ndryshon

world-most-admired-woman-1563457950.jpg
Sej rie23:15 | 18/07/2019

Lista e pesë burrave më të admiruar për vitin 2019 mbetet e pandryshuar nga ajo e një viti më parë, ndërkohë që në listën e grave ka pasur ndryshime. Angelina Jolie ka kaluar nga vendi i parë në vendin e tretë në studimin vjetor të YouGov ku përfshihen emra të rëndësishëm me ndikim botëror. Gruaja më e admiruar për vitin 2019 është Michelle Obama.

Ish Zonja e Parë e Amerikës ndiqet nga Oprah Winfrey në vendin e dytë.

Përsa i përket listës së burrave, ajo mbetet e pandryshuar që nga viti i kaluar ku kryeson Bill Gates. Barack Obama qëndron në vendin e dytë dhe kështu çifti Obama është praktikisht çifti më i pëlqyer i pranetit.

Listën e plotë e shihni në vijim:

wo14-UK-Corbyn-WEB.jpg
nev ila23:40 | 09/07/2019

Kreu i laburistëve në Britaninë e Madhe, Xheremi Korbin ka bërë një ndryshim tërësor sa i takon daljes nga BE-ja, duke mbështetur mbajtjen e një referendumi të dytë. Gjithashtu, Korbin ka deklaruar se do të bëjë fushatë për qëndrimin në BE nëse marrëveshja e divorcit nuk do të mbrojë interesat britanike.

Lideri i opozitës britanike, Xheremi Korbin ka bërë një lëvizje të papritur lidhur me Breksit, duke u shprehur në favor të një referendumi të dytë. Madje, Korbin është zotuar se do të mbështesë opsionin e qëndrimit në BE nëse qeveria e ardhshme do të dorëzohet para idesë për një votim të ri popullor.

Korbin ka deklaruar se do të dalë kundër çdo hipoteze për një dalje pa marrëveshje, si dhe kundër çdo marrëveshjeje të dëmshme që konservatorët mund të arrijnë për të lënë BE-në. Vendimi i kreut të laburistëve, i shtyrë disa herë, është ratifikuar të martën nga qeveria hije dhe njoftuar në një letër të hapur.

Në letrën në fjalë, Korbin i bën thirrje Boris Xhonson dhe Xheremi Hant, njëri prej të cilëve do të pasojë kryeministren e dorëhequr Theresa Mej, që ta pranojnë votën popullore mbi ndarjen nga Brukseli.

“Kushdo që të bëhet kryeministër duhet të ketë besimin për t’u kthyer tek populli dhe t’i nënshtrojë votimit publik marrëveshjen, apo daljen pa marrëveshje”, ka thënë Korbin.

Ai ka shtuar se laburistët do të bëjnë fushatë për të qëndruar në BE ndaj çdo marrëveshjeje që nuk mbron ekonominë britanike dhe vendet e punës të qytetarëve në Mbretërinë e Bashkuar./ABC News Albania 24/7

Elseid-Hysaj-1280x718.jpg
nev ila20:15 | 10/04/2019

Elseid Hysaj mund të ndryshojë skuadër sezonin e ardhshëm. Mbrojtësi i kombëtares shqiptare shpreson të gjejë formën e duhur duke u larguar nga Napoli.

Ndeshja e fundit më shumë i prishi punë.

Elseid Hysaj ishte thuajse tërësisht në hije për Napolin ndaj Xhenoas, dhe në Itali nisën përsëri lajmet mbi një largim të tij nga skuadra e Serisë A.

Fjala është thjesht për një ikje, pa dhënë hollësi se ku mund të shkojë, ndonëse mbrojtësit të kombëtares shqiptare nuk është se i kanë munguar alternativat.

Problemet gjatë këtij edicioni kanë sjellë edhe ulje të vlerës së kontratës, pasi nga 40 milionë euro që pretendon klubi napolitan, ofertat mund të arrijnë deri në 25 milionë.

Trajneri Karlo Ançeloti nuk e cilëson si tepër të rëndësishëm për skemat e tij, ndonëse për shkak të rotacionit e ka aktivizuar në disa ndeshje edhe si titullar.

Gjatë verës, trajneri napolitan pritet të bëjë ndryshime në skuadër, dhe një nga të sakrifikuarit mund të jetë pikërisht Hysaj.

Duket se kohët e arta nën drejtimin e ish-trajnerit Mauricio Sarri janë larg dhe shqiptari ndoshta shpreson se mund ta gjejë sërish formën e dikurshme vetëm në një skuadër tjetër.

Dikur është diskutuar se ai mund të shkonte tek Bajerni, Atletiko apo Çelsi, por këtë vit është përmendur emri i Interit.

Kontrata e Hysajt vlen deri në 2021, ndërsa u nënshkrua në 2016, një vit pasi Hysaj u transferua nga Empoli tek Napoli për 5 milionë euro.

Një stabilizim i karrierës së mbrojtësit të djathtë do të ishte një ndihmë e madhe edhe për kombëtaren shqiptare, për të cilën Hysaj sot është kapiten./abcnews.al

basha-1-1280x752.jpg
ent ela21:30 | 05/04/2019

Kandidatët e Partisë Demokratike do të përzgjidhen sipas një sistemi të ri që po ndërtohet me ndihmën e partnerëve perëndimorë.  Prezantimin e këtyre ndryshimeve kryetari i Partisë Demokratike Lulzim Basha e bëri gjatë një bashkëbisedimi me studentët e Universitetit Politeknik të Tiranës.

 

Partia Demokratike do të ndryshojë sistemin e përzgjedhjes së kandidatëve. Prezantimin e bëri kryetari Lulzim Basha në bashkëbisedimin me disa studentë në Korpusin e Universitetit Politeknik të Tiranës.

“Ne po adoptojmë një model evropian brenda partisë tonë. Unë jam i vendosur ta modernizoj dhe ta demokratizoj Partinë Demokratike, dhe për këtë kam mbështetjen e botës perëndimore. Të partisë Konservatore në Angli, CDU-së Gjermane, Partisë Republikane Amerikane”.

Me sistemin e ri kryedemokrati nënvizon hapjen e Partisë Demokratike ndaj çdokujt dhe ju jep mundësinë përmes garës të kontribuojnë nëqoftëse duan të marrin përgjegjësi publike.

“Që të ndryshojë politika, në radhë të parë duhet të ndryshojnë faktorët e politikës, që janë partitë politike. Nëse brenda partive politike, gjithë vendimmarrja është në dorën e një njeriu, në rastin konkret të kryetarit të partisë që bën listën e kandidatëve për deputetë, ashtu do të jetë nesër dhe shteti, në dorën e një njeriu. Ne do ti japim fund kësaj praktike. Unë ju jap fjalën se jam i vendosur ti jap fund kësaj praktike, duke nisur brenda Partisë Demokratike sot, dhe nesër në qeverisje”.

Në procesin e përzgjedhjes së kandidatëve do të mundësohet që çdokush që ka interes të përfaqësojë politikisht qytetarët, komunitetin, në çdo lloj niveli, të kenë mundësinë të garojnë. Në fund do të jetë merita ajo që do të përcaktojë se kush do të jetë ai/ajo që do të përfitojë përmes votës së lirë dhe përmes një vlerësimi transparent, mundësinë për të përfaqësuar nesër PD-në në  Parlament.

“Natyrisht do ta bëjmë këtë duke i pamundësuar garimin njerëzve me rekorde kriminale, apo njerëzve që vijnë aty me para për të shumfishuar paratë e tyre, jo për ti shërbyer qytetarëve apo njerëzve që nuk ndajnë vlerat tona. Britanikët do të na ndihmojnë dhe po na ndihmojnë që ne të ndërtojmë tashmë një mënyrë të zbatimit të këtyre rregullave”.

Në bashkëbisedimin me të rinjtë kryetari i Partisë Demokratike premtoi se në qeverisjen e demokratëve asnjë student nuk do të mbetet pa studiuar  nëse familja nuk ka mundësi ekonomike./abcnews.al

AFP-TV_20190318_WAR_NZL_GunLaws_VID1319563_EN_en.jpg
ent ela09:59 | 18/03/2019

Pas deklaratës së qeverisë së Zelandës së Re se shumë shpejt do të miratohet një moratorium për armëmbajtjen, qytetarët kanë vendosur t’i dorëzojnë vullnetarisht. Ndërkohë autori i masakrës së Kristçërç ka pushuar nga puna avokatin e tij duke thënë se do të mbrohet vetë.

Kryeministrja e Zelandës së re, Jasinda Ardern, paralajmëroi se brenda dhjetë ditësh do të publikohet një reformë për shitjen e armëve. Disa qytetarë kanë vendosur të dorëzojnë vullnetarisht armët e tyre ndërkohë. Njëkohësisht në vend do të nisin hetimet dhe për shërbimin e inteligjencës. Brenton Tarant, supremacisti australian autor i masakrës së Kristçërç ku humbën jetën 50 persona, nuk rezultonte i skeduar.

Sipas policisë Tarant ka vepruar i vetëm por mund të ketë pasur dhe bashkëpunëtor. Shqetësimi qëndron në faktin se shërbimet sekrete të Zelandës së Re ishin përqendruar më shumë seç duhet tek komuniteti mysliman për të hetuar rreth planeve të mundshme për sulm

Organizatorët e panairit më të rëndësishëm të armëve në vend, në program për në 23 Mars, kanë vendosur  të anulojnë manifestimin në shenjë respekti për viktimat e sulmeve në dy xhamitë.

Ndërkohë mediat vendase raportojnë se Tarant ka pushuar nga pina avokatin e tij dhe ka ndërmend të mbrohet vetë para gjykatësve. Po sipas metodave ideja është që 28-vjeçari të transformojë procesin në një mjet për propagandën supremaciste. Avokati deklaroi se Tarant ishte i kthjellët dhe i qëndrueshëm mendërisht pavarësisht bindjeve të tij ekstremiste./abcnews.al

Rama3-1280x678.jpg
ent ela16:33 | 14/01/2019

Vendimin e Kryeministrit Rama për të propozuar emrin e tij si Ministër i Jashtëm pas refuzimit të zotit Cakaj nga kreu i shtetit Ilir Meta, demokrati Tritan Shehu dhe analisti Mark Marku e shohin si formalizim të asaj që ndodh de facto. Kryeministi merr vendimet për ministrat e tij.

Zhvillimet politike në vend rreth pyetjes se kush do të zërë karrigen e shefit të diplomacisë Shqiptare kanë marrë një tjetër drejtim pas vetë-propozimit të kryeministrit Rama për postin në fjalë, depozituar në presidencë të hënën e 14 janarit.

Kjo lëvizje e konsideruar si adoptim i skenarit “Tsipras”, për ish-ministrin e jashtëm  Tritan Shehu nuk zhbën propozimin e parë të kryeministrit për këtë post, e aq më pak refuzimin e marrë nga kreu i shtetit.

Tritan Shehu: “Paralelizmi me Greqinë dhe Kotzias nuk ka asnjë lidhje me gjendjen këtu… këtu Kryeministrit ju rrëzua kandidatura e shumëmbështetur e cila nuk ishte kështu dhe u rrëzua me argumenta seriozë dhe që bien ndesh shkaqet me interesin kombëtar…”.

Ndryshimin e propozimit të kryeministrit për kreun e ministrisë së jashtme, analisti Mark Marku e sheh vetëm në rrafsh nominal, e jo në përmbajtje.

Mark Marku: “Fakti që bëhet apo nuk bëhet Ministër i Jashtëm Rama nuk ndryshon asgjë sepse edhe po të ishte ky nuk ndryshon asgjë…. ne kemi një Kryeministër që është ministër i të gjitha ministrive dhe ministrat janë zv.ministra…”.

Argumenti i përgjegjësisë politike nuk e bind Mark Markun.

“Ai përgjegjësi nuk mban, s’ka mbajtur ndonjëherë, që në elementë normal, është sjellë si trajner kombëtareje. Në takime formale diplomatike të nielit të lartë duke mos respektuar protokollin, që ktu fillon diskutimi a mund të jetë ministër i Jashtëm Rama”.

Për demokratët, rrugëdalja e kryeministrit nga kjo situatë është vetëm një.

“Dorëheqja, dorëheqja, dorëheqja… sepse u rrëzua një kandidaturë e mbështetur fort prej tij, me arsye të rënda për një vend si Shqipëria”, tha më tej Shehu. 

Sa i përket diplomacisë shqiptare, e cila vuan pasojat e politikës së brendshme sipas Mark Markut, nevoja për një ndryshim të qasjes është e menjëhershme.

“Për shembull ne nuk kemi një strategji të politikës së jashtme, që identifikon aleatët, qëndrime të caktuara të cilat nuk ndryshojnë…ne e kemi shumë të personalizuar politikën e jashtme si të brendshmen, ka mik Erdoganin lidhemi me Turqinë, ka miqësi me Merkel lidhemi me Gjermaninë, nuk mund të mbështete politika e jashtme mbi preferenca personale edhe të krerëve të shtetit…duhen ndërtuar kolona të politikës së jashtme që ne fatkeqësisht nuk i kemi”.

Hetimi parlamentar i kërkuar nga kreu i shtetit Ilir Meta dhe materializuar institucionalisht nga opozita mbi procedurën e akreditimit të zv.ministrit Cakaj nga Drejtoria e Sigurimit të Informacionit të Klasifikuar, është çështje proceduriale por mban në thelb pikërisht mungesën e përgjegjshmërisë qeveritare për Mark Markun.

“Çështje proceduriale është …por problemi është thelbësor… mendoj që kjo nxjerr thelbin e mosfunksionimit të shtetit shqiptar, i shkrepet Kryeministrit të bëj ministër një askush, thyen të gjitha procedurat dhe ja kjo na bën jo serioz me partnerët ndërkombëtarë”.

Kreu i qeverisë njoftoi se do të mbajë postin e ministrit të brendshëm deri në ri-ngritjen e Gjykatës Kushtetuese, inekzistente prej thuajse një viti, ku kryeministri Rama paralajmëron ankimimin e refuzimit të presidentit për dekretim të shkarkimit të ministrit Bushati dhe emërimit të Gent Cakajt në vend të tij./abcnews.al

be-1-1280x708.jpg
ent ela15:20 | 14/01/2019

Mosdekretimi i Genti Cakaj për postin e Ministrit për Evropën dhe Punët e Jashtme nga Presidenti i Republikës, Ilir Meta, ka influencuar edhe axhendën e takimeve të institucioneve europiane për Shqipërinë. Në 10 janar ishte parashikuar një takim midis Përfaqësueses së Lartë për Politikën e Jashtme dhe të sigurisë së BE-së, Federica Mogherini dhe ministrit të Punëve të Jashtme të Shqipërisë, Ditmir Bushati, Por ky takim, që figuronte edhe në shërbimin audiovizual të Komisionit Europian është shtyrë.

E kontaktuar nga ABCnews javën e shkuar, zëdhënësja Maja Koçijançiç ka bërë të ditur, se ky takim ishte zhvendosur këtë javë, por pa qartësuar nëse do tê ishte Bushati apo Cakaj, që do të takohej me shefen e diplomacisë europiane. Ngërçi i krijuar lidhur me postin e ministrit të punëve tê jashtme të Shqipêrisë, lë sërish pezull takimin e parashikuar me Mogherinin. Shërbimi i aksionit të jashtëm të Bashkimit Europian nuk ka ende datë për këtë takim./abcnews.al

ora.png
us er16:03 | 28/10/2017

Akrepat e orës do të ndryshojnë nesër ditën duke u shtyrë me 60 minuta mbrapa.Lëvizja e akrepave bëhet duke u gdhirë e diela, në orën 03:00 të mëngjesit. Ky fenomen ndodh dy herë në vit: në javën e fundit të tetorit dhe në të dielën e fundit të marsit, kohe kur ora shkon para.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono