e jetës emocionale të vetvetes.

“I jam përmbajtur artit realist. Realizmi është pa kufi dhe janë të gjitha punë me pikënisje nga natyra. Nudot janë pjesa më artistike, janë një pjesë e jetës njerëzore.”

Emocinaliteti i shpërthyer qëndron të ritmi, zhdëverjelltësia dhe ekulibri brenda plastikës skulptorike të fortë dhe impresioniste. Çdo vepër e tija ka një histori të tërë në vetvete. Grezda vlerëson emocionet që ka jeta, të bukurën, dashurinë plastike, sensivitetin emocionues e të veçantën e shfaqjes në lëvizjet plastike, në shërbim të estetikes emocionuese që kërkon. Portretet dhe figurat e natyrave të ndryshme kompozicionale të imponojnë për një realitet ndryshe në skulpturë.

Tek skulptura e Grezdës kombinohet modernja bashkëkohorja me konceptin emocional plastik në fushën e skulpturës dhe të arsimit artistk, ku u lind në Tiranë në gusht të vitit 1949. Fillimet e tij artistike vijnë nga periudha përgatitore në Liceun Artistik dhe përfundimin me shumë sukses të Akademisë së Arteve Figurative me 1972.

Fillimisht Grezda ka punuar për 20 vjet në Galerinë Kombëtare të Arteve në sektorin studimor dhe ciceron arti pranë kësaj Galerie.
Karriera e tij artistike fillon me çmimin e parë në konkursin ndërmjet artistëve të rinj. Në krijmtarinë e mëvonshme u mor me skulpturën monumentale në bronz. Grezda ka marrë pjesë në ekspozita kombëtare dhe ndërkombëtare, ku dallohet për gjetjet e reja artistike dhe stilin e tij në krijimtari. Veprat e tij kanë patur një vlerësim të veçantë në ekspozitat jashtë shtetit./abcnews.al

mesazhii.jpg
G. P.22:23 | 10/09/2018

Dita e parë e shkollës është emocionuese për të gjithë fëmijët. Ndarja nga prindërit bëhet shumë e vështirë për ta.

Por emocionuese dhe e vështirë është edhe për prindërit, të cilët tashmë duhet t’i lënë fëmijët nën kujdesin e disa të huajve. Për ta përballuar këtë moment menduan dy mësues në Gloucester dhe falë një mesazhi, ata bënë të qajnë shumë nëna.

Zoti Barwell dhe Zonjusha Sian nga shkolla fillore Kingsholm C mirëpritën fëmijët, ndërsa prindërve u dhanë nga një zarf me një mesazh përpara.

Në fakt ishte një poemë që lexonte:

“Dita më në fund erdhi dhe tashmë je vetëm,

Ulu qetësohu dhe mendo si u rritën,

Shaminë e ke kur të qash,

Dhe tani që janë në shkollë, kujtohu që koha ikën,

Dhe ndërsa ha vaktin tënd, mos u shqetëso,

Ne që tani i duam të vegjlit tuaj të çmuar”.

Dy mësuesit shënuan emrat dhe brenda zarfeve kishin vendosur një shami, çaj dhe një copë të vogël çokollate.

“Të gjitha nënat janë duke lotuar në këto momente”, tha një nënë pasi lexoi mesazhin./abcnews.al

NENA-E-TETE-FEMIJEVE_ABC-M2-T1.mpg_snapshot_01.43-1-1280x737.jpg
G. P.15:30 | 17/08/2018

Është një nga rastet e rralla sot në Shqipëri që një nënë 31 vjeçare të sjellë në jetë brenda 10 viteve tetë fëmijë. Lulije Abiu lindi djalin në kushte shtëpie dhe fëmija gëzon shëndet të plotë.

“Fëmijët kurrë nuk mund të jenë mjaft, ato janë jeta e Zotit”. Lulije Abiu, nuk e ka lexuar këtë thënie të Nënë Terezës, e megjithatë ka sjellë në jetë fëmijën e saj të tetë. Është 31 vjeçe dhe lindi një djalë të shëndetshëm në maternitetin e Lushnjes.
Ajo është nënë e pesë djemve dhe tre vajzave. Të gjithë gëzojnë shëndet të plotë.

Lulije Abiu, nëna e tetë fëmijëve: “Mirë i kam pas, nuk kam vuajtur shumë nëpër spitale. Vetëm atë të voglin e kam pak alergjik.”

Ka qenë 21 vjeçe kur ka lindur djalin e parë dhe që prej asaj kohe asnjëherë nuk ka abortuar. Bashkëshorti i saj kërkon të ketë 10 fëmijë, ndaj ky çift nuk do të ndalet në numrin tetë.

“Janë punët e Zotit.”

Fëmijën e fundit e ka lindur në shtëpi dhe gruaja nuk ka pasur frikë nga ky proces.

Në maternitetin e Lushnjes i është dhënë ndihma e menjëhershme dhe personeli mjekësor është habitur me lehtësinë e kësaj gruaje të re që solli në jetë fëmijën e tetë pa asnjë problem.

“Kjo lindja e fundit me thënë të drejtën ka qenë shumë e kollajtë. Kam lindur në shtëpi dhe kam ardhë e lindur këtu.”

Infermierja: “Ka qenë lindur bebi. Pastaj kemi hequr këtu palcentën, kemi përpunuar bebin.”

Lulija është nga Kukësi, kurse bashkëshorti i saj nga Dibra. Prej disa vitesh jetojnë në fshatin Mertish të Lushnjes. Kryefamiljari merret me blektori e ajo me bujqësi. Motrat dhe vëllezërit më të mëdhenj kujdesen për më të vegjelit. Lumturia më e madhe për këtë familje është shëndeti i fëmijëve. Asnjëhere ata nuk kanë pasur probleme serioze, pasi nëna të gjithë i ka ushqyer me qumësht gjiri.

“Edhe qumësht gjiri edhe kështu me qumësht lope, ngaqe i ka bërë shpesh…”

Në maternitetin e Lushnjes këtë vit numri i lindjeve është përgjysmuar në krahasim me një vit më parë. Sipas statistikave, deri tani numërohen 517 lindje nga një mijë që kanë qenë në 2017-n. Ndaj, lindja e fëmijes së tetë nga një nënë 31 vjeçare përben një rast unik në kohën që po jetojmë, pasi nënat e reja nuk lindin më tepër se dy fëmijë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono