negociatat

angela-merkel.jpg
nev ila09:01 | 17/01/2020

Kancelarja gjeramane, Angela Merkel, shprehu mbështetjen e saj për çeljen e negociatave me Shqipërinë dhe Maqedoninë e Veriut pas një takimi me homologun kroat, Andrej Plenkovic.

Në një konferencë shtypi (16.01) me kryeministrin e Kroacisë, Andrej Plenkoviç, duke folur për samitin e Ballkanit Perëndimor në Zagreb, Angela Merkel  tha ndër të tjera  se “është shumë e rëndësishme që të ketë përparime në çeljen e negociatave me Shqipërinë dhe Maqedoninë e Veriut “. 

Kancelarja gjermane u shpreh pro çeljes së negociatave me të dy vendet njëherazi, si me Maqedoninë e Veriut, ashtu edhe me Shqipërinë:

“Shqipëria ka plotësuar shumë kërkesa që i kishim vendosur. Sidomos procesin e Vettingut dhe tani ka ardhur koha që të çelen negociatat”, tha ajo ndër të tjera.

Merkel kujtoi po ashtu edhe se Maqedonia e Veriut  e ka plotësuar kushtin që bllokonte deri tani çeljen e negociatave, arritjen e  marrëveshjes me Greqinë për çështjen e emrit.

“Nëse duam të jemi të drejtë, atëherë ne duhet t’i trajtojmë të dy vendet së bashku, pavarësisht se ato pastaj do të ndjekin procedura të ndryshme, në bazë të vlerësimeve që do t’u bëhen”, tha kancelarja gjermane.

Merkel tha se pas mosarritjes së një marrëveshjeje vitin e kaluar, tani do ta trajtojmë çështjen edhe në samitin e Këshillit të BE-së në Bruksel, qysh në muajin mars.

Vëzhgues në Berlin llogarisin se nuk do të ketë marrëveshje para samitit të Ballkanit Perëndimor në Zagreb, pra , në maj të këtij viti. Së fundmi, presidenti francez Emmanuel Macron, frenuesi kryesor i zgjerimit të BE-së, kishte dhënë sinjale zhbllokimi të qëndrimit të tij pas një takimi në Paris me kryeministrin kroat, Andrej Plenkoviq, (7.01.2020). Plenkoviç e përmendi në Berlin takimin e tij me Macronin, por nuk dha detaje.

Kroacia dhe më pas Gjermania kanë në dorë kryesinë e radhës së BE-së. Plenkoviç ndodhet në Berlin për të marrë pjesë në panairin e produkteve ushqimore, Java e Gjelbër, në edicionin e sivjetshëm të të cilit, Kroacia është vend partner. /DW

44421681_303.jpg
ger ta09:27 | 13/01/2020

Komisioni Europian pohon se nuk do të ketë rregulla të reja për Shqipërinë dhe Maqedoninë e Veriut. Shtohet shpresat për hapjen e negociatave.

Shpresat për ҫbllokimin e hapjes së negociatave të anëtarësimit vijnë këtë fillim viti nga Franca, Komisioni i ri Europian dhe Presidenca Kroate e Këshillit Europian, mbështetëse e fortë e anëtarësimit të Ballkanit Perëndimor (BP) në Bashkimin Europian. Pritshmëritë e Shqipërisë drejtohen tek Samiti i Zagrebit BE-BP, i cili do të mbahet me 6-7 maj, i konsideruar si ngjarja më e rëndësishme e Presidencës kroate, që ka nisur punën me moton, “Një Europë e fortë, në një botë sfidash”.

Që Franca po rishikon qëndrimin e saj për të ҫbllokuar hapjen e negociatave e bëri publike Presidenti Macron, në takimin e tij në Paris me kryeministrin kroat Andrej Plenkoviq, (7.01.2020).  Presidenti francez deklaroi se “Franca uron që Samiti i Zagrebit të jetë një moment uniteti dhe një sukses për Europën”. Në rastin konkret, uniteti dhe suksesi do të realizohen nëse Samiti i Zagrebit ia del mbanë t’u japë Shqipërisë dhe Maqedonisë së Veriut,  një datë për hapjen e negociatave të pranimit.

Fleksibilitet në vend të qëndrimit të prerë bllokues

Gledis Gjipali, Drejtor i “European Movement´- Albania”, me seli në Tiranë, thotë për Dutsche Ëellen se deklarata e Presidentit Macron  nënkupton arritjen e një konsensusi të gjitha vendeve anëtare të BE për të hapur negociatat me Shqipërinë dhe Maqedoninë e Veriut.

“Kemi një fleksibilitet në rritje të Presidentit Macron kundrejt vendimit të tij të prerë në tetorin e kaluar, kur bllokoi procesin e zgjerimit deri në reformimin e metodologjisë së procesit të zgjerimit. Deklarata e tij për një samit të suksesshëm uniteti nënkupton vullnetin e Francës për të zgjidhur ngërҫin e zgjerimit”, thotë për DË, Gledis Gjipali.

A do të fillojë me Shqipërinë dhe MV metodologjia e re?

Kjo është pyetja e menjëhershme. Deklarata shpresëdhënëse e Presidentit Macron për rishikim të qëndrimit bllokues të Francës u shoqërua me vlerësimin për ndryshimet e pritshme në metodologjinë e procesit të negociatave. Ai i quajti ato “një parakusht për hapjen e negociatave me vendet kandidate” edhe pse ndryshimet e propozuara nga Franca janë pritur ftohtë nga një numër i konsiderueshëm vendesh anëtare të BE.

Në një propozim drejtuar Komisionit Europin, (KE), në mes të dhjetorit të kaluar, 9 vende anëtare të BE  – Austria, Çekia, Estonia, Italia, Letonia, Lituania, Malta, Polonia dhe Sllovenia – i propozojnë KE që “ndryshimet në metodologjinë e procesit të zgjerimit të mos ndikojnë në vendimin për hapjen e negociatave me Shqipërinë dhe Maqedoninë e Veriut”.

“Propozimi alternativ i 9 vendeve anëtare të BE është një kundërpërgjigje ndaj atij francez që vendos reformimin e metodologjisë së procesit të zgjerimit, para marrjes së vendimit për Shqipërinë dhe MV. Në këto kushte, që procesi i hapjes së negociatave të ҫbllokohet, e vetmja rrugë është arritja e një kompromisi. Europa është e bazuar mbi kompromisin,” thotë Gledis Gjipali.

Ursula von der Leyen – Të mbajmë premtimet tona

Shpresat për arritjen e kompromisit në favor të hapjes së negociatave me Shqipërinë dhe MV, me rregullat egzistuese, janë gjallëruar më tej të premten, (10.01.2020) kur Presidentja e  KE, Ursula von der Leyen,  deklaroi në Zagreb, në konferencën e përbashkët për shtyp me kryeministrin kroat, Andrej Plenković: “Ne nuk duhet të ndryshojmë tani kushtet apo regullat për Shqipërinë dhe MV. Ne duhet te mbajmë premtimet tona. Shqipëria dhe Maqedonia e Veriut kanë përmbushur kriteret që u kemi kërkuar për fillimin e bisedimeve të pranimit në BE. Qëllimi është të sigurojmë Shqipërinë dhe MV se dera është e hapur dhe ato mund  të fillojnë bisedimet e anëtarësimit” theksoi ajo.

Propozimi i ri i KE

Qartë dhe pa ekuivoke Presidentja e KE ka folur të premten në Zagreb për “një proces paralel rinovimi të metodologjisë me vijimin e procesit me Shqipërinë dhe MV”, qëndrim ky i kundërt me atë të Presidentit francez Macron, që kundërshton hapjen e negociatave për dy vendet përpara reformimit të metodologjisë. Ajo tha gjithashtu se do të propozojë ndryshime “në fillim të vitit” të mënyrës sesi BE skanon vendet që aspirojnë anëtarësimin. Në tetorin e kaluar Franca bllokoi hapjn e negociatave me Shqipërinë dhe MV gjatë 6 mujorit të parë 2020, për të bërë të mundur sipas saj “një shqyrtim të kujdesshëm të zbatimit të ligjit” në dy vendet.

Dr. Entela Komnino, gazetare që trajton ҫështjet e integrimit europian të Shqipërisë, mendon se deklaratat e fundit të Presidentes së KE flasin për një situatë që po ndryshon në favor të Shqipërisë dhe MV.

”Këto deklarata tregojnë që kompromisi është në rrugë e sipër ose është arritur tanimë. Macron ka marrë atë që kërkoi nga vendet anëtare: rënien dakort për nevojën e reformimin të metodologjisë së procesit të negociatave. Dhe tani vendet anëtare kërkojnë të konsiderohet / të pranohet  “po”-ja e tyre për hapjen e negociatave me Shqipërinë dhe MV”, thotë për DË, Entela Komnino.

KE i dha Shqipërisë statusin e vendit kandidat për anëtarësim në vitin 2014, pesë vjet pas aplikimit  të saj për të qënë vend anëtar i BE. DW

 

plenkovic.jpg
ger ta10:33 | 03/01/2020

Kroacia do të punojë për të rifilluar bisedimet e anëtarësimit në Bashkimin Evropian me Shqipërinë dhe Maqedoninë e Veriut ndërsa vendi mban presidencën e BE për gjashtë muajt e ardhshëm.

Kryeministri Andrej Plenkoviç, në një konferencë për shtyp ku shpalosi planin e vendit të tij për 6 muajt e ardhshëm të drejtimit të presidencës së BE-së, tha se do t’i kushtojë një vëmendje të madhe çështjes së zgjerimit me Shqipërinë dhe Maqedonisë së Veriut.

“Ne do të përpiqemi të vijojmë përpjekjet tona para samitit, të urojmë dhe zhbllokojmë atë që, për fat të keq, nuk u vendos në tetor të 2019-s në Këshillin Evropian. Ne do të përpiqemi të gjejmë mënyrën e duhur për të hapur negociatat me Shqipërinë dhe Maqedoninë e Veriut. Mali i Zi dhe Serbia janë tashmë duke negociuar, Shqipëria dhe Maqedonia Veriore, të cilat duhet të fillojnë negociatat, së bashku me Bosnje-Hercegovinën dhe Kosovën, të cilat janë objektivat tanë në këtë moment”, tha ai.

Franca dhe Hollanda ndaluan hapjen e bisedimeve të anëtarësimit me Maqedoninë e Veriut dhe Shqipërinë vitin e kaluar, duke shkaktuar zhgënjim në Ballkanin Perëndimor.

Kroacia, e cila u bë anëtare e BE në 2013, ishte vendi i fundit që u bashkua me bllokun.

Qeveria kroate ka renditur zgjerimin e BE si një nga përparësitë për presidencën e saj në BE, e cila do të përfshijë gjithashtu kryesimin e Brexit në fund të muajit dhe fillimin e bisedimeve pas Brexit.

“Konteksti i presidencës sonë është shumë specifik dhe i kërkuar,” tha Plenkovic.

Nëse gjithçka shkon siç është planifikuar dhe Britania largohet nga BE më 31 janar, detyra e Kroacisë do të jetë të koordinojë përpjekjet e BE për të përvijuar një propozim kornizë për marrëveshjet e ardhshme me Britaninë, shpjegoi Plenkoviç.

“Kjo është puna jonë,” tha ai. “Dhe ne kemi filluar të punojmë në të. Së bashku me kryenegociatorin e BE për Brexit, Michel Barnier.”/abcnews.al

 

isa-mustafa.jpg
R D20:40 | 14/12/2019

Ka përfunduar pa marrëveshje edhe një takim tjetër ndërmjet krerëve të Lëvizjes Vetëvendosje dhe Lidhjes Demokratike të Kosovës të cilët po synojnë bashkëqeverisje në të ardhmen.

Gazetarja e abcnews.al, Blerta Dalloshi Berisha raporton se ndonëse mbrëmë ishin më optimist dhe thanë se ka avancim në bisedime pas takimit të sotëm i cili zgjati më shumë se tre orë e vetmja që u tha për media është se bisedimet do të vazhdojnë.

Takimet pritet të vazhdojnë siç u tha deri në gjetjen e një formule të përbashkët për bashkëqeverisje. E vetmja gjë që është duke zgjatur këto takime është ajo e presidentit. LDK-ja po instiston që posti i presidentit dhe kryeparlamentarit është i barasvlefshëm me atë të Kryeministrit por njëjtë nuk po mendon LVV-ja.
/abcnews.al

oliver.jpg
ger ta16:15 | 11/12/2019

Komisioneri europian për zgjerimin dhe politikën e fqinjësisë, Oliver Varhelyi ka shpalosur linjat kryesore të metodologjisë së re të zgjerimit të Bashkimit Europian. Procesi i negociatave do mbështetet në katër kritere: Besueshmëri, parashikueshmëri, dinamizëm dhe lidershiip politik.

“Ne kemi parashikuar që të prezantojmê propozimin tonë në janar. Në janar do të dëshironim të përqëndrohemi të një grup kriteresh përmes të cilave ne mund të ndryshojmë metodologjinë e zgjerimit. Do të bazohemi në katër kritere. Së pari bëhet fjalë për besueshmërinë. Zgjerimi duhet të jetë i besueshëm për shtetet anêtare dhe insitutucionet europiane nga njëra anë dhe i besueshëm për partnerët tanë tê Ballkanit Perëndimor. Besueshmëria është nj element shumë i rëndësishëm pêr gjithçka ne bëjmë. Nëse ne duam që zgjerimi tê jetë i suksesshêm, atëherë ne do të na duhet ta bêjmë atë më të besueshëm.Më të besueshêm do të thotë gjithashtu që të jetë më i parashikueshëm si proces për shtetet anëtare, si dhe shtetet në procesin e anëtarêsimit. Dhe një proces mund të jetë i parashikueshën nëse ai është dinamik. Duhet të sigurojmë, se nëse arrihen rezultate nga njëra anë, duhet tê ketë rezultate edhe nga ana tjetër. Elementi i katêr është lidershipi politik që do të duhet të jetë prezent në të gjithë procesin e zgjerimit. Këto janë katër elementet mbi të cilat ne  do mbështetemi”, u shpreh Oliver Varhelyi.

Komisioneri Varhelyi synon të prezantojë metodologjinë e re në fillim të muajit tê janarit dhe është angazhuar njêkohësisht tê punojë me shtetet anëtare si Franca, Hollanda dhe Damimarke për shqetësimet që kanë lidhur me përmbushjen e kritereve të reformave tê integrimit për hapjen e negociatave tê anëtarësimit me Shqipërinë./abcnews.al

rutt.jpg
ger ta17:37 | 10/12/2019

Në margjinën e Samitit të NATO-s të mbajtur në Londër të dielën e kaluar, Mark Rutte, kryeministri holandez, i tha të përditshmes malazeze Pobjeda, se Shqipëria aktualisht nuk është gati të hapë negociatat me Brukselin, ndërsa Maqedonia e Veriut është afër këtij qëllimi.

“Hollanda nuk është kundër zgjerimit të BE, por vendet duhet të jenë të gatshme si Mali i Zi kur filloi negociatat. Ne nuk besojmë se Shqipëria është gati të fillojë bisedimet me BE në këtë kohë; dhe për sa i përket Maqedonisë së Veriut, ajo është më afër këtij qëllimi”.

I pyetur nëse viti 2025 është një afat realisht real për hyrjen e një prej vendeve të Ballkanit Perëndimor në BE, Rute u përgjigj se pranimi në Union deri në një datë të caktuar nuk është qëllim në vetvete.

Ai shtoi se disa nuk e donin ndarjen e procesit të negociatave të Brukselit me Maqedoninë e Veriut dhe Shqipërinë.

“Disa të tjerë nuk e dëshirojnë atë, kjo është arsyeja pse në mbledhjen e fundit të Këshilli Evropian, ne vendosëm të mos përparojmë në hapjen e negociatave me këto vende.”
Rute tha se Holanda nuk ka asgjë kundër zgjerimit të BE, “por duhet të sigurohemi që t’i përmbahemi rregullave dhe se gjithçka duhet të jetë e rreptë dhe e drejtë.”

Ministri i jashtëm holandez Stef Blok tha në seancën e fundit të Këshillit të BE-së se vendi i tij do të pranonte t’i jepte “dritë jeshile” vetëm Maqedonisë së Veriut kur ai vend të përmbushë kushtin e fundit.

Sa i përket Francës, ajo kërkon hapjen e negociatave midis BE-së dhe Maqedonisë së Veriut duke miratuar një metodologji të re në procesin e negociatave.

Zyrtarët e Parisit thonë se korniza aktuale është shumë e gjatë dhe tepër e ndërlikuar, dhe se qasja duhet të ndryshohet, sepse ajo aktuale nuk përputhet me situatën reale në vendet negociuese. Sidoqoftë, Franca nuk ka dhënë informacion specifik se çfarë duhet të mbulojë metodologjia e re, dhe fillimi i saj zyrtar pritet në pranverën e vitit 2020./abcnews.al

 

isabel-santos.jpg
nev ila18:35 | 07/12/2019

Në një intervistë për Abc News, raportuesja për Shqipërinë në Parlamentin Europian, Izabel Santos shprehet se Shqipëria duhet të vijojë reformat pasi edhe procesi i hapjes së negociatave me Bashkimin Europian nuk do të ndalet.

Pyetje: Zonja Santos, ju jeni raportuese për Shqipërinë në Parlamentin Europian. Në vijim të mosmarrjes së vendimit për hapjen e negociatave të anëtarësimit me Shqipërinë dhe Maqedoninë e Veriut në samitin e 17 dhe 18 tetorit, janë krijuar dy grupe shtetesh anëtare. Një grup që mbështet propozimin francez për reformimin e procesit të zgjerimit dhe një grup tjetër që e pranon këtë reformim, por kërkon paralelisht hapjen e negociatave të anëtarësimit me të dyja vendet. Cili është qëndrimi juaj ?

Isabel Santos, raportuese për Shqipërinë në PE: Metodologjia aktuale është shumë burokratike dhe nuk i përgjigjet nevojave të vërteta të vendeve kandidate dhe as të Bashkimit Europian. Vitet kalojnë, realiteti po ndryshon dhe ne mund ta përmirësojmë procesin. Nga ana tjetër kemi hapjen e negociatave të anëtarësimit të Shqipërisë dhe Maqedonisë së Veriut dhe të gjithë këtu në Parlamentin Europian konsiderojnë se duhet të ecim përpara me këtë proces. Ne nuk mund të ndalim hapjen e negociatave të anëtarësimit me Shqipërinë dhe Maqedoninë e Veriut. E vetmja gjë që ne i kërkojmë Shqipërisë është që të mos ndalë reformat. Mos e shihni mungesën e vendimit të shteteve anëtare të Bashkimit Europian si një sinjal që procesi i reformave duhet ndalur. Jo. Në jetën politike, ashtu si në jetën tonë të përditshme, kemi dy opsione: Ose të heqim dorë nga objektivi, ose të përpiqemi edhe më shumë për ta arritur atë. Është e vërtetë që kemi një moment i vështirë. Por ky moment i vështirë mund të na shërbejë si një impuls nëse duam ta kapërcejmë këtë krizë të vogël.

 Pyetje: A është Parlamenti Europian në sinkron me të gjitha institucionet europiane për reformat ?

Isabel Santos, raportuese për Shqipërinë në PE: Sigurisht, se ato nuk bëhen për shkak të një kërkese të Bashkimin Europian. Ato janë tê rëndësishme për Shqipërinë dhe qytetarët shqiptarë dhe rrjedhimisht, politikanët dhe shoqëria shqiptare duhet të vijojë me këto reforma. Procesi i anëtarësimit ka qenë shumë i rëndësishëm për transformimin e vendit tim Portugalisë, që para kësaj faze ishte shumë i varfër. Brezi im është dëshmitar i transformimit të rëndësishëm që procesi i anëtarësimit solli për forcimin e demokracisë, për mënyrën dhe standardet e jetesës, për rritjen ekonomike, punësimin, arsimin, shëndetësinë, apo bujqësinë. Gjithçka. Ndryshimi midis momentit kur vendi u bë anëtar dhe para anëtarësimit është kaq i madh, sa kjo tregon qartësisht se sa i rëndësishëm është kalimi përmes këtyre reformave. Sigurisht që disa prej reformave kërkojnë sakrifica të mëdha dhe përpjekje gjigande. Por Shqipëria duhet të lëvizë drejt kësaj rruge për të qenë pjesë e këtij projekti të demokracisë, paqes, stabilitetit, dhe prosperitetit, pasi ajo ka nevojë për rritje ekonomike, punësim dhe për t’ju përgjigjur pritshmërisë së brezit të ri . Prandaj duhet të punojmë fort muaj e ardhshëm. Unë si raportuese për Shqipërinë, do jem krah për krah Shqipërisë në muajt dhe vitet e ardhshme.

Pyetje: Për hapjen e negociatave, kërkohen përmbushja e dy kushteve: Funksionimi i Gjykatës Kushtetuese dhe Gjykatës së Lartë dhe reforma zgjedhore. A arrihet para marsit, duke qenë se komisioneri  për zgjerimin, Olver Varhelyi synon hapjen e negociatave me të dyja vendet në mars?

Isabel Santos, raportuese për Shqipërinë në PE: Është angazhimi i tij dhe ne jemi shumë të kënaqur me këtë angazhim. Ne jemi të gatshëm për mbështetje. Presim përgjigjen e Shqipërisë. Besoj, se do bëhet e mundur. Reforma elektorale duhet të bëhet sipas rekomandimeve të OSBE/ODHIR. E njoh shumë procesin e reformës elektorale, pasi kam qenë zëvendëspresidente e asamblesë parlamentare të OSBE-së dhe kryetare e komisionit të të drejtave të njeriut në këtë asamble. Kjo reformë është shumë e rëndësishme për demokracinë tuaj, për transparencën e sistemit tuaj elektoral, si dhe besimin e qytetarëve në procesin elektoral. Sigurisht që funksionimi i Gjykatës Kushtetuese dhe Gjykata e Lartë është një kërkesë më se e kuptueshme. Vendi duhet të sigurojë që këto dy struktura thelbësore të jenë funksionale dhe të ketë një proces elektoral transparent dhe në përputhje me standardet ndërkombëtare./abcnews.al

 

 

SANTOS.jpg
ger ta13:59 | 07/12/2019

Në një intervistë për Abc News, me gazetaren Erisa Zykaj raportuesja për Shqipërinë në Parlamentin Europian, Izabel Santos u shpreh se vendi ynë duhet të vijojë reformat pasi dhe procesi i hapjes së negociatave me Bashkimin Europian nuk do të ndalojë.

Intervista e plotë:

Zonja Santos, ju jeni raportuese për Shqipërinë në Parlamentin Europian. Në vijim të mosmarrjes së vendimit për hapjen e negociatave të anëtarësimit me Shqipërinë dhe Maqedoninë e Veriut në samitin e 17 dhe 18 tetorit, janë krijuar dy grupe shtetesh anëtare. Një grup që mbështet propozimin francez për reformimin e procesit të zgjerimit dhe një grup tjetër që e pranon këtë reformim, por kërkon paralelisht hapjen e negociatave të anëtarësimit me të dyja vendet. Cili është qëndrimi juaj ?

“Metodologjia aktuale është shumë burokratike dhe nuk i përgjigjet nevojave të vërteta të vendeve kandidate dhe as të Bashkimit Europian. Vitet kalojnë, realiteti po ndryshon dhe ne mund ta përmirësojmë procesin. Nga ana tjetër kemi hapjen e negociatave të anëtarësimit të Shqipërisë dhe Maqedonisë së Veriut dhe të gjithë këtu në Parlamentin Europian konsiderojnë se duhet të ecim përpara me këtë proces. Ne nuk mund të ndalim hapjen e negociatave të anëtarësimit me Shqipërinë dhe Maqedoninê e Veriut. E vetmja gjë që ne i kërkojmë Shqipërisë është që të mos ndalë reformat. Mos e shihni mungesën e vendimit të shteteve anëtare të Bashkimit Europian si një sinjal që procesi i reformave duhet ndalur. Jo. Në jetën politike, ashtu si në jetën tonë të përditshme, kemi dy opsione: Ose të heqim dorë nga objektivi, ose të përpiqemi edhe më shumë për ta arritur atë. Eshtë e vërtetë që kemi një moment i vështirë. Por ky moment i vështirë mund të na shërbejë si një impuls nëse duam ta kapërcejmë këtë krizë tê vogël” .

A është Parlamenti Europian në sinkron me të gjitha institucionet europiane për reformat?

“Sigurisht, se ato nuk bëhen për shkak të një kërkese të Bashkimin Europian. Ato janë tê rëndësishme për Shqipërinë dhe qytetarët shqiptarë dhe rrjedhimisht, politikanët dhe shoqëria shqiptare duhet të vijojë me këto reforma. Procesi i anëtarësimit ka qenë shumë i rëndësishëm për transformimin e vendit tim Portugalisë, që para kësaj faze ishte shumë i varfër. Brezi im është dëshmitar i transformimit të rëndësishëm që procesi i anëtarësimit solli për forcimin e demokracisë, për mënyrën dhe standartet e jetesës, për rritjen ekonomike, punësimin, arsimin, shëndetësinë, apo bujqësinë. Gjithçka. Ndryshimi midis momentit kur vendi u bë anëtar dhe para anëtarësimit është kaq i madh, sa kjo tregon qartësisht se sa i rëndësishëm është kalimi përmes këtyre reformave. Sigurisht që disa prej reformave kërkojnë sakrifica të mëdha dhe përpjekje gjigande. Por Shqipëria duhet të lëvizë drejt kêsaj rruge për të qenë pjesë e këtij projekti të demokracisë, paqes, stabilitetit, dhe prosperitetit, pasi ajo ka nevojë për rritje ekonomike, punësim dhe për t’ju përgjigjur pritshmërisë së brezit të ri . Prandaj duhet të punojmë fort muaj e ardhshëm. Unë si raportuese për Shqipërinë, do jem krah për krah Shqipërisë në muajt dhe vitet e ardhshme

Për hapjen e negociatave, kërkohen përmbushja e dy kushteve: Funksionimi i Gjykatës Kushtetuese dhe Gjykatës së Lartë dhe reforma zgjedhore. A arrihet para marsit, duke qenë se komisioneri  për zgjerimin, Olver Varhelyi synon hapjen e negociatave me të dyja vendet në mars?

Eshtë angazhimi i tij dhe ne jemi shumë të kënaqur me këtë angazhim. Ne jemi të gatshëm për mbështetje. Presim përgjigjjen e Shqipërisë. Besoj, se do bëhet e mundur. Reforma elektorale duhet të bëhet sipas rekomandimeve të OSBE/ODHIR. E njoh shumë procesin e reformës elektorale, pasi kam qenë zëvendëspresidente e asamblesë parlamentare të OSBE-së dhe kryetare e komisionit të të drejtave të njeriut në këtë asamble. Kjo reformë është shumë e rëndësishme pêr demokracinë tuaj, për transparencën e sistemit tuaj elektoral, si dhe besimin e qytetarëve në procesin elektoral. Sigurisht që funksionimi i Gjykatës Kushtetuese dhe Gjykata e Lartë është një kërkesë mëse e kuptueshme. Vendi duhet të sigurojë që këto dy struktura thelbësore të jenë funksionale dhe të ketë një proces elektoral transparent dhe në përputhje me standartet ndërkombëtare./abcnews.al

 

ann-linde-gent-cakaj-1280x724.jpg
nev ila14:26 | 19/11/2019

Ndërkombetarët vijojnë të përsërisin kërkesën e tyre drejtuar palëve politike në Shqipëri me qëllim çuarjen përpara të reformës dhe rritjen e besimit të qytetarëve në sistemin e drejtësisë.

Këtë herë thirrja vjen nga ministrja e Punëve të Jashtme të Suedisë, Ann Linde, e cila u prit në një takim në Tiranë nga ministri në detyrë për Evropën dhe Punët e Jashtme Gent Cakaj.

Suedia mbështet Shqipërinë në procesin e anëtaresimit në Bashkimin Europian, por fillimisht pret të shoh përmbushjen e kushteve.

Homologu i saj në detyrë mendon se kushtet janë përmbushur. Cakaj tashmë pret reflektim.

Kritik ndaj Bashkimit Evropian u shpreh ministri në detyrë për Evropën dhe Punët e Jashtme Gent Cakaj dhe sa i përket qasjes ndaj Kosovës.

Vizita e ministres së Puneve të Jashtme të Suedisë në Tiranë vjen dhe në kuadër të 50 vjetorit të vendosjes së marrëdhënieve diplomatike mes dy vendeve./abcnews.al

Tytti-Tuppurainen-640x320.jpg
nev ila10:45 | 19/11/2019

Propozimi francez është shumë i gjerë. Eshtë mirë që shtetet anëtare kanë propozimet e tyre, por duhet të presim që ekipi i ri i Komisionit Europian të fillojë punën, në mënyrë që të arrijmë unanimitetin për hapjen e negociatave me dy vendet”.

Këtë deklaratë ministrja e jashtme e Finlandës Tytti Turpurainen, e bëri në hyrje të takimit të Këshillit të çështjeve të përgjithshme në Bruksel, ditën e sotme.

Që në fillim Finlanda ka qenë një nga vendet që kanë mbështetur Shqipërinë, për hapjen e negociatave, dhe ka qenë e angazhuar për të lobuar tek vendet e tjera anëtare, që të jepnin vendim pozitiv më 18 tetor.

Ministrja e jashtme e Finlandës Tytti Turpurainen, mban njëkohësisht edhe pozicionin e presidencës në BE.

Ndërsa Amélie DE MONTCHALIN, sekretare e shtetit për çështjet europiane tha:

“Ne shohim që negociatat e anëtarësimit me Serbinë dhe Malin e Zi kanë dobësi. Duam që ta shndërrojmë procesin më rezultativ, më të prekshëm dhe më përfitues për qytetarët e Ballkanit. Ka vende të tjera që mbështein Francën, si Danimarka, Hollanda, por edhe Italia që po i bejnë thirrje KE-së të bëjë propozimin për reformimin e zgjerimit. Qyetarët e Ballkanit Perëndimore nuk kanë nevojë për kapituj kanë nevojë për rezultate të prekshme të reformave.”

Ndërkohë Alexander Schallenberg, ministër i jashtëm i Austrisë tha se:

“Ne do diskutojmë sot lidhur me propozimin francez. Ka gjithnjë forma për të përmirësuar procesin e zgjerimit. Propozimi francez nuk duhet përdorur si teknikë vonuese për hapjen e negociatave me Shqipërinë dhe Maqedoninë e Veriut. Prilli 2020 duhet të jetë data për hapjen e negociatave të anëtarësimit me Shqipërinë dhe Maqedoninë e Veriut”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono