negociata

Screenshot_5-3.png
R D11:06 | 20/01/2020

Në tetor Shqipëria ngeli në provimin e Brukselit, pasi jo vetëm nuk u hapën negociatat, por Bundestagu gjerman vendosi 9 kushte që duhen plotësuar nga Shqipëria deri në Maj 2020, kur mbahet Samiti i i Zagrebit.

Këtë përsëriti sot në Tiranë ambasadori, Luigi Soreca, gjatë ceremoninë për Presidencën kroate të BE-së. Ai tha se puna që po bëhet për metodologjinë nuk do të ndikojë procesin. Sipas tij  Shqipëria dhe Maqedonia e Veriut duhet të avancojnë me bisedimet për anëtarësim.

“Presidenca kroate është kyçe për Shqipërinë. Pas samitit të Zagrebit, komisioni do të miratojë raportin vjetor dhe përparësi për Shqipërinë do të jenë rezultatet për reformën në drejtësi; Ngritja e Gjykatës Kushtetuese, plotësisht funkionale dhe plotëimi i Reformës Zgjedhore sipas rekomandime të OSBE/ODIHR. Kemi pasur një dialog të mirë politik për këtë të fundit dhe presim që koha që ka mbetur të shfrytëzohet në maksimum. Do të ishte gabim për Shqipërisë që të shkojë e papërgatirur deri në Samitin e Zagrebit”, tha Soreca. /abcnews.al

merkel-1280x789.jpg
in a19:47 | 17/01/2020

Gjermania dëshiron hapjen e negociatave për anëtarësim në Bashkim Europian të Shqipërisë dhe Maqedonisë së Veriut dhe kancelarja gjermane Angela Merkel ka biseduar lidhur me këtë të enjten në takimin me homologun kroat, Andrej Plenkovic. Kroacia ka marrë presidencën e BE-së deri në qershor.

“Unë besoj që Shqipëria i ka përmbushur shumicën e kritereve që kemi kërkuar si vend, veçanërisht sa i përket procesit të Vettingut dhe rikonstruktimit të gjykatave, dhe tashmë është koha për hapjen e negociatave. Parlamenti ynë gjithashtu ka shprehur një numër shtesë të kushteve. Në Maqedoninë e Veriut ishte bërë një kapërcim i madh kur u zgjidh çështja e emrit. Unë besoj që Shqipëria dhe Maqedonia e Veriut janë në të njëjtin grup,” ka thënë kancelarja gjermane Merkel pas takimit të enjten me kryeministrin kroat Andrej Plenkovic.

Kancelarja ka vënë në dukje se në takimin e Këshillit të Ministrave të BE-së në dhjetor nuk kanë mundur të arrijnë një marrëveshje me Macron, por ka theksuar se do të shohë nëse mund të bëhet diçka në takimin e Këshillit në mars.

Ndërsa kryeministri kroat, Andrej Plenkovic, ka folur edhe lidhur me procesin e dialogut midis Kosovës dhe Serbisë, dhe për kërkesën e Përfaqësuesit të Lartë të BE-së, Josep Borell, që negociatat të rinisin përpara Samitit të Zagrebit. Ai  ka thënë se ende nuk kanë hyrë në detaje përsa i përket çështjes së negociatave, por ka thënë se në Samitin e Zagrebit që do të mbahet më 5-6 maj do të diskutohen të gjitha çështjet që kanë karakter politik dhe që janë të hapura dhe ka vënë në dukje se pret përparim nga ai Samit për Ballkanin Perëndimor.

Screenshot_8-1.png
R D14:31 | 16/01/2020

Komisioneri për Zgjerimin e BE-së, Oliver Varhelyi, kërkoi nga  qeveria shqiptare të adresojë sa më shpejt shqetësimet e shprehura nga Franca dhe Holanda, që bllokuan negociatat në tetor. Në konferencën me Kryeministrin Rama në Tiranë, eurokomisioneri tha se krimi dhe korrupsioni janë dy sfidat kryesore për Shqipërinë. Ndërsa Kryeministri Rama, duke kujtuar iniciativën e tij kundër prokurorëve e gjyqtarëve të korruptuar, tha se vendimi për lirimin e anëtarit të bandës së “Durrësit”, Endrit Dokle u dha nga anëtarë të KÇK.

Brukseli vijion të ketë të njëtat shqetësime në raport me ecurinë e Shqipërisë drejt hapjes së negociatave për amëtarësim. Ky proces solli në Tiranë Komisionerin e Zgjerimit të BE-së, Oliver Varhelyi, i cili në një konferencë së bashku me kryeministrin Edi Rama, i cili konfirmoi qëndrimin pozitiv të Komisionit Europian për integrimin dhe përshëndeti marrëveshjen e artritur për reformën zgjedhore.

“Mirëpres përparimin që është bërë në reformën në drejtësi. Mirëpres marrëveshjen e djeshme për reformën zgjedhore. Të gjitha këto janë lajme të mira por kemi ende sfida përpara. Duhet të bëjmë shumë për të luftuar krimin e organizuar, korrupsionin”, tha ai.

Sfida më krimin dhe korrupsionin nuk e pengoi eurokomisionerin që të shpreh pritshmëri pozitive, ndërsa tha se po punohet fortë me Francën dhe Holandën që shqiptarët këtë vit të marrin vendimin pozitiv.

“Ne e konsiderojmë Shqipërinë si një shtet që është gati të hapë negociatat me BE dhe ne do të punojmë fort që kjo të ndodhë para Samitit të Zagrebit. Fakti që nuk u hapën negociatat në tetor ka pasur të bëjë me shqetësimet e disa shteteve anëtare dhe duhet ti shikojmë me vëmendje. Po punojmë që të gjejmë një zgjidhje në mënyrë që të ecim përpara me procesin e zgjerimit. Të krijojmë një qasje të re që bazohet në katër parime bazë”, vijoi Oliver Varhelyi.

Për të treguar vëmendjen tek reforma në drejtësi, kryeministri Edi Rama reagoi për herë të parë për lirimin e Endrit Dokles, i dënuar me burgim të përjetshëm, i cili u lirua pak ditë më parë nga Gjykata e Krujës.

“E kam informuar për procesin e Reformës në Drjetësi si dhe iniciativën e re dhe jemi duke përfunduar diskutimet me ndërkombëtarët për të hapur një ofensive kundër krimit të organizuar. Edhe kundër gjykatëseve e prokurorëve, si në rastin e para dy ditëve që i përkasin KCK. Po e përdorin autoritetin e tyre mes sistemit të vjetër që po shembet dhe sistemin e ri , për të bashkëpunuar hapur me krimin”, u shpreh Rama.

Në fund të Konferencës, kryeministri Rama siguroi eurokomisionerin që si do që të jetë vendimi i këtij viti i Këshillit Europian qeveria shqiptare do të vijojë me reformat. /abcnews.al

bb53c281-d5dd-4ad9-a40b-253a2d236b0e.jpg
R D11:51 | 16/01/2020

Edhe ose shqiptarët ishin mësuar të dëgjonin Johannes Hahn, tani për çështjen e negociatave do të duhet të mësohemi me emrin e Komisionerit të ri të për Zgjerim në Komisionin Europian, Oliver Varhelyi.

Në vizitën e parë të tij në Shqipëri, Komisioneri tha shpresë se marrëveshja për të hapur negociatat e anëtarësimit do të arrihet para Samitit të Zagrebit.  Po kështu dha një tjetër lajm të mirë: “do të japim 28 milionë euro si shpërblim për performacën”.

Gjatë konferencës për mediat, me Kryeministrin Rama, komisioneri Varhelyi deklaroi:

“Ballkani Perëndimor është prioritet, ne si komision duan të rrisim prezencën dhe influencën tonë në këtë rajonin. Raporti i mëparshëm i Komisonit Europin është i vlefshëm. Shqipëria është gati për të çelur negocatat dhe po punojmë të bëhet realitet përpara Samitit të Zagrebit.

Gjithashtu dua të them se duhet ti shohim shqetësimet që kanë shprehur shtetet anëtare, si Franca apo Holanda. Po punojmë me miqtë tanë për të gjetur zgjidhje që të ketë shans të ri për zgjerimin. Do të hartohet një metodologji e re me 4 parime bazë: 1. proces më i besueshëm, më politik, më i parashikueshëm, më dinamik.

Ne synojmë që të hapen negociatat e anëtarësimit përpara samitit të Zabregit. Duam që në samit të tregojmë një plan të zhvillimit ekonomik të gjithë rajonit. Nga ana tjetër do vazhdojmë të kërkojmë që Shqipëria dhe Maqedonia e Veriut të avancojnë me reformat.

Sa i përket Shqipërisë, të gjtha partitë politke duhet të ndihmojnë për ta bërë realitet hapjen e negociatave, pa mbështetjen e të gjitha partive nuk është e mundur të ketë përparim. Do flas sot me opozitën që kjo çështjte te ketë sukses. Unë kam mirëpritur edhe përparimin e reformës në drejtësi. Mirëpres marrëveshjen e reformes zgjedhore, që është gur i rëndësishëm kilometrik.

Sfidat që mbeten janë lufta ndaj krimit dhe korrupsionit që të funksionojë shteti i së drejtës.

Kam dhe një lajm të mirë, ka të bëjë me punën e mirë që është bërë dhe nga fondet e paraaderimit do të japim 28 milionë euro si shpërblim për performacën e mirë të Shqipërisë. /abcnews.al

okkk.png
in a11:10 | 24/12/2019

Kosova mbajti zgjedhjet më 6 tetor 2019, pas 1 muaji u shpall rezultati final me Albin Kurtin (LVV) forcë e parë dhe Vjosa Osmanin (LDK) forcë e dytë. Negociatat nisen heret për formimin e qeverisë së re por ato nuk po përmbyllen, pasi ata nuk bien dakord se kujt i takon posti i Presidentit.  Deputetja e Vetëvendosjes, Albulena Haxhiu, në një intervistë për “Abc News” tha se nëse LDK-ja nuk terhiqet nga kërkesa për Presidentin vendi mund të shkojë në zgjedhje të parakohshme.

A do të bëhet marrëveshja me LDK?

Haxhiu: Nga momenti kur kanë përfunduar zgjedhjet në Republikën e Kosovës Lëvizja Vetëvendosje ka ndryshuar qasjen se si bëhen koalicionet. Tashmë kemi instaluar një mendësi tjetër. Menjëherë kemi kontaktuar partnerin tonë, LDK, që synojmë ta kemi në qeverisje. Kemi pasur një sërë takimesh duke harmonizuar programin qeverisës. Takimet janë përcjellë me frymë optimiste. Kosova ka shumë probleme të cilat nuk na ka lejuar të ndalemi shumë te ideologjitë.

Më tej Haxhiu thekson se janë bërë ndarjet në ministri.

“Kemi përmbyllur çështjet programore dhe kemi bërë ndarjen në 12 ministri nga 21 që ishin, për shkak se ka pasur një tendencë për abuzime. 5 ministri do të drejtohen nga Lëvizja Vetëvendosje dhe 2 do të rezervohen për përfaqësuesit e komuniteteve jo shumicë në Kosovë”, tha Albulena Haxhiu.

Gjithashtu ajo shprehet se është hapur çështja e presidentit duke theksuar se nuk ka si qëllim të merren më këtë çështje.

“Qëndrimi jonë është të mos flasim për çështjen e Presidentit. Kjo kërkesë nuk ka mbështetje nga qytetarët dhe nëse nuk tërhiqen nga kjo kërkesë, e vetmja alternativë mbeten zgjedhjet”, tha Haxhia.

Gjithashtu ajo theksoi se LDK duhet të këtë vullnetin për të bërë një koalicion me Vetëvendosjen dhe nëse nuk do të ndodhë alternativa mbeten zgjedhjet.

“Vullnetin që ka Vetëvendosje për të bërë koalicion duhet ta ketë edhe LDK. Koalicioni duhet të niset me mirëbesim ndërmjet të dyja palëve. Ne do të angazhohemi që ta jetësojmë vullnetin e qytetarëve, por nuk përjashtojmë edhe zgjedhjet e jashtëzakonshme në Republikën e Kosovës. Duhet të shohim dhe alternativat që janë për të bërë koalicionin, u shpreh deputetja e Vetëvendosjes, Albulena Haxhiu. /abcnews.al

*Në video intervista e plotë e deputetes së LVV, e cila ka folur jo vetem për negociatat, por dhe për mini-Shengenin Ballkanik.

sasoli.jpg
ent ela22:08 | 04/11/2019

Presidenti i Parlamentit Europian David Sasoli deklaroi nga Shkupi se Franca, Holanda dhe Danimarka po rishikojnë pozitën e tyre për hapjen e negociatave për Shqipërinë dhe Maqedoninë e Veriut. Gjatë një konference të përbashkët me kryeministrin e Maqedonisë së Veriut Zoran Zaev, Sasoli tha se pritshmëria është që brenda pak muajsh të ndryshohet vendimi i këtyre vendeve, duke u dhënë mundësinë Shqipërisë dhe Maqedonisë së Veriut të vijojnë reformat.

Sasoli hodhi poshtë mundësinë e marrjes së vendimeve të ndara për Shqipërinë dhe Maqedoninë e Veriut. Të njëjtin mesazh ai do ta përcjellë edhe në Tiranë gjatë vizitës në fillim të dhjetorit.

Temës së zgjerimit dhe mundësisë për dhënien eventuale të datës për Shkupin dhe Tiranën, vendet anëtare do t’i rikthehet në Samitin e Zagrebit në maj të vitit të ardhshëm. /abcnews.al

ldk-1280x696.jpg
ent ela16:55 | 30/10/2019

Nënkryetari i Lidhjes Demokratike të Kosovës (LDK), Lutfi Haziri ka thënë për mediat në Kosovë se çështja e postit të presidentit duhet të sqarohet para se të lidhet koalicioni me Vetëvendosjen.

Nënkryetari i Lidhjes Demokratike të Kosovës (LDK), Lutfi Haziri ka folur për çështjen e zgjedhjes së presidentit. Haziri tha në RTV Dukagjini se posti i presidentit duhet të sqarohet para se të zyrtarizohet koalicioni me Vetëvendosjen. Ai ka thënë se nëse nuk zgjedhjet kjo çështje tani, mund të jetë “mollë sherri” në momentin kur të vijë koha për të zgjidhur presidentin. Haziri theksoi se që marrëveshja me Vetëvendosjen të jetë funksionale, të gjitha pozicionet duhet të sqarohen tani. Nëse nuk sqarohet tani, çështja e pozitës së Presidentit, atëherë ne po paralajmërojmë krizë në vitin 2021, tha ai.Nënkryetari i Lidhjes Demokratike të Kosovës ka thënë se Isa Mustafa i plotëson të gjitha kushtet për të qenë president dhe ka shtuar se nëse partitë nuk bien dakord për emër konsensual për postin e presidentit, kur të vijë koha, emri i Presidentit do të vijë nga zarfi. Haziri aludoi kështu në mënyrën e zgjedhjes së ish-presidentes Atifete Jahjaga. Haziri tha se në LDK po mendohet që koalicioni me Vetëvendosjen të jetë edhe më i gjatë se një mandat dhe sipas tij edhe postet e rëndësishme si ai i presidentit duhet të vihen në tavolinë.

Ndërkohë, nënkryetari i Lëvizjes Vetëvendosje, Besnik Bislimi, iu përgjigj deklaratave të nënkryetarit të Lidhjes Demokratike, duke qartësuar se kërkesa të tilla nuk diskutohen në grupet punese, por duhet t’i drejtohen Albin Kurtit nga Isa Mustafa.

Bislimi u tha mediave në Kosovë se tashmë po flitet për programin qeverisës dhe pjesë të tjera nuk mund të përfshihen në grupet punuese që kanë ngritur dy partitë. Express raportoi se posti i Presidentit ishte dakorduar më parë që të mos ishte pjesë e marrëveshjes në takimin e parë midis liderëve, Kurtit dhe Mustafës. /ABC News Albania 24/7

hill.jpg
ad min10:29 | 26/10/2019

I pranishëm në samitin e Paqes për Europën Juglindore ishte edhe ish-ambasadori i SHBA-së në Maqedoninë e Veriut, Christopher Hill. Ai deklaroi se paqja është e vështirë për t’u arritur, por përgëzoi punën e popujve të Ballkanit perëndimor gjithë këto vite.

“Paqja është e vështirë për t’u arritur në disa anë. Ajo është diçka të cilën të tërë e kemi ëndërruar, por besoj se e kuptojmë që paqja nuk është mungesa e luftës. Ajo nënkupton edhe një lloj strukture marrëdhënie mes njerëzve, të mënyrës sesi një person respekton pikëpamjet e tjetrit. Veçanërisht nuk ka qenë e lehtë në Ballkanin Perëndimor kur kam ardhur në Shqipëri përherë të parë në  vitin 1991, 28 vjet më parë, por duket si një kohë shumë e gjatë përpara. Atëkohë kishte një sistem qeverisje që ishte aplikuar në disa vendeve.  Të tërë e dimë që paqja varet nga njerëz të ndryshëm të cilët mblidhen sëbashku në respekt të njëri tjetrit. Banorët e Ballkanit kanë mijëra vjet ë luftojnë. E dëgjojmë shpesh dhe kjo është e pavërtetë sepse popujt e Ballkanit kanë dalë nga kjo e kaluar luftarake dhe kanë krijuar komunitete që mendoj se janë zilia e pjesë të ndryshme të botës, të cilët nuk janë ende të krijojnë këtë sens komuniteti si në Ballkan”, tha Hill.

Hill risolli në vëmendje edhe vendimin e BE-së për negociatat. Ai theksoi që rruga është akoma e hapur, megjithatë do të ketë sfida. Sipas Hill, BE do të jetë e plotë kur t’i bashkohet edhe Ballkani Perëndimor.

“Ballkani po përpiqet të jetë pjesë e BE. Mendoj se të tërë këtu e dimë zhgënjimin e kohëve të fundit për shtyrje të negociatave me BE. E ndiej vetë këtë zhgënjim. Rruga për të ecur vazhdon të jetë e hapur, vazhdon të jetë e kalueshme, por do të ketë sfida përsëri. Jam shumë i bindur që ky udhëtim që popujt e Ballkanit kanë nisur është udhëtim që i ka ndihmuar popujt për kohë të vështira. Skam dyshim që nuk do të ketë vërtetë Europë të lirë dhe të plotë pa bashkimin edhe të Ballkanit Perëndimor në të”, tha Hill./abcnews.al

ervin-bushati.jpg
ad min22:19 | 23/10/2019

Sipas deputetit të Partisë Socialiste, Ervin Bushati, Shqipëria i ka kryer detyrat e saj për sa i përket çështjes së negociatave. Gjatë emisionit “Byro Politike” në televizionin ABC News, ai u shpreh se këtë gjë e kanë menduar edhe shumica e vendeve anëtare, përveç Francës.

“Nëse ne i vemi këto në peshore dhe maten punët e Shqipërisë janë shumë më tepër se sa arsyet për të thënë Jo. Ndryshe nuk do kishte thënë Po as KE, nuk janë çmendur ata, as Merkeli, as Bundestagu. Të gjithë të tjerët kanë thënë po. Ne kërkojmë të gjejmë arsye pse ka thënë Jo Macron, Presidenti francez, ose e supozojmë e gjithë Franca. Kjo nuk reflekton si e shohim ne veten apo çfarë faji kemi ne. Apo çfarë kemi ndonjë cen ne si shqiptarë apo si shqiptari, apo ku ta kërkojmë ne këtë. Punët janë bërë. Ne po kërkojmë të futemi në oborr dhe kjo që kërkojmë është e barasvlershme me atë që kemi bërë. Kështu e mendojnë 95% e atyre që marrin vendime”, tha Bushati.

Sipas deputetit, në Europë ka një garë se kush është lideri i saj. Prandaj, me gjithë diskutimet që janë kryer në samit, Shqipëria ka qenë vetëm një gur shahu për Macron.

“Ata kanë një garë se kush është lideri de facto i Europës ndërmjet një ylli në ngritje siç është Macroni, apo një presidente qtë qeverisë federale siç është Merkel. A është e rëndësishme Shqipëria? Ne harojmë ka qenë Brexit në diskutim, BQE. Shqipëria ishte një gur shahu në fushën e madhe të Macronit”, tha Bushati./abcnews.al

astrit-patozii-1.jpg
ad min23:04 | 22/10/2019

Astrit Patozi nuk pajtohet me asnjërën nga qasjet e mazhorancës apo opozitës pas vendimit të Këshillit Europian për të mos hapur negociatat për Shqipërinë. I ftuar në studion e Abc News, drejtuesi i Bindjes Demokratike deklaroi qartë se vendi ynë në këtë fazë nuk e meriton hapjen e negociatave me BE.

“Pas lajmit të keq kemi një reagim të ekzagjeruar të dy palëve. Qeveria po e trajton sikur ka një problem Brukseli, nuk ka asnjë problem Tirana. Nga pala tjetër ka një ekzagjerim të madh sikur është fundi i botës, kjo ndodhi për herë të parë. Shqipëria ka pasur shumë stacione të humbura gjatë rrugëtimit të vet drejt Europës. Të dyja qasjet janë patetika.

E vërteta është që ka përgjegjësi shumë të madhe qeveria dhe politika, por qeveria në veçanti. Disa po i vërsulen Macronit duke e sharë edhe nga gruaja por ndërkohë duhet ta mburrin atë. Pra pala që është e mërzitur me Macronin duhet ti jetë mirënjohëse. Macroni në një farë mënyre i shpëtoi nderin qeverisë”, tha Patozi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono