negociatat

646x404.jpg
ent ela18:30 | 22/01/2019

Shqipëria, por edhe Maqedonia kanë shanse që në Qershor të nisin negociatat e anëtarësimit me BE-në. Rumania, që kryeson presidencën e radhës të Unionit, ka deklaruar se politika e zgjerimit do të jetë prioritet i saj.

Presidenca rumune e BE-së synon hapjen e negociatave me Shqipërinë dhe Maqedoninë në qershor të këtij viti. Këtë e ka shprehur qartë ministri rumun i Punëve të Jashtme, Teodor Melescanu, gjatë prezantimit të prioriteteve të presidencës rumune në komisionin e punëve të jashtme të Parlamentit Europian.

 Teodor Melescanu, ministër i Punëve të Jashtme“Në vitin 2018 Këshilli i Bashkimit Europian aprovoi një paketë ambicioze për politikën e saj të zgjerimit dhe ne besojmë fortë se Bashkimi Europian do të realizojë premtimet e tij. Ne mendojmë se me mbështetjen tonë të fortë, kombinuar me përgjegjësinë e vendeve në këtë proçes dhe me rezultate konkrete e të prekshme që janë kusht për progresin në axhendën europiane, do të krijohet një kontekst favorizues për Këshillin që të marrë vendimin për hapjen e negociatave të anëtarësimit me Maqedoninë dhe me Shqipërinë në qershor. Ne do të vazhdojmë të mbështesim gjithashtu avancimin në negociatat e anëtarësimit me Serbinë dhe Malin e Zi. Ndërkohë, Bosnje dhe Hercegovia kërkon vëmendjen e Bashkimit Europian për të evituar një qasje jo të ekuilibruar të BE-së ndaj këtij vendi”.

Presidenca rumune gjashtëmujore e Bashkimit Europian e vendos theksin edhe në një tjetër dimension për mbështetjen e të rinjve në Ballkan përmes një forumi që do organizohet në maj. Në ketë kuadër, ministri Melescanu ka folur për një angazhim të qytetarisë aktive, të kulturës së dialogut dhe mirëkuptimit në nivelin e bashkëpunimit rajonal./abcnews.al

OK-STUDENTET-I-PERGJIGJEN-RAMES.mpg_snapshot_02.05-1280x720.jpg
G. P.21:16 | 09/12/2018

Pas ftesës së Kryeministrit Rama për t’u ulur dhe për të bashkëbiseduar, Lëvizja Për Universitetin ka reaguar nëpërmjet një postimi në rrjetet sociale.

Nuk duhet të harrojmë për asnjë çast se ai dhe qeveria e tij janë përgjegjësit kryesorë për shkatërrimin e jetës universitare publike. Në vitin 2015 kanë miratuar një ligj të arsimit të lartë që bazohet në parimin klientelist: varfërim i universiteteve publike dhe shpërndarje e buxhetit të arsimit edhe për universitetet private. I njëjti ligj i ka dhënë qeverisë mundësinë të kontrollojë pothuajse të gjitha bordet e administrimit të universiteteve publike, duke rrënuar autonominë universitare.

Si aktivistë të Lëvizjes Për Universitetin i kemi goditur këta të fundit në çdo rast. Por deri më sot abuzimet e tyre kanë qenë të pandëshkuara pikërisht prej mburojës që kanë gjetur te qeveria dhe strukturat e saj. Ligji i arsimit të lartë ka vdekur! Më herët edhe studentët të pyetur nga ABC Neës kanë deklaruar se s’do ketë asnjë dialog pa zgjidhjen e kërkesave të tyre

Studenti 1: “Ne jemi të vendosur, jo negociata vetëm të plotësohen kushtet.”

Studenti 2: “Përfaqësinë zoti Rama e ka këtu. Kërkesat janë shtruarjanë shumë të qarta. Ne presim që zoti Rama dhe ministrja me një shkresë zyrtare që pranojnë të gjitha kërkesat e studentëve.”

Studenti 3: “Për sa kohë kjo është një kauzë e drejtë normalisht që do të vazhdohet të protestohet.ryeministri dhe kushto që ka vendosur qoftë VKM-në qoftë çdo kërkesë tjetër që vendoset nga protestuesit e ka patur derën të hapur. Këto kërkesa duhet të plotësohen nuk ka negociata.”

Studenti 4: “Në qoftë se do të ishtë për të bërë thirrje ta bëte që në fillim. Në momentin që ai firmosi VKM-në ai duhet të na kishte mbledhur dhe të na pyeste. Pse na thërret tani.”

Pas Lëvizjes për Universitetin ka reaguar sërish kryemninistri Rama me anë të një postimi në Tëitter I cili shprehet se po kërkon dialog dhe jo negociata
Negociata? Kush po kërkon negociata se unë kërkoj Dialog,jo negociata.Frikën nga Dialogu e kam parë tek politikanët që sot presin t’i nxjerrin gështenjat nga zjarri duke mos treguar duartMos vallë kush po i pengon studentët me megafon kundër Dialogut bën telefonin e prishur?/abcnews.al

ballaaaaa.jpg
G. P.14:39 | 29/11/2018

Kreu i grupit parlamentar socialist Taulant Balla përmes një postimi në rrjetin social Twitter i ka bërë jehonë votimit në Parlamentin Europian i cili miratoi me 459 vota pro dhe 112 kundër raportin për Shqipërinë. Ky i fundit, i përpiluar dhe prezantuar nga reporteri për Shqipërinë në Parlamentin Europian Knut Fleckenstain, mbështet plotësisht rekomandimin e Komisionit Europian, shkruan Balla, për hapjen e negociatave për antarësim për Shqipërinë në qershorin e ardhshëm, për shkak të njohjes së përpjekjeve për reformat e ndërmarra./abcnews.al

SORECA-NE-OPINION-1280x638.jpg
ent ela11:00 | 14/11/2018

Ambasadori i Bashkimit Europian në Tiranë, Luixhi Soreka kërkon që Shqipëria të ketë sa më shpejt një ministër të Brendshëm. Në studion e emsionit “Opinion” ai tha se i ka ndjekur lëvizjet e Kryeministrit dhe Presidentit të cilët sipas tij duhet të veprojnë brenda kufijve të Kushtetutës.

 Bashkimi Europian kërkon që Shqipëria të zgjidhë sa më shpejt ngërçin e krijuar me emërimin e ministrit të Brendhsëm. Ambasadori Luixhi Soreca sqaroi në studion e “Opinion” se çfarë nënkupton me një ministri të Brendshme funksionale.

“Ne presim që Ministri i Brendshëm të emërohet se shpejti dhe kjo është ajo që nenkuptoj me Ministri plotësisht funksionale, sepse Policia e shtetit shqiptar, komuniteti ndërkombëtar, të gjithë duhet të kenë forcën e Ministrisë së Brendshme”.

Thotë se po i ndjek zhvillimet politike për këtë çështje ku janë përfshirë Presidenti dhe kryeministri të cilëve u kërkon që të gjejnë zgjidhje konform tagrit kushtetues.

Ambasadori: E shoh që kryeministri dhe presidenti po diskutojnë me njeri-tjetrin.

Fevziu: Situatë shumë e çuditshme.

Ambasadori: Mendoj se është e rëndësishme që të jenë brenda kufijve kushtetues dhe të vazhdojnë të punojnë së bashku per të gjetur një zgjidhje sa më shpejt të jetë e mundur.

Vlerësoi punën e ish-ministrittë brendshëm Fatmir Xhafaj ndërsa tha se nuk i di arsyet e dorëheqjes së tij.

Ambasadori: Publikisht ai nuk i ka treguar arsyet. Sinqerisht qe ne nuk e dimë arsyen e dorëheqjes së tij.

Fevziu: Keni ndonjë ide?

Ambasadori: Ka spekulime, por nuk besoj se ky është roli im. Roli im, siç e thashë, është që t’u them autoriteteve shqiptare që na nevojitet një Ministri e Brendshme plotësisht funksionale.

Lufta ndaj krimit të organizuar dhe korrupsionit sipas tij është aktualisht detyra numër një e Shqipërisë.

“Ne presim që autoritetet shqiptare, si një e tërë, të vazhdojnë të rrisin luftën kundër krimit të organizuar në të gjithë territorin. Ky është prioriteti kryesor për Bashkimin Evropian tani dhe në muajt e ardhshëm”.

Ambasadori nënvizoi se në pranverë, Komisioni Europian do të japë një tjetër vlerësim për reforamt përpara se vendoset për çeljen e negociatave.

“Nuk ka asgjë automatike”.

thorstenfrei-893x445.jpg
ent ela23:14 | 19/08/2018

Gjermania vë si kusht për votën e saj pro hapjes së negociatave hartimin e ligjit të ri zgjedhor dhe zbatimin e tij që nga zgjedhjet lokale të verës së vitit 2019. Reporteri për Shqipërinë në Bundestag Thorsten Frei paraqet këtë ultimatum të ri për politikën shqiptare, krahas kushtit të verifikimit të pasurisë dhe figurës së 57 gjyqtarëve dhe prokurorëve në organet më të larta të sistemit të drejtësisë.

Thorsten Frei, reporter për Shqipërinë në Bundestag :“Ne nuk duam që të nisin negociatat deri kur të plotësohen kushtet e vëna nga Këshilli Europian dhe në mënyrë të veçantë plotësimi i rivlerësimit të 57 gjyqtarëve dhe prokurorëve drejtues të sistemit aktual të drejtësisë shqiptare dhe e dyta përfundimi në kohë i Reformës Zgjedhore. Që të jem i qartë, nuk do ketë asnjë nisje të negociatave të anëtarësimit nëse zgjedhjet lokale nuk zhvillohen sipas ligjit të ri zgjedhor që duhet të miratohet pa humbur kohë nga parlamenti shqiptar”.

Lidhur me Reformën në Drejtësi Frei e ka konsideruar të pabalancuar projektligjin e socialistëve për shkollën e Magjistraturës dhe krahas thirrjes për kryeministrin Edi Rama që të gjejë një zgjidhje kompromisi me opozitën për këtë çështje ka propozuar që ekspertë të pavarur ndërkombëtare të përfshihen në zgjedhjen e njerëzve që do të mbajnë pozicionet kyçe në organet e reja të drejtësisë.

Klan Plus

rama-tsipras-londer.jpg
ent ela21:41 | 10/07/2018

Siç pritej, pasditen e të martës kryeministri Edi Rama është takuar në Londër me kryeministrin grek Tsipras.

Në postimin e këshillit të ministrave në Tuiter, thuhet se të dy kryeministrat diskutuan rreth negociatave që po drejtohen nga ministrat e jashtëm të dy vendeve mbi një numër të madh çështjesh dhe vlerësuan arritjet e deritanishme.

“Ndonëse ka ende çështje që do të vazhdojnë të diskutohen nga ekipet negociatore, Kryeministrat Rama dhe Tsipras shprehën besimin se një zgjidhje pozitive mund të arrihet së shpejti”, thuhet në postimin e Kryeministrisë në Tuiter.

Rama dhe Tsipras morën pjesë në Londër në Samitin e Bashkimit Europian me Ballkanin Perëndimor që u mbajt në kuadër të iniciativës së Berlinit. /abcnews.al

KURZ-PER-SHQIPERINE-ERISA-1280x720.jpg
ent ela15:37 | 03/07/2018

Austria ka vendosur zgjerimin e BE-së në qendër të programit të saj në drejtim të Unionit. Kancelari Kurz madje nënvizoi se Viena synon hapjen e negociatave me Shqipërinë dhe Maqedoninë në një kohë më të shpejtë nga ajo çfarë flitet.

Zgjerimi i Bashkimit Europian me vendet e Ballkanit është në qendër të programit të presidencës austriake të Bashkimit Europian,  Këtë e ka artikuluar qartë kancelari i Austrisë, Sebastian Kurz gjatë prezantimit të presidencës austriake në Parlamentin Europian në prezencë të presidentit të Komisionit Europian, Jean-Claude Junker, komisionerit për politikën e fqinjësisë dhe negociatave të anëtarësimit, Johannes Hahn dhe eurodeputetëve. Kancelari Kurz nuk ka fshehur, se presidenca austriake kishte si synim një afat më të shpejtë për hapjen zyrtare të negociatave të anëtarësimit të Shqipërisë dhe Maqedonisë në BE. Austria ka bërë të ditur para marrjes së vendimit të ministrave të jashtëm të Bashkimit Europian në 26 qershor në Luksemburg, se synimi i presidencës austriake ishte hapja e negociatave me Shqipërinë dhe Maqedoninë në dhjetor të këtij viti. Por kjo nuk u bë e mundur si rrjedhim i kundërshtimit të Francës, Holandës dhe Danimarkës.

Sebastian Kurz, kancelari i Austrisë: “Një tjetër çështje që Presidenca Austriake ka për zemër është Europa Juglindore dhe veçanërisht Ballkani Perëndimor. Në këndvështrimin tonë, Bashkimi Europian do të jetë i plotë vetëm kur vendet e Ballkanit Perëndimor të jenë bërë pjesë e komunitetit të kombeve tona. Ballkani Perëndimor jo vetëm që ka një perspektivë europiane, të cilën këto vende e kanë fituar dhe e meritojnë, por ato meritojnë gjithashtu anëtarësimin në Bashkimin Europian. Ndaj, presidenca austriake do të bëjë më të mirën për të mbështetur procesin e anëtarësimit të këtyre vendeve në BE. Jam shumë i gëzuar që u bë e mundur zgjidhja e çështjes së emrit të Maqedonisë. Jemi gjithashtu të gjithë të kënaqur që Shqipërisë dhe Maqedonisë iu krijua mundësia drejt hapjes së negociatave të anëtarësimit, edhe pse ne do kishim dashur një proces më tê shpejtë për tê dyja vendet. Ajo për të cilën kemi vërtet nevojë është dhënia e një perspektive të ndershme për këto vende, një progres të vazhdueshëm dhe të qëndrueshêm drejt Bashkimit Europian, për të siguruar anëtarësimin e tyre të adhshëm në BE”.

Presidenca austriake udhëheq Bashkimit Europian nga korriku deri në dhjetor të këtij viti. Ndër prioritetet kryesore të kësaj presidence është politika e migracionit të Bashkimit Europian, që është tashmë një dosje e nxehtë për të gjitha shtetet anëtare të Bashkimit Europian dhe Komisionin Europian. /abcnews.al

FLECKENSTEIN-VLAHUTIN-1280x720.jpg
ent ela12:07 | 02/07/2018

Bashkimi Evropian i ka vendosur kushte Shqipërisë por ato nuk janë kushte të reja. Kështu tha raportuesi për  Shqipërinë në Parlamentin Evropian, në aktivitetin që u organizua në Tiranë pas konkluzioneve të Këshillit të Ministrave të Bashkimit Europian. Ndërsa Ambasadorja e Bashkimit Evropian në Tiranë ka kërkuar bashkëpunimin e mazhorancës me opozitën, me qëllim përmbushjen e këtyre kushteve deri në qershorin e ardhshëm.

Basha: “Nuk janë me 5 kushtet fillestare, janë 13 sa i përket Këshillit të Ministrave të Bashkimit Evropian dhe akoma më shumë sa i përket vendeve anëtare”.

Rama: “E vërteta është se nuk ka kushte të reja”

Për ta sqaruar ka ardhur në Shqipëri deputeti i Parlamentit Evropian Knut Fleckenstein.

Fleckenstein: “Ka kushte, por nuk janë kushte të reja”.

Për ta bërë edhe më të qartë , ambasadorja e Bashkimit Evropian në vendin tonë Romana Vlahutin tha se nuk është e rëndësishme data e hapjes së negociatave sa realizimi i kushteve të Bashkimit Evropian.

“Në qoftë se përfundimet e Këshillit do të kishin thenë se do të nsimim më një korrik, ju sërish duhet të kalonit një vit në këtë proces analitik. Komisioni ka një kush të ndalë negociatat nëse nuk ka përpparim në kapitujt 23, 24. Komisioni ka mundësi që të shohë ritmin e procesit nga pikëpamja e mbështetjes në meritë”.

Opozita përfaqësohej në këtë tryezë me deputeten e Lëvizjes Socialiste për integrim Kejdi Mehmetaj. Ajo kërkoi nga raportuesi për Shqipërinë në Parlamentin Evropian që të jenë më të qartë mbi kushtet që i kanë vendosur vendit tonë Këshilli i Ministrave të Bashkimit Evropian.

“Diçka që unë e shoh të shtuar, është aty ku thuhet se vendimarrjen për të hapur negociatat këshilli do ta marrë në qershor të 2019-ës, varur nga progresi i bërë për shqiptarët dhe pasi të kalojë edhe në parmaentet e vendeve anëtare”.

Përgjigja që i dhanë diplomatët e huaj është rëndësia që ka mbrritja në pikën finale për hapjen e negociatave. Dhe për këtë politika duhet të bashkohet dhe të bëjë mirë detyrat e shtëpisë.

Fleckenstein: “Më pëlqeu diskutimi sepse na duhet të përmendim që nuk është rezultati që na bën që të kërcejmë, por ka ende shumë gjëra për të bërë. Ka mbi 150 kushte të tjera para se dera të hapet një ditë.

Vlahutin: “Do keni një sfidë të madhe dhe kjo është politika. Ky proces kërkon që të keni bashkim, jo retorik, por një objektiv i mirëfilltë kombëtar që punon gjithkush. Është tejet me rëndësi që të punohet për këtë unitet, është përgjegjësi e shumicës dhe pakicës. Shumica duhet të shtrijë dorën sepse pa bashkimin kombëtar ky është një proces i vështirë dhe thuajse i pamundur”.

Ministri për Evropën dhe Punët e jashtme Ditmir Bushati i cili pjesë e tryezës së organizuar nga fondacioni Friedrich Ebert përsëriti se tashmë qeveria i ka ndezur motorrët për plotësimin e kushteve që i ka vendosur këshilli i ministrave të Bashkimit Evropian. /abcnews.al

 

RAMA-PER-NEGOCIATAT-1280x720.jpg
ent ela11:44 | 01/07/2018

Kryeministri Rama në takimin që zhvilloi me banorë të Korçës tha se Brukseli vlerësoi ecurinë e deritanishme të reformave në Shqipëri. Sipas tij, qendrimi i Komisionit Europian ishte i qartë, vendi ynë ka tashmë një datë për hapjen e negociatave me unionin.

Duke e quajtur atipike formën e fushatës së ndërmarrë në emër të llogaridhënies për qytetarët, kryeministri Edi Rama nga Korça lajmëroi fundin e turit të takimeve.

“Ky është takimi i fundit i fushatës së llogaridhënies publike. Një fushatë atipike sepse partitë kan bërë fushata kur kanë zgjedhje për të kërkuar votën ndërsa kjo nuk është për votë, por për të dialoguar për ndërtimin e një ure solide mes qeverisë dhe njerëzve të zakonshëm”.

Nuk mungoi refreni i akuzave ndaj opozitës për atë që quan shtrembërim të së vërtetës së suksesit të arritur në rrugën europiane, e pa çelur ende jo për faj të Shqipërisë, por si shkak i problemeve të brendshme në Union sipas kryeministrit.

“Ne bëmë gjithçka mundëm dhe pamë nga afër se sa shumë vlerësim pati për gjithë ç’kemi bërë por në të njëjtën kohë se sa e vështire ishte që të gjitha vendet te vendosnin datën per arsye që s’kanë të bëjnë fare me ecurine e vendit tonë por me çështje të BE. Është e hatashme të shikosh si pasqyra e opozitës përpiqet t’u tregojë shqitarëve formen e një gënjeshtre të madhe si të ishte një e vërtetë e hidhur”.

Kërkesës së llogarisë së dy zonjave, të dyja me histori mundimi ndaj papunësisë, kryeministri i ndërpreu  fjalën duke i dhënë zgjidhje të menjëhershme problemit të tyre individual.

Ky ishte takimi i fundit i turit te llogaridhenies publike, sic tha dhe vete kryeministri Rama, ndaj ata qe kane veshtiresi te punesohen, do tu duhet te gjejne mundesi te re per t’iu ankuar drejtperdrejt kreut te qeverise qe tu jape dhe atyre zgjidhjet e tij të menjëhershme rast pas rasti. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono