ndryshimi

agim_kajmaku.jpg
nev ila17:13 | 12/01/2020

Agim Kajmaku, ish-kreu i bashkisë së Vorës i cili prej nëntorit të 2019 qëndron në arrati, vijon betejën e tij ligjore në distanë me Gjykatën e Tiranës.

Të hënën Kajmaku do të kërkojë ndryshimin e masës së sigurisë, atë të arrestit në burg dhënë në mungesë, me atë të detyrimit për t’u paraqitur deri në përfundim të hetimeve.

Provat e reja janë administruar nga prokuroria e Tiranës, të cilat do të bëhën të ditura në gjykatë. Këto prova kanë të bëjnë më falsifikimet e firmave të punonjësve të Bashkisë së Vorës.

Agim Kajmaku, arriti ti shpëtojë prangosjes së policisë, pasi u informua në kohë se ndaj tij kishte një masë arresti dhënë nga Gjykata e Tiranës. Ish-kreu i Bashkisë së Vorës, i ka shpëtuar të paktën 13 operacioneve policore, madje në disa raste, kanë nisur edhe verifikime për dekonspirim të aksioneve nga vetë uniformat blu, që dyshohet se kanë njoftuar Kajmakun.

Nga hetimet rezultoi se 48-vjeçari nuk kishte deklaruar në formularët e dekriminalizimit, se ishte në një proces gjyqësor në Greqi.

Prokuroria pohon se Kajmaku është nën hetim, edhe për ushtrim të funksioneve pas dhënies fund të detyrës, duke qenë se ka shkarkuar dy nënkryetarët e Bashkisë.

Shkarkimi i 2 nënkryetarëve të Bashkisë Vorë, erdhi pikërisht ditën kur Komisioni Qëndror i Zgjedhjeve, i ndërpreu mandatin pas akuzave, se kishte fshehur në formularin e Dekriminalizimit, dënimin në Greqi për falsifikim parash./abcnews.al

 

ina-zhupa.jpg
nev ila22:10 | 08/01/2020

Zëdhënësja e PD Ina Zhupa përmes në statusi në rrjetet sociale thotë se ndryshimi i ligjit për procedurat e birësimit është bërë për ti siguruar vendin si kryetare e komitetit të birësimeve gruas së nënkryetarit të bashkisë së Tiranës Andi Seferi,  Denada Seferit.

Ky ligj sipas ZHupës ka nevojë për rregullime thelbësore siç mund të jetë rishikimi i moshës së atyre që birësojnë që në ligjin aktual nuk ka limit apo siç mund të jetë dhe rishikimi i birësimit nga shtetasit e huaj.

Zhupa më tej thekson se ndryshimet ligjore në këtë ligj nuk ka të bëjë me interesin e fëmijëve por me sigurimin e një vendi pune të Denada Seferit pas skandalit të publikuar nga një emision investigativ.

Ja çfarë shkruan Ina Zhupa:  

“Ndryshimi i ligjit për procedurat e birësimit, zëdhënësja e PD, Ina Zhupa: U bë për ti qepur pozicion të ri pune për gruan e nënkryetarit të bashkisë, përgjegjëse për skandalin te Zyber Hallulli!

A u ndryshua ligji “ Për procedurat e biresimit dhe komitetin shqiptar te biresimit per ti qepur nje pozicion te ri gruas se nenkryetarit te Veliajt? A eshte bere gati Denada Seferi (bashkeshorte e Andi Seferit) per kryetare te komitetit, per tu larguar si drejtoreshe Programeve të Zhvillimit për Shëndetësinë dhe Mbrojtjen Sociale pas skandalit me “Zyber Hallullin” transmetuar nga Fiks Fare?

Me 9 Tetor 2019 jane miratuar ndryshimet për ligjin Nr.9695, datë 19.3.2007 “PËR PROCEDURAT E BIRËSIMIT DHE KOMITETIN SHQIPTAR TË BIRËSIMIT”  pas propozimit qe kishte bere Ministria e Drejtesise.

I vetmi ndryshim qe i eshte bere ligjit eshte konkretisht neni 10 i cili percakton kriteret qe duhet te plotesoj drejtuesi i ketij komiteti per tu emëruar, dhe ketu kane shtruar  “Diplome shkenca humance”.

Ky ndryshim eshte propozuar nga Ministria e Drejtesise, nderkohe kompetence qe te propozoj legjislacion sipas nenit 9 për përmirësimin e legjislacionit në fushën e birësimit, në interes të fëmijës e ka Keshilli Drejtues i Komitetit.

Ne kete rast propozimi ska lidhje me femijet por eshte ne interes te drejtuesve qe do te emerohen qe mesa duket mund ti kene paracaktuar dhe po ju qepin vendin me ndryshime ligjore!

Ne nje kohe kur ceshtje qe duhet te rregullohet ligji jane te shumta, si psh mosha e atyre qe biresojne e cila ska limit, si psh rregullimet per shtetasit e huaj qe biresojne ketu si rezident sa i kontrollon shteti me pas? Sa te sigurt jane?

E shume ceshtje madhore qe lidhen me sigurine e femijeve nuk perfshihen, por behet nje ndryshim pa pyetur keshillin drejtues, pa konsulte te gjere ne komisionin e ligjeve dhe vetem per emrin qe duan te caktojne ne krye.

A do jete valle Denada Seferi kryetarja qe kane paracaktuar, duke pasur parasysh edhe lidhjet e saj nga bashkeshortit me fushen e biresimeve? Ngelet per tu pare!

Nje gje eshte e sigurt qe ngjarja e rëndë e transmetuar në emisionin “Fiks Fare” provoi gjëndjen e rëndë ku ndodhen institucionet e trajtimit social të fëmijeve përkatësisht shtepia e fëmijes “Zyber Hallulli” dhe degradimi i institucioneve shtetërore sic është Drejtoria e Programeve të Zhvillimit për Shëndetësinë dhe Mbrojtjen Sociale në Ministrinë e Shëndetësisë  e drejtuar nga Denada Seferi që ka kompetence keto politika per rehabilitimin e fëmijeve.

Do ishte e paimagjinueshme nese mendohet per nje riciklim te saj ne nje fushe tjeter qe ka te beje me sigurine edhe mbrojtjen e femijeve jetime!”./abcnews.al

 

 

 

astrit-patozi.jpg
nev ila21:03 | 07/01/2020

Astrit Patozi në një postim në rrejtet sociale ka komentuar diskutimet e vazhdueshme në lidhje me ndryshimin e sistemit zgjedhor.

Sipas Patozit nuk është për tu cuditur fakti që të gjithë aktorët politikë u kujtuan pas zgjedhjeve të 30 qershorit për ndrysjhimin e sistemit.

Kjo bëhet sipas tij për ti paraprirë shpalljes së platformës për reformën zgjedhore nga PD dhe për të mos ja lënë lulzim Bashës të gjithë ngarkesën e një akti të qartë kundër interesit publik.

Ja çfarë shkruan Patozi:

“PSE NUK DUHET TË MËRZITEMI NGA DALJA NË SHESH E MBROJTËSVE TË SISTEMIT?

Po shoh se po përjetohet me shumë zemërim dhe revoltë shfaqja e pjesës kryesore të politikës zyrtare si mbrojtëse e sistemit tonë të kalbur politik. Ndërsa unë, nuk jam, as i çuditur dhe, as i zemëruar, sepse e kam thënë dhe e kam pritur prej kohësh që pikërisht këtu do të mbërrinim.
Arsyeja se përse pritën deri sot dhe pastaj shpërthyen të gjithë njëherësh si fishekzjarre me telekomandë, nuk ka të bëjë me ndonjë mëdyshje, e aq më pak me ndonjë debat midis tyre gjatë kësaj letargjie politike, që nisi menjëherë pas zgjedhjeve të 30 qershorit.
Thjesht e bëjnë tani për t’i paraprirë shpalljes së të ashtuquajturës platformë për reformën zgjedhore nga Partia Demokratike, për të mos ia lënë Lulzim Bashës të gjithë ngarkesën e këtij akti tè qartë dhe të pastër kundër interesit publik. Ndaj janë duke u shtyrë me njëri-tjetrin kush ta mbrojë më shumë statuskuonë, prej së cilës deri tani kanë mbërritur në rekorde të pabesueshme përfaqësimi. Anjë deputet dhe asnjë këshilltar bashkie në gjithë Shqipërinë.
Është dita që i bashkon në një unitet të admirueshëm me të gjithë të ngjashmit e vet, pavarësisht se ata të tjeret i përkasin mazhorancës së krimit dhe të korrupsionit. Ndaj mos prisni asnjë koment, e jo më reagim, nga përfaqësuesit e qeverisë së bandave dhe të drogës kundër tyre. Sepse sot ata janë plotësisht dakord. Sot ata janë një.
Por megjithë këtë solidaritet të madh mes të fortëve, sot nuk është dita për t’u qarë e ankuar, e aq më pak, për të rënë në dëshpërimin që “ky vend nuk bëhet”. Kush ka menduar se ndryshimi do të vinte lehtësisht në Shqipëri, nuk ka kuptuar asgjë nga kjo histori. Dhe, jo rastësisht, optimistët për rrëzimin e shpejtë të kryetarokracisë përkojnë me entuziastët romantikë, që shpresojnë në një mrekulli të menjëhershme prej reformës së drejtësisë. Si ëndërrimtarë nuk janë keq, por në këtë rast ajo që ka vlerë është sensi i realizmit.
Ndryshimi i sistemit politik, jo si qëllim në vetvete, por si instrumenti më i përshtatshëm për të sjellë ndryshimin, duhet të kthehet në një kauzë të fortë për të gjithë ata që e besojnë atë. Sot i kemi të identifikuar kundërshtarët, të cilët nuk po fshihen më pas heshtjes së tyre dhe as nuk po bëjnë më sikur po mendohen. Janë të njëjtët, në fakt, po ata që kanë qenë edhe para nisjes së këtij debati. Natyrisht, që janë të mëdhenj edhe të fuqishëm, por nuk janë të pathyeshëm.
Ajo është një kauzë e madhe, sepse përkrahet nga një masë dërrmuese shqiptarësh të papërfaqësuar, të cilët e duan dëshpërimisht ndryshimin në këtë vend. Dhe si e tillë ajo është e mjaftueshme për të mbledhur rreth vetes të gjithë ata, që nuk pajtohen me këtë sistem të degraduar politik, që ka prodhuar përbindësha dhe mënxyra për Shqipërinë, në këto 30 vjet.
Që do të thotë se ky është një motiv shumë më i fortë për të bashkuar të gjithë të ndryshmit e këtij vendi, se sa ai që ka bërë bashkë me njëri-tjetrin në një aleancë djallëzore armiqtë-vëllezër, që për çështje të tjera janë gati t’i nxjerrin sytë njëri-tjetrit. Le të shërbejë qëndrimi ndaj sistemit si një vatër thithëse për të gjithë ata që nuk e pranojnë regjimin e kryetarokracisë dhe që kanë vendosur të luftojnë apo të bëjnë përpjekejn e tyre për këtë kauzë. Natyrisht, që kjo nuk mund të jetë një aleancë qelbësirash, sepse edhe po mblidhej e ta kishte të sigurt fitoren, ajo nuk do t’ia vlente hiç.
Ndaj edhe sot nuk është ndonjë ditë e trishtueshme për ata që e duan realisht ndryshimin. Veçse ata duhet ta marrin sa më shpejt vendimin për t’iu përkushtuar një beteje të gjatë dhe të vështirë. E cila, sipas të gjitha shenjave dhe gjasave, do të luhet në fushën e kundërshtarit, pra me rregullat e pandryshuara të statuskosë, me ndonjë arnim të vogël dhe të ngjyrosur me rekomandimet e OSBE-ODIHR-it.
Ndryshe, nuk kanë pse lodhen kot të bëjnë sikur po merren me këtë punë. Sepse kam dëgjuar edhe prej tyre dikë që thotë se, po nuk u ndryshua sistemi, nuk ia vlen fare barra qiranë. Sepse i bie, ose të jenë naivë fare, që kanë shpresuar tek lënia e fushës pa asnjë rezistencë nga balozët e vjetër të politikës, ose e kanë pasur që në fillim me hile për t’u dukur interesantë, duke ndjekur një çështje me ndjeshmëri të fortë publike”./abcnews.al

VAR.jpg
Igli Nikolli13:58 | 03/01/2020

Teknologjia VAR po krijon polemika të mëdha, sidomos në rastet e dyshimta të pozicionit jashtë loje. Bordi i Shoqatës së Futbollit Ndërkombëtar (IFAB) është gati të modifikojë diçka në teknologji.

La Repubblica raporton se ndryshimi në rastet e pozicioneve të dyshimta do të ndodhë duke filluar nga ndeshjet çerekfinale në Champions League, ndërsa në kampionat kryesore do të aplikohet në sezonin e ri. Në rastet kur diferenca mes mbrojtësit dhe sulmuesit është milimetrike dhe për arbitrin anësor është pozicion i rregullt, VAR-i nuk do të ndërhyjë.

Mjafton edhe një mm avancim që të cilësohet si offside, por nëse arbitri anësor ka vendosur të mos ngrejë flamurin dhe teknologjisë i duhen 12 kamera për ta dalluar saktësisht, do të thotë që gabimi nuk ka qenë kaq i dukshëm“, thekson sekretari i përgjithshëm i IFAB, Lukas Brud. /abcnews.al

gjermanet-1280x835.jpg
ad min14:01 | 25/10/2019

Këtë fundjavë do të jetë dhe ndryshimi i fundit i detyruar i orës ligjore, të paktën për vendet e Bashkimit Europian. Vitin e ardhshëm secili vend anëtar do të vendosë vetë nëse do të ndryshojë orën ose jo. Pra mbrëmjen mes të shtunës dhe të dielës, në orën 3 të mëngjesit përgatituni të shkoni një orë prapa.

Nuk mund të bëjmë dot asgjë: rikthimi në orën diellore është shenja që dimri ka hyrë. Akrepat e orës do të kthehen prapa në orën 3 të natës mes të shtunës 26 dhe të dielës 27 Tetor. Do të fitojmë një orë më shumë gjumë, por do të errësohet më shpejt.

Ky ndryshim nuk do të jetë pa pasoja për organizmin tonë dhe mund të shkaktojë disa shqetësime. Dhe ata që e vuajnë më shumë këtë ndryshim, kanë mbetur të kënaqur me faktin se Parlamenti Europian në muajin mars votoi për anulimin e ndryshimit të orës. Ora diellore do të qëndrojë në fuqi deri në 29 mars 2020, dhe gjatë vitit çdo gjë do të varet nga vendimi i secilit shtet anëtar.

Sipas asaj që është vendosur nga Parlamenti Europian, vendet që vendosin të mbajnë orën ligjore duhet të rregullojnë orët për herë të fundit të dielën e fundit të marsit në vitin 2021, ndërsa ata që preferojnë të mbajnë orën diellore duhet të spostojnë orët për herë të fundit të dielën e fundit të Tetorit 2021.

Edhe pse zhvendosja e akrepave bëhet vetëm për një orë, dhe përbën një ndryshim minimal, fiziku i njerëzve do disa ditë kohë për tu përshtatur, mesatarisht një javë. Simptomat më të zakonshme të shkaktuara nga ndryshimi i orës janë lodhja, nervozizmi, humbja e përqendrimit dhe produktivitetit në punë, si dhe apatia. Por janë shqetësime që nuk kërkojnë përdorimin e mjekimeve./ABC News Albania

rudina-hajdari-kuvendi-1280x611.jpg
nev ila13:15 | 24/10/2019

Kryetarja e grupit Demokrat Rudina Hajdari u shpreh pas përfundimit të mbledhjes së komisionit të reformës zgjedhore se anëtarët e opozitës së re kanë vendosur kusht që të mos pranojnë të miratojnë asnjë draft për asnjë çështje, as në parim nëse proçesi nuk ecën paralel me propozimet për ndryshimin e sistemit zgjedhor.

Sot diskutuam dy gjëra, konstituuam grupet e punës. Në këtë mbledhje ishin të pranishëm edhe ekspertët. Dua të theksoj se ky draft është paraprak dhe ishte për të na prezantuar ne, cfarë rekomandojnë ekspertët për rekomandimet e OSBE-së, ishin të pjesshme, do të kemi edhe një draft tjetër që do të merret me pjesën tjetër, që është më shqetësues nga opozita parlamentare ku ka theksuar se depolitizimi i administratës zgjedhore është kryesor. Ky draft prek disa gjëra sipërfaqësore, nxit barazinë gjinore, merret me financimin e fushatave, fondet e buxhetit për partitë dhe vakancat në listat zgjedhore. Këtu nuk prekin cështjen parimore të opozitës, që është adresimi apo marrëveshja e 2008. Ne synojmë të dobësojmë rolin e kryetarëve të partive, ne jemi për një sistem proporcional kombëtar me lista të hapura, por presim edhe sugjerime. Ne jemi pro një reformimi zgjedhor” tha Hajdari./abcnews.al

arta-dadee-1.jpg
ad min22:18 | 09/10/2019

Ish-ministrja e Jashtme dhe ish-deputetja e Partisë Socialiste, Arta Dade, ishte e ftuar këtë të mërkurë në ABC Neës. Gjatë një interviste që zhvilloi me gazetaren Mirela Milori, ajo theksoi se është dakord me idenë që opozita kërkon ndryshimin e sistemit zgjedhor në vend.

“Sot kam dëgjuar që është artikuluar ideja që të ndërrohet sistemi zgjedhor. Nëse opozita ngulmon tek kjo unë do të isha dakord sepse një numër gjërash të padëshirueshme kanë rezultuar edhe si shkak i ndryshimit të sistemit në 2008-n dhe i pazareve dhe ujdive të pathemelta në 2008-n”, tha Dade.

Arta Dade komentoi edhe çdekretimin e zgjedhjeve të 30 Qershorit. Sipas saj, Presidenti mund të jetë nisur me idenë që partitë politike të kishin kohë për të zhbllokuar situatën e rëndë ku ndodhej vendi.

“Unë nuk jam në gjendje sepse e dini që nuk jam juriste, por në kushtet e situatës që po degradonte, ndoshta u nis nga predispozicioni pozitiv që tu jepte një shans partive të kishin kohë që ta zhbllokonin. Nëse kjo do të ndodhte do të ishte edhe në të mirë të marrjes së një vendim pozitiv tani”, tha Dade.

Përsa i përket zgjedhjeve në Kosovë ish-ministrja tha se, “Beson se Kosova jo vetëm për zgjedhjet, por edhe në mjaft elemente të tjera të funksionimit të jetës politike na jep leksione ne. Tentojnë të mos bëjnë gjëra për show. Zgjedhjet, besoj që nuk është hera e parë që Kosova zhvillon zgjedhje konform standardeve. Kjo është element që i bën nder edhe klasës politike. Zgjedjet në shqipëri gjithmonë prishen nga ndërhyrjet e politikës. Vetë fakti që KQZ është i bërë nga përfaqësues politik, tregon që partitë ushtrojnë trysni edhe tek elementet ligjore që duhet të konsiderohen kur është fjala për zgjedhje. Atje po të shikosh dhe parlamentin bëjnë kujdes që të mos lëndojnë në nivelin personal kolegun e tyre. Ata në shumë elemente kanë një lloj fisnikërie që duhet të jetë element kryeson për një politikan”./abcnews.al

rudina-hajdarii.jpg
ad min21:09 | 18/09/2019

Ndryshimi i sistemit zgjedhor është një nga kushtet e opozitës parlamentare. Kështu u shpreh këtë të mërkurë deputetja Rudina Hajdari, e cila tha se pas një jave do të hapet një diskutim nëse është e nevojshme që të ndërhyjmë në sistem.

Hajdari tha se do të preferonte një sistem me lista të hapura. Megjithatë ajo u shpreh gjithastu se do ishte dakord edhe për një sistem proporcional, por me lista të hapura.

Rudina Hajdari: Ne do ndjekim hap pas hapi kalendarin që kemi propozuar dhe siç e keni dëgjuar mirë ndoshta nuk ishte në pëlqimin e mazhorancës një tryezë që diskuton sistemin. Do hapet një diskutim nëse është e nevojshme që të ndërhyjmë në sistem. Mazhoranca dhe opozita jashtë parlamentit mund të jenë skeptike dhe kuptohet qartë se pse sepse duhet ta kenë çdo gjë në dorën e tyre.

Mirela Milori: Ju jeni për ndryshim sistemi?

Rudina Hajdari: Patjetër, është një nga kushtet tona.

Mirela Milori: Do t’i qëndroni kësaj kërkese deri në fund se do fillojnë presionet nga të mëdhenjtë. Do t’i qëndroni kësaj, do të firmosni ndonjë draft që nuk e ndryshon sistemin zgjedhor?

Rudina Hajdari: Ne do këmbëngulim deri në fund.

Mirela Milori: Keni gjysmën e firmave, nuk kemi pse tuteni.

Rudina Hajdari: Ky lloj komenti duhet t’i bëhet mazhorancës. Ata nuk duhet të kenë frikë nga ndryshimi i sistemit. Nëse duan që të ketë një sistem më përfaqësues ndaj qytetarëve, që të kenë një cilësi më të mirë të deputetëve, të kryetarëve të bashkive, të kemi një Kod Zgjedhor më të fortë përsa i përket pastrimit të figurave. Ka shumë hapësira për ndryshim. Mund të shkojmë drejt një sistemi që është më i denjë për përfaqësimin e popullit shqiptar.

Mirela Milori: Sistemin me lista të mbyllura e mbështesni apo jo?

Rudina Hajdari: Personalisht preferoj listat e hapura. Do preferoja nëse do kishim një sistem miks ose proporcional, por me lista të hapura. Kjo nuk varet vetëm nga Rudina, kjo varet nga shumë faktorë dhe do shikojmë se cili është sistemi më i gjithëpranuar nga të gjithë.

Rudina Hajdari drejton Komisionin e Posaçëm për Reformën Zgjedhore sëbashku me Damian Gjiknurin./abcnews.al

aleatet-1280x715.jpg
ad min14:40 | 31/05/2019

Pesë krerët e partive aleate të demokratëve kane zhvilluar një takim me mbështetësit e tyre në qytetin e Shkodrës, nga ku kanë përsëritur thirrjen drejtuar qytetarëve për t’iu bashkuar në protestën e radhës më 2 Qershor.

Takimi e radhës për të diskutuar për zgjedhje të lira e të ndershme, grupimi i qendrës së djathtë, aleatët e Lulzim Bashës në opozitë, e zhvilluan në Shkodër.

Duka: “Kryeministri, ata që janë në Parlament sot, i anatemon, i quan zëvendësues të Partisë Demokratike”.

Mediu: “Problemi i dytë i madh që kemi ne janë liritë politike, në momentin kur qytetarët nuk janë të lirë për të votuar, për të përcaktuar me votën e tyre se kush është e ardhmja e fëmijëve të tyre, e familjeve të tyre, e Shkodrës dhe mbarë Shqipërisë, atëherë ne nuk kemi bërë as më shumë e as më pak, por jemi kthyer në një lloj sistemi autoritar, të ngjashëm me diktaturën, ku vendoset çdo gjë nga një grup njerëzish politik. Prandaj, kemi propozuar një sistem proporcional, kombëtar apo rajonal, me lista të hapura”.

Sipas tyre, mos konsiderimi i protestave që vijojnë prej muajit shkurt, duhet ti japë më shumë vullnet qytetarëve për qëndresë.

Ndoka: “Mijëra qytetarëve që kanë protestuar në Tiranë. Askush nuk është sprapsur, ka pasur rritje të qytetarëve që e kuptojnë se ky është mesazhi më i fort që i jepet politikës shqiptare në tërësi, dhe ju bëj thirrje që në 2 qershor të jemi të gjithë së-bashku, për të protestuar, për të sensibilizuar”.

Shehi: “Ne po rezistojmë për gjënë që është më esenciale që kemi fituar këto 27-28 vjet, lirinë për të zgjedhur. Po e humbëm edhe këtë, këtu demokracia mbetet një fjalë boshe pastaj, dhe kthehemi atje ku kemi qenë”.

Dule: “Ju si shkodranë keni qenë përherë në krye të betejave demokratike. Më 30 Qershor zgjedhje nuk duhet, nuk mund dhe nuk do të ketë”.

Krerët e partive aleate të demokratëve përsëritën thirrje për bashkim në protestën e radhës së opozitës, paracaktuar për pasditen e së dielës./ABC News Albania 24/7

DENAJ-PER-NGRITJEN-E-TAKSAVE.mpg_snapshot_00.28-1280x720.jpg
ent ela18:48 | 17/04/2019

Sistemi i taksave në Shqipëri do të ndryshojë një herë në 3 vjet. Ministrja e Financave, Anila Denaj tha se ku vendim vjen pas konsultimeve të qeverisë shqiptare me Fondin Monetar Ndërkombëtar.

Qeveria do të ngrijë ndryshimet në ligjet fiskale për një periudhë 3-vjeçare në mënyrë që të krijojë stabiltetet të nismave që janë marrë. Ministrja e Financave Anila Denaj tha se gjatë takimeve në Ëashington vetë Fondi Monetar Ndërkombëtar dhe Banka Botërore ka kërkuar një qëndrueshmëri të sistemit tatimor, i cili do të përmirësonte ndjeshëm edhe klimën e të bërit biznes në Shqipëri.

 “Çdo vijueshmëri do të jetë për projekt afatmesëm, 3-vjeçar deri në 5-vjeçar, pasi kjo krijon një qëndrueshmëri më të lartë”.

Por duke qënë se nisma ligjore ku nuk lejohet më dhënia me ofertave të pakërkuara e veprave në infrastrukturë, e miratuar në komisionet parlamentare, nuk është hedhur ende në seancë plenare për votim, Denaj tha:

 “Ne do ta kemi në fokus nga korriku i këtij viti, me aprovimin e ligjit të ri që do të jetë në Parlament shpresoj shumë shpejt, ku roli i ri i MFE për monitorimin e PPP-ve, do të jetë një rol më i shtuar dhe do të kërkojë të mitigojë risqet që mund të lidhen me efektet buxhetore.”

Ligji për heqjen e bonusit për ofertat e pakërkuara në infrastrukturë si dhe dhënien e tenderit kompanisë që bën ofertën më të ulët ekonomike dhe jo asaj që ka bërë studimin është miratuar në komisione një muaj përpara, ndërsa në dy seanca plenare është hequr nga miratimi edhe pse nisma është futur për diskutim në rendin e ditës. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono