ndryshimi

PROVOKACIJA-MONOLOGU-DHE-FATMIR-XHAFAJ-1280x720.jpg
ent ela21:21 | 21/09/2018

Duke e konsideruar veten tek ata individë që lënë gjurmë me punën e tyre, Xhafa rrëfeu në “Provokacija” dhe 4 prioritetet e tij deri në fund të mandatit si ministër i Brendshëm, që shumë shpejt disa prej tyre do të bëhen publike.

 “3 ambicie të afërta, dhe një që është pak më i vështirë është rasti i i policisë kriminale, nuk mund të ketë polici shteti pa polici kriminale. Ajo që është bërë në vite është shpërbërja e policisë kriminale.

Rasti i policisë kriminale që duhet të investohet më shumë. E ka dëmtuar mungesa e Akademisë së Policisë në vite, ishte sukses hapja e akademisë, lëvizjet pa kritet brenda policisë dhe mungesa e trajnimit dhe logjistika ose teknologjia, sepse është i rëndësishëm ky element. Kemi pasur rreth 10 milionë dollarë që gjysma i ka shkuar policisë kriminale. Duam të bëjmë të nëjtën gjë edhe vitin që vjen”.

Ministri i Brendshëm vlerësoi se nëse 2-3 vjet më parë kishte mungesë besimi për Policinë Shqiptare, sot konsiderohet partneri më i besueshëm në Ballkan. Këtë tha Xafa e vërteton edhe fakti se janë ngritur skuadrat e përbashkëta me policinë gjermane që do hetojnë në territorin gjerman dhe shqiptar, çështje që zhvillohet njëkohësisht në disa vende.

“2-3 vjet më parë ishte mungesë besimi nga vendet partnere sot policia shqiptare konsiderohet partneri më i besueshëm në Ballkan. Dhe sot kemi arritur në një shkallë që policia shqiptare konsiderohet partneri më i besueshëm në Ballkan. Sot si asnjë polici tjetër kemi ndërtuar skuadrat e përbashkëta me policinë gjermane që do hetojmë në territorin gjerman dhe shqiptar, do marrin një çështje që zhvillohet njëkohësisht në disa vende. Do hetojnë sëbashku me policët gjermanë me skuadra të përbashkëta dhe do hetojnë bashkarisht. Është nivel i lartë besimi dhe unë jam krenar”.

I pyetur se çfarë do të ndryshonte deri në fund të mandatit, ministri i Brendshëm Fatmir Xhafa përgjigjet: Do të doja të ndryshoja 3 gjëra më saktë 4, e para policia kriminale, hetimi është zemra e policisë

Nano: A preket nga ndryshimi?

Xhafaj: Duke vendosur rregulla të qarta që mos luanin.

E dyta një menaxhim europian të sigurisë rrugore, që do thotë menaxhimi jo thjesht trafiku, por më gjerë të jetë i standardit europian, përfshirë edhe perceptimin fizik të policit.

E treta menaxhim të standardit europian të të gjitha pikave të kalimit kufitar që shumë shpejt do i bëj publike, kam marrë mëbshtetjen e kryeministrit për t’i mbështetur edhe financiarisht.

Së katërti një implementim të asaj filozofie, të zbatojmë atë që quhet policimi në komunitet, raporti i tij me banorët e qytetarët.

Nano: Mendoni se do i bëni deri në fund të mandatit?

Xhafaj: Kam filluar. Jam ambicioz, Shikoj edhe ëndrra për këtë gjë, por shpresoj që t’i bëj realitet. /abcnews.al

MichaelRoth-1160x757.jpg
ent ela20:38 | 16/09/2018

Ministri gjerman për Evropën, Michael Roth, gjatë një vizite në Beograd ka njoftuar se Berlini dhe Bashkimi Evropian janë kundër ndryshimit të kufijve mes Kosovës dhe Serbisë. Sipas tij, problemet nuk do të zgjidhen përmes rishikimit të kufijve.

Ministri për Evropën në Ministrinë e Punëve të jashtme të Gjermanisë Michael Roth, gjatë një vizite zyrtare në Beograd, tha se “me vullnet të mirë dhe me guxim mund të arrihet zgjidhja për Kosovën”. Megjithatë ka përcjellë edhe mesazhin nga Berlini se “problemet nuk mund të zgjidhen me vizatimin e kufijve të rinj”. Zyrtari gjerman në një deklaratë për agjencinë shtetërore të lajmeve të Serbisë, Tanjug, ka sjellë në vëmendje se “shtetet e Ballkanit Perëndimor prapa vetes kanë një histori tragjike, një luftë civile me qindra mijëra të vrarë dhe me miliona njerëz të dëbuar dhe të zhvendosur. Pikërisht për këtë arsye, tha Roth, të gjithë duhet të nxjerrin mësime nga ajo histori tragjike.

Michael Roth, ministër i Gjermanisë për Evropën: “E ardhmja e Ballkanit Perëndimor janë shoqëritë që janë të hapura për të gjithë popujt, religjionet, kulturat. Për këtë angazhohet Evropa dhe BE-ja. Për këtë arsye edhe një herë mundem vetëm të paralajmëroj se problemet nuk zgjidhen me atë që do të vizatohen kufij të rinj”.

Roth u pyet edhe për mundësinë e ndryshimit të kufijve, apo shkëmbimit të territoreve mes Kosovës dhe Serbisë. “Kam një përshtypje se as në Ballkanin Perëndimor, sepse shumë shpesh e vizitoj, nuk ka simpati për një ide të tillë. Hapja e Kutisë së Pandorës mund të jetë me pasoja të rënda”, tha diplomati gjerman. Në fund ai nënvizoi se rasti i marrëveshjes për emrin mes Maqedonisë dhe Greqisë duhet të shikohet si shembull për zgjidhjen e mosmarrëveshjeve./abcnews.al

climate-changing-1280x640.jpg
ad min10:27 | 12/09/2018

Me një hap të pazakontë, 700 studiues francezë i drejtojnë një apel bashkësisë botërore për kërcënimin e katastrofave nga ndryshimet klimatike. Në apelin e publikuar nga gazeta “Liberation” ata kërkojnë me urgjencë hapa të shpejtë për të kufizuar ngrohjen globale. Sfidat e ndryshimit të klimës mund të tejkalohen vetëm me “ndryshime të menjëheshme në kuadër të objektivave të qarta dhe ambicioze” deri në vitin 2023.

Ndryshimi i klimës është realitet gjithnjë e më shumë i ndjeshëm, shkruajnë studiuesit. Si për shembull përmes rritjes së temperaturave mesatare, shkrirjes së akullnajave, rritjes së nivelit të detit, shkatërrimit të ekosistemeve. “Fjalimet nuk mjaftojnë siç e tregojnë shifrat e emetimeve të gazrave karbonikë”, kritikojnë ekspertët, ku bëjnë pjesë edhe fizikantë dhe ekonomistë.

Studiuesit kritikojnë ngadalësinë e ecjes përpara të luftës kundër ngrohjes globale. Ata i referohen Marrëveshjes së Parisit, 2015 ku u përcaktua një plan veprimi për të kufizuar ngrohjen globale nën 2 grad Celcius. Por një projekt i përmasave të tilla nuk realizohet thjesht me nënshkrimin e një ujdie, theksojnë studiuesit./DW

MBULIM-KOSOVE-SEANCA-11.mpg_snapshot_00.29-1280x658.jpg
ad min11:09 | 06/09/2018

Dhe pse e parashikuar të niste në orën 10:00 të paradites së sotme, seanca e jashtëzakonshme parlamentare në Kosovë nuk ka nisur ende. Sipas mediave koavare aktualisht në sallë ndodhen 45 deputetë, nga LDK-ja, VV-ja dhe PSD-ja.

Përmes kësaj seance të jashtëzakonshme opozita po tenton të miratojë një rezolutë që do të ja ndalonte Presidentit Thaçi udhëheqjen e bisedimeve me Beogradin.Opozita në vend synon miratimin e një resolute e cila i ndalon presidentit Thaçi që të diskutojë për çdo ndryshimi territorial të vendit. Lideri i Partisë Lidhja Demokratike e Kosovës që është dhe inciatore e kësaj resolute, Avdullah Hoti, i ka bërë apel deputetëve që të marrin pjesë në seancë për të votuar rezolutën. Nga ana e tij dhe kryetari i parlamentit, Kadri Veseli, i ka bërë apel kreut të shtetit që të mos negociojë për kufijtë me palën serbe në takimin në Bruksel në 7 shtator./abcnews.al

italy-news-migrant-crisis-salvini-lega-hungary-orban-969429.jpg
ent ela11:54 | 05/06/2018

Ministri i brendshëm italian Mateo Salvini, deklaroi se kishte rënë dakord me kryeministrin hungarez Viktor Orban, gjatë një bisede telefonike, për të ndryshuar rregullat e Bashkimit Europian.

Pata një bisedë telefonike me kryeministrin hungarez Viktor Orban dhe ramë dakord se do të bashkëpunojmë për të ndryshuar rregullat e Bashkimit Europian. Deklarata u bë nga ministry I brendshëm Italian Mateo Salvini gjatë një takimi me mbështetësit e tij në Fiumicino duke shtuar se në Luksembug nuk do ti thoshte jo rregullores që do të merrte më shum kohë për trajtuar temën e e emigrantëve të paligjshëm në Itali. Salvini më tej u shpreh se Italia dëshiron të jetë pjesë e komunitetit europian por me  të drejta të barabarta.

Lideri i Legës pranoi se kishte shumë armiq, duk e përmendur akuzat e Soros që e cilësoi si një nga spekuluesit më të mëdhenj në botë, futbollistin e kombëtares italiane Baloteli dhe shkrimtarin e njohur Saviano për të cilin tha se e kishte hedhur në gjyq. Duke folur për qeverinë ai konfirmoi se me kryeministrin Konte janë në harmoni të plotë, edhe pse mund të ketë grindje në të ardhmen si në cdo familje rëndësi ka që cdo gjë ka nisur me këmbën e mbarë.

Duke komentuar deklaratat e ministrit për familjet nga radhët e Legës, kundër familjeve hmoseksuale, Salvini tha se qeveria nuk hyn në dhomën e gjumit të askujt, por cdo fëmijë ka të drejtë të ketë nënën dhe babain, dhe jo prindin numër 1. 2 apo 3. /abcnews.al

NDRYSHIMI-I-BELSHIT-REPORTAZH-1280x720.jpg
ent ela14:11 | 29/04/2018

Në vendin ku ndodhen 85 liqene, gjërat kanë nisur të ndryshojnë. Qyteti, qendra e Dumresë ka marrë një pamje tjetër dhe banorët ndjehen të kënaqur që zona e tyre tashmë do të jetë më shumë e dëshiruar nga vizitorët.

Dumreja, një pllajë e njohur në Shqipëri  veçanërisht për numrin e madh të liqeneve karstikë.

Ajo ka në përbërje qytetin Belësh dhe 40 fshatra.

Termi Dumre (Duam-re) në fakt të jep përshtypjen e një treve të thatë, por prezenca e liqeneve është dëshmi e një ekuilibri të habitshëm që ka bërë natyra.

E njohur për bukuritë  dhe peisazhin e veçantë, e vendosur në qendër të Shqipërisë, nxitën rilindësin e madh Sami Frashëri që ta propozojë atë si Kryeqytet të Shqipërisë. Kjo ëndërr nuk u bë asnjëherë realitet.

Prezenca e mbi 85 liqeneve vjen si rezultat i përbërjes së veçantë gjeologjike të territorit, ku mbizotëron elementi karstik. Krijimi i tyre  ndër shekuj ka ardhur si pasojë e formimit të gropave nga lëvizjet tektonike ose vullkanike të tokës. Liqenet përbëjnë 3% të territorit të përgjithshëm të Dumresë.

Ata janë një burim i mirë hidrik për ujitjen e tokave, vetëm se problem mbetet shfrytëzimi pa kriter dhe hedhja e mbeturinave.

Qytetarët  i janë gëzuar ndryshimit dhe e shohin turizmin si një mundësi për rritjen e të ardhurave.  Ndërtimi i rrugës së re që lidh Cërrikun me Belshin dhe Urën Vajgurore i afron ata me tregje të mëdha si Elbasanin dhe Tiranën.

Kështu edhe Dumresë i janë çelur perspektiva të reja të favorizuara nga natyra dhe historia e pasur e zonës. Thjesht duhen ide, ndërgjegjësim, projekte, investime dhe konkretizim i tyre.

Gazetar i ABC News, Elbasan: Fatos Salliu


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono