nen hetim

marsidaa.jpg
nev ila20:55 | 16/10/2019

Abc News, ka mësuar se Marsida Qatja është marrë zyrtarisht nën hetim nga prokuroria e Durrësit, me akuzen e “përdorimit dhe mbajtjes së lëndëve narkotike”, referuar nenit 285/a. Prokuroria e Durrësit ka kërkuar si masë sigurie për Qatjan, “detyrim paraqitje”, por që për këtë do të vendosë gjykata.

Sipas këtij neni (285/a), ndalohet përshtatja ose lejimi për përshtatjen e lokalit, banesës, për grumbullimin e personave, me qëllim që ata të konsumojnë substanca narkotike, dhe se personat që kryejnë shkeljen e kësaj vepre penale, rrezikojnë deri në 5 vjet burg.

Marsida Qatja është marrë disa herë në pyetje në prokurori, për shkak të dëshmive kontradiktore që ka dhënë për ngjarjen e rëndë kriminale që ndodhi në banesën e saj në Kavajë, ku mbeti i vdekur Dritan Haxholli dhe u plagos Bledar Toçi.

30-vjeçarja, ka pohuar para oficerit të Policisë Gjyqësore se është përdoruese e drogës dhe në raste të caktuara ka përdorur edhe kokainë. Ajo ka theksuar se edhe natën kur ndodhi ngjarja, ka marrë kokainë, të cilën e kishte sjellë miku i saj./abcnews.al

vlcsnap-error702-1280x720.jpg
ent ela12:24 | 13/02/2018

Shefi i organizatës humanitare Oxfam është nën akuzë pasi dyshohet se ishte në dijeni të abuzimeve nga pjestarë të OJQ-së që drejton. Injorimi i raportimeve, mendohet se është bërë për të vazhduar përfitimin financiar nga qeveria britanike.

Zgjerohet dhe më tej rasti Oxfam, organizata humanitare që është përfshirë nga skandali seksual i radhës në vende të pazhvilluara. Në shënjestër ka përfunduar edhe shefi ekzekutiv Mark Goldring: tek gazeta britanike “The Times” është akuzuar se është bërë i vetëdijshëm në personin e parë për abuzime të tjera të supozuara të raportuara nga ish-garantuesja e brendshme për mbrojtjen e standardeve të sjelljes Helen Evans, e cila u shndërruar në personazh kyç në këtë çështje, por që i kishte injoruar ato.

Bëhet fjalë për episode të dyshimeve për ngacmime të kryer kundër një vullnetareje 14-vjeçare nga ana e një punonjësi të rritur në një nga dyqanet e menaxhuara nga shoqata humanitare në Mbretërinë e Bashkuara. Përtej shumë akuzave për abuzime të dyshuara, që janë mbajtur të fshehura në mënyrë që Oxfam të vazhdonte përfitimi financiar, është edhe përdhunimi i një gruaje nga ana e një operatori në Sudanin Jugor.

Evans, që ka kryer funksionin e saj nga 2012 deri në 2015, ka konfirmuar gjatë një interviste televizive se Goldring dhe zyrtarë të tjerë të Oxfam kanë anulluar një takim për të diskutuar dyshimet për abuzime të kryera nga funksionarë të OJQ-së. Ndërkohë për skandalin në fjalë, të hënën dha dorëheqjen numri dy i organizatës humanitare Penny Laërence. Për shkak të zgjerimit të këtij skandali qeveri britanike do të rishikojë financimin e saj. Vitin e kaluar Oxfam përfitoi mbi 37 milionë euro./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono